411. | zabrechliche sö
1) .13/13/7/8
denn nua a winzig klana feina sensibla ton, sogt scho vü meah ois tausend woate in diesa zeit, steh no imma unta strom, in meina innren dunklheit
valogne gedonkn mutian zum chamäleon, vaheimlichn dezent die geheuchlte woahheit, in mia wohnt dieses phantom, mit eisana entschlossnheit
tiaf in uns vaboagn lauat a klana dämon, wiad scheu und feig geboan do sei wut woxt und gedeiht, foaht mitm vastond slalom, und zabricht den logischn zweig
und pletzlich laufn die zahnräda net meah synchron, und scho hot si des bese in uns gänzlich befreit, eakenn glei jeds hämatom, in unsam unsichtboan kleid.
2) .13/13/7/8
denn nua a winzig klana feina sensibla laut, eazöht kompliziat longe gschichtn in diesa zeit, belausch des raschlnde laub, bei seina foigeschwindigkeit
negative phantasien hom si scho hoch aufgstaut, hom si in diesm chaos völlig konfus eingreiht, hot on da depression kaut, und on da lebmsmüdigkeit
die vün nie heilendn krotza auf unsra haut, zeugn von unsra maskerade und ängstlichkeit, die tränen aus jedm aug, befülln die hoffnungslosigkeit
hom uns söbst direkt voa uns a hohe maua baut, sie zabröcklt on schwochn stön mit iahra weisheit, die gedonkn san eagraut, mit deprimiata innigkeit
und pletzlich hot kana meah da liebe tiaf vatraut, und scho hot si da hoss explosionsoatig befreit, da soft vasickat im staub, mit hörota koitblütigkeit.
ch 1a) .9/12/8/10
lebm nua no auf an grodn weg, ohne kreizungen kuavn täla oda beag, sommln sunst füa ois an beleg, jede klanigkeit hot füa uns an weat
die ebene füaht zum woiknsteg, wossa gestein wiesn und wöda längst zasteat, hom a grosse bibliothek, hom unsa begrenztes wissn ausgleat
findn ka ontwoat auf unsre frog, da vastond rostet korrodiat und wiad vaätzt, steht eigentlich ois im vatrog, die untaschriebnen seitn san zafetzt
die stün hoit an stummen monolog, unsre zabrechliche sö hot si schwea valetzt, jeda woat auf sein schicksoisschlog, hom den genauen zeitpunkt untaschätzt.
denn nua a winzig klana feina sensibla klong, plaudat munta drauf los ohne ongst voa mochtmissbrauch, woat no auf meim bumarong, vafoigt sein eignen lebmslauf
vasteckte hässliche ausbrüch san east da onfong, vazweigt si unsichtboa wie da letzte otemhauch, diesa giftig siasse tronk, nimmt gean an suizid in kauf
da keaznschein woatet scho vüz long voam voahong, die zoghoft tonzende flomm entwicklt scho an rauch, is wieda auf sönfong, da himml kloat scho wieda auf
und pletzlich eatönt a wehmütiga obgesong, und wie von söbst entzündet si da göttliche strauch, in diesm obgspeatn schronk, liegt da rostige lonznknauf.
4) .13/13/7/8
denn nua a winzig klana feina sensibla hoi, beschreibt a symphonie von gefühln jeda oat, mutiat zu an moatapfoih, wiad glei deklariat ois tatoat
komplexe intrign bringen des feia zu foi, entfochn koide tiradn in jedm repoat, füa ois gibts an gegnpoi, bleibt oba meistens guat vaschoat
so vü schwere vabrechn lösn den sündnboi, aus da vaonkarung und roin in die gegnwoat, beim vaeintn opfamoih, wiad a geheimnis offnboat
stehn olle unwissend voa dem brutaln symboi, die vagesslichkeit hätt si gean ois weitre easpoat, des duachtretne bremspedoi, hot scho an vü zu longen boat
pletzlich is jeda anzelne da liebe untreu, und scho hom heftig stechende quoin des heaz duachboaht, die pfeile san aus metoi, duachschlogn jedn festn oat.
b 1) .7/7/7/7 / 7/5 ....9/9/11/11
hom die lawine ausglöst, hom unsre obsicht entblösst, von hia gibts kan weg meah zrück, es föht a vüz grosses stück, da pegl steigt weita on, wiad scho zua schwadron
trogn die schuid gonz allein, die zeiga stöhn unsa sein, doathin füaht ka weg meah zruck, hintalossn kan obdruck, olle spuan san vawischt, da funkn ealischt
hom dabei on goa nix docht, afoch imma weita gmocht, diesa weg füaht niemois zruck, nua no drei tropfn im krug, hean scho des glockngeläut, hom no nix bereut
unsa feina sieb is stets vastopft, scho wieda hot wea ons fensta klopft, die vaschmiate liste bleibt no guad vasteckt, tiaf im finstan woid hot si jeda befleckt.
ch 1b) .9/12/8/10
lebm auf an linean pfad, ohne knotnpunkte hohe und tiafe stön, foamen ois zum konglomerat, vaniedlichn glei ois zu bagatön
des flochlond hot a foisches foamat, die eckn und kantn san nua leare schockwön, da balanceakt auf diesm grat, gelingt ohne fuassfessln und hondschön
suachn vazweiflt noch dem befund, die schrift unlesalich vagübt und fost vablasst, des krächzn ausm höllnschlund, heat ma bis zum zafoinen palast
die stün bleibt vasteckt im hintagrund, unsre zabrechliche sö hot des boot vapasst, jeda woat auf sei letzte stund, hom olle so vü zeit sinnlos vaprasst.
hom unsre föhla potenziat, hom unsre problem mit si söbst multipliziat, hom unsa uateil scho längst gfällt, die optionen scho zaschellt
hom jede plage vauasocht, hom unsre zabrechliche sö seah schlecht bewocht, beweatn jeds omen negativ, löschn vü ausm archiv
hom unsre mängl ignoriat, hom unsre katastrophn afoch so negiat, unsre disziplin woa nie seah straff, die gleichgültigkeit is schlaff
hom jeds fiasko söbst eazeugt, hom uns voa unsra zabrechlichn sö no net vabeugt, hom unsre moral längst valoan, hom a kane sesoan.
denn nua a winzig klane feine sensible foab, losst sogleich a impressionistisches büd entstehn, jeda tupfa is eastoat, hot sei eignes buntes system
die schwoazweissmolarei tropfts gemälde in an koab, die dunklgraun schattiarungen woan goa ka vasehn, da weg bis ins knochnmoak, woa füan varot ka problem
auf uns woat scho a gschmückta schlichta offna hoizsoag, denn kana konn die distanz zum licht wieda zruckdrehn, auf da longen tunnlfoaht, samma net meah da kapitän
6) .13/13/7/8
denn nua a winzig klana feina sensibla glanz, blendt unsre blindn augn voa da realität, diese psychische brisanz, vadopplt iah fragilität
da endlose spiegl stüts gleichgwicht da diskrepanz, und des prisma zateilt jede rationalität, die lebmsprotuberanz, hot a letztes moi ausgesät
denn unsam lebm föht afoch die reine substanz, längst valoan homma unsre eigne vitalität, auf diesn schleifn vom kranz, liest ma seah vü intimität
übrig bleibt a traurige easchüttande bilanz, kaschian im gedächtnisschwund unsre identität, hot a grosse relevanz, füa unsre lebmsqualität
pletzlich bittet uns da sensnmonn zum letztn tanz, und scho ziehn die figuan übas marode schachbrett, dabei gibts ka toleranz, da letzte hauch springt vom tablett.
b 2) .7/7/7/7 / 7/5 ....9/9/11/11
den vuikan zum ausbruch brocht, hom unsa treibm belocht, da weg zurück is vaspeat, vü zu stumpf is unsa schweat, die eadn hot wieda bebt, mit iahm rezept
hom unsre flucht net geplant, die details woan zu riskant, da weg hinaus is vaspeat, unsa blickföd woa vazeat, des poatal gibt d‘richtung voa, schiasst a eigntoa
hom wieda gänzlich vasogt, wuadn scho vüz oft vaklogt, do diesa weg bleibt vaspeat, uns in ekstase entleat, jeda beweis is vanicht, des boot is undicht
hom afoch on nix meah glaubt, nua no vü gstoihn und ausgraubt, da weg füa imma vaspeat, im krug zwa tropfn eanäaht, hean scho den fanfarnstoss, san eaboamungslos
d 1) .8/12/8/12 ....7/6/8/8 / 5/7
füa die heilung unsra kronkheit, gibts ka vasprechn oda iagendan vatrog, besondas in da onfongszeit, mutiat die todesongst zu an hoatn faustschlog
die kronkheit hot gene vaseicht, weadn unwissentlich imma weitavaeabt, hom des zü no long net eareicht, unsre zabrechliche sö hot no nix bemeakt
ob und zu a wunda geschieht, jeda mechts mit konsequenta logik eakläan, speziell im heilign gebiet, entpuppt si nua a stein ois lebendiga kean
des wunda hot vü opfa brocht, do niemond hot si wiaklich dafüa intressiat, kana entziffat die botschoft, unsre zabrechliche sö hot nix registriat
san imma unzufriedn, hom afoch niemois gnua, akzeptian ka unentschiedn, nua da sieg hoit uns in da spua, do donn is so weit, donn wiad a jeda eingweiht.
ch 1c) .9/12/8/10
lebm nua no auf an schmoin strich, ohne ausbuchtungen umfoahrungen umweg, keahn ois untan dünnen teppich, züchtn unsa vasogn in an beet
dieses plateau is scho depressiv, hom jedn zulauf und zugong scho längst obdreht, des pendl is hypaaktiv, in uns gibts ka gleiche polarität
völlig valoan stehn ma aufm föd, da dichte nebl vahüllt jede freie sicht, kana wiad glei zum supahöd, is net sei voarongig söbstvaständliche pflicht
die stün hot die finstanis eahöt, unsre zabrechliche sö braucht do des woame licht, jeda woat auf die nächste wöd, die vagongne zeit gibt kan unterricht.
hom unsre föhla stoak vameaht, hom unsre problem mit jeda fasa begeaht, hom auf unsan stondpunkt stua vahoat, hom unsan trumpf eingespoat
hom jede plage beeinflusst, unsre zabrechliche sö hot davon nix gwusst, jeds signal wiad sofoat obgeblockt, hom uns die suppm einbrockt
hom die mängl net oneakonnt, woan bei unsren katastrophn no nie entsponnt, hom diese regln nie gonz befoigt, hom apathie söbst eazeugt
hom jeds fiasko söbst gefoamt, hom unsre zabrechliche sö no imma net umoamt, unsa weatmassstob is kaputt, die gfoahn san seah akut.
unsre zabrechliche sö braucht jetzt vü zuspruch hoffnung und trost, hom unsre zabrechliche sö long nimma gstreichlt und zäatlich liebkost
unsre zabrechliche sö braucht a zweite chance und lebmsmut, unsre zabrechliche sö befindet si scho auf an parablflug
unsre zabrechliche sö braucht untastützung und sichaheit, hom unsre zabrechliche sö mit manischn aggressionen entzweit
unsre zabrechliche sö hot si von oin distanziat, da sprung üban spoit woa stoak limitiat, hot si söbst ins schwoaze obseits manövriat.
denn nua a winzig klana feina sensibla fleck, übaflutet glei a unschuidig reine londschoft, des obgrissne amulett, hot diese hüadn net meah gschofft
die schäumendn wön spüln den obfoi ins finstre eck, doat gäat und schwöt die gfoah und wiad zum giftigen soft, om duachgstrichnen etikett, eakennt ma die brisante frocht
pletzlich eatrink ma olle in diesm tiafn dreck, und des bese hot si wieda an voateil vaschofft, mit immensa kapazität, ziehns wieda amoi in die schlocht.
8) .13/13/7/8
denn nua a winzig klana feina sensibla punkt, zafliesst zua klebrign masse die ois isoliat, denn diesa nutzlose strunk, hot sein phantomstomm korrumpiat
die sinnlose scheinheiligkeit hot scho tiaf eintunkt, faulige ausredn hom die greuel akzeptiat, beim ollaletztn umtrunk, san diese engl obmaschiat
a löchrige eainnrung hot kuaz dazwischngfunkt, do den vatrocknetn tränen hots goa net tangiat, mochn unnötign stunk, hom si in soiz manifestiat
die uaoidn gschichtn hom si scho wieda vajüngt, hom dieses echo da unmenschlichkeit kritisiat, ka vabrechn wiad gesühnt, hom jo scho längst kapituliat
und pletzlich hot die weisse feda den bodn düngt, und scho wiad unsa friednsvatrog atomisiat, des zeichn woa wödberühmt, hot unsre gedonkn sediat.
b 3) .7/7/7/7 / 7/5 ....9/9/11/11
hom den kometn geküsst, eam ois ealösa begrüsst, diesa weg is unsa end, san ind foische richtung grennt, da hüft ka weises zitat, denn da obschluss naht
füa die augn unsichtboa, öffnet si des grosse toa, da weg füaht zum bittren end, zu kuaz da obschiedsmoment, a jeda is gfoin und gstüazt, den fodn vaküazt
hom von oi dem nix bemeakt, imma nua om foischn gweakt, da weg vableibt bis zum end, wuadn vom lebm getrennt, eareichn den terminal, mündet om denkmal
den sinn des lebms valeant, hom uns scho vüz weit entfeant, diesa weg bringt uns zum end, im krug nua an tropfn zähmt, hean den letztn pauknschlog, om obreisetog
d 2) .8/12/8/12 ....7/6/8/8 / 5/7
diese pseudowiedagebuat, woa a peafekts spektakl mit schwoaza magie, die hüf woa gfesslt und festzuat, mit ana prise meditationsphantasie
die gebuat hot den tod bezoiht, damit die gleichung endlich wieda amoi stimmt, im zü sehn ma endlich die gstoit, unsre zabrechliche sö hot d’woahheit vadient
amoi gschiacht die transfoamation, scho wiad ma in den fanatismus reingeboan, die komplette simulation, losst si mit realn illusionen befoahn
die transfoamation hot geklappt, olle indizien woan eadrückend hondfest, hom uns glei beim föschn eatappt, unsre zabrechliche sö is scho gonz duachnässt
explodian voa gia und neid, sogn afoch nie stopp, valeitn uns zu an meineid, londn olle aufm richtblock, denn jetzt gehts east los, mitm entfochtn chaos.
e 1) .7/9/11/13 ...8/10/7/7 / 9
die korrigiate ontwoat, befrogt die valogne wiaklichkeit, in ana melange aus schwindl und varot, und ana riesign poation ahnungslosigkeit
die vanunft hot scho rumoat, mit da unvaständlichn weisheit, des wissn is kompliziat fühlt si bedroht, von ana unbewusstn lebmsunfähigkeit
des echo hots offnboat, die schoiwön hom si gonz foisch eingreiht, die zabrechliche sö is net meah im lot, mit da keapalich matrielln obhängigkeit
die wüafl san gfoin und ausgroit, do jede seitn is voikommen lea, mit duachsichtign koatn, wiad ma glei zum visionäa, nua die kugl trifft auf gegnweah
da sond da uah is ausglaufn, a die zeiga san vabogn und krumm, a steta wossatropfn, sommlt si zum maximum, nuas gwitta hot sei eignes spektrum.
ch 1d) .9/12/8/10
lebm nua no auf an schoafn grat, ohne rettungsseil foischiam oda hoitegriff, vadichtn ois zum konzentrat, beschuidign füa ois des geistaschiff
diese kantn sponnt si wie a draht, da glühende rauch umhüllt zua gänze des riff, in dem sölischn reseavat, gibts füa jede eakronkung an tarif
die einsomkeit braucht jetzt an zuspruch, da stumme hüfeschrei proit ungehöat ond wond, denn jeda misslungne vasuch, schofft an akut panischn ongstzuastond
die stün liest scho ausm lebmsbuch, unsre zabrechliche sö vamisst den treibsond, jeda woat auf den weisn spruch, do die zeit hot kan aggregatzuastond.
hom unsre föhla aufgestockt, hom unsre problem söbst aus da reseavn glockt, hom unsan blickwinkl net austauscht, san vom frein foi berauscht
hom jede plage korrumpiat, hom unsre zabrechliche sö scho boykottiat, die auspizien san schattig trüb, hom scho wieda ois vaspüt
hom die mängl niemois zuagem, vaspüan mit unsren katastrophn ka problem, unsa rhythmus hot no amoi zuckt, uns on da trägheit vaschluckt
hom jeds fiasko söbst geprägt, hom unsre zabrechliche sö no imma net stüglegt, unsa gwissn is ziemlich schlecht, da tod ziagt ins gefecht.
unsre zabrechliche sö braucht jetzt vü rücknwind und rückhoit, hom unsre zabrechliche sö long nimma umoamt drückt und übamoit
unsre zabrechliche sö braucht lebmsbejahendes vatraun, unsre zabrechliche sö bekämpft um sich schlogend dieses moagngraun
unsre zabrechliche sö braucht peaspektivn boisam und schutz, unsre zabrechliche sö heat iahn eignen obbröcklndn vaputz
unsre zabrechliche sö hot ois um si herum vadrängt, duach iah zoatheit hots no nie kettn gsprengt, hot si söbst sanktionen und strofn vahängt.
unsre zabrechliche sö is a wrack, afoch vüz vü gfoitat quöt und malträtiat, hots lebm scho satt, wuade net meah repariat
unsre zabrechliche sö is schachmatt, afoch vüz vü glogn gföscht und imitiat, es gibt kan rabatt, wia homs scho vüz ramponiat
unsre zabrechliche sö geht scho zgrund, afoch zvü misshondlt quöt und untadrückt, steht ois im befund, hot si söbst innen zapflückt
unsre zabrechliche sö is vastummt, hom iah afoch vüz vü wundn zugefügt, direkt voam schlund, is iah fluchtvasuch missglückt
es gibt ka revanche und kan neuen start, entschwindet in den endlosn steanenpark, hot die fühla ausgstreckt, woa no nie unbefleckt
es gibt kan kompromiss und kan ausgleich, die zabrechliche sö betritt jetzt iah reich, im labyrinth vaiat, bleibm traumatisiat.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 29./30./31. okt. // 01. nov. 2017.pk. – überarbeitet am 20. jän. // 25. mai 2018 /// 27./28. nov. // 03./04./05. dez. 2021.pk.
copyright by philipp kirschner.pk. ~ untermalt mit musik von sebastian chames (p), louis hayes (dr), dewey redman (ts), christian mcbride (b), myron walden (ts)
************************************************************************************
denn nua a winzig klana feina sensibla ton, sogt scho vü meah ois tausend woate in diesa zeit, steh no imma unta strom, in meina innren dunklheit
valogne gedonkn mutian zum chamäleon, vaheimlichn dezent die geheuchlte woahheit, in mia wohnt dieses phantom, mit eisana entschlossnheit
tiaf in uns vaboagn lauat a klana dämon, wiad scheu und feig geboan do sei wut woxt und gedeiht, foaht mitm vastond slalom, und zabricht den logischn zweig
und pletzlich laufn die zahnräda net meah synchron, und scho hot si des bese in uns gänzlich befreit, eakenn glei jeds hämatom, in unsam unsichtboan kleid.
2) .13/13/7/8
denn nua a winzig klana feina sensibla laut, eazöht kompliziat longe gschichtn in diesa zeit, belausch des raschlnde laub, bei seina foigeschwindigkeit
negative phantasien hom si scho hoch aufgstaut, hom si in diesm chaos völlig konfus eingreiht, hot on da depression kaut, und on da lebmsmüdigkeit
die vün nie heilendn krotza auf unsra haut, zeugn von unsra maskerade und ängstlichkeit, die tränen aus jedm aug, befülln die hoffnungslosigkeit
hom uns söbst direkt voa uns a hohe maua baut, sie zabröcklt on schwochn stön mit iahra weisheit, die gedonkn san eagraut, mit deprimiata innigkeit
und pletzlich hot kana meah da liebe tiaf vatraut, und scho hot si da hoss explosionsoatig befreit, da soft vasickat im staub, mit hörota koitblütigkeit.
ch 1a) .9/12/8/10
lebm nua no auf an grodn weg, ohne kreizungen kuavn täla oda beag, sommln sunst füa ois an beleg, jede klanigkeit hot füa uns an weat
die ebene füaht zum woiknsteg, wossa gestein wiesn und wöda längst zasteat, hom a grosse bibliothek, hom unsa begrenztes wissn ausgleat
findn ka ontwoat auf unsre frog, da vastond rostet korrodiat und wiad vaätzt, steht eigentlich ois im vatrog, die untaschriebnen seitn san zafetzt
die stün hoit an stummen monolog, unsre zabrechliche sö hot si schwea valetzt, jeda woat auf sein schicksoisschlog, hom den genauen zeitpunkt untaschätzt.
denn nua a winzig klana feina sensibla klong, plaudat munta drauf los ohne ongst voa mochtmissbrauch, woat no auf meim bumarong, vafoigt sein eignen lebmslauf
vasteckte hässliche ausbrüch san east da onfong, vazweigt si unsichtboa wie da letzte otemhauch, diesa giftig siasse tronk, nimmt gean an suizid in kauf
da keaznschein woatet scho vüz long voam voahong, die zoghoft tonzende flomm entwicklt scho an rauch, is wieda auf sönfong, da himml kloat scho wieda auf
und pletzlich eatönt a wehmütiga obgesong, und wie von söbst entzündet si da göttliche strauch, in diesm obgspeatn schronk, liegt da rostige lonznknauf.
4) .13/13/7/8
denn nua a winzig klana feina sensibla hoi, beschreibt a symphonie von gefühln jeda oat, mutiat zu an moatapfoih, wiad glei deklariat ois tatoat
komplexe intrign bringen des feia zu foi, entfochn koide tiradn in jedm repoat, füa ois gibts an gegnpoi, bleibt oba meistens guat vaschoat
so vü schwere vabrechn lösn den sündnboi, aus da vaonkarung und roin in die gegnwoat, beim vaeintn opfamoih, wiad a geheimnis offnboat
stehn olle unwissend voa dem brutaln symboi, die vagesslichkeit hätt si gean ois weitre easpoat, des duachtretne bremspedoi, hot scho an vü zu longen boat
pletzlich is jeda anzelne da liebe untreu, und scho hom heftig stechende quoin des heaz duachboaht, die pfeile san aus metoi, duachschlogn jedn festn oat.
b 1) .7/7/7/7 / 7/5 ....9/9/11/11
hom die lawine ausglöst, hom unsre obsicht entblösst, von hia gibts kan weg meah zrück, es föht a vüz grosses stück, da pegl steigt weita on, wiad scho zua schwadron
trogn die schuid gonz allein, die zeiga stöhn unsa sein, doathin füaht ka weg meah zruck, hintalossn kan obdruck, olle spuan san vawischt, da funkn ealischt
hom dabei on goa nix docht, afoch imma weita gmocht, diesa weg füaht niemois zruck, nua no drei tropfn im krug, hean scho des glockngeläut, hom no nix bereut
unsa feina sieb is stets vastopft, scho wieda hot wea ons fensta klopft, die vaschmiate liste bleibt no guad vasteckt, tiaf im finstan woid hot si jeda befleckt.
ch 1b) .9/12/8/10
lebm auf an linean pfad, ohne knotnpunkte hohe und tiafe stön, foamen ois zum konglomerat, vaniedlichn glei ois zu bagatön
des flochlond hot a foisches foamat, die eckn und kantn san nua leare schockwön, da balanceakt auf diesm grat, gelingt ohne fuassfessln und hondschön
suachn vazweiflt noch dem befund, die schrift unlesalich vagübt und fost vablasst, des krächzn ausm höllnschlund, heat ma bis zum zafoinen palast
die stün bleibt vasteckt im hintagrund, unsre zabrechliche sö hot des boot vapasst, jeda woat auf sei letzte stund, hom olle so vü zeit sinnlos vaprasst.
hom unsre föhla potenziat, hom unsre problem mit si söbst multipliziat, hom unsa uateil scho längst gfällt, die optionen scho zaschellt
hom jede plage vauasocht, hom unsre zabrechliche sö seah schlecht bewocht, beweatn jeds omen negativ, löschn vü ausm archiv
hom unsre mängl ignoriat, hom unsre katastrophn afoch so negiat, unsre disziplin woa nie seah straff, die gleichgültigkeit is schlaff
hom jeds fiasko söbst eazeugt, hom uns voa unsra zabrechlichn sö no net vabeugt, hom unsre moral längst valoan, hom a kane sesoan.
denn nua a winzig klane feine sensible foab, losst sogleich a impressionistisches büd entstehn, jeda tupfa is eastoat, hot sei eignes buntes system
die schwoazweissmolarei tropfts gemälde in an koab, die dunklgraun schattiarungen woan goa ka vasehn, da weg bis ins knochnmoak, woa füan varot ka problem
auf uns woat scho a gschmückta schlichta offna hoizsoag, denn kana konn die distanz zum licht wieda zruckdrehn, auf da longen tunnlfoaht, samma net meah da kapitän
6) .13/13/7/8
denn nua a winzig klana feina sensibla glanz, blendt unsre blindn augn voa da realität, diese psychische brisanz, vadopplt iah fragilität
da endlose spiegl stüts gleichgwicht da diskrepanz, und des prisma zateilt jede rationalität, die lebmsprotuberanz, hot a letztes moi ausgesät
denn unsam lebm föht afoch die reine substanz, längst valoan homma unsre eigne vitalität, auf diesn schleifn vom kranz, liest ma seah vü intimität
übrig bleibt a traurige easchüttande bilanz, kaschian im gedächtnisschwund unsre identität, hot a grosse relevanz, füa unsre lebmsqualität
pletzlich bittet uns da sensnmonn zum letztn tanz, und scho ziehn die figuan übas marode schachbrett, dabei gibts ka toleranz, da letzte hauch springt vom tablett.
b 2) .7/7/7/7 / 7/5 ....9/9/11/11
den vuikan zum ausbruch brocht, hom unsa treibm belocht, da weg zurück is vaspeat, vü zu stumpf is unsa schweat, die eadn hot wieda bebt, mit iahm rezept
hom unsre flucht net geplant, die details woan zu riskant, da weg hinaus is vaspeat, unsa blickföd woa vazeat, des poatal gibt d‘richtung voa, schiasst a eigntoa
hom wieda gänzlich vasogt, wuadn scho vüz oft vaklogt, do diesa weg bleibt vaspeat, uns in ekstase entleat, jeda beweis is vanicht, des boot is undicht
hom afoch on nix meah glaubt, nua no vü gstoihn und ausgraubt, da weg füa imma vaspeat, im krug zwa tropfn eanäaht, hean scho den fanfarnstoss, san eaboamungslos
d 1) .8/12/8/12 ....7/6/8/8 / 5/7
füa die heilung unsra kronkheit, gibts ka vasprechn oda iagendan vatrog, besondas in da onfongszeit, mutiat die todesongst zu an hoatn faustschlog
die kronkheit hot gene vaseicht, weadn unwissentlich imma weitavaeabt, hom des zü no long net eareicht, unsre zabrechliche sö hot no nix bemeakt
ob und zu a wunda geschieht, jeda mechts mit konsequenta logik eakläan, speziell im heilign gebiet, entpuppt si nua a stein ois lebendiga kean
des wunda hot vü opfa brocht, do niemond hot si wiaklich dafüa intressiat, kana entziffat die botschoft, unsre zabrechliche sö hot nix registriat
san imma unzufriedn, hom afoch niemois gnua, akzeptian ka unentschiedn, nua da sieg hoit uns in da spua, do donn is so weit, donn wiad a jeda eingweiht.
ch 1c) .9/12/8/10
lebm nua no auf an schmoin strich, ohne ausbuchtungen umfoahrungen umweg, keahn ois untan dünnen teppich, züchtn unsa vasogn in an beet
dieses plateau is scho depressiv, hom jedn zulauf und zugong scho längst obdreht, des pendl is hypaaktiv, in uns gibts ka gleiche polarität
völlig valoan stehn ma aufm föd, da dichte nebl vahüllt jede freie sicht, kana wiad glei zum supahöd, is net sei voarongig söbstvaständliche pflicht
die stün hot die finstanis eahöt, unsre zabrechliche sö braucht do des woame licht, jeda woat auf die nächste wöd, die vagongne zeit gibt kan unterricht.
hom unsre föhla stoak vameaht, hom unsre problem mit jeda fasa begeaht, hom auf unsan stondpunkt stua vahoat, hom unsan trumpf eingespoat
hom jede plage beeinflusst, unsre zabrechliche sö hot davon nix gwusst, jeds signal wiad sofoat obgeblockt, hom uns die suppm einbrockt
hom die mängl net oneakonnt, woan bei unsren katastrophn no nie entsponnt, hom diese regln nie gonz befoigt, hom apathie söbst eazeugt
hom jeds fiasko söbst gefoamt, hom unsre zabrechliche sö no imma net umoamt, unsa weatmassstob is kaputt, die gfoahn san seah akut.
unsre zabrechliche sö braucht jetzt vü zuspruch hoffnung und trost, hom unsre zabrechliche sö long nimma gstreichlt und zäatlich liebkost
unsre zabrechliche sö braucht a zweite chance und lebmsmut, unsre zabrechliche sö befindet si scho auf an parablflug
unsre zabrechliche sö braucht untastützung und sichaheit, hom unsre zabrechliche sö mit manischn aggressionen entzweit
unsre zabrechliche sö hot si von oin distanziat, da sprung üban spoit woa stoak limitiat, hot si söbst ins schwoaze obseits manövriat.
denn nua a winzig klana feina sensibla fleck, übaflutet glei a unschuidig reine londschoft, des obgrissne amulett, hot diese hüadn net meah gschofft
die schäumendn wön spüln den obfoi ins finstre eck, doat gäat und schwöt die gfoah und wiad zum giftigen soft, om duachgstrichnen etikett, eakennt ma die brisante frocht
pletzlich eatrink ma olle in diesm tiafn dreck, und des bese hot si wieda an voateil vaschofft, mit immensa kapazität, ziehns wieda amoi in die schlocht.
8) .13/13/7/8
denn nua a winzig klana feina sensibla punkt, zafliesst zua klebrign masse die ois isoliat, denn diesa nutzlose strunk, hot sein phantomstomm korrumpiat
die sinnlose scheinheiligkeit hot scho tiaf eintunkt, faulige ausredn hom die greuel akzeptiat, beim ollaletztn umtrunk, san diese engl obmaschiat
a löchrige eainnrung hot kuaz dazwischngfunkt, do den vatrocknetn tränen hots goa net tangiat, mochn unnötign stunk, hom si in soiz manifestiat
die uaoidn gschichtn hom si scho wieda vajüngt, hom dieses echo da unmenschlichkeit kritisiat, ka vabrechn wiad gesühnt, hom jo scho längst kapituliat
und pletzlich hot die weisse feda den bodn düngt, und scho wiad unsa friednsvatrog atomisiat, des zeichn woa wödberühmt, hot unsre gedonkn sediat.
b 3) .7/7/7/7 / 7/5 ....9/9/11/11
hom den kometn geküsst, eam ois ealösa begrüsst, diesa weg is unsa end, san ind foische richtung grennt, da hüft ka weises zitat, denn da obschluss naht
füa die augn unsichtboa, öffnet si des grosse toa, da weg füaht zum bittren end, zu kuaz da obschiedsmoment, a jeda is gfoin und gstüazt, den fodn vaküazt
hom von oi dem nix bemeakt, imma nua om foischn gweakt, da weg vableibt bis zum end, wuadn vom lebm getrennt, eareichn den terminal, mündet om denkmal
den sinn des lebms valeant, hom uns scho vüz weit entfeant, diesa weg bringt uns zum end, im krug nua an tropfn zähmt, hean den letztn pauknschlog, om obreisetog
d 2) .8/12/8/12 ....7/6/8/8 / 5/7
diese pseudowiedagebuat, woa a peafekts spektakl mit schwoaza magie, die hüf woa gfesslt und festzuat, mit ana prise meditationsphantasie
die gebuat hot den tod bezoiht, damit die gleichung endlich wieda amoi stimmt, im zü sehn ma endlich die gstoit, unsre zabrechliche sö hot d’woahheit vadient
amoi gschiacht die transfoamation, scho wiad ma in den fanatismus reingeboan, die komplette simulation, losst si mit realn illusionen befoahn
die transfoamation hot geklappt, olle indizien woan eadrückend hondfest, hom uns glei beim föschn eatappt, unsre zabrechliche sö is scho gonz duachnässt
explodian voa gia und neid, sogn afoch nie stopp, valeitn uns zu an meineid, londn olle aufm richtblock, denn jetzt gehts east los, mitm entfochtn chaos.
e 1) .7/9/11/13 ...8/10/7/7 / 9
die korrigiate ontwoat, befrogt die valogne wiaklichkeit, in ana melange aus schwindl und varot, und ana riesign poation ahnungslosigkeit
die vanunft hot scho rumoat, mit da unvaständlichn weisheit, des wissn is kompliziat fühlt si bedroht, von ana unbewusstn lebmsunfähigkeit
des echo hots offnboat, die schoiwön hom si gonz foisch eingreiht, die zabrechliche sö is net meah im lot, mit da keapalich matrielln obhängigkeit
die wüafl san gfoin und ausgroit, do jede seitn is voikommen lea, mit duachsichtign koatn, wiad ma glei zum visionäa, nua die kugl trifft auf gegnweah
da sond da uah is ausglaufn, a die zeiga san vabogn und krumm, a steta wossatropfn, sommlt si zum maximum, nuas gwitta hot sei eignes spektrum.
ch 1d) .9/12/8/10
lebm nua no auf an schoafn grat, ohne rettungsseil foischiam oda hoitegriff, vadichtn ois zum konzentrat, beschuidign füa ois des geistaschiff
diese kantn sponnt si wie a draht, da glühende rauch umhüllt zua gänze des riff, in dem sölischn reseavat, gibts füa jede eakronkung an tarif
die einsomkeit braucht jetzt an zuspruch, da stumme hüfeschrei proit ungehöat ond wond, denn jeda misslungne vasuch, schofft an akut panischn ongstzuastond
die stün liest scho ausm lebmsbuch, unsre zabrechliche sö vamisst den treibsond, jeda woat auf den weisn spruch, do die zeit hot kan aggregatzuastond.
hom unsre föhla aufgestockt, hom unsre problem söbst aus da reseavn glockt, hom unsan blickwinkl net austauscht, san vom frein foi berauscht
hom jede plage korrumpiat, hom unsre zabrechliche sö scho boykottiat, die auspizien san schattig trüb, hom scho wieda ois vaspüt
hom die mängl niemois zuagem, vaspüan mit unsren katastrophn ka problem, unsa rhythmus hot no amoi zuckt, uns on da trägheit vaschluckt
hom jeds fiasko söbst geprägt, hom unsre zabrechliche sö no imma net stüglegt, unsa gwissn is ziemlich schlecht, da tod ziagt ins gefecht.
unsre zabrechliche sö braucht jetzt vü rücknwind und rückhoit, hom unsre zabrechliche sö long nimma umoamt drückt und übamoit
unsre zabrechliche sö braucht lebmsbejahendes vatraun, unsre zabrechliche sö bekämpft um sich schlogend dieses moagngraun
unsre zabrechliche sö braucht peaspektivn boisam und schutz, unsre zabrechliche sö heat iahn eignen obbröcklndn vaputz
unsre zabrechliche sö hot ois um si herum vadrängt, duach iah zoatheit hots no nie kettn gsprengt, hot si söbst sanktionen und strofn vahängt.
unsre zabrechliche sö is a wrack, afoch vüz vü gfoitat quöt und malträtiat, hots lebm scho satt, wuade net meah repariat
unsre zabrechliche sö is schachmatt, afoch vüz vü glogn gföscht und imitiat, es gibt kan rabatt, wia homs scho vüz ramponiat
unsre zabrechliche sö geht scho zgrund, afoch zvü misshondlt quöt und untadrückt, steht ois im befund, hot si söbst innen zapflückt
unsre zabrechliche sö is vastummt, hom iah afoch vüz vü wundn zugefügt, direkt voam schlund, is iah fluchtvasuch missglückt
es gibt ka revanche und kan neuen start, entschwindet in den endlosn steanenpark, hot die fühla ausgstreckt, woa no nie unbefleckt
es gibt kan kompromiss und kan ausgleich, die zabrechliche sö betritt jetzt iah reich, im labyrinth vaiat, bleibm traumatisiat.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 29./30./31. okt. // 01. nov. 2017.pk. – überarbeitet am 20. jän. // 25. mai 2018 /// 27./28. nov. // 03./04./05. dez. 2021.pk.
copyright by philipp kirschner.pk. ~ untermalt mit musik von sebastian chames (p), louis hayes (dr), dewey redman (ts), christian mcbride (b), myron walden (ts)
************************************************************************************
ein herzliches dankeschön für euer interesse, eure lange treue, euren oftmaligen besuch und für eure zeit, die ihr alle ins lesen steckt. vielen lieben dank.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen