493. | bereit.
1) .7/7/7/7 / 11 ...10/7/10/14
mei heaz pumpat laut und wüd, mei mogn krompft si scho zomm, da zabröcklnde schutzschüd, mutiat zum voigsognen schwomm, bin extrem neavös steh ständig unta strom
kumm afoch net meah zu ruh, jede minutn aktiv, mei grod aufglodna akku, leat si beim eastn zugriff, wea beim aufgstautn druck ziemlich aggressiv
meine händ san koit schweissnoss, mei vadauung spüt varuckt, eazeug mei eignes chaos, bin schreckhoft hob oft zommzuckt, hob mi on diesa vaontwoatung vaschluckt
benötig kan thron kan titl kan rong, ois gschiacht do nua unta zwong, leist mei oabeit mit letzta eneagie, vafoss mei eigne analytische philosophie.
b 1) .7/8/7/10 / 8 ...9+6/8+8 / 9
ois ziagt si in die länge, findt hia zu kan konkretn end, treib mi söbst in die enge, wea zu an weakzeug zu an instrument, bin do nua a winzigs fragment
ois schmüzt scho zu an klumpm, findt hia kan gsichatn ausgong, bedien mi on da pumpm, wea zu an objekt zu an baumbehong, hob no imma kan neionfong
ois tropft stets aufd gleiche stö, findt hia kan schmoin feinen riss, valia zvü hoa aufm fö, wea zum manipuliatn kompromiss, die höhle is ka paradies
hob mein gregltn togesablauf mit routine garniat, hob mein psychischn schlussvakauf ois marionettn drapiat, hob mi wieda grod positioniat.
ch 1a) .8/10/10/10 ...8/11/8/12
brauch mei bewegung jedn tog, des vüle sitzn is füa mi a plog, brauch jede nocht mein eahoisomen schlof, diese sonfte stün is mei sauastoff
brauch jetzt dringend die natua, diese graue stodt is net mei revia, brauch diese obmteialiche tour, die wüdnis is mei lebmselixia
brauch kan stupidn oitogstrott, hob des konsumgeile denkn scho sott, brauch hia ka gödgiarige konkurrenz, frog mi des öftan noch da quintessenz
mei lebm is a ochtabohn, beim auf und ob beim hin und hea wiad ma schlecht, bin scho längst a chamäleon, mei lebm füaht alla an kriag ziagt ins gefecht.
2) .7/7/7/7 / 11 ...10/7/10/14
mei heaz pumpat wüd und laut, mei mogn wieda rebelliat, hob ois von neim duachgkaut, jeds problem in mia rotiat, mei ungeduidige oat scho explodiat
des ständige radldrehn, steat mei heikles gleichgewicht, diese peamanentn wehn, hom mein keapa scho vasifft, eafüll diesn zweck moch mei vadommte pflicht
zitta voa unsichaheit, wo is nua da ausschoitknopf, mei gestresste reizboakeit, londet in an schnökochtopf, des labyrinth befindet si in meim kopf
bin ka kaisa könig ka kapitän, regia goa net souvarän, leist mein beitrog mit können und talent, beweg mi scho hysterisch fuchtlnd wie a dirigent.
b 2) .7/8/7/10 / 8 ...9+6 (8+7)/8+8 / 9
ois dehnt si bis donn zareisst, die vabindung wuade gekappt, die naht is schlompig vaschweisst, diese dialektik is zu vatrackt, da pannenstreifn hot net klappt
ois vaschwindet unsichtboa, übaschreitet den grenzbereich, so vü aufruah im laboa, die früchte san imma no net gonz reif, easpäh hia no kan sübastreif
ois vasteckt si untam bett, im schottn lauat da oiptraum, da nogl schaut ausm brett, sticht duach den zähflüssig wabandn schaum, in an imaginäan raum
hob mei geoadnetes konzept bis ins klanste exaziat, hob mei mentales grossprojekt mit vü unwissnheit kaschiat, hob jetzt ois rekapituliat.
d 1) .11/11/10/9 ..5/5/10 / 5/5/10 ..10/10/10/10
wü meine afochn pausn net valian, wü meine mussestundn net investian, moch den tog bestimmt net zua hoibm nocht, hob vü üba mei lebm nochdocht
wü meine afochn regln net lädian, wü mein schleichweg net mit müll zuabetonian, moch die nocht bestimmt net zum hoibm tog, mei lebm nimmt mi seah in beschlog
hob scho vü eareicht, woa goa net so leicht, feil no on meim onknackstn söbstvatraun; sicha bin i stoiz, klopf auf hoates hoiz, vielleicht steck i zu seah im obaglaum
hob ma vü eafüllt, vü is no einghüllt, hob nua ongst voa da unsichren zukunft; bin jo ka maschin, brauch mei medizin, vielleicht hob i ka logische vanunft
foah auf meinen schienen ständig im kreis, vameid kreizungen hüadn und glotteis, bleib om bodn meina realität, denn nua so büag i füa mei qualität
bin do ka füahrende peasönlichkeit, hob mi imma weita hintn eingreiht, loss liaba da ratio den voatritt, moch hia nua zoghoft voasichtige schritt.
ch 1b) .8/10/10/10 ...8/11/8/12
brauch hia mein rhythmus jedn tog, bring hia ohne musik nix auf die woog, brauch jede nocht den schweigendn genuss, gfrei mi scho auf den gutnmoagnkuss
brauch jetzt dringend wiesn und woid, diese graue stodt vawischt jede foab, brauch die bunte molarische vüfoit, somml jede impression in an koab
brauch hia ka ewigs homstarad, ignoria jedn stumpfn apparat, brauch hia ka manipuliate bilanz, frog mi des öftan noch da keansubstanz
mei lebm is a karussö, beim stetn vüz schnön drehn wiad ma glei schlecht, bin scho längst a auslaufmodö, mei lebm is nua a spekulationsgeschäft.
ch 2a) .9/9/10/9 ...6+5/8+5 (7+6)/13
bin füa diese wöd net geschoffn, bin a billig fabriziats produkt, konn nua auf a valängarung hoffn, a leichtes stechn hot mi scho gjuckt
hob hia füa mei lebm ka guads gfüh, woa nua a oagastischa unfoi, mei gonzes lebm is a déjà-vü, bin hia nua a winziga spüboi
wea mi nie on diese zeit gwöhnen, bin afoch vü zu sentimental, muass mi mit mia söba aussöhnen, bin nua niedres onschauungsmatrial
mei onfälligs wesn hot hia nix valoan, meine tolarantn thesn wean glei koihgeschoan, diese wöd is füa mei rüahsome sö zu vawoan.
3) .7/7/7/7 / 11 ...10/7/10/14
mei heaz trommlt ausm takt, mei mogn brodlt und kocht, die soagn san seah kompakt, ghea rund um die uah bewocht, in mia tobt a gwitta om tog in da nocht
jede eckn is seah spitz, balancia scho auf an grat, da schwindl aufm hochsitz, trübt die sicht vom resultat, bin nua a unbedeutenda akrobat
beb im panischn zuastond, heftig übareagiat, bin zua gänze ausgebronnt, bin scho wieda kollabiat, hob mei ständige übawochung frisiat
bin net hochbegobt bin untam duachschnitt, moch nua an gringen foatschritt, leist mei soi mit routine und elan, hüll mi söba in duachsichtigs brüchiges zellophan.
b 3) .7/8/7/10 / 8 ...9+6 (8+7)/8+8 / 9
ois flutet mein horizont, da bodn is jetzt unfruchtboa, steh scho on voadesta front, nua im lealauf funktioniat mei motoa, schiass ma imma a eigntoa
ois löst si scho vüz schnö auf, olle beweise bleim vaschoin, da zu hohe kroftvabrauch, losst lawinen donnand ois übaroin, konn mi hia niagends meah festkroin
ois stülpt si scho noch aussn, die innarein san giftig grün, in mia a ekligs grausn, losst die eitrige flüssigkeit vasprühn, hob scho geweitete pupün
hob mein voagefeatigtn plan stets füa mei zukunft parat, denn mei zerebrala roman eascheint hia nua im grossfoamat, manövria mi in a reseavat.
d 2) .11/11/10/9 ..5/5/10 / 5/5/10 ..10/10/10/10
loss hia meine kuazn pausn net entfoin, wü in meim müssiggong goa kan übahoin, moch den tog bestimmt net zua hoibm nocht, hob mit meim lebm scho seah vü glocht
wü meine simplen noamen net peaforian, deaf mei hintatüa net zu vü frequentian, moch die nocht bestimmt net zum hoibm tog, mei lebm hot an rauhn belog
hob vü profitiat, bin seah inspiriat, schnitz on meina moaschn söbstsichaheit; steh hia no aufrecht, bin do nua a knecht, vaschätz mi bei meina belostboakeit
hob a vü geträumt, hob a vü vasäumt, siag nua füa die zukunft net rosarot; bin do ka gerät, brauch do mei gebet, seh weit entfeant den schwoazn behemoth
tritt in jeds volle fettnäpfchen hinein, stoipa ständig üba stroh stock und stein, bleib hia om bodn meina gegnwoat, hob ma daduach vü negativs easpoat
bin do ka leitende autorität, betrocht von hintn die komplexität, eaweis dem intellekt die referenz, bin seah voasichtig bei da kompetenz.
e 1) .8/9/7/8 / 9 ..8/7/8/8 / 9
hob familie und hobbies, intressia mi füa kunst und kultua, bewoah auch a geheimnis, hob no mei eigne noblschnua, foig da getoantn vaboagnen spua
mei freizeit wiad sinnvoi ausgnutzt, hob a hohe kreativität, hob mi scho seah oft beschmutzt, vastäak scho mei vitalität, foig da glühendn intensität
jeda hot sein voa- und nochteil, jeda hot sei stecknpfead, denn jeda hängt nua on an seil, jeda suacht si an eignen head, bin in meina eignen wöd eingspeat.
ch 1c) .8/10/10/10 ...8/11/8/12
brauch mei dynamik jedn tog, untaschreib jedn flexiblen vatrog, brauch jede nocht entsponnung ungeküazt, nua die stün hot mi vafeinat und gwüazt
brauch dringend des mea und den sond, diese graue stodt is trostlos und trist, brauch an idyllisch romantischn strond, hob übaroi die friednsfahne ghisst
brauch ka tretmühle ohne end, bin nua a riskantes experiment, brauch ka zeugnis füa diese allianz, frog mi des öftan noch da dissonanz
mei lebm is a drahtseilakt, beim übaquean runtaschaun wiad ma scho schlecht, bin do scho längst a artefakt, mei lebm zreisst die seitn vom vaschmiatn heft.
ch 2b) .9/9/10/9 ...6+5/8+5 (7+6)/13
harmonisia net mit diesa wöd, bin a lausig gfeatigte kopie, hoff auf a dichtes ebnes lebmszöt, üba mia schwebt scho a havarie
mei lebm hot hia kan stönweat, woa nuas eagebnis aus lust und spass, mei gonzes lebm woa von fuacht vazeat, woa imma scho des zabrochne glas
wea mi hia nie akklimatisian, bin zu zoatbesaitet und labil, muass mi söba east identifizian, bin nua a vastaubta besnstiel
mei empfindliche oat deaf hia goa net sein, mei gesprochnes zaubawoat transfoamiat si zu an schleim, diese wöd schenkt meina zabrechlichn sö nua leim.
ch 3a) .11/12/5+6 ...9/9/8/7
konn die gedonkn afoch net meah lenkn, in a ondre richtung zu ana siassn frucht, muass mi beschenkn mit ana meeresbucht
konn mein fokus auf nix ondas meah richtn, steua imma wieda zruck zu meim uasprungsfoch, muass ois umschichtn die figuan beim schoch
konn den hebl afoch net meah umlegn, sitz wie ongwuazlt in diesm einbahnsystem, muass ois wegfegn jeds vaziate emblem
steh woahscheinlich kuaz voam infarkt, hob mei gsundheit wieda schlecht einparkt, hoit mein eastn schongong jetzt fest, woat nua no auf mei attest.
4) .7/7/7/7 / 11 ...10/7/10/14
mei heaz trommlt gonz vakeaht, mei mogn wiad zum vuikan, des rostige gefäaht, entspricht da belostungsmembran, vegetia so dahin in an melodram
bin zwischn stämmen einklemmt, des foibeil teilt mein vastond, wea vom horror übaschwemmt, steh auf an laufendn bond, befind mi mittn auf an sumpfign lond
neig jetzt zu hypatonie, find aus diesm loch ka tüa, bin söbst die anomalie, in mia wuchat a geschwüa, vasäum stets die zohlung da woatungsgebüah
bin hia nua mensch a niemond a subjekt, bin da dominoeffekt, leist mein obolus mit gonzm einsotz, vawondl mi zu an klobig ungehobltn klotz.
b 4) .7/8/7 (8)/10 (9) / 8 ...9+6 (8+7)/8+8 / 9
ois spoitet si zu spänen, jeda splitta vawundet schwea, lauf scho mit den hyänen, in meina eignen schaurig scheenen mäa, füa mi güt nua no sekundäa
ois weicht imma meah zurück, die woizn presst scho ois zu brei, scho wieda föht a klans stück, is a vapfuschte grobe bastelei, eagreif füa niemondn partei
ois staplt si zu stössn, die aktn ghean endlich vanicht, muass ma die woahheit einflössn, in mei gedächtnis mit an leichtstift, ohne ana isoliaschicht
hob mei vaschwommne vage vision mit schäafe präzisiat, hob mei fiktive depression ois trugbüd diagnostiziat, hob bei mia no net intaveniat.
d 3) .11/11/10/9 ..5/5/10 / 5/5/10 ..10/10/10/10
hob ma oi meine pausn längst woihvadient, beim siassn nichtstun bin i wieda gonz kind, moch den tog bestimmt net zua hoibm nocht, hob reichlich auf mei lebm gepocht
wü mei eisane disziplin net planian, kana deaf mein dunklen fluchtgong infiltrian, moch die nocht bestimmt net zum hoibm tog, mei lebm hoit scho an dialog
hob weisheit ealongt, hob mi stets bedonkt, schleif on meim nogendn söbstbewusstsein; bin a optimist, hob die zeit aufgspiesst, bin scho onfällig füa scheefäabarein
schreib on meim roman, is füa mi heilsam, mei zukunft steht unta kan gutn stean; bin ka gegnstond, füa mi gibts ka pfond, entschweb scho in metaphysischn sphäan
eawoch imma im gleichn unglücksspü, zum greifn nah is mei ongstrebtes zü, bleib hia om bodn meina möglichkeit, entrümpl oimählich mei hoitboakeit
bin ka untanehmarische peason, entlarv von hintn des chamäleon, föada gean diese genialität, bin voasichtig bei da kapazität.
