495.
| auftonkt.
1) .9+7 (8+8)/10+7/8 .8+8/9+9/7 .9+8/9+8/7 .7/8/8/7 / 5+6
ritz ma a surreales musta auf mei blosse nockte haut, meine gedonkn schwian ziemlich dusta duachs leuchtend vawökte laub, rauch esoterisches heilkraut
mei bunt tätuwiata phönix fliagt auf meim ruckn duach die zeit, die dreidimensionale matrix hot si ausm totnkopf befreit, mutia zua besessnheit
hämma mia varostete nägl bis ins moak duachs zoat rosa fleisch, eahöh den niedrign läampegl duach mei hysterisches gekreisch, schmeck den soizign ongstschweiss
bin mit mia net im reinen, in mia heascht ständig wöngong, wü von innen wieda scheinen, do gschlossn is da voahong, schlof wie a vuikan, hob jetzt no goa kan plan.
b 1) .9/10/10/11 ..9/11/10/11 .6/9/7/9 / 4+6
denn monchmoi bleib i afoch liegn, vakriach mi in a depressives loch, muass meine vün ängste besiegn, do füa diese onstrengung bin i no vüz schwoch
hob ois negative aufghobm, konstruia um mi a massive wond, hob meine pflichtn imma vaschobm, in diesn krisn leist i kan widastond
muass mei identität no suachn, steck mi in ka soziale kategorie, mei söbstweatgefühl hot tiafe fuachn, spü mei zuagwiesne roin ois anomalie
bin net wie die ondan, stich aus da breitn masse heraus, wü net mitm strom wondan, proi imma gegn mei koatnhaus, lossts mi in ruah, loss meine augn zua.
ch 1a) .8/8/8/14 ...9/10/9/10
hob wieda tränen vagossn, gonz geheim mittn in da nocht, hob mei innastes eingschlossn, die vün klan details hom mei aufgstaute wut entfocht
hob wieda bluadstropfn vaschenkt, opfas gean füa mein eignen kult, da stechende schmeaz hot mi glenkt, hob mei nötiges pensum fadisiat hinuntagspult
hob wieda schreie ausgstossn, auf da lichtung im finstan woid, hob dieses echo genossn, hot si in meine deabm gehianwindungen festkroit
find mein rhythmus in da longsomkeit, reduzia mei tempo aufs minimum, negia den ziakus da schnölligkeit, füa mi gibts niemois a elysium.
2) .9+7 (8+8)/10+7/8 .8+8/9+9/7 .9+8/9+8/7 .7/8/8/7 /5+6
ritz ma a kompliziats musta auf mei sonnengebräunte haut, mei bewusstsein a zabrochna lusta hob scho ziemlich vü obbaut, hob vü sinnloses zommbraut
meine vaknüpftn stoihdrähte glänzn güldn auf meina stian, diese peafekt vawoxnen nähte woin mit meine hoa harmonisian, muass mein feind endlich blockian
stich ma mit longe spitze nodln mittn in mei neavngeflecht, mei ständig zoaniges brodln ziagt mit wütendem hoss ins gefecht, mei geschrei is mundgerecht
steh no mittn im nebl, hob niagendwo a kloare sicht, suach vazweiflt nochm hebl, do die woikn hoitn dicht, die zündschnua scho glüht, hob a kan schutzschüd.
b 2) .9/10/10/11 ..9/11/10/11 .6/9/7/9 / 4+6
denn monchmoi bleib i afoch im bett, vasteck mi im eignen chaossalat, voa meim kopf is imma des söbe brett, die säge scho long stumpf und desolat
hob stets des schädliche onzogn, earicht a hohe maua aus schweigsomkeit, hob nie des füa und wida obgwogn, hob mi imma bei den risikn eingreiht
muass mei wondlndes söbst woahnehmen, druck mi do in ka klischeehofte schublod, mei eigne ochtung wiad mi imma lähmen, bin wiaklich ka guada autopilot
bin ka groda streifn, jede kreizung is seah kuavnreich, huach scho goa net aufs pfeifn, foi stets in den austrocknetn teich, lossts mi allan, woa zu eich eh human.
d 1) .11/11/8/11 ..9/11/9/11 ..6/6+8/6/6+8 (7+7)
praktizia mei eigne chaostheorie, steh bis zum hois in diesa lebmsphobie, blick nua voasichtig üban rond, üba mia is wossa unta mia treibsond
eazeug iatümlich an dominoeffekt, bin des ungeziefa im lebmsprojekt, lug gonz voasichtig aus da tüa, links von mia is feia rechts is a geschwüa
flücht in mein oiptraumhoftn kokon, flücht mi in a gänzlich eastoate peason, da kreislauf beginnt wieda von voan, übahea des monotone signalhoan
nimm von diesm istzuastond reissaus, meine alibis klingen scho ziemlich kraus, jede sequenz is repetitiv, mei gonzes wesn woa nie hypaaktiv
muass mi wieda sommln, so vü unkloaheitn liegn hia no offn herum, des sonore trommln, deaf mi gean begleitn bis zu meim sanatorium
muass jetzt länga vaweiln, so vü widasprüche ghean jetzt dringend ausdiskutiat, lies a zwischn den zeiln, hob mi mit den instanzn voikommen kooadiniat.
ch 1b) . 8/8/8/14 ...9/10/9/10
scho wieda san tränen gflossn, vaboagn in da finstanis, mei innastes bleibt vaschlossn, da untadrückte kumma züchtet den zoan im valies
scho wieda spend i gean mei bluad, peafektionia mei ritual, die leichte foita tuat ma guad, füa mi is diesa transfoamationsprozess gonz noamal
scho wieda is mei schrei zu laut, in diesm unberüahtn toi, die nebmwiakung is auftaut, übaschwemmt meine neavn mit an komprimiatn schwoi
find konstanz in da passivität, entschleunig mei sprühendes temprament, ignoria jede aktivität, bin füa ondre niemois meah transparent.
ch 2a) .6/6/6/6 / 6/7 ...10/9/9/8
wea eich nix varotn, eazöh eich net mei gschicht, lös a kane knotn, bin im ungleichgewicht, steh zu meina peason, bin mit mia no gonz synchron
wea mi net entfoitn, eazöh eich kan roman, bin zwoa zwiegespoitn, bin mei eigna kumpan, hob mi scho akzeptiat, hob mi nei konfiguriat
wea eich nix doalegn, eazöh eich ka zuagob, gib eich gean mein segn, moch nua an zwischnstopp, nimm mi jetzt söbst füa voi, bleib ma afoch imma treu
vielleicht gelong i amoi on den punkt, wo i mi donn afoch foin loss, hob donn vüz tiaf ins lebm eintunkt, valia mein anzign komposs.
3) .9+7 (8+8)/10+7/8 .8+8/9+9/7 .9+8/9+8/7 .7/8/8/7 /5+6
ritz ma a rot woanendes musta auf mei schlecht vaheilte haut, mei mentalität wiakt varusta ois vabronnte asche und staub, hob oft om ideal rumkaut
meine vaschraubtn eisnplottn hot mein knochn dekoriat, üba mia da groteske schottn hot si ohne zfrogn einquartiat, hot mi tückisch infiltriat
press ma meine eignen brondzeichn mit wüade grinsend auf mei fö, reiss ma die dickn klebestreifn glei wieda von da söbm stö, woa scho imma a rebö
in mia san so vü fleckn, in mia heascht stets a tuabulenz, muass stets meine zähne bleckn, obglaufn is mei lizenz, hob hia a mission, brauch meah konzentration.
b 3) .9/10/10/11 ..9/11/10/11 .6/9/7/9 / 4+6
denn monchmoi bleib i no in meim traum, vabeag mei panische mutlosigkeit, übawind net den hohn schoafn zaun, hob mi no net ind realität eingreiht
hob nua katastrophn entzundn, hob an hohn woi kreisföamig auftüamt, hob mi no nie on etwos festbundn, mei unentschlossnheit hot mi glei eazüant
muass east mei woahre bestimmung spüan, stopfts mi do in ka enges einseitigs foch, mei ochtung muass den respekt east vaschnüan, lieg iagendwie gfesslt im eiskoidn boch
bin scho goa ka mossstob, mei skala woa hia no nie geeicht, woa niemois a philanthrop, denn mei struktua woa unausgereift, schleichts eich von hia, is a privats revia.
d 2) .11/11/8/11 ..9/11/9/11 ..6/6+8/6/6+8 (7+7)
betreib mei eigne chaoszeremonie, tauch mittn duach diese lebmsamnesie, lins voasichtig duachs fenstaglos, unta mia is lava üba mi is gros
bewiak föschlich an mechanischn reflex, bin schuidig bei meim übalebmskomplex, späh gonz voasichtig duachs ostloch, links is ois vagiftet rechts is a sprengstoff
flücht in mei widasprüchliches nest, flücht mi in mein eignen vaschäaftn arrest, diesa obschnitt hot si wiedahoit, die krächzende sirene is leis vahoit
entwisch diesa kronkn gegnwoat, meine ausredn hom scho jedn genoat, jeda zyklus is nua trivial, ois individuum bin i gonz noamal
muass mi jetzt zommreissn, so vü nogende zweifl schwian hia übaroi umhea, dieses grelle gleissn, föadat mein speichlfluss ois missvastondna visionäa
muass meah zeit investian, so vü antithesn homs ma jetzt scho entgegngsetzt, häng woate auf an zwian, mitm hexnbesn hob i jede onstoit vanetzt.
e 1) .5+6/6+8/9/6 ..7/7/6/6 / 7/7 ..8/10/8/8/6
hob die prüfungsfuacht mit feigheit kompensiat, hob mei lebmsnotduaft auf a mindestmass limitiat, des schnölle aufgebm hot mi glockt, hob ma ois söbst einbrockt
duachs heazklopfn zittat mei keapa extrem, da pappige pfropfn hoit dicht wie festgstompfta lehm, des loslossn hot mi scho längst greizt, hob ma nie söbst eingheizt
bin des wuchande unkraut, ghea do rausgrissn ausgrupft, stö mi blind stumm und taub, hob mei ego ontupft, hob diese farce scho so sott, bin innalich scho bankrott
bin hia afoch nua nutzlos, eafüll net amoi an zweck, woat auf den gnadnstoss, in meim vawunschnem eck, ziag afoch den küazren hoim, inhalia den schwean quoim
setz die spitzn vom ziakl on, die linie hot kan onfong ka end, diesa stift eazeugt kan foabton, hot si wieda vüz weit rausglehnt, woa nie a dirigent.
ch 1c) . 8/8/8/14 ...9/10/9/10
no imma strömen die tränen, unauffällig im moagngraun, im innan san nua moränen, diese oblogarungen bringen mein groll zum auftaun
hob no imma mei bluad vasprüht, pfleg weitahin mei tradition, bin bei da peinigung aufblüht, hob füa die übrign konzepte goa ka ambition
no imma eatönt mei geschrei, in diesa idyllischn bucht, die auskunft woa nua litanei, im vakuum büdn die synapsn afoch ka frucht
find mei metronom in da trägheit, hob jetzt scho einige gänge zruckgschoit, distonzia mi voa da fleissoabeit, füa mi existiat nua no diese gstoit.
ch 2b) .6/6/6/6 / 6/7 ...10/9/9/8
wea eich goa nix zeign, eazöh eich kan bericht, vaschmutzt bleibt die scheibm, hob die insl umschifft, bleib stets auf meina bahn, bin ma söba untatan
wea mi net eafindn, eazöh eich kan schachzug, konn mi net entrindn, hoiblea is do mei krug, hob jetzt mei sein bejaht, bin a kühna akrobat
wea eich nix obliefan, eazöh kan epilog, wea eich nix entziffan, schau a duachs mikroskop, bin net des ideal, vauasoch oft an skandal
vielleicht eareich i amoi diesn kean, wo i afoch ois gonz schnö vagiss, doat könnt i donn des lebm entzean, mit an tauglichn kompromiss.
ch 3a) .12/7/9/9 ...10/9/8/9
hob meine eignen raffiniatn methodn, do die wü kana vastehn, unta diesm doppltn bodn, ealean i des siasse müssiggehn
hob mei eigne bestechend vaquere logik, do die hot kana kapiat, bei meina vaschobnen tektonik, bin i pausnlos weitamaschiat
hob meine eignen voagegebnen schablonen, do die hom niemondn passt, nua in meinen neutralen zonen, hob i mei vüz kuaze zeit vaprasst
setz jetzt volla elan mein hobl on, woat no aufm richtign moment, vatreib des flüstande phantom, diese späne san mei fundament.
4) .9+7 (8+8)/10+7/8 .8+8/9+9/7 .9+8/9+8/7 .7/8/8/7 /5+6
ritz ma a ätherisches musta auf mei scho ungsunde haut, mei schmeazgrenzn wiad imma robusta bei diesm entflommtn raub, mei obaflächn is aufgraut
meine spezielln implantate hom mi stoak modifiziat, die eastaunlichn resultate wean von mia bestimmt nie publiziat, bin no long net komplettiat
des reine measoiz in den wundn föadat mei kreativität, hobs nie ois vastümmlung empfundn meah ois künstlarische qualität, hob gnua elastizität
fisch no imma im trübm, hob mei zukunft no net im griff, die traurigkeit kummt in schübm, segl auf an leckn schiff, streichl mei skalpell, is füa mi essentiell.
b 4) .9/10/10/11 ..9/11/10/11 .6/9/7/9 / 4+6
denn monchmoi bleib i in meina wöd, jeda gringste impuis is glei vaebbt, woa no nie a kühna und topfra höd, hob mi duach mei ondauande flaute gschleppt
bin nua in schwierigkeitn gschwommen, ziag an pompösn grobm um mei heim, bin diesn strofn no nie entkommen, bin einklemmt zwischn hakn und zachm leim
muass mei eignständigkeit bewoahn, zwängts mi auf ka afäabigs miniatuabild, hob mei söbstbeheaschung scho valoan, da alarm hot wieda pausnlos geschrillt
bin stets des gegnteil, mei gesomtes wiakn is vakeaht, eawisch nie des rettungsseil, hob imma des guade end ausgleat, dompfts endlich ob, zabrich den wondastob.
d 3) .11/11/8/11 ..9/11/9/11 ..6/6+8/6/6+8 (7+7)
applizia mei eigne chaosalleagie, völlig ungenutzt mei lebmssyneagie, schiel voasichtig üban voasprung, üba mia da sumpf unta mia die losung
provozia konsequent an wüdn tumult, bin die schleuda bei meim lebmskatapult, luchs voasichtig ausm gestrüpp, links is des infeano rechts is ois vabrüht
flücht in mein untaiadischn bau, flücht mi zu ana unduachdringlichn au, diesa valauf wiad ständig geklont, ois oaganismus wiad ma niemois vaschont
entfean mi aus da aktualität, meine notlügn woan no nie adrett, bei jedm tuanus wiad ma obgspeist, des typische symptom hot d‘mine vaeist
muass mi zentralisian, so vü spekulationen treibm rastlos duach die luft, entfoit jetzt den foischiam, die vaschiednen veasionen wean imma weita obgstuft
muass den tog vaweatn, so vü dumme meinungen wuadn afoch so vatauscht, bin auf foischn fäahtn, diese eascheinungen hom mei philosophie belauscht.
e 2) .5+6/6+8/9/6 ..7/7/6/6 / 7/7 ..8/10/8/8/6
hobs lompmfieba mit feigheit dekoriat, hob den rechnschieba bis zum maximum foamatiat, hob mei resignation glei umoamt, kana hot si eaboamt
mei unbehogn hot mein keapa duachboaht, bin beim hoknschlogn im nägstn augnblick vahoat, hob mei kapitulation eingreicht, bin jedes moi obgschweift
bin wie des ungeziefa, ghea eliminiat ausgrott, hob füas lebm kan riecha, lieg bequem om schafott, is do ois nua heuchelei, diesa bluff a einheitsbrei
bin untauglich absolut, hob hia scho längst ausgedient, bin nua a attribut, oi mei onspoan zarinnt, hob die koatn schlecht gemischt, olle trümpfe san vawischt
setz die schneide da schere on, da schnitt hot kan onfong und a ka end, die schäafn woa a luftballon, hot si scho vom papia getrennt, woa nie seah kompetent.
f 1) .10/8/12/9 ..12/9/13/8 ..10/11/9/10
a müdigkeit is in mi übagströmt, hot oi meine muskln vawöhnt, die easchöpfung mocht si in jeda fasa breit, suhl mi in schloffa zaschlognheit
a labilität hot si scho ausdehnt, hot si noch an wondl gesehnt, die mattigkeit hot si mit mia chronisch valinkt, völlig entfremdet is mei instinkt
die söbstvastümmlung is mei woahre religion, eateil ma söbst die obsolution, diesa autoaggressive akt is mei ruin, da tobt nua mei adrenalin
die söbstvaletzung is des mantra füa mei sö, sitz vaonkat aufm karussö, diese masochistischn allüan hom mi vasklavt, befind mi stets in einzlhaft
vabring mei lebm in ana spiroin, völlig ausm gleichgwicht san meine woogschoin, mei foaciats lebm hot niemois glück, jedesmoi föht wieda a grosses stück.
ch 1d) . 8/8/8/14 ...9/10/9/10
die tränen san no net vasiegt, sogoa scho om hölichtn tog, hob mi on meim innan ongschmiegt, die unausgsprochnen soagn hoitn nua an monolog
schröpf mi gean duach an adalass, vafoah stets noch meim protokoll, diese marta is mei kompass, eahöh die dopplte dosis in dem ausnahmefoi
meine schreie dröhnen im choa, on diesm obgelegnen see, da nochklong vasondet im oah, sekkiat des trommlfö mit ana gellendn armee
find mei präsenz in da lethargie, steig auf die oide bremsn gonz dezent, tauch ob in die echte amnesie, bin füa ondre nua a experiment.
ch 2c) .6/6/6/6 / 6/7 ...10/9/9/8
wea eich nix preisgebm, eazöh nix vom repoat, vabind kane strebm, hobs ticket füa a foaht, hoit meine zügl fest, bin mei vazweigtes geäst
wea mi net modellian, eazöh ka referat, wü mi net demaskian, bin a konglomerat, zoi meim ich scho tribut, in mia glimmt no long a glut
wea eich nix offnboan, eazöh eich goa kan schwua, wea weitahin aushoan, hintaloss a ka spua, bin net die grundsubstanz, in mia so vü diskrepanz
vielleicht gibts jo do a wiedagebuat, bei dea i an ondan weg einschlog, hob bei diesm lebm nua no gschnuat, hob donn die ontwoat auf die frog.
ch 3b) .12/7/9/9 ...10/9/8/9
hob mei voagehensweise mei eignes weakzeug, do die findn kan zuspruch, bei meim oftmalign misseafoig, hob i ka lust auf an neivasuch
hob mei eigne seah schräge rationalität, do die hot kana duachschaut, bei da inkompatibiliät, hob i hia niemondn meah vatraut
hob mei eignes geometrisch grobes rasta, do des hot nua ois zakrotzt, bei meim ongrichtetn desasta, san die luftblosn vüz schnö zaplotzt
mit voim schwung feil i wieda ois glott, do i hob diesn teamin vasäumt, setz diese kreatua schachmott, hob die basis mit puiva einzäunt.
ch 4a) .5+9 (6+8)/5+8 (6+7)/8 ..10/8/11/6 ..8/10/9/8
treib auf meina wön imma näha zum jähn obgrund, eakenn von den höhn unta mi den gähnendn schlund, unlesalich is da befund
steua ständig mein kuas duach dauaregn donna blitz, hob wegn des aufruahs des lebm net in besitz, hob a vatrauliche notiz
öffne jetzt jungfräulich meine noabm, hob no soiz und pfeffer reingstreut, die chilischote leucht in oin foabm, hob mi damit bemoit
vaeinig die schrommen mit an fadn, hob mei gonze weisheit zitiat, des rätsl vaweilt auf vaschlungnen pfadn, hot mi paralysiat
bin dem lebm net gewochsn, hob jedn vasuach nua amoi geprobt, stö no die weichn da hauptochsn, hob die letzte bruckn gekoppt
bin von den föhlan geläutat, do a umwandlung hob i net ealongt, mi hots übaroi nua no gschleudat, mei eneagie woa nie auftonkt.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 02./03./08./11./12./13./15./16./23./28./30. juni // 02./03./04. juli 2021.pk. ~ überarbeitet am 21. november 2023.pk.
copyright by philipp kirschner.pk. ~ untermalt mit musik von abraham burton (ts), kenny garrett (as), perico sambeat (as), bruce williams (as).
***************************************************************************************************************** nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .9+7 (8+8)/10+7/8 .8+8/9+9/7 .9+8/9+8/7 .7/8/8/7 / 5+6
ritz ma a surreales musta auf mei blosse nockte haut, meine gedonkn schwian ziemlich dusta duachs leuchtend vawökte laub, rauch esoterisches heilkraut
mei bunt tätuwiata phönix fliagt auf meim ruckn duach die zeit, die dreidimensionale matrix hot si ausm totnkopf befreit, mutia zua besessnheit
hämma mia varostete nägl bis ins moak duachs zoat rosa fleisch, eahöh den niedrign läampegl duach mei hysterisches gekreisch, schmeck den soizign ongstschweiss
bin mit mia net im reinen, in mia heascht ständig wöngong, wü von innen wieda scheinen, do gschlossn is da voahong, schlof wie a vuikan, hob jetzt no goa kan plan.
b 1) .9/10/10/11 ..9/11/10/11 .6/9/7/9 / 4+6
denn monchmoi bleib i afoch liegn, vakriach mi in a depressives loch, muass meine vün ängste besiegn, do füa diese onstrengung bin i no vüz schwoch
hob ois negative aufghobm, konstruia um mi a massive wond, hob meine pflichtn imma vaschobm, in diesn krisn leist i kan widastond
muass mei identität no suachn, steck mi in ka soziale kategorie, mei söbstweatgefühl hot tiafe fuachn, spü mei zuagwiesne roin ois anomalie
bin net wie die ondan, stich aus da breitn masse heraus, wü net mitm strom wondan, proi imma gegn mei koatnhaus, lossts mi in ruah, loss meine augn zua.
ch 1a) .8/8/8/14 ...9/10/9/10
hob wieda tränen vagossn, gonz geheim mittn in da nocht, hob mei innastes eingschlossn, die vün klan details hom mei aufgstaute wut entfocht
hob wieda bluadstropfn vaschenkt, opfas gean füa mein eignen kult, da stechende schmeaz hot mi glenkt, hob mei nötiges pensum fadisiat hinuntagspult
hob wieda schreie ausgstossn, auf da lichtung im finstan woid, hob dieses echo genossn, hot si in meine deabm gehianwindungen festkroit
find mein rhythmus in da longsomkeit, reduzia mei tempo aufs minimum, negia den ziakus da schnölligkeit, füa mi gibts niemois a elysium.
2) .9+7 (8+8)/10+7/8 .8+8/9+9/7 .9+8/9+8/7 .7/8/8/7 /5+6
ritz ma a kompliziats musta auf mei sonnengebräunte haut, mei bewusstsein a zabrochna lusta hob scho ziemlich vü obbaut, hob vü sinnloses zommbraut
meine vaknüpftn stoihdrähte glänzn güldn auf meina stian, diese peafekt vawoxnen nähte woin mit meine hoa harmonisian, muass mein feind endlich blockian
stich ma mit longe spitze nodln mittn in mei neavngeflecht, mei ständig zoaniges brodln ziagt mit wütendem hoss ins gefecht, mei geschrei is mundgerecht
steh no mittn im nebl, hob niagendwo a kloare sicht, suach vazweiflt nochm hebl, do die woikn hoitn dicht, die zündschnua scho glüht, hob a kan schutzschüd.
b 2) .9/10/10/11 ..9/11/10/11 .6/9/7/9 / 4+6
denn monchmoi bleib i afoch im bett, vasteck mi im eignen chaossalat, voa meim kopf is imma des söbe brett, die säge scho long stumpf und desolat
hob stets des schädliche onzogn, earicht a hohe maua aus schweigsomkeit, hob nie des füa und wida obgwogn, hob mi imma bei den risikn eingreiht
muass mei wondlndes söbst woahnehmen, druck mi do in ka klischeehofte schublod, mei eigne ochtung wiad mi imma lähmen, bin wiaklich ka guada autopilot
bin ka groda streifn, jede kreizung is seah kuavnreich, huach scho goa net aufs pfeifn, foi stets in den austrocknetn teich, lossts mi allan, woa zu eich eh human.
d 1) .11/11/8/11 ..9/11/9/11 ..6/6+8/6/6+8 (7+7)
praktizia mei eigne chaostheorie, steh bis zum hois in diesa lebmsphobie, blick nua voasichtig üban rond, üba mia is wossa unta mia treibsond
eazeug iatümlich an dominoeffekt, bin des ungeziefa im lebmsprojekt, lug gonz voasichtig aus da tüa, links von mia is feia rechts is a geschwüa
flücht in mein oiptraumhoftn kokon, flücht mi in a gänzlich eastoate peason, da kreislauf beginnt wieda von voan, übahea des monotone signalhoan
nimm von diesm istzuastond reissaus, meine alibis klingen scho ziemlich kraus, jede sequenz is repetitiv, mei gonzes wesn woa nie hypaaktiv
muass mi wieda sommln, so vü unkloaheitn liegn hia no offn herum, des sonore trommln, deaf mi gean begleitn bis zu meim sanatorium
muass jetzt länga vaweiln, so vü widasprüche ghean jetzt dringend ausdiskutiat, lies a zwischn den zeiln, hob mi mit den instanzn voikommen kooadiniat.
ch 1b) . 8/8/8/14 ...9/10/9/10
scho wieda san tränen gflossn, vaboagn in da finstanis, mei innastes bleibt vaschlossn, da untadrückte kumma züchtet den zoan im valies
scho wieda spend i gean mei bluad, peafektionia mei ritual, die leichte foita tuat ma guad, füa mi is diesa transfoamationsprozess gonz noamal
scho wieda is mei schrei zu laut, in diesm unberüahtn toi, die nebmwiakung is auftaut, übaschwemmt meine neavn mit an komprimiatn schwoi
find konstanz in da passivität, entschleunig mei sprühendes temprament, ignoria jede aktivität, bin füa ondre niemois meah transparent.
ch 2a) .6/6/6/6 / 6/7 ...10/9/9/8
wea eich nix varotn, eazöh eich net mei gschicht, lös a kane knotn, bin im ungleichgewicht, steh zu meina peason, bin mit mia no gonz synchron
wea mi net entfoitn, eazöh eich kan roman, bin zwoa zwiegespoitn, bin mei eigna kumpan, hob mi scho akzeptiat, hob mi nei konfiguriat
wea eich nix doalegn, eazöh eich ka zuagob, gib eich gean mein segn, moch nua an zwischnstopp, nimm mi jetzt söbst füa voi, bleib ma afoch imma treu
vielleicht gelong i amoi on den punkt, wo i mi donn afoch foin loss, hob donn vüz tiaf ins lebm eintunkt, valia mein anzign komposs.
3) .9+7 (8+8)/10+7/8 .8+8/9+9/7 .9+8/9+8/7 .7/8/8/7 /5+6
ritz ma a rot woanendes musta auf mei schlecht vaheilte haut, mei mentalität wiakt varusta ois vabronnte asche und staub, hob oft om ideal rumkaut
meine vaschraubtn eisnplottn hot mein knochn dekoriat, üba mia da groteske schottn hot si ohne zfrogn einquartiat, hot mi tückisch infiltriat
press ma meine eignen brondzeichn mit wüade grinsend auf mei fö, reiss ma die dickn klebestreifn glei wieda von da söbm stö, woa scho imma a rebö
in mia san so vü fleckn, in mia heascht stets a tuabulenz, muass stets meine zähne bleckn, obglaufn is mei lizenz, hob hia a mission, brauch meah konzentration.
b 3) .9/10/10/11 ..9/11/10/11 .6/9/7/9 / 4+6
denn monchmoi bleib i no in meim traum, vabeag mei panische mutlosigkeit, übawind net den hohn schoafn zaun, hob mi no net ind realität eingreiht
hob nua katastrophn entzundn, hob an hohn woi kreisföamig auftüamt, hob mi no nie on etwos festbundn, mei unentschlossnheit hot mi glei eazüant
muass east mei woahre bestimmung spüan, stopfts mi do in ka enges einseitigs foch, mei ochtung muass den respekt east vaschnüan, lieg iagendwie gfesslt im eiskoidn boch
bin scho goa ka mossstob, mei skala woa hia no nie geeicht, woa niemois a philanthrop, denn mei struktua woa unausgereift, schleichts eich von hia, is a privats revia.
d 2) .11/11/8/11 ..9/11/9/11 ..6/6+8/6/6+8 (7+7)
betreib mei eigne chaoszeremonie, tauch mittn duach diese lebmsamnesie, lins voasichtig duachs fenstaglos, unta mia is lava üba mi is gros
bewiak föschlich an mechanischn reflex, bin schuidig bei meim übalebmskomplex, späh gonz voasichtig duachs ostloch, links is ois vagiftet rechts is a sprengstoff
flücht in mei widasprüchliches nest, flücht mi in mein eignen vaschäaftn arrest, diesa obschnitt hot si wiedahoit, die krächzende sirene is leis vahoit
entwisch diesa kronkn gegnwoat, meine ausredn hom scho jedn genoat, jeda zyklus is nua trivial, ois individuum bin i gonz noamal
muass mi jetzt zommreissn, so vü nogende zweifl schwian hia übaroi umhea, dieses grelle gleissn, föadat mein speichlfluss ois missvastondna visionäa
muass meah zeit investian, so vü antithesn homs ma jetzt scho entgegngsetzt, häng woate auf an zwian, mitm hexnbesn hob i jede onstoit vanetzt.
e 1) .5+6/6+8/9/6 ..7/7/6/6 / 7/7 ..8/10/8/8/6
hob die prüfungsfuacht mit feigheit kompensiat, hob mei lebmsnotduaft auf a mindestmass limitiat, des schnölle aufgebm hot mi glockt, hob ma ois söbst einbrockt
duachs heazklopfn zittat mei keapa extrem, da pappige pfropfn hoit dicht wie festgstompfta lehm, des loslossn hot mi scho längst greizt, hob ma nie söbst eingheizt
bin des wuchande unkraut, ghea do rausgrissn ausgrupft, stö mi blind stumm und taub, hob mei ego ontupft, hob diese farce scho so sott, bin innalich scho bankrott
bin hia afoch nua nutzlos, eafüll net amoi an zweck, woat auf den gnadnstoss, in meim vawunschnem eck, ziag afoch den küazren hoim, inhalia den schwean quoim
setz die spitzn vom ziakl on, die linie hot kan onfong ka end, diesa stift eazeugt kan foabton, hot si wieda vüz weit rausglehnt, woa nie a dirigent.
ch 1c) . 8/8/8/14 ...9/10/9/10
no imma strömen die tränen, unauffällig im moagngraun, im innan san nua moränen, diese oblogarungen bringen mein groll zum auftaun
hob no imma mei bluad vasprüht, pfleg weitahin mei tradition, bin bei da peinigung aufblüht, hob füa die übrign konzepte goa ka ambition
no imma eatönt mei geschrei, in diesa idyllischn bucht, die auskunft woa nua litanei, im vakuum büdn die synapsn afoch ka frucht
find mei metronom in da trägheit, hob jetzt scho einige gänge zruckgschoit, distonzia mi voa da fleissoabeit, füa mi existiat nua no diese gstoit.
ch 2b) .6/6/6/6 / 6/7 ...10/9/9/8
wea eich goa nix zeign, eazöh eich kan bericht, vaschmutzt bleibt die scheibm, hob die insl umschifft, bleib stets auf meina bahn, bin ma söba untatan
wea mi net eafindn, eazöh eich kan schachzug, konn mi net entrindn, hoiblea is do mei krug, hob jetzt mei sein bejaht, bin a kühna akrobat
wea eich nix obliefan, eazöh kan epilog, wea eich nix entziffan, schau a duachs mikroskop, bin net des ideal, vauasoch oft an skandal
vielleicht eareich i amoi diesn kean, wo i afoch ois gonz schnö vagiss, doat könnt i donn des lebm entzean, mit an tauglichn kompromiss.
ch 3a) .12/7/9/9 ...10/9/8/9
hob meine eignen raffiniatn methodn, do die wü kana vastehn, unta diesm doppltn bodn, ealean i des siasse müssiggehn
hob mei eigne bestechend vaquere logik, do die hot kana kapiat, bei meina vaschobnen tektonik, bin i pausnlos weitamaschiat
hob meine eignen voagegebnen schablonen, do die hom niemondn passt, nua in meinen neutralen zonen, hob i mei vüz kuaze zeit vaprasst
setz jetzt volla elan mein hobl on, woat no aufm richtign moment, vatreib des flüstande phantom, diese späne san mei fundament.
4) .9+7 (8+8)/10+7/8 .8+8/9+9/7 .9+8/9+8/7 .7/8/8/7 /5+6
ritz ma a ätherisches musta auf mei scho ungsunde haut, mei schmeazgrenzn wiad imma robusta bei diesm entflommtn raub, mei obaflächn is aufgraut
meine spezielln implantate hom mi stoak modifiziat, die eastaunlichn resultate wean von mia bestimmt nie publiziat, bin no long net komplettiat
des reine measoiz in den wundn föadat mei kreativität, hobs nie ois vastümmlung empfundn meah ois künstlarische qualität, hob gnua elastizität
fisch no imma im trübm, hob mei zukunft no net im griff, die traurigkeit kummt in schübm, segl auf an leckn schiff, streichl mei skalpell, is füa mi essentiell.
b 4) .9/10/10/11 ..9/11/10/11 .6/9/7/9 / 4+6
denn monchmoi bleib i in meina wöd, jeda gringste impuis is glei vaebbt, woa no nie a kühna und topfra höd, hob mi duach mei ondauande flaute gschleppt
bin nua in schwierigkeitn gschwommen, ziag an pompösn grobm um mei heim, bin diesn strofn no nie entkommen, bin einklemmt zwischn hakn und zachm leim
muass mei eignständigkeit bewoahn, zwängts mi auf ka afäabigs miniatuabild, hob mei söbstbeheaschung scho valoan, da alarm hot wieda pausnlos geschrillt
bin stets des gegnteil, mei gesomtes wiakn is vakeaht, eawisch nie des rettungsseil, hob imma des guade end ausgleat, dompfts endlich ob, zabrich den wondastob.
d 3) .11/11/8/11 ..9/11/9/11 ..6/6+8/6/6+8 (7+7)
applizia mei eigne chaosalleagie, völlig ungenutzt mei lebmssyneagie, schiel voasichtig üban voasprung, üba mia da sumpf unta mia die losung
provozia konsequent an wüdn tumult, bin die schleuda bei meim lebmskatapult, luchs voasichtig ausm gestrüpp, links is des infeano rechts is ois vabrüht
flücht in mein untaiadischn bau, flücht mi zu ana unduachdringlichn au, diesa valauf wiad ständig geklont, ois oaganismus wiad ma niemois vaschont
entfean mi aus da aktualität, meine notlügn woan no nie adrett, bei jedm tuanus wiad ma obgspeist, des typische symptom hot d‘mine vaeist
muass mi zentralisian, so vü spekulationen treibm rastlos duach die luft, entfoit jetzt den foischiam, die vaschiednen veasionen wean imma weita obgstuft
muass den tog vaweatn, so vü dumme meinungen wuadn afoch so vatauscht, bin auf foischn fäahtn, diese eascheinungen hom mei philosophie belauscht.
e 2) .5+6/6+8/9/6 ..7/7/6/6 / 7/7 ..8/10/8/8/6
hobs lompmfieba mit feigheit dekoriat, hob den rechnschieba bis zum maximum foamatiat, hob mei resignation glei umoamt, kana hot si eaboamt
mei unbehogn hot mein keapa duachboaht, bin beim hoknschlogn im nägstn augnblick vahoat, hob mei kapitulation eingreicht, bin jedes moi obgschweift
bin wie des ungeziefa, ghea eliminiat ausgrott, hob füas lebm kan riecha, lieg bequem om schafott, is do ois nua heuchelei, diesa bluff a einheitsbrei
bin untauglich absolut, hob hia scho längst ausgedient, bin nua a attribut, oi mei onspoan zarinnt, hob die koatn schlecht gemischt, olle trümpfe san vawischt
setz die schneide da schere on, da schnitt hot kan onfong und a ka end, die schäafn woa a luftballon, hot si scho vom papia getrennt, woa nie seah kompetent.
f 1) .10/8/12/9 ..12/9/13/8 ..10/11/9/10
a müdigkeit is in mi übagströmt, hot oi meine muskln vawöhnt, die easchöpfung mocht si in jeda fasa breit, suhl mi in schloffa zaschlognheit
a labilität hot si scho ausdehnt, hot si noch an wondl gesehnt, die mattigkeit hot si mit mia chronisch valinkt, völlig entfremdet is mei instinkt
die söbstvastümmlung is mei woahre religion, eateil ma söbst die obsolution, diesa autoaggressive akt is mei ruin, da tobt nua mei adrenalin
die söbstvaletzung is des mantra füa mei sö, sitz vaonkat aufm karussö, diese masochistischn allüan hom mi vasklavt, befind mi stets in einzlhaft
vabring mei lebm in ana spiroin, völlig ausm gleichgwicht san meine woogschoin, mei foaciats lebm hot niemois glück, jedesmoi föht wieda a grosses stück.
ch 1d) . 8/8/8/14 ...9/10/9/10
die tränen san no net vasiegt, sogoa scho om hölichtn tog, hob mi on meim innan ongschmiegt, die unausgsprochnen soagn hoitn nua an monolog
schröpf mi gean duach an adalass, vafoah stets noch meim protokoll, diese marta is mei kompass, eahöh die dopplte dosis in dem ausnahmefoi
meine schreie dröhnen im choa, on diesm obgelegnen see, da nochklong vasondet im oah, sekkiat des trommlfö mit ana gellendn armee
find mei präsenz in da lethargie, steig auf die oide bremsn gonz dezent, tauch ob in die echte amnesie, bin füa ondre nua a experiment.
ch 2c) .6/6/6/6 / 6/7 ...10/9/9/8
wea eich nix preisgebm, eazöh nix vom repoat, vabind kane strebm, hobs ticket füa a foaht, hoit meine zügl fest, bin mei vazweigtes geäst
wea mi net modellian, eazöh ka referat, wü mi net demaskian, bin a konglomerat, zoi meim ich scho tribut, in mia glimmt no long a glut
wea eich nix offnboan, eazöh eich goa kan schwua, wea weitahin aushoan, hintaloss a ka spua, bin net die grundsubstanz, in mia so vü diskrepanz
vielleicht gibts jo do a wiedagebuat, bei dea i an ondan weg einschlog, hob bei diesm lebm nua no gschnuat, hob donn die ontwoat auf die frog.
ch 3b) .12/7/9/9 ...10/9/8/9
hob mei voagehensweise mei eignes weakzeug, do die findn kan zuspruch, bei meim oftmalign misseafoig, hob i ka lust auf an neivasuch
hob mei eigne seah schräge rationalität, do die hot kana duachschaut, bei da inkompatibiliät, hob i hia niemondn meah vatraut
hob mei eignes geometrisch grobes rasta, do des hot nua ois zakrotzt, bei meim ongrichtetn desasta, san die luftblosn vüz schnö zaplotzt
mit voim schwung feil i wieda ois glott, do i hob diesn teamin vasäumt, setz diese kreatua schachmott, hob die basis mit puiva einzäunt.
ch 4a) .5+9 (6+8)/5+8 (6+7)/8 ..10/8/11/6 ..8/10/9/8
treib auf meina wön imma näha zum jähn obgrund, eakenn von den höhn unta mi den gähnendn schlund, unlesalich is da befund
steua ständig mein kuas duach dauaregn donna blitz, hob wegn des aufruahs des lebm net in besitz, hob a vatrauliche notiz
öffne jetzt jungfräulich meine noabm, hob no soiz und pfeffer reingstreut, die chilischote leucht in oin foabm, hob mi damit bemoit
vaeinig die schrommen mit an fadn, hob mei gonze weisheit zitiat, des rätsl vaweilt auf vaschlungnen pfadn, hot mi paralysiat
bin dem lebm net gewochsn, hob jedn vasuach nua amoi geprobt, stö no die weichn da hauptochsn, hob die letzte bruckn gekoppt
bin von den föhlan geläutat, do a umwandlung hob i net ealongt, mi hots übaroi nua no gschleudat, mei eneagie woa nie auftonkt.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 02./03./08./11./12./13./15./16./23./28./30. juni // 02./03./04. juli 2021.pk. ~ überarbeitet am 21. november 2023.pk.
copyright by philipp kirschner.pk. ~ untermalt mit musik von abraham burton (ts), kenny garrett (as), perico sambeat (as), bruce williams (as).
***************************************************************************************************************** nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen