mundartige texte - philipp kirschner: 373.

meine lieben. ich nutze die stunden, in denen mein pc wieder funktioniert. der pc sollte neu aufgesetzt werden. naja. bei mir sollte der pc halt immer funktionieren, wenn ich ihn einschalte.
da lass ich lieber andere ran, die sich damit auskennen.

so, genug davon. hier ist er auch schon:

*************************************************

373. | finstanis.

Hob dei lebmsbuach jetzt endlich zu ende studiat, hob auf jeda seitn die anzlnen buchstobm decodiat

Host so vü rätsl und geheimnisse drin vasteckt, host mit deim kompliziatn stil die wenign lesa vaschreckt

Hob deine zeichnungen no nie so richtig kapiat, mi hot dieses geflecht von strichn und kreisn nie intressiat

Host in deina phantasiewöd kan ausgong entdeckt, schreibst und moist di in extase, bist scho schweissnoss und stoak earegt.

Spia donn dei wut, dein zoan, und ignoaria dein hoss, do dei tobsuchtsonfoi londet wieda auf mein schoss

Dei blick vasprüht scho gift, foist in an tiafn wahn, dei hoss frisst di scho auf, foahst scho wieda ochtabahn

Fühl in dia a kötn, die des feia vazeaht, ka liebe meah in dia, host di net dagegn gweaht

Vadrehst deine augn, host jetzt schaum voam mund, foist pletzlich ins koma, in an nie endenden schlund.

Schrei so laut i konn, do kana hot mi gheat, die finstanis hot mi im valies eingspeat

Hämma gegn die wond, do kana hots ghöat, die finstanis hot mei lebmslicht zastöat

Schick so vü oiptraim, do kana hots voibrocht, die finstanis hot voa schodnfreude glocht

Schlog gegan spiegl, zaspringt in tausend scheam, die finstanis schickt mi ins grosse vadeam.

Hob deine skulptuan nie ois weatvolle kunst ongsehn, woit dei kuaze sinnlose kreative phase nie vastehn

Host mit müll und schrott vü herumexperimentiat, dei auffossung von modean und wegweisend woa vüz kompliziat

Hob deine söbstdrehtn füme mit grausn ongschaut, hob deinen unzusommenhängenden drehbüchan nie vatraut

Host in deina phantasiewöd dein weg scho valoan, vaiast di zülos im labyrinth, host di dafüa auseakoan.

Spia dein äaga, dein groll, ignoaria dei manie, do dei raserei londet in da anomalie

Bist gfäahlich virulent, tollwütig aggressiv, dei sucht noch roha gwoit host afoch net meah im griff

Fühl dein racheduascht, vahungat fost jedn tog, ka liebe meah in dia, mutiast scho zu an eisblock

Vadrehst deine augn, host jetzt schaum voam mund, foist pletzlich ins koma, in an nie endenden schlund.

Des echo vahoit, pletzlich heascht obsolute stün, da fodn zareisst, sowie da eigne freie wün

Host di no festkroit, do dei kroft woa scho gonz vabraucht, bist sofoat entgleist, bist in dichtn nebl eintaucht

Es flüstat da wind, pletzlich bricht da wüde stuam los, es gibt ka zurück, riskiast afoch kan gegnstoss

Und die zeit varinnt, da alarm is scho längst ogrennt, do des bissl glück, hot si afoch vüz weit rausglehnt.

Kreisch so laut i konn, do kana hot mi gheat, die finstanis hot mi in an soag eingspeat

Tromml gegn des hoiz, do kana hots ghöat, die finstanis hot mi innalich zastöat

Hoff auf rettung, do kana hot mi befreit, die finstanis hot mei heaz und sö entzweit

Dresch gegn des glos, zaspringt in tausend scheam, die finstanis ziagt mi ins grosse vadeam.

Meine händ san bluadig rot vaschmiat, hob die scheam in da finstanis wieda zommgsetzt

Hob die teile iagendwie drapiat, hob mein spüasinn in da finstanis übaschätzt

Und scho wieda föhn wöche om schluss, hob in da finstanis den übablick valoan

Gib oin an letztn obschiedskuss, hob ka gfüh meah füa diese feinen sensoan.

Hob deine exzesse in kansta weise untastützt, dei übatriebne adrenalinsucht hot di goa net beschützt

Host jeds obmteia mit vü söbstvatraun duachlebt, die wundn und noabm hom di übaflutet, san net vaebbt

Hob dein masslosn drognkonsum afoch scho sott, hob den wiedabelegungsvasuch jetzt net meah im ongebot

Host deina phantasiewöd tüa und fensta vaweaht, bist gfongen in raum und zeit, host dein letztn fluchtweg söbst vaspeat.

Des echo vahoit, pletzlich heascht obsolute stün, da fodn zareisst, sowie da eigne freie wün

Host di no festkroit, do dei kroft woa scho gonz vabraucht, bist sofoat entgleist, bist in dichtn nebl eintaucht

Es flüstat da wind, pletzlich bricht da wüde stuam los, es gibt ka zurück, riskiast afoch kan gegnstoss

Und die zeit varinnt, da alarm is scho längst ogrennt, do des bissl glück, hot si afoch vüz weit rausglehnt.

Bin jetzt endlich mit da finstanis vaeint, die finstanis is mei ollabesta freind

Wuade olla eainnarungen beraubt, in diesa finstanis wiad ma ois ealaubt

Die finstanis legt si sonft auf mein vastond, die finstanis is mit mia sönvawondt

Hob meina phantasiewöd lebewoih gsogt, bin mit diesa finstanis meah ois valobt.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

geschrieben am 30.+31. mai und 01. juni 2016

***********************************************

dieser text wurde für eine seite verfasst, da die nummer 372 über 1,5 blätter (=3 seiten) reicht.

nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.