436.
| nebliges lond.
1) .6/6/6/6 / 10/10
heit gehts ma net so guat, konns oba net beschreim, klingt iagendwie obsuad, wü afoch nua hia bleim; woa afoch vüz long net meah richtig krong, mit volla wucht trifft mi da bumarong
meine fiass san scho gschwoin, a schwindl hot mi plogt, mecht mi nua no zommroin, mei wochsein scho vasogt; meine augn foin vüz schnö wieda zua, des grelle licht blendt trotz meina zensua
bin net meah bei da soch, vagiss scho aufs detail, mei kroft losst a scho noch, in mia steckt scho a keil; boaht si duach mein keapa longsom dezent, is füa mein oaganismus virulent
hob a scho koide händ, schweissnoss bereits mei haut, schwitz und fria ohne end, brauch endlich mei heilkraut; muass diese heilige pflonzn aufspüan, öffne olle sinne wüs no varüahn.
2) .6/6/6/6 / 10/10
heit gehts ma net so guat, losst si net gscheid eakläan, is des scho mei endspuat, wü afoch nua hamkeahn; jede streckn strengt mi scho ziemlich on, bleib lieba sitzn auf meim oidn thron
mei schädl brummt und quöt, siag net meah oi zu schoaf, hob mi hintn ongstöt, füa mi is ka bedoaf; diesa monotone stich foaht tiaf rein, sägt si duach mei gehian bis ins stianbein
konn mi net konzentrian, vagiss ois scho vüz schnö, muass des ois kompensian, bin auf an karussö; treibt mi imma schnölla on diesn rond, die hobl schält häutend scho mein vastond
mei keapa zittand bebt, hob scho wieda obbaut, innalich wie zuaklebt, brauch endlich mei heilkraut; muass die pflonzn findn glei auf da stö, mecht hia endlich raus aus diesm tunnö.
mei weisse jackn passt peafekt, eng onliegend und fest vaschnüat, lieg gfesslt auf meim bett, hob mi donn net meah gscheid grüaht; konn mi goa net meah riahn, a net meah intaagian
die spritzn hot mi donn betäubt, treib ufalos duachs woiknmea, gedonkn wean zastäubt, die eainnrung is gonz lea; hob mei kindheit valoan, ois is eastoat und eafroan
minutn mutian zu an tog, die zeit is füa mi relativ, des joah beim flüglschlog, mocht mi wieda depressiv; siag ois in graua foab, mei umgebung is a koab
mei eignes zimma is steril, hot a seah flauschig wache wond, woa wieda instabil, in diesm neblign lond; vasuachs mit schizophrenie, nua i bin hia des genie.
heit gehts ma net so guat, is a komisches gfüh, iagendwos in mia knuat, bin mittn in an spü; konn do net gwinna ealeid an schiffbruch, mechts no moi probian hob nua an vasuch
bin den gonzn tog miad, foi in a lethargie, bin nua no deprimiat, wo bleibt mei eneagie; untascheid net meah zwischn tog und nocht, a stete dämmarung hot mi onglocht
moi ois in schwoaz und grau, bin jetzt scho foabmblind, steh mittn in an stau, im engen labyrinth; steck in diesa engen spiroin fest, bin übafoadat entmutigt gestresst
mei otmung geht scho schwea, jetzt hot si ois aufgstaut, vasuach a gegnweah, brauch dringend mei heilkraut.; muass die pflonzn jetzt identifizian, damit konn i donn wieda reagian.
heit gehts ma net so guat, hob ongst voa da zukunft, kleb fest in diesa fuat, hondl ohne vanunft; die synapsn hom net meah so schnö blitzt, hob mi intensiv gschnittn und geritzt
so vü wüdfremde leit, kumman scho zu besuch, bin afoch net bereit, füa an komplexn spruch; lossts mi in meina einsomkeit in ruah, füa mi is des vüle gred a toatua
drah mi scho längst im kreis, find do kan weg heraus, beweg mi wie auf eis, wü do endlich noch haus; mei gesomte gstoit kummt hia net vom fleck, befind mi auf an rotiarendn brett
da bodn schwonkt und schmüzt, bin stets im frein foi, mei sö is stoak vafüzt, fühl mi ois eiskristoi; tropf üba scheabm in a obfoigruam, häng zua obschreckung von an glockntuam
schau mia beim träumen zua, hob mas söbst onvatraut, da oib eazeugt sei spua, brauch dringend mei heilkraut; vatreibt die schwere lost auf meina brust, initiia hia zu vü lebmsfrust.
diese stoak vazaubatn püz gedeihn prächtig im heilign rauch, fühl mi iagendwie unnütz in diesn regionen, diese prophetischn visionen woan scho oft in gebrauch
diesa rein weisse feine schnee rieslt leise aus dem grünen laub, vaoabeit blätta zu tee mit hoha intensität, die euphorische aktivität londet im grauen staub
probia jede wuazl jede pflonzn jeds amphibiengift, bin offn füa romanzn bei mond- und steanenlicht, geniess die nahtodeafoahung füa den nägstn quantnsprung
diesa getrocknete müchsoft tropft dezent aus ana kapselfrucht, die enthoitene botschoft füaht glei zua bestäubung, diese apathische betäubung entwicklt si zua sucht
diesa natüaliche rohstoff wiad sehnlichst vamisst is heiss begeaht, des kuazzeitige hoch foit in dumpfe apathie, die kuriose anomalie hot des poatal aufgspeat
gebts ma endlich die vadommtn heilkräuta füa mein letztn vastond, brauch hia kan professionön steandeuta, nua die afoche foaht ins sognumwobne neblige lond.
ch 1b) .8/8/6/7 / 6/7 ...//// 7/7
mei weisse jackn gnäht noch mass, figuabetont und fest ongschnoit, schlof zfriedn im bett aus gras, hob mi donn wieda eingroit; hob mi long net bewegt, wea nua sporadisch gepflegt
die spritzn hot mi donn beruhigt, schweb schwerelos duachs zeitnmea, des nix hot mi vafoigt, so vü lecha bleibm lea; drift ob ins schwoaze reich, steh om grund im trübm teich
minutn explodian zum tog, dei zeit hot no nie existiat, des joah beim blitzeinschlog, hob hia scho längst resigniat; stia wie blind zum plafond, woat dabei auf a echo
fensta und tüan bleibm vasteckt, flauschig wach is mei zimmawond, bin wieda hochgeschreckt, in diesm neblign lond: vasuachs mit da dystopie, nua i bin hia des genie.
mei dröhnenda schrei vahoit schweigsom stumm, bin no imma gfongen im sanatorium, mecht von hia vaschwindn ohne an beweis, mi in luft auflösn wie gschmoiznes eis
ka laut dringt duach die schoigedämpfte wond, eawoch jedesmoi in diesm neblign lond, wü endlich den dichtn schleia wegradian, mi in sonnige gefilde bugsian
stüaz imma wieda in an tiafn schlof, find ka leita kan hoitegriff aus diesm loch, mecht von hia fliehn ohne grosses aufsehn, wies chamäleon schleichn auf zeh‘n
zu an kegl vajüngt si diese wond, losst ka sunn scheinen in diesm neblign lond, wü jetzt endlich diesn dichtn dunst vatreim, wü hia auf goa kan foi no länga bleim
hoits mi do endlich aus diesa onstoit, gebts ma den schlüssl füa diesn zwiespoit, iah deafts mi net festhoitn des is ungerecht, bin nua eia vasall füa eia geschäft.
5) .6/6/6/6 / 10/10
heit gehts ma goa net guat, a schwäche hot mi gschockt, hob mei freiheit festzuat, die neavn hom obblockt; da austausch zwischn den zön is vastopft, a zäha vaschleimta soft hot scho tropft
mei kreislauf is easchöpft, mei sö is seah labil, hob mi scho söbst zuaknöpft, zasteat is jeds ventil; mei regulierungsonlog is kaputt, bin a ealoschna vuikan mit vü wut
hob mei wesn vakauft, hoit mei woahheit no zruck, bin in sphäan eintaucht, hoitn mi unta druck; bin mit meim kokon vawochsn valeimt, do diese montua hot no nie gekeimt
da schmeaz sticht tiaf und brennt, die pein no net obtaut, kana hot mas obtrennt, brauch sofoat mei heilkraut; brauch diese pflonzn zu hundat prozent, daduach eaweitat si mei fiamament.
heit gehts ma goa net guat, die wundn heiln gonz schlecht, vagessn mei gebuat, woa a bluadigs gefecht; die komplikationen woan seah akut, da tod hoit si des weibliche eabgut
die höfte scho valebt, mei fäahte is vawischt, die funkn san vaebbt, da stuam hot mi eawischt; wiablt mi duach mei eignes spieglbüd, schleudat mi hoat auf mein letztn schutzschüd
hob den strond net eareicht, bleibt imma gleich entfeant, des sichre zü entweicht, hob den zweck net entkeant; mei seifnblosn is dröhnend zaplotzt, hob ma olle foabm söba vapotzt
hea nua den wossafoi, hob a rauschn im oah, diesa panikonfoi, bockt und spuckt mei motoa; die pumpm huastet und läuft si scho heiss, hob scho an hohn physischn vaschleiss
die chancen längst vatan, die lust is scho obgflaut, vaschwundn is mei plan, brauch sofoat mei heilkraut; schenkt ma wieda ungnutztes potential, vielleicht eakenn i mein heilign gral.
diese vawunschenen früchte wiakn east vastäakt im voimondlicht, die ätherischn düfte hom vü ambitionen, diese seherischn visionen schäafn die kloare sicht
dieses fein wüazige pulva flüstat vom sämign wuazlbrei, eaweck in mia luzifa mit seinen veasionen, diese besessnen explosionen mochn an feurig frei
probia jede knolle jede pflonzn jeds natüaliche gift, die eingsommltn wonzn hom mi gonz schee bekifft, jeds ealebnis im nahn tod öffnet mia a neis gebot
die auspresste gfütate sauce köchlt auf klansta flomm in an topf, die blütn vom wachn moos eaweckt die gemüta, diese transzendentalen büda wean donn zum füm im kopf
des virulente element is hia äussast ongsogt und beliebt, diesa trip is exzellent bis zua passivität, diese wiaksome strenge diät hot den duachloss ongstippt
drum gebts ma jetzt die vadommtn heilkräuta füa mein letztn vastond, brauch hia kan parasitäan ausbeuta, nua diese afoche foaht ins sognumwobne neblige lond.
d 1) .14/14/10/7
bin eingschlossn in an wiabl in an tückischn sog, valia scho des gleichgwicht auf meina übalebmswoog, balanzia auf an schmoin schoafn grat, setz mi augnblicklich schachmatt
hob in diesm strudl die orientiarung valoan, rotia um mi söbst wie im vakuum ohne sensoan, mei pendl kummt scho longsom zum stüstond, betrochtet ängstlich den rond
a unhamlich stoake strömung reisst mi aus meina wöd, lond zaschundn und zakrotzt auf an unbekonntn föd, a unhamliche traua hot hia tobt, hätt mei lebm gean geprobt
hob mi in vaschwommnen surrealitätn vaiat, die imaginäan phantasien hom mi infiziat, die schwingende sensn hot ois umgmäht, nua negatives ausgsät
bin völlig ausglaugt übalostet von meim horrortrip, da dominoeffekt setzt ein genau üban zenit, hob den goadischn knotn nie entzweit, bin gegn pein net gefeit
hintam düstren müchign spiegl is scho ois vakeaht, hob des neblige lond laut vafluacht oba a vaeaht, wüs net vamissn is ma a vahosst, hob den ausstieg längst vaposst.
ch 1c) .8/8/6/7 / 6/7 ...//// 7/7
mei weisse jackn hoat vaschweisst, exakt justiat und fest vapockt, bin im traum vü vareist, hob mi donn wieda onpflockt; fühl mi wie festvaschraubt, mei unobhängigkeit graubt
die spritzn hot mi wieda glähmt, gleit gonz hoitlos duachs lichtamea, die grenzn ungezähmt, do dahinta is ois lea; hobs glei mit graun gfüllt, und mit traumata zuagmüllt
minutn dehnen si zum tog, die zeit is nua a hiangespinst, des joah beim glocknschlog, da komet hot hämisch grinst; gib eam a klans signoi, zruck bleibt nua a stumpfa stroih
mei eigna raum is völlig rund, geniess die flauschig wache wond, steh wieda voam schlund, in diesm neblign lond; vasuachs im delirium, bins genie mit an serum.
ch
2b) .10/12/11/10 ....10/10/12/11
mei gellenda schrei is einsom vastummt, bin in meim gfängnis in meim valies no vamummt, wü von hia flüchtn glei beim eastn testlauf, entrinn diesm sölischn obvakauf
ka geringtes gräusch duachdringt diese wond, öffne meine augn in dem nebligen lond, mecht den diesign dunst wegfegn wegkeahn, wü die sonnige idylle gebäan
vasink wieda in die schlofende stün, ka fluchtweg offnboat ma sei woahres kostüm, wü hia entschlüpfn wie aus an rohn ei, diese duachbrochne schoin wiad zua arnei
zu ana kugl vafoamt si die wond, losst kan regn foin in diesm neblign lond, mecht diesn diesign dompf delogian, mecht auf einsomen insln meditian
rettets mi endlich ausm institut, gebts ma des kennwoat füa diesn missmut, iah deafts mi net einschliessn is gegn des gsetz, bin nua eia lockvogl in eiam netz.
ch 3a) .13/12/8/8 ....11/10/12/12
dieses neblige lond hot mi giarig vaschlungen, somt jackn und knochn sowie mit haut und hoa, füllt meine gschädigtn lungen, mit an unsichtboan tumoa
dieses neblige lond hot mi wütend ongriffn, zeat und ziagt mi brutal ins geheime vasteck, hots immunsystem obgschliffn, mit seim nein skalpellbesteck
dieses neblige lond füaht experimente duach, bin die ideal geboane vasuchsperson, treibts gonz bunt untam weissn tuach, schickt man gflügltn dämon
dieses neblige lond is nua a entwuaf a traum, om end läuft wieda ois synchron und gonz noamal, übagiesst mi mit dichtm schaum, und stöt den zeiga auf neutral
dieses neblige lond is mei paradies, is diese vaschoine insl atlantis, dieses neblige lond is mei elysium, ealong nua doat mein eignen unsteablichn ruhm.
heit gehts ma goa net guat, hobs scho long kumman gsehn, iagendwos hot hia gsuat, weas afoch nie vastehn; hot füa eahebliche vawirrung gsoagt, oi mei inspiration wuade entkoakt
oagane hom vasogt, gibt hia kan kompromiss, hob mei sein söbst vajogt, spia den foitandn riss; bin bereits ongschlossn on da maschin, füa olle innarein gibts an teamin
hob die hoffnung vatauscht, schau üban krotarond, hob nua den wind belauscht, kana wiad hia vaschont; voa mia liegt die wüste unendlich gross, woat nua auf den adrenalinausstoss
mei bluad brodlt und kocht, den beissring scho zakaut, afoch net zlong nochdocht, brauch akut mei heilkraut; seaviats ma die pflonzn auf an tablett, brauch ka kladrucktes aufm etikett.
8) .6/6/6/6 / 10/10
heit gehts ma goa net guat, afoch ois schmüzt davon, sogoa mei rettungsguat, und a mei glückshoamon; die schlucht vabreitet si von gonz allan, eingstüazt die bruckn somtn bergekran
bin nua a leare hün, ohne ana substanz, aufglöst hot si mei wün, in ana dissonanz; dieses bese hot mei schwäche ausgnutzt, hot oi meine entschlüsse glei wegputzt
hoch üba mia die flut, die wön brechn herein, löscht glei mei letzte glut, vawondln mi zu stein; des soiz frisst si wie säure duach mei haut, die quoin zareibm die knochn zu staub
meine adan brennen, die hitzn rast und zischt, konn die pein net stemmen, is a stochlige gischt; da wetzstein rasplts wieda etwos glott, wiad vom martan und schändn niemois sott
die foin hot glei zuagschnoppt, sofoat mächtig aufgraut, kana hot des ois gstoppt, brauch akut mei heilkraut; korrigiat glei mei innre pandemie, donn stimmt wieda die physische chemie.
heit gehts ma goa net guat, wüs endlich präzisian, is mei letzta endspuat, konns eich net suggarian; es is so komisch ondas und bizarr, opfa mei lebm auf diesm altar
etwos hot mi vaseucht, bricht donn aus mia heraus, vü dreck hot si onghäuft, gibt mia donn vü applaus; diese onfeuarung hot ma nix brocht, steh mittn in diesa peaveasn schlocht
hob afoch nix meah gspüat, die finstanis hot gwinkt, den woihklong homs entfüaht, mei gonza mut vasinkt; mei skepsis vaprüglt mei niedalog, mei desillusion londet in an trog
bin im fleischwoif eawocht, des is mei wiaklichkeit, hob üba mi ka mocht, a knecht im trauakleid; meine fädn wuadn manipuliat, die puppm hot die chancen sabotiat
hob den friedn bestöt, do nua auf woffn gschaut, hob mi afoch vazöht, brauch akut mei heilkraut; hot mei letzte reseavn herausglockt, mei schicksoi hot si mit mia übaloppt.
b 3) .8+9/7+6/9+6 ..10+6/7+6/8+7 ...11+6/11/17
diese magischn toxine von schlongen fröschn ondrem getia, enthoitn vitamine füa die emotionen, eahöhn intuitiv die visionen in dem elixia
dieses dickflüssige konzentrat bewiakt den ollahechstn flug, des günstigste resultat losst an glei obsackn, diese hypaaktivn attackn endn in an spuk
probia jede flüssigkeit und pflonzn jeds uneafoaschte gift, die gringen toleronzn endn in da obdrift, lächle dem nahn tod ins gsicht hob füa eam no a nochricht
diese grob zastossnen blütn entfochn den kosmischn uaknall, die söbstgedrehtn tütn mutian zum goidnen vlies, dieses kolossale eaeignis wiad zu an ritual
dieses biologische produkt is berüchtigt und wödberühmt, eazeugt a fragils konstrukt aus gedonknsalat, bin a topfara akrobat hob no net füa ois gesühnt
deshoib gebts ma meine eignen heilkräuta füa mein letztn vastond, brauch hia kan übatriebnen neugestoita, nua diese afoche foaht ins sognumwobne neblige lond.
d 2) .14/14/10/7
bin umschlossn vom wiablndm wossa massivn sog, valia scho mei harmonie vom übalebmsrucksock, wonda üba scheabm glühende koihn, hob ma söba ois empfoihn
hob in dem chaos mein anzig richtign weg valoan, drah mi wie a kreisl auf da stö ohne motoan, nua die unruh da lebmsuah pausiat, hot si drastisch aufsummiat
auflodande wogn zean mi aus meina eignen wöd, proi mit volla wucht auf des viatuell abstrakte föd, a gigantische traua hot hia gstüamt, die sön woan scho seah eazüant
bin auf da utopischn odyssee vom zü obgweicht, diese halluzinationen hom mi intensiv gstreift, da homma zatrümmat jedn tonkrug, da amboss is auf entzug
bin scho übastrapaziat von meina expedition, die schnön reflexe huldign iahrer tradition, die ziaklspitzn hot auf den stift züt, do mi homs no net obgstüt
hintam schillandn regnbogn hot si ois umdreht, hob dieses neblige lond gepriesn und niedagmäht, lieb jedes gebiet hoss es bis aufs blut, zoih scho mein eignen tribut.
e 1) .10/7/12/9/7 ..12/10/13/12
ziagts die schwean vastaubtn voahäng zua, drahts die grön lichta ob, vanähts meine augn mit ana onglschnua, ritz mein nomen in mein lebmsstob, gib ma mei kaleidoskop
vaschliessts die fenstalädn gonz kompakt, tuats die keazn wieda weg, die pupün hom si on da helligkeit vahakt, lossts mi do on diesm dunklen fleck, steht ois auf meim etikett
hobts des kladruckte von mein befund net glesn, hobts afoch des wichtigste übasehn, eire sinnlos aufgstötn kühnen hypothesn, wiad kana von den weisskittln jemois vastehn
kuablts endlich die jalousien herob, toschnlompm san defekt, meine augöpfl hom hia scho a sehvabot, eaweists ma wenigstens an respekt, woat scho aufs nägste projekt
drum ziagts endlich die oidn voahäng zua, brauch hia kan mond stean ka sunn, bin äussast zfriedn in meina weissn montua, bin net nua blind sondan a taubstumm, wü mi jetzt endlich ausruhn
hobts afoch die höfte vom attest ignoriat, hobts die medikamente foisch dosiat, olle umstellungsvasuche san gänzlich missglückt, hobts ma oi meine früchte vom lebmsbaum pflückt.
mei weisse jackn steht ma guat, wie ongegossn und bequem, kämpf auf da drochnbuag, hob mi donn wieda eagem; konn mi hia net meah rüahn, woin mi endlich übafüahn
die spritzn hot mi untadrückt, fliess gonz fügsom duachs sönmea, den zenit übabrückt, olle synapsn san lea; die linie auf null, wieg mi sonft im schauklstuhl
minutn expandian zum tog, die zeit stüht ma mei kondition, des joah beim donnaschlog, vahindat a reaktion; hob die lupe valegt, hob ma den moment einprägt
mei reich is völlig isoliat, begrüss mei flauschig wache wond, hob scho kapituliat, in diesm neblign lond; vasuachs im purgatorium, mei genie im zentrum.
mei schrilla schrei vaflogn ungehöat, die kettn und fessln san no long net vadöat, mecht von hia obhaun ohne zeugnaussog, wie vom eadbodn vaschluckt auf an schlog
ka summen dringt duach diese sonfte wond, meine augn eablickn des neblige lond, wü diesn gsättigtn quoim wegoparian, mecht mi nua in sonnenstroihn valustrian
fliag wieda in die vaschlofene ruah, ka geheimgong hintalosst ma sei schachfigua, mecht entkommen mit wünschn da guadn fee, wiad a obteialiche odyssee
zu an winzign punkt schrumpft donn die wond, losst kan sond schmözn in diesm neblign lond, wü diesm göbbraunen smog des fö obziehn, hob unvadaut die innarein ausgspien
zats mi do endlich aus diesa klinik, gebts ma die paroin füa mei denkfabrik, iah deafts mit net zuamauan steht die todesstrof, bin da niedrigste sklave unta eiam joch.
ch 3b) .13/12/8/8 ....11/10/12/12
dieses neblige lond hot si nua von mia eanäaht, von kronkhoftn onfälln varucktn hysterien, hobts ma ka oblenkung gewäaht, korrigiats kane melodien
dieses neblige lond hot mi gwoitsom dirigiat, reizt mi mit seinen betöarend charmantn sprüch, mit gehianwäsche therapiat, hob unzählige knochnbrüch
dieses neblige lond eaprobt jede medizin, wuade dafüa easchoffn füa diesn testlauf, imma näha ruckt da teamin, stets heftiga wiad da missbrauch
dieses neblige lond offnboat mei woahs talent, des end transfoamiat si donn zu an neibeginn, bin dagegn net resistent, des gibt meim lebm donn an sinn
dieses neblige lond is mei ewigkeit, a obglegne insl da söligkeit, dieses neblige lond is mei heiligs gebiet, hob mi scho wieda voa eich demütig hinkniet.
konn mi net bewegn, bin scho völlig eastoat, mecht jetzt ois oblegn, mei gonze gegnwoat, des vagongne längst vaweht, hob den moagn no net easpät
befind mi aktuell in an unsichtboan bewusstseinszuastond, dien hia nua ois modell in diesm neblign lond, mei sö hot hia scho imma gwohnt
meine sinn san defekt, höa siag riach goa nix meah, bin no imma bedeckt, es is ois so konträa, olle gfühle san vasiegt, hot si mit da kötn bekriegt
bin kloa in da mittn zwischn wiedagebuat und neblign lond, scho wieda entglittn is ma dieses lebmsbond, mei sö hot si söba entlohnt
a mysteriöse finstanis bedroht des neblige lond, die gesomte genesis steht in meina vakrompftn hond, hom mi negiat, hob ständig souffliat
die schottn im neblign lond hom mi mit fongoamen umhüllt, mei sö duachstösst die letzte front und wiad dabei glei zaknüllt, wiad glei seziat, hob vüz vü riskiat.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 14./15./16./17. mai 2018.pk. ~ überarbeitet am 17./19./20. /21./22./23./24./25. august 2022.pk
copyright by philipp kirschner.pk. ~ untermalt mit metalmusik von carrion vael, distant, liminal shroud. parkway drive.
******************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .6/6/6/6 / 10/10
heit gehts ma net so guat, konns oba net beschreim, klingt iagendwie obsuad, wü afoch nua hia bleim; woa afoch vüz long net meah richtig krong, mit volla wucht trifft mi da bumarong
meine fiass san scho gschwoin, a schwindl hot mi plogt, mecht mi nua no zommroin, mei wochsein scho vasogt; meine augn foin vüz schnö wieda zua, des grelle licht blendt trotz meina zensua
bin net meah bei da soch, vagiss scho aufs detail, mei kroft losst a scho noch, in mia steckt scho a keil; boaht si duach mein keapa longsom dezent, is füa mein oaganismus virulent
hob a scho koide händ, schweissnoss bereits mei haut, schwitz und fria ohne end, brauch endlich mei heilkraut; muass diese heilige pflonzn aufspüan, öffne olle sinne wüs no varüahn.
2) .6/6/6/6 / 10/10
heit gehts ma net so guat, losst si net gscheid eakläan, is des scho mei endspuat, wü afoch nua hamkeahn; jede streckn strengt mi scho ziemlich on, bleib lieba sitzn auf meim oidn thron
mei schädl brummt und quöt, siag net meah oi zu schoaf, hob mi hintn ongstöt, füa mi is ka bedoaf; diesa monotone stich foaht tiaf rein, sägt si duach mei gehian bis ins stianbein
konn mi net konzentrian, vagiss ois scho vüz schnö, muass des ois kompensian, bin auf an karussö; treibt mi imma schnölla on diesn rond, die hobl schält häutend scho mein vastond
mei keapa zittand bebt, hob scho wieda obbaut, innalich wie zuaklebt, brauch endlich mei heilkraut; muass die pflonzn findn glei auf da stö, mecht hia endlich raus aus diesm tunnö.
mei weisse jackn passt peafekt, eng onliegend und fest vaschnüat, lieg gfesslt auf meim bett, hob mi donn net meah gscheid grüaht; konn mi goa net meah riahn, a net meah intaagian
die spritzn hot mi donn betäubt, treib ufalos duachs woiknmea, gedonkn wean zastäubt, die eainnrung is gonz lea; hob mei kindheit valoan, ois is eastoat und eafroan
minutn mutian zu an tog, die zeit is füa mi relativ, des joah beim flüglschlog, mocht mi wieda depressiv; siag ois in graua foab, mei umgebung is a koab
mei eignes zimma is steril, hot a seah flauschig wache wond, woa wieda instabil, in diesm neblign lond; vasuachs mit schizophrenie, nua i bin hia des genie.
heit gehts ma net so guat, is a komisches gfüh, iagendwos in mia knuat, bin mittn in an spü; konn do net gwinna ealeid an schiffbruch, mechts no moi probian hob nua an vasuch
bin den gonzn tog miad, foi in a lethargie, bin nua no deprimiat, wo bleibt mei eneagie; untascheid net meah zwischn tog und nocht, a stete dämmarung hot mi onglocht
moi ois in schwoaz und grau, bin jetzt scho foabmblind, steh mittn in an stau, im engen labyrinth; steck in diesa engen spiroin fest, bin übafoadat entmutigt gestresst
mei otmung geht scho schwea, jetzt hot si ois aufgstaut, vasuach a gegnweah, brauch dringend mei heilkraut.; muass die pflonzn jetzt identifizian, damit konn i donn wieda reagian.
heit gehts ma net so guat, hob ongst voa da zukunft, kleb fest in diesa fuat, hondl ohne vanunft; die synapsn hom net meah so schnö blitzt, hob mi intensiv gschnittn und geritzt
so vü wüdfremde leit, kumman scho zu besuch, bin afoch net bereit, füa an komplexn spruch; lossts mi in meina einsomkeit in ruah, füa mi is des vüle gred a toatua
drah mi scho längst im kreis, find do kan weg heraus, beweg mi wie auf eis, wü do endlich noch haus; mei gesomte gstoit kummt hia net vom fleck, befind mi auf an rotiarendn brett
da bodn schwonkt und schmüzt, bin stets im frein foi, mei sö is stoak vafüzt, fühl mi ois eiskristoi; tropf üba scheabm in a obfoigruam, häng zua obschreckung von an glockntuam
schau mia beim träumen zua, hob mas söbst onvatraut, da oib eazeugt sei spua, brauch dringend mei heilkraut; vatreibt die schwere lost auf meina brust, initiia hia zu vü lebmsfrust.
diese stoak vazaubatn püz gedeihn prächtig im heilign rauch, fühl mi iagendwie unnütz in diesn regionen, diese prophetischn visionen woan scho oft in gebrauch
diesa rein weisse feine schnee rieslt leise aus dem grünen laub, vaoabeit blätta zu tee mit hoha intensität, die euphorische aktivität londet im grauen staub
probia jede wuazl jede pflonzn jeds amphibiengift, bin offn füa romanzn bei mond- und steanenlicht, geniess die nahtodeafoahung füa den nägstn quantnsprung
diesa getrocknete müchsoft tropft dezent aus ana kapselfrucht, die enthoitene botschoft füaht glei zua bestäubung, diese apathische betäubung entwicklt si zua sucht
diesa natüaliche rohstoff wiad sehnlichst vamisst is heiss begeaht, des kuazzeitige hoch foit in dumpfe apathie, die kuriose anomalie hot des poatal aufgspeat
gebts ma endlich die vadommtn heilkräuta füa mein letztn vastond, brauch hia kan professionön steandeuta, nua die afoche foaht ins sognumwobne neblige lond.
ch 1b) .8/8/6/7 / 6/7 ...//// 7/7
mei weisse jackn gnäht noch mass, figuabetont und fest ongschnoit, schlof zfriedn im bett aus gras, hob mi donn wieda eingroit; hob mi long net bewegt, wea nua sporadisch gepflegt
die spritzn hot mi donn beruhigt, schweb schwerelos duachs zeitnmea, des nix hot mi vafoigt, so vü lecha bleibm lea; drift ob ins schwoaze reich, steh om grund im trübm teich
minutn explodian zum tog, dei zeit hot no nie existiat, des joah beim blitzeinschlog, hob hia scho längst resigniat; stia wie blind zum plafond, woat dabei auf a echo
fensta und tüan bleibm vasteckt, flauschig wach is mei zimmawond, bin wieda hochgeschreckt, in diesm neblign lond: vasuachs mit da dystopie, nua i bin hia des genie.
mei dröhnenda schrei vahoit schweigsom stumm, bin no imma gfongen im sanatorium, mecht von hia vaschwindn ohne an beweis, mi in luft auflösn wie gschmoiznes eis
ka laut dringt duach die schoigedämpfte wond, eawoch jedesmoi in diesm neblign lond, wü endlich den dichtn schleia wegradian, mi in sonnige gefilde bugsian
stüaz imma wieda in an tiafn schlof, find ka leita kan hoitegriff aus diesm loch, mecht von hia fliehn ohne grosses aufsehn, wies chamäleon schleichn auf zeh‘n
zu an kegl vajüngt si diese wond, losst ka sunn scheinen in diesm neblign lond, wü jetzt endlich diesn dichtn dunst vatreim, wü hia auf goa kan foi no länga bleim
hoits mi do endlich aus diesa onstoit, gebts ma den schlüssl füa diesn zwiespoit, iah deafts mi net festhoitn des is ungerecht, bin nua eia vasall füa eia geschäft.
5) .6/6/6/6 / 10/10
heit gehts ma goa net guat, a schwäche hot mi gschockt, hob mei freiheit festzuat, die neavn hom obblockt; da austausch zwischn den zön is vastopft, a zäha vaschleimta soft hot scho tropft
mei kreislauf is easchöpft, mei sö is seah labil, hob mi scho söbst zuaknöpft, zasteat is jeds ventil; mei regulierungsonlog is kaputt, bin a ealoschna vuikan mit vü wut
hob mei wesn vakauft, hoit mei woahheit no zruck, bin in sphäan eintaucht, hoitn mi unta druck; bin mit meim kokon vawochsn valeimt, do diese montua hot no nie gekeimt
da schmeaz sticht tiaf und brennt, die pein no net obtaut, kana hot mas obtrennt, brauch sofoat mei heilkraut; brauch diese pflonzn zu hundat prozent, daduach eaweitat si mei fiamament.
heit gehts ma goa net guat, die wundn heiln gonz schlecht, vagessn mei gebuat, woa a bluadigs gefecht; die komplikationen woan seah akut, da tod hoit si des weibliche eabgut
die höfte scho valebt, mei fäahte is vawischt, die funkn san vaebbt, da stuam hot mi eawischt; wiablt mi duach mei eignes spieglbüd, schleudat mi hoat auf mein letztn schutzschüd
hob den strond net eareicht, bleibt imma gleich entfeant, des sichre zü entweicht, hob den zweck net entkeant; mei seifnblosn is dröhnend zaplotzt, hob ma olle foabm söba vapotzt
hea nua den wossafoi, hob a rauschn im oah, diesa panikonfoi, bockt und spuckt mei motoa; die pumpm huastet und läuft si scho heiss, hob scho an hohn physischn vaschleiss
die chancen längst vatan, die lust is scho obgflaut, vaschwundn is mei plan, brauch sofoat mei heilkraut; schenkt ma wieda ungnutztes potential, vielleicht eakenn i mein heilign gral.
diese vawunschenen früchte wiakn east vastäakt im voimondlicht, die ätherischn düfte hom vü ambitionen, diese seherischn visionen schäafn die kloare sicht
dieses fein wüazige pulva flüstat vom sämign wuazlbrei, eaweck in mia luzifa mit seinen veasionen, diese besessnen explosionen mochn an feurig frei
probia jede knolle jede pflonzn jeds natüaliche gift, die eingsommltn wonzn hom mi gonz schee bekifft, jeds ealebnis im nahn tod öffnet mia a neis gebot
die auspresste gfütate sauce köchlt auf klansta flomm in an topf, die blütn vom wachn moos eaweckt die gemüta, diese transzendentalen büda wean donn zum füm im kopf
des virulente element is hia äussast ongsogt und beliebt, diesa trip is exzellent bis zua passivität, diese wiaksome strenge diät hot den duachloss ongstippt
drum gebts ma jetzt die vadommtn heilkräuta füa mein letztn vastond, brauch hia kan parasitäan ausbeuta, nua diese afoche foaht ins sognumwobne neblige lond.
d 1) .14/14/10/7
bin eingschlossn in an wiabl in an tückischn sog, valia scho des gleichgwicht auf meina übalebmswoog, balanzia auf an schmoin schoafn grat, setz mi augnblicklich schachmatt
hob in diesm strudl die orientiarung valoan, rotia um mi söbst wie im vakuum ohne sensoan, mei pendl kummt scho longsom zum stüstond, betrochtet ängstlich den rond
a unhamlich stoake strömung reisst mi aus meina wöd, lond zaschundn und zakrotzt auf an unbekonntn föd, a unhamliche traua hot hia tobt, hätt mei lebm gean geprobt
hob mi in vaschwommnen surrealitätn vaiat, die imaginäan phantasien hom mi infiziat, die schwingende sensn hot ois umgmäht, nua negatives ausgsät
bin völlig ausglaugt übalostet von meim horrortrip, da dominoeffekt setzt ein genau üban zenit, hob den goadischn knotn nie entzweit, bin gegn pein net gefeit
hintam düstren müchign spiegl is scho ois vakeaht, hob des neblige lond laut vafluacht oba a vaeaht, wüs net vamissn is ma a vahosst, hob den ausstieg längst vaposst.
ch 1c) .8/8/6/7 / 6/7 ...//// 7/7
mei weisse jackn hoat vaschweisst, exakt justiat und fest vapockt, bin im traum vü vareist, hob mi donn wieda onpflockt; fühl mi wie festvaschraubt, mei unobhängigkeit graubt
die spritzn hot mi wieda glähmt, gleit gonz hoitlos duachs lichtamea, die grenzn ungezähmt, do dahinta is ois lea; hobs glei mit graun gfüllt, und mit traumata zuagmüllt
minutn dehnen si zum tog, die zeit is nua a hiangespinst, des joah beim glocknschlog, da komet hot hämisch grinst; gib eam a klans signoi, zruck bleibt nua a stumpfa stroih
mei eigna raum is völlig rund, geniess die flauschig wache wond, steh wieda voam schlund, in diesm neblign lond; vasuachs im delirium, bins genie mit an serum.
mei gellenda schrei is einsom vastummt, bin in meim gfängnis in meim valies no vamummt, wü von hia flüchtn glei beim eastn testlauf, entrinn diesm sölischn obvakauf
ka geringtes gräusch duachdringt diese wond, öffne meine augn in dem nebligen lond, mecht den diesign dunst wegfegn wegkeahn, wü die sonnige idylle gebäan
vasink wieda in die schlofende stün, ka fluchtweg offnboat ma sei woahres kostüm, wü hia entschlüpfn wie aus an rohn ei, diese duachbrochne schoin wiad zua arnei
zu ana kugl vafoamt si die wond, losst kan regn foin in diesm neblign lond, mecht diesn diesign dompf delogian, mecht auf einsomen insln meditian
rettets mi endlich ausm institut, gebts ma des kennwoat füa diesn missmut, iah deafts mi net einschliessn is gegn des gsetz, bin nua eia lockvogl in eiam netz.
ch 3a) .13/12/8/8 ....11/10/12/12
dieses neblige lond hot mi giarig vaschlungen, somt jackn und knochn sowie mit haut und hoa, füllt meine gschädigtn lungen, mit an unsichtboan tumoa
dieses neblige lond hot mi wütend ongriffn, zeat und ziagt mi brutal ins geheime vasteck, hots immunsystem obgschliffn, mit seim nein skalpellbesteck
dieses neblige lond füaht experimente duach, bin die ideal geboane vasuchsperson, treibts gonz bunt untam weissn tuach, schickt man gflügltn dämon
dieses neblige lond is nua a entwuaf a traum, om end läuft wieda ois synchron und gonz noamal, übagiesst mi mit dichtm schaum, und stöt den zeiga auf neutral
dieses neblige lond is mei paradies, is diese vaschoine insl atlantis, dieses neblige lond is mei elysium, ealong nua doat mein eignen unsteablichn ruhm.
heit gehts ma goa net guat, hobs scho long kumman gsehn, iagendwos hot hia gsuat, weas afoch nie vastehn; hot füa eahebliche vawirrung gsoagt, oi mei inspiration wuade entkoakt
oagane hom vasogt, gibt hia kan kompromiss, hob mei sein söbst vajogt, spia den foitandn riss; bin bereits ongschlossn on da maschin, füa olle innarein gibts an teamin
hob die hoffnung vatauscht, schau üban krotarond, hob nua den wind belauscht, kana wiad hia vaschont; voa mia liegt die wüste unendlich gross, woat nua auf den adrenalinausstoss
mei bluad brodlt und kocht, den beissring scho zakaut, afoch net zlong nochdocht, brauch akut mei heilkraut; seaviats ma die pflonzn auf an tablett, brauch ka kladrucktes aufm etikett.
8) .6/6/6/6 / 10/10
heit gehts ma goa net guat, afoch ois schmüzt davon, sogoa mei rettungsguat, und a mei glückshoamon; die schlucht vabreitet si von gonz allan, eingstüazt die bruckn somtn bergekran
bin nua a leare hün, ohne ana substanz, aufglöst hot si mei wün, in ana dissonanz; dieses bese hot mei schwäche ausgnutzt, hot oi meine entschlüsse glei wegputzt
hoch üba mia die flut, die wön brechn herein, löscht glei mei letzte glut, vawondln mi zu stein; des soiz frisst si wie säure duach mei haut, die quoin zareibm die knochn zu staub
meine adan brennen, die hitzn rast und zischt, konn die pein net stemmen, is a stochlige gischt; da wetzstein rasplts wieda etwos glott, wiad vom martan und schändn niemois sott
die foin hot glei zuagschnoppt, sofoat mächtig aufgraut, kana hot des ois gstoppt, brauch akut mei heilkraut; korrigiat glei mei innre pandemie, donn stimmt wieda die physische chemie.
heit gehts ma goa net guat, wüs endlich präzisian, is mei letzta endspuat, konns eich net suggarian; es is so komisch ondas und bizarr, opfa mei lebm auf diesm altar
etwos hot mi vaseucht, bricht donn aus mia heraus, vü dreck hot si onghäuft, gibt mia donn vü applaus; diese onfeuarung hot ma nix brocht, steh mittn in diesa peaveasn schlocht
hob afoch nix meah gspüat, die finstanis hot gwinkt, den woihklong homs entfüaht, mei gonza mut vasinkt; mei skepsis vaprüglt mei niedalog, mei desillusion londet in an trog
bin im fleischwoif eawocht, des is mei wiaklichkeit, hob üba mi ka mocht, a knecht im trauakleid; meine fädn wuadn manipuliat, die puppm hot die chancen sabotiat
hob den friedn bestöt, do nua auf woffn gschaut, hob mi afoch vazöht, brauch akut mei heilkraut; hot mei letzte reseavn herausglockt, mei schicksoi hot si mit mia übaloppt.
b 3) .8+9/7+6/9+6 ..10+6/7+6/8+7 ...11+6/11/17
diese magischn toxine von schlongen fröschn ondrem getia, enthoitn vitamine füa die emotionen, eahöhn intuitiv die visionen in dem elixia
dieses dickflüssige konzentrat bewiakt den ollahechstn flug, des günstigste resultat losst an glei obsackn, diese hypaaktivn attackn endn in an spuk
probia jede flüssigkeit und pflonzn jeds uneafoaschte gift, die gringen toleronzn endn in da obdrift, lächle dem nahn tod ins gsicht hob füa eam no a nochricht
diese grob zastossnen blütn entfochn den kosmischn uaknall, die söbstgedrehtn tütn mutian zum goidnen vlies, dieses kolossale eaeignis wiad zu an ritual
dieses biologische produkt is berüchtigt und wödberühmt, eazeugt a fragils konstrukt aus gedonknsalat, bin a topfara akrobat hob no net füa ois gesühnt
deshoib gebts ma meine eignen heilkräuta füa mein letztn vastond, brauch hia kan übatriebnen neugestoita, nua diese afoche foaht ins sognumwobne neblige lond.
d 2) .14/14/10/7
bin umschlossn vom wiablndm wossa massivn sog, valia scho mei harmonie vom übalebmsrucksock, wonda üba scheabm glühende koihn, hob ma söba ois empfoihn
hob in dem chaos mein anzig richtign weg valoan, drah mi wie a kreisl auf da stö ohne motoan, nua die unruh da lebmsuah pausiat, hot si drastisch aufsummiat
auflodande wogn zean mi aus meina eignen wöd, proi mit volla wucht auf des viatuell abstrakte föd, a gigantische traua hot hia gstüamt, die sön woan scho seah eazüant
bin auf da utopischn odyssee vom zü obgweicht, diese halluzinationen hom mi intensiv gstreift, da homma zatrümmat jedn tonkrug, da amboss is auf entzug
bin scho übastrapaziat von meina expedition, die schnön reflexe huldign iahrer tradition, die ziaklspitzn hot auf den stift züt, do mi homs no net obgstüt
hintam schillandn regnbogn hot si ois umdreht, hob dieses neblige lond gepriesn und niedagmäht, lieb jedes gebiet hoss es bis aufs blut, zoih scho mein eignen tribut.
e 1) .10/7/12/9/7 ..12/10/13/12
ziagts die schwean vastaubtn voahäng zua, drahts die grön lichta ob, vanähts meine augn mit ana onglschnua, ritz mein nomen in mein lebmsstob, gib ma mei kaleidoskop
vaschliessts die fenstalädn gonz kompakt, tuats die keazn wieda weg, die pupün hom si on da helligkeit vahakt, lossts mi do on diesm dunklen fleck, steht ois auf meim etikett
hobts des kladruckte von mein befund net glesn, hobts afoch des wichtigste übasehn, eire sinnlos aufgstötn kühnen hypothesn, wiad kana von den weisskittln jemois vastehn
kuablts endlich die jalousien herob, toschnlompm san defekt, meine augöpfl hom hia scho a sehvabot, eaweists ma wenigstens an respekt, woat scho aufs nägste projekt
drum ziagts endlich die oidn voahäng zua, brauch hia kan mond stean ka sunn, bin äussast zfriedn in meina weissn montua, bin net nua blind sondan a taubstumm, wü mi jetzt endlich ausruhn
hobts afoch die höfte vom attest ignoriat, hobts die medikamente foisch dosiat, olle umstellungsvasuche san gänzlich missglückt, hobts ma oi meine früchte vom lebmsbaum pflückt.
mei weisse jackn steht ma guat, wie ongegossn und bequem, kämpf auf da drochnbuag, hob mi donn wieda eagem; konn mi hia net meah rüahn, woin mi endlich übafüahn
die spritzn hot mi untadrückt, fliess gonz fügsom duachs sönmea, den zenit übabrückt, olle synapsn san lea; die linie auf null, wieg mi sonft im schauklstuhl
minutn expandian zum tog, die zeit stüht ma mei kondition, des joah beim donnaschlog, vahindat a reaktion; hob die lupe valegt, hob ma den moment einprägt
mei reich is völlig isoliat, begrüss mei flauschig wache wond, hob scho kapituliat, in diesm neblign lond; vasuachs im purgatorium, mei genie im zentrum.
mei schrilla schrei vaflogn ungehöat, die kettn und fessln san no long net vadöat, mecht von hia obhaun ohne zeugnaussog, wie vom eadbodn vaschluckt auf an schlog
ka summen dringt duach diese sonfte wond, meine augn eablickn des neblige lond, wü diesn gsättigtn quoim wegoparian, mecht mi nua in sonnenstroihn valustrian
fliag wieda in die vaschlofene ruah, ka geheimgong hintalosst ma sei schachfigua, mecht entkommen mit wünschn da guadn fee, wiad a obteialiche odyssee
zu an winzign punkt schrumpft donn die wond, losst kan sond schmözn in diesm neblign lond, wü diesm göbbraunen smog des fö obziehn, hob unvadaut die innarein ausgspien
zats mi do endlich aus diesa klinik, gebts ma die paroin füa mei denkfabrik, iah deafts mit net zuamauan steht die todesstrof, bin da niedrigste sklave unta eiam joch.
ch 3b) .13/12/8/8 ....11/10/12/12
dieses neblige lond hot si nua von mia eanäaht, von kronkhoftn onfälln varucktn hysterien, hobts ma ka oblenkung gewäaht, korrigiats kane melodien
dieses neblige lond hot mi gwoitsom dirigiat, reizt mi mit seinen betöarend charmantn sprüch, mit gehianwäsche therapiat, hob unzählige knochnbrüch
dieses neblige lond eaprobt jede medizin, wuade dafüa easchoffn füa diesn testlauf, imma näha ruckt da teamin, stets heftiga wiad da missbrauch
dieses neblige lond offnboat mei woahs talent, des end transfoamiat si donn zu an neibeginn, bin dagegn net resistent, des gibt meim lebm donn an sinn
dieses neblige lond is mei ewigkeit, a obglegne insl da söligkeit, dieses neblige lond is mei heiligs gebiet, hob mi scho wieda voa eich demütig hinkniet.
konn mi net bewegn, bin scho völlig eastoat, mecht jetzt ois oblegn, mei gonze gegnwoat, des vagongne längst vaweht, hob den moagn no net easpät
befind mi aktuell in an unsichtboan bewusstseinszuastond, dien hia nua ois modell in diesm neblign lond, mei sö hot hia scho imma gwohnt
meine sinn san defekt, höa siag riach goa nix meah, bin no imma bedeckt, es is ois so konträa, olle gfühle san vasiegt, hot si mit da kötn bekriegt
bin kloa in da mittn zwischn wiedagebuat und neblign lond, scho wieda entglittn is ma dieses lebmsbond, mei sö hot si söba entlohnt
a mysteriöse finstanis bedroht des neblige lond, die gesomte genesis steht in meina vakrompftn hond, hom mi negiat, hob ständig souffliat
die schottn im neblign lond hom mi mit fongoamen umhüllt, mei sö duachstösst die letzte front und wiad dabei glei zaknüllt, wiad glei seziat, hob vüz vü riskiat.
geschrieben am 14./15./16./17. mai 2018.pk. ~ überarbeitet am 17./19./20. /21./22./23./24./25. august 2022.pk
copyright by philipp kirschner.pk. ~ untermalt mit metalmusik von carrion vael, distant, liminal shroud. parkway drive.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen