456.
| unsteablichkeit.
1) .8/12/8/10 / 7/5
loss die zeit sinnlos vastreichn, fliesst in wogendn wön in die vagongenheit, woit do no so vü eareichn, do mei easta schritt is no net bereit; ziag die deckn üban kopf, drück den ruheknopf
hob mein ontrieb scho längst valoan, da motoa stottat und stoipat nua so dahin, hob den foischn kroftstoff eakoan, in mia san nua grosse mülldeponien; ois sommlt si im gemüt, da mist is aufblüht
die zeit is sinnlos vaflogn, hot si in hechstgeschwindigkeit in luft aufglöst, hob mi afoch söbst betrogn, hob ma mei lethargie söbst eingeflösst; mei eifa is längst obgflaut, hob scho zvü obbaut
hob nie wos zu an ende brocht, da easte onspoan woa donn glei wieda vasiegt, hob donn nie vü drüba nochdocht, woa mit mia söba nie in an konflikt; bin im reinen mit meim ich, loss mi nie im stich.
b 1) .8/8/8/8 / 9/9
hob so vü völlig foisch onpockt, hob mei vaschuidn maximiat, hob mi söbst in a foin glockt, hob mein weadegong akzeptiat; hob vü obstecha und schlenka gmocht, hob nie wiaklich vü drüba nochdocht
vasuach mi on an kompromiss, do des foit ma goa net so leicht, untastütz mei innres valies, bin füas lebm no net geeicht; nimm von oim nua den mittlan weat, bei mia is ois seitnvakeaht
hob an onspruch auf qualität, hob mi do imma stets bemüht, brauch hia nua meah stabilität, mei weisheit is scho boid vaglüht; meine früchte san unausgereift, bin vom zü imma zu seah obgschweift
hob oft den status foisch eingschätzt, hob gnua noabm auf meina haut, hob vieln innalich valetzt, drum hot ma kana meah vatraut; die meistn hom si von mia obgwondt, hob eana no flüche nochgesondt.
ch 1a) .7+6/8+9 / 10/10
hob scho so vü beweise untan teppich gekeaht, hob auf meina weitn reise den zugriff auf gefühle vaweaht, hob diesn entschluss scho vüz oft bereut, iagendwos ondas hot mi übaroit
hob oi die vün zeichn nie so richtig eakonnt, hob die entscheidendn weichn demontiat eingschmoizn und vabronnt, meine schienen san rostig desolat, längst aufplotzt is mei schlecht vaschweisste naht
hob meine analysn ois gonz korrekt ongsehn, mecht den zoihreichn genüssn olle obscheulichkeitn ondrehn, mei wesn is scho finsta stoa und koit, hob mi om guadn leida net ongschnoit
hob meine katastrophn glei wieda ausradiat, hob des vagebliche hoffn auf an kloan freispruch ignoariat, hob mi mitm negativm vaknüpft, bin hia meina bestimmung net entschlüpft.
2) .8/12/8/10 / 7/5 ....11/8/10/9 / 6/6
hob diese zeit sinnlos vaschenkt, fliesst ois vaschleiata lichtstroih duachs vakuum, hob mi söbst zu seah eingeschränkt, foi scho wieda tiaf ins delirium; von diesa suppm vaschluckt, hot mi net ausgspuckt
mei magnetföd is scho zasteat, die pole hom kane linien meah eazeugt, mei wechslwiakung is vazeat, wuade hia nua no vom chaos vafoigt; bese strohlung inhaliat, duachs lebm laviat
diese zeit is vüz schnö gschmoizn, hot si spielend leicht von meim kronkn ich befreit, woit mein ozean duachkreuzn, hinta meina passivität eingreiht; bin in meim phlegma vahoat, die neigia vaschoat
hob no nie a ende eareicht, des easte positive resultat negiat, den dichtn nebl nie vascheicht, bin von meim longen weg nie deseatiat; nimm jedn umweg in kauf, hob hüadn ois brauch
mei motivation is komplett zommbrochn, mei onspoan is aufm tiafststond, hob mi ins finstaste eck vakrochn, befind mi geistig im niemondslond; bin scho völlig easchöpft, mei elan bleibt zuaknöpft.
b 2) .8/8/8/8 / 9/9 ....12/9/13/8 / 8
hob hia nie intaresse zeigt, die einsomkeit freiwillig gwöht, bin hia imma vüz fruah obzweigt, hob mi bei meine schritt vazöht; hob mei orientierung valoan, woa nie zua begeistarung geboan
nie gleant wies lebm funktioniat, mei entwicklung woa instabil, hob jede stufn sabotiat, gänzlich undicht woa mei ventil; woa nie flexibl oda geschickt, bin stets unta hohem druck einknickt
nimm ma söbst mein eignen voarong, den gegnseitign respekt, da untaschied a neionfong, in dem befristetn projekt; renn stets mitm kopf gegn a wond, des brett davoa übt scho den aufstond
meine weate woan niemois kloa, hob füa mi nie a credo ghobt, bin ständig wie in an laboa, woa hia no nie seah kompfeaprobt; hob on voikommne harmonie glaubt, hob mi im scheinfriedn fest vaschraubt
mei eawoatung woa foisch genau des gegnteil, hob kan foischiam a ka rettungsseil, meine peaspektivn stehn unta kan höhn stean, find kan mittlpunkt hob kan kean; um mi herum nua lebmsspean.
d 1) .6+6/6+12 / 8/12 ..10/13/13/14
mei übalebmsgschicht steht scho längst in an buach, diese trübe feansicht schloft vaboagn unta an netzoatign tuach; die zukunft bleibt hia ungewiss, do iagendwo lauat mei eigne nemesis
mei eainnarungsbüd is nua no schwoaz und grau, mei diskreta schutzschüd is bei da obweah afoch nua no ungenau; es entstehn hia scho vüz vü riss, mei phantasie mutiat zua eignen genesis
brauch endlich wieda dei füahrende hond, gib ma bitte nua an klan teil von deim vastond, bring mi wieda zruck in a echte realität, beweis ma endlich mei eigne woahre identität
mei gedächtnisvalust hebt si in die potenz, mei vazweiflta frust vameaht no diese peasönliche diffarenz; steh mittn in da finstanis, wü eam endlich umdrehn diesn rostign spiess
mei lebmsmüdigkeit foit in an tiafn schlof, mei intime woahheit soagt wieda moi füa an explosivn zündstoff; mei maue psyche und physis, vasickan wie in zeitlupm in an valies
brauch endlich wieda dein feinen instinkt, host mi jetzt mit deim logischn bewusstsein valinkt, hoff doss ka resistenta virus in mi eindringt, do jeds lebendige experiment kläglich misslingt.
ch 1b) .7+6/8+9 / 10/10
hob scho so vü papiare peafekt gföscht und kopiat, hob bei meim undeutlichn gschmiare wahnvoastellungen praktiziat, ois bis ins klanste richtig übasetzt, iagendwos ondas hot mi gjogt und ghetzt
hob die vün symbole völlig ondas ealebt, hob die oidn protokolle nochträglich vaweatet und foatgschleppt, meine aktn vagübt hom si vafäabt, hob übaroi mei monogramm einkeabt
hob meine prognosn volla details kundgemocht, hob diesn metamorphosn olle fintn und kunstgriff beibrocht, hob mei äussre schoin scho obgwetzt, hob mi leida innalich net vanetzt
hob meine schicksoisschläg nie ois schweawiegend eingstuft, hob diese schwiarign fluchtweg nie mit meina präsenz untasucht, hob scho mei söbstzastearung voaheagsogt, hob die gerechtigkeit nie hintafrogt.
ch 2a) .8/9/9/9 / 8 (7)/7 (8)
host mi mit deim feia eanäaht, host mi mit deina aura bekeaht, host mi mit deina liebe umhüllt, host mi mit friedlicha stün befüllt; kuschl mi in dein weichn schoss, wiakt wie a schwocha stromstoss
host mi rund um die uah liebkost, host mi mit deina passion umtost, host mei sö mit deina sö vaschweisst, host mi mit deinen klängen einkreist; summst ma a ruhiges schloflied, hob mi nua voa dia niedakniet
host ma mei woatezeit vaküazt, host mi mit deina libido gwüazt, host mi aus jeda zwongslage ghoit, host oi meine ängste übamoit; host di künstlarisch austobt, wia zwa woan scho fost wie valobt
host mi gstreichlt innig umoamt, host mei ich imma wieda nei gfoamt, host die vün probleme entlaubt, host stets on mei unsteablichkeit glaubt; bin da hörig völlig vafoin, füahst mi duach die ewign hoin.
hob mei zeit sinnlos vaschwendet, fliesst ois zähflüssige masse duach mei dasein, so vü bleibt no unvoiendet, eastoa donn scho wieda fost zu gestein; hob mi net meah zvü bewegt, bin scho leagefegt
die reseavn san fost vabraucht, mei eneagie pfeift ausm ollaletztn loch, mei stäake is scho untataucht, steh wieda im wüdn eiskoitn boch; eafria scho om söbstmitleid, a kerl ohne schneid
die zeit bleibt donn spualos vaschoin, hot si in den weitn des wödois guad vasteckt, woit die galaxien net vastreun, hob die longeweile vüz fruah aufgweckt; bin im homstarad aufgwocht, is a schwere frocht
hob no nie wos zu ende gfüaht, hob no nie den eastn schwung so richtig ausgnutzt, hob die knotn vüz fest vaschnüat, hob meine fliagl imma söba gstutzt; mei auftrieb hot stoak obbremst, bin wie a gespenst
meine triebfedan san längst ausgeleiat, da neavnkitzl is ausglaugt, mei lebm hot scho long nix meah gfeiat, meine stimuli wuadn ausgsaugt; hob scho längst ausgedient, geh mitm lauen wind.
b 3) .8/8/8/8 / 9/9 ....12/9/13/8 / 8
woa imma scho a egoist, hob nie in ana gruppm gspüt, woa scho eha da antichrist, hob mit meim pfeil imma foisch züt; woa mit mia söba stets spinnefeind, hob mi söba om zaun ongeleint
schwimm hia imma scho gegan strom, moch ois gonz ondas ois eaträumt, mutia zu an schoafn phantom, hob mi gegn willküa aufbäumt; woa imma mei eignes antonym, bin einzwängt in an engen kostüm
mei fassade bröcklt scho ob, mei kompetenz nie offnboat, bin gfongen im kaleidoskop, hob ma diesn moment bewoaht; drah mi ständig in an gschlossnen kreis, füah mi übas hauchdünne glotteis
jede entscheidung fällts uateil, hot a wiaksome konsequenz, hoit mi fest om schwean unheil, vaia mi in da existenz; vamiss den magischn ozean, gonz unelastisch is mei membran
oi mei hoffn woa vageblich ohne substanz, spia in mia kan aufschwung a kan glonz, meine meglichkeitn san vaschlissn obgestumpft, in meim martyrium vasumpft; mei lebmsraum is ziemlich gschrumpft.
d 2) .6+6/6+12 / 8/12 ..10/13/13/14
meine anekdotn besitzn kan humoa, die klanen fussnotn wean zwongsweise eingspeat im engen korridoa; mei zukunft is no unbestimmt, do iagendwo a zoata lichtschimma vaglimmt
mei woahnehmungsbereich is scho ziemlich begrenzt, im vasondetn teich wuade im trübm gfischt und vafaultes kredenzt; oi meine neavn san scho blind, hob des fragil sehende medium gemimt
woat scho auf dei beföhlendes signal, eakläa ma diese kompliziate wöd rational, bring mi zruck zu meim reglmässign intavall, do bewoah mi bitte voam deftig hoatn aufprall
diese vagesslichkeit hot mi scho übaschwemmt, mei weite zastreutheit hot si auf mein gonzn oaganismus ausdehnt, lausch dem rauen flüstandn wind, fühl mi kla wies unschuidig neigeboane kind
mei lebmsübadruss is voigfressn und sott, und mei algorithmus setzt si söba in da weitn wüstn schachmott, meine innarein san vamint, bin üba mei aggressive hüflosigkeit eagrimmt
woat scho long auf dei gesetz dein auftrog, reagia do endlich auf jede anzelne frog, hoff i schlof auf kan unbequemen hoatn steinblock, do i benötig scho dringend an kompaktn gehstock.
e 1) .13/13 / 9/6/9 ....9/8/9/8 / 9/6
hob mit meina eahlichkeit vü glogn und vadreht, des negative hot si imma weita aufbläht; jede option wiaft mi aus da bahn, hob no imma kan plan, jeda splitta wiad zum stählanen span
hob meine schwächn glei ois unfähigkeit getoant, diese lücke hot mi no zu meah drogn ongspoant; jede fremde hüf hot nua vasagt, bin scho fost gonz obgnagt, steh mit niemondn meah in kontakt
hob mei zuvalässigkeit leichtsinnig obgeschofft, hob mi mit meina zwiespoitigkeit lautstoak gezofft; jeda wahn hot si manifestiat, hob mi darauf fixiat, hob ma olle chancen ruiniat
mei strikte vehemenz füas lebm hot net meah gwiakt, hob mit meina ängstlichn oat feig und schüchtan ziapt; des ungeheua bleibt jetzt vaschoin, die lawin kummt ins roin, foahs longsom aus meine stumpfn kroin
hoi mi endlich aus diesm kreislauf, voi mit pessimistischem schleim, hoi mi aus diesm giftign rauch, muasst mi jetzt endgültig befrein; hoi mi endlich aus diesn misean, füah mi zu ondren sphäan.
ch 1c) .7+6/8+9 / 10/10
hob scho so vü unglück onzogn und übalebt, hob jeds anzelne gegnstück mit meim untadrücktn hoss zuaklebt, hob jede longe etappe eafosst, iagendwos ondas is in mia vablosst
hob so vü allegorien scho mit metaphan kreizt, hob meine vün anomalien scho bis zua schmeazgrenzn gespreizt, meine widasprüch logisch paradox, somml ois in meina gedonknbox
hob die korrekte veasion wieda in umlauf brocht, hob mei desaströse vision mit vü täuschungsmanövan obgflocht, hob mein geduidsfodn vüz schnö vaprasst, steiga damit mein schwoazweissn kontrast
hob meine tragödien afoch net glei bemeakt, hob meine zwischnstadien aufm weg zum plateau no bestäakt, hob mi duach mein masochismus oft quöt, hob ma mein moabidn geist söbst entstöt.
host mi mit deim stuam übaroscht, host mi mit deina nocktheit vanoscht, host mi mit deim rotn mund vafüaht, host mit mia den höhepunkt geküat; deine rundungen elegant, bist mei roha diamant
host mi so intensiv vawöhnt, host bei unsra liebeskunst aufgstöhnt, host nua mit mia des gleichgwicht heagstöt, host mi unta tausendn eawöht; bist füa mi des unikat, dei zung is so feucht delikat
host mi erotisch eingeseift, host meine wüdn träume duachstreift, host mi voa jedm obgrund beschützt, host nie meine phobien untastützt; host meine wundn wieda gheilt, host die schrammen obgefeilt
host mia a gänsehaut kreiat, host mei ich wieda gonz nei foamiat, host meine schwierigkeitn entstaubt, host stets on mei unsteablichkeit glaubt; wea von dia so gean ongeleint, mei saat is wieda aufkeimt.
woa imma unzufriedn, mia woa afoch nie wos recht, hob nie gwonnen hechstens unentschiedn, kämpf gegn mi im eignen gefecht; steh gonz alla in weita flua, ziag wie imma on da foischn schnua
woa imma üblst gelaunt, hob stets noch an streit gesucht, brauch jetzt die nodl hob den kick bestaunt, bin jetzt scho long nimma auf da flucht; bin mittn drin net nua dabei, akzeptia sogoa die sklavarei
woa imma untalegn, hob mi stets dagegn gweaht, imma vü eingsteckt im schnee und regn, den exzess aufs äussaste vameaht; eagreif jede vabotne chance, manövria mi in a hoate trance
woa imma leicht aufbrausend, hob imma an streit entfocht, brauch jetzt die nodl is mei element, mei unsteablichkeit ziagt in die schlocht; is a spü zwischn guad und bös, diesa konflikt wiad seah strapaziös
mei unvasöhnlichkeit hots klima stoak getrübt, hob mi duach unzulänglichkeitn gepflügt; die defizite hom si tiaf eingraviat, wea afoch infiltriat, mei lebm hot si längst infiziat.
4) .8/12/8/10 / 7/5 ....11/8/10/9 / 6/6
hob mei zeit sinnlos vaschleudat, vaebbt aushäatend zua kolossaln föswond, da lebmsstress hot mi gfoitat, mei notfoiprogromm leist kan widastond; hob hia scho längst resigniat, hätt gean vü saniat
da freie wün vasinkt im gros, meine geheimen wünsche bleibm uneafüllt, des grauen vasetzt ma an stoss, hob meine gedonkn wieda foatgspült; die leare in mia gähnt laut, ois is scho obgflaut
die zeit is voam raum geflohn, schweb völlig schwerelos mittn im schwoazn loch, ka eaeignis is hia meah synchron, gebts ma jetzt wieda mein gsundn stoff; mei hunga no long net gstüt, so vü gia vasprüht
hob no nie des ende eablickt, hob diesn eastn obschnitt ois letzta duachqueat, hob mi in vüz vü föhla vastrickt, den laudn woanschrei stets übaheat; bin innalich taub bankrott, ois is nua no schrott
mei sprudlnde quön is endgültig vasiegt, mei dominanz hot si entthront, knebl und fessl hom si on mi gschmiegt, wea von meim dunklen drong net geschont; hob scho völlig vazagt, nix hot ma meah behagt.
5) .8/12/8/10 / 7/5 ....11/8/10/9 / 6/6
hob mei zeit sinnlos vapuivat, ealischt gemächlich gonz ohne an pauknschlog, da leistungsdruck is ausgufat, vafoss an dramatischn monolog; hob a epos inszeniat, auf da stö rotiat
mei dynamo draht si foisch herum, mei regeneration dauat scho vüz long, impf ma stets des guade serum, mei woiheagehn ziagt nie om gleichn strong; hob mein eafoig ausquartiat, hobs pech abonniat
die zeit hot füa mi ka relevanz, is nua a synonym füa vagänglichkeit, mei lebm a traurige bilanz, endet stets in an heftign streit; hob mein weadegong vafluacht, mei stian stoak zafuacht
hob nie wos om rechtn end ongfosst, hob imma in a zähe masse eintunkt, mein segn hot kana valost, des karma hot imma dazwischngfunkt; woa stets a opfa a null, bin a schlechts modul
mei euphorie is scho vakümmat gedämpft, die sensationslust is voabei, wiak in jeda hinsicht stoak obgekämpft, wea wieda vafoigt vom weissn hai; füa untauglich eakläat, endlich is ois vajäaht.
b 4) .8/8/8/8 / 9/9 ....12/9/13/8 / 8
hob niemois zu long übalegt, mei impuis woa schnö wie da blitz, da donna hot mi weggefegt, von meim übahöhtn rücksitz; mei lebmskoatn woa ma suspekt, ziagt mi in an dominoeffekt
denn jeda entschluss in meim spü, woa um hundatochzg grad vakeaht, trog vaontwoatung east im zü, mei lebm woa nie unvaseaht; strauchl üba mein eignen ruin, brauch mei söbst heagstötes vitamin
hintafrog nie mei reaktion, die hakn san söbst fabriziat, eatrog die fremde invasion, hob da eignen schuid applaudiat; bin in dem prozess voi integriat, hob zvü mit meina gsundheit jongliat
es hot imma meim rahmen gsprengt, die linie woa kuavnreich, die kreizung hot mi eingeengt, die nächste stufn mocht mi reif; steig stets heha bis zum schoafn grat, woa hia nie a guada akrobat
des gesomte panorama woa heuchelei, bin mittn in da schwoazmolarei, mei betrochtungswinkl is bereits ziemlich obgflocht, auf d‘unsichtboare maua krocht; bezoih zvü füa mei lebmspocht.
d 3) .6+6/6+12 / 8/12 ..10/13/13/14
mei weita horizont is scho ziemlich geschrumpft, die stoak bröcklnde front hot bei da schwochn gegnweah net meah auftrumpft; mei zukunft is net definiat, do iagendwea hot mei schlechts gwissn obmontiat
mei eigne resonanz auf mei philosophie, eazeugt a diskrepanz zwischn nihilimus und da schizophrenie; hätt diesn spoit gean wieda gstopft, jede paranoia hot nua bei mia onklopft
bestrof mi endlich mit an peitschnhieb, brüll befehle ins oah füa mein söbsteahoitungstrieb, bring mi wieda zruck zu meim realitätsprinzip, begleit mi auf meim psychedelisch transzentaln trip
diese gleichgültigkeit mocht mi gonz indolent, diese treffsichaheit in jede foin zu tappm is a kompliment; hob hia no nie improvisiat, hob bindend unwidaruflich kapituliat
mei lebmsvaneinung reisst den fodn entzwei, mei gesomteascheinung schmüzt zum düstren melancholischn einheitsbrei; varüah so long bis ois aufschäumt, oi meine guadn voasätz hom si stets aufbäumt
bestrof mi mit da geissl stundnlong, brandmark mi mit deim glühendn eisn zum ausklong, i hoff i find endlich boid den günstign ausgong, do i vahedda mi stets in an klebrign voahong.
e 2) .13/13 / 9/6/9 ....9/8/9/8 / 9/6
hob die vün rückschläg nie so richtig guad vadaut, jeds fiasko hot den missmut imma meah aufgstaut; jeds malheur bringt mi näha zum rond, wo is nua mei vabond, entzünd inwendig an flächnbrond
hob meine saubledn paroin stua auswendig gleant, hob daduach die hemmschwön zu hoatn drogn entkeant; woa kreativ und univeasell, da trip wie a skalpell, bins ölige bluad aufm aquarell
hob mei eigne individualität nie gwusst, mei ondasoatigkeit woa imma scho seah robust; mei konfoamität hot si nie glohnt, hob stets ois foisch vatont, mei sö hot in an morast gewohnt
hob meine kontroveasn rabiat heftig gfüaht, hob mi donn zum begünstigtn da drogn geküat; mei phantasie afoch genial, bewoch mei arsenal, kreia mein eignen heilign gral
hoi mi endlich ausm labyrinth, voi mit schmiarig schlüpfrigem schleim, hoi mi ausm mattn spieglbüd, muasst mi jetzt endlich moi befrein; hoi mi aus diesm krisnhead, füah mi zum damoklesschweat
hoi mi endlich aus diesa spiroin, voi mit lebmsgfäahlichm schleim, hoi mi weg von diesn opfaschoin, muasst mi zum letztn moi befrein; hoi mi jetzt aus diesm sündnpfuhl, füah mi zum lebmsstuhl.
f 1) .9/10/10/10 /5/6
weafts ma kane stana in den weg, da regnbogn is mei woiknsteg, schlogts ma kane nägl duachs knochnmoak, legts mi jo no net in an offnen soag; hob no so vü voa, öffnets des lebmstoa
woats bitte no aufs einbalsamian, muass mi jetzt unbedingt no konzentrian, ziagts ma jo kan gstriegltn onzug on, bin do gonz real und no ka phantom; steh direkt voa eich, in unsam lebmsreich
kontrolliats jetzt bitte mei system, eia befund woa bestimmt a vasehn, hea do des rhythmische schlogn vom heaz, glaubts mas mit mia gehts wieda steu aufwäats; oi meine fünf sinn, san do ewig jung bliem
hob hia an eindeutign beweis, diese schienen füahn zu kan obstögleis, hob no imma oi mei weisheit beinond, streichl sonft die sunn und tonz mitm mond; hoit hia a ondocht, da komet mit mia locht
zweiflts net on meim eafoahrungsweat, hob scho längst oi meine gifte entleeat, hob scho mei wiedagebuat eingeweiht, füa diese endlose unsteablichkeit; bin dafüa geboan, hob ewge treue gschwoan.
ch 1d) .7+6/8+9 / 10/10
hob scho so vü heilmittl testet und ausprobiat, hob mein eignen eahntitl bei jeda gelegnheit doziat, hob ma a obhondlung zusommengreimt, iagendwos ondas is in mia aufkeimt
hob die vün parabln afoch dezent vasäumt, hob mi beim vaschlungnen kabl um mein hois widasetzt und aufbäumt, hob mi a bissl gweaht ziagt si jetzt zomm, bin wie a oida austrockneta schwomm
hob scho bei jedm audit des richtige onkreuzt, hob bei meim lebmsdefizit scho so vü fade wochn obghoizt, hob oi die passendn sinnsprüch vaneint, bin mit dia endlich boid wieda vaeint
mia hom meine infeanos nie so richtig berüaht, hob den nachhoi meina echos beim goidanen schuss seah weit vasprüht, hob unsre wuazln iatümlich gekappt, host mi dabei auf frischa tat eatappt.
ch 2c) .8/9/9/9 / 8 (7)/7 (8)
host mi mit da wüdheit ongsteckt, host mi mit deim brunftgeschrei aufgschreckt, host deine begiadn net im griff, host imma a koatn füa dei schiff; dei onka is füa mi bestimmt, host des licht dezent gedimmt
dei wollust is in mia mutiat, host mia dei ekstase injiziat, host dei negligé voa mia drapiat, host ma deine lippm präsentiat; spazia gean in dei venusfoin, zeigst ma deine schoafn kroin
host mi mit deina glut eingheizt, host mei erogene zone greizt, host mi in an sinnestauml drängt, host mi zwischn wahn und rausch einzwängt; host dein sadismus ausglebt, mei gesomta keapa hot bebt
host mein intimstn tram woah gmocht, host meim ich nua des beste beschofft, host meine barrikadn entstaubt, host stets on mei unsteablichkeit glaubt; host mi beim geissln ongegrinst, bin do dei liebesgespinst.
ch 3b) .7/7/10/9 / 8/9 ....12/11 / 12/6/9
stond imma scho unta strom, woa mit mia nie im gleichklong, trog tiaf in mia a kronkes chromosom, vaspüa wieda an komischn drong; hob unta deina willküa bebt, bin den reinen quoin zugestrebt
woa imma seah vabittat, mei zoan is glei detoniat, brauch jetzt die nodl hob wieda zittat, fühl mi wieda nei synchronisiat; die sauce is mei pure essenz, entziagt ma boid mei lebmslizenz
woa imma scho a rebell, hob mi gegn ois aufglehnt, woa imma vawicklt in an duell, hob mei niedalog heabeigesehnt; suach den ultimativn kick, stapf trunkn wie duach ölign schlick
woa imma wie a vuikan, a eruptiva ausbruch, brauch die nodl is wie weicha balsam, mei unsteablichkeit kummt zu besuch; is a spü zwischn bes und gut, die lebmsgfoah is hia seah akut
mei unnochgiebigkeit hot den druck no vastäakt, hob mi duach mei unvoikommenheit geweakt; hob meina eignen onhoitendn flaute trotzt, hob nua no schmarotzt, mei lebm hotn tod mit hoss onglotzt.
ch 4a) 10/7/10/7 / 10/7
hob da mei unsteablichkeit vasprochn, woa mei besta zaubatrick, hob dabei jedn rekoad gebrochn, do donn gabs a missgeschick; diesa patza losst si net meah kaschian, wiad von alla eskalian
hob da scho längst mei testament gebm, is vasieglt und kodiat, hob leida no kane siebm lebm, hob mi geane stimuliat; tauch ein in a flüssige atemluft, umspült von an siassn duft
hob no so vü meglichkeitn gfundn, do dafüa woas scho zu spät, hob mi donn wieda mit dia vabundn, füa diese vitalität; hom die tentakl und fühla ausgfoahn, miss ois mit meine sensoan
in halluzinationen vasunkn, begreif i des gonze sein, hob doat oi des wissn leagetrunkn, meditia beim totnschrein; entzünd räuchastäbchen san fost vabronnt, hob mi jetzt tiefnentsponnt
hob di noch longa zeit endlich troffn, füa mi woas a ewigkeit, unsre beziehung woa untabrochn, wegn diesa unsteablichkeit; ruh endlich wieda in deim wachn schoss, bist mei rettendes floss.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 27./28. februar // 01./02./03./04./05./06. märz 2019.pk. – überarbeitet vom 17./24. september // 06./07./08. /13./15./20./21. oktober 2023.pk
copyright by philipp kirschner.pk. untermalt mit musik von augury, irreversible mechanism, oubliette, shokran, virulent depravity, virvum, the zenith passage,
****************************************************************** nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .8/12/8/10 / 7/5
loss die zeit sinnlos vastreichn, fliesst in wogendn wön in die vagongenheit, woit do no so vü eareichn, do mei easta schritt is no net bereit; ziag die deckn üban kopf, drück den ruheknopf
hob mein ontrieb scho längst valoan, da motoa stottat und stoipat nua so dahin, hob den foischn kroftstoff eakoan, in mia san nua grosse mülldeponien; ois sommlt si im gemüt, da mist is aufblüht
die zeit is sinnlos vaflogn, hot si in hechstgeschwindigkeit in luft aufglöst, hob mi afoch söbst betrogn, hob ma mei lethargie söbst eingeflösst; mei eifa is längst obgflaut, hob scho zvü obbaut
hob nie wos zu an ende brocht, da easte onspoan woa donn glei wieda vasiegt, hob donn nie vü drüba nochdocht, woa mit mia söba nie in an konflikt; bin im reinen mit meim ich, loss mi nie im stich.
b 1) .8/8/8/8 / 9/9
hob so vü völlig foisch onpockt, hob mei vaschuidn maximiat, hob mi söbst in a foin glockt, hob mein weadegong akzeptiat; hob vü obstecha und schlenka gmocht, hob nie wiaklich vü drüba nochdocht
vasuach mi on an kompromiss, do des foit ma goa net so leicht, untastütz mei innres valies, bin füas lebm no net geeicht; nimm von oim nua den mittlan weat, bei mia is ois seitnvakeaht
hob an onspruch auf qualität, hob mi do imma stets bemüht, brauch hia nua meah stabilität, mei weisheit is scho boid vaglüht; meine früchte san unausgereift, bin vom zü imma zu seah obgschweift
hob oft den status foisch eingschätzt, hob gnua noabm auf meina haut, hob vieln innalich valetzt, drum hot ma kana meah vatraut; die meistn hom si von mia obgwondt, hob eana no flüche nochgesondt.
ch 1a) .7+6/8+9 / 10/10
hob scho so vü beweise untan teppich gekeaht, hob auf meina weitn reise den zugriff auf gefühle vaweaht, hob diesn entschluss scho vüz oft bereut, iagendwos ondas hot mi übaroit
hob oi die vün zeichn nie so richtig eakonnt, hob die entscheidendn weichn demontiat eingschmoizn und vabronnt, meine schienen san rostig desolat, längst aufplotzt is mei schlecht vaschweisste naht
hob meine analysn ois gonz korrekt ongsehn, mecht den zoihreichn genüssn olle obscheulichkeitn ondrehn, mei wesn is scho finsta stoa und koit, hob mi om guadn leida net ongschnoit
hob meine katastrophn glei wieda ausradiat, hob des vagebliche hoffn auf an kloan freispruch ignoariat, hob mi mitm negativm vaknüpft, bin hia meina bestimmung net entschlüpft.
2) .8/12/8/10 / 7/5 ....11/8/10/9 / 6/6
hob diese zeit sinnlos vaschenkt, fliesst ois vaschleiata lichtstroih duachs vakuum, hob mi söbst zu seah eingeschränkt, foi scho wieda tiaf ins delirium; von diesa suppm vaschluckt, hot mi net ausgspuckt
mei magnetföd is scho zasteat, die pole hom kane linien meah eazeugt, mei wechslwiakung is vazeat, wuade hia nua no vom chaos vafoigt; bese strohlung inhaliat, duachs lebm laviat
diese zeit is vüz schnö gschmoizn, hot si spielend leicht von meim kronkn ich befreit, woit mein ozean duachkreuzn, hinta meina passivität eingreiht; bin in meim phlegma vahoat, die neigia vaschoat
hob no nie a ende eareicht, des easte positive resultat negiat, den dichtn nebl nie vascheicht, bin von meim longen weg nie deseatiat; nimm jedn umweg in kauf, hob hüadn ois brauch
mei motivation is komplett zommbrochn, mei onspoan is aufm tiafststond, hob mi ins finstaste eck vakrochn, befind mi geistig im niemondslond; bin scho völlig easchöpft, mei elan bleibt zuaknöpft.
b 2) .8/8/8/8 / 9/9 ....12/9/13/8 / 8
hob hia nie intaresse zeigt, die einsomkeit freiwillig gwöht, bin hia imma vüz fruah obzweigt, hob mi bei meine schritt vazöht; hob mei orientierung valoan, woa nie zua begeistarung geboan
nie gleant wies lebm funktioniat, mei entwicklung woa instabil, hob jede stufn sabotiat, gänzlich undicht woa mei ventil; woa nie flexibl oda geschickt, bin stets unta hohem druck einknickt
nimm ma söbst mein eignen voarong, den gegnseitign respekt, da untaschied a neionfong, in dem befristetn projekt; renn stets mitm kopf gegn a wond, des brett davoa übt scho den aufstond
meine weate woan niemois kloa, hob füa mi nie a credo ghobt, bin ständig wie in an laboa, woa hia no nie seah kompfeaprobt; hob on voikommne harmonie glaubt, hob mi im scheinfriedn fest vaschraubt
mei eawoatung woa foisch genau des gegnteil, hob kan foischiam a ka rettungsseil, meine peaspektivn stehn unta kan höhn stean, find kan mittlpunkt hob kan kean; um mi herum nua lebmsspean.
d 1) .6+6/6+12 / 8/12 ..10/13/13/14
mei übalebmsgschicht steht scho längst in an buach, diese trübe feansicht schloft vaboagn unta an netzoatign tuach; die zukunft bleibt hia ungewiss, do iagendwo lauat mei eigne nemesis
mei eainnarungsbüd is nua no schwoaz und grau, mei diskreta schutzschüd is bei da obweah afoch nua no ungenau; es entstehn hia scho vüz vü riss, mei phantasie mutiat zua eignen genesis
brauch endlich wieda dei füahrende hond, gib ma bitte nua an klan teil von deim vastond, bring mi wieda zruck in a echte realität, beweis ma endlich mei eigne woahre identität
mei gedächtnisvalust hebt si in die potenz, mei vazweiflta frust vameaht no diese peasönliche diffarenz; steh mittn in da finstanis, wü eam endlich umdrehn diesn rostign spiess
mei lebmsmüdigkeit foit in an tiafn schlof, mei intime woahheit soagt wieda moi füa an explosivn zündstoff; mei maue psyche und physis, vasickan wie in zeitlupm in an valies
brauch endlich wieda dein feinen instinkt, host mi jetzt mit deim logischn bewusstsein valinkt, hoff doss ka resistenta virus in mi eindringt, do jeds lebendige experiment kläglich misslingt.
ch 1b) .7+6/8+9 / 10/10
hob scho so vü papiare peafekt gföscht und kopiat, hob bei meim undeutlichn gschmiare wahnvoastellungen praktiziat, ois bis ins klanste richtig übasetzt, iagendwos ondas hot mi gjogt und ghetzt
hob die vün symbole völlig ondas ealebt, hob die oidn protokolle nochträglich vaweatet und foatgschleppt, meine aktn vagübt hom si vafäabt, hob übaroi mei monogramm einkeabt
hob meine prognosn volla details kundgemocht, hob diesn metamorphosn olle fintn und kunstgriff beibrocht, hob mei äussre schoin scho obgwetzt, hob mi leida innalich net vanetzt
hob meine schicksoisschläg nie ois schweawiegend eingstuft, hob diese schwiarign fluchtweg nie mit meina präsenz untasucht, hob scho mei söbstzastearung voaheagsogt, hob die gerechtigkeit nie hintafrogt.
ch 2a) .8/9/9/9 / 8 (7)/7 (8)
host mi mit deim feia eanäaht, host mi mit deina aura bekeaht, host mi mit deina liebe umhüllt, host mi mit friedlicha stün befüllt; kuschl mi in dein weichn schoss, wiakt wie a schwocha stromstoss
host mi rund um die uah liebkost, host mi mit deina passion umtost, host mei sö mit deina sö vaschweisst, host mi mit deinen klängen einkreist; summst ma a ruhiges schloflied, hob mi nua voa dia niedakniet
host ma mei woatezeit vaküazt, host mi mit deina libido gwüazt, host mi aus jeda zwongslage ghoit, host oi meine ängste übamoit; host di künstlarisch austobt, wia zwa woan scho fost wie valobt
host mi gstreichlt innig umoamt, host mei ich imma wieda nei gfoamt, host die vün probleme entlaubt, host stets on mei unsteablichkeit glaubt; bin da hörig völlig vafoin, füahst mi duach die ewign hoin.
hob mei zeit sinnlos vaschwendet, fliesst ois zähflüssige masse duach mei dasein, so vü bleibt no unvoiendet, eastoa donn scho wieda fost zu gestein; hob mi net meah zvü bewegt, bin scho leagefegt
die reseavn san fost vabraucht, mei eneagie pfeift ausm ollaletztn loch, mei stäake is scho untataucht, steh wieda im wüdn eiskoitn boch; eafria scho om söbstmitleid, a kerl ohne schneid
die zeit bleibt donn spualos vaschoin, hot si in den weitn des wödois guad vasteckt, woit die galaxien net vastreun, hob die longeweile vüz fruah aufgweckt; bin im homstarad aufgwocht, is a schwere frocht
hob no nie wos zu ende gfüaht, hob no nie den eastn schwung so richtig ausgnutzt, hob die knotn vüz fest vaschnüat, hob meine fliagl imma söba gstutzt; mei auftrieb hot stoak obbremst, bin wie a gespenst
meine triebfedan san längst ausgeleiat, da neavnkitzl is ausglaugt, mei lebm hot scho long nix meah gfeiat, meine stimuli wuadn ausgsaugt; hob scho längst ausgedient, geh mitm lauen wind.
b 3) .8/8/8/8 / 9/9 ....12/9/13/8 / 8
woa imma scho a egoist, hob nie in ana gruppm gspüt, woa scho eha da antichrist, hob mit meim pfeil imma foisch züt; woa mit mia söba stets spinnefeind, hob mi söba om zaun ongeleint
schwimm hia imma scho gegan strom, moch ois gonz ondas ois eaträumt, mutia zu an schoafn phantom, hob mi gegn willküa aufbäumt; woa imma mei eignes antonym, bin einzwängt in an engen kostüm
mei fassade bröcklt scho ob, mei kompetenz nie offnboat, bin gfongen im kaleidoskop, hob ma diesn moment bewoaht; drah mi ständig in an gschlossnen kreis, füah mi übas hauchdünne glotteis
jede entscheidung fällts uateil, hot a wiaksome konsequenz, hoit mi fest om schwean unheil, vaia mi in da existenz; vamiss den magischn ozean, gonz unelastisch is mei membran
oi mei hoffn woa vageblich ohne substanz, spia in mia kan aufschwung a kan glonz, meine meglichkeitn san vaschlissn obgestumpft, in meim martyrium vasumpft; mei lebmsraum is ziemlich gschrumpft.
d 2) .6+6/6+12 / 8/12 ..10/13/13/14
meine anekdotn besitzn kan humoa, die klanen fussnotn wean zwongsweise eingspeat im engen korridoa; mei zukunft is no unbestimmt, do iagendwo a zoata lichtschimma vaglimmt
mei woahnehmungsbereich is scho ziemlich begrenzt, im vasondetn teich wuade im trübm gfischt und vafaultes kredenzt; oi meine neavn san scho blind, hob des fragil sehende medium gemimt
woat scho auf dei beföhlendes signal, eakläa ma diese kompliziate wöd rational, bring mi zruck zu meim reglmässign intavall, do bewoah mi bitte voam deftig hoatn aufprall
diese vagesslichkeit hot mi scho übaschwemmt, mei weite zastreutheit hot si auf mein gonzn oaganismus ausdehnt, lausch dem rauen flüstandn wind, fühl mi kla wies unschuidig neigeboane kind
mei lebmsübadruss is voigfressn und sott, und mei algorithmus setzt si söba in da weitn wüstn schachmott, meine innarein san vamint, bin üba mei aggressive hüflosigkeit eagrimmt
woat scho long auf dei gesetz dein auftrog, reagia do endlich auf jede anzelne frog, hoff i schlof auf kan unbequemen hoatn steinblock, do i benötig scho dringend an kompaktn gehstock.
e 1) .13/13 / 9/6/9 ....9/8/9/8 / 9/6
hob mit meina eahlichkeit vü glogn und vadreht, des negative hot si imma weita aufbläht; jede option wiaft mi aus da bahn, hob no imma kan plan, jeda splitta wiad zum stählanen span
hob meine schwächn glei ois unfähigkeit getoant, diese lücke hot mi no zu meah drogn ongspoant; jede fremde hüf hot nua vasagt, bin scho fost gonz obgnagt, steh mit niemondn meah in kontakt
hob mei zuvalässigkeit leichtsinnig obgeschofft, hob mi mit meina zwiespoitigkeit lautstoak gezofft; jeda wahn hot si manifestiat, hob mi darauf fixiat, hob ma olle chancen ruiniat
mei strikte vehemenz füas lebm hot net meah gwiakt, hob mit meina ängstlichn oat feig und schüchtan ziapt; des ungeheua bleibt jetzt vaschoin, die lawin kummt ins roin, foahs longsom aus meine stumpfn kroin
hoi mi endlich aus diesm kreislauf, voi mit pessimistischem schleim, hoi mi aus diesm giftign rauch, muasst mi jetzt endgültig befrein; hoi mi endlich aus diesn misean, füah mi zu ondren sphäan.
ch 1c) .7+6/8+9 / 10/10
hob scho so vü unglück onzogn und übalebt, hob jeds anzelne gegnstück mit meim untadrücktn hoss zuaklebt, hob jede longe etappe eafosst, iagendwos ondas is in mia vablosst
hob so vü allegorien scho mit metaphan kreizt, hob meine vün anomalien scho bis zua schmeazgrenzn gespreizt, meine widasprüch logisch paradox, somml ois in meina gedonknbox
hob die korrekte veasion wieda in umlauf brocht, hob mei desaströse vision mit vü täuschungsmanövan obgflocht, hob mein geduidsfodn vüz schnö vaprasst, steiga damit mein schwoazweissn kontrast
hob meine tragödien afoch net glei bemeakt, hob meine zwischnstadien aufm weg zum plateau no bestäakt, hob mi duach mein masochismus oft quöt, hob ma mein moabidn geist söbst entstöt.
host mi mit deim stuam übaroscht, host mi mit deina nocktheit vanoscht, host mi mit deim rotn mund vafüaht, host mit mia den höhepunkt geküat; deine rundungen elegant, bist mei roha diamant
host mi so intensiv vawöhnt, host bei unsra liebeskunst aufgstöhnt, host nua mit mia des gleichgwicht heagstöt, host mi unta tausendn eawöht; bist füa mi des unikat, dei zung is so feucht delikat
host mi erotisch eingeseift, host meine wüdn träume duachstreift, host mi voa jedm obgrund beschützt, host nie meine phobien untastützt; host meine wundn wieda gheilt, host die schrammen obgefeilt
host mia a gänsehaut kreiat, host mei ich wieda gonz nei foamiat, host meine schwierigkeitn entstaubt, host stets on mei unsteablichkeit glaubt; wea von dia so gean ongeleint, mei saat is wieda aufkeimt.
woa imma unzufriedn, mia woa afoch nie wos recht, hob nie gwonnen hechstens unentschiedn, kämpf gegn mi im eignen gefecht; steh gonz alla in weita flua, ziag wie imma on da foischn schnua
woa imma üblst gelaunt, hob stets noch an streit gesucht, brauch jetzt die nodl hob den kick bestaunt, bin jetzt scho long nimma auf da flucht; bin mittn drin net nua dabei, akzeptia sogoa die sklavarei
woa imma untalegn, hob mi stets dagegn gweaht, imma vü eingsteckt im schnee und regn, den exzess aufs äussaste vameaht; eagreif jede vabotne chance, manövria mi in a hoate trance
woa imma leicht aufbrausend, hob imma an streit entfocht, brauch jetzt die nodl is mei element, mei unsteablichkeit ziagt in die schlocht; is a spü zwischn guad und bös, diesa konflikt wiad seah strapaziös
mei unvasöhnlichkeit hots klima stoak getrübt, hob mi duach unzulänglichkeitn gepflügt; die defizite hom si tiaf eingraviat, wea afoch infiltriat, mei lebm hot si längst infiziat.
4) .8/12/8/10 / 7/5 ....11/8/10/9 / 6/6
hob mei zeit sinnlos vaschleudat, vaebbt aushäatend zua kolossaln föswond, da lebmsstress hot mi gfoitat, mei notfoiprogromm leist kan widastond; hob hia scho längst resigniat, hätt gean vü saniat
da freie wün vasinkt im gros, meine geheimen wünsche bleibm uneafüllt, des grauen vasetzt ma an stoss, hob meine gedonkn wieda foatgspült; die leare in mia gähnt laut, ois is scho obgflaut
die zeit is voam raum geflohn, schweb völlig schwerelos mittn im schwoazn loch, ka eaeignis is hia meah synchron, gebts ma jetzt wieda mein gsundn stoff; mei hunga no long net gstüt, so vü gia vasprüht
hob no nie des ende eablickt, hob diesn eastn obschnitt ois letzta duachqueat, hob mi in vüz vü föhla vastrickt, den laudn woanschrei stets übaheat; bin innalich taub bankrott, ois is nua no schrott
mei sprudlnde quön is endgültig vasiegt, mei dominanz hot si entthront, knebl und fessl hom si on mi gschmiegt, wea von meim dunklen drong net geschont; hob scho völlig vazagt, nix hot ma meah behagt.
5) .8/12/8/10 / 7/5 ....11/8/10/9 / 6/6
hob mei zeit sinnlos vapuivat, ealischt gemächlich gonz ohne an pauknschlog, da leistungsdruck is ausgufat, vafoss an dramatischn monolog; hob a epos inszeniat, auf da stö rotiat
mei dynamo draht si foisch herum, mei regeneration dauat scho vüz long, impf ma stets des guade serum, mei woiheagehn ziagt nie om gleichn strong; hob mein eafoig ausquartiat, hobs pech abonniat
die zeit hot füa mi ka relevanz, is nua a synonym füa vagänglichkeit, mei lebm a traurige bilanz, endet stets in an heftign streit; hob mein weadegong vafluacht, mei stian stoak zafuacht
hob nie wos om rechtn end ongfosst, hob imma in a zähe masse eintunkt, mein segn hot kana valost, des karma hot imma dazwischngfunkt; woa stets a opfa a null, bin a schlechts modul
mei euphorie is scho vakümmat gedämpft, die sensationslust is voabei, wiak in jeda hinsicht stoak obgekämpft, wea wieda vafoigt vom weissn hai; füa untauglich eakläat, endlich is ois vajäaht.
b 4) .8/8/8/8 / 9/9 ....12/9/13/8 / 8
hob niemois zu long übalegt, mei impuis woa schnö wie da blitz, da donna hot mi weggefegt, von meim übahöhtn rücksitz; mei lebmskoatn woa ma suspekt, ziagt mi in an dominoeffekt
denn jeda entschluss in meim spü, woa um hundatochzg grad vakeaht, trog vaontwoatung east im zü, mei lebm woa nie unvaseaht; strauchl üba mein eignen ruin, brauch mei söbst heagstötes vitamin
hintafrog nie mei reaktion, die hakn san söbst fabriziat, eatrog die fremde invasion, hob da eignen schuid applaudiat; bin in dem prozess voi integriat, hob zvü mit meina gsundheit jongliat
es hot imma meim rahmen gsprengt, die linie woa kuavnreich, die kreizung hot mi eingeengt, die nächste stufn mocht mi reif; steig stets heha bis zum schoafn grat, woa hia nie a guada akrobat
des gesomte panorama woa heuchelei, bin mittn in da schwoazmolarei, mei betrochtungswinkl is bereits ziemlich obgflocht, auf d‘unsichtboare maua krocht; bezoih zvü füa mei lebmspocht.
d 3) .6+6/6+12 / 8/12 ..10/13/13/14
mei weita horizont is scho ziemlich geschrumpft, die stoak bröcklnde front hot bei da schwochn gegnweah net meah auftrumpft; mei zukunft is net definiat, do iagendwea hot mei schlechts gwissn obmontiat
mei eigne resonanz auf mei philosophie, eazeugt a diskrepanz zwischn nihilimus und da schizophrenie; hätt diesn spoit gean wieda gstopft, jede paranoia hot nua bei mia onklopft
bestrof mi endlich mit an peitschnhieb, brüll befehle ins oah füa mein söbsteahoitungstrieb, bring mi wieda zruck zu meim realitätsprinzip, begleit mi auf meim psychedelisch transzentaln trip
diese gleichgültigkeit mocht mi gonz indolent, diese treffsichaheit in jede foin zu tappm is a kompliment; hob hia no nie improvisiat, hob bindend unwidaruflich kapituliat
mei lebmsvaneinung reisst den fodn entzwei, mei gesomteascheinung schmüzt zum düstren melancholischn einheitsbrei; varüah so long bis ois aufschäumt, oi meine guadn voasätz hom si stets aufbäumt
bestrof mi mit da geissl stundnlong, brandmark mi mit deim glühendn eisn zum ausklong, i hoff i find endlich boid den günstign ausgong, do i vahedda mi stets in an klebrign voahong.
e 2) .13/13 / 9/6/9 ....9/8/9/8 / 9/6
hob die vün rückschläg nie so richtig guad vadaut, jeds fiasko hot den missmut imma meah aufgstaut; jeds malheur bringt mi näha zum rond, wo is nua mei vabond, entzünd inwendig an flächnbrond
hob meine saubledn paroin stua auswendig gleant, hob daduach die hemmschwön zu hoatn drogn entkeant; woa kreativ und univeasell, da trip wie a skalpell, bins ölige bluad aufm aquarell
hob mei eigne individualität nie gwusst, mei ondasoatigkeit woa imma scho seah robust; mei konfoamität hot si nie glohnt, hob stets ois foisch vatont, mei sö hot in an morast gewohnt
hob meine kontroveasn rabiat heftig gfüaht, hob mi donn zum begünstigtn da drogn geküat; mei phantasie afoch genial, bewoch mei arsenal, kreia mein eignen heilign gral
hoi mi endlich ausm labyrinth, voi mit schmiarig schlüpfrigem schleim, hoi mi ausm mattn spieglbüd, muasst mi jetzt endlich moi befrein; hoi mi aus diesm krisnhead, füah mi zum damoklesschweat
hoi mi endlich aus diesa spiroin, voi mit lebmsgfäahlichm schleim, hoi mi weg von diesn opfaschoin, muasst mi zum letztn moi befrein; hoi mi jetzt aus diesm sündnpfuhl, füah mi zum lebmsstuhl.
f 1) .9/10/10/10 /5/6
weafts ma kane stana in den weg, da regnbogn is mei woiknsteg, schlogts ma kane nägl duachs knochnmoak, legts mi jo no net in an offnen soag; hob no so vü voa, öffnets des lebmstoa
woats bitte no aufs einbalsamian, muass mi jetzt unbedingt no konzentrian, ziagts ma jo kan gstriegltn onzug on, bin do gonz real und no ka phantom; steh direkt voa eich, in unsam lebmsreich
kontrolliats jetzt bitte mei system, eia befund woa bestimmt a vasehn, hea do des rhythmische schlogn vom heaz, glaubts mas mit mia gehts wieda steu aufwäats; oi meine fünf sinn, san do ewig jung bliem
hob hia an eindeutign beweis, diese schienen füahn zu kan obstögleis, hob no imma oi mei weisheit beinond, streichl sonft die sunn und tonz mitm mond; hoit hia a ondocht, da komet mit mia locht
zweiflts net on meim eafoahrungsweat, hob scho längst oi meine gifte entleeat, hob scho mei wiedagebuat eingeweiht, füa diese endlose unsteablichkeit; bin dafüa geboan, hob ewge treue gschwoan.
ch 1d) .7+6/8+9 / 10/10
hob scho so vü heilmittl testet und ausprobiat, hob mein eignen eahntitl bei jeda gelegnheit doziat, hob ma a obhondlung zusommengreimt, iagendwos ondas is in mia aufkeimt
hob die vün parabln afoch dezent vasäumt, hob mi beim vaschlungnen kabl um mein hois widasetzt und aufbäumt, hob mi a bissl gweaht ziagt si jetzt zomm, bin wie a oida austrockneta schwomm
hob scho bei jedm audit des richtige onkreuzt, hob bei meim lebmsdefizit scho so vü fade wochn obghoizt, hob oi die passendn sinnsprüch vaneint, bin mit dia endlich boid wieda vaeint
mia hom meine infeanos nie so richtig berüaht, hob den nachhoi meina echos beim goidanen schuss seah weit vasprüht, hob unsre wuazln iatümlich gekappt, host mi dabei auf frischa tat eatappt.
ch 2c) .8/9/9/9 / 8 (7)/7 (8)
host mi mit da wüdheit ongsteckt, host mi mit deim brunftgeschrei aufgschreckt, host deine begiadn net im griff, host imma a koatn füa dei schiff; dei onka is füa mi bestimmt, host des licht dezent gedimmt
dei wollust is in mia mutiat, host mia dei ekstase injiziat, host dei negligé voa mia drapiat, host ma deine lippm präsentiat; spazia gean in dei venusfoin, zeigst ma deine schoafn kroin
host mi mit deina glut eingheizt, host mei erogene zone greizt, host mi in an sinnestauml drängt, host mi zwischn wahn und rausch einzwängt; host dein sadismus ausglebt, mei gesomta keapa hot bebt
host mein intimstn tram woah gmocht, host meim ich nua des beste beschofft, host meine barrikadn entstaubt, host stets on mei unsteablichkeit glaubt; host mi beim geissln ongegrinst, bin do dei liebesgespinst.
ch 3b) .7/7/10/9 / 8/9 ....12/11 / 12/6/9
stond imma scho unta strom, woa mit mia nie im gleichklong, trog tiaf in mia a kronkes chromosom, vaspüa wieda an komischn drong; hob unta deina willküa bebt, bin den reinen quoin zugestrebt
woa imma seah vabittat, mei zoan is glei detoniat, brauch jetzt die nodl hob wieda zittat, fühl mi wieda nei synchronisiat; die sauce is mei pure essenz, entziagt ma boid mei lebmslizenz
woa imma scho a rebell, hob mi gegn ois aufglehnt, woa imma vawicklt in an duell, hob mei niedalog heabeigesehnt; suach den ultimativn kick, stapf trunkn wie duach ölign schlick
woa imma wie a vuikan, a eruptiva ausbruch, brauch die nodl is wie weicha balsam, mei unsteablichkeit kummt zu besuch; is a spü zwischn bes und gut, die lebmsgfoah is hia seah akut
mei unnochgiebigkeit hot den druck no vastäakt, hob mi duach mei unvoikommenheit geweakt; hob meina eignen onhoitendn flaute trotzt, hob nua no schmarotzt, mei lebm hotn tod mit hoss onglotzt.
ch 4a) 10/7/10/7 / 10/7
hob da mei unsteablichkeit vasprochn, woa mei besta zaubatrick, hob dabei jedn rekoad gebrochn, do donn gabs a missgeschick; diesa patza losst si net meah kaschian, wiad von alla eskalian
hob da scho längst mei testament gebm, is vasieglt und kodiat, hob leida no kane siebm lebm, hob mi geane stimuliat; tauch ein in a flüssige atemluft, umspült von an siassn duft
hob no so vü meglichkeitn gfundn, do dafüa woas scho zu spät, hob mi donn wieda mit dia vabundn, füa diese vitalität; hom die tentakl und fühla ausgfoahn, miss ois mit meine sensoan
in halluzinationen vasunkn, begreif i des gonze sein, hob doat oi des wissn leagetrunkn, meditia beim totnschrein; entzünd räuchastäbchen san fost vabronnt, hob mi jetzt tiefnentsponnt
hob di noch longa zeit endlich troffn, füa mi woas a ewigkeit, unsre beziehung woa untabrochn, wegn diesa unsteablichkeit; ruh endlich wieda in deim wachn schoss, bist mei rettendes floss.
geschrieben am 27./28. februar // 01./02./03./04./05./06. märz 2019.pk. – überarbeitet vom 17./24. september // 06./07./08. /13./15./20./21. oktober 2023.pk
copyright by philipp kirschner.pk. untermalt mit musik von augury, irreversible mechanism, oubliette, shokran, virulent depravity, virvum, the zenith passage,
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen