284. | woikn weinen.

 
284. | Woikn weinen.
1)
Des feia brennt lodand in hohe atmosphean, diesa riesige orange-rode boi muass si jetzt endlich weahn
Diese hitz nimmt stetig kontinuialich zua, denn sei stüamisch wüd aufglodna wind kumt afoch niemois zu ruah
Die kugl woxt longsom in an menschnlebm, bis zum rotn riesn wiads hia no gnua katastrophn gebm.
Des feia brennt lodand hö on da frischn luft, und da giftige rauch vabreitet an bestialischn duft
In diesa hitz zafoit ois zu aschn und staub, da lauwoame wind hot den flommen sei geheimnis onvatraut
Unsre eadn wiad si auch amoi eahebm, bis zu iahm aufschrei wiads hia no gnua katastrophn gebm.
2)
Des feia brennt lodand auf an ealoschnen beag, da orange-rode strom vawondlt den obhong in a kunstweak
Da pyroklastische strom übaroit des lond, in diesa glutlawine bleibt ma gfongen, entkommt ka vastond
Unsa planet mecht in seina gschicht mitredn, bis wia die woanungen vastehn, wiads no gnua katastophn gebm.
ch 1a)
      Und schweare schwoaze woikn weinen, und heuln iahre tiafe traua auf uns hearob
      Und bese vorzeichn eascheinen, und vakündn von vadeabm, seichn und tod
      Und diese milliadn tränen, sammln si zua flut, bringen ois wieda ins lot
      Und des wossa wiad si ausdehnen, und eahebt si zua hohn wond ohne rettungsboot.
3)
Des feia brennt lodand im bewohntn gebiet, die explosionen easchüttan die stodt, menschn hom si hinkniet
Diese hitz da gwoit sät nua vü rache und hoss, und fanatische kriega vasetzn den letztn gnodnstoss
Die menschn flüchtn ins scheinheilige betn, bis diese bittn eahöat wean, wiads no gnua katastrophn gebm.
Des feia brennt lodand im heazn, in da sö, die saat wiad düngt, unschuidige keimlinge tötn auf beföh
Die hitz is a epidemie, a krebsgeschwüa, sie woxt rasend schnö vom geöffnetn fensta zua nächstn tüa
Fraun und kinda woin die topfakeit onstrebm, bis zum heroischn einsotz wiads no gnua katastrophn gebm.
4)
Des feia brennt lodand lichtaloh und befreit, vom wödoi siagt ma die augn da schlonge, iah zung is bereit
Diese hitz wittat und riacht jedn klanstn feind, friedliche freiheitn weadn grundsätzlich sogleich strikt vaneint
Da stoiz da männa woatet auf diesn segn, bis ea in eafüllung geht, wiads no gnua katastrophn gebm.
Des feia brennt lodand, peafekt gewollt gelegt, die pyromanischn onschläg hom die voauateile vasteckt
Diese hitz eazeugt diese kötn im vastond, die gehianwäsche is geglückt, rode fleckn auf da weissn wond
Die menschheit muass den teppich zu ende webm, bis d‘letzte maschn knüft is, wiads no gnua katastrophn gebm.
ch 1b)
      Und schweare schwoaze woikn weinen, und heuln iahre tiafe traua auf uns hearob
      Und die tränen woin si vaeinen, und reinign gründlich jedn spoit bis ins grob
      Und diese milliadn seeln, schrein dröhnend noch gerechtigkeit in diesa not
      Und des wossa wiad donn ois zommzähln, und schickt die listn zu an vameintlichn gott.
ch 2a)
            Wonn wiaklich weisse woikn weinen, donn kopuliat des chaos mit da wiaklichkeit
            Wonn wiaklich graue woikn weinen, donn kollidiat dieses chaos mit raum und zeit
            Wonn wiaklich schwoaze woikn weinen, donn korrigiat des chaos die vagongenheit
            Wonn wiaklich wieda woikn weinen, donn kreiat des chaos a neue ewigkeit.
5)
Des feia brennt lodand auf jedm kontinent, jede nation, jeds voik, jeda stomm füaht sei eignes regiment
Die hitz wiad geschüat von an peaveasn symboi, die beschmutztn unreinen ealeidn an tragischn unfoi
Die woahre rass muass an treueschwua oblegn, bis zum ende da rede wiads no gnua katastrophn gebm.
Des feia brennt lodand die gonze nocht hinduach, ondasoatige kultuan rauchn aus an oidn antikn buach
Die hitz schmüzt des eabe da gesomtn menschheit, die blinde zastearungswut hosst die radikale sinnlichkeit
Die ideologie muass si no bewegn, bis si die wön endlich bricht, wiads no gnua katastrophn gebm.
6)
Des feia brennt lodand füa die lokomotiv, übafüllte waggons rattan scho togelong gonz primitiv
Die hitz bleibt auf gleicha heissa temperatua, da vasprochne nochschub kumt pünktlich im loga on in da fruah
Die besn woatn scho ungeduidig aufs fegn, bis olle spuan vawischt san, wiads no gnua katastrophn gebm.
Des feia brennt lodand aus an hohn schoanstein, die trockne vazaubate duschn füaht direkt ins ondre sein
Die hitz danoch hot kana meah so richtig gspüat, da weatvolle schmuck wiad eingesommlt und ois geschenk vaschnüat
Die gerechte woahheit miassns gwissnhoft pflegn, bis die täta übafüaht san, wiads no gnua katastrophn gebm.
7)

Des feia brennt scho lodand bis zum horizont, des obgrundtiaf bese wiad vom guadn jetzt endlich übaronnt
Diese hitz breitet endlich seine fliagl aus, die wöd atmet wieda befreit und ealeichtat ein mit vü applaus
Des guade rechnet mit vü heabm rückschlägn, bis diesa wahnsinn sei end findt, wiads no gnua katastrophn gebm.
ch 1c)
      Und schweare schwoaze woikn weinen, und heuln iahre tiafe traua auf uns hearob
      Und die seelen wean uns eascheinen, und beschuidign des defekte kaleidoskop
      Und diese milliadn wesn, legn iahre wehklogn unta des mikroskop
      Und des wossa schreibt seine thesn, und vabietet des feige friednsongebot.
ch 2b)
            Wonn wiaklich weisse woikn weinen, donn kollabiat des chaos mit da wiaklichkeit
            Wonn wiaklich graue woikn weinen, donn korrumpiat des chaos des licht, raum und zeit
            Wonn wiaklich schwoaze woikn weinen, donn kopiat dieses chaos die vagongenheit
            Wonn wiaklich wieda woikn weinen, donn kaschiat des chaos die neue ewigkeit.
ch 3a)
                  Woikn weinen afoch net so ohne grund, woikn weinen jo nua im vabund
                  Woikn weinen wonn die menschheit föhla mocht, woikn weinen om tog, in da nocht
                  Woikn weinen afoch net ohne an sinn, woikn weinen scho seit onbeginn
                  Woikn weinen wonn unsre sunn net meah locht, woikn weinen in fromma ondocht.
8)
Des feia brennt lodand im bluadigrodn schein, kriegsvafoigte flüchtlinge brennen guad in iahm eignen heim
Diese hitz raubt da feuaweah die otemluft, die übalebendn steabm glei drauf und londn in da gruft
Die rechte hond weadns wieda zum gruss hebm, bis die paroin eahöat wean, wiads no gnua katastrophn gebm.
Des feia brennt lodand im auto, im geschäft, mindaheitn wean untadrückt, gfoitat, gibt ka gesetz, ka recht
Die hitz übasteigt massiv den legaln grenzweat, a friedliches miteinonda is uneawünscht, total vakeaht
Des innaste bleibt afoch übaroi klebm, bis des a jeda vasteht, wiads no gnua katastrophn gebm.
9)
Des feia brennt lodand hö auf mensch und auf tia, hinrichtungen jeda oat weadn vollendet in ruhiga zia
Die hitz vaströmt scho an eigntümlichn gstonk, auf die vauateiltn woat scho a gonz besondas guada tronk
Da henka muass olle beweise zasägn, bis zua unkennlichkeit wiads hia no gnua katastrophn gebm.
Des feia brennt lodand hö mittn in da nocht, a bombastische kulisse in impressionistischa procht
Die hitz sprengt jedn kunstschotz, jeds orginal, des militärische regime hot befehle, oba ka moral
Da demokratie bröckln scho ihre strebm, bis da schutt übahond nimmt, wiads no gnua katastrophn gebm.
ch 1d)
      Und schweare schwoaze woikn weinen, und heuln iahre tiafe traua auf uns hearob
      Und die wesn wean si vaeinen, und woatn giarig auf des steanenhoroskop
      Und diese milliadn schottn, jogn unsan vastond im wüdestn galopp
      Und des wossa tropft auf plottn, und vagiftet stetig den nossn voarot.
ch 2c)
            Wonn wiaklich weisse woikn weinen, donn kalibriat des chaos diese wiaklichkeit
            Wonn wiaklich graue woikn weinen, donn kastriat dieses chaos des licht, raum und zeit
            Wonn wiaklich schwoaze woikn weinen, donn kompensiat des chaos die vagongenheit
            Wonn wiaklich wieda woikn weinen, donn katapultiat si des chaos ind ewigkeit.
ch 3b)
                  Woikn weinen afoch net ohne an zweck, woiken weinen in an weichn bett
                  Woikn weinen wonn die menschheit net nochdenkt, woikn weinen ois woanendes gschenk
                  Woikn weinen afoch net ohne essenz, woikn weinen mit vü effizienz
                  Woikn weinen wonn die sunn uns net meah lenkt, woikn weinen in diesm moment.
ch 4a)
                        Wonn woikn weinen, donn san die zeiga scho wieda vüz weit voagruckt
                        Wonn woikn weinen, donn hot si die natua om fremdn bluad vaschluckt
                        Wonn woikn weinen, donn hot da donna den blitz in da luft zadruckt
                        Wonn woikn weinen, donn hot die sunn iah eignes bluad vüz weit ausgspuckt.
10)
Des feia brennt lodand om feanen firmament, diesa unfreindlich grinsende komet is in seim element
Die hitz nimmt stetig kontinuialich zua, vabreitet ongst und schreckn, mocht boid sei letzte entziehungskua
Woit no amoi auf seina reisn wos ealebm, bis ea uns zäatlich küsst, wiads hia no gnua katastrophn gebm.

Des feia brennt lodand in hohe atmosphäan, sei innige liebe is wie a magnet, hot uns ja so gean

Die hitz mocht mit iahra magie ois unsichtboa, da kollektive aufschrei singt seine gebete om oitoa
Unsre eadn konn den kuss net meah behebm, bis des blau si in schwoaz vafäabt, wiads no gnua katastrophn gebm.
11)

Des feia brennt lodand in hohe atmosphäan, diesa riesige orange-rode boi muass si jetzt endlich weahn
Diese hitz nimmt stetig kontinuialich zua, denn sei stüamisch wüd aufglodna wind kumt afoch niemois zu ruah
Die kugl woxt vüz schnö in an menschnlebm, bis zum rotn riesn wiads hia kane katastrophn meah gebm.
ch 1e)
      Und schweare schwoaze woikn weinen, und heuln iahre tiafe traua auf uns hearob
      Und die schottn wean donn eascheinen, und vafluachn des letzte endgültige grob
      Und diese milliadn tränen, vadompfn auf da stö und hossn diesn tod
      Und ka wossa tropft meah beim brennen, sehn scho den apokalyptischn behemoth.
ch 2d)
            Wonn wiaklich weisse woikn weinen, donn kommandiat des chaos diese wiaklichkeit
            Wonn wiaklich graue woikn weinen, donn konfisziat des chaos des licht, raum und zeit
            Wonn wiaklich schwoaze woikn weinen, donn kolonisiat des chaos die vagongenheit
            Wonn wiaklich wieda woikn weinen, donn konstruiat des chaos die neue ewigkeit.
ch 3c)
                  Woikn weinen afoch net ohne substanz, woikn weinen in an lichtakranz
                  Woikn weinen wonn die menschheit jetzt ausstiabt, woikn weinen wonn die wöd vadiabt
                  Woikn weinen afoch net ohne inhoit, woikn weinen freiwillig mit gwoit
                  Woikn weinen wonn die sunn valiat iah licht, woikn weinen voam jüngstn gericht.
ch 4b)
                        Wonn woikn weinen, donn läutn die glockn bis zu iahm letztn schlog
                        Wonn woikn weinen, donn vahoit des echo genau om steabetog
                        Wonn woikn weinen, donn zabricht da vasteinate übalebmsstob
                        Wonn woikn weinen, donn explodiat des ollaletzte todesrod.
ch 4a)
                        Wonn woikn weinen, donn san die zeiga scho wieda vüz weit voagruckt
                        Wonn woikn weinen, donn hot si die natua om fremdn bluad vaschluckt
                        Wonn woikn weinen, donn hot da donna den blitz in da luft zadruckt
                        Wonn woikn weinen, donn hot die sunn iah eignes bluad vüz weit ausgspuckt.
ch 5a)
                              Woikn weinen reines blut, woikn entfochn a hohe flut
                              Woikn weinen reines gift, woikn schluckn afoch jedes licht
                              Woikn weinen rotn soft, woikn entziehn da natua iah kroft
                              Woikn weinen rotn stoff, woikn imitian des schwoaze loch.
ch 1a)
      Und schweare schwoaze woikn weinen, und heuln iahre tiafe traua auf uns hearob
      Und bese vorzeichn eascheinen, und vakündn von vadeabm, seichn und tod
      Und diese milliadn tränen, sammln si zua flut, bringen des nichts hia ins lot
      Und des wossa wiad si ausdehnen, und eahebt si zua hohn wond ohne rettungsboot.
 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
 
Geschrieben am 09./10./11. märz 2015.pk.
Überarbeitet am 08. jänner 2017.pk. – copyright by philipp kirschner.pk.
 
************************************************************************************

bleibt mir weiterhin gewogen.

euer philjazzmetal, der mundartige.

283. | voi danebm.

283. | voi danebm.
1) 
Du hoitst mi gfongen duach dei grosses heaz, da sonfteste augnaufschlog genügt, und scho gehts mit mia steu aufwäats
Bin jeda deina bewegung ealegn, dei zäatlicha blick mocht mi scho varückt, spia scho deinen liebesregn
Hob dei gonzes wesn auswendig gleant, jeds detail von dia hob i ma einprägt, hob sonft dei innastes entkeant
Siag dei aura mit ana leuchtkroft stroihn, hob di mit oi meina liebe zuadeckt, und mecht di jetzt gean nockt moin.
2)
Ziagst mi unobsichtlich in deinen bonn, dei siass wüaziga duft hot mi betöat, scho wead i zum brünftign monn
Deine longen hoa umrahmen dei gsicht, englsgleich liab host mei liebe beschwöat, und scho wiafst mi ausm gleichgwicht
Deine lippm flüstan hauchend mit gfüh, mei geheima traum wiad realität, und scho gwinn i des liebesspü
Aus deim voin rotn mund zeigst ma dei zung, in earotischa intimität, küsst du mei heaz, mei sö, mei lung.
ch 1a)
      Seit togn drah i mi endlos im kreis, find aus diesm labyrinth afoch kan ausgong
      Seit togn steh i aufm foischn gleis, woat volla sehnsucht auf dein liebesklong
      Seit togn fühl i mi spieglvakeaht, suach vazweiflt den weg zruck in mei woahs lebm
      Seit togn is mei vastond sinnentleat, steh bei jeda gelegnheit voi danebm.
3)
Bin nua von dia gonz alla phasziniat, bewunda dei feine grazilität, und scho woa i glei tätuwiat
Jede deina gestn giarig aufgsaugt, streichl dei weiche sensibilität, und scho host du mia mei heaz graubt
Dei schlichte eleganz vazaubat dein reiz, dei onziehungskroft is wie a magnet, drum hoit i mi fest ons diesseits
Dei vafüahrungskunst host goa net bemeakt, dei valockung host tiaf in mia gesät, scho fühl i mi daduach bestäakt.
4)
Dei eascheinung wiakt beruhigend heilsam, meine knie weadn weich, schmöz scho dahin, und scho wiast mei sonfta balsam
Dei lieblichkeit stimuliat mein vastond, mei testosteron braucht adrenalin, und scho zabricht mei widastond
Vasprühst vü unwidastehlichn scharm, bewoahst da oba dei natüalichkeit, hob in meim bauch an bienenschwarm
Wiakst so zabrechlich, so leicht vawundbar, bin dei schutzschüd füa jede widrigkeit, und scho is ois elementar.
5)
Nua dei begiade hob i no net gsehn, deine geheimen triebe gibst net preis, konn da jetzt net meah widastehn
Alla duach dei sein bin i scho earegt, brauch von dia nua no an klan beweis, und scho hob i mei heaz blossglegt
Deine lippm flüstan hauchend mit gfüh, mei geheima traum wiad realität, und scho gwinn i des liebesspü
Aus deim voin rotn mund zeigst ma dei zung, in earotischa intimität, küsst du mei heaz, mei sö, mei lung.
ch 1b)
      Seit wochn rotia i auf diesa stön, moch net moi an anzign schritt voa oda zrück
      Seit wochn schwimm i auf diesa hohn wön, mei neavosität braucht jetzt dei liebesglück
      Seit wochn drah i mi um hundatochzg grad, duachwühl jeds vasteck noch meinem woahn lebm
      Seit wochn geh i aufm söbm pfad, steh bei jeda gelegnheit voi danebm.
ch 2a)
            Meine gedonkn benehmen si voi danebm, tog und nocht siag i dei büd in jedem traum
            Meine gedonkn san nua no von dia umgebm, sunn und mond vaeinen dei büd in zeit und raum
            Meine gedonkn benehmen si voi danebm, schlofend oda woch eascheint lächlnd dei büd
            Meine gedonkn weckn des sölische bebm, mei innige liebe hot voi danebm züt.
6)
Mei hungaduascht noch dia is long net gstüt, gibst ma jedn tog onloss füa mei gia, und scho host mi wieda vabrüht
Mei instinkt lächlt da liebevoi ins gsicht, schenkst ma freiwillig dei liebeselixia, und scho eafüll i jetzt mei pflicht
Meine gfühle san unvaföscht und echt, öffne dia olle seitn in mein buach, und foadare dei liebesrecht
Mei heaz pumpt varuckt im ungleichn takt, mia is heiss und koid, hob nua an vasuach, und scho is mei rhythmus abstrakt.
7)
Mei eigna wün losst mi scho längst in stich, wie in trance foig i da duftign spua, und scho wiads obmteialich
Bin da ausgeliefat, hüf- und schutzlos, bringst mi zum kochn mit deina figua, scho wiad dei liebe grandios
Mei weg zu dia mit stana übasät, hob jede bruckn voa mia übaqueat, und scho wiast du realität
Du host auf mei frog a ontwoat gebm, in meina euphorie fost übaheat, und scho is mei liebe voi danebm.
8)
Dei sexappeal übaroscht mi jeds moi, lieg dia zu füssn, host mi scho vasklavt, und scho fliag i im frein foi
Mei appetit auf deine reinste lust, gibt ma wieda jugendliche kroft, und scho lieg i bei deina brust

Deine lippm flüstan hauchend mit gfüh, mei geheima traum wiad realität, und scho gwinn i des liebesspü

Aus deim voin rotn mund zeigst ma dei zung, in earotischa intimität, küsst du mei heaz, mei sö, mei lung.

ch 1c)
      Seit monatn wiabl i duachanond, hob den sinn füa an endlos grodn weg valoan
      Seit monatn sink i tiafa in sond, auf sensitiv eingstöt san die liebessensoan
      Seit monatn steht bei mia ois aufm kopf, eafoasch und analysia bereits mei woahs lebm
      Seit monatn druck i auf den söbm knopf, steh bei jeda gelegnheit voi danebm.
ch 2b)
            Meine gedonkn benehmen si voi danebm, jede sekundn hob i dei büd voa mia
            Meine gedonkn woin di imma höha hebm, jede minutn besetzt dei büd mei revia
            Meine gedonkn benehmen si voi danebm, stundnlong stoa i auf dei lächelndes büd
            Meine gedonkn deafn net meah weida schwebm, mei innige liebe hot voi danebm züt.

ch 3a)
                  Voi danebm woa mei reaktion, da hüft ka entschuidigung, kane tränen voi schamgefühl
                  Voi danebm woa mei emotion, da hüft a ka huidigung, woa ois nua nutzloses gebrüll
                  Voi danebm woa mei aggression, da hüft ka hoata kniefoi, ka bittn, bettln, ka beweis
                  Voi danebm woa mei eruption, da hüft ka edlmetoi, drah mi afoch ständig im kreis.
9)

Du fesslst mi mit deina symphatie, des unsichtboare seil reisst net so leicht, und scho stimmt wieda die chemie
Deine kettn sprengen mei schüchtanheit, von deim blick wean meine augn aufgweicht, und scho vafliagt meine feigheit
Jede nuance hob i ma eingeschäaft, englsgleich schwebst du üba stock und stein, scho bin i dazwischn einpfeacht
Konn mi on deina nocktheit net sottsehn, dei zialichkeit vazückt den sonnenschein, muass jetzt mei liebe weidadrehn.
10)

Dei vafüahrungskunst is reinste magie, a kuaza wink deina hond ois kloagmocht, scho duachströmt mi dei eneagie
Füa di a kompliziata zeitvatreib, jetzt endlich bin i nebm dia aufgwocht, hob da mei liebe prophezeit
Deine feuchtn lippm flüstan mit gfüh, mei geheima traum wiad realität, und scho gwinn i des liebesspü
Aus deim voin rotn mund zeigst ma dei zung, in earotischa intimität, küsst du mei heaz, mei sö, mei lung.
ch 1d)

      Seit joahn tonz i ums feia hearum, die lodandn flommen eahitzn mein heazschlog
      Seit joahn bin i im delirium, da wind is längst vastummt, vamiss den liebessog
      Seit joahn schau i ma dabei söbst zua, hoibwoahheitn eazöhn von mein woahn lebm
      Seit joahn find i übahaupt ka ruah, steh bei jeda gelegnheit voi danebm.
ch 2c)

            Meine gedonkn benehmen si voi danebm, tausende büda mutian donn zu an füm
            Meine gedonkn wünschn si sonne und regn, deine büda wean impressionistisch aufblühn
            Meine gedonkn benehmen si voi danebm, da füm gebiat wieda dei lächlndes büd
            Meine gedonkn miassn ois wieda wegfegn, mei innige liebe hot voi danebm züt.
ch 3b)

                  Voi danebm woa mei menschlichkeit, mei schlechtes gwissn vahöat, meine tränen woan rein und echt
                  Voi danebm woa mei zweisamkeit, hob donn ois wieda zastöat, mei geschrei hot si donn gerächt
                  Voi danebm woa mei direktheit, hob di damit übafoin, hob di ongefleht, mia zu vazeihn
                  Voi danebm woa mei eahlichkeit, des echo muass no vahoin, des labyrinth losst si net entzwein.
ch 4a)

                        Hoit jetzt mei hond, gib ma die kroft, steh wie imma voi danebm
                        Gehn üban strond, host laut gelocht, geh wie imma voi danebm
                        Schau mi jetzt on, küss mi gonz socht, lieg wie imma voi danebm
                        Des licht da sonn, hot di bewocht, tränen foin wie imma richtung lebm.
1)

Du hoitst mi gfongen duach dei grosses heaz, da sonfteste augnaufschlog genügt, und scho gehts mit mia steu aufwäats
Bin jeda deina bewegung ealegn, dei zäatlicha blick mocht mi scho varückt, spia scho deinen liebesregn
Hob dei gonzes wesn auswendig gleant, jeds detail von dia hob i ma einprägt, hob sonft dei innastes entkeant
Siag dei aura mit ana leuchtkroft stroihn, hob di mit oi meina liebe zuadeckt, und mecht di jetzt gonz nockt moin.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 
Geschrieben am 06./07./08./09. märz 2015.pk.
Überarbeitet am 08. jänner 2017.pk. – copyright by philipp kirschner.pk.
 
***********************************************************************************

bleibt mir weiterhin gewogen.

euer philjazzmetal, der mundartige.

282. | in stein.

282. | In stein.
1)
Bin schweissgebodet aufgwocht, im tiafn oiptram homs mi gjogt, mei befreiungsschrei dröhnend laut
Hob on rein goa nix meah docht, hob noch diesm woahn sinn gfrogt, do die ontwoat net gscheit vadaut
Da fümriss woa stü und socht, ka eainnarung in mia nogt, mei vastond is scho vüz aufgraut
Suach vazweiflt noch da nocht, kana hot ma die woahheit gsogt, jeda hot ma mei sicht vabaut.
2)
Lieg schweissübaströmt im bett, meine händ zittan, san gonz koid, a schottn schleicht im raum umhea
Des gedonknlose ballett, hot si jetzt net meah in da gwoit, mei vagongenheit völlig lea
Des vakuum woa scho komplett, im klanstn detail steckt vüfoit, beginn longsom mit da obweah
Suach vazweiflt des schochbrett, die woahheit nua in schwoaz-weiss gmoit, aus diesm loch gibts ka rückkeah.
ch 1a)
      Hüf ma do, hoit mi fest, loss mi net meah los, hob do mei liebe iagendwo valoan
      Streichl mi, hoit mi woam, deine is so gross, mei liebe hot si gegn mi vaschwoan
      Berüah mi gonz zoat, du bist so sonft und weich, dei liebe konn mi vielleicht befrein
      Deine augn stroihn, san so facettnreich, do mei heaz vawondlt si in stein.
3)
Bin schweissgebodet aufgwocht, die umgebung is unbekonnt, kenn hia ka peason do hearin
Drogn säen üble zwietrocht, panische attackn entbronnt, mecht jetzt endlich von hia entfliehn
Innalich woas a wüde schlocht, mei bogn woa ziemlich übaspannt, nua da pfeil konns guad nochvoiziehn
Suach vazweiflt noch diesa nocht, die woahheit bleibt intolarant, brauch do wieda mei medizin.
4)
Mei haut is schweissübaströmt, des leintuch is noss, klebt und stinkt, mei reaktion is longsom träg
Mei schädl schmeazt tiaf und dröhnt, kane gehianzön meah valinkt, suach des schlupfloch zu mein fluchtweg
Mit dem gestan no net vasöhnt, vielleicht hüft ma jetzt mei instinkt, zeigt ma vom tog nua a klans eck
Vazweiflts suachn is vapönt, die reine woahheit ungeschminkt, hinta da tüa is a lichtfleck.
5)
Mei keapa von schweiss bedeckt, mei vaschwommna blick neblhoft, hob an trübm schleia voam gsicht
Olle ontwoatn vasteckt, zum aufstehn föht ma no die kroft, woat auf a wohlig woames licht
Iagendwos hot mi befleckt, vaschlüsslt bleibt diese botschoft, aus diesa vaworrenen gschicht
Suach vazweiflt den respekt, die woahheit gheat jo net bestroft, brauch jetzt dringend mei gleichgewicht.
ch 1b) 
      Steh ma bei, hoit mei hond, bleib endlich bei mia, hob do mei liebe iagendwo valoan
      Drück mi on dei heaz, du bist so volla zia, mei liebe hot si gegn mi vaschwoan
      Schmieg dein keapa on mein, so lieblich und rein, dei liebe konn mi do hearaushoin
      Do mei heaz vawondlt si bereits in stein, denn dei liebe hot ma mei sö gstoihn.
 ch 2a)
            Hob mi wieda moi valiebt und vaknoit, dafüa bin i do wiaklich scho vüz oid
            Mei heaz spüt varuckt, mei bauch rebelliat, dei holde onmut in mia hass phantasiat
            Hob mi wieda moi vaknoit und valiebt, mei hian is scho wieda total duachsiebt
            Meine gedonkn fossn nua an sinn, hob jetzt wüde earotische phantasien.
6)
Bin schweissgebodet aufgwocht, mei heaz hämmat aufgregt und wüd, a dumpfa schmeaz hoit mi in trob
Meine tränen hom net meah glocht, vameid mei eignes spieglbüd, schau a net in mei mikroskop
Mei togebuch längst vakocht, die letztn seitn san vabrüht, zabrochn is mei wondastob
Suach vazweiflt noch diesa nocht, die woahheit is scho längst vaglüht, brauch die stün bei meim biotop.
7)
Mei bett is völlig schweissduachtränkt, vaboagne ängste explodian, hob mei innastes offnboat
Bin in meim bereich eingeschränkt, mecht jede grenzn obmontian, hob ma oba goa nix daspoat
Die gschichtn im loch vasenkt, konn leida nix meah archivian, ka büd, kan sotz und a ka woat
Vazweiflts suachn wiad vadrängt, die woahheit muass si decodian, die vün wön san pletzlich eastoat.
8)
Mei keapa von schweiss bedeckt, mei aura stroiht dunkl und mott, mei eneagiewoanlompm blinkt
Hob mi iagendwo ongsteckt, scho wieda wendet si mei blott, des lebmsglos im sond vasinkt
Mei heaz is scho längst vadreckt, unschuidig vawicklt im komplott, mei ich is hintaheagehinkt
Vazweiflts suachn vaschreckt, die woahheit is scho längst bankrott, betrogna ausgnutzta instinkt.
ch 1c)

      Gib ma dein rat, untastütz mi im lebm, hob do mei liebe iagendwo valoan
      Tröst mei leid, gia noch deim nehmen und gebm, mei liebe hot si gegn mi vaschwoan
      Fühl do mei brennen, begeah dei fraulichkeit, dei liebe konn mi vielleicht befrein
      Dei onziehungskroft vafüaht mei einsamkeit, do mei heaz vawondlt si in stein.
ch 2b)
            Hob mi wieda moi vaschaut und entflommt, hob mi wieda in iagendwos varonnt
            Siag dei liabs gsicht voa mia die gonze zeit, bin willig füa a frivole zweisomkeit
            Hob mi wieda entflommt und vaschaut, du bist afoch füa mi peafekt gebaut
            Tram nua no von dia jede longe nocht, und auf amoi host du des wunda voibrocht.
ch 3a)

                 Do i deaf net scho wieda in die gleiche foin gehn, deaf mi net auf da söbm stö drehn
                  Drum vawondlt si jetzt mei weiches heaz in hoatn stein, geissl jetzt dein woamen sonnenschein
                  Deaf jo net den gleichn weg wieda bis zu seim zü gehn, muass endlich des labyrinth vastehn
                  Drum vawondlt si jetzt mei weiches heaz in hoatn stein, quö foitand dei liebmsweates sein.
9)

Bin schweissgebodet aufgwocht, im tiafstn oiptram host mi gjogt, mei befreiungsschrei dröhnend laut
Olle spuan wieda obgflocht, hob oi meine feind ongeklogt, hob kana ontwoat meah vatraut
Mei gedächtnis valiat on mocht, olle vasuche hom vasogt, iagendwos hot si jetzt aufgstaut
Suach vazweiflt noch diesa nocht, hob donn die woahheit obgeblockt, und dei liebe gänzlich vabaut.
10)
Lieg schweissübaströmt im bett, meine händ zittan, san gonz koid, a schottn schleicht im raum umhea
Valegt hob i mei amulett, fiacht mi scho voa an hintahoit, vaschossn san oi meine spea
Seaviat auf an oidn tablett, foin die gedonkn in an spoit, wean untadrückt, san tonnenschwea
Suach vazweiflt mei skelett, die woahheit hot si net festgschnoit, die liebe stöt si wieda quea.
ch 1d)

      Heil meine wundn, san no gonz frisch und jung, hob do mei liebe iagendwo valoan
      Greif ma unta die oam, schenk ma dei atmung, mei liebe hot si gegn mi vaschwoan
      Inhalia mei sehnsucht, meine wüdn trieb, dei liebe muass mi endlich befrein
      Dei hocherotische gstoit mocht mi zum dieb, denn mei heaz vawondlt si in stein.
ch 2a)
            Hob mi wieda moi valiebt und vaknoit, dafüa bin i do wiaklich scho vüz oid
            Mei heaz spüt varuckt, mei bauch rebelliat, dei holde onmut in mia hass phantasiat
            Hob mi wieda moi vaknoit und valiebt, mei hian is scho wieda total duachsiebt
            Meine gedonkn fossn nua an sinn, hob jetzt wüde earotische phantasien.
ch 2b)
            Hob mi wieda moi vaschaut und entflommt, hob mi wieda in iagendwos varonnt
            Siag dei liabs gsicht voa mia die gonze zeit, bin willig füa a frivole zweisomkeit
            Hob mi wieda entflommt und vaschaut, du bist afoch füa mi peafekt gebaut
            Tram nua no von dia jede longe nocht, und auf amoi host du des wunda voibrocht.
ch 2c)

            Bin noch dia varückt, bist so ungezähmt, mei leidnschoft is wieda ungehemmt
            Dei impulsivität hots feia entfocht, stüamisch wüde liebesreign in da nocht
            Bist so ungezähmt, bin noch dia varückt, dei nockte scheenheit blendet, betöat, vazückt
            Fühl dei nähe, spia dei liebe auf da haut, bist füa mi sonnenstroihn und steanenstaub.

ch 3b)
                  Do i muass dei tüa zuaspean, weaf den schlüssl gonz weit weg, vabrenn des sündige hasse bett
                  Drum vawondlt si jetzt mei weiches heaz in hoatn stein, geissl jetzt dein woamen sonnenschein
                  Muass um dei liebesnest an endlos weitn bogn gehn, deaf mi noch dia jo net meah umdrehn
                  Drum vawondlt si jetzt mei weiches heaz in hoatn stein, quö foitand dei liebmsweates sein.
ch 4a)

                        Vawondl mi jetzt söbst in stein, denn i hob dei liebe goa net vadient
                        Vawondl mi jetzt söbst in stein, da weg zu deina liebe woa scho vamint
                        Vawondl mi jetzt söbst in stein, mei sehnsucht noch dia mocht mi scho gonz blind
                        Vawondl mi jetzt söbst in stein, da regn want tränen, wean trocknet vom wind.
 
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

Geschrieben am 28. februar//01./02./03./04. März 2015.pk.
Überarbeitet am 08. jänner 2017.pk. – copyright by philipp kirschner.pk.
 
************************************************************************************