392. | foto.

seid mir wieder alle hier blogmaniacs aufs herzlichste gegrüsst. seid willkommen und ein dickes DANKE an euch alle. wie des Öfteren schon erwähnt, bin ich selbst überrascht wie schnell die einzelnen sätze, absätze, texte entstehen. habe für euch wieder den gesamten text hochgeladen.

in diesem sinne wünsche ich euch ein abenteuerliches lesevergnügen.

*********************************************************

392.     Foto.

Oba heit bin i wieda gonz allan, die zweisomkeit mit dia woa a triebhofte explosion

Heit is mei heaz hoat und koid wie a stan, mei einsomkeit is nua a quölend longe depression

Denn heit foi i wieda in a tiafs loch, die lean floschn roin schummrig om bodn umanond

Vasteh heit net amoi mei eigne sproch, hoit des hoibvolle glasl in meina zittrign hond.

Oba heit bin i wieda gonz allein, unsre zweisomkeit woa a gfühvolle inspiration

Heit wiad mei heaz dröhnend laut noch dia schrein, mei einsomkeit mutiat zu ana offnen aggression

Denn heit stiaz i üba jeds hindanis, die blaun fleckn, die vün noabm woin imma meah

Hob scho wieda an longen fümriss, die frischn wundn blutn, san oba nua temporäa.

      Betrocht dei letztes foto auf meim nochttisch, und scho befoign tränen des gesetz da schweakroft

      Foi auf meine knie und schrei gonz hysterisch, und scho hob i mi wieda söba quoivoi bestroft

      Schliess meine augn, schwög in eainnarung, und scho wean die tog zu an long vamisstn joahzehnt

      Sponn die muskln on, moch mi bereit zum sprung, und scho is die vabindung zwischn uns wieda getrennt.

Oba heit fühl i mi wieda gonz klan, die zweisomkeit mit dia woa füa mi a grosse aufgob
Heit vafoig i endlich mein eignen plan, do mei einsomkeit foit in an gstrecktn wüdn galopp
Denn heit wiad des lüftal zum stoakn stuam, die schwoaze woiknwond vadunklt scho des sonnenlicht
Vakriach mi ins loch wie a feiga wuam, vaschliass fensta und tüan, moch den voahong zua und ois dicht.

Oba heit fühl i mi wieda gonz klein, unsre zweisomkeit woa a harmonische impression

Heit flieht mei sö in a gonz ondas sein, mei einsomkeit ealeidet wieda moi a föhfunktion

Heit stoipa i afoch in jede foin, gfongen im labyrinth ohne ausgong ohne fluchtweg

Schwimm und tauch donn tiaf in foitandn quoin, mei panik vafoigt mi, hot mia mein vastond scho vadreht.

Sehn mi noch deina fröhlich gut gelauntn oat, deina onschmiegsomen bedüaftigkeit noch wäame, an liebendn woat

Hob sehnsucht noch deim inbegriff von zäatlichkeit, deina intensivn hingabe, noch deina treun onhänglichkeit

Sehn mi noch deim offnen befreitn naturell, noch deim glücklichsein direkt nebm mia, noch deine foabm in pastell

Hob sehnsucht noch deim lächln, dei intimität, deina strohlendn erotik, deina melodiösn qualität.

      Betrocht dei letztes foto in meina hond, scho regnen soizge tropfn ois rinnsal in an Teich

      Meine sinn schwindn, steh mittn im treibsond, scho flücht i voa mia söba in an ondan Bereich

      Moch die augn zua, so vü büda in mia, und scho vagehn die via joahreszeitn wie im flug

      Boi mei faust zum gegnschlog in sonfta zia, und scho is die vabindung zwischn uns nua no betrug.

            Woit dei foto scho zreissn, vabrenna und weghaun, do dei foto vafoigt mi bis in meim traum

            Hob dei foto wieda ausdruckt und  gonz neu eingrahmt, trog dei foto ständig bei mia ois Trabant

            Woit dei foto zaschneidn, vanichtn und wegstön, do dei foto vafoigt mi mit hohe wön

            Hob dei foto donn oft kopiat und im safe eingspeat, dei foto is ma heilig, hobs hoch vaeaht.

Oba heit bin i donn gonz isoliat, unsre zweisomkeit a gewoitiga vuikanausbruch

Heit hob i nua die leare in mia gspiat, mei einsomkeit vasteck i unta a getoantes tuch

Denn heit vaschäaft si mei eigna zuastond, mei geistige umnochtung hot iah helligkeit valoan

Geh afoch duach die unsichtboare wond, die innren stimmen hom si gegn mi scho long vaschwoan.

Oba heit hob i mi net meah im griff, unsre zweisomkeit woa a nie endenda liebesrausch

Heit kentat mei rettungsboot auf a riff, mei einsomkeit eahoit goa nix im austausch

Denn heit san drogn mei lebmsweisheit, auf meinen reisn die regnbognfoabm berüaht

Schweb schwerelos ins end duach raum und zeit, hob in viadimensionaln flächn des licht entfüaht.

Sehn mi noch deina heazlichn vatrautn oat, deina hingebungsvoin friedlichn offenheit, deim valiabtn woat

Hob sehnsucht noch deina positivn substanz, deina ungeteiltn aufmeaksamkeit, noch deina weitn toleranz

Sehn mi noch deina echtn eahlichkeit, noch deina aufreizendn betöarendn onziehungskroft in dem kleid

Hoch sehnsucht noch deim stöhnen, deina leidnschoft, noch deina ungezähmtn wüdheit, deim wüazign fruchtign soft

      Betrocht dei letztes foto on diesa wond, scho sickan tränen aus meine augn auf mei gsicht

      Tonz völlig aus da reih, leist kan widastond, scho hob i mi söba in meina wut fost vagift

      Mei sehkroft wegspeat, nua gedonkn füa di, scho wean die nächt wieda länga und kiaza die tog

      Mei physik vawondlt si jetzt in chemie, scho is die vabindung zwischn uns a heaba rückschlog.

            Woit dei foto scho beschmian und schändn, glei weghaun, do dei foto vafoigt mi bis in meim traum

            Hob dei foto wieda gsäubat und vom dreck befreit, hob dei foto wieda gonz voane eingreiht

            Woit dei foto ruinian, entsoagn und vagrom, do dei foto vafoigt mi wie a Phantom

            Hob dei foto ongebetet, umoamt und geküsst, hob dei foto zu jeda togeszeit grüsst.

                  Suach noch deina woahn liebe, noch deina lust, mei egoismus steht jetzt on easta stö

                  Dei letztes foto hot mi sölisch beeinflusst, des tiafe brenna sticht nua auf dein beföh

                  Suach vagems noch deinen hintalossnen spuan, meine triebe foadan scho iahn Tribut

                  Dei letztes foto bewocht mein oidn leuchttuam, im foto bist lebendig, host di nua ausgruht.

Oba heit bin i wieda autonom, unsre zweisomkeit woa afoch des reinste paradies

Heit schwimm i wieda alla gegan strom, mei einsomkeit fristet iah lem im vaseuchtn valies

Denn ob heit is mei garantie vafoin, mei amoklauf hoit si on ka grenzn, ka recht, ka gsetz

Mei besessnheit schmüzt sogoa eisschoin, vafong mi mit meine hossparoin in an dichtn netz.

Oba heit bin i wieda souvarän, unsre zweisomkeit woa idyllische romantik pua

Heit wiast das donn endlich amoi vastehn, mei einsomkeit legt si um mein hois wie a dünne schnua

Denn ob heit foit jeds tabu, jeds vabot, mei säubarungsaktion wiad endlich geschichte schreim

Völlig voigedröhnt tauch i ois in rot, eastick jede geringste gegnweah sofoat im keim.

Sehn mi noch deina englsgleichn weichn oat, deina ungezwungnen giarign libido, noch deim valiabtn woat

Hob sehnsucht noch deina natüalichn essenz, deina valockendn empfindsomkeit, deina niedaren dekadenz

Sehn mi noch deina hoamlosn soaglosigkeit, deim hunga und duascht noch an höhepunkt, noch deina unbekümmatheit

Hob sehnsucht noch deim zügllosn peitschnhieb, deim vazaubatn spiegl, deina zabrechlichkeit, noch deim Geheimtipp

      Betrocht dei letztes foto auf diesm schrein, und scho wean meine augn von tränen übaschwemm

      Hintaloss donn gnua teuflische molarein, und scho hob i mi zwischn hoss und liebe einklemmt

      Hobs licht ausgschoit, siag dei aura in da nocht, scho hob i des ealebte in gleicha weise gsehn

      Klane funkn homs feia in mia entfocht, und scho fongen die tickendn radln on si zu drehn.

            Woit dei foto misshondln und zaknülln, glei weghaun, do dei foto vafoigt mi bis in meim traum

            Hob dei foto wieda grettet, sofoat eastvasoagt, dei foto is donn wieda von söbst eastoakt

            Woit dei foto ausradian, ausmeazn und zastean, do dei foto vafoigt mi zu meim kean

            Hob dei foto heilig gsprochn und wiedabelebt, do dei foto hot wea mit an fluch belegt.

                  Suach noch deina woahn liebe, noch deina lust, mei egoismus steht jetzt on easta stö

                  Dei letztes foto hot mi sölisch beeinflusst, des tiafe brenna sticht nua auf dein beföh

                  Suach vagems noch deinen hintalossnen spuan, meine triebe foadan scho iahn Tribut

                  Dei letztes foto bewocht mein oidn leuchttuam, im foto bist lebendig, host di nua ausgruht.

                        Bin jetzt a leare hün, schau auf dei foto mit leam blick, ohne iagend a Reaktion

                        Hea jetzt nua diese stün, dei foto mocht jetzt den nägstn schritt, in die wüdfremde Dimension

                        Hobs jetzt übatriebm, sogoa dei foto hot tränen gweint, auf wonge, mund und auf mei hond

                        Host füa mi untaschriem, endlich san wia zwa wieda vaeint, hob seit joahn im koma gewohnt.

Oba heit bin i wieda gonz allan, die zweisomkeit mit dia woa a triebhofte explosion

Heit is mei heaz hoat und koid wie a stan, mei einsomkeit is nua a quölend longe depression

Denn heit foi i wieda in a tiafs loch, die lean floschn roin schummrig om bodn umanond

Vasteh heit net amoi mei eigne sproch, hoit des hoibvolle glasl in meina zittrign hond.

Geschrieben am 28./29./30. Oktober 2016.pk

Copyright by Philipp kirschner 30. Oktobert 2016.pk

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

danke an euch alle für euren besuch.

besucht mich doch auf Facebook, zwitschert mir auf twitter, oder auch auf google+.

www.facebook.com/philjazz

twitter.com/philjazmetlyric

https://plus.google.com/104160599138757338426

euer phil

391. | Weisse taubm.

seid gegrüsst, meine lieben und braven leserinnen und leser. meine treuen besucher dieses blogs. ich habe euch wieder etwas mitgebracht. heute nacht wurde der text 391. weisse taubm fertiggestellt. bin selbst überrascht gewesen, wie leicht dieser text aus den fingern gesprudelt ist. hatte immer wieder mit pc-abstürzen zu kämpfen. aber jetzt funktioniert er wieder so einigermassen.

nun darf ich euch ein spannendes lesen wünschen.

****************************************

391.     Weisse taubm.

Vabreitn ongst und schreckn, jede nochricht negativ, kinda hungrig vareckn, hoibmond und kreiz stehn scho schief

Des amen homs vagessn, den woahn gott homs negiat, kinda hom nix zu essn, des wesn manipuliat

Schlogzeiln san schwoaz gross und fett, pessimismus pua und nockt, des bese lauat untam bett, wiad mit rota foab vapockt

Olle sans unzufriedn, woin afoch imma nua meah, des bese hot entschiedn, da schwoche mocht ka gegnweah.

Woit do nua in diesa harmonischn stün meditian, woit in dem unzugänglichn toi die einsomkeit inhalian

Woit hia donn olle soagn und probleme tiaf vagrom, woit in diesm geheimen paradies die nächste stufn hom

Hob glaubt, höa kan fremdn laut in diesm obgschiednen lond, do pletzlich londet a weisse taubm auf meina oidn hond

Valetzt und gschwächt, ka botschoft dabei, da flug woa umsunst, unta den fedan auf da haut siag i die tätowiate kunst.

      Da hüferuf schreit vagebms duach zeit und raum, die schoiwön eareichn net amoi den traum

      Iagendwea hot ois eastas den rotn knopf drückt, die wöd hot si mit riesign woikn gschmückt

      Die menschheit hot die apokalypse entfocht, ka engl und ka gott hot uns übawocht

      Unsre reine unschuid homma scho längst valoan, do die weisse taubm hot mi auseakoan.

Vabreitn ongst und schreckn, nua panik wiad untastützt, da hüft a ka vasteckn, des lem wiad net meah beschützt

Im fanatismus geboan, bleibt gfongen in da spiroin, hot den lebmssinn valoan, nua no da hoss kumt ins roin

Schlogzeiln soagn füa an schock, des oame voik wiad aufghetzt, propaganda wiaft den stock, bis si wea tödlich valetzt

Frust wiad zu wut dann zu hoss, diesa punkt is jetzt eareicht, genügt nua a klana stoss, scho hots gift des heaz vaseicht.

Woit nua in diesm beruhigendn schweign meditian, woit mi söba in diesm letztn refugium therapian

Woit hia donn oi mein kumma und meine schmeazn vahülln, woit in diesm letztn mäachnlond diese eneagien fühln

Hob glaubt, spia ka fremde aura im unscheinboan gebiet, do pletzlich nähat si mia a weisse taubm auf nua an schritt

Valetzt und gschwächt, ka botschoft dabei, da flug woa umsunst, unta den fedan auf da haut siag i die tätowiate kunst.

A koatn mit hieroglyphn und symboin, mit an buntn mix aus buchstobn und zoihn

So winzig kla mit voikommna peafektion, man eakennt sogoa die dritte dimension

A meistaweak mit ausgefeilta technik, easchoffn woan füas passl, füas mosaik

Do i vasteh den geheimcode afoch net, die vaschlüssltn zeichn san so vadreht.

      Da hüfeschrei ruaft vagems duach raum und zeit, des echo vahoit in da obgschiednheit

      Iagendwea hot ois eastas die pistoin zückt, die wöd hot si mit leblosn keapan gschmückt

      Die menschheit hots feua eaöffnet und entfocht, ka engl und ka gott hot uns übawocht

      Die reine woahheit homma scho längst vadrängt, do die weisse taubm hot mi reich beschenkt.

            Iah heaz schlogt im gleichklong mit da natua, die weisse taubm mocht iahre augn longsom zua

            Iah reine sö fliagt direkt in mein mund, die weisse taubm woa wiaklich net meah keangesund

            Iah grosses wissn foaht direkt ins hian, konn da weissn taubm net meah donkn, honorian

            Iah longe reisn im glaubm bestäakt, die weisse taubm hot davon übahaupt nix gmeakt.

Vabreitn ongst und schreckn, nua des unglück wiad gross gschriem, konns schlochtföd net zuadeckn, da tod is wiaklich gean bliem

Die natua is limitiat, bis zu an bestimmtn grad, hot si wieda revanchiat, mit an katastrophnpfad

Schlogzeiln wean donn no gepuscht, dwoahheit foit net so ins gwicht, a poa details wean vatuscht, da schottn gressa ois licht

Da mensch zasteat wos ea liebt, do des hot a no net gwusst, donn is die woog umgekippt, empfindet afoch zvü lust.

Woit do nua in diesa idyllischn ruah meditian, woit in diesm letztn zufluchtsoat meine kräfte stimulian

Woit hia oi meine schwierigkeitn afoch nua wegspean, woit auf diesa einsomen insl die mutta natua vaeahn

Hob glaubt, siag goa ka fremdoatigs wesn in diesm reich, pletzlich trinkt a weisse taubm des kloare wossa ausm teich

Valetzt und gschwächt, ka botschoft dabei, da flug woa umsunst, unta den fedan auf da haut siag i die tätowiate kunst.

A koatn mit strichn, punktn und symboin, mit geometrischn figuan und lichtstroihn

So winzig kla mit grossm detailreichtum, man eakennt sogoa des aktive zentrum

A glonzstück mit klassisch duachdochtn geschick, easchoffn woan füa an seah schoafn duachblick

Do i kapia diesn schlüssl afoch net, diese geheimen zeichn san so vadreht.

      Da woanruf schreit vagems laut duach zeit und raum, da nochklong bricht si tausendfoch om hohn zaun

      Iagendwea hot donn ois eastas an schuss obgem, die wöd schmückt si jetzt mit unschuidige lem

      Die menschheit hot des jüngste gricht wieda entfocht, ka engl und ka gott hot uns übawocht

      Des reine gwissn hot uns no nie gfoitat und quöt, nua diese weisse taubm hot mi eahöht.

            Iah heaz schlogt im rhythmus mit da natua, die weisse taubm hintalosst in da luft ka spua

            Iah reine sö fliagt gonz sonft in mein mund, füa d‘weisse taubm läutn glockn zu iahra stund

            Iah grosse weisheit foaht in mein vastond, die weisse taubm schloft scho friedlich in meina hond

            Iah odyssee hot ma ealeuchtung brocht, die weisse taubm hot drüba goa net long nochdocht.

                  Üba feia und eis, duach nebl und rauch, suacht die weisse taubm noch dem heilign oat

                  Üba strossn und gleis, duach an amoklauf, suacht die weisse taubm noch diesm losungswoat

                  Üba föda und woid, duach feindliches lond, suacht die weisse taubm noch dem heilign monn

                  Üba wüstn und spoit, duach mauan und wond, suacht die weisse taubm noch diesm reinen sohn.

Vabreitn ongst und schreckn, die stean hom scho ois eazöht, die frogn hom scho fleckn, die ontwoat homs vastöt

So vü seitn föhn vom buach, lügn nehmen übahond, belegn ois mit an fluach, leistn donn kan widastond

Schlogzeiln wean zua sensation, die neugia wass jeds detail, pletzlich kumts zua explosion, da schuidige hängt om seil

Dem frein wün wiad befoin, zum mäatyra bist geboan, ois opfa kumst donn ins roin, woitst da wiaklich vü easpoan.

Woit do nua in diesm natüalichn sein meditian, woit in dem feanen winkl die letztn reseavn mobilisian

Woit hia mei katastrophale vagongenheit platzian, woit in diesm unsichtboan gebilde mei lebm kapian

Hob glaubt, riach hia goa kan fremdn eignoatign duft, pletzlich guat gonz leis a weisse taubm glei nebm diesa gruft

Valetzt und gschwächt, ka botschoft dabei, da flug woa umsunst, unta den fedan auf da haut siag i die tätowiate kunst.

A koatn mit streckn, welln und symboin, mit kompliziatn mustan und aureoin

Winzig kla mit exakta genauigkeit, ma eakennt sogoa die einzigoatigkeit

A unikat mit voikommna qualität, easchoffn woan füa dwoahre identität

Do i begreif diese büda afoch net, die vaschlüssltn zeichn san so vadreht.

      Da woanschrei ruaft vagems laut duach raum und zeit, die klongfoabm valian schnö iah helligkeit

      Iagendwea hot ois eastas d’hond zum gruss eahom, die wöd sommlt si wieda om rechtn strom

      Die menschheit hot die lawin east ins roin brocht, ka engl und ka gott hot uns übawocht

      Unsre reine moral homma dopplt vabaut, nua diese weisse taubm hot ma vatraut.

            Iah heaz schlogt im söm takt mit da natua, die weisse taubm ziagt no amoi on diesa schnua

            Iah reine sö fliagt gonz weich in mein mund, füa die weisse taubm gibts no kan kloan befund

            Iah grossa weitblick foaht glei in mein geist, die weisse taubm is vüz schnö und vüz weit gereist

            Iah longe flucht hot ma die freiheit gem, die weisse taubm wiads leida net meah söbst ealem.

                  Üba feia und eis, duach nebl und rauch, suacht die weisse taubm noch dem heilign oat

                  Üba strossn und gleis, duach an amoklauf, suacht die weisse taubm noch diesm losungswoat

                  Üba föda und woid, duach feindliches lond, suacht die weisse taubm noch dem heilign monn

                  Üba wüstn und spoit, duach mauan und wond, suacht die weisse taubm noch diesm reinen sohn.

                        Endlich hots eam gfunden, do die weisse taubm is sea geschwächt und scho schwea valetzt

                        Ea hots donn vabundn, do die weisse taubm hot iahre wundn gonz foisch eingschätzt

                        Gonz ruhig is donn vastoam, die weisse taubm nimmt iahre geheimnisse mit ins grob

                        Do ea hot iah no gschwoan, ea kopiat die koatn in an vü gressan mossstob.

copyright by philipp kirschner. 26. oktober 2016,.pk

Geschrieben am 23./24./25./26. Oktober 2016.pk

**********************************************************************************

dieses mal habe ich wieder den gesamten text für euch bereit gestellt.

www.facebook.com/philjazz

twitter.com/philjazmetlyric

danke fürs lesen!

euer
phil