e 2) .8/9/7/8 / 9 ..8/7/8/8 / 9
hoit zua vawondtschoft vü kontakt, suach die mutprobm in stodt und lond, hob mei eignes artefakt, schau seah oft üban hechstn rond, vaschenk mei liebe ois treues pfond
mei zeitvatreib is woih duachdocht, beschäftig mi mit olle sektoan, woa oft valetzt und easchlofft, definia die eignen vektoan, optimia meine zoatn sensoan
jeda hot sei plus und minus, jeda hot sei element, jeda hätt do gean an bonus, jeda is sei eigna klient, hob in meina wöd scho seah vü gstemmt
hob auch an grossn freundeskreis, in meim zuhaus heascht stets hochbetrieb, widme oin an eahnpreis, dient ois untahoitungsprinzip, is a grosses eaholungsgebiet
hob mei obwexlung oft kopiat, hob no nie an übadruss ealebt, hob mi oft vakalkuliat, hob mi on jedm sein festklebt, hob mei peafoamance scho längst aufpeppt
jeda hot a chance und a pech, jeda hot sei leidnschoft, jeda bekommt amoi nua blech, jeda eazeugt sein eignen soft, hobs feia in meina wöd entfocht.
f 1) .11/7/11/6+5 ..8/7/5 / 8/7/5 ..8/8 / 8/8/8
mecht net die gonze lost allane trogn, schlepp net ois mit mia herum, mecht den expandierendn kloss vajogn, is wie a parasit a bakterium
mecht net diese grosse büade mitschleifn, heb ma donn bestimmt an bruch, mecht endlich mei sensible haut obstreifn, wiaf die weisse flagge und a des hondtuch
bin scho zeichnet mei lebm long, da nebl is mei voahong, find hia net meah raus; bin gfongen in ana gussfoam, die öffnung is des staubkoan, sitz in an gloshaus
bin scho zamüabt mei lebm long, vaföh stets den bumerong, bin afoch vüz schwoch; bin gfongen in ana spiroin, die öffnung san diese quoin, lieg mittm im boch
in meim pavillon heult da stuam, bau mia danebm an leuchttuam, vaschraub des feanroah aufs stativ, wink den steanen intuitiv, des licht is iah lebmsarchiv
in meim springbrunnen lebt a wal, sendet ma a kloares signal, eakenn net diese melodie, sehn mi noch diesa therapie, wo is mei neue battarie.
ch 1d) .8/10/10/10 ...8/11/8/12
brauch mein kuazn sprint jedn tog, schreib ma söba mei horoskop, brauch jede nocht diesn ruhign woihklong, gfrei mi wieda auf den sonnenaufgong
brauch dringend den beag ungezähmt, diese graue stodt hot mi längst gelähmt, brauch diese gesättigte frische luft, inhalia jedn berauschendn duft
brauch ka öde monotonie, füas entkommen gibts hia ka garantie, brauch ka schrille moabide dekadenz, frog mi des öftan noch da effizienz
mei lebm is a gfoahnpool, beim aufspüan und entschäafn wiad ma scho schlecht, bin längst a zakrotztes modul, mei lebm hot olle synapsn nochgeäfft.
ch 2c) .9/9/10/9 ...6+5/8+5 (7+6)/13
wea in diesa wöd net tolariat, bin nua a schädliche illusion, hoff dass si ois wieda longsom entwiat, auf mi woat scho a komplikation
mei lebm hot übaroi an feind, woa a gemisch aus same und ei, mei gonzes lebm hot stets ois vaneint, bin a unfeatige stickarei
wea mi mit niemondn onfreundn, bin vü zu schüchtan und ungeschickt, muass mi söba voa oin valeumdn, bin nua des archaische relikt
meine fragiln faktoan san scho längst zalegt, meine bewundatn mentoan hom mi seah geprägt, diese wöd hot meina sö den hoitegriff obgsägt.
ch 3b) .11/12/5+6 ...9/9/8/7
konn mei eainnrung jetzt net meah entziffan, in da finstanis auf da vaspiegltn wond, muass mi ausliefan on den nägstn neumond
konn aus meina phantasie net entspringen, gleit wieda zruck in mei brutale existenz, muass jetzt laut singen üba mei transparenz
konn den entzünda net meah in brond setzn, lösch glei wieda die glut mit meim eiskoitn blick, muass mi vanetzn mit meim lebmslimit
steh vielleicht kuaz voa da explosion, mei gsundheit hot a miese position, mei zweita schongong hot gepasst, mei befund is nua ballast.
ch 4a) .9/7/9/7 ..10/10/7/7 ..7/9/7/9
hob die attacke net kommen gsehn, woit instinktiv weitagehn, hob ma des ois gonz ondas voagstöt, hob mi wieda moi vazöht
hob mein innren konflikt net bemeakt, hob mit händ und fiass no gweakt, hob die zeichn foisch intapretiat, hob mi söba sabotiat
bin besessn vom tiafn festn schlof, von diesm mystischn transzendental, moch die rundn aufm hof, suach vazweiflt des poatal
tauch duach die dystopische galaxie, duachs irisierende kaleidoskop, moch gonz brav die therapie, suach scho long des antidot
reich dem schicksoi jetzt mei hond, hob sei entscheidung völlig akzeptiat, leist jetzt a kan widastond, hobs gerechte uateil respektiat
sog dem richta lebewohl, gib mei untaschrift diesm beschluss, jetzt steht ois im protokoll, bin jetzt bereit füa mein exitus.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 13./14./15./20./27./28./29./30./31. märz // 03./05./06./07./08. april 2021.pk. ~ überarbeitet am 20. november 2023.pk.
copyright by philipp kirschner.pk. ~ untermalt mit musik von jd allen (ts), russell gunn (tr), nicholas payton (tr).
***************************************************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
mei heaz pumpat laut und wüd, mei mogn krompft si scho zomm, da zabröcklnde schutzschüd, mutiat zum voigsognen schwomm, bin extrem neavös steh ständig unta strom
kumm afoch net meah zu ruh, jede minutn aktiv, mei grod aufglodna akku, leat si beim eastn zugriff, wea beim aufgstautn druck ziemlich aggressiv
meine händ san koit schweissnoss, mei vadauung spüt varuckt, eazeug mei eignes chaos, bin schreckhoft hob oft zommzuckt, hob mi on diesa vaontwoatung vaschluckt
benötig kan thron kan titl kan rong, ois gschiacht do nua unta zwong, leist mei oabeit mit letzta eneagie, vafoss mei eigne analytische philosophie.
b 1) .7/8/7/10 / 8 ...9+6/8+8 / 9
ois ziagt si in die länge, findt hia zu kan konkretn end, treib mi söbst in die enge, wea zu an weakzeug zu an instrument, bin do nua a winzigs fragment
ois schmüzt scho zu an klumpm, findt hia kan gsichatn ausgong, bedien mi on da pumpm, wea zu an objekt zu an baumbehong, hob no imma kan neionfong
ois tropft stets aufd gleiche stö, findt hia kan schmoin feinen riss, valia zvü hoa aufm fö, wea zum manipuliatn kompromiss, die höhle is ka paradies
hob mein gregltn togesablauf mit routine garniat, hob mein psychischn schlussvakauf ois marionettn drapiat, hob mi wieda grod positioniat.
ch 1a) .8/10/10/10 ...8/11/8/12
brauch mei bewegung jedn tog, des vüle sitzn is füa mi a plog, brauch jede nocht mein eahoisomen schlof, diese sonfte stün is mei sauastoff
brauch jetzt dringend die natua, diese graue stodt is net mei revia, brauch diese obmteialiche tour, die wüdnis is mei lebmselixia
brauch kan stupidn oitogstrott, hob des konsumgeile denkn scho sott, brauch hia ka gödgiarige konkurrenz, frog mi des öftan noch da quintessenz
mei lebm is a ochtabohn, beim auf und ob beim hin und hea wiad ma schlecht, bin scho längst a chamäleon, mei lebm füaht alla an kriag ziagt ins gefecht.
2) .7/7/7/7 / 11 ...10/7/10/14
mei heaz pumpat wüd und laut, mei mogn wieda rebelliat, hob ois von neim duachgkaut, jeds problem in mia rotiat, mei ungeduidige oat scho explodiat
des ständige radldrehn, steat mei heikles gleichgewicht, diese peamanentn wehn, hom mein keapa scho vasifft, eafüll diesn zweck moch mei vadommte pflicht
zitta voa unsichaheit, wo is nua da ausschoitknopf, mei gestresste reizboakeit, londet in an schnökochtopf, des labyrinth befindet si in meim kopf
bin ka kaisa könig ka kapitän, regia goa net souvarän, leist mein beitrog mit können und talent, beweg mi scho hysterisch fuchtlnd wie a dirigent.
b 2) .7/8/7/10 / 8 ...9+6 (8+7)/8+8 / 9
ois dehnt si bis donn zareisst, die vabindung wuade gekappt, die naht is schlompig vaschweisst, diese dialektik is zu vatrackt, da pannenstreifn hot net klappt
ois vaschwindet unsichtboa, übaschreitet den grenzbereich, so vü aufruah im laboa, die früchte san imma no net gonz reif, easpäh hia no kan sübastreif
ois vasteckt si untam bett, im schottn lauat da oiptraum, da nogl schaut ausm brett, sticht duach den zähflüssig wabandn schaum, in an imaginäan raum
hob mei geoadnetes konzept bis ins klanste exaziat, hob mei mentales grossprojekt mit vü unwissnheit kaschiat, hob jetzt ois rekapituliat.
d 1) .11/11/10/9 ..5/5/10 / 5/5/10 ..10/10/10/10
wü meine afochn pausn net valian, wü meine mussestundn net investian, moch den tog bestimmt net zua hoibm nocht, hob vü üba mei lebm nochdocht
wü meine afochn regln net lädian, wü mein schleichweg net mit müll zuabetonian, moch die nocht bestimmt net zum hoibm tog, mei lebm nimmt mi seah in beschlog
hob scho vü eareicht, woa goa net so leicht, feil no on meim onknackstn söbstvatraun; sicha bin i stoiz, klopf auf hoates hoiz, vielleicht steck i zu seah im obaglaum
hob ma vü eafüllt, vü is no einghüllt, hob nua ongst voa da unsichren zukunft; bin jo ka maschin, brauch mei medizin, vielleicht hob i ka logische vanunft
foah auf meinen schienen ständig im kreis, vameid kreizungen hüadn und glotteis, bleib om bodn meina realität, denn nua so büag i füa mei qualität
bin do ka füahrende peasönlichkeit, hob mi imma weita hintn eingreiht, loss liaba da ratio den voatritt, moch hia nua zoghoft voasichtige schritt.
ch 1b) .8/10/10/10 ...8/11/8/12
brauch hia mein rhythmus jedn tog, bring hia ohne musik nix auf die woog, brauch jede nocht den schweigendn genuss, gfrei mi scho auf den gutnmoagnkuss
brauch jetzt dringend wiesn und woid, diese graue stodt vawischt jede foab, brauch die bunte molarische vüfoit, somml jede impression in an koab
brauch hia ka ewigs homstarad, ignoria jedn stumpfn apparat, brauch hia ka manipuliate bilanz, frog mi des öftan noch da keansubstanz
mei lebm is a karussö, beim stetn vüz schnön drehn wiad ma glei schlecht, bin scho längst a auslaufmodö, mei lebm is nua a spekulationsgeschäft.
ch 2a) .9/9/10/9 ...6+5/8+5 (7+6)/13
bin füa diese wöd net geschoffn, bin a billig fabriziats produkt, konn nua auf a valängarung hoffn, a leichtes stechn hot mi scho gjuckt
hob hia füa mei lebm ka guads gfüh, woa nua a oagastischa unfoi, mei gonzes lebm is a déjà-vü, bin hia nua a winziga spüboi
wea mi nie on diese zeit gwöhnen, bin afoch vü zu sentimental, muass mi mit mia söba aussöhnen, bin nua niedres onschauungsmatrial
mei onfälligs wesn hot hia nix valoan, meine tolarantn thesn wean glei koihgeschoan, diese wöd is füa mei rüahsome sö zu vawoan.
3) .7/7/7/7 / 11 ...10/7/10/14
mei heaz trommlt ausm takt, mei mogn brodlt und kocht, die soagn san seah kompakt, ghea rund um die uah bewocht, in mia tobt a gwitta om tog in da nocht
jede eckn is seah spitz, balancia scho auf an grat, da schwindl aufm hochsitz, trübt die sicht vom resultat, bin nua a unbedeutenda akrobat
beb im panischn zuastond, heftig übareagiat, bin zua gänze ausgebronnt, bin scho wieda kollabiat, hob mei ständige übawochung frisiat
bin net hochbegobt bin untam duachschnitt, moch nua an gringen foatschritt, leist mei soi mit routine und elan, hüll mi söba in duachsichtigs brüchiges zellophan.
b 3) .7/8/7/10 / 8 ...9+6 (8+7)/8+8 / 9
ois flutet mein horizont, da bodn is jetzt unfruchtboa, steh scho on voadesta front, nua im lealauf funktioniat mei motoa, schiass ma imma a eigntoa
ois löst si scho vüz schnö auf, olle beweise bleim vaschoin, da zu hohe kroftvabrauch, losst lawinen donnand ois übaroin, konn mi hia niagends meah festkroin
ois stülpt si scho noch aussn, die innarein san giftig grün, in mia a ekligs grausn, losst die eitrige flüssigkeit vasprühn, hob scho geweitete pupün
hob mein voagefeatigtn plan stets füa mei zukunft parat, denn mei zerebrala roman eascheint hia nua im grossfoamat, manövria mi in a reseavat.
d 2) .11/11/10/9 ..5/5/10 / 5/5/10 ..10/10/10/10
loss hia meine kuazn pausn net entfoin, wü in meim müssiggong goa kan übahoin, moch den tog bestimmt net zua hoibm nocht, hob mit meim lebm scho seah vü glocht
wü meine simplen noamen net peaforian, deaf mei hintatüa net zu vü frequentian, moch die nocht bestimmt net zum hoibm tog, mei lebm hot an rauhn belog
hob vü profitiat, bin seah inspiriat, schnitz on meina moaschn söbstsichaheit; steh hia no aufrecht, bin do nua a knecht, vaschätz mi bei meina belostboakeit
hob a vü geträumt, hob a vü vasäumt, siag nua füa die zukunft net rosarot; bin do ka gerät, brauch do mei gebet, seh weit entfeant den schwoazn behemoth
tritt in jeds volle fettnäpfchen hinein, stoipa ständig üba stroh stock und stein, bleib hia om bodn meina gegnwoat, hob ma daduach vü negativs easpoat
bin do ka leitende autorität, betrocht von hintn die komplexität, eaweis dem intellekt die referenz, bin seah voasichtig bei da kompetenz.
e 1) .8/9/7/8 / 9 ..8/7/8/8 / 9
hob familie und hobbies, intressia mi füa kunst und kultua, bewoah auch a geheimnis, hob no mei eigne noblschnua, foig da getoantn vaboagnen spua
mei freizeit wiad sinnvoi ausgnutzt, hob a hohe kreativität, hob mi scho seah oft beschmutzt, vastäak scho mei vitalität, foig da glühendn intensität
jeda hot sein voa- und nochteil, jeda hot sei stecknpfead, denn jeda hängt nua on an seil, jeda suacht si an eignen head, bin in meina eignen wöd eingspeat.
ch 1c) .8/10/10/10 ...8/11/8/12
brauch mei dynamik jedn tog, untaschreib jedn flexiblen vatrog, brauch jede nocht entsponnung ungeküazt, nua die stün hot mi vafeinat und gwüazt
brauch dringend des mea und den sond, diese graue stodt is trostlos und trist, brauch an idyllisch romantischn strond, hob übaroi die friednsfahne ghisst
brauch ka tretmühle ohne end, bin nua a riskantes experiment, brauch ka zeugnis füa diese allianz, frog mi des öftan noch da dissonanz
mei lebm is a drahtseilakt, beim übaquean runtaschaun wiad ma scho schlecht, bin do scho längst a artefakt, mei lebm zreisst die seitn vom vaschmiatn heft.
ch 2b) .9/9/10/9 ...6+5/8+5 (7+6)/13
harmonisia net mit diesa wöd, bin a lausig gfeatigte kopie, hoff auf a dichtes ebnes lebmszöt, üba mia schwebt scho a havarie
mei lebm hot hia kan stönweat, woa nuas eagebnis aus lust und spass, mei gonzes lebm woa von fuacht vazeat, woa imma scho des zabrochne glas
wea mi hia nie akklimatisian, bin zu zoatbesaitet und labil, muass mi söba east identifizian, bin nua a vastaubta besnstiel
mei empfindliche oat deaf hia goa net sein, mei gesprochnes zaubawoat transfoamiat si zu an schleim, diese wöd schenkt meina zabrechlichn sö nua leim.
ch 3a) .11/12/5+6 ...9/9/8/7
konn die gedonkn afoch net meah lenkn, in a ondre richtung zu ana siassn frucht, muass mi beschenkn mit ana meeresbucht
konn mein fokus auf nix ondas meah richtn, steua imma wieda zruck zu meim uasprungsfoch, muass ois umschichtn die figuan beim schoch
konn den hebl afoch net meah umlegn, sitz wie ongwuazlt in diesm einbahnsystem, muass ois wegfegn jeds vaziate emblem
steh woahscheinlich kuaz voam infarkt, hob mei gsundheit wieda schlecht einparkt, hoit mein eastn schongong jetzt fest, woat nua no auf mei attest.
4) .7/7/7/7 / 11 ...10/7/10/14
mei heaz trommlt gonz vakeaht, mei mogn wiad zum vuikan, des rostige gefäaht, entspricht da belostungsmembran, vegetia so dahin in an melodram
bin zwischn stämmen einklemmt, des foibeil teilt mein vastond, wea vom horror übaschwemmt, steh auf an laufendn bond, befind mi mittn auf an sumpfign lond
neig jetzt zu hypatonie, find aus diesm loch ka tüa, bin söbst die anomalie, in mia wuchat a geschwüa, vasäum stets die zohlung da woatungsgebüah
bin hia nua mensch a niemond a subjekt, bin da dominoeffekt, leist mein obolus mit gonzm einsotz, vawondl mi zu an klobig ungehobltn klotz.
b 4) .7/8/7 (8)/10 (9) / 8 ...9+6 (8+7)/8+8 / 9
ois spoitet si zu spänen, jeda splitta vawundet schwea, lauf scho mit den hyänen, in meina eignen schaurig scheenen mäa, füa mi güt nua no sekundäa
ois weicht imma meah zurück, die woizn presst scho ois zu brei, scho wieda föht a klans stück, is a vapfuschte grobe bastelei, eagreif füa niemondn partei
ois staplt si zu stössn, die aktn ghean endlich vanicht, muass ma die woahheit einflössn, in mei gedächtnis mit an leichtstift, ohne ana isoliaschicht
hob mei vaschwommne vage vision mit schäafe präzisiat, hob mei fiktive depression ois trugbüd diagnostiziat, hob bei mia no net intaveniat.
d 3) .11/11/10/9 ..5/5/10 / 5/5/10 ..10/10/10/10
hob ma oi meine pausn längst woihvadient, beim siassn nichtstun bin i wieda gonz kind, moch den tog bestimmt net zua hoibm nocht, hob reichlich auf mei lebm gepocht
wü mei eisane disziplin net planian, kana deaf mein dunklen fluchtgong infiltrian, moch die nocht bestimmt net zum hoibm tog, mei lebm hoit scho an dialog
hob weisheit ealongt, hob mi stets bedonkt, schleif on meim nogendn söbstbewusstsein; bin a optimist, hob die zeit aufgspiesst, bin scho onfällig füa scheefäabarein
schreib on meim roman, is füa mi heilsam, mei zukunft steht unta kan gutn stean; bin ka gegnstond, füa mi gibts ka pfond, entschweb scho in metaphysischn sphäan
eawoch imma im gleichn unglücksspü, zum greifn nah is mei ongstrebtes zü, bleib hia om bodn meina möglichkeit, entrümpl oimählich mei hoitboakeit
bin ka untanehmarische peason, entlarv von hintn des chamäleon, föada gean diese genialität, bin voasichtig bei da kapazität.
e 2) .8/9/7/8 / 9 ..8/7/8/8 / 9
hoit zua vawondtschoft vü kontakt, suach die mutprobm in stodt und lond, hob mei eignes artefakt, schau seah oft üban hechstn rond, vaschenk mei liebe ois treues pfond
mei zeitvatreib is woih duachdocht, beschäftig mi mit olle sektoan, woa oft valetzt und easchlofft, definia die eignen vektoan, optimia meine zoatn sensoan
jeda hot sei plus und minus, jeda hot sei element, jeda hätt do gean an bonus, jeda is sei eigna klient, hob in meina wöd scho seah vü gstemmt
hob auch an grossn freundeskreis, in meim zuhaus heascht stets hochbetrieb, widme oin an eahnpreis, dient ois untahoitungsprinzip, is a grosses eaholungsgebiet
hob mei obwexlung oft kopiat, hob no nie an übadruss ealebt, hob mi oft vakalkuliat, hob mi on jedm sein festklebt, hob mei peafoamance scho längst aufpeppt
jeda hot a chance und a pech, jeda hot sei leidnschoft, jeda bekommt amoi nua blech, jeda eazeugt sein eignen soft, hobs feia in meina wöd entfocht.
f 1) .11/7/11/6+5 ..8/7/5 / 8/7/5 ..8/8 / 8/8/8
mecht net die gonze lost allane trogn, schlepp net ois mit mia herum, mecht den expandierendn kloss vajogn, is wie a parasit a bakterium
mecht net diese grosse büade mitschleifn, heb ma donn bestimmt an bruch, mecht endlich mei sensible haut obstreifn, wiaf die weisse flagge und a des hondtuch
bin scho zeichnet mei lebm long, da nebl is mei voahong, find hia net meah raus; bin gfongen in ana gussfoam, die öffnung is des staubkoan, sitz in an gloshaus
bin scho zamüabt mei lebm long, vaföh stets den bumerong, bin afoch vüz schwoch; bin gfongen in ana spiroin, die öffnung san diese quoin, lieg mittm im boch
in meim pavillon heult da stuam, bau mia danebm an leuchttuam, vaschraub des feanroah aufs stativ, wink den steanen intuitiv, des licht is iah lebmsarchiv
in meim springbrunnen lebt a wal, sendet ma a kloares signal, eakenn net diese melodie, sehn mi noch diesa therapie, wo is mei neue battarie.
ch 1d) .8/10/10/10 ...8/11/8/12
brauch mein kuazn sprint jedn tog, schreib ma söba mei horoskop, brauch jede nocht diesn ruhign woihklong, gfrei mi wieda auf den sonnenaufgong
brauch dringend den beag ungezähmt, diese graue stodt hot mi längst gelähmt, brauch diese gesättigte frische luft, inhalia jedn berauschendn duft
brauch ka öde monotonie, füas entkommen gibts hia ka garantie, brauch ka schrille moabide dekadenz, frog mi des öftan noch da effizienz
mei lebm is a gfoahnpool, beim aufspüan und entschäafn wiad ma scho schlecht, bin längst a zakrotztes modul, mei lebm hot olle synapsn nochgeäfft.
ch 2c) .9/9/10/9 ...6+5/8+5 (7+6)/13
wea in diesa wöd net tolariat, bin nua a schädliche illusion, hoff dass si ois wieda longsom entwiat, auf mi woat scho a komplikation
mei lebm hot übaroi an feind, woa a gemisch aus same und ei, mei gonzes lebm hot stets ois vaneint, bin a unfeatige stickarei
wea mi mit niemondn onfreundn, bin vü zu schüchtan und ungeschickt, muass mi söba voa oin valeumdn, bin nua des archaische relikt
meine fragiln faktoan san scho längst zalegt, meine bewundatn mentoan hom mi seah geprägt, diese wöd hot meina sö den hoitegriff obgsägt.
ch 3b) .11/12/5+6 ...9/9/8/7
konn mei eainnrung jetzt net meah entziffan, in da finstanis auf da vaspiegltn wond, muass mi ausliefan on den nägstn neumond
konn aus meina phantasie net entspringen, gleit wieda zruck in mei brutale existenz, muass jetzt laut singen üba mei transparenz
konn den entzünda net meah in brond setzn, lösch glei wieda die glut mit meim eiskoitn blick, muass mi vanetzn mit meim lebmslimit
steh vielleicht kuaz voa da explosion, mei gsundheit hot a miese position, mei zweita schongong hot gepasst, mei befund is nua ballast.
ch 4a) .9/7/9/7 ..10/10/7/7 ..7/9/7/9
hob die attacke net kommen gsehn, woit instinktiv weitagehn, hob ma des ois gonz ondas voagstöt, hob mi wieda moi vazöht
hob mein innren konflikt net bemeakt, hob mit händ und fiass no gweakt, hob die zeichn foisch intapretiat, hob mi söba sabotiat
bin besessn vom tiafn festn schlof, von diesm mystischn transzendental, moch die rundn aufm hof, suach vazweiflt des poatal
tauch duach die dystopische galaxie, duachs irisierende kaleidoskop, moch gonz brav die therapie, suach scho long des antidot
reich dem schicksoi jetzt mei hond, hob sei entscheidung völlig akzeptiat, leist jetzt a kan widastond, hobs gerechte uateil respektiat
sog dem richta lebewohl, gib mei untaschrift diesm beschluss, jetzt steht ois im protokoll, bin jetzt bereit füa mein exitus.
geschrieben am 13./14./15./20./27./28./29./30./31. märz // 03./05./06./07./08. april 2021.pk. ~ überarbeitet am 20. november 2023.pk.
copyright by philipp kirschner.pk. ~ untermalt mit musik von jd allen (ts), russell gunn (tr), nicholas payton (tr).
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen