280. | im netz.

280.     Im netz.

1)

Steig do endlich moi ein und fliag so longs no geht, woat jo ka ewigkeit auf diese fiktive realität

Unsa klana vastond reicht bei weitem net aus, die geheimnisse endlich zu lüften vom grossn steanenhaus

Unsre priorität is da schutz diesa wöd, wos si hintam univeasum vasteckt, wea die foaml vastöt

Begreifn nie die halle volla schwäazn und licht, diesa sinn in oi seinen facettn beschützt sei gleichgewicht.

2)

Nimm die fiass in die händ, steck dein kopf in den sond, vagiss net auf dei losungswoat, siagst net amoi meah dein büdrond

Iagendwos stinkt gewoitig noch gleichgültigkeit, mit unsam wissn woan ma zlongsom in da metaphysischn zeit

Im niagendwo san die lügn voaheabestimmt, zamoimen die woahheit, da beag aus pein und quoin pletzlich zarinnt

Die sicht is vaschwommen, tiaf im nebl untataucht, und scho wieda hot a glühwüamchen sei kuazes lebm ausghaucht.

ch 1a)

      Sarkastisch und zynisch wiad die vanunft, mit unlesalichn schriftzeichn zu papia brocht

      Grausam vaochtend wiaft mas in den sumpf, mit hosstiradn wiad eiskoid da beweis obgschlocht

      Die demontage is von eafoig gekrönt, die dreckvaschmiate glosscheibm wiad mit bluad no vaschönt

      Die grenzn san voagschriebm, san gesetz, da sieg hot ka ondre woih, vahoat gonz stü im netz.

3)

Eakenn do endlich moi des wiedahoite end, zeig a vastäaktes vaständnis füa a flimmandes fiamament

Gfrorene koitheazigkeit unta unsra haut, vawoschene eahoitungstriebe mit lautem knoi onvatraut

Da eigne mut valiebt si aufm eastn blick, da monn schwingt sei sensn, vaneigt si mit eahwüadigem geschick

Die feichtn stoan augn kennan nix meah eazöhn, vatrocknete spuan miassn duachdrungen von mitleid des soiz stöhn.

4)

Zaronnene sätze volla intelligenz, reckn iahre weisheitn endlos hoch hinauf bis zua demenz

Übastüazt valogna gesong is wie a sucht, kompliziate melodien schlogn die instrumente ind flucht

Dauat sekundn und scho fliagt ma mitm wind, da letzte spriessende gedonke is scho längst taub, stumm und blind

Die sicht is vaschwommen, tiaf im nebl untataucht, und scho wieda hot a glühwüamchen sei kuazes lebm ausghaucht.

ch 1b)

      Ironisch bissig und schoaf provokant, wiad die logik mit vaschmiatn schriftzeichn aufzeigt

      Eaboamungslos eascheint da sekundant, die untrüglichn indizien hobm si obzweigt

      Da raubbau treibt mit da natua a spü, des mosaik da glosscheabm vaschweigt des woahre zü

      Die wond is a vamächtnis, is gesetz, des glück läuft scho um die wett, vahoat gonz stü im netz.

ch 2a)

            Im netz bleibt ois hoftn, gfongen und klebm, im netz wiads niemois die woahre ontwoat gebm

            Im netz weadn die kettn niemois gesprengt, im netz weadn klanste lügn sofoat aufghängt

            Im netz wiad jeds gfühl vanichtend untadrückt, im netz weadn vasunkne gedonkn varückt

            Im netz übalebt des guade kan glocknschlog, im netz untaschreibt des licht an letztn vatrog.

5)

Denk do endlich üba deine kontakte noch, a gwisse tiafe freindschoft gibts do in jeda vaschiednen sproch

Host dei woahre liebe scho längst standardisiat, voitropfte gedichte hobm mit dem lösegöd kopuliat

Easchoffne vafüahrung losst an niemois allein, woih eazognes gebm mocht net so vü spass wie gstoihna bluadstein

Noch übastondna oabeit glättn si die wön, die fassade bröcklt ob, stiazt ein, jeda schrei wiad si vastön.

6)

Nimm diesn tog afoch so, wie ea kumt und geht, fühlst in diesm moment zu deim spieglbüd a affinität

Saugst jedn hinweis auf, dea dia freiheit vaspricht, bei deina ruchlosn unschuid vagisst gean auf dei woahre pflicht

Deine rechte foadast ein, sonst wiad wea bestroft, deine scheenen buntn entschuidigungen valian scho on kroft

In da feane da zeit wiad da effekt draufzoihn, und scho wieda wiad a zoata fliagl vom schmettaling obfoin.

7)

Bleib bei deine eignen soagn, deine problem, den kreislauf dea peafekt duachdochtn natua wiast niemois vastehn

Valiast glei om beginn olle figuan beim schoch, jeda hieb diarekt in iah zoates fleisch mocht iah heaz krong und schwoch

Obbrochne vafäabte blätta londn gonz socht, kollossale woiknbeag weadn vom wind ontriebn und entfocht

Die sicht is vaschwommen, tiaf im nebl untataucht, und scho wieda hot a glühwüamchen sei kuazes lebm ausghaucht.

ch 1c)

      Gehässig boshoft und bitta spottend, wiad da intellekt in gebrochna schrift übamoin

      Brutal gnodnlos entstehts element, wiad mit den psychotischn symptomen übafoin

      Die zastückelung vameaht si rasant, des eingschmoizne glos glänzt und funklt wie diamant

      Da kontrast is vaspieglt, is gesetz, hondlt blitzschnö im affekt, vahoat gonz stü im netz.

ch 2b)

            Im netz gibts kan ausweg, ka fluchtmöglichkeit, im netz lebt des schweign sei berechtigte zeit

            Im netz weadn die fessln stets übaprüft, im netz mutiat sinnloses gred zu an gerücht

            Im netz wiad jede emotion ausradiat, im netz hot da freie wün glei kapituliat

            Im netz wiad des guade gejogt und ausgrott, im netz eastroiht des licht nua no kuaz voam tod.

ch 3a)

                  Die komplexität im netz is vüfötig, diffizil und vazwickt

                  Die authorität im netz is obsolut, in blossa haut eingstickt

                  Die peaveasität im netz is gonz legal, gewünscht und gewollt

                  Die rivalität im netz is gefüachtet, so vü kepf san scho grollt.

8)

Steig do endlich moi auf den ollahechstn beag, geniess diese freie sicht, donn eakennst di söbst ois klanstn zweag

Mit gschlossnen augn fühlst diese kroft da natua, dei meditation fliesst duach gestein, eade, duach jede struktua

Spiast iahre schmeazn, iahre quoin so intensiv, deine tränen vasoizn schnee und eis und schmözn seah impulsiv

Begreifn niemois jede klanste einzlheit, dieses vawobne geflecht hot a recht kompliziate weisheit.

9)

Schau do mit an feanroah in die unendlichkeit, in olle richtungen mocht si des wödoi lichtjoahre long und breit

Unsa vastond is vakümmat, vawökt, stagniat, unsa planet is des scheenste wunda, sei end is voaprogrammiat

Unsre heimat is so winzig, wie a staubkoan, vüz schnö wiads vaschluckt, aufgsaugt, zasteat in an onfoi von hoss und zoan

Die foaml füas univeasum bleibt unentdeckt, hintam kosmischn rond hot des netz scho seine fongoam ausstreckt.

ch 1d)

      Ätzend giftig und onzüglich obszön, wiad die weisheit auf an haufn gwoafn und vabronnt

      Sadistisch eiskoid des wüde gestöhn, fliagt mit psychedelischn drogn ins vanetzte lond

      Des chaos hot an genetischn defekt, da ewige kreislauf entsteht ois nebmeffekt

      Diese diskrepanz is und bleibt gesetz, woat auf die gelegnheit, vahoat gonz stü im netz.

ch 2c)

            Im netz wiad ois zu asche und staub zafoin, im netz weadn olle schreie stü hamlich vahoin

            Im netz wiad da vastond völlig umgedreht, im netz wiad jede klanste bewegung umgmäht

            Im netz gibts kan untaschied zwischn bes und guad, im netz eatrinkt da sinn in an rausch aus bluad

            Im netz regiat die reinste anarchie, im netz valiat des woahre licht sei eneagie.

ch 3b)

                  Die absurdität im netz is genial, mit wahnsinn sonft bestreut

                  Die kapazität im netz is unbegrenzt, freiwillig eingebleut

                  Die disparität im netz is im einklong, friedlich massakriat

                  Die intensität im netz is wexlhoft, da status eskaliat.

ch 4a)

                        Im netz wiad des labyrinth mit dem mosaik vamengt

                        Im netz wiad diese raumzeit in die ewigkeit gesprengt

                        Im netz wiad da vastond wieda vom woahn sinn entleat

                        Im netz wiad die univeasale foaml hoch vaeaht.

1)

Steig do endlich moi ein und fliag so longs no geht, woat jo ka ewigkeit auf diese fiktive realität

Unsa klana vastond reicht bei weitem net aus, die geheimnisse endlich zu lüften vom grossn steanenhaus

Unsre priorität is da schutz diesa wöd, wos si hintam univeasum vasteckt, wea die foaml vastöt

Begreifn nie die halle volla schwäazn und licht, diesa sinn in oi seinen facettn beschützt sei gleichgewicht.

ch 4a)

                        Im netz wiad des labyrinth mit dem mosaik vamengt

                        Im netz wiad diese raumzeit in die ewigkeit gesprengt

                        Im netz wiad da vastond wieda vom woahn sinn entleat

                        Im netz wiad die univeasale foaml hoch vaeaht.

 

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 10./11./12./13. februar 2015.pk.

Überarbeitet am 07. jänner 2017.pk. – copyright by philipp kirschner.pk.

 

***************************************************************************

bleibt mir weiterhin gewogen.

euer philjazzmetal, der mundartige.