278. | mei liebe.

278. Mei liebe.
1)

Dia is voikommen egal, wonns ma net oi zu guad geht, dia is egal, wonn die probleme ständig imma gressa wean
Dia is voikommen egal, wonns mi die gonze zeit dreht, dia is egal, wonn si meine soagn ständig auf mi auslean
Dia is voikommen egal, wonn i stoipa und hinfoi, dia is egal, wonn meine wüdn schmeazn in mia laut aufschrein
Dia is voikommen egal, wonn i gegn die wond knoi, dia is egal, wonn meine ohnmochtsonfälle mi net befrein.
2)

Dia is voikommen egal, wonn i die kuavn net schoff, dia is egal, wonn die leita vüz kuaz is im tiafn loch
Dia is voikommen egal, wonn i mei zü net eareich, dia si egal, wonn mi mei spieglbüd onschaut wie totnbleich
Dia is voikommen egal, wonn i des soi net eafüll, dia is egal, wonn meine ideen ständig londn aufm müll
Dia is voikommen egal, wonn i untam strich vasog, dia is egal, wonn i die ontwoat net wass auf dei foische frog.
ch 1a)

    Dei eiskoide gleichgültigkeit, losst mei heaz und mei sö eafrian, meine tränen eastoan zu eis
    Dei volle gefühllosigkeit, losst mei sehnsucht kapitulian, mei valongen fliagt ausm kreis
    Dei vasumpfte passivität, losst mei leidnschoft zu stein mutian, mei earegung vüz schnö entgleist
    Dei kronkhofte intimität, losst mei begiade kollabian, mei liebe endgültig zareisst.
3)

Dia is voikommen egal, wonn mi des glück glei valosst, dia is egal, wonn des schicksoi die fiese foin füa mi aufstosst
Dia is voikommen egal, wonn meine zeichn schlecht stehn, dia is egal, wonn die müdn augn di um hüfe onflehn
Dia is voikommen egal, wonn mei weg zvü kreizungen hot, dia is egal, wonns mi weit rausweafn, die stana ausm lot
Dia is voikommen egal, wonn si da umweg vagift, dia is egal, wonn meine moasche sichaheitsbruckn zabricht.
4)

Dia is voikommen egal, wonn mei schottn gressa wiad, dia is egal, wonn d‘finstanis mi mit uaängstn malträtiat
Dia is voikommen egal, wonn mi da schlof in stich losst, dia is egal, wonn mei brutala oiptraum afoch nie vablosst
Dia is voikommen egal, wonn da wind keazn ausbläst, dia is egal, wonn die feindliche kötn mei lebm duachnässt
Dia is voikommen egal, wonn si die wäame auflöst, dia is egal, wonn d‘frog übahaupt kane ontwoatn entblösst.
ch 1b)

    Dei beinhoate heazlosigkeit, valongsomt mein dumpfn heazschlog, mei puis spüt varuckt im vasteck
    Dei interesselosigkeit, leistet übahaupt kan beitrog, mei freizeit hot donn goa kan zweck
    Dei träge teilnahmslosigkeit, entfocht in mia a lethargie, mei hingabe schloft longsom ein
    Dei kronkhofte obwesnheit, valiat spüaboa on eneagie, mei liebe nua a schwocha schein.
ch 2a)

        Mei liebe woa uneamesslich reich on phantasie und on kreativität
        Mei liebe woa a quelle füa uneaschöpflicha heissa sensibilität
        Mei liebe woa a tiafa brunnen gfüllt mit intensiva sexualität
        Mei liebe woa da echte uasprung von ruchlos earotischa spontanität.
5)

Dia is voikommen egal, ob i dei lebmsgschicht glaub, dia is egal, ob i vagessn in an finstren eck vastaub
Dia is voikommen egal, ob mei gwissn des vakroft, dia is egal, ob mi wea aufgrund da schwean föhla hoat bestroft
Dia is voikommen egal, ob i die streckn no schoff, dia is egal, wonn i mei gonzes lebm im kronknbett vaschlof
Dia is voikommen egal, ob i diesn sinn vasteh, dia is egal, ob i füa meine vabrochnen schädn grodsteh.

6)

Dia is voikommen egal, ob i des ufa eareich, dia is egal, ob i mein hohn schuidnbeag wieda begleich

Dia is voikommen egal, ob i mi im finstan fiacht, dia is egal, ob ma mei panische ongst scho von weitem riacht
Dia is voikommen egal, ob i mei phobie bezwing, dia is egal, wonn i daduach wieda scheene wunda voibring
Dia is voikommen egal, ob i die geista vajog, dia is egal, ob i meine freindlichn feind friedlich easchlog.
7)

Dia is voikommen egal, ob i diesn beag besteig, dia is egal, ob i die gonze woahheit weitahin vaschweig
Dia is voikommen egal, ob i die gäste begrüss, dia is egal, ob i mei hoftstrofn nochm gesetz vabüss
Dia is voikommen egal, ob i die eneagie spia, dia is egal, wonn i mein uaeignen wün in freiheit valia
Dia is voikommen egal, ob i die sucht untadrück, dia is egal, ob i zu mein feign schwochn mut weidarück.
ch 1c)

    Dei seichte unempfindlichkeit, vahäatet mei heaz boid zu stein, vawondl mi longsom zum klon
    Dei glotte obaflächlichkeit, valiat scho on substonz und schein, zaplotzt vüz schnö wie a ballon
    Deine gedonknlosigkeit, reicht von deine fiass bis zum kopf, mei zäatlichs woat bleibt ungehöat
    Dei kronkhofte lieblosigkeit, wiaft mei valongen in an topf, mei liebe hot di net betöat.
ch 2b)

        Mei liebe woa die reinste fundgrube on giariga sehnsucht und lüstanheit
        Mei liebe woa a brodlnda vuikan volla triebhofta wollust und geilheit
        Mei liebe woa wie a wiablstuam volla lüsteanda wüda besessnheit
        Mei liebe woa da echte keim von triebhoft drängenda heissa sinnlichkeit.
ch 3a)

            Mei heisshunga noch dia is ma scho längst vagongen, mei liebe is eingspeat
            Mei riesnduascht noch dia hot si scho längst vafongen, mei liebe aufgezeaht
            Mei gsunda appetit auf di woa uneasättlich, mei liebe unstüboa
            Meine bedüafnisse woan füa mi extrem schädlich, mei liebe ongreifboa.
8)

Dia is voikommen egal, wonn vü seitn im buach föhn, dia is egal, wonn die wöata die foischn buchstobm auswöhn
Dia is voikommen egal, wonn des lebm den tod begrüsst, dia is egal, wonn die uaoide sensn iah schäafe einbüsst
Dia is voikommen egal, wonn die eade bebt und kocht, dia is egal, wonn si da tog transfoamiat zua ewign nocht
Dia is voikommen egal, wonn da mond des obschlussliad singt, dia is egal, wonn d‘sunn iahre planetn pletzlich vaschlingt.
9)

Dia is voikommen egal, wonn die wiaklichkeit betrügt, dia is egal, wonn des chaos die relative raumzeit belügt
Dia is voikommen egal, wonn si da kreis net meah schliesst, dia is egal, wonn da hoate oiptraum ins unendliche fliesst
Dia is voikommen egal, wonn da himml obafoit, dia is egal, wonn a komet direkt auf unsre eadn knoit
Dia is voikommen egal, wonn i di von obm betrocht, dia is egal, wonn niemond meah mit dia streitet, want oda locht.

10)

Dia is voikommen egal, ob i no tränen vagiess, dia is egal, ob i di no imma so intensiv vamiss
Dia is voikommen egal, ob i no noch dia laut schrei, dia is egal, ob i gfesslt in kettn bin oda no frei
Dia is voikommen egal, ob i die zeit zruckdrahn mecht, dia is egal, ob mei söbstmitleid endlich moi tiaf und fest schläft
Dia is voikommen egal, ob die blumen jetzt no bliahn, dia is egal, ob ma dein nomen in diesn stein eingravian.
ch 1d)

    Dei vüz leichte schweafälligkeit, foit net meah so ins gleichgewicht, bist scho längst in an vakuum
    Deine eneagielosigkeit, vasprüht nua no fäulnis im licht, schlofst scho längst im delirium
    Dei faule tatnlosigkeit, klebt si scho om bodn fest, meine ontrieb wean glei vaschmäht
    Dei kronkhofte gleichgültigkeit, gibt meim heaz und da sö den rest, mei liebe hot si jetzt obdreht.
ch 2c)

        Mei liebe woa a heissa geysir mit ana fontäne so gewoitig hoch
        Mei liebe woa wie blitz und donna, reinign diese luft bis zum schwoazn loch
        Mei liebe woa mit sond und eis vawondt, gfriat und schmüzt bei jeda temperatua
        Mei liebe woa da echte kean füa an beseelt gefühlbetontn liebesschwua.
ch 3a)

            Mei heisshunga noch dia is ma scho längst vagongen, mei liebe is eingspeat
            Mei riesnduascht noch dia hot si scho längst vafongen, mei liebe aufgezeaht
            Mei gsunda appetit auf di woa uneasättlich, mei liebe unstüboa
            Meine bedüafnisse woan füa mi extrem schädlich, mei liebe ongreifboa.
ch 4a)

                Mei liebe regnet tränen, mei heaz trommlt wüd, und mei sö suacht noch dia

                Mei liebe mecht vabrennen, mei heaz hot si vabrüht, mei sö is bei dia
                Mei liebe muass jetzt rennen, mei heaz is vaglüht, und mei sö bleibt bei dia
                Mei liebe losst si zähmen, mei heaz is dei schüd, und mei sö lebt in dia.
1)

Dia is voikommen egal, wonns ma net oi zu guad geht, dia is egal, wonn die probleme ständig imma gressa wean
Dia is voikommen egal, wonns mi die gonze zeit dreht, dia is egal, wonn si meine soagn ständig auf mi auslean
Dia is voikommen egal, wonn i stoipa und hinfoi, dia is egal, wonn meine wüdn schmeazn in mia laut aufschrein
Dia is voikommen egal, wonn i gegn die wond knoi, dia is egal, wonn meine ohnmochtsonfälle mi net befrein.

~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 31. jänner // 01./02. februar 2015.pk.
Überarbeitet am 07. fänner 2017.pk. – copyright by philipp kirschner.pk.

***********************************************************************
bleibt mir weiterhin gewogen.

euer philjazzmetal, der mundartige.