450. | synchron.
1) .8/11/8/11 / 5 (6)/7 (6)
wos soi i da jetzt no sogn, in meim loga hob i kane weisn sprüch, stö kane sinnlosn frogn, die ontwoatn gehn jo sowieso in brüch; hob nix konstruiat, hätt gean bessa kombiniat
hob da do eh scho ois eakläat, wos passiat is bleibt in da vagongenheit, hob dein lebmslauf oft gnua gheat, woast füa diese mission no goa net bereit; host hia vüz vü jongliat, woast net ausbalanciat
streich diesn voafoi endlich duach, hüf da imma gean auf deim weg zu deim zü, jeda föhla im lebmsbuach, is a festa bestondteil in diesm spü; host eh klug taktiat, host afoch zvü spekuliat
ma leant do imma wos dazua, nua des positive wiad glei akzeptiat, nua beim pech schoit ma donn auf stua, die vün problem hätt ma gean ausradiat; host zwenig triumphiat, host di vaspekuliat.
2) .8/11/8/11 / 5 (6)/7 (6)
hob da hia goa nix vasprochn, mei oide weisheit is leida a begrenzt, hob niemois mein schwua gebrochn, i hoff dei vatraun in mi no stroiht und glänzt; mit dia meditiat, host di auf mi fokussiat
es gibt imma so an moment, a klanigkeit hot katastrophn ausglöst, da dominostein foit dezent, hot uns glei die kettnreaktion entblösst; zu vü duelliat, bist mit oin kollidiat
do die zeit losst si net zruckdrehn, unsa schicksoi is scho längst tiaf eingraviat, wia weans afoch niemois vastehn, hom donn nua no unsicha improvisiat; host di sölisch vasteift, fühlst di wie eingeseift
nimm diesn plan söbst in die hond, zeichne dein bisherign pfad genau ein, benutz net nua kroft und vastond, loss dei heaz dei liebe woxn und gedeihn; host a zü onvisiat, host di oft korrigiat.
ch 1a) .7/8/7/9 / 8/7
moch da do kan söbstvoawuaf, loss deinen tränen frein lauf, da muasst jetzt afoch hinduach, und nimm die frischn wundn in kauf; voa dia a gähnenda schlund, dei geschrei is no net vastummt
die heilung dauat seah long, tank voahea no gnua eneagie, ziehn olle om söbm strong, diese schmeazn hom ka symmetrie; des eita nua longsom zäh tropft, mocht müabe wenn stetig klopft
nua die noabm san sichtboa, dei innre gfühlswöd bleibt vaspeat, scho defekt is dei sensoa, host di dagegn goa net meah gweaht; bist fest vaonkat und vaschraubt, host di scho stetig entlaubt
bleib amoi auf deina spua, konzentria di auf dei peason, zaschneid jetzt dei noblschnua, vielleicht läuft dei lebm donn synchron; hob mi füa diese chance eingsetzt, bist scho vüz long so valetzt.
wos soi i da jetzt no eazöhn, die gonze woahheit host do scho längst eafoahn, konnst dei identität frei wöhn, mecht da olle dreistn lügn gean easpoan; hom ois ausdiskutiat, hom scho vü korrigiat
hob sogoa ois schriftlich eafosst, damits jo kane lecha und lückn gibt, dei veasion is seah stoak umtost, nua dei gedächtnis is scho ziemlich duachsiebt; so vü foisch projiziat, oda intapretiat
host di in utopien varennt, a lösung des problems is long net in sicht, host di imma no net getrennt, von diesm söbstzasteararischn gewicht; bist no net deseatiat, host di einbetoniat
bist auf da suche nochm grund, in olle richtungen host scho rechachiat, des eagebnis steht im befund, do iagendwea hot die datn sabotiat; gemeina varat, woatst aufs nägste resultat
vielleicht is jeda seines glückes schmied, die hoffnung singt a trügarisches lied, noch jedm obstuaz kummt bestimmt a höhnflug, do die praxis is glotta betrug, flüchtet stets voam lebmszug.
4) .8/11/8/11 / 5 (6)/7 (6) ....10/10 / 12/9/8
hob mi füa rein goa nix vabüagt, olle faktn hom si mit logik aufbaut, dei ungeduid hot mi zamüabt, hob da imma tiaf in deine augn gschaut; in dia finstanis, füa di gibts kan kompromiss
nimms endlich ois gegebm hin, zeitreisn wean bestimmt niemois funktionian, schüaf do net länga noch an sinn, hea jetzt endlich moi auf glei zu resignian; ois wiad wieda guad, is goa net so obsuad
die wüafln san nun amoi gfoin, vielleicht host di nua bei den punktn vazöht, die kugl kummt a scho ins roin, is donn on da massivn maua zaschöt; die fädn san gekappt, hom si scho übalappt
hob ka ongst voa deina zukunft, bin on deina seitn steh direkt danem, appelia jetzt auf dei vanunft, gebrauch jetzt a funktioniarendes system; soist di nei soatian, von grund auf nei kalibrian
vielleicht lenkst du dei eignes lebmsrad, die hoffnung wogt an schwierign spagat, noch jedm scheitan foigt bestimmt meah zuvasicht, wo is nua des vagnügliche licht, vabiagt si no in an dickicht.
b 1) .10/9/10/10 / 8
donn zeig ma jetzt dein himml und dei höll, beschreib ma jeds anzlne detail, streichl liaba woid wiesn und geröll, denn nua die natua is dei rettungsseil; schnitz da an bogn und an pfeil
befrei di jetzt vom unnützn besitz, wiaf jedn winzign ballast ob, geniess do den regn donna und blitz, nua die stean eastön da dei horoskop; betrocht ois duach a mikroskop
begib di auf a longe wondaschoft, denk net nua on glaubm religion, des universum is dei lebmssoft, nua in da natua eafoahst dei vision; bist a teil da lebmsregion
öffne weit dein horizont und dein geist, bleib net zu long aufm söbm fleck, bist in da gegend einsom und vawaist, denn nua die stean füahn di in dei vasteck; vastopf glei jeds winzige leck
drum zeig ma jetzt dei obm und dei unt, beschreib dieses unbestimmte gfüh, des lächln um deine augn dein mund, is no imma vaschwundn und gonz stü; extrem obgnutzt is dei profü.
ch 1b) .7/8/7/9 / 8/7
host no an gwissnskonflikt, die tränen san no net vaebbt, die wachn knie san einknickt, host deine soagn no schwea mitgschleppt; host dein rückn wieda ongstrengt, dei geheul hot si vamengt
die heilung braucht hoit iah zeit, denk voahea on dei kondition, host di wieda foisch eingreiht, diese quoin gebäan die depression; host jede phase ongestippt, bist vüz schnö wieda umkippt
die krotza hom si vatieft, jeda schnitt grobt si in des fleisch, duach die haut dringt scho des gift, host scho long aufgheat mit dem gekreisch; host nua no gflüstat und geraunt, bist hia nua no mies gelaunt
dei fäahte beagauf beagob, vatreibst jedn besn dämon, hoitst no fest dein wondastob, vielleicht läuft dei lebm donn synchron; jede option is a beweis, füa a ondres obstögleis.
schenk da mei eafoahrung mei wissn mei fiamament, schenk da mei inspiration jeds element, schenk da geistige noahrung gepaart mit philosophie, dei lebmsration valiat si in da phobie
schenk da mei leidnschoft liebe mei vitalität, schenk da mei emotion mei realität, schenk da a ruhige ondocht gepaart mit nochdenklichkeit, dei stagnation füaht di zum übalebmsstreit
schenk da mein horizont mei niveau mei existenz, schenk da mei fuachtlosigkeit mei heazfrequenz, schenk da a kloare front gepaart mit anonymität, dei reine spüzeit is bereits a rarität
schenk da mei intensität mei wollust und mei substanz, schenk da mei besinnlichkeit mein liebestanz, schenk da mei mentalität gepaart mit vü euphorie, dei fröhlichkeit weicht ana dunklen dystopie
brauchst jetzt unbedingt mei testosteron, donn läuft dei lebm wieda mit mia synchron, brauchst jetzt unbedingt meah von deim östrogen, donn wiad dei lebm wieda noamal und wundascheen.
wos soi i da no berichtn, a groba übablick hot bestimmt scho greicht, loss ma hia goa nix ondichtn, des echo hot do deine oahn scho längst gstreift; stö di do net taub, ois ongezuckat mit staub
hob da wieda ois offnboat, loss do die vaflossnen joah endlich moi ruhn, host scho vüz long ind leare gstoat, moch endlich den schritt aus deim delirium; loss die sonnenstroihn, auf deina haut wäame moin
lösch diese soche aus deim hian, gewäah da mei hüfe scho rund um die uah, loss di do endlich therapian, dei lebm braucht wieda a kloare struktua; es reglt da brauch, an gleichn togesoblauf
des kapitl zum obschluss brocht, die neien seitn san no zua gänze weiss, hoffentlich host jetzt wieda glocht, ziagt longsom um di imma gressare kreis; des ufa si entfeant, die wön hom si entkeant
vielleicht ziagst du des richtige glückslos, die hoffnung nimmt quartia aufm amboss, noch jeda pleite reicht da bestimmt wea sei hond, wo is nua des woahre freindschoftsbond, wuade auftrennt und glei vabronnt.
6) .8/11/8/11 / 5 (6)/7 (6) ....10/10 / 12/9/8
hob füa di nie wos untaschriem, hob oi mei intelligenz füa di eingsetzt, hob mei eahnwoat nie zariem, hob dein pessimismus völlig untaschätzt; host stets ois vaneint, host di söba nie entsteint
soiche umständ gibts übaroi, a kuaza aufschrei setzt scho a flut in gong, die lawin woa zeast a schneeboi, a foische reaktion wiad zum bumarong; ma eantet wos ma sät, a mit brutalität
die koatn wean net meah nei gmischt, amoi aufdeckt bleibms liegn konsequent, hom imma scho im trübm gfischt, spün lebm aufm defektn instrument; olle notn vawiakt, hom nua kläglich geziapt
host dein grundriss scho längst skizziat, jetzt setz den entwuaf endlich ans zu ans um, leida vüz longsom reagiat, vaia di net in an voin vakuum; doat gibts ka frische luft, wiast wieda obgestuft
vielleicht findst den schlüssl füa des poatal, die hoffnung tritt obwexlnd jeds pedal, noch jedm debakl hebt si donn da voahong, do ma heat nua no den obgesong, mochst ois unta vahosstem zwong.
zeig ma jetzt deine kantn und jeds eck, beschreib ma diesn bsondaren plotz, wühl do in da eadn im schlomm und dreck, denn nua die natua is da gresste schotz; is a unfeatiga bausotz
befrei di vom übrign eigntum, schneid jetzt diese engen fessln duach, eafreu di om grossn foabmspektrum, da sonnenwind bewegt des lichtatuach; is a komplett glungna entwuaf
begib di auf a longe pilgafoaht, schieb eam beiseite den liabm gott, die galaxien schreibm a kloares woat, in da natua bist dei eigna pilot; nutz iah reichhoitigs ongebot
öffne dei blickföd und dein radius, hoi imma mächtig genügend schwung, des toi einbettet zwischn beag und fluss, do a da voimond is scho aufm sprung; sei scheinendes gsicht hoit an jung
zeig ma jetzt dei schäafe und dein sonftmut, beschreib dei geschüate emotion, a kuazes lochn näaht dezent dei glut, glei wieda vaschwundn is diesa ton; sitzt hia auf an eisanen thron
fühlst di hia net meah wohl, fühlst di innalich gänzlich hohl, ka funkn sprüht meah in dia, valiast dei ongstommtes revia; betrochtest di söba von an ondan oat, host nua lecha in die luft boaht.
d 1) .13/13/11/11 ....11/10/12/15
brauchst a gehianwäsche damit du des ois vagisst, klingt zwoa brutal oba donn bist wieda optimist, benötigst a nei programmiates gehian, oi des vagongne deaf di net meah tangian
ohne eainnarung fongst donn wieda bei null on, ois läuft wie gschmiat bist mit oin wieda komplett synchron, befindst di wieda auf da richtign bahn, vagisst donn endgültig diesn lebmswahn
brauchst a manipulation damit ois richtig fliesst, is ka experiment bist jetzt a idealist; benötigst den entscheidendn winklzug, füahst mit eahobanem haupt dein eignen pflug
duach diese ewige amnesie kummst zua räson, ois läuft wieda rund bist mit dia söbst wieda synchron, host dein kuas wieda vaständlich definiat, host jede anzelne kuavn einstudiat
bist oba mit dia no net gonz im reinen, iagendwos steat no dei konzentration, konnst da des ungwisse etwos net zommreimen, stommt woahscheinlich von ana bewusstn halluzination
stehst mit dia no net auf vatrautem fusse, iagendwos steat no dei aufmeaksomkeit, eamahnst di scho zua söbst aufealegtn buße, bist gfongen in an intean vaflochtnen eabittatn streit.
ch 1c) .7/8/7/9 / 8/7
bist mit dia im widastreit, tränen san no long net vasiegt, drum sei jetzt afoch net feig, deine strapazn san no vastrickt; host die knotn no net entwiat, dei klogn net zensuriat
die heilung is wie gelee, inhalia no gnua potenzial, bestö dei eigne armee, diese foitarung is brachial; die neavn hom die pein aufgsaugt, die synapsn wuadn ausgraubt
die blessuan brechn scho auf, jede geisselung fäabt si rot, vameid diesn schwoazn rauch, fühlst di inzwischn von oin bedroht; host deine neurosn entpockt, bist scho wieda zommengsockt
nimm die strossn mit de fiass, mutia zu an chamäleon, dei aura is wüazig siass, vielleicht läuft dei lebm donn synchron; jede altanative zählt, wuade glei wieda gepfählt.
ch 2b) .13/11/14/12 ....10/11/11/13
schenk da mei gonze eakenntnis mein entwicklungsstond, schenk da mei bewusstsein mei gedonknwond, schenk da a fundiate basis gepaart mit garantie, deine datein leidn on steta agonie
schenk da mei temprament mei ekstase mein liebesrausch, schenk da mei feia mein flüssigkeitsaustausch, schenk da a lebmspatent gepaart mit valässlichkeit, dei graua schleia intrigiat mit lebmszeit
schenk da mei gegnwart mei kultua mei qualität, schenk da mein hödnmut mei mentalität, schenk da an glungnen start gepaart mit solida substanz, deina eakoitetn glut vasogt scho da glonz
schenk da mei libido mei fleischeslust mei obsession, schenk da mei phantasie mei stimulation, schenk da mein dynamo gepaart mit vü aktivität, dei ongwondte chemie hot ka stabilität
brauchst jetzt unbedingt mei liebesprogromm, donn läuft dei lebm wieda mit mia synchron, brauchst jetzt unbedingt an eignen botnstoff, donn mutiat dei lebm wieda zum kräftign hoch.
ch 3a) .8/8/8/8 / 8/8
die behondlung hot ongschlogn, nua in zeitlupe gehts voron, die voahäng san gonz zruckzogn, jetzt bist wieda mit mia synchron; stimmen jetzt wieda übaein, unsa takt schlogt beim gleichn reim
die methode wiad funktionian, ma meakt net doss sa si bewegt, die trägheit deaf si net liian, hot die longsomkeit fost lahmglegt; da stüstond is scho längst passé, du gehst boid wieda auf tournee
hob deine phobien vagrobm, und übagossn mit beton, hob die beklemmung vaschobm, jetzt bist wieda mit mia synchron; lebm boid wieda simultan, unsre aktionen san spontan
7) .8/11/8/11 / 5 (6)/7 (6) ....10/10 / 12/9/8
wos soi i da übabringen, es steht ois schwoaz auf weiss in unsam vatrog, loss mi hia zu goa nix zwingen, übareich da dein vasiegltn umschlog; hostn wieda valegt, untalogn weggfegt
hob voa dia scho ois ausbreitet, jeda riss jeda ritz wuade übamoit, hob di do imma begleitet, zu jeda togeszeit in diese onstoit; die jackn hot da passt, beim besuch woast gefasst
host ois imma zu seah aufbauscht, prinzipiell woas do nua a winzigs sondkoan, hob scho oft on deina tüa glauscht, nochm letztn test wiast donn wiedageboan; dei akt konfisziat, gerüchte san scho kuasiat
leidest untam vafoigungswahn, jogst deinen eignen gespenstan hintahea, sommlst jedn klanstn hoizspan, dei situation woa scho imma prekäa; dei labilität, woxt mit da fragilität
vielleicht hüft wiaklich dieses amulett, die hoffnung entpuppt si ois bajonett, noch jeda misere fühlt ma si fedaleicht, do diesa boch is goa net so seicht, ma is sofoat gänzlich duachgweicht.
8) .8/11/8/11 / 5 (6)/7 (6) ....10/10 / 12/9/8
übanimm hia nua dei regie, auch kuavn und kreizungen eafülln an zweck, vagiss die chaostheorie, bist nua a figua auf an weitn schachbrett; setzt di söba matt, es valäuft nie ois aalglatt
host di reingsteigat ohne sinn, drahst di ständig in diesa gleichn spiroin, brauchst jetzt dringend dei medizin, loss jetzt des negative von dia obproin; des drama fest vastrebt, hot si mit dia vaklebt
vü wossa fliesst no richtung mea, do jede entscheidung trifft genau den punkt, füa genesung gibts ka gewäah, bist scho komplett in diesn virus eintunkt; hot di voi im griff, umgebm vom schoafn riff
vielleicht wiad do no a wunda geschehn, die hoffnung hot extrem heftige wehn, noch jedm schlamassl wiad da beag wieda flach, die steigung eahoit si im gemach, gleitet ob in an wintaschlaf.
9) .8/11/8/11 / 5 (6)/7 (6) ....10/10 / 12/9/8
hob füa di dei kaution zommgspoat, die riskante büade lostet schwea auf mia, zeig da dein letztn leichtn oat, du bist nua des opfa in diesm tuania; host di qualifiziat, hättst no moi gean uagiat
olle homs weggsehn und weggheat, woast füa sie nua ausgstossne lauwoame luft, goa ka stö woa meah unvaseaht, schwebst direkt üba ana woxendn kluft; host da den steig markiat, die zoih is limitiat
da foischiam brüchig und marod, da sichre hofn woa imma übafüllt, siagst di söbst ois pöbl ois mob, dei lebmsboulevard vom dickn quoim vahüllt; hättst di so gean saniat, do dei impuis stagniat
dei innre unruh hot gestoppt, deine fedan san ausgleiat ramponiat, deine schwungräda san gefloppt, dei gongregla hot si mit rost infiziat; die flaute peamanent, bist wie a sediment
vielleicht is diesa zufoi obsolut, die hoffnung gfäahdet si söba akut, noch jeda toatua wiakt ois nua no trist und schal, des lebm hintalosst ka moral, zruck bleibt a gschändetes mahnmal.
b 3) .10/9/10/10 / 8 .....6/8/7/8 / 11/8
zeig ma dei sonfte seitn und dei wut, beschreib ma dei unsichtboares reich, kreia wos neichs aus schrott trümman und schutt, nua die natua vaweatet ois gonz gleich; is a göttlicha geniestreich
befrei di vom luxus vom kapital, spreng die eisanen kettn voa dia, voifüahs reine uaoide ritual, beim voimondlicht gedeiht des elixia; vawondlt si donn in jeds tia
begib di auf a reise ohne end, jetzt gibts ka valogne frömmigkeit, da uaknoi hot die raumzeit weit gedehnt, in da natua brauchst ka dreifoitigkeit; da kosmos is diese einheit
öffne deine sphäan jede dimension, berüah des longe pendl niemois, dei revia a obsuade impression, nua die kometen bewochn morpheus; schloftrunkn wegn des gebräus
drum zeig ma jetzt dein friedn und dein krieg, beschreib ma dein psychischn zustond, dei gelächta vastummt ohne technik, bleibt vaschwundn bis zum rauhn büdrond; denn dei knebl is a spruchbond
gönnst da hia kan genuss, bist söbst a vatrockneta fluss, dei glühn is längst obgekühlt, host deine reseavn ausgspült; host bereits olle peaspektivn vabraucht, host dei sö unta weat vakauft.
d 2) .13/13/11/11 ....11/10/12/15
brauchst a umeaziehung nua in rationala foam, muasst afoch ois vagessn donn entsprichst stets da noam, duach hypnose ealiegst diesa suggestion, des gewesene wiad zum dopplspion
ohne eainnarung fühlst di zwoa wie a phantom, leanst ständig wos dazua bist wieda mit oin synchron, übanimmst wieda jedn strecknobschnitt, host donn zu deine luftschlessa kan zutritt
brauchst jetzt a friedliche stün nua füa dei sönheil, zu deina metamorphose gibts no ka uateil, dei taktisches manöva hot bestens klappt, dei mittlpunkt hot si wieda übalappt
ohne diesa auslöschung stehst ständig unta strom, läufst jetzt im lealauf bist mit dia söbst wieda synchron, host dei reiseroute wieda söbst ausgwöht, host di bei den seapentinen stets vazöht
findst hia oba no imma goa kan friedn, iagendwos hemmt dein komprimiatn flow, woitst oi deine mosaiksteine zommschmiedn, zeigt woahscheinlich olle details deina graun lebmsshow
bewegst di long net meah auf leisn sohln, iagendwos hemmt no dei söbstreflexion, woitst dei zafoines tao in yin und yang umpoln, bist gfongen in ana nie enden-wollendn rotation.
f 1) .7/9/7/7 / 8 (9)/10 (9) .....10/12/12/10/6
bist duachn spiegl gsprungen, stüazt wieda ins oide musta zruck, hom di freiwillig zwungen, füa an gonz bestimmtn schmuck; bist die friednstaubm in weiss, deine fedan hom an grossn vaschleiss
bist ausm fensta gflogn, fliehst wieda zruck ins oide prinzip, host di söba vabogn, bis in dei krisngebiet; duachbrichst die linien im gefecht, die eiseskötn is net gerecht
bist üba woikn gongen, toanst di hinta deim oidn modell, hom di wieda aufgfongen, vom rotiarendn karussell; die endlosschleifn a ochtabohn, hot jetzt obsolute hochsaison
bist auf sonnenstroihn glaufn, host wieda dei oids schema belebt, wiast boid wieda auftauchn, aus diesm finstren konzept; host die sprektralfoabm vamischt, dei lebm hot nua no im trübm gfischt
bist übas wossa gwondat, host mit deina logik ois zruckgspult, host di no net obgsondat, von deim ätherischn kult; singst zum dionysischn tonz, üba dia eascheint a heiliga kronz
host di söba mit blendweak betrogn, host di in deina kulisse söbst inszeniat, host den inhoit von deim lebmsbuach obgwogn, do des gwicht hot di demoralisiat, hättst gean ois revidiat.
ch 1d) .7/8/7/9 / 8/7
bist mit dia in an zwiespoit, deine tränen büdn an boch, host di wieda söbst ongschnoit, deine plogn hom iah eigne sproch; vastehst goa nix vom woatsalot, ois is wieda ausm lot
die heilung läuft gonz vakeaht, deine muskln wean scho gelähmt, des sein no long net vajäaht, des martyrium is ungezähmt; host dei eigne passion ausgübt, woast dabei stets seah vagnügt
des licht hot si scho vafäabt, da pfeil besingt sein höhnflug, die tat is längst eingekeabt, nimmst afoch den nägstn atemzug; die schienen san gschmoizn vaklumpt, host diesn stoff leagepumpt
da duachloss is do breit gnua, bleib füa di alla autonom, mochst a föhlakorrektua, vielleicht läuft dei lebm donn synchron; jeda trick woa schlicht illegal, hoitst fest dein heilign gral.
schenk da meine aphorismen und meine ideen, schenk da mein impuis meine ontriebsalleen, schenk da meine innren prismen gepaart mit übaschwong, wegn deim moduis valiast stets an lebmsrong
schenk da mei besessnheit mein sado-maso-effekt, schenk da mei lüstanheit mein grossn respekt, schenk da mei lebendigkeit gepaart mit agilität, dei tiafe müdigkeit kopiat passivität
schenk da meine analysn und mei übasicht, schenk da mei raffinesse mei woahheitspflicht, schenk da die liabstn grüsse gepaart mit recht vü gsundheit, dei innre presse prägt dei lebmsfähigkeit
schenk da mei laszivität mei hoate vafüahrungskunst, schenk da mei fieba mei lodande inbrunst, schenk da mei dignität gepaart mit söbstvatraun, dei klana schieba wiad si ois söba vabaun
brauchst jetzt unbedingt mein liebesatom, donn läuft dei lebm wieda mit mia sychron, brauchst jetzt unbedingt a poa mediatoan, donn gibst deim bisherign lebm wieda die spoan.
des vafoahn hot sei wiakung zeigt, nua im millimetabereich, hob wos von deim fluidum obzweigt, bist wieda synchron und gonz gleich; die woogschoin san auf ana höh, laufn parallel auf da stö
die prozedua dauat seah long, ma eakennt nix mit blossem aug, die apathie tönt ohne klong, host da passivität vatraut; host die amputation net gmeakt, host dei monogromm eingekeabt
dei panik brutal attackiat, stich die nodl in dei symptom, hob dei aveasion reguliat, jetzt bist wieda mit mia synchron;die symbiose is geglückt, hom uns gegnseitig gepflückt
ch 4a) .6/7/6/10 / 11 (10)/9 (10) .....8/8/10/10 / 9
woch jetzt endlich moi auf, aus deim komatösn schlof, hob afoch ois vasuacht, mit jedm sötnen und vabotnen stoff; mit meina untaschrift auf diesm vatrog, schenk i da des letzte biotop
woch jetzt endlich moi auf, spiast du net mei lebmskroft, lies aus deim togebuach, woa stets bei dia jedn tog jede nocht; hob di voa da besn maskn beschützt, diesa vafluachte zauba woa vafüzt
woch jetzt bitte moi auf, des uateil wiad di net freun, dia bleibt net meah vü zeit, diesa unscheinboare schoita wiad foin; diese blinkendn knepf hom mi vawiat, hob hia afoch olle hebl quittiat
woch bitte endlich auf, da alarm heult scho vüz laut, olle san eingeweiht, zvü aggression hot si in mia aufgstaut; meine faist hom die geräte geküsst, hobs no mit fuasstrittn heazlich begrüsst
woch jetzt gfälligst moi auf, glei öffnens donn diese tüa, schlog di brutal ins gsicht, jetzt regiat die peaveaseste willküa; diesmoi dauat mei blackout stundnlong, wia zwa beginnen wieda om onfong
vadommt woch jetzt endlich moi auf, duachbrich diesn vafluachtn domm, deine gschlossnen augn tränen im licht, jetzt endlich bist nua no mit mia synchron; betrocht dei lebm in an karton.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 17./18./19./20. Nov. 2018.pk. – überarbeitet am 08./09./10./11./14./20./21./22. Juni 2023.pk ~ copyright by philipp kirschner.pk.
untermalt mit metalmusik von beyond creation, mike gianelli, kalmah, obscura, parkway drive, wolfheart; archspire, coldstate, chabtan, ekosa, gorod.
***********************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
wos soi i da jetzt no sogn, in meim loga hob i kane weisn sprüch, stö kane sinnlosn frogn, die ontwoatn gehn jo sowieso in brüch; hob nix konstruiat, hätt gean bessa kombiniat
hob da do eh scho ois eakläat, wos passiat is bleibt in da vagongenheit, hob dein lebmslauf oft gnua gheat, woast füa diese mission no goa net bereit; host hia vüz vü jongliat, woast net ausbalanciat
streich diesn voafoi endlich duach, hüf da imma gean auf deim weg zu deim zü, jeda föhla im lebmsbuach, is a festa bestondteil in diesm spü; host eh klug taktiat, host afoch zvü spekuliat
ma leant do imma wos dazua, nua des positive wiad glei akzeptiat, nua beim pech schoit ma donn auf stua, die vün problem hätt ma gean ausradiat; host zwenig triumphiat, host di vaspekuliat.
2) .8/11/8/11 / 5 (6)/7 (6)
hob da hia goa nix vasprochn, mei oide weisheit is leida a begrenzt, hob niemois mein schwua gebrochn, i hoff dei vatraun in mi no stroiht und glänzt; mit dia meditiat, host di auf mi fokussiat
es gibt imma so an moment, a klanigkeit hot katastrophn ausglöst, da dominostein foit dezent, hot uns glei die kettnreaktion entblösst; zu vü duelliat, bist mit oin kollidiat
do die zeit losst si net zruckdrehn, unsa schicksoi is scho längst tiaf eingraviat, wia weans afoch niemois vastehn, hom donn nua no unsicha improvisiat; host di sölisch vasteift, fühlst di wie eingeseift
nimm diesn plan söbst in die hond, zeichne dein bisherign pfad genau ein, benutz net nua kroft und vastond, loss dei heaz dei liebe woxn und gedeihn; host a zü onvisiat, host di oft korrigiat.
ch 1a) .7/8/7/9 / 8/7
moch da do kan söbstvoawuaf, loss deinen tränen frein lauf, da muasst jetzt afoch hinduach, und nimm die frischn wundn in kauf; voa dia a gähnenda schlund, dei geschrei is no net vastummt
die heilung dauat seah long, tank voahea no gnua eneagie, ziehn olle om söbm strong, diese schmeazn hom ka symmetrie; des eita nua longsom zäh tropft, mocht müabe wenn stetig klopft
nua die noabm san sichtboa, dei innre gfühlswöd bleibt vaspeat, scho defekt is dei sensoa, host di dagegn goa net meah gweaht; bist fest vaonkat und vaschraubt, host di scho stetig entlaubt
bleib amoi auf deina spua, konzentria di auf dei peason, zaschneid jetzt dei noblschnua, vielleicht läuft dei lebm donn synchron; hob mi füa diese chance eingsetzt, bist scho vüz long so valetzt.
wos soi i da jetzt no eazöhn, die gonze woahheit host do scho längst eafoahn, konnst dei identität frei wöhn, mecht da olle dreistn lügn gean easpoan; hom ois ausdiskutiat, hom scho vü korrigiat
hob sogoa ois schriftlich eafosst, damits jo kane lecha und lückn gibt, dei veasion is seah stoak umtost, nua dei gedächtnis is scho ziemlich duachsiebt; so vü foisch projiziat, oda intapretiat
host di in utopien varennt, a lösung des problems is long net in sicht, host di imma no net getrennt, von diesm söbstzasteararischn gewicht; bist no net deseatiat, host di einbetoniat
bist auf da suche nochm grund, in olle richtungen host scho rechachiat, des eagebnis steht im befund, do iagendwea hot die datn sabotiat; gemeina varat, woatst aufs nägste resultat
vielleicht is jeda seines glückes schmied, die hoffnung singt a trügarisches lied, noch jedm obstuaz kummt bestimmt a höhnflug, do die praxis is glotta betrug, flüchtet stets voam lebmszug.
4) .8/11/8/11 / 5 (6)/7 (6) ....10/10 / 12/9/8
hob mi füa rein goa nix vabüagt, olle faktn hom si mit logik aufbaut, dei ungeduid hot mi zamüabt, hob da imma tiaf in deine augn gschaut; in dia finstanis, füa di gibts kan kompromiss
nimms endlich ois gegebm hin, zeitreisn wean bestimmt niemois funktionian, schüaf do net länga noch an sinn, hea jetzt endlich moi auf glei zu resignian; ois wiad wieda guad, is goa net so obsuad
die wüafln san nun amoi gfoin, vielleicht host di nua bei den punktn vazöht, die kugl kummt a scho ins roin, is donn on da massivn maua zaschöt; die fädn san gekappt, hom si scho übalappt
hob ka ongst voa deina zukunft, bin on deina seitn steh direkt danem, appelia jetzt auf dei vanunft, gebrauch jetzt a funktioniarendes system; soist di nei soatian, von grund auf nei kalibrian
vielleicht lenkst du dei eignes lebmsrad, die hoffnung wogt an schwierign spagat, noch jedm scheitan foigt bestimmt meah zuvasicht, wo is nua des vagnügliche licht, vabiagt si no in an dickicht.
b 1) .10/9/10/10 / 8
donn zeig ma jetzt dein himml und dei höll, beschreib ma jeds anzlne detail, streichl liaba woid wiesn und geröll, denn nua die natua is dei rettungsseil; schnitz da an bogn und an pfeil
befrei di jetzt vom unnützn besitz, wiaf jedn winzign ballast ob, geniess do den regn donna und blitz, nua die stean eastön da dei horoskop; betrocht ois duach a mikroskop
begib di auf a longe wondaschoft, denk net nua on glaubm religion, des universum is dei lebmssoft, nua in da natua eafoahst dei vision; bist a teil da lebmsregion
öffne weit dein horizont und dein geist, bleib net zu long aufm söbm fleck, bist in da gegend einsom und vawaist, denn nua die stean füahn di in dei vasteck; vastopf glei jeds winzige leck
drum zeig ma jetzt dei obm und dei unt, beschreib dieses unbestimmte gfüh, des lächln um deine augn dein mund, is no imma vaschwundn und gonz stü; extrem obgnutzt is dei profü.
ch 1b) .7/8/7/9 / 8/7
host no an gwissnskonflikt, die tränen san no net vaebbt, die wachn knie san einknickt, host deine soagn no schwea mitgschleppt; host dein rückn wieda ongstrengt, dei geheul hot si vamengt
die heilung braucht hoit iah zeit, denk voahea on dei kondition, host di wieda foisch eingreiht, diese quoin gebäan die depression; host jede phase ongestippt, bist vüz schnö wieda umkippt
die krotza hom si vatieft, jeda schnitt grobt si in des fleisch, duach die haut dringt scho des gift, host scho long aufgheat mit dem gekreisch; host nua no gflüstat und geraunt, bist hia nua no mies gelaunt
dei fäahte beagauf beagob, vatreibst jedn besn dämon, hoitst no fest dein wondastob, vielleicht läuft dei lebm donn synchron; jede option is a beweis, füa a ondres obstögleis.
schenk da mei eafoahrung mei wissn mei fiamament, schenk da mei inspiration jeds element, schenk da geistige noahrung gepaart mit philosophie, dei lebmsration valiat si in da phobie
schenk da mei leidnschoft liebe mei vitalität, schenk da mei emotion mei realität, schenk da a ruhige ondocht gepaart mit nochdenklichkeit, dei stagnation füaht di zum übalebmsstreit
schenk da mein horizont mei niveau mei existenz, schenk da mei fuachtlosigkeit mei heazfrequenz, schenk da a kloare front gepaart mit anonymität, dei reine spüzeit is bereits a rarität
schenk da mei intensität mei wollust und mei substanz, schenk da mei besinnlichkeit mein liebestanz, schenk da mei mentalität gepaart mit vü euphorie, dei fröhlichkeit weicht ana dunklen dystopie
brauchst jetzt unbedingt mei testosteron, donn läuft dei lebm wieda mit mia synchron, brauchst jetzt unbedingt meah von deim östrogen, donn wiad dei lebm wieda noamal und wundascheen.
wos soi i da no berichtn, a groba übablick hot bestimmt scho greicht, loss ma hia goa nix ondichtn, des echo hot do deine oahn scho längst gstreift; stö di do net taub, ois ongezuckat mit staub
hob da wieda ois offnboat, loss do die vaflossnen joah endlich moi ruhn, host scho vüz long ind leare gstoat, moch endlich den schritt aus deim delirium; loss die sonnenstroihn, auf deina haut wäame moin
lösch diese soche aus deim hian, gewäah da mei hüfe scho rund um die uah, loss di do endlich therapian, dei lebm braucht wieda a kloare struktua; es reglt da brauch, an gleichn togesoblauf
des kapitl zum obschluss brocht, die neien seitn san no zua gänze weiss, hoffentlich host jetzt wieda glocht, ziagt longsom um di imma gressare kreis; des ufa si entfeant, die wön hom si entkeant
vielleicht ziagst du des richtige glückslos, die hoffnung nimmt quartia aufm amboss, noch jeda pleite reicht da bestimmt wea sei hond, wo is nua des woahre freindschoftsbond, wuade auftrennt und glei vabronnt.
6) .8/11/8/11 / 5 (6)/7 (6) ....10/10 / 12/9/8
hob füa di nie wos untaschriem, hob oi mei intelligenz füa di eingsetzt, hob mei eahnwoat nie zariem, hob dein pessimismus völlig untaschätzt; host stets ois vaneint, host di söba nie entsteint
soiche umständ gibts übaroi, a kuaza aufschrei setzt scho a flut in gong, die lawin woa zeast a schneeboi, a foische reaktion wiad zum bumarong; ma eantet wos ma sät, a mit brutalität
die koatn wean net meah nei gmischt, amoi aufdeckt bleibms liegn konsequent, hom imma scho im trübm gfischt, spün lebm aufm defektn instrument; olle notn vawiakt, hom nua kläglich geziapt
host dein grundriss scho längst skizziat, jetzt setz den entwuaf endlich ans zu ans um, leida vüz longsom reagiat, vaia di net in an voin vakuum; doat gibts ka frische luft, wiast wieda obgestuft
vielleicht findst den schlüssl füa des poatal, die hoffnung tritt obwexlnd jeds pedal, noch jedm debakl hebt si donn da voahong, do ma heat nua no den obgesong, mochst ois unta vahosstem zwong.
zeig ma jetzt deine kantn und jeds eck, beschreib ma diesn bsondaren plotz, wühl do in da eadn im schlomm und dreck, denn nua die natua is da gresste schotz; is a unfeatiga bausotz
befrei di vom übrign eigntum, schneid jetzt diese engen fessln duach, eafreu di om grossn foabmspektrum, da sonnenwind bewegt des lichtatuach; is a komplett glungna entwuaf
begib di auf a longe pilgafoaht, schieb eam beiseite den liabm gott, die galaxien schreibm a kloares woat, in da natua bist dei eigna pilot; nutz iah reichhoitigs ongebot
öffne dei blickföd und dein radius, hoi imma mächtig genügend schwung, des toi einbettet zwischn beag und fluss, do a da voimond is scho aufm sprung; sei scheinendes gsicht hoit an jung
zeig ma jetzt dei schäafe und dein sonftmut, beschreib dei geschüate emotion, a kuazes lochn näaht dezent dei glut, glei wieda vaschwundn is diesa ton; sitzt hia auf an eisanen thron
fühlst di hia net meah wohl, fühlst di innalich gänzlich hohl, ka funkn sprüht meah in dia, valiast dei ongstommtes revia; betrochtest di söba von an ondan oat, host nua lecha in die luft boaht.
d 1) .13/13/11/11 ....11/10/12/15
brauchst a gehianwäsche damit du des ois vagisst, klingt zwoa brutal oba donn bist wieda optimist, benötigst a nei programmiates gehian, oi des vagongne deaf di net meah tangian
ohne eainnarung fongst donn wieda bei null on, ois läuft wie gschmiat bist mit oin wieda komplett synchron, befindst di wieda auf da richtign bahn, vagisst donn endgültig diesn lebmswahn
brauchst a manipulation damit ois richtig fliesst, is ka experiment bist jetzt a idealist; benötigst den entscheidendn winklzug, füahst mit eahobanem haupt dein eignen pflug
duach diese ewige amnesie kummst zua räson, ois läuft wieda rund bist mit dia söbst wieda synchron, host dein kuas wieda vaständlich definiat, host jede anzelne kuavn einstudiat
bist oba mit dia no net gonz im reinen, iagendwos steat no dei konzentration, konnst da des ungwisse etwos net zommreimen, stommt woahscheinlich von ana bewusstn halluzination
stehst mit dia no net auf vatrautem fusse, iagendwos steat no dei aufmeaksomkeit, eamahnst di scho zua söbst aufealegtn buße, bist gfongen in an intean vaflochtnen eabittatn streit.
ch 1c) .7/8/7/9 / 8/7
bist mit dia im widastreit, tränen san no long net vasiegt, drum sei jetzt afoch net feig, deine strapazn san no vastrickt; host die knotn no net entwiat, dei klogn net zensuriat
die heilung is wie gelee, inhalia no gnua potenzial, bestö dei eigne armee, diese foitarung is brachial; die neavn hom die pein aufgsaugt, die synapsn wuadn ausgraubt
die blessuan brechn scho auf, jede geisselung fäabt si rot, vameid diesn schwoazn rauch, fühlst di inzwischn von oin bedroht; host deine neurosn entpockt, bist scho wieda zommengsockt
nimm die strossn mit de fiass, mutia zu an chamäleon, dei aura is wüazig siass, vielleicht läuft dei lebm donn synchron; jede altanative zählt, wuade glei wieda gepfählt.
ch 2b) .13/11/14/12 ....10/11/11/13
schenk da mei gonze eakenntnis mein entwicklungsstond, schenk da mei bewusstsein mei gedonknwond, schenk da a fundiate basis gepaart mit garantie, deine datein leidn on steta agonie
schenk da mei temprament mei ekstase mein liebesrausch, schenk da mei feia mein flüssigkeitsaustausch, schenk da a lebmspatent gepaart mit valässlichkeit, dei graua schleia intrigiat mit lebmszeit
schenk da mei gegnwart mei kultua mei qualität, schenk da mein hödnmut mei mentalität, schenk da an glungnen start gepaart mit solida substanz, deina eakoitetn glut vasogt scho da glonz
schenk da mei libido mei fleischeslust mei obsession, schenk da mei phantasie mei stimulation, schenk da mein dynamo gepaart mit vü aktivität, dei ongwondte chemie hot ka stabilität
brauchst jetzt unbedingt mei liebesprogromm, donn läuft dei lebm wieda mit mia synchron, brauchst jetzt unbedingt an eignen botnstoff, donn mutiat dei lebm wieda zum kräftign hoch.
ch 3a) .8/8/8/8 / 8/8
die behondlung hot ongschlogn, nua in zeitlupe gehts voron, die voahäng san gonz zruckzogn, jetzt bist wieda mit mia synchron; stimmen jetzt wieda übaein, unsa takt schlogt beim gleichn reim
die methode wiad funktionian, ma meakt net doss sa si bewegt, die trägheit deaf si net liian, hot die longsomkeit fost lahmglegt; da stüstond is scho längst passé, du gehst boid wieda auf tournee
hob deine phobien vagrobm, und übagossn mit beton, hob die beklemmung vaschobm, jetzt bist wieda mit mia synchron; lebm boid wieda simultan, unsre aktionen san spontan
7) .8/11/8/11 / 5 (6)/7 (6) ....10/10 / 12/9/8
wos soi i da übabringen, es steht ois schwoaz auf weiss in unsam vatrog, loss mi hia zu goa nix zwingen, übareich da dein vasiegltn umschlog; hostn wieda valegt, untalogn weggfegt
hob voa dia scho ois ausbreitet, jeda riss jeda ritz wuade übamoit, hob di do imma begleitet, zu jeda togeszeit in diese onstoit; die jackn hot da passt, beim besuch woast gefasst
host ois imma zu seah aufbauscht, prinzipiell woas do nua a winzigs sondkoan, hob scho oft on deina tüa glauscht, nochm letztn test wiast donn wiedageboan; dei akt konfisziat, gerüchte san scho kuasiat
leidest untam vafoigungswahn, jogst deinen eignen gespenstan hintahea, sommlst jedn klanstn hoizspan, dei situation woa scho imma prekäa; dei labilität, woxt mit da fragilität
vielleicht hüft wiaklich dieses amulett, die hoffnung entpuppt si ois bajonett, noch jeda misere fühlt ma si fedaleicht, do diesa boch is goa net so seicht, ma is sofoat gänzlich duachgweicht.
8) .8/11/8/11 / 5 (6)/7 (6) ....10/10 / 12/9/8
übanimm hia nua dei regie, auch kuavn und kreizungen eafülln an zweck, vagiss die chaostheorie, bist nua a figua auf an weitn schachbrett; setzt di söba matt, es valäuft nie ois aalglatt
host di reingsteigat ohne sinn, drahst di ständig in diesa gleichn spiroin, brauchst jetzt dringend dei medizin, loss jetzt des negative von dia obproin; des drama fest vastrebt, hot si mit dia vaklebt
vü wossa fliesst no richtung mea, do jede entscheidung trifft genau den punkt, füa genesung gibts ka gewäah, bist scho komplett in diesn virus eintunkt; hot di voi im griff, umgebm vom schoafn riff
vielleicht wiad do no a wunda geschehn, die hoffnung hot extrem heftige wehn, noch jedm schlamassl wiad da beag wieda flach, die steigung eahoit si im gemach, gleitet ob in an wintaschlaf.
9) .8/11/8/11 / 5 (6)/7 (6) ....10/10 / 12/9/8
hob füa di dei kaution zommgspoat, die riskante büade lostet schwea auf mia, zeig da dein letztn leichtn oat, du bist nua des opfa in diesm tuania; host di qualifiziat, hättst no moi gean uagiat
olle homs weggsehn und weggheat, woast füa sie nua ausgstossne lauwoame luft, goa ka stö woa meah unvaseaht, schwebst direkt üba ana woxendn kluft; host da den steig markiat, die zoih is limitiat
da foischiam brüchig und marod, da sichre hofn woa imma übafüllt, siagst di söbst ois pöbl ois mob, dei lebmsboulevard vom dickn quoim vahüllt; hättst di so gean saniat, do dei impuis stagniat
dei innre unruh hot gestoppt, deine fedan san ausgleiat ramponiat, deine schwungräda san gefloppt, dei gongregla hot si mit rost infiziat; die flaute peamanent, bist wie a sediment
vielleicht is diesa zufoi obsolut, die hoffnung gfäahdet si söba akut, noch jeda toatua wiakt ois nua no trist und schal, des lebm hintalosst ka moral, zruck bleibt a gschändetes mahnmal.
b 3) .10/9/10/10 / 8 .....6/8/7/8 / 11/8
zeig ma dei sonfte seitn und dei wut, beschreib ma dei unsichtboares reich, kreia wos neichs aus schrott trümman und schutt, nua die natua vaweatet ois gonz gleich; is a göttlicha geniestreich
befrei di vom luxus vom kapital, spreng die eisanen kettn voa dia, voifüahs reine uaoide ritual, beim voimondlicht gedeiht des elixia; vawondlt si donn in jeds tia
begib di auf a reise ohne end, jetzt gibts ka valogne frömmigkeit, da uaknoi hot die raumzeit weit gedehnt, in da natua brauchst ka dreifoitigkeit; da kosmos is diese einheit
öffne deine sphäan jede dimension, berüah des longe pendl niemois, dei revia a obsuade impression, nua die kometen bewochn morpheus; schloftrunkn wegn des gebräus
drum zeig ma jetzt dein friedn und dein krieg, beschreib ma dein psychischn zustond, dei gelächta vastummt ohne technik, bleibt vaschwundn bis zum rauhn büdrond; denn dei knebl is a spruchbond
gönnst da hia kan genuss, bist söbst a vatrockneta fluss, dei glühn is längst obgekühlt, host deine reseavn ausgspült; host bereits olle peaspektivn vabraucht, host dei sö unta weat vakauft.
d 2) .13/13/11/11 ....11/10/12/15
brauchst a umeaziehung nua in rationala foam, muasst afoch ois vagessn donn entsprichst stets da noam, duach hypnose ealiegst diesa suggestion, des gewesene wiad zum dopplspion
ohne eainnarung fühlst di zwoa wie a phantom, leanst ständig wos dazua bist wieda mit oin synchron, übanimmst wieda jedn strecknobschnitt, host donn zu deine luftschlessa kan zutritt
brauchst jetzt a friedliche stün nua füa dei sönheil, zu deina metamorphose gibts no ka uateil, dei taktisches manöva hot bestens klappt, dei mittlpunkt hot si wieda übalappt
ohne diesa auslöschung stehst ständig unta strom, läufst jetzt im lealauf bist mit dia söbst wieda synchron, host dei reiseroute wieda söbst ausgwöht, host di bei den seapentinen stets vazöht
findst hia oba no imma goa kan friedn, iagendwos hemmt dein komprimiatn flow, woitst oi deine mosaiksteine zommschmiedn, zeigt woahscheinlich olle details deina graun lebmsshow
bewegst di long net meah auf leisn sohln, iagendwos hemmt no dei söbstreflexion, woitst dei zafoines tao in yin und yang umpoln, bist gfongen in ana nie enden-wollendn rotation.
f 1) .7/9/7/7 / 8 (9)/10 (9) .....10/12/12/10/6
bist duachn spiegl gsprungen, stüazt wieda ins oide musta zruck, hom di freiwillig zwungen, füa an gonz bestimmtn schmuck; bist die friednstaubm in weiss, deine fedan hom an grossn vaschleiss
bist ausm fensta gflogn, fliehst wieda zruck ins oide prinzip, host di söba vabogn, bis in dei krisngebiet; duachbrichst die linien im gefecht, die eiseskötn is net gerecht
bist üba woikn gongen, toanst di hinta deim oidn modell, hom di wieda aufgfongen, vom rotiarendn karussell; die endlosschleifn a ochtabohn, hot jetzt obsolute hochsaison
bist auf sonnenstroihn glaufn, host wieda dei oids schema belebt, wiast boid wieda auftauchn, aus diesm finstren konzept; host die sprektralfoabm vamischt, dei lebm hot nua no im trübm gfischt
bist übas wossa gwondat, host mit deina logik ois zruckgspult, host di no net obgsondat, von deim ätherischn kult; singst zum dionysischn tonz, üba dia eascheint a heiliga kronz
host di söba mit blendweak betrogn, host di in deina kulisse söbst inszeniat, host den inhoit von deim lebmsbuach obgwogn, do des gwicht hot di demoralisiat, hättst gean ois revidiat.
ch 1d) .7/8/7/9 / 8/7
bist mit dia in an zwiespoit, deine tränen büdn an boch, host di wieda söbst ongschnoit, deine plogn hom iah eigne sproch; vastehst goa nix vom woatsalot, ois is wieda ausm lot
die heilung läuft gonz vakeaht, deine muskln wean scho gelähmt, des sein no long net vajäaht, des martyrium is ungezähmt; host dei eigne passion ausgübt, woast dabei stets seah vagnügt
des licht hot si scho vafäabt, da pfeil besingt sein höhnflug, die tat is längst eingekeabt, nimmst afoch den nägstn atemzug; die schienen san gschmoizn vaklumpt, host diesn stoff leagepumpt
da duachloss is do breit gnua, bleib füa di alla autonom, mochst a föhlakorrektua, vielleicht läuft dei lebm donn synchron; jeda trick woa schlicht illegal, hoitst fest dein heilign gral.
schenk da meine aphorismen und meine ideen, schenk da mein impuis meine ontriebsalleen, schenk da meine innren prismen gepaart mit übaschwong, wegn deim moduis valiast stets an lebmsrong
schenk da mei besessnheit mein sado-maso-effekt, schenk da mei lüstanheit mein grossn respekt, schenk da mei lebendigkeit gepaart mit agilität, dei tiafe müdigkeit kopiat passivität
schenk da meine analysn und mei übasicht, schenk da mei raffinesse mei woahheitspflicht, schenk da die liabstn grüsse gepaart mit recht vü gsundheit, dei innre presse prägt dei lebmsfähigkeit
schenk da mei laszivität mei hoate vafüahrungskunst, schenk da mei fieba mei lodande inbrunst, schenk da mei dignität gepaart mit söbstvatraun, dei klana schieba wiad si ois söba vabaun
brauchst jetzt unbedingt mein liebesatom, donn läuft dei lebm wieda mit mia sychron, brauchst jetzt unbedingt a poa mediatoan, donn gibst deim bisherign lebm wieda die spoan.
des vafoahn hot sei wiakung zeigt, nua im millimetabereich, hob wos von deim fluidum obzweigt, bist wieda synchron und gonz gleich; die woogschoin san auf ana höh, laufn parallel auf da stö
die prozedua dauat seah long, ma eakennt nix mit blossem aug, die apathie tönt ohne klong, host da passivität vatraut; host die amputation net gmeakt, host dei monogromm eingekeabt
dei panik brutal attackiat, stich die nodl in dei symptom, hob dei aveasion reguliat, jetzt bist wieda mit mia synchron;die symbiose is geglückt, hom uns gegnseitig gepflückt
ch 4a) .6/7/6/10 / 11 (10)/9 (10) .....8/8/10/10 / 9
woch jetzt endlich moi auf, aus deim komatösn schlof, hob afoch ois vasuacht, mit jedm sötnen und vabotnen stoff; mit meina untaschrift auf diesm vatrog, schenk i da des letzte biotop
woch jetzt endlich moi auf, spiast du net mei lebmskroft, lies aus deim togebuach, woa stets bei dia jedn tog jede nocht; hob di voa da besn maskn beschützt, diesa vafluachte zauba woa vafüzt
woch jetzt bitte moi auf, des uateil wiad di net freun, dia bleibt net meah vü zeit, diesa unscheinboare schoita wiad foin; diese blinkendn knepf hom mi vawiat, hob hia afoch olle hebl quittiat
woch bitte endlich auf, da alarm heult scho vüz laut, olle san eingeweiht, zvü aggression hot si in mia aufgstaut; meine faist hom die geräte geküsst, hobs no mit fuasstrittn heazlich begrüsst
woch jetzt gfälligst moi auf, glei öffnens donn diese tüa, schlog di brutal ins gsicht, jetzt regiat die peaveaseste willküa; diesmoi dauat mei blackout stundnlong, wia zwa beginnen wieda om onfong
vadommt woch jetzt endlich moi auf, duachbrich diesn vafluachtn domm, deine gschlossnen augn tränen im licht, jetzt endlich bist nua no mit mia synchron; betrocht dei lebm in an karton.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 17./18./19./20. Nov. 2018.pk. – überarbeitet am 08./09./10./11./14./20./21./22. Juni 2023.pk ~ copyright by philipp kirschner.pk.
untermalt mit metalmusik von beyond creation, mike gianelli, kalmah, obscura, parkway drive, wolfheart; archspire, coldstate, chabtan, ekosa, gorod.
***********************************************************************************
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen