367. | Messa.

habe das letzte kapitel hinzugefügt (23.09.2016).

-----------------------------------------------------------

meine lieben. meine getreuen Leserinnen und Leser und die, die es noch werden möchten. trotzt massiver pc-probleme kann ich auf Sohnemanns Laptop euch den nächsten text vorstellen, der da lautet

******************************************************

367. | messa.

Auf diesm riesngrossn impressionistischn gemälde bin i nua a winzigklana weissa punkt
Iagendwea hot scho wieda sein feinen weichn pinsl mit akribischa manie in an foabnrausch tunkt
Auf da weit entfeant ondan seitn sitzt a winzigklana schwoaza punkt, suacht vazweiflt noch seim gegnteil
Iagendwea schiasst mit an antikn künstlarisch gestoitetn weatvoin langbogn an hölzanen pfeil.

Auf diesm unschätzboan aussagewöhnlichn gemälde bin i nua a winzigklana weissa fleck
Iagendwea hot mit phantastisch kräftig leuchtenden foabm den regnbogn mittls wossafoi aufdreht

Auf da spieglvakeahtn seitn hockt a winzigklana schwoaza fleck, suacht vazweiflt noch seim bestn freind

Iagendwea hot dazwischn von tiafa traua eagriffn a schäumendes unbändig wüdes mea geweint.

     Befrei mi do endlich aus diesm büd, du schaust mi do scho die gonze zeit direkt on

     Do mei hoffnung woa etwos zu vafrüht, denn mei blick schweift mit deinem übahaupt net synchron

     Befrei mi do endlich von da leinwond, du host do eh scho a messa in deina hond

     Do jetzt hob i a scho des vatraun valoan, denn dei blick is gonz pletzlich eastoat und eingfroan.

Auf diesm imposantn staunensweat prächtign gemälde bin i nua a winzigklana weissa strich

Iagendwea hot raffiniat ineinond greifende schottnmusta inszeniat mit nua an simplen hondgriff

Auf da gegnüba liegenden seitn kniet a klana schwoaza strich, suacht vazweiflt noch seim gegnpol

Iagendwea vastösst scho des öftaren gonz bewusst gegn des oidbewäahte ausgewogne protokoll.

Auf diesm fulminantn detailreichn gemälde bin i nua a winzigklana weissa fedazug

Iagendwea hot die distanzn realistisch arrangiat, spüat die leidnschoftlich hoch auflodande glut

Auf da rückwäatign seitn kauat a winzigklana schwoaza fedazug, suacht vazweiflt noch seim kumpan

Iagendwea beobocht peafekt getarnt von an sichren vasteck aus mei zweites ich wie in da frein wüdbahn.

Dieses gemälde bietet dem gesomtn univeasum, genügend zeit und raum wie sond om mea

Dieses gemälde befindet si gonz genau im zentrum, diese dimension is scho legendäa

Dieses gemälde beinhoitet a geheime botschoft, füa queadenka mit freiem offnem geist

Dieses gemälde vaeint reine eneagie und vü kroft, sei innres licht is scho seah weit gereist.

     Entreiss mi do endlich aus diesm büd, deine augn schaun do genau in mei richtung

     Do die gelegnheit is zschnö vablüht, denn mei blick bekommt gonz pletzlich an riss und an sprung

     Entreiss mi do endlich von da leinwond, zaschneid do endlich mit deim messa dieses lond

     Do jetzt bleibt die sichaheit spualos vaschoin, denn dei blick konn si on rein goa nix meah eafreun.

          Host gonz kuaz in an lichtblitz a vision ealebt, dei innastes hot füachtalich zittat und bebt

          Hoitst des messa no in deina eisanen faust, rostige tränen beweinen den Holocaust

          Bekommst die vision afoch net meah aus deim kopf, tiaf eingedrückt befindet si da rote knopf

          Hoitst des messa no in deina vakrompftn hond, sei schäafn gleitet spielend leicht duach dein vastond.

Auf diesm anzigoatig kolossaln stoizn gemälde bin i nua a winzigklana weissa klecks

Iagendwea hot die wiaklichkeit in a wirre fiktion transfoamiat, ausglöst duach an alleagenen reflex

Auf da obaren unsichtboan seitn liegt a klana schwoaza klecks, suacht vazweiflt noch seim gegnstück

Iagendwea stüazt olle utopischn dynastien in dem niemondslond in a ewig währendes unglück.

Auf diesm effektvoin übawältigendn gemälde bin i nua a winzigkleines weisses bond

Iagendwea hot sei gschicht in lebendige foabn übasetzt, da anzige zeuge is da volle mond

Auf da untaren uneagründlichn seitn lehnt a kleines schwoazes bond, suacht vazweiflt noch seim kamerad

Iagendwea träuflt des gloskloare flüssige gift in die tränen da woikn, is auf seim letztn kriegspfad.

Dieses gemälde is die geboane singulariät, is in an dichtn graun nebl taucht

Dieses gemälde strotzt nua so von stoaka vitalität, die dimension is no net vabraucht

Dieses gemälde hot des buch da weisheit glei dekodiat, und den schlüssl zua ealeuchtung vasteckt

Dieses gemälde hot reine eneagie und kroft inhaliat, sei innres licht hot scho vü freigelegt.

     Ealös mi do endlich aus diesm büd, noch unsam augnkontakt hob is donn glei gwusst

     Do diesa moment woa vüz schnö vaglüht, mei blick ealeidet an grossn qualitätsvalust

     Ealös mi do endlich von da leinwond, benutz do endlich moi des messa kopfbetont

     Jetzt hot si mei optimismus entfeant, denn dei blick hot jede eainnarung valeant.

          Host nua füa a poa sekundn halluziniat, dei innastes is voa ongst glei losgaloppiat

          Hoitst des messa no in deina vakrompftn faust, vasoizne tränen san vüz schnö hearuntagsaust

          Die halluzination geht da duach mark und bein, diese panik grobt si bis in dei bewusstsein

          Hoitst des messa no in deina blockiatn hond, sei schäafn streichlt mit präzision dein vastond.

               Üba dia hängt des damoklesschweat, sei klana bruada is scho wutvazeat

               Des messa braucht endlich fleisch und blut, des messa schneidet wön in die flut

               Direkt üba dia schwebt nua die gfoah, des kaos öffnet scho sei grosses toa

               Des messa taucht gean im fleisch und blut, des messa zateilt gean den übamut.

Auf diesm bombastischn hearausrogendn gemälde bin i nua a winzigklane weisse figua

Iagendwea hot des sich bewegende licht zum stüstond brocht, mit künstarisch kreativa architektua

Auf da sinnentleat paradoxn seitn schloft a klane schwoaze figua, suacht vazweiflt noch seim onhang

Iagendwea schickt diese aktive dynamische eneagie wieda weit zruck zum jungfräulichn onfong.

Auf diesm obmteialich spektakuläan gemälde bin i nua a winzigklane weisse gstoit

Iagendwea hot die kosmischn eaeignisse und phänomene mit ana vaspütn leichtigkeit gmoit

Auf da relativn unlogischn seitn schreit a klane schwoaze gstoit, suacht scho vazweiflt noch seim stomm

Iagendwea manipuliat die neu geboarene zukunft, die entschwebtn sön wiegn net amoi a gromm.

Dieses gemälde is a supamassives schwoazes loch, konn sein hungaduascht afoch niemois stün

Dieses gemälde flüstat in seina eignen fremdn sproch, diese dimension hot kan eignen wün

Dieses gemälde hot des gesomte wissn obsoabiat, do die evidenz woa goa kan bewusst

Dieses gemälde hot sei eneagie und kroft zirkuliat, sei innres licht bleibt weitahin robust.

            Earett mi do endlich von diesm büd, füa a kuaze zeit hob i tiaf in di reingschaut

            East noch ana weile hebst du dein schüd, denn mei blick hot sei hoate schäafe vüz schnö obbaut

            Earett mi do endlich von da leinwond, dei messa befindet si im ausnahmezuastond

            Hob jetzt diese reine woahheit untadrückt, denn dei blick is so lea und schaust scho so varückt.

                        Host ständig wüdn phantomen hintaheagjogt, dei innastes hot die topfakeit guad vapockt

                        Hoitst des messa no in deina blockiatn faust, bluadige tränen hom iah spektrum obgepaust

                        Dieses phantom is dei negative kopie, dei attacke beendet die anomalie

                        Hoitst des messa no in deina gelähmtn hond, sei schäafn filetiat scho hauchzoat dein vastond.

                                   Üba dia hängt des damoklesschweat, sei klana bruada is scho wutvazeat

                                   Des messa braucht dringend fleisch und blut, des messa schneidet wön in die flut

                                   Direkt üba dia schwebt nua die gfoah, des kaos öffnet scho sei grosses toa

                                   Des messa taucht giarig in fleisch und blut, des messa zateilt gean den übamut.

                                               Auf diesm messa stehn deine initialn, fein säubalich mit gschwungna schrift

                                               Denn dei messa hot übahaupt kane rivaln, eastroiht glänzend im sonnenlicht

                                               Mit diesm messa host mi donn endlich befreit, fein säubalich mit gschwungnem schnitt

                                               Denn dei messa hot dieses gemälde entzweit, schlof endlich ohne defizit.

Auf diesm riesngrossn impressionistischn gemälde bin i nua a winzigklana weissa punkt

Iagendwea hot scho wieda sein feinen weichn pinsl mit akribischa manie in an foabnrausch tunkt

Auf da weit entfeant ondan seitn sitzt a winzigklana schwoaza punkt, suacht vazweiflt noch seim gegnteil

Iagendwea schiasst mit an antikn künstlarisch gestoitetn weatvoin langbogn an hölzanen pfeil.

Copyright by Philipp kirschner. 14. oktober 2016.pk


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.