478.
| grobstein.
1) .8+8/7+9 (8+8)/9 ...8/8/7/9 / 10
vawiate marionettn hängn faul im fadnsalat, die varostetn kettn schneidn tiaf ins fleisch wie heissa draht, auf gwoit foigt wieda a greueltat
voa ongst aufgrissne augn stoan blind auf a unsichtboare wond, die weissn friednstaubm foin blutend vom rotn horizont, himmlische wesn ausgstopft mit sond
die totale vagessnheit schlogt mit volla wucht ins gehian, die tentakln da woahheit saugn si fest on da hohn stian, san eainnarungsköana aus fian
des lebm is wie a funkn, nua a leichtes flackan im wind, die büda san vasunkn, in an ewig finstren labyrinth, da gespoitne vadoabne traum beginnt.
b 1) .8+6/8+6 / 5+8 ...11/10/11/10
die kuavnreiche existenz is a ochtabohnfoaht, die grenzn da lebmsessenz san im oiptraum eastoat, mei realität stüazt si in die fatalität
die obgeflochte phantasie schmüzt zu an zähn brei, die gedonkliche autopsie a graue molarei, mei eignes schicksoi zateilt den lebmsintavoi
die obsuad gföschte emotion schüat panische phobien, die endogene depression füttat die utopien, die vaschwommne sicht vadunklt mei zabrochnes licht
gfesslt und gfongen in ana illusion, ongekettet on da düstren vision, vasink in a tiafe bewusstlosigkeit, hob mi in meim schlof wieda foisch eingreiht.
ch 1a) .12/9/11/7 ...5+6+8/5+6+7
weck mi endlich auf aus diesm giarign schlund, küss mi endlich mit deim rotn mund, stimulia mein knotn meine neavnzön, tauch tiaf in tödlichn wön
ziag mi endlich aus diesa schian ewigkeit, streichl mi mit deina feuchtigkeit, entfochs feia in meim oidn apparat, geh blind üban schmoin grat
zeig ma do endlich den weg aus diesm valies, vafüah mi nua mit deim paradies, injizia ma jetzt dei lebmseneagie, hob hia no ka alibi
vasoizte tropfn foin wie in zeitlupm auf an übawuchatn stein, a leises klopfn ausm lebmsschuppm kommuniziat mitm sein.
2) .8+8/7+9 (8+8)/9 .../8/8/7/9 / 10
präpariate voglscheuchn stehn allein aufm frischn föd, bei brutaln festbräuchn wiad die puppm gfoitat und quöt, da terroa hot si wieda ongstöt
fanatisch geköpfte feinde tonzn laut lochend in an kreis, diese trauande gemeinde trinkt den heilign todesschweiss, magische wesn zoihn iahn preis
die vagessenheitsgetränke lossn synapsn kollidian, die beflecktn geschenke wean zu den tatsochn applaudian, mecht mei gedächtnis nei installian
des lebm is a kuaza blitz, a schnölles aufglühn in da nocht, da tog is nua a schlechta witz, in ana valustreichn schlocht, da vaseuchte traum hot mi scho bestroft.
b 2) .8+6/8+6 / 5+8 ...11/10/11/10
da aussteabende foatbestond is a puares glücksspü, da tägliche lebmsaufwond eablickt vüz schnö des zü, mei echte präsenz hoit a eiskoite audienz
die stoak lädiate woahnehmung wiad zum zialichn fleck, die zerebral wüste lähmung hintalosst nua no dreck, des kantige blech locht laut üba mei schmiarigs pech
die explosive hysterie pumpt des chaos ins blut, die extrem träge lethargie vahätschlt iahre brut, da schleia im blick schwäazt den goidanen goignstrick
festgnoglt und vaboaht auf diesm plateau, ongschnoit auf an unhamlichn fresko, foi in metaphysisch sekundäre sphäan, konn mi gegan schlof scho fost net eaweahn.
d 1) .10/10/11/11 ..6/6/6/6 / 9/8
die kreatua in mia wü endlich raus, da vafluachte dämon hot ka zuhaus, suacht sei opfa scho seit archaischa zeit, sei flüssiga schottn is zu oim bereit
die unsteabliche mocht hot mi im griff, des bese in mia is seah effektiv, die saat gedeiht und wiad zua blühendn frucht, vastroiht iahn betörend grausomen duft
meine sinn vablossn, bin völlig transparent, hot mei haut duachstossn, bin extrem virulent, involviat im ständign prozess, umhüllt vom iadenen gefäss
dieses wesn hot si mit mia vaeint, dieses phantom is in mia wüd aufkeimt, jogt sei gehetzte beute duach zeit und raum, wü do sein oaganismus no weita ausbaun
die stäake is äussast hochkonzentriat, da hoss in mia hot mi modifiziat, die samenzön san kannibaln im vabund, noch da vafressenen oagie sans vastummt
die instinkte schrumpfn, liegn scho gänzlich brach, oagane vasumpfn, streich jedn paragraph, hob olle zutatn füas rezept, des unbewusste is vaebbt.
ch 1b) .12/9/11/7 ...5+6+8/5+6+7
weck mi endlich auf aus diesa süchtign kluft, küss mi do endlich in da sondbucht, aktivia mei system meine rezeptoan, umhüllt von schädlichn spoan
entfoit do endlich diesn zarissnen vatrog, liebkos diesn punkt bis zum onschlog, tonz splittanockt voa mia füa mein appetit, in mia wohnt a parasit
schleif mi endlich aus da vakeahtn genesis, berüah mi jetzt mit deim paradies, schenk ma nua an teil von deina lebmskroft, spia hia no ka leidnschoft
da regnbogn baut sein fäabign pfad übas glitzande fiamament, klettande wogn mischn den lebmsrat zum empfongnen sakrament.
ch 2a) .6+7 (5+8)/9+4 / 5+8 ...7+6/6+7 / 9
die säulen da freiheit varottn im letztn eck, übazogn vom bluadign kleid aufm hackbrett, madn dea manien, nogn om lebmstrampolin
die bruckn da seeln is a schmola boikn aus hoiz, auf zuagspitztn moaschn martapfähln taut glei da stoiz, des denkn ealischt, afoch nua no im trübm gfischt
die treppe des obschieds hot des glända obbaut, die vagessne winzige notiz hätt ois aufgraut, nua im freien foi, untastützt man hoatn aufproi
die foaht im boot üban fluss hot kan guatn stean ghobt, da vastopfte ausguss hot den wüdn oakan gstoppt, nua die geista hom si no austobt.
3) .8+8/7+9 (8/8)/9 .../8/8/7/9 / 10
sinnlos vaschobne schachfiguan kämpfn auf an kariatn platz, die kriegarischn prozeduan endn in da tödlichn hatz, da nägste zug eahöht den einsatz
totgeschwiegne massngräba schrein laut noch da gerechtigkeit, jeds skelett is onkläga füa die peavease oboatigkeit, mystische wesn liegn im streit
des vagessnheitsvasprechn wechslt ständig ins vakuum, die grodetn spieglflächn londn stets im delirium, mei vagongenheit is a iatum
des lebm is do wie a flomm, nochm auflodan is voabei, vü zu rasant bricht da domm, in diesa valognen molarei, da namenlose traum is heuchelei.
b 3) .8+6/8+6 / 5+8 ...11/10/11/10
die vawunschne inkarnation vastöt des gleichgewicht, füad vasprochne obsolution gibts scho a gegngift, diesa aufenthoit mündet in an sinistren spoit
die hoffnung nua glotta betrug im schmiarign morast, im endlosn parablflug vadrängt ma den ballast, mei komposition woat scho auf iah exekution
bei dem ekstatischn tempo wiad anarchie vaspritzt, des nukleare infeano hot des diesseits aufgschlitzt, da täuschende schein wiad die katastrophn ausspein
festbissn und fixiat im rasendn zwong, vabundn mitm ungezähmtn drong, rutsch in mei ungewisse letalität, meine trieb im schlof hom priorität.
d 2) .10/10 (11)/11 (10)/11 ..6/6/6/6 / 9/8
die kreatua in mia duachbricht den zaun, da grässliche dämon öffnet seine klaun, entdeckt seine opfa in jedm nest, sei stinkend rasslnda atem bringt die pest
diese terrorisierende potenz, treibt des bese zua grobm opulenz, da spriessende kean entwicklt si peafekt, is sei exzessiv gnodnloses projekt
meine sinn vaschwindn, bin duachsichtig wie glas, konn nix meah empfindn, bei hypnotischn mantras, belostet im mentaln voagong, genau troffn vom bumerong
dieses wesn is mit mia gonz synchron, in meim heaz haust des obskure phantom, sei beute eascheint imma auf seim radar, labt si om siassn unsteablichn nektar
des vamögn schöpfarisch souvarän, da hoss in mia sendet seine armeen, da natüaliche extrakt wiakt ungehemmt, hot si ois schmarotza on mia festgeklemmt
mei gspüa hot si zasetzt, hobs zü no net eareicht, in mia is ois vaätzt, hob die säure scho gstreift, mei fraktala rahmen is zasteat, die vanunft hot si scho vaspeat.
e 1) .6+6+8/6+5+10 ..10/9/11/10
schwonk auf an rotn strich üba mei gegnwoat in die asche meina zukunft, da eitrige einstich tunkt mei denkungsoat in a sadomasochistische brunft
balancia auf an bond üba a karge schlucht in den nebl da einsomkeit, mei komplexa vastond hot ois foisch eingstuft mit pathologischa besessnheit
flüsta konfuse sprüche voa mi hin, fliag donn nua mit bittra medizin, mei gekreischta hüfeschrei is längst eastickt, die schwochn wuazln hom den baum geknickt.
ch 1c) .12/9/11/7 ...5+6+8/5+6+7
weck mi endlich auf ausm sauren rachnraum, küss mi mit deim vaginaln flaum, intensivia meine zonen mei hoamon, mutia zum chamäleon
reiss mi endlich aus diesa vabotnen substanz, tätschl mi mit deina eleganz, bring do mein ealoschnen vuikan zum ausbruch, moch vüz oft an söbstvasuch
hoi mi endlich runta von diesm heissn spiess, vaschnüa nua bei mia des paradies, vaobreich ma do wos von deim lebmswün, bin hia scho längst om vabrühn
aufbauschte woikn entlodn iah stäake auf die jungfräuliche natua, diesa stützboikn trogt die lebmshäate füa mei föhlakorrektua.
ch 2b) .6+7 (5+8)/9+4 / 5+8 ...7+6 (6+7)/6+7 / 9
die pfeila da gebuat bröckln longsom ausanond, eatrunkn in da tückischn fuat hintam voahong, vasprochna defekt, gezeugt im dominoeffekt
da steg da zwa wötn füaht direkt ins niagendwo, in den brüchig aufgschlognen zötn hängt ka foto, ois is volla rauch, draussn wochst a brennenda strauch
dea leita da tugend föhn sprossn bis zum poatal, nua in diesa valossnen gegend gibts ka moral, die dopplte zung, setzt on zum zweideutign sprung
die foaht mit diesm schiff woa zum scheitan vauateilt, des auflauande riff hot si goa net gelongweilt, nua die geista hom si fest vakeilt.
ch 3a) .9/8/12/8 ...10/8/10/8
wein mia a zoats tränengerinnsl, traua um die vasiegte quön, auf meina fiktivn surrealn insl, könnt i ma a neie heastön
skizzia ma fliagl füa mei reise, hob scho olle fedan vabraucht, schwebend üba da blühend sonnign schneise, hätt i mi in polln getauft
tröst mi mit floraln symphonien, lausch den tian bei iahm konzeat, des leanen dea melancholischn melodien, hot mei innre stün no vameaht
bin grüstet füan ollaletztn schritt, hob mit den steanen meditiat, moch jetzt voa meim lebm an schoafn schnitt, hob mi boid komplett transfoamiat.
4) .8+8/7+9 (8/8)/9 .../8/8/7/9 / 10
eisan ausgepeitschte sklavn wuadn bei da dressua gedrillt, ma muass sie ständig bestrafn sunst sans zu goa nix meah gewillt, die alarmglockn hom scho geschrillt
in hintahöfn im vaschlog homs die zucht scho längst patentiat, bei jeda negativn frog wiad die ontwoat relativiat, fruchtboare wesn hom kopuliat
die vagessnheitskonfarenz woscht jede windung wieda rein, die auffällige diffarenz findt einzug in an totnschrein, resonanzn san nua litanein
des lebm is a nihilist, des getu vom glaubm is seicht, iagendwonn kummt da antichrist, seine knochn san längst gebleicht, da bizarre traum hot si söbst eingseift.
b 4) .8+6/8+6 / 5+8 ...11/10/11/10
die foule palingenese homs scho wieda vapfuscht, die eabrochte antithese homs wissentlich vatuscht, mei letzta besuch eaweckt den grausign schlochtruf
die blonke kreativität hot si ins nichts aufglöst, die vamindate qualität hot bestien entblösst, jede dysfunktion vamindat mei evolution
solistische eskapadn übahitzn vüz leicht, die obgwetztn barrikadn hom scho längst obgelaicht, die aussichtsplottfoam stösst vawinklt gegn die noam
vaschüttet und vagrom im höhlnvahau, vasprengt duach diesn desaströsn gau, kenta in an sud aus gepressta rachsucht, im schlof san oi meine chancen vapufft.
d 3) .10/10 (11)/11 (10)/11 ..6/6/6/6 / 9/8
die kreatua in mia springt üban schüd, da hönische dämon hot mi vabrüht, seine opfa hom hechste priorität, hom sei makabre eascheinung scho ongfleht
diese endgültigkeit hot mi vaschluckt, des obsolut bese hot mi ausgspuckt, da blütnstaub besprüht die narbe gonz sonft, nua die eakronktn wean glei wieda zastompft
meine sinn vapuffn, bin fragil diaphan, loss mi net zruckstufn, vafoig mein eignen plan, bekenn mi zu meim eignen prinzip, bleib auf meim longen horrortrip
des wesn büdet mit mia a geflecht, dieses phantom hot si on mia gerächt, die fette beute zapplt willig im netz, die rituelln gebote san gesetz
des masslos unbändige temprament, hot si om cholerischn hoss onglehnt, sei ejakulat entstommt ausm uaknoi, sei odyssee wiad zum fruchtboakeitssymboi
hob mein schlüssl valoan, zuagmauata einloss, mei kreislauf is eingfroan, ois ruht aufm amboss, mei ära hot si fluchend vaneigt, die therapie geniesst und schweigt.
e 2) .6+6+8/6+5+10 ..10/9/11/10
wind mi duachs schwoaze loch untam guaglnden pfuhl in die suppe meina laufbahn, des vamodate doch schauklt den beichtstuhl auf da hauchdünnen seniln membran
lavia mi queafödein duach an dichtn uawoid in den dunst meina noabmschar, meine lebmsdatein hom no nix bezoiht auf dem berühmt berüchtigtn basar
leia stupid gebete voa mi hea, fliag zum halluzinierendn mea, die sirene schrillt markeaschüttand im oah, die gschmoizne zeit öffnet des hohe toa
wöz mi aufm bodn üba da feuasbrunst im unscheinboa dämmrign jetzt, meine heilmethodn hom die woahre kunst in oin lebmslagn umgesetzt
jonglia die sekundn zum vakrompftn rhythmus vom hastig pumpendn heazschlog, moch schnö meine rundn im strengen zyklus vom stoak vakohltn dirigentnstob
muaml in ana unbekonntn sproch, fliag nua mit dem okkultn lockstoff, des woansignoi hot wieda gänzlich vasogt, die lebmslinie hot pletzlich gstoppt.
f 1) .7+6/7+6 / 7+8 ..9+7/8+8 / 10
in diesa unendlichkeit wiad ois bedeutungslos, die geringste klanigkeit vaschwindet im kosmos, in an ochtlosn moment wiast zum spüboi gonz peamanent
in da uneamesslichkeit wiakt ois so minimal, die voikommne nichtigkeit beweatet ois global, a gonz pletzlicha kuazschluss schickt scho den letztn obschiedskuss
fost zwa meta unta da eadn oda afoch nua vabronnt, es gibt afoch gnua beschweadn und so vü is no unbekonnt, san olle gleich denn niemond wiad vaschont
in diesa immensität wean ma zua null kastriat, unsre anonymität hot uns neutralisiat, losst die aufmeaksomkeit noch trifft die sensn net nua im schlof
in diesa infinität wiad ma hineingeboan, die eigne rivalität wiad no weita rumoan, riskiat ma an nein trick bricht da sensnmonn dia des gnick
von da trauagemeinde vamisst oda nua lieblos entsoagt, afoch vüz fruah die fahne ghisst und die miesn floschn entkoakt, san olle gleich des lebm wiad vaboagt.
ch 1d) .12/9/11/7 ...5+6+8/5+6+7
drum weck mi endlich auf aus diesa offnen gruam, küss mi endlich woch mit sochtem schnuan, motivia mein muskl mei hörige lust, bin ma kana schuid bewusst
blätta endlich die nägste leare seitn um, lösch mi jetzt aus deim diarium, geissl mi ruhig bis dei libido zaplotzt, hob ma mei lebm zakrotzt
eazöh ma ka mäachen von meina nemesis, küa dei sinnlichkeit zum paradies, spend ma do a bissl lebmselixia, hob on dem oat ka quartia
dröhnende donna poitan üban äther mit ana wichtign botschoft, diese korona wiad donn zum varäta und flieht aus da einzlhoft.
ch 2c) .6+7 (5+8)/9+4 / 5+8 ...7+6 (6+7)/6+7 / 9
die pfostn da unschuld san von innen obgestumpft, nua diesa satanistische kult hot no auftrumpft, a scheusslicha gstonk, entweicht dem schüchtanen onfong
diesa übagong von woam zu koit hot kan schnittpunkt, da gellende penetrante klong hot zeichn gfunkt, unübasetzboa, vahoit is da rauschende choa
die stufn da weisheit kappm den maskiatn betrug, diesa noch bluad düastende wettstreit kriagt nie genug, die fratze siagt ois, wegn des eastn sündnfois
die foaht aufm floss hots debakl getrost bestöt, des märtyrerepos is on da föswond zaschöt, nua die geista hom si söbst eahöht.
ch 3b) .9/8/12/8 ...10/8/10/8
heul koite tränen zum voin mond, traua um den lebmspalast, on diesa imaginäa viatuelln front, steht da zahockte todesmast
moi schwingen füa mei expedition, hob die fedan vakeaht platziat, schweb genau üba meina intensivstation, hom mi scho wieda umquartiat
eafreu mi on botanischa procht, lausch jedm gräusch in woid und flua, die dumpfn trommlschläg san imma meah obgflocht, inhalia die friedliche ruah
bin reif füa mei ollaletztes weak, hob mit kometn konferiat, stö hinta mei lebm a schoafes schweat, hob mi donn gonz neu konstruiat.
ch 4a) .9/7/10/8 ..8/9/7/9
mei müdigkeit hot mi übamonnt, meine augn bleibm zua, fädl mein lebmsfodn on den rond, weit entfeant valiat si sei spua
mei schwächlichkeit nimmt besitz von mia, hot si afoch fest vahakt, stoak zasplittat is mei lebmsscharnia, es woa a sabotageakt
reich ma bitte dei wache hond, trog mi endlich wieda zu dia ham, warum host mi net geklont, nua du bist mei schutz und mei balsam
mei lethargie hot mi übaroit, meine augn hoitn dicht, begleit mein lebmssinn in die onstoit, a weissa onzug is hia pflicht
mei agonie wiad zu meim regime, beheascht mi von früh bis spät, in mia san nua lebmsanomalien, vaspü scho mei vitalität
schleus mi jetzt duach diesn parkour, trog mi endlich in dei trautes heim, warum bist no net retour, nua du woast no nie bei meim grobstein.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 30./31. juli // 03./04./07./10./11./12./13./14./15./16. august 2020.pk. ~ überarbeitet am 15. november 2023.pk.
copyright by philipp kirschner.pk. ~ untermalt mit musik von beyond creation, inanimate existance, lamb of god, the odious construct, vintersea.
***************************************************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .8+8/7+9 (8+8)/9 ...8/8/7/9 / 10
vawiate marionettn hängn faul im fadnsalat, die varostetn kettn schneidn tiaf ins fleisch wie heissa draht, auf gwoit foigt wieda a greueltat
voa ongst aufgrissne augn stoan blind auf a unsichtboare wond, die weissn friednstaubm foin blutend vom rotn horizont, himmlische wesn ausgstopft mit sond
die totale vagessnheit schlogt mit volla wucht ins gehian, die tentakln da woahheit saugn si fest on da hohn stian, san eainnarungsköana aus fian
des lebm is wie a funkn, nua a leichtes flackan im wind, die büda san vasunkn, in an ewig finstren labyrinth, da gespoitne vadoabne traum beginnt.
b 1) .8+6/8+6 / 5+8 ...11/10/11/10
die kuavnreiche existenz is a ochtabohnfoaht, die grenzn da lebmsessenz san im oiptraum eastoat, mei realität stüazt si in die fatalität
die obgeflochte phantasie schmüzt zu an zähn brei, die gedonkliche autopsie a graue molarei, mei eignes schicksoi zateilt den lebmsintavoi
die obsuad gföschte emotion schüat panische phobien, die endogene depression füttat die utopien, die vaschwommne sicht vadunklt mei zabrochnes licht
gfesslt und gfongen in ana illusion, ongekettet on da düstren vision, vasink in a tiafe bewusstlosigkeit, hob mi in meim schlof wieda foisch eingreiht.
ch 1a) .12/9/11/7 ...5+6+8/5+6+7
weck mi endlich auf aus diesm giarign schlund, küss mi endlich mit deim rotn mund, stimulia mein knotn meine neavnzön, tauch tiaf in tödlichn wön
ziag mi endlich aus diesa schian ewigkeit, streichl mi mit deina feuchtigkeit, entfochs feia in meim oidn apparat, geh blind üban schmoin grat
zeig ma do endlich den weg aus diesm valies, vafüah mi nua mit deim paradies, injizia ma jetzt dei lebmseneagie, hob hia no ka alibi
vasoizte tropfn foin wie in zeitlupm auf an übawuchatn stein, a leises klopfn ausm lebmsschuppm kommuniziat mitm sein.
2) .8+8/7+9 (8+8)/9 .../8/8/7/9 / 10
präpariate voglscheuchn stehn allein aufm frischn föd, bei brutaln festbräuchn wiad die puppm gfoitat und quöt, da terroa hot si wieda ongstöt
fanatisch geköpfte feinde tonzn laut lochend in an kreis, diese trauande gemeinde trinkt den heilign todesschweiss, magische wesn zoihn iahn preis
die vagessenheitsgetränke lossn synapsn kollidian, die beflecktn geschenke wean zu den tatsochn applaudian, mecht mei gedächtnis nei installian
des lebm is a kuaza blitz, a schnölles aufglühn in da nocht, da tog is nua a schlechta witz, in ana valustreichn schlocht, da vaseuchte traum hot mi scho bestroft.
b 2) .8+6/8+6 / 5+8 ...11/10/11/10
da aussteabende foatbestond is a puares glücksspü, da tägliche lebmsaufwond eablickt vüz schnö des zü, mei echte präsenz hoit a eiskoite audienz
die stoak lädiate woahnehmung wiad zum zialichn fleck, die zerebral wüste lähmung hintalosst nua no dreck, des kantige blech locht laut üba mei schmiarigs pech
die explosive hysterie pumpt des chaos ins blut, die extrem träge lethargie vahätschlt iahre brut, da schleia im blick schwäazt den goidanen goignstrick
festgnoglt und vaboaht auf diesm plateau, ongschnoit auf an unhamlichn fresko, foi in metaphysisch sekundäre sphäan, konn mi gegan schlof scho fost net eaweahn.
d 1) .10/10/11/11 ..6/6/6/6 / 9/8
die kreatua in mia wü endlich raus, da vafluachte dämon hot ka zuhaus, suacht sei opfa scho seit archaischa zeit, sei flüssiga schottn is zu oim bereit
die unsteabliche mocht hot mi im griff, des bese in mia is seah effektiv, die saat gedeiht und wiad zua blühendn frucht, vastroiht iahn betörend grausomen duft
meine sinn vablossn, bin völlig transparent, hot mei haut duachstossn, bin extrem virulent, involviat im ständign prozess, umhüllt vom iadenen gefäss
dieses wesn hot si mit mia vaeint, dieses phantom is in mia wüd aufkeimt, jogt sei gehetzte beute duach zeit und raum, wü do sein oaganismus no weita ausbaun
die stäake is äussast hochkonzentriat, da hoss in mia hot mi modifiziat, die samenzön san kannibaln im vabund, noch da vafressenen oagie sans vastummt
die instinkte schrumpfn, liegn scho gänzlich brach, oagane vasumpfn, streich jedn paragraph, hob olle zutatn füas rezept, des unbewusste is vaebbt.
ch 1b) .12/9/11/7 ...5+6+8/5+6+7
weck mi endlich auf aus diesa süchtign kluft, küss mi do endlich in da sondbucht, aktivia mei system meine rezeptoan, umhüllt von schädlichn spoan
entfoit do endlich diesn zarissnen vatrog, liebkos diesn punkt bis zum onschlog, tonz splittanockt voa mia füa mein appetit, in mia wohnt a parasit
schleif mi endlich aus da vakeahtn genesis, berüah mi jetzt mit deim paradies, schenk ma nua an teil von deina lebmskroft, spia hia no ka leidnschoft
da regnbogn baut sein fäabign pfad übas glitzande fiamament, klettande wogn mischn den lebmsrat zum empfongnen sakrament.
ch 2a) .6+7 (5+8)/9+4 / 5+8 ...7+6/6+7 / 9
die säulen da freiheit varottn im letztn eck, übazogn vom bluadign kleid aufm hackbrett, madn dea manien, nogn om lebmstrampolin
die bruckn da seeln is a schmola boikn aus hoiz, auf zuagspitztn moaschn martapfähln taut glei da stoiz, des denkn ealischt, afoch nua no im trübm gfischt
die treppe des obschieds hot des glända obbaut, die vagessne winzige notiz hätt ois aufgraut, nua im freien foi, untastützt man hoatn aufproi
die foaht im boot üban fluss hot kan guatn stean ghobt, da vastopfte ausguss hot den wüdn oakan gstoppt, nua die geista hom si no austobt.
3) .8+8/7+9 (8/8)/9 .../8/8/7/9 / 10
sinnlos vaschobne schachfiguan kämpfn auf an kariatn platz, die kriegarischn prozeduan endn in da tödlichn hatz, da nägste zug eahöht den einsatz
totgeschwiegne massngräba schrein laut noch da gerechtigkeit, jeds skelett is onkläga füa die peavease oboatigkeit, mystische wesn liegn im streit
des vagessnheitsvasprechn wechslt ständig ins vakuum, die grodetn spieglflächn londn stets im delirium, mei vagongenheit is a iatum
des lebm is do wie a flomm, nochm auflodan is voabei, vü zu rasant bricht da domm, in diesa valognen molarei, da namenlose traum is heuchelei.
b 3) .8+6/8+6 / 5+8 ...11/10/11/10
die vawunschne inkarnation vastöt des gleichgewicht, füad vasprochne obsolution gibts scho a gegngift, diesa aufenthoit mündet in an sinistren spoit
die hoffnung nua glotta betrug im schmiarign morast, im endlosn parablflug vadrängt ma den ballast, mei komposition woat scho auf iah exekution
bei dem ekstatischn tempo wiad anarchie vaspritzt, des nukleare infeano hot des diesseits aufgschlitzt, da täuschende schein wiad die katastrophn ausspein
festbissn und fixiat im rasendn zwong, vabundn mitm ungezähmtn drong, rutsch in mei ungewisse letalität, meine trieb im schlof hom priorität.
d 2) .10/10 (11)/11 (10)/11 ..6/6/6/6 / 9/8
die kreatua in mia duachbricht den zaun, da grässliche dämon öffnet seine klaun, entdeckt seine opfa in jedm nest, sei stinkend rasslnda atem bringt die pest
diese terrorisierende potenz, treibt des bese zua grobm opulenz, da spriessende kean entwicklt si peafekt, is sei exzessiv gnodnloses projekt
meine sinn vaschwindn, bin duachsichtig wie glas, konn nix meah empfindn, bei hypnotischn mantras, belostet im mentaln voagong, genau troffn vom bumerong
dieses wesn is mit mia gonz synchron, in meim heaz haust des obskure phantom, sei beute eascheint imma auf seim radar, labt si om siassn unsteablichn nektar
des vamögn schöpfarisch souvarän, da hoss in mia sendet seine armeen, da natüaliche extrakt wiakt ungehemmt, hot si ois schmarotza on mia festgeklemmt
mei gspüa hot si zasetzt, hobs zü no net eareicht, in mia is ois vaätzt, hob die säure scho gstreift, mei fraktala rahmen is zasteat, die vanunft hot si scho vaspeat.
e 1) .6+6+8/6+5+10 ..10/9/11/10
schwonk auf an rotn strich üba mei gegnwoat in die asche meina zukunft, da eitrige einstich tunkt mei denkungsoat in a sadomasochistische brunft
balancia auf an bond üba a karge schlucht in den nebl da einsomkeit, mei komplexa vastond hot ois foisch eingstuft mit pathologischa besessnheit
flüsta konfuse sprüche voa mi hin, fliag donn nua mit bittra medizin, mei gekreischta hüfeschrei is längst eastickt, die schwochn wuazln hom den baum geknickt.
ch 1c) .12/9/11/7 ...5+6+8/5+6+7
weck mi endlich auf ausm sauren rachnraum, küss mi mit deim vaginaln flaum, intensivia meine zonen mei hoamon, mutia zum chamäleon
reiss mi endlich aus diesa vabotnen substanz, tätschl mi mit deina eleganz, bring do mein ealoschnen vuikan zum ausbruch, moch vüz oft an söbstvasuch
hoi mi endlich runta von diesm heissn spiess, vaschnüa nua bei mia des paradies, vaobreich ma do wos von deim lebmswün, bin hia scho längst om vabrühn
aufbauschte woikn entlodn iah stäake auf die jungfräuliche natua, diesa stützboikn trogt die lebmshäate füa mei föhlakorrektua.
ch 2b) .6+7 (5+8)/9+4 / 5+8 ...7+6 (6+7)/6+7 / 9
die pfeila da gebuat bröckln longsom ausanond, eatrunkn in da tückischn fuat hintam voahong, vasprochna defekt, gezeugt im dominoeffekt
da steg da zwa wötn füaht direkt ins niagendwo, in den brüchig aufgschlognen zötn hängt ka foto, ois is volla rauch, draussn wochst a brennenda strauch
dea leita da tugend föhn sprossn bis zum poatal, nua in diesa valossnen gegend gibts ka moral, die dopplte zung, setzt on zum zweideutign sprung
die foaht mit diesm schiff woa zum scheitan vauateilt, des auflauande riff hot si goa net gelongweilt, nua die geista hom si fest vakeilt.
ch 3a) .9/8/12/8 ...10/8/10/8
wein mia a zoats tränengerinnsl, traua um die vasiegte quön, auf meina fiktivn surrealn insl, könnt i ma a neie heastön
skizzia ma fliagl füa mei reise, hob scho olle fedan vabraucht, schwebend üba da blühend sonnign schneise, hätt i mi in polln getauft
tröst mi mit floraln symphonien, lausch den tian bei iahm konzeat, des leanen dea melancholischn melodien, hot mei innre stün no vameaht
bin grüstet füan ollaletztn schritt, hob mit den steanen meditiat, moch jetzt voa meim lebm an schoafn schnitt, hob mi boid komplett transfoamiat.
4) .8+8/7+9 (8/8)/9 .../8/8/7/9 / 10
eisan ausgepeitschte sklavn wuadn bei da dressua gedrillt, ma muass sie ständig bestrafn sunst sans zu goa nix meah gewillt, die alarmglockn hom scho geschrillt
in hintahöfn im vaschlog homs die zucht scho längst patentiat, bei jeda negativn frog wiad die ontwoat relativiat, fruchtboare wesn hom kopuliat
die vagessnheitskonfarenz woscht jede windung wieda rein, die auffällige diffarenz findt einzug in an totnschrein, resonanzn san nua litanein
des lebm is a nihilist, des getu vom glaubm is seicht, iagendwonn kummt da antichrist, seine knochn san längst gebleicht, da bizarre traum hot si söbst eingseift.
b 4) .8+6/8+6 / 5+8 ...11/10/11/10
die foule palingenese homs scho wieda vapfuscht, die eabrochte antithese homs wissentlich vatuscht, mei letzta besuch eaweckt den grausign schlochtruf
die blonke kreativität hot si ins nichts aufglöst, die vamindate qualität hot bestien entblösst, jede dysfunktion vamindat mei evolution
solistische eskapadn übahitzn vüz leicht, die obgwetztn barrikadn hom scho längst obgelaicht, die aussichtsplottfoam stösst vawinklt gegn die noam
vaschüttet und vagrom im höhlnvahau, vasprengt duach diesn desaströsn gau, kenta in an sud aus gepressta rachsucht, im schlof san oi meine chancen vapufft.
d 3) .10/10 (11)/11 (10)/11 ..6/6/6/6 / 9/8
die kreatua in mia springt üban schüd, da hönische dämon hot mi vabrüht, seine opfa hom hechste priorität, hom sei makabre eascheinung scho ongfleht
diese endgültigkeit hot mi vaschluckt, des obsolut bese hot mi ausgspuckt, da blütnstaub besprüht die narbe gonz sonft, nua die eakronktn wean glei wieda zastompft
meine sinn vapuffn, bin fragil diaphan, loss mi net zruckstufn, vafoig mein eignen plan, bekenn mi zu meim eignen prinzip, bleib auf meim longen horrortrip
des wesn büdet mit mia a geflecht, dieses phantom hot si on mia gerächt, die fette beute zapplt willig im netz, die rituelln gebote san gesetz
des masslos unbändige temprament, hot si om cholerischn hoss onglehnt, sei ejakulat entstommt ausm uaknoi, sei odyssee wiad zum fruchtboakeitssymboi
hob mein schlüssl valoan, zuagmauata einloss, mei kreislauf is eingfroan, ois ruht aufm amboss, mei ära hot si fluchend vaneigt, die therapie geniesst und schweigt.
e 2) .6+6+8/6+5+10 ..10/9/11/10
wind mi duachs schwoaze loch untam guaglnden pfuhl in die suppe meina laufbahn, des vamodate doch schauklt den beichtstuhl auf da hauchdünnen seniln membran
lavia mi queafödein duach an dichtn uawoid in den dunst meina noabmschar, meine lebmsdatein hom no nix bezoiht auf dem berühmt berüchtigtn basar
leia stupid gebete voa mi hea, fliag zum halluzinierendn mea, die sirene schrillt markeaschüttand im oah, die gschmoizne zeit öffnet des hohe toa
wöz mi aufm bodn üba da feuasbrunst im unscheinboa dämmrign jetzt, meine heilmethodn hom die woahre kunst in oin lebmslagn umgesetzt
jonglia die sekundn zum vakrompftn rhythmus vom hastig pumpendn heazschlog, moch schnö meine rundn im strengen zyklus vom stoak vakohltn dirigentnstob
muaml in ana unbekonntn sproch, fliag nua mit dem okkultn lockstoff, des woansignoi hot wieda gänzlich vasogt, die lebmslinie hot pletzlich gstoppt.
f 1) .7+6/7+6 / 7+8 ..9+7/8+8 / 10
in diesa unendlichkeit wiad ois bedeutungslos, die geringste klanigkeit vaschwindet im kosmos, in an ochtlosn moment wiast zum spüboi gonz peamanent
in da uneamesslichkeit wiakt ois so minimal, die voikommne nichtigkeit beweatet ois global, a gonz pletzlicha kuazschluss schickt scho den letztn obschiedskuss
fost zwa meta unta da eadn oda afoch nua vabronnt, es gibt afoch gnua beschweadn und so vü is no unbekonnt, san olle gleich denn niemond wiad vaschont
in diesa immensität wean ma zua null kastriat, unsre anonymität hot uns neutralisiat, losst die aufmeaksomkeit noch trifft die sensn net nua im schlof
in diesa infinität wiad ma hineingeboan, die eigne rivalität wiad no weita rumoan, riskiat ma an nein trick bricht da sensnmonn dia des gnick
von da trauagemeinde vamisst oda nua lieblos entsoagt, afoch vüz fruah die fahne ghisst und die miesn floschn entkoakt, san olle gleich des lebm wiad vaboagt.
ch 1d) .12/9/11/7 ...5+6+8/5+6+7
drum weck mi endlich auf aus diesa offnen gruam, küss mi endlich woch mit sochtem schnuan, motivia mein muskl mei hörige lust, bin ma kana schuid bewusst
blätta endlich die nägste leare seitn um, lösch mi jetzt aus deim diarium, geissl mi ruhig bis dei libido zaplotzt, hob ma mei lebm zakrotzt
eazöh ma ka mäachen von meina nemesis, küa dei sinnlichkeit zum paradies, spend ma do a bissl lebmselixia, hob on dem oat ka quartia
dröhnende donna poitan üban äther mit ana wichtign botschoft, diese korona wiad donn zum varäta und flieht aus da einzlhoft.
ch 2c) .6+7 (5+8)/9+4 / 5+8 ...7+6 (6+7)/6+7 / 9
die pfostn da unschuld san von innen obgestumpft, nua diesa satanistische kult hot no auftrumpft, a scheusslicha gstonk, entweicht dem schüchtanen onfong
diesa übagong von woam zu koit hot kan schnittpunkt, da gellende penetrante klong hot zeichn gfunkt, unübasetzboa, vahoit is da rauschende choa
die stufn da weisheit kappm den maskiatn betrug, diesa noch bluad düastende wettstreit kriagt nie genug, die fratze siagt ois, wegn des eastn sündnfois
die foaht aufm floss hots debakl getrost bestöt, des märtyrerepos is on da föswond zaschöt, nua die geista hom si söbst eahöht.
ch 3b) .9/8/12/8 ...10/8/10/8
heul koite tränen zum voin mond, traua um den lebmspalast, on diesa imaginäa viatuelln front, steht da zahockte todesmast
moi schwingen füa mei expedition, hob die fedan vakeaht platziat, schweb genau üba meina intensivstation, hom mi scho wieda umquartiat
eafreu mi on botanischa procht, lausch jedm gräusch in woid und flua, die dumpfn trommlschläg san imma meah obgflocht, inhalia die friedliche ruah
bin reif füa mei ollaletztes weak, hob mit kometn konferiat, stö hinta mei lebm a schoafes schweat, hob mi donn gonz neu konstruiat.
ch 4a) .9/7/10/8 ..8/9/7/9
mei müdigkeit hot mi übamonnt, meine augn bleibm zua, fädl mein lebmsfodn on den rond, weit entfeant valiat si sei spua
mei schwächlichkeit nimmt besitz von mia, hot si afoch fest vahakt, stoak zasplittat is mei lebmsscharnia, es woa a sabotageakt
reich ma bitte dei wache hond, trog mi endlich wieda zu dia ham, warum host mi net geklont, nua du bist mei schutz und mei balsam
mei lethargie hot mi übaroit, meine augn hoitn dicht, begleit mein lebmssinn in die onstoit, a weissa onzug is hia pflicht
mei agonie wiad zu meim regime, beheascht mi von früh bis spät, in mia san nua lebmsanomalien, vaspü scho mei vitalität
schleus mi jetzt duach diesn parkour, trog mi endlich in dei trautes heim, warum bist no net retour, nua du woast no nie bei meim grobstein.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 30./31. juli // 03./04./07./10./11./12./13./14./15./16. august 2020.pk. ~ überarbeitet am 15. november 2023.pk.
copyright by philipp kirschner.pk. ~ untermalt mit musik von beyond creation, inanimate existance, lamb of god, the odious construct, vintersea.
***************************************************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen