492.
| onstoit.
1) .8/9/9/6 / 8 ...8/6/8/6 / 6/6
quö mi seit da fruah duach den tog, des lebm is so mühselig hoat, die klanste oabeit gibt ma an schlog, hätt ma gean ois easpoat, hob bedoaf on dem mantrawoat
hob ka herausfoadarung gsuacht, hob nua mei route gonz schnö zruckglegt, mei gsicht is vom oita scho zafuacht, hob mi scho zvü aufgregt, dieses lebm hot mi seah prägt
hob a nie noch hüfe valongt, hob jede hüadn gonz alla gschofft, bin oba oft hin- und heageschwonkt, woa söbst nie hödnhoft, hob ma afoch nie zvü eahofft
hob mei einsomkeit nie bereut, hob mas jo söbst ausgwöht, hob meine via wänd schee bemoit, hob mei zhaus gnua eahöt, woa ma söbst imma fremd, woa oba nie vaklemmt.
da schnee funklt glitzat und fluoresziat, die eisige kötn hot die natua im griff, des wossa hot si adaptiat, die longe nocht zitiat den liebesbrief
fühl mi stoak vabundn mit da natua, hob voa diesa wintalondschoft grossn respekt, geniess diese spezielle kua, hot füa mi an reinigendn effekt
da eingschlogne weg hot mi hiahea brocht, bin gonz freiwillig in diesa situation, inhalia die üppige procht, soagt bei mia imma füa inspiration
oba heit is ois ondas ois sunst, schüa heit nua wut und missgunst, hob vielleicht scho ois sott, setz mei lebm schachmott, bin featig mit diesm sein, weaf den eastn stein.
ch 1a) .5+8/6+8 / 6+6 ...8/9/10/12
und donn eascheinst du om eainnarungshorizont, woast füa mi long tabu in meina obgeschiednen front, hob mi afoch eingspeat, hob mi von dia obkeaht
hob mi vakrochn in diese kompakte spiroin, hob donn ois obbrochn jede vabindung jedn hoim, hob afoch ois negiat, host mi net meah tangiat
hob mi zruckzogn aus deim intensiven bereich, hob donn ois obgwogn füa an vanünftign ausgleich, hob di gänzlich vadrängt, hob di im nichts vasenkt
hob di do scho längst vagessn, hob di aus meinen gedonkn glescht, host di bei mia afoch zvü vamessn, bin in die entgegngsetzte richtung losprescht.
2) .8/9/9/6 / 8 ...8/6/8/6 / 6/6
kämpf mi scho duach den gonzn tog, mei lebm hoit si om fodn fest, beweg mi wie in an voin trog, fühl mi quetschend reinpresst, steck mi in vaschäaftn arrest
woit eigentlich nie hoch hinauf, hob meine stufn hinta mi brocht, woa nie a gmiatlicha daualauf, bin oft dagegnkrocht, des lebm woa steil nie obgflocht
woa in meim tun konsequent, hob jede barrikade zalegt, woa imma mei eigna dirigent, hob ois sauba gefegt, woa bei oim imma korrekt
hob diese einsomkeit geliebt, woa mei besta entschluss, hob des vagongne oft duachsiebt, hob mein eignen ritus, hob ma söbst net vatraut, hob mi stets söbst aufbaut.
b 2) .10/12/8/10 ...9/7 / 6/6/7/5
die eastn blumen spriessn wochsn bliahn, a lauwoames lüftal umspüt sonft die natua, die vogal tonzend jubilian, tog und nocht begleichn iah hochzeitstour
bin a winziga teil von diesm plan, hob den frühling lochend aufs heazlichste begrüsst, spia diese kroft in seim balsam, stäakt wieda mei oitandes grundgerüst
meine zwa fiass hom mi hiahea gefüaht, diesa wundaboare oat is wie a magnet, loss des meiste gonz unberüaht, bin a eremit oba ka prophet
oba heit is ois sötsom vadreht, spia vü aggressivität, woat auf a explosion, vakoch mei emotion, vafluach des iadische sein, weaf den zweitn stein.
d 1) . 8/11 / 6 (7)/8 (7)/7 .. 10/10 (11)/11 (10)/9
wie imma vaföh i des zü, woa scho imma äussast schlecht in diesm spü, musste afoch obhaun, um mi herum da hohe zaun, wea afoch net meah zruckschaun
hob eigentlich nua no valoan, wuade unta an obgföschtn stean geboan, woit niagendwo long bleim, vaobscheu jeds private heim, entfean longsom die datein
denn des pech hot ma nochghetzt und beglückt, hob jeds desasta unobsichtlich pflückt, jede katastrophe hot mi übaroit, hätt gean diese oat schicksoi ausgschoit
hob im hofn besuchsvabot, hätt gean an sichren onkaplotz füa mei boot, hob donn die flut benutzt, hob meine ängste zurechtgstutzt, hob mein mut poliat und putzt
hob mei freiheit beim schopfe packt, hob donn füa mi die woahre bestimmung knackt, woit von hia afoch weg, in a harmonisches vasteck, mit magischem amulett
des glück hot mi valossn und vasetzt, mei lebmsfreude woa komplett obgwetzt, jeda hoffnungsschimma woa soglei vaglüht, bräucht füa dieses schicksoi an schutzschüd.
ch 1b) .5+8/6+8 / 6+6 ...8/9/10/12
und donn eascheinst du auf meina eainnarungswond, gheast hia net meah dazu zu dem rustikaln gigont, hob mi hia isoliat, hob di kloa ignoriat
hob mi vaboagn unta an guat getoantn netz, konn mi söbst vasoagn in dem vawüdatn trapez, bin mit oim runtagfoahn, woit di net aufbewoahn
hob mi eingschlossn voa deina schwierign präsenz, hob donn ois duachgstossn jede unschuidige frequenz, hob di aus mia vajogt, hob mi von dia entsogt
bin da do scho längst ausgwichn, hob di aus meim gedächtnis radiat, host die kantn und eckn obgschliffn, bin glei ins nägstbeste labyrinth losmarschiat.
ch 2a) .12/10 / 9+6 ...8/9/10/11
hob jede kuavn jede kreuzung beonsprucht, damit i von dia meah obstond gewinn, hob deina ständign eifasucht, scho an oadn valiehn
hob jedn beag und jedes toi füa mi missbraucht, damit i den obschnitt vagressan konn, hob mi scho fost gonz von dia freikauft, föht nua des medaillon
duachwonda sondwüstn kletta om grat entlong, damit si die streckn no weita dehnt, woit jetzt unbedingt an neionfong, im eawünschtn moment
hob donn mei paradies gfundn, a unbewohntes fruchtboares lond, hob mi von oin zwängen entbundn, wea gebüahrend belohnt füa leib und vastond.
3) .8/9/9/6 / 8 ...8/6/8/6 / 6/6
geissl mi söbst duach diesn tog, dieses lebm wiad zu meim ruin, befind mi mittn in jeda plog, häuf ois auf deponien, vaobreich mia mei medizin
hob die karriereleita kappt, woa om bodn da realität, hob mi eigentlich nie vaausgabt, büag füa mei qualität, des lebm vom nichts übasät
bin nua strikt meinen schienen gfoigt, hob jede eisane kettn gsprengt, hob mi oft füan friedn vabeugt, hob vü von mia heagschenkt, hob oba an treffa vasenkt
woit imma diese einsomkeit, woa mei eigne vision, empfind hia draussn donkboakeit, bin auf meina mission, woa feig und ongsteafüllt, hob hia draussn laut brüllt.
b 3) .10/12/8/10 ...9/7 / 6/6/7/5
die sunn om zenit losst föda gedeihn, die natua hot unsre tische reichlich gedeckt, die früchte wean zu molarein, da longe tog wuade scho früh aufgweckt
sprich mit mutta eadn und dem voimond, umoam den somma somt gwitta und hitzewön, begreif des gleichgwicht bis zum rond, vajüngt fost meine obsteabendn zön
mei instinkt hot mi blindlings hiahea glenkt, denn nua i trog die vaontwoatung füa mei tun, hobs gebm und nehmen vamengt, in diesm lauschign elysium
do heit is ois kurios skurril, mei kean is scho instabil, a monsta in mia lebt, hob innalich scho bebt, hoss dieses sinnlose sein, weaf den drittn stein.
d 2) .8/11 / 6 (7)/8 (7)/7 ..10/10 (11)/11 (10)/9
wie imma foi i in jeds loch, steh scho imma unta an undichtn doch, loss donn afoch ois zruck, mei ventil hot zu hohn druck, siag nua no trümma und schutt
hobs negative obsoabiat, hob bei jedm unheil hypaventiliat, nimm den fuassmarsch in kauf, hob an immensn schuhvabrauch, pflonz om heahn oat an strauch
denn des pech hot si nua mit mia vaeint, hot jede niedalog mit mia valeimt, jeda ausrutscha ziagt mi tiaf in den sumpf, in meine händ hätt i gean an trumpf
da klane riss wiad zu an leck, des füllmat‘rial is ongschnoit zu an zweck, hob die bruckn übaqueat, hob diese panik entleat, hob mi vom ontrieb eanäaht
hob mei unobhängigkeit gschnoppt, da varostete riegl is donn aufkloppt, bin donn schnö auf und davon, in mein seidenen kokon, auf meim schwebendn balkon
des glück hot si weggschlichn und ausgloggt, mei vagnügn hot si söba zahockt, die vasäumte chance hot si in luft aufglöst, hätt füa diesn trumpf mei sö entblösst.
e 1) .6+8/7+8 / 5/6 ..10/10/11/10
do die zoihn vom wüafl blendn gnodnlos jedes aug, und die schäafn da sichl zaschneidt sogoa den blütnstaub, ois schmüzt und zarinnt, und mei lebm vaschwimmt
die foabm da koatn stechn gnodnlos in die haut, in den schmoin schiassschoatn hot si da raue wind aufgstaut, ois is scho zamoimt, hob mei lebm varäumt
die plombe liegt zaschmettat aufm pfad, da splitta hot die wunde infiziat, aufm siegl steht des heilige zitat, die scheabm homs mosaik boykottiat.
ch 1c) .5+8/6+8 / 6+6 ...8/9/10/12
und donn eascheinst du auf meim eainnarungsplakat, bist scho long net meah dea clou in meim liebesapparat, hob mi von dia getrennt, hob ois von dia weggstemmt
hob mi obgsondat vom monotonen oitogstrott, hob donn glei gekontat in meina noamaln weakstott, hob mi söbst repariat, host mi net intressiat
hob mi einkesslt voa deim ominösn niveau, hob mi glei entfesslt auf meim chaotischn plateau, hob di afoch weggwischt, hob di net meah rausgfischt
hob di do scho längst weggwoafn, hob di aus meim gehian transplantiat, muass net deina fiesn stimm gehoachn, bin glei in die wuchande wüdnis immigriat.
ch 2b) .12/10 / 9+6 ...8/9/10/11
hob jede schleifn jedn knotnpunkt eingsponnt, damit i die lückn mit meta stopf, dei vahötnis hot mi übamonnt, steh ständig aufm kopf
hob mi bei jedm onstieg jeda kluft ongstrengt, damit mi jede etappm onheizt, hätt ma scho beinah mein hois ausgrenkt, nie mit reseavn geizt
quea den dschungl tauch im dompfendn ozean, damit i mei pensum net glei aufgib, vafoss meim eastn lebmsroman, dazua an peitschhieb
hob mein zaubagoatn gfundn, an idyllisch schöpfarischn raum, hob die besondre aura empfundn, siag mei zukunft hia in diesm frischn traum.
ch 3a) .10/10/9/6 ...6/6/8/6 / 9
konn jetzt endlich in ruhe meditian, tiaf duachotmen mi wieda aktivian, konn jetzt die battarien nei lodn, und mi regenarian
konn mi jetzt endlich sommln und eahoin, nei auftonkn und topfakeit vastreun, beseitig olle maskaradn, brauch mi voa nix meah scheun
hob mi entschleunigt obbremst massiv küazt, hob mei lebm komplett umgstöt und gwüazt, minimia so guads geht den schodn, hob nix meah übastüazt
bin zruck zu den wuazln, wo ois begonnen hot, wea no oft gnua drüba puazln, hea auf mei echolot, schreib olle details aufs weisse blott.
4) .8/9/9/6 / 8 ...8/6/8/6 / 6/6
rauf mi weita duach diesn tog, mei lebm schaut nua duach gittastäb, bekomm nie a ontwoat auf mei frog, mutia zua rarität, benötig mei vitalität
lieg gonz bescheidn im duachschnitt, des mittlmass is net relevant, auf da rasiaklinge woa mei ritt, woa nie a spekulant, des lebm woa ma zu rasant
jeda kompromiss woa gonz fair, hob die blockadn pulvarisiat, die konstellation woa oft prekäa, hob hia nie randaliat, hob imma richtig reagiat
bin mit da einsomkeit valobt, woa mei sehnlichsta wün, hob mi hia gelassn austobt, woan kane täuschungsrün, woa unsicha zoghoft, hob mi a söbst bestroft.
b 4) .10/12/8/10 ...9/7 / 6/6/7/5
a reiche eante steht scho voa da tüa, die natua hot uns iah dekadenz inszeniat, da kella hot a guats gespüa, nocht und tog san gleichzeitig kollidiat
leg die opfagobm auf mein altar, leist mein beitrog füa diese heabstliche vüfoit, empfang den wüadign nektar, halluzinia von ana lichtgestoit
a leises flüstan hot mi hiahea gschickt, hot ma fost olle geheimnisse offnboat, hob in dimensionen geblickt, hom im weitn univeasum rumoat
do heit is ois so bizarr absuad, hätt mi bessa moi festzuat, die bestie eawocht, ziagt in iah kronke schlocht, eastich des beschissne sein, weaf den letztn stein.
d 3) .8/11 / 6 (7)/8 (7)/7 ..10/10 (11)/11 (10)/9
wie imma tapp i in a foin, wie imma sans vaschiedn meine woogschoin, woa afoch hechste zeit, woa füa diese aufgob bereit, bin hia mei eignes geleit
da pessimismus übawiegt, hob mi scho on jede –losigkeit ongschmiegt, woa wie a vagabund, lebte von da hond in den mund, woa mei lebtog long nie gsund
denn des pech hot si in mia scho einbronnt, die apokalypse is noch mia benonnt, jeds vahängnis hot mi glei übaschwemmt, hätt gean dieses gefüge söbst enthemmt
hob die depression untaschätzt, hätt gean da sinnkrise die stochln obgwetzt, hob mein stoiz glei vaschluckt, die schreckn hom mi net meah gjuckt, mei ich hot net meah aufgmuckt
hob mei söbstständigkeit eahascht, hob von jeda bittasiassn frucht genascht, bin dem blitz hintahea, die linie is ungefäah, die aussicht is legendäa
des glück hot si von mia längst ausquartiat, jedwedes frohlockn hot si skalpiat, jede peaspektive hot mi glei zamüabt, des gefüge hot si söbst eawüagt.
e 2) .6+8/7+8 / 5/6 ..10/10/11/10
die endlose lawin vagrobt ois brutal unta sich, und diese paradoxien hintalossn an tiafn stich, ois brodlt und kocht, mei lebm düngt zwietrocht
die eabrochne lava mocht aus an hügl a gebiag, des stupide palava schläfat ein und hypnotisiat, ois is scho plattgwoizt, mei lebm is obghoizt
die substanz transfoamiat zu reinem gift, dieses element hot ka hoibweatszeit, die masse hot a geschwindigkeit von licht, jeds resultat hot die probe entweiht
diesa kometnschweif winkt gonz freindlich und locht si krumm, da grauschwoaze sübastreif is des aphrodisiakum, ois is jetzt vakeaht, mei lebm nimmt des schweat
im spieglbüd da schottn spaziat in den hintagrund, die schwean obdeckplottn füahn zum giarign höllenschlund, ois is bluadgetränkt, mei lebm wiad eingschränkt
da extrakt is völlig ambivalent, die quintessenz vaweigat die aussog, die grobe skizze is des experiment, des wesentliche hoit an monolog.
f 1) .14/12/7/7 ..6/6/8 / 6/6/8 ..10/12/11/8
flücht mi in an halluzinogenen drognsalot, flücht in a psychedelisches kaleidoskop, bin ma meina trance bewusst, hob die sphäan beeinflusst
flieh voa dem nihilistischn obhängigkeitssyndrom, flieh voam stets schnölla tickendn metronom, da boizn hämmat konstant, die wiakung is imposant
woa afoch zvü gestresst, vafong mi im geäst, die strapazn woan ungerecht; woa afoch glei easchöpft, zeig mi kühl und zuaknöpft, vazweifl om neavngeflecht
woa afoch scho ausglaugt, wuade gänzlich ausgraubt, jeds hindanis woa illegal; woa glei wieda auspumpt, hob innalich vaklumpt, vasend und empfong ka signal
empfind mi ois leares ausgschabtes fö, a unbewohnte hülle mit an knochngstö, hob bei jedm exzess im oagasmus gschwögt, mei keapa is vüz schnö vawökt.
ch 1d) .5+8/6+8 / 6+6 ...8/9/10/12
und donn eascheinst du nua auf meim eainnarungsfüm, vahinda diesn coup mit deim rotn evakostüm, hob mi afoch ausklinkt, nua mei sö hot no blinkt
hob ois vaschleiat voa deina brennendn neigia, hob genügsom gfeiat in meim zentraln hauptquartia, hob mi söbst refoamiat, hob di hia aussondiat
hob mi hia vaschonzt voa deina nahn gegnwoat, hobs ufa ausgfronst füa mei rohe ochtabohnfoaht, hob di afoch ausknipst, hob ois von dia zuagipst
bin da do scho längst entkommen, hob di aus meim togebuach tranchiat, host freche plumpe lügn easonnen, hob ma mei eigne pyramide konstruiat.
ch 2c) .12/10 / 9+6 ...8/9/10/11
hob jedn bogn jedn gegnpol ongschleppt, damit i die diffarenz untastütz, denn dei konfuses liebeskonzept woa bei mia gonz unnütz
hob jeds massiv jedn krota glei konfisziat, damit die sponnweitn donn exakt stimmt, hob mi endlich von dia distonziat, woa scho taub stumm und blind
fliag duachs vakuum lauf übas brüchige eis, damit i jedn sektoa kenna lean, eastö an imaginäan kreis, konn donn imma hamkeahn
hob mei eldorado gfundn, an entlegnen phantastischn plotz, wü des ungewisse no eakundn, beschütz den sötnen anzigoatign schotz.
ch 3b) .10/10/9/6 ...6/6/8/6 / 9
konn jetzt übas lebm philosophian, wü jetzt gean mei konzentration foacian, mecht die kapazitätn aufblähn, mi wieda auskurian
konn jetzt wieda reifn und mi ausheiln, mecht mi hia vawiaklichn und vaweiln, wü no die mysterien easpähn, schleifn und zurechtfeiln
hob diesa schnölligkeit entgegngwiakt, hob die sproch da fauna gsäuslt und ziapt, konn die föhla mitanond vanähn, bis donn ana vadiabt
steh auf meim fundament, is mei eintrittspoatal, im mosaik föht a fragment, woa imma scho neutral, bin endlich dagegn resistent.
ch 4a) .9/7/11/6 ..11/8/7/9 ..9/7/8/10
host mi in diesn strudl gschleudat, in dieses einbahnsystem, host deine entschuidigungen ealäutat, do es woa ka vasehn
host dei methode woih übalegt, ois bis ins klanste duachdocht, host mi intuitiv nochhoitig bewegt, es woa dei pure mocht
nua amoi host dei routine variiat, host di afoch vakalkuliat, des feia hot mi vasöhnt, dei gekreisch hot donn ois übatönt
nua amoi hot dei logik donn ois vabockt, host di beim spektakl vazockt, die foaml hot mi gerächt, dei skelett schloft no tiaf im gefecht
hob di jetzt endgültig runtagspült, duach diesn ewign schocht, hob mi jetzt wieda obgekühlt, noch diesa drakonisch wüdn feindschoft
hob di jetzt endgültig runtakippt, duach diesn fressendn spoit, hob jetzt nua mit den fingan gschnippt, und bin glei wieda in diesa onstoit.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 28. februar // 02./03./04./06./07. märz 2021.pk. ~ überarbeitet am 20. november 2023.pk.
copyright by philipp kirschner.pk. ~ untermalt mit musik von wayne escoffery (ts), perico sambeat (as), mark turner (ts).
***************************************************************************************************************** nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .8/9/9/6 / 8 ...8/6/8/6 / 6/6
quö mi seit da fruah duach den tog, des lebm is so mühselig hoat, die klanste oabeit gibt ma an schlog, hätt ma gean ois easpoat, hob bedoaf on dem mantrawoat
hob ka herausfoadarung gsuacht, hob nua mei route gonz schnö zruckglegt, mei gsicht is vom oita scho zafuacht, hob mi scho zvü aufgregt, dieses lebm hot mi seah prägt
hob a nie noch hüfe valongt, hob jede hüadn gonz alla gschofft, bin oba oft hin- und heageschwonkt, woa söbst nie hödnhoft, hob ma afoch nie zvü eahofft
hob mei einsomkeit nie bereut, hob mas jo söbst ausgwöht, hob meine via wänd schee bemoit, hob mei zhaus gnua eahöt, woa ma söbst imma fremd, woa oba nie vaklemmt.
da schnee funklt glitzat und fluoresziat, die eisige kötn hot die natua im griff, des wossa hot si adaptiat, die longe nocht zitiat den liebesbrief
fühl mi stoak vabundn mit da natua, hob voa diesa wintalondschoft grossn respekt, geniess diese spezielle kua, hot füa mi an reinigendn effekt
da eingschlogne weg hot mi hiahea brocht, bin gonz freiwillig in diesa situation, inhalia die üppige procht, soagt bei mia imma füa inspiration
oba heit is ois ondas ois sunst, schüa heit nua wut und missgunst, hob vielleicht scho ois sott, setz mei lebm schachmott, bin featig mit diesm sein, weaf den eastn stein.
ch 1a) .5+8/6+8 / 6+6 ...8/9/10/12
und donn eascheinst du om eainnarungshorizont, woast füa mi long tabu in meina obgeschiednen front, hob mi afoch eingspeat, hob mi von dia obkeaht
hob mi vakrochn in diese kompakte spiroin, hob donn ois obbrochn jede vabindung jedn hoim, hob afoch ois negiat, host mi net meah tangiat
hob mi zruckzogn aus deim intensiven bereich, hob donn ois obgwogn füa an vanünftign ausgleich, hob di gänzlich vadrängt, hob di im nichts vasenkt
hob di do scho längst vagessn, hob di aus meinen gedonkn glescht, host di bei mia afoch zvü vamessn, bin in die entgegngsetzte richtung losprescht.
2) .8/9/9/6 / 8 ...8/6/8/6 / 6/6
kämpf mi scho duach den gonzn tog, mei lebm hoit si om fodn fest, beweg mi wie in an voin trog, fühl mi quetschend reinpresst, steck mi in vaschäaftn arrest
woit eigentlich nie hoch hinauf, hob meine stufn hinta mi brocht, woa nie a gmiatlicha daualauf, bin oft dagegnkrocht, des lebm woa steil nie obgflocht
woa in meim tun konsequent, hob jede barrikade zalegt, woa imma mei eigna dirigent, hob ois sauba gefegt, woa bei oim imma korrekt
hob diese einsomkeit geliebt, woa mei besta entschluss, hob des vagongne oft duachsiebt, hob mein eignen ritus, hob ma söbst net vatraut, hob mi stets söbst aufbaut.
b 2) .10/12/8/10 ...9/7 / 6/6/7/5
die eastn blumen spriessn wochsn bliahn, a lauwoames lüftal umspüt sonft die natua, die vogal tonzend jubilian, tog und nocht begleichn iah hochzeitstour
bin a winziga teil von diesm plan, hob den frühling lochend aufs heazlichste begrüsst, spia diese kroft in seim balsam, stäakt wieda mei oitandes grundgerüst
meine zwa fiass hom mi hiahea gefüaht, diesa wundaboare oat is wie a magnet, loss des meiste gonz unberüaht, bin a eremit oba ka prophet
oba heit is ois sötsom vadreht, spia vü aggressivität, woat auf a explosion, vakoch mei emotion, vafluach des iadische sein, weaf den zweitn stein.
d 1) . 8/11 / 6 (7)/8 (7)/7 .. 10/10 (11)/11 (10)/9
wie imma vaföh i des zü, woa scho imma äussast schlecht in diesm spü, musste afoch obhaun, um mi herum da hohe zaun, wea afoch net meah zruckschaun
hob eigentlich nua no valoan, wuade unta an obgföschtn stean geboan, woit niagendwo long bleim, vaobscheu jeds private heim, entfean longsom die datein
denn des pech hot ma nochghetzt und beglückt, hob jeds desasta unobsichtlich pflückt, jede katastrophe hot mi übaroit, hätt gean diese oat schicksoi ausgschoit
hob im hofn besuchsvabot, hätt gean an sichren onkaplotz füa mei boot, hob donn die flut benutzt, hob meine ängste zurechtgstutzt, hob mein mut poliat und putzt
hob mei freiheit beim schopfe packt, hob donn füa mi die woahre bestimmung knackt, woit von hia afoch weg, in a harmonisches vasteck, mit magischem amulett
des glück hot mi valossn und vasetzt, mei lebmsfreude woa komplett obgwetzt, jeda hoffnungsschimma woa soglei vaglüht, bräucht füa dieses schicksoi an schutzschüd.
ch 1b) .5+8/6+8 / 6+6 ...8/9/10/12
und donn eascheinst du auf meina eainnarungswond, gheast hia net meah dazu zu dem rustikaln gigont, hob mi hia isoliat, hob di kloa ignoriat
hob mi vaboagn unta an guat getoantn netz, konn mi söbst vasoagn in dem vawüdatn trapez, bin mit oim runtagfoahn, woit di net aufbewoahn
hob mi eingschlossn voa deina schwierign präsenz, hob donn ois duachgstossn jede unschuidige frequenz, hob di aus mia vajogt, hob mi von dia entsogt
bin da do scho längst ausgwichn, hob di aus meim gedächtnis radiat, host die kantn und eckn obgschliffn, bin glei ins nägstbeste labyrinth losmarschiat.
ch 2a) .12/10 / 9+6 ...8/9/10/11
hob jede kuavn jede kreuzung beonsprucht, damit i von dia meah obstond gewinn, hob deina ständign eifasucht, scho an oadn valiehn
hob jedn beag und jedes toi füa mi missbraucht, damit i den obschnitt vagressan konn, hob mi scho fost gonz von dia freikauft, föht nua des medaillon
duachwonda sondwüstn kletta om grat entlong, damit si die streckn no weita dehnt, woit jetzt unbedingt an neionfong, im eawünschtn moment
hob donn mei paradies gfundn, a unbewohntes fruchtboares lond, hob mi von oin zwängen entbundn, wea gebüahrend belohnt füa leib und vastond.
3) .8/9/9/6 / 8 ...8/6/8/6 / 6/6
geissl mi söbst duach diesn tog, dieses lebm wiad zu meim ruin, befind mi mittn in jeda plog, häuf ois auf deponien, vaobreich mia mei medizin
hob die karriereleita kappt, woa om bodn da realität, hob mi eigentlich nie vaausgabt, büag füa mei qualität, des lebm vom nichts übasät
bin nua strikt meinen schienen gfoigt, hob jede eisane kettn gsprengt, hob mi oft füan friedn vabeugt, hob vü von mia heagschenkt, hob oba an treffa vasenkt
woit imma diese einsomkeit, woa mei eigne vision, empfind hia draussn donkboakeit, bin auf meina mission, woa feig und ongsteafüllt, hob hia draussn laut brüllt.
b 3) .10/12/8/10 ...9/7 / 6/6/7/5
die sunn om zenit losst föda gedeihn, die natua hot unsre tische reichlich gedeckt, die früchte wean zu molarein, da longe tog wuade scho früh aufgweckt
sprich mit mutta eadn und dem voimond, umoam den somma somt gwitta und hitzewön, begreif des gleichgwicht bis zum rond, vajüngt fost meine obsteabendn zön
mei instinkt hot mi blindlings hiahea glenkt, denn nua i trog die vaontwoatung füa mei tun, hobs gebm und nehmen vamengt, in diesm lauschign elysium
do heit is ois kurios skurril, mei kean is scho instabil, a monsta in mia lebt, hob innalich scho bebt, hoss dieses sinnlose sein, weaf den drittn stein.
d 2) .8/11 / 6 (7)/8 (7)/7 ..10/10 (11)/11 (10)/9
wie imma foi i in jeds loch, steh scho imma unta an undichtn doch, loss donn afoch ois zruck, mei ventil hot zu hohn druck, siag nua no trümma und schutt
hobs negative obsoabiat, hob bei jedm unheil hypaventiliat, nimm den fuassmarsch in kauf, hob an immensn schuhvabrauch, pflonz om heahn oat an strauch
denn des pech hot si nua mit mia vaeint, hot jede niedalog mit mia valeimt, jeda ausrutscha ziagt mi tiaf in den sumpf, in meine händ hätt i gean an trumpf
da klane riss wiad zu an leck, des füllmat‘rial is ongschnoit zu an zweck, hob die bruckn übaqueat, hob diese panik entleat, hob mi vom ontrieb eanäaht
hob mei unobhängigkeit gschnoppt, da varostete riegl is donn aufkloppt, bin donn schnö auf und davon, in mein seidenen kokon, auf meim schwebendn balkon
des glück hot si weggschlichn und ausgloggt, mei vagnügn hot si söba zahockt, die vasäumte chance hot si in luft aufglöst, hätt füa diesn trumpf mei sö entblösst.
e 1) .6+8/7+8 / 5/6 ..10/10/11/10
do die zoihn vom wüafl blendn gnodnlos jedes aug, und die schäafn da sichl zaschneidt sogoa den blütnstaub, ois schmüzt und zarinnt, und mei lebm vaschwimmt
die foabm da koatn stechn gnodnlos in die haut, in den schmoin schiassschoatn hot si da raue wind aufgstaut, ois is scho zamoimt, hob mei lebm varäumt
die plombe liegt zaschmettat aufm pfad, da splitta hot die wunde infiziat, aufm siegl steht des heilige zitat, die scheabm homs mosaik boykottiat.
ch 1c) .5+8/6+8 / 6+6 ...8/9/10/12
und donn eascheinst du auf meim eainnarungsplakat, bist scho long net meah dea clou in meim liebesapparat, hob mi von dia getrennt, hob ois von dia weggstemmt
hob mi obgsondat vom monotonen oitogstrott, hob donn glei gekontat in meina noamaln weakstott, hob mi söbst repariat, host mi net intressiat
hob mi einkesslt voa deim ominösn niveau, hob mi glei entfesslt auf meim chaotischn plateau, hob di afoch weggwischt, hob di net meah rausgfischt
hob di do scho längst weggwoafn, hob di aus meim gehian transplantiat, muass net deina fiesn stimm gehoachn, bin glei in die wuchande wüdnis immigriat.
ch 2b) .12/10 / 9+6 ...8/9/10/11
hob jede schleifn jedn knotnpunkt eingsponnt, damit i die lückn mit meta stopf, dei vahötnis hot mi übamonnt, steh ständig aufm kopf
hob mi bei jedm onstieg jeda kluft ongstrengt, damit mi jede etappm onheizt, hätt ma scho beinah mein hois ausgrenkt, nie mit reseavn geizt
quea den dschungl tauch im dompfendn ozean, damit i mei pensum net glei aufgib, vafoss meim eastn lebmsroman, dazua an peitschhieb
hob mein zaubagoatn gfundn, an idyllisch schöpfarischn raum, hob die besondre aura empfundn, siag mei zukunft hia in diesm frischn traum.
ch 3a) .10/10/9/6 ...6/6/8/6 / 9
konn jetzt endlich in ruhe meditian, tiaf duachotmen mi wieda aktivian, konn jetzt die battarien nei lodn, und mi regenarian
konn mi jetzt endlich sommln und eahoin, nei auftonkn und topfakeit vastreun, beseitig olle maskaradn, brauch mi voa nix meah scheun
hob mi entschleunigt obbremst massiv küazt, hob mei lebm komplett umgstöt und gwüazt, minimia so guads geht den schodn, hob nix meah übastüazt
bin zruck zu den wuazln, wo ois begonnen hot, wea no oft gnua drüba puazln, hea auf mei echolot, schreib olle details aufs weisse blott.
4) .8/9/9/6 / 8 ...8/6/8/6 / 6/6
rauf mi weita duach diesn tog, mei lebm schaut nua duach gittastäb, bekomm nie a ontwoat auf mei frog, mutia zua rarität, benötig mei vitalität
lieg gonz bescheidn im duachschnitt, des mittlmass is net relevant, auf da rasiaklinge woa mei ritt, woa nie a spekulant, des lebm woa ma zu rasant
jeda kompromiss woa gonz fair, hob die blockadn pulvarisiat, die konstellation woa oft prekäa, hob hia nie randaliat, hob imma richtig reagiat
bin mit da einsomkeit valobt, woa mei sehnlichsta wün, hob mi hia gelassn austobt, woan kane täuschungsrün, woa unsicha zoghoft, hob mi a söbst bestroft.
b 4) .10/12/8/10 ...9/7 / 6/6/7/5
a reiche eante steht scho voa da tüa, die natua hot uns iah dekadenz inszeniat, da kella hot a guats gespüa, nocht und tog san gleichzeitig kollidiat
leg die opfagobm auf mein altar, leist mein beitrog füa diese heabstliche vüfoit, empfang den wüadign nektar, halluzinia von ana lichtgestoit
a leises flüstan hot mi hiahea gschickt, hot ma fost olle geheimnisse offnboat, hob in dimensionen geblickt, hom im weitn univeasum rumoat
do heit is ois so bizarr absuad, hätt mi bessa moi festzuat, die bestie eawocht, ziagt in iah kronke schlocht, eastich des beschissne sein, weaf den letztn stein.
d 3) .8/11 / 6 (7)/8 (7)/7 ..10/10 (11)/11 (10)/9
wie imma tapp i in a foin, wie imma sans vaschiedn meine woogschoin, woa afoch hechste zeit, woa füa diese aufgob bereit, bin hia mei eignes geleit
da pessimismus übawiegt, hob mi scho on jede –losigkeit ongschmiegt, woa wie a vagabund, lebte von da hond in den mund, woa mei lebtog long nie gsund
denn des pech hot si in mia scho einbronnt, die apokalypse is noch mia benonnt, jeds vahängnis hot mi glei übaschwemmt, hätt gean dieses gefüge söbst enthemmt
hob die depression untaschätzt, hätt gean da sinnkrise die stochln obgwetzt, hob mein stoiz glei vaschluckt, die schreckn hom mi net meah gjuckt, mei ich hot net meah aufgmuckt
hob mei söbstständigkeit eahascht, hob von jeda bittasiassn frucht genascht, bin dem blitz hintahea, die linie is ungefäah, die aussicht is legendäa
des glück hot si von mia längst ausquartiat, jedwedes frohlockn hot si skalpiat, jede peaspektive hot mi glei zamüabt, des gefüge hot si söbst eawüagt.
e 2) .6+8/7+8 / 5/6 ..10/10/11/10
die endlose lawin vagrobt ois brutal unta sich, und diese paradoxien hintalossn an tiafn stich, ois brodlt und kocht, mei lebm düngt zwietrocht
die eabrochne lava mocht aus an hügl a gebiag, des stupide palava schläfat ein und hypnotisiat, ois is scho plattgwoizt, mei lebm is obghoizt
die substanz transfoamiat zu reinem gift, dieses element hot ka hoibweatszeit, die masse hot a geschwindigkeit von licht, jeds resultat hot die probe entweiht
diesa kometnschweif winkt gonz freindlich und locht si krumm, da grauschwoaze sübastreif is des aphrodisiakum, ois is jetzt vakeaht, mei lebm nimmt des schweat
im spieglbüd da schottn spaziat in den hintagrund, die schwean obdeckplottn füahn zum giarign höllenschlund, ois is bluadgetränkt, mei lebm wiad eingschränkt
da extrakt is völlig ambivalent, die quintessenz vaweigat die aussog, die grobe skizze is des experiment, des wesentliche hoit an monolog.
f 1) .14/12/7/7 ..6/6/8 / 6/6/8 ..10/12/11/8
flücht mi in an halluzinogenen drognsalot, flücht in a psychedelisches kaleidoskop, bin ma meina trance bewusst, hob die sphäan beeinflusst
flieh voa dem nihilistischn obhängigkeitssyndrom, flieh voam stets schnölla tickendn metronom, da boizn hämmat konstant, die wiakung is imposant
woa afoch zvü gestresst, vafong mi im geäst, die strapazn woan ungerecht; woa afoch glei easchöpft, zeig mi kühl und zuaknöpft, vazweifl om neavngeflecht
woa afoch scho ausglaugt, wuade gänzlich ausgraubt, jeds hindanis woa illegal; woa glei wieda auspumpt, hob innalich vaklumpt, vasend und empfong ka signal
empfind mi ois leares ausgschabtes fö, a unbewohnte hülle mit an knochngstö, hob bei jedm exzess im oagasmus gschwögt, mei keapa is vüz schnö vawökt.
ch 1d) .5+8/6+8 / 6+6 ...8/9/10/12
und donn eascheinst du nua auf meim eainnarungsfüm, vahinda diesn coup mit deim rotn evakostüm, hob mi afoch ausklinkt, nua mei sö hot no blinkt
hob ois vaschleiat voa deina brennendn neigia, hob genügsom gfeiat in meim zentraln hauptquartia, hob mi söbst refoamiat, hob di hia aussondiat
hob mi hia vaschonzt voa deina nahn gegnwoat, hobs ufa ausgfronst füa mei rohe ochtabohnfoaht, hob di afoch ausknipst, hob ois von dia zuagipst
bin da do scho längst entkommen, hob di aus meim togebuach tranchiat, host freche plumpe lügn easonnen, hob ma mei eigne pyramide konstruiat.
ch 2c) .12/10 / 9+6 ...8/9/10/11
hob jedn bogn jedn gegnpol ongschleppt, damit i die diffarenz untastütz, denn dei konfuses liebeskonzept woa bei mia gonz unnütz
hob jeds massiv jedn krota glei konfisziat, damit die sponnweitn donn exakt stimmt, hob mi endlich von dia distonziat, woa scho taub stumm und blind
fliag duachs vakuum lauf übas brüchige eis, damit i jedn sektoa kenna lean, eastö an imaginäan kreis, konn donn imma hamkeahn
hob mei eldorado gfundn, an entlegnen phantastischn plotz, wü des ungewisse no eakundn, beschütz den sötnen anzigoatign schotz.
ch 3b) .10/10/9/6 ...6/6/8/6 / 9
konn jetzt übas lebm philosophian, wü jetzt gean mei konzentration foacian, mecht die kapazitätn aufblähn, mi wieda auskurian
konn jetzt wieda reifn und mi ausheiln, mecht mi hia vawiaklichn und vaweiln, wü no die mysterien easpähn, schleifn und zurechtfeiln
hob diesa schnölligkeit entgegngwiakt, hob die sproch da fauna gsäuslt und ziapt, konn die föhla mitanond vanähn, bis donn ana vadiabt
steh auf meim fundament, is mei eintrittspoatal, im mosaik föht a fragment, woa imma scho neutral, bin endlich dagegn resistent.
ch 4a) .9/7/11/6 ..11/8/7/9 ..9/7/8/10
host mi in diesn strudl gschleudat, in dieses einbahnsystem, host deine entschuidigungen ealäutat, do es woa ka vasehn
host dei methode woih übalegt, ois bis ins klanste duachdocht, host mi intuitiv nochhoitig bewegt, es woa dei pure mocht
nua amoi host dei routine variiat, host di afoch vakalkuliat, des feia hot mi vasöhnt, dei gekreisch hot donn ois übatönt
nua amoi hot dei logik donn ois vabockt, host di beim spektakl vazockt, die foaml hot mi gerächt, dei skelett schloft no tiaf im gefecht
hob di jetzt endgültig runtagspült, duach diesn ewign schocht, hob mi jetzt wieda obgekühlt, noch diesa drakonisch wüdn feindschoft
hob di jetzt endgültig runtakippt, duach diesn fressendn spoit, hob jetzt nua mit den fingan gschnippt, und bin glei wieda in diesa onstoit.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 28. februar // 02./03./04./06./07. märz 2021.pk. ~ überarbeitet am 20. november 2023.pk.
copyright by philipp kirschner.pk. ~ untermalt mit musik von wayne escoffery (ts), perico sambeat (as), mark turner (ts).
***************************************************************************************************************** nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen