******************************************************
368. | oiptraum.
Schliess
kuaz deine augn, und donn mochs wieda auf, atme bewusst tiaf duach, und foig
dem bochvalauf
Steig
boafuass ins wossa, geniess des koide noss, drah di amoi im kreis, lausch den
feinen echos
Nimm
an sta in dei hond, huldige dea natua, umoam gonz stü an baum, zaschneid dei
noblschnua
Schweb
do zu den woikn, fliag endlich mitm wind, schenk dein innren friedn, jeda frau,
monn und kind.
Schliess
kuaz deine augn, öffnes zua rechtn zeit, atme die frische luft, host di von oin
befreit
Fühlst
di jetzt fedaleicht, losst jetzt ois hinta dia, do du schaust net meah zruck,
bist heiss wie a geysia
Dei
weg füaht quea duachs lond, da regn woscht dei spua, ka eainnarung bleibt, denk
endlich on dein schwua
Schlof
auf diesn woikn, hoach auf