444. | moment.
1) .7/6/6/6 / 11 (10)/8 (9)
hob gnua vom ins-kastl-schaun, vom söbsteaschoffnen zaun, von hohe mauan baun, von gehianzön einsaun; des ständige beriesln mocht mi varuckt, hob nua no mit den schuitan zuckt
hob gnua vom innren vafoi, vom sölischn aufproi, vom belogarungswoi, vom lean intavoi; des ötawean a ultimativa kompf, windet si in an todeskrompf
hob gnua von monotonie, von diesa anarchie, von jeda theorie, von strikta symmetrie; die stete müdigkeit wuade ausgeschöpft, woa vaschlossn und zugeknöpft.
b 1) .16/10/10/10
brauch endlich wieda dei ekstatisch inbrünstige symphonie, und dei stöhnend schreiende melodie, brauch jetzt dei eabittate sinnlichkeit, und dei talentiate heissblütigkeit
brauch endlich wieda dein giarign wollüstigen liebesrausch, und dein phantasievoin rollentausch, brauch jetzt dei aufbrausendes temprament, und dei innovatives instrument
brauch endlich wieda dei medizin aus massage stimulanz, dei endorphin vom erotischn tanz, brauch jetzt dei peitschende übazeugungskroft, und dein bittasiassheabm sauren soft
brauch endlich wieda dei genial primitive vafüahrungskunst, und dei hoch lodande feuasbrunst, brauch jetzt dei gfäahlich duachtriebnes hondweak, und dein drastisch aggressivn vameak.
ch 1a) .9/10/8/7 / 12 ...////11
da weg füaht ins endgültige zü, in a unbekonnte realität, des ewig gleiche fade spü, is ohne stabilität; gibt ka entkommen aus diesa rivalität
da weg füaht duach a ungwisse zeit, in an unsichtboan fiktivn raum, die ewige unsichaheit, eascheint nua no ois oiptraum; befindn uns stets on an tödlichn saum
da weg füaht übas hechste plateau, üban schoafn grat zua spitzn vom beag, des ewig tönende echo, hot die ebenen vazeat; üba uns pendlt ständig des damoklesschweat
da weg füaht untam tunnl voabei, auf da bruckn bis hin zum fiamament, die ewige schwoazmolarei, vaschmiat den scheenen moment, valian täglich vom lebm vüz vü prozent.
hob gnua vom pessimismus, foischn algorithmus, vom letztn obschiedskuss, und vom egoismus; die hoffnungslosigkeit hot uns okupiat, hom zum nihilismus tendiat
hob gnua vom strengen obfeiln, negativn schlogzeiln, von tödlichn uateiln, von fanatischn pfeiln; hom die meinungen zum vastummen brocht, weadn inhaftiat und mundtot gmocht
hob gnua vom glühendn hoss, von an leckn giftfoss, vom heimtückischn stoss, vom totaln chaos; so vü skandale wuadn heimlich vatuscht, so vü lebm wuadn vapfuscht
hob gnua von physischa gwoit, radikalem geläut, vom vaschwundnem inhoit, von da valognen gstoit; des messa wiad ohne skrupl vüz schnö zückt, die jugend hot si damit gschmückt
hom aus da geschichte goa nix gleant, hom uns von da vagongenheit no weita entfeant, hom die symbiose mit da natua eingstöt, hom stets unsan woahn sinn des lebms vaföht.
b 2) .16/10/10/10 ....6/6/6/6 / 7/7/4+4 (3+5)
brauch endlich wieda dei intimes philosophisches gespräch, dei vakleidetes beschützendes blech, brauch des veabal oadinäre duell, und dei oft benutztes liebesskalpell
brauch endlich wieda dei sinnig übareife gedonknwöd, dei weit gespreiztes feuchtes himmlszöt, brauch jetzt dein sadistischn horizont, und dei schweisstreibend strapaziöse front
brauch endlich wieda dein akku füa mei zukünftige potenz, dei obstossende schrille dekadenz, brauch jetzt dei schmeazlich vamisstes spüzeig, und dei duachsichtigs rosarotes kleid
brauch jetzt dringend dein lüstan schoafn blick füa jeds klanste detail, dei ochtfoch vaschlungnes dominaseil, brauch wieda dei professionelle oat, dein stimulierendn ausdauaspoat
bin da völlig hörig, gehoach da glei aufs woat, bin von dia obhängig, bin wie zu sta eastoat; bin dei marionettn, host die fädn in da hond, ziagst die kettn duach mein vastond.
d 1) .10/14/9/13 ....14/16/8/8
die eisanen stricke da eifasucht, wetzn und scheuan mei zabrochnes heaz bluadig und wund, unsre schamlos triebhofte unzucht, is während unsre zweisomkeit no long net vastummt
da vasunkne onka da siassn frucht, ziagt und vaschleppt mei tränendes heaz aufm mearesgrund, vaia mi so oft in deina bucht, küss deine voin rotn lippm dein muttamund
des vagittate fensta vom misstraun, übaschwemmt mei defektes heaz mit nossa finstanis, muass east des eis brechn und auftaun, weine wie a klans kind schrei nochts noch dia wie om spiess
da dichte nebl beim lebmsbaum, schwebt in zeitlupe mit meim schwochn heaz üban woiknriss, muass den hoatn knotn no zahaun, nua du entfüahst mi in dei fleischliches paradies
hob im moment mei gelynchtes heaz net meah im visia, oi meine beeinträchtigungen stehn schwoaz auf weiss auf papia, hoi mi endlich aus diesa foin, i schwöas du wiast das net bereun.
ch 1b) .9/10/8/7 / 12 ...////11
da weg füaht zum vaeinboatn end, in a fremde geheime dimension, diese mächtig massign wänd, woatn auf a reaktion, san stetig gfongen in diesa isolation
da weg füaht duachs volle vakuum, zu an hochkultisch gehondlten platz, des atheistische zentrum, bewocht den vaboagnen schatz, befindn uns mittn auf ana wüdn hatz
da weg füaht in des monumental, üba des glaziale gletschaeis, des transzendentale poatal, lockt die steane in an kreis, unta uns valäuft des vagessne obstögleis
da weg füaht zruck zua vagongenheit, in a vakeaht gedrehte gegnwoat, diese zukünftige freiheit, hot den moment scho vaschoat, hom in unsam lebm vüz vü föhla bewoaht.
duach meine finga rieslt da sond in diesm moment, wü die gschichtn festhoitn, do sie vabrennen jeds klanste fragment, vaschmözn zu an unbekonntn element
wia suachn scho vazweiflt noch da woahheit noch an sinn, wü die lügn enthäutn, do sie hom afoch no zvü eneagien, vaklumpm donn zu groteskn paradoxien
in meinen augn leuchtet des licht in diesm moment, wü die büda zommbindn, do sie zareibm beim experiment, diesa feine staub hot si stets weita ausdehnt
wia suachn scho vazweiflt noch da richtign ontwoat, wü die frogn eafindn, do sie hom unsan vastond längst eingspoat, die synapsn san irreveasibl vadoat.
3) .7/6/6/6 / 11 (10)/8 (9) ....9/13/12/12
hob gnua von da politik, vom buntn mosaik, vom rechtn appetit, und vom linkn föhtritt; die demokratie hot die flagge gehisst, hob den friedn scho so vamisst
hob gnua vom gestrign hauch, vom globalmochtmissbrauch, vom wüdn amoklauf, vom göttlich frommen rauch; diese vablendung mocht uns wünlos, treibm in stromschnön aufm floss
hob gnua von entfochta not, vom übafülltm boot, vom flüchtlingsongebot, vom ungerechtn tod; in zvü ländan wiad da feind propagiat, die ideologien hom radiat
hob gnua von da diktatua, da infrastruktua, von da kronkn natua, von da heissn zündschnua; iagendwonn kummts sicha zua eskalation, mit gewoitiga explosion
hom den foatschritt imma foisch umgsetzt, hom stets uns und unsre umwöd dabei schwea valetzt, wissn üba den lebmszyklus net bescheid, san füan woahn sinn des lebms net bereit.
b 3) .16/10/10/10 ....6/6/6/6 / 7/7/4+4 (3+5)
brauch wieda dei obwexlungsreich schmutzige stellungsvüfoit, deine amperestoakn millionen voit, brauch dei raffinesse beim liebesakt, dein grausomen stockhieb bei jedem takt
brauch endlich wieda dei deabe uneasättliche libido, dei hysterisch brüllendes kommando, brauch jetzt dei exzessive leidnschoft, bleib freiwillig in deina grobm hoft
brauch jetzt wieda deine fein gwüaztn heilmittl und mixtuan, deine oagastisch hoatn krotz- und beissspuan, brauch dei voikommenheit im bondage-style, und deine manien bezüglich foibeil
brauch endlich wieda dein aktiv bewusstseinseaweitandn stoff, und dei obszön vulgäre spezialsproch, brauch dei güatlschnalle auf meina haut, und dei stimulierendes zaubakraut
bin da gänzlich willig, moch gonz brav mei bei-fuss, dei preis fair und billig, bist füa mi mei venus; bin nua dei privatsklave, hoitst die zügl in da hond, dei strafe hot mi net vaschont.
d 2) .10/14/9/13 ....14/16/8/8
die einschneidendn fessln da missgunst, quetschn und pressn mei schweares heaz auf a noglwond, hob bei den raun toatuan grunzt, da eisig pricklnde schaua hot mi reich belohnt
da moasche boikn vom valoanen dunst, negiat und vasteckt mei gelähmtes heaz om fösnstrond, hob ma oft den augnblick vahunzt, bist stets so kreativ mit dem breitn klebebond
die guat vaschlossne tüa da einsomkeit, füttat und näaht mei gequötes heaz mit melancholie, malträtiast mei ongschlogne gsundheit, mit selig ästhetisch geruhsama akribie
da gspoitne kean da lebmsweisheit, vafoit in zeitlupe mit meim gstüaztn heaz in agonie, rauf mi duach diese stressige zeit, nua du katapultiast mi direkt zua euphorie
hob im moment mei gfoitates heaz net meah in da gwoit, hob meine unzulänglichkeitn im mea aus tränen vastreut, befrei mi endlich ausm netz, i schwöas i hoit mi ons gesetz
hob im moment die kontrolle üba mei heaz valoan, oi meine lädiatn beschädigungen san mia ongeboan, drum moch jetzt bei mia an neustart, und eakläas lebm zum standard.
e 1) .12 (11)/ 9 (10)/14 /11 ...15/13/9/8 .10+6/8+6/8+8
des schicksoi wüaflt und dreht die klanen räda, in an riesngrossn apparat, des tickn da zeiga wiad imma leisa und träga, bis dann zua gänze vastummt gonz akkurat
die gloskugl offnboat nua a seitn, vom lebmsbuach und roit genau ins loch, die zognen tarotkoatn spekulian und entgleitn, deuten die dunklen symbole ois moloch
da komet mit seim schweif valosst sei umlaufbahn, und küsst an unschuidign planet, diesa einschlogauswuaf is da ealösende balsam, is die onkündigung vom neien prophet
des schicksoi wüaflt und addiat die manipuliatn zoihn, des schicksoi rüttlt on den seharischn spiroin, des schicksoi hot si ins fäustchen glocht, löscht den brennendn keazndocht
denn nua des glück hätt die chance auf an sieg, üba diesn moment, im reinen zuastond is des glück, no völlig ungezähmt; übagiesst ois mit harmonie, entfoitet sei eigne magie
die anzig günstige gelegnheit, is glei wieda vaspüt, hob do jeds amulett eingweiht, oba leida foisch züt; heascht wieda eitl sonnenschein, und da drache wiad feua spein.
ch 1c) .9/10/8/7 / 12 ...////11
da weg füaht zum festgsetztn schlusstrich, in a psychosomatische präsenz, da fein säubaliche einstich, is die letzte konsequenz, injiziat a hypotisierende essenz
da weg füaht duach an vafressnen sumpf, in a ruhiges dunkles kantiges eck, diesa frisch obsägte baumstumpf, vaeint ringe zu an fleck, da beschützende ponza hot bereits a leck
da weg füaht üba an vuikansee, zum ufalosn vatrocknetn mea, die aphrodisische orchidee, eaweckt so vü begeah, hinta uns is loga vom vorrückendn hea
da weg füaht duach eade und gestein, unta an laut rauschendn wossafoi, da vom wind glöschte keaznschein, bewegt im moment den boi, unsa lebm is a anziga martapfoih.
ch 2b) .14/7/10/12
aus meine augn kullan tränen in diesm moment, wü die traua vagessn, do sie is seah vasoizn und dement, hot die freude unds vagnügn blitzschnö obtrennt
wia suachn scho vazweiflt noch an zeichn noch an wink, wü jetzt des signoi lesn, do es föht no da entscheidene link, vasteinan in diesm endlosn labyrinth
in meine oahn dringt a flüssigkeit in diesm moment, wüs mitm schwomm aufsaugn, do ea zabröslt zu staub gonz dezent, vamengen si wieda mit jedm sediment
wia suachn scho vazweiflt im koma noch an fluchtplan, wü diese schläuche raubn, do sie mochns steabm east recht human, boid vasogt jede funktion von jedem oagan.
ch 3a) .7/7/8/7 / 6/7 ...7/7/8/8 / 6/7 .13/9/9/10
wonn deaf i endlich schwimmen, üban breitn wüdn fluss, oda soi i wieda tauchn, geh do vü liaba boafuss; kriag do untn ka luft, is a gähnend tiafe schlucht
mecht jetzt den beag eaklimmen, kriach a gean auf olle viean, oda soi i wieda laufn, mecht vü liaba wos riskian; a gfoah hot mi bedroht, wea wieda zum bruchpilot
wonn deaf i endlich lebm, nua in meina eignen bucht, oda soi i wieda fliegn, bin vü liaba auf da flucht; da schwindl hot mi pockt, hob meine fliagl vazockt
mecht eich jetzt ois vagebm, sogoa in diesm moment, konns afoch net besiegn, bin dagegn net resistent; mei woihsein is labil, hob scho a sprödes ventil
konn mein kredit niemois ausgleichn oda zruckzoihn, füa meine sündn gibts kan ealoss, völlig ungleich san meine woogschoin, gerat zwischn homma und amboss
hob mei scheitan längst ohne widastond akzeptiat, die niedalog endgültig eingsehn, hob diese diffarenz tolariat, konn diesn ondren rond goa net easpähn.
4) .7/6/6/6 / 11 (10)/8 (9) ....9/13/12/12
hob gnua vom panischn druck, vom stroihnvaseichtn blut, von leicht schwelenda glut, von undonkboara brut; bin im oitog wieda voi integriat, von jeda bequemlichkeit probiat
hob gnua vom zastearungswahn, von diesm kriegsroman, vom brennendm hoizspan, vom wütendm oakan; a klane zön hot wieda brodlt und kocht, da stete tropfn hot laut pocht
hob gnua vom göttlichn sein, von oidn sklaverein, von münzn goid onleihn, vom klerikalm heim; jeda glaubm hot an ealösendn kean, foign stets dem vafluachtn stean
hob gnua vom schnön vaschleiss, vom übahöhtem preis, vom kopiatm ausweis, vom bangem todesschweiss; die lebmseffekte hom si zschnö obgnutzt, hom unsren neid no goa net gstutzt
hom a stäakre ausbeutung ongstrebt, hom stets die gewinnoptimierung soagfötig pflegt, woan gegnüba da natua stets blind stumm taub, da woahre sinn des lebms is uns nie vatraut.
5) .7/6/6/6 / 11 (10)/8 (9) ....9/13/12/12
hob gnua von jeda bilanz, von dumpfa ignoranz, vom düstren doanenkranz, von da letztn instanz; in diesa wüdnis hot ma wunda gspüat, hob ätherische auren berüaht
hob gnua von inkompetenz, von fingiata demenz, voa woxenda präpotenz, von impertinenz; die eahlichkeit is nua a spieglbüd, valeumdungen zakrotzn den schüd
hob gnua vom geheimagent, vom protzign event, vom korruptn parlament, vom straffm regiment; hom vüz oft mit drohgebäadn reagiat, om schluss san bombm explodiat
hob gnua vom bankspekulant, vom reichn dilettant, vom fiesn sekundant, vom braunem kommandant; des vadeabm lauat bereits in da saat, da untagong mocht an spagat
hom die symptome no nie bemeakt, hot die schweastn identitätskrisn beheabeagt, hom die nägstn lebmsphasn kritisch beäugt, hom uns voam woahn sinn des lebms vabeugt.
b 4) .16/10/10/10 ....6/6/6/6 / 7/7/4+4 (3+5)
brauch jetzt endlich wieda dein geistig-kulturelln hintagrund, und dein kompliziat komplexn befund, brauch dei literarisch brülltes zitat, dei umgschnoites seidnweichs zölibat
brauch jetzt endlich dei aktive inhoitsreiche präsentation, und dei emotionale reaktion, brauch die brutal herrischn raufarein, deine eifrig rasendn reibarein
brauch endlich wieda dein inspirierendn klugn dialog, dein bestn einfochstn lösungsvoaschlog, brauch dei eastaunliche geschicklichkeit, dein animalisch entbronntn wettstreit
brauch endlich wieda dei egoistische mentalität, dei ausprägte individualität, brauch jetzt dei bestialische technik, dei elektrifizierende panik
bin da gonz gefügig, brings stöckchen auf beföh, bist zu mia grosszügig, strieglst mei rauhes fö; bin peasönlichs eigntum, hoits die riemen in da hond, dieses serum hot in mia thront.
d 3) .10/14/9/13 ....14/16/8/8
die enge zwongsjackn da ängstlichkeit, lähmt mei einpfeachtes heaz mit ana übadosis gift, host uns mit brot und spiele kasteit, woat scho ungeduidig auf den küazlich gspitztn stift
die trogendn säuln da besessnheit, bringen und hoitn mei schwonkendes heaz ausm gleichgwicht, vatreibst des gfüh da mindaweatigkeit, sommlst jede obgschabte fragile lebmsschicht
diesa zrissne voahong da suggestion, bedeckt und vahüllt mei gschundenes heaz mit amnesie, die zunehmend innre erosion, beschleunigt die völlig komprimiate apathie
des vawökte laub da zukunftsvision, gedenkt in zeitlupm ons lahme heaz aus lethargie, diese endogene depression, vaschmözt zua belostendn sondamülldeponie
hob im moment mei vaprügltes heaz net meah im griff, oi meine problemstellungen gebm meina logik an stich, ziag mi endlich ausm morast, i schwöas valia donn mein ballast
hob im moment mei kronkes heaz net meah auf meim radar, mei unsteablichkeit vapufft wie diesa poinstaub zu nektar, druck jetzt bitte den resetknopf, donn entweicht die quoi ausm kopf.
des schicksoi wüaflt ziagt den kiazastn strohhoim, aus diesm vaschlossnen wossakrug, die schoiwön vom glockngeläut symbolisian den psoim, füan countdown da stün nach da hohn flut
des eingeweide da friednstaubm beschreibt, kuavn und kreizungen ois synchron, die schachfiguan stüamen voraus wuadn dafüa entleibt, vateidigtn iah reich bis zum letztn monn
da stean begrüsst ois supanova des wödoi, füa millionen joah mit seim grön licht, des schwoaze loch wettet mit gwittawoikn beim aufproi, um a freie kloare und weite feansicht
des schicksoi wüaflt und varüaht scho ois zu an zähn schleim, des schicksoi eantet den obaglaum aus zaubarein, des schicksoi büglt ois wieda glott, wiad davon afoch niemois sott
denn nua des glück hätt die chance auf an sieg, üba diesn moment, in besta vafossung is des glück, keineswegs vaklemmt; übaschüttet ois mit elan, transfoamiat si zum weissn schwan
do des anzig freudige voazeichn, is glei wieda vawischt, muass mein talisman vagleichn, hob nua im trübm gfischt; ois gereinigt vom sonnenschein, und des monsta wiad feua spein.
f 1) .5/4/11 / 5/4/11/6
schau in den spiegl, gonz konzentriat, hob mi auf die ondre seitn meditiat, zabrich des siegl, woih übalegt, hob mi endlich wieda von alla bewegt; woa ma söbst scho suspekt
moch den nägstn schritt, vüz long nochdocht, hob mein feindlichn gegna guad übawocht, ritz ma no an schnitt, intensiv glebt, eafind füa die unendlichkeit a rezept; wuade ois widalegt
spia diese substanz, tiaf in mia drin, des testosteron is mei adrenalin, moch mein totntanz, mei ritual, empfong vüz oft dieses giarige signal; steig häata aufs pedal
ewig is mei sucht, ka kompromiss, imma länga wean scho meine fümriss, wü zu meina bucht, bin doat geboan, muass oba in da unendlichkeit aushoan; gib ma jetzt söbst die spoan
fliag glei zum plateau, hobs net bereut, denn diesa moment hot si wiaklich auszoiht, des hohe niveau, dauat long on, jede spritzn mocht mi wieda autonom; steh wieda unta strom.
ch 1d) .9/10/8/7 / 12
da weg füaht bis zum peafektn punkt, in an künstlich imaginäan oat, da pinsl hot scho tiaf eintunkt, in des geflügelte woat; hot in dystopischn relationen rumoat
da weg füaht duach an schlommign dreck, in a schwiarigs uneafoaschtes gebiet, des weich ausgekleidete bett, is eaboamungslos solid; schoff nua an trivialn parasuizid
da weg füaht üban vabognen steg, in a halluziniate utopie, da unduachsichtige magnet, speichat die anomalie; voa uns die öde und triste peripherie
da weg füaht auf ana umlaufbahn, in a mausoleum ohne ausgong, die äussast sensible membran, tönt im moment ohne klong; unsa lebm valäuft nua in an kuazn strong.
aus meine oahn kriacht die eainnrung in diesm moment, wü die gleichung begreifn, do sie is voikommen ambivalent, is dem eagebnis gegnüba indolent
wia suachn scho vazweiflt noch an fodn noch an stean, wü jetzt mei haut obstreifn, do sie wiad si heftig dagegn weahn, rudan ums übalebm auf geistagalean
aus meim mund vaflüchtigt si mei sö in diesm moment, wüs jetzt no schnö einfongen, do sie is scho long net meah existent, vasprühn die letztn funkn ausm soatiment
wia suachn scho vazweiflt noch da sunn und nochm mond, wü den friedn empfongen, do ea is afoch mit mia net vawondt, des gebot des steabms bleibt füa jedn konstont.
ch 3b) .7/7/8/7 / 6/7 ...7/7/8/8 / 6/7 .13/9/9/10
wonn deaf i endlich springen, üban kloan seichtn boch, oda soi i weita wondan, steh do liaba untam doch; hobs zü wieda vaföht, bin zu rasant empoagschnöt
mecht ins lebm eindringen, vaschenk mei vitalität, oda soi i ois aussondan, hob do liaba qualität; mei keahweat winzig klein, vawoahs lebm aufm schrein
wonn deaf i endlich steabm, nua in meim eignen bereich, oda soi i endlich schlofn, plansch do liaba in meim teich; konn von hia net entfliehn, nutz no olle syneagien
mecht mi wieda beweabm, nua füa diesn an moment, oda soi i mi bestrofn, hob mi do eh scho so geschämt; den pegl längst gekreuzt, die beweise niedagwoizt
konn die schuidn niemois tilgn oda obtrogn, niemond übanimmt diese büagschoft, konn meine losta net vajogn, die kuavn is scho ziemlich obgflocht
mei klägliches fiasko is völlig legitim, des debakl hot si längst onbahnt, wea mi voa da diskrepanz hinknien, kana hot mi voam lebm obgmahnt.
ch 4a) .12/12/9/7 .....12/12/10/8
treib schwerelos duach a gleissende galaxie, fühl in diesm moment diese todesphobie, vaschüttet im stoin ohne ausstieg, mei letztes rückzugsgebiet
die vaschiednen möglichkeitn bleibm vaschoin, genau in diesm moment hot wea mei glück gstoihn, a ewige suche hätt nix brocht, wea zoat zuadeckt von da nocht
treib losgelöst duach an eiskoitn schottnbruch, fühl in diesm moment des weiche weisse tuch, trotz wohliga wäame eingehüllt, bin i scho stoak untakühlt
die gedächtnislückn hom si von söbst entleat, genau in dem moment homs den deckl zuagspeat, von aussn vaschweisst des schlüsslloch, die wön san no ziemlich floch
treib unsichtboa duachs letzte vaschlossne poatal, fühl in diesm moment hia ois irrational, des schaukln hot jetzt endlich aufgheat, diese stün hot ois zasteat
a dichte schwäazn hot mi gänzlich inhaliat, in diesm moment wiad mei sö eliminiat, wünsch iah guade reise an scheenen flug, schöpf wieda neuen stoakn mut.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 31. august // 01./02./03. september 2018 /// 05./06. mai 2019.pk. ~ überarbeitet am 29./30./31. jänner // 02./03./04./05. februar 2023.pk.
copyright by philipp kirschner.pk. ~ untermalt mit jazzmusik von walt weiskopf (ts).
******************************************************************
1) .7/6/6/6 / 11 (10)/8 (9)
hob gnua vom ins-kastl-schaun, vom söbsteaschoffnen zaun, von hohe mauan baun, von gehianzön einsaun; des ständige beriesln mocht mi varuckt, hob nua no mit den schuitan zuckt
hob gnua vom innren vafoi, vom sölischn aufproi, vom belogarungswoi, vom lean intavoi; des ötawean a ultimativa kompf, windet si in an todeskrompf
hob gnua von monotonie, von diesa anarchie, von jeda theorie, von strikta symmetrie; die stete müdigkeit wuade ausgeschöpft, woa vaschlossn und zugeknöpft.
b 1) .16/10/10/10
brauch endlich wieda dei ekstatisch inbrünstige symphonie, und dei stöhnend schreiende melodie, brauch jetzt dei eabittate sinnlichkeit, und dei talentiate heissblütigkeit
brauch endlich wieda dein giarign wollüstigen liebesrausch, und dein phantasievoin rollentausch, brauch jetzt dei aufbrausendes temprament, und dei innovatives instrument
brauch endlich wieda dei medizin aus massage stimulanz, dei endorphin vom erotischn tanz, brauch jetzt dei peitschende übazeugungskroft, und dein bittasiassheabm sauren soft
brauch endlich wieda dei genial primitive vafüahrungskunst, und dei hoch lodande feuasbrunst, brauch jetzt dei gfäahlich duachtriebnes hondweak, und dein drastisch aggressivn vameak.
ch 1a) .9/10/8/7 / 12 ...////11
da weg füaht ins endgültige zü, in a unbekonnte realität, des ewig gleiche fade spü, is ohne stabilität; gibt ka entkommen aus diesa rivalität
da weg füaht duach a ungwisse zeit, in an unsichtboan fiktivn raum, die ewige unsichaheit, eascheint nua no ois oiptraum; befindn uns stets on an tödlichn saum
da weg füaht übas hechste plateau, üban schoafn grat zua spitzn vom beag, des ewig tönende echo, hot die ebenen vazeat; üba uns pendlt ständig des damoklesschweat
da weg füaht untam tunnl voabei, auf da bruckn bis hin zum fiamament, die ewige schwoazmolarei, vaschmiat den scheenen moment, valian täglich vom lebm vüz vü prozent.
hob gnua vom pessimismus, foischn algorithmus, vom letztn obschiedskuss, und vom egoismus; die hoffnungslosigkeit hot uns okupiat, hom zum nihilismus tendiat
hob gnua vom strengen obfeiln, negativn schlogzeiln, von tödlichn uateiln, von fanatischn pfeiln; hom die meinungen zum vastummen brocht, weadn inhaftiat und mundtot gmocht
hob gnua vom glühendn hoss, von an leckn giftfoss, vom heimtückischn stoss, vom totaln chaos; so vü skandale wuadn heimlich vatuscht, so vü lebm wuadn vapfuscht
hob gnua von physischa gwoit, radikalem geläut, vom vaschwundnem inhoit, von da valognen gstoit; des messa wiad ohne skrupl vüz schnö zückt, die jugend hot si damit gschmückt
hom aus da geschichte goa nix gleant, hom uns von da vagongenheit no weita entfeant, hom die symbiose mit da natua eingstöt, hom stets unsan woahn sinn des lebms vaföht.
b 2) .16/10/10/10 ....6/6/6/6 / 7/7/4+4 (3+5)
brauch endlich wieda dei intimes philosophisches gespräch, dei vakleidetes beschützendes blech, brauch des veabal oadinäre duell, und dei oft benutztes liebesskalpell
brauch endlich wieda dei sinnig übareife gedonknwöd, dei weit gespreiztes feuchtes himmlszöt, brauch jetzt dein sadistischn horizont, und dei schweisstreibend strapaziöse front
brauch endlich wieda dein akku füa mei zukünftige potenz, dei obstossende schrille dekadenz, brauch jetzt dei schmeazlich vamisstes spüzeig, und dei duachsichtigs rosarotes kleid
brauch jetzt dringend dein lüstan schoafn blick füa jeds klanste detail, dei ochtfoch vaschlungnes dominaseil, brauch wieda dei professionelle oat, dein stimulierendn ausdauaspoat
bin da völlig hörig, gehoach da glei aufs woat, bin von dia obhängig, bin wie zu sta eastoat; bin dei marionettn, host die fädn in da hond, ziagst die kettn duach mein vastond.
d 1) .10/14/9/13 ....14/16/8/8
die eisanen stricke da eifasucht, wetzn und scheuan mei zabrochnes heaz bluadig und wund, unsre schamlos triebhofte unzucht, is während unsre zweisomkeit no long net vastummt
da vasunkne onka da siassn frucht, ziagt und vaschleppt mei tränendes heaz aufm mearesgrund, vaia mi so oft in deina bucht, küss deine voin rotn lippm dein muttamund
des vagittate fensta vom misstraun, übaschwemmt mei defektes heaz mit nossa finstanis, muass east des eis brechn und auftaun, weine wie a klans kind schrei nochts noch dia wie om spiess
da dichte nebl beim lebmsbaum, schwebt in zeitlupe mit meim schwochn heaz üban woiknriss, muass den hoatn knotn no zahaun, nua du entfüahst mi in dei fleischliches paradies
hob im moment mei gelynchtes heaz net meah im visia, oi meine beeinträchtigungen stehn schwoaz auf weiss auf papia, hoi mi endlich aus diesa foin, i schwöas du wiast das net bereun.
ch 1b) .9/10/8/7 / 12 ...////11
da weg füaht zum vaeinboatn end, in a fremde geheime dimension, diese mächtig massign wänd, woatn auf a reaktion, san stetig gfongen in diesa isolation
da weg füaht duachs volle vakuum, zu an hochkultisch gehondlten platz, des atheistische zentrum, bewocht den vaboagnen schatz, befindn uns mittn auf ana wüdn hatz
da weg füaht in des monumental, üba des glaziale gletschaeis, des transzendentale poatal, lockt die steane in an kreis, unta uns valäuft des vagessne obstögleis
da weg füaht zruck zua vagongenheit, in a vakeaht gedrehte gegnwoat, diese zukünftige freiheit, hot den moment scho vaschoat, hom in unsam lebm vüz vü föhla bewoaht.
duach meine finga rieslt da sond in diesm moment, wü die gschichtn festhoitn, do sie vabrennen jeds klanste fragment, vaschmözn zu an unbekonntn element
wia suachn scho vazweiflt noch da woahheit noch an sinn, wü die lügn enthäutn, do sie hom afoch no zvü eneagien, vaklumpm donn zu groteskn paradoxien
in meinen augn leuchtet des licht in diesm moment, wü die büda zommbindn, do sie zareibm beim experiment, diesa feine staub hot si stets weita ausdehnt
wia suachn scho vazweiflt noch da richtign ontwoat, wü die frogn eafindn, do sie hom unsan vastond längst eingspoat, die synapsn san irreveasibl vadoat.
3) .7/6/6/6 / 11 (10)/8 (9) ....9/13/12/12
hob gnua von da politik, vom buntn mosaik, vom rechtn appetit, und vom linkn föhtritt; die demokratie hot die flagge gehisst, hob den friedn scho so vamisst
hob gnua vom gestrign hauch, vom globalmochtmissbrauch, vom wüdn amoklauf, vom göttlich frommen rauch; diese vablendung mocht uns wünlos, treibm in stromschnön aufm floss
hob gnua von entfochta not, vom übafülltm boot, vom flüchtlingsongebot, vom ungerechtn tod; in zvü ländan wiad da feind propagiat, die ideologien hom radiat
hob gnua von da diktatua, da infrastruktua, von da kronkn natua, von da heissn zündschnua; iagendwonn kummts sicha zua eskalation, mit gewoitiga explosion
hom den foatschritt imma foisch umgsetzt, hom stets uns und unsre umwöd dabei schwea valetzt, wissn üba den lebmszyklus net bescheid, san füan woahn sinn des lebms net bereit.
b 3) .16/10/10/10 ....6/6/6/6 / 7/7/4+4 (3+5)
brauch wieda dei obwexlungsreich schmutzige stellungsvüfoit, deine amperestoakn millionen voit, brauch dei raffinesse beim liebesakt, dein grausomen stockhieb bei jedem takt
brauch endlich wieda dei deabe uneasättliche libido, dei hysterisch brüllendes kommando, brauch jetzt dei exzessive leidnschoft, bleib freiwillig in deina grobm hoft
brauch jetzt wieda deine fein gwüaztn heilmittl und mixtuan, deine oagastisch hoatn krotz- und beissspuan, brauch dei voikommenheit im bondage-style, und deine manien bezüglich foibeil
brauch endlich wieda dein aktiv bewusstseinseaweitandn stoff, und dei obszön vulgäre spezialsproch, brauch dei güatlschnalle auf meina haut, und dei stimulierendes zaubakraut
bin da gänzlich willig, moch gonz brav mei bei-fuss, dei preis fair und billig, bist füa mi mei venus; bin nua dei privatsklave, hoitst die zügl in da hond, dei strafe hot mi net vaschont.
d 2) .10/14/9/13 ....14/16/8/8
die einschneidendn fessln da missgunst, quetschn und pressn mei schweares heaz auf a noglwond, hob bei den raun toatuan grunzt, da eisig pricklnde schaua hot mi reich belohnt
da moasche boikn vom valoanen dunst, negiat und vasteckt mei gelähmtes heaz om fösnstrond, hob ma oft den augnblick vahunzt, bist stets so kreativ mit dem breitn klebebond
die guat vaschlossne tüa da einsomkeit, füttat und näaht mei gequötes heaz mit melancholie, malträtiast mei ongschlogne gsundheit, mit selig ästhetisch geruhsama akribie
da gspoitne kean da lebmsweisheit, vafoit in zeitlupe mit meim gstüaztn heaz in agonie, rauf mi duach diese stressige zeit, nua du katapultiast mi direkt zua euphorie
hob im moment mei gfoitates heaz net meah in da gwoit, hob meine unzulänglichkeitn im mea aus tränen vastreut, befrei mi endlich ausm netz, i schwöas i hoit mi ons gesetz
hob im moment die kontrolle üba mei heaz valoan, oi meine lädiatn beschädigungen san mia ongeboan, drum moch jetzt bei mia an neustart, und eakläas lebm zum standard.
e 1) .12 (11)/ 9 (10)/14 /11 ...15/13/9/8 .10+6/8+6/8+8
des schicksoi wüaflt und dreht die klanen räda, in an riesngrossn apparat, des tickn da zeiga wiad imma leisa und träga, bis dann zua gänze vastummt gonz akkurat
die gloskugl offnboat nua a seitn, vom lebmsbuach und roit genau ins loch, die zognen tarotkoatn spekulian und entgleitn, deuten die dunklen symbole ois moloch
da komet mit seim schweif valosst sei umlaufbahn, und küsst an unschuidign planet, diesa einschlogauswuaf is da ealösende balsam, is die onkündigung vom neien prophet
des schicksoi wüaflt und addiat die manipuliatn zoihn, des schicksoi rüttlt on den seharischn spiroin, des schicksoi hot si ins fäustchen glocht, löscht den brennendn keazndocht
denn nua des glück hätt die chance auf an sieg, üba diesn moment, im reinen zuastond is des glück, no völlig ungezähmt; übagiesst ois mit harmonie, entfoitet sei eigne magie
die anzig günstige gelegnheit, is glei wieda vaspüt, hob do jeds amulett eingweiht, oba leida foisch züt; heascht wieda eitl sonnenschein, und da drache wiad feua spein.
ch 1c) .9/10/8/7 / 12 ...////11
da weg füaht zum festgsetztn schlusstrich, in a psychosomatische präsenz, da fein säubaliche einstich, is die letzte konsequenz, injiziat a hypotisierende essenz
da weg füaht duach an vafressnen sumpf, in a ruhiges dunkles kantiges eck, diesa frisch obsägte baumstumpf, vaeint ringe zu an fleck, da beschützende ponza hot bereits a leck
da weg füaht üba an vuikansee, zum ufalosn vatrocknetn mea, die aphrodisische orchidee, eaweckt so vü begeah, hinta uns is loga vom vorrückendn hea
da weg füaht duach eade und gestein, unta an laut rauschendn wossafoi, da vom wind glöschte keaznschein, bewegt im moment den boi, unsa lebm is a anziga martapfoih.
aus meine augn kullan tränen in diesm moment, wü die traua vagessn, do sie is seah vasoizn und dement, hot die freude unds vagnügn blitzschnö obtrennt
wia suachn scho vazweiflt noch an zeichn noch an wink, wü jetzt des signoi lesn, do es föht no da entscheidene link, vasteinan in diesm endlosn labyrinth
in meine oahn dringt a flüssigkeit in diesm moment, wüs mitm schwomm aufsaugn, do ea zabröslt zu staub gonz dezent, vamengen si wieda mit jedm sediment
wia suachn scho vazweiflt im koma noch an fluchtplan, wü diese schläuche raubn, do sie mochns steabm east recht human, boid vasogt jede funktion von jedem oagan.
ch 3a) .7/7/8/7 / 6/7 ...7/7/8/8 / 6/7 .13/9/9/10
wonn deaf i endlich schwimmen, üban breitn wüdn fluss, oda soi i wieda tauchn, geh do vü liaba boafuss; kriag do untn ka luft, is a gähnend tiafe schlucht
mecht jetzt den beag eaklimmen, kriach a gean auf olle viean, oda soi i wieda laufn, mecht vü liaba wos riskian; a gfoah hot mi bedroht, wea wieda zum bruchpilot
wonn deaf i endlich lebm, nua in meina eignen bucht, oda soi i wieda fliegn, bin vü liaba auf da flucht; da schwindl hot mi pockt, hob meine fliagl vazockt
mecht eich jetzt ois vagebm, sogoa in diesm moment, konns afoch net besiegn, bin dagegn net resistent; mei woihsein is labil, hob scho a sprödes ventil
konn mein kredit niemois ausgleichn oda zruckzoihn, füa meine sündn gibts kan ealoss, völlig ungleich san meine woogschoin, gerat zwischn homma und amboss
hob mei scheitan längst ohne widastond akzeptiat, die niedalog endgültig eingsehn, hob diese diffarenz tolariat, konn diesn ondren rond goa net easpähn.
4) .7/6/6/6 / 11 (10)/8 (9) ....9/13/12/12
hob gnua vom panischn druck, vom stroihnvaseichtn blut, von leicht schwelenda glut, von undonkboara brut; bin im oitog wieda voi integriat, von jeda bequemlichkeit probiat
hob gnua vom zastearungswahn, von diesm kriegsroman, vom brennendm hoizspan, vom wütendm oakan; a klane zön hot wieda brodlt und kocht, da stete tropfn hot laut pocht
hob gnua vom göttlichn sein, von oidn sklaverein, von münzn goid onleihn, vom klerikalm heim; jeda glaubm hot an ealösendn kean, foign stets dem vafluachtn stean
hob gnua vom schnön vaschleiss, vom übahöhtem preis, vom kopiatm ausweis, vom bangem todesschweiss; die lebmseffekte hom si zschnö obgnutzt, hom unsren neid no goa net gstutzt
hom a stäakre ausbeutung ongstrebt, hom stets die gewinnoptimierung soagfötig pflegt, woan gegnüba da natua stets blind stumm taub, da woahre sinn des lebms is uns nie vatraut.
5) .7/6/6/6 / 11 (10)/8 (9) ....9/13/12/12
hob gnua von jeda bilanz, von dumpfa ignoranz, vom düstren doanenkranz, von da letztn instanz; in diesa wüdnis hot ma wunda gspüat, hob ätherische auren berüaht
hob gnua von inkompetenz, von fingiata demenz, voa woxenda präpotenz, von impertinenz; die eahlichkeit is nua a spieglbüd, valeumdungen zakrotzn den schüd
hob gnua vom geheimagent, vom protzign event, vom korruptn parlament, vom straffm regiment; hom vüz oft mit drohgebäadn reagiat, om schluss san bombm explodiat
hob gnua vom bankspekulant, vom reichn dilettant, vom fiesn sekundant, vom braunem kommandant; des vadeabm lauat bereits in da saat, da untagong mocht an spagat
hom die symptome no nie bemeakt, hot die schweastn identitätskrisn beheabeagt, hom die nägstn lebmsphasn kritisch beäugt, hom uns voam woahn sinn des lebms vabeugt.
b 4) .16/10/10/10 ....6/6/6/6 / 7/7/4+4 (3+5)
brauch jetzt endlich wieda dein geistig-kulturelln hintagrund, und dein kompliziat komplexn befund, brauch dei literarisch brülltes zitat, dei umgschnoites seidnweichs zölibat
brauch jetzt endlich dei aktive inhoitsreiche präsentation, und dei emotionale reaktion, brauch die brutal herrischn raufarein, deine eifrig rasendn reibarein
brauch endlich wieda dein inspirierendn klugn dialog, dein bestn einfochstn lösungsvoaschlog, brauch dei eastaunliche geschicklichkeit, dein animalisch entbronntn wettstreit
brauch endlich wieda dei egoistische mentalität, dei ausprägte individualität, brauch jetzt dei bestialische technik, dei elektrifizierende panik
bin da gonz gefügig, brings stöckchen auf beföh, bist zu mia grosszügig, strieglst mei rauhes fö; bin peasönlichs eigntum, hoits die riemen in da hond, dieses serum hot in mia thront.
d 3) .10/14/9/13 ....14/16/8/8
die enge zwongsjackn da ängstlichkeit, lähmt mei einpfeachtes heaz mit ana übadosis gift, host uns mit brot und spiele kasteit, woat scho ungeduidig auf den küazlich gspitztn stift
die trogendn säuln da besessnheit, bringen und hoitn mei schwonkendes heaz ausm gleichgwicht, vatreibst des gfüh da mindaweatigkeit, sommlst jede obgschabte fragile lebmsschicht
diesa zrissne voahong da suggestion, bedeckt und vahüllt mei gschundenes heaz mit amnesie, die zunehmend innre erosion, beschleunigt die völlig komprimiate apathie
des vawökte laub da zukunftsvision, gedenkt in zeitlupm ons lahme heaz aus lethargie, diese endogene depression, vaschmözt zua belostendn sondamülldeponie
hob im moment mei vaprügltes heaz net meah im griff, oi meine problemstellungen gebm meina logik an stich, ziag mi endlich ausm morast, i schwöas valia donn mein ballast
hob im moment mei kronkes heaz net meah auf meim radar, mei unsteablichkeit vapufft wie diesa poinstaub zu nektar, druck jetzt bitte den resetknopf, donn entweicht die quoi ausm kopf.
des schicksoi wüaflt ziagt den kiazastn strohhoim, aus diesm vaschlossnen wossakrug, die schoiwön vom glockngeläut symbolisian den psoim, füan countdown da stün nach da hohn flut
des eingeweide da friednstaubm beschreibt, kuavn und kreizungen ois synchron, die schachfiguan stüamen voraus wuadn dafüa entleibt, vateidigtn iah reich bis zum letztn monn
da stean begrüsst ois supanova des wödoi, füa millionen joah mit seim grön licht, des schwoaze loch wettet mit gwittawoikn beim aufproi, um a freie kloare und weite feansicht
des schicksoi wüaflt und varüaht scho ois zu an zähn schleim, des schicksoi eantet den obaglaum aus zaubarein, des schicksoi büglt ois wieda glott, wiad davon afoch niemois sott
denn nua des glück hätt die chance auf an sieg, üba diesn moment, in besta vafossung is des glück, keineswegs vaklemmt; übaschüttet ois mit elan, transfoamiat si zum weissn schwan
do des anzig freudige voazeichn, is glei wieda vawischt, muass mein talisman vagleichn, hob nua im trübm gfischt; ois gereinigt vom sonnenschein, und des monsta wiad feua spein.
f 1) .5/4/11 / 5/4/11/6
schau in den spiegl, gonz konzentriat, hob mi auf die ondre seitn meditiat, zabrich des siegl, woih übalegt, hob mi endlich wieda von alla bewegt; woa ma söbst scho suspekt
moch den nägstn schritt, vüz long nochdocht, hob mein feindlichn gegna guad übawocht, ritz ma no an schnitt, intensiv glebt, eafind füa die unendlichkeit a rezept; wuade ois widalegt
spia diese substanz, tiaf in mia drin, des testosteron is mei adrenalin, moch mein totntanz, mei ritual, empfong vüz oft dieses giarige signal; steig häata aufs pedal
ewig is mei sucht, ka kompromiss, imma länga wean scho meine fümriss, wü zu meina bucht, bin doat geboan, muass oba in da unendlichkeit aushoan; gib ma jetzt söbst die spoan
fliag glei zum plateau, hobs net bereut, denn diesa moment hot si wiaklich auszoiht, des hohe niveau, dauat long on, jede spritzn mocht mi wieda autonom; steh wieda unta strom.
ch 1d) .9/10/8/7 / 12
da weg füaht bis zum peafektn punkt, in an künstlich imaginäan oat, da pinsl hot scho tiaf eintunkt, in des geflügelte woat; hot in dystopischn relationen rumoat
da weg füaht duach an schlommign dreck, in a schwiarigs uneafoaschtes gebiet, des weich ausgekleidete bett, is eaboamungslos solid; schoff nua an trivialn parasuizid
da weg füaht üban vabognen steg, in a halluziniate utopie, da unduachsichtige magnet, speichat die anomalie; voa uns die öde und triste peripherie
da weg füaht auf ana umlaufbahn, in a mausoleum ohne ausgong, die äussast sensible membran, tönt im moment ohne klong; unsa lebm valäuft nua in an kuazn strong.
aus meine oahn kriacht die eainnrung in diesm moment, wü die gleichung begreifn, do sie is voikommen ambivalent, is dem eagebnis gegnüba indolent
wia suachn scho vazweiflt noch an fodn noch an stean, wü jetzt mei haut obstreifn, do sie wiad si heftig dagegn weahn, rudan ums übalebm auf geistagalean
aus meim mund vaflüchtigt si mei sö in diesm moment, wüs jetzt no schnö einfongen, do sie is scho long net meah existent, vasprühn die letztn funkn ausm soatiment
wia suachn scho vazweiflt noch da sunn und nochm mond, wü den friedn empfongen, do ea is afoch mit mia net vawondt, des gebot des steabms bleibt füa jedn konstont.
ch 3b) .7/7/8/7 / 6/7 ...7/7/8/8 / 6/7 .13/9/9/10
wonn deaf i endlich springen, üban kloan seichtn boch, oda soi i weita wondan, steh do liaba untam doch; hobs zü wieda vaföht, bin zu rasant empoagschnöt
mecht ins lebm eindringen, vaschenk mei vitalität, oda soi i ois aussondan, hob do liaba qualität; mei keahweat winzig klein, vawoahs lebm aufm schrein
wonn deaf i endlich steabm, nua in meim eignen bereich, oda soi i endlich schlofn, plansch do liaba in meim teich; konn von hia net entfliehn, nutz no olle syneagien
mecht mi wieda beweabm, nua füa diesn an moment, oda soi i mi bestrofn, hob mi do eh scho so geschämt; den pegl längst gekreuzt, die beweise niedagwoizt
konn die schuidn niemois tilgn oda obtrogn, niemond übanimmt diese büagschoft, konn meine losta net vajogn, die kuavn is scho ziemlich obgflocht
mei klägliches fiasko is völlig legitim, des debakl hot si längst onbahnt, wea mi voa da diskrepanz hinknien, kana hot mi voam lebm obgmahnt.
ch 4a) .12/12/9/7 .....12/12/10/8
treib schwerelos duach a gleissende galaxie, fühl in diesm moment diese todesphobie, vaschüttet im stoin ohne ausstieg, mei letztes rückzugsgebiet
die vaschiednen möglichkeitn bleibm vaschoin, genau in diesm moment hot wea mei glück gstoihn, a ewige suche hätt nix brocht, wea zoat zuadeckt von da nocht
treib losgelöst duach an eiskoitn schottnbruch, fühl in diesm moment des weiche weisse tuch, trotz wohliga wäame eingehüllt, bin i scho stoak untakühlt
die gedächtnislückn hom si von söbst entleat, genau in dem moment homs den deckl zuagspeat, von aussn vaschweisst des schlüsslloch, die wön san no ziemlich floch
treib unsichtboa duachs letzte vaschlossne poatal, fühl in diesm moment hia ois irrational, des schaukln hot jetzt endlich aufgheat, diese stün hot ois zasteat
a dichte schwäazn hot mi gänzlich inhaliat, in diesm moment wiad mei sö eliminiat, wünsch iah guade reise an scheenen flug, schöpf wieda neuen stoakn mut.
geschrieben am 31. august // 01./02./03. september 2018 /// 05./06. mai 2019.pk. ~ überarbeitet am 29./30./31. jänner // 02./03./04./05. februar 2023.pk.
copyright by philipp kirschner.pk. ~ untermalt mit jazzmusik von walt weiskopf (ts).
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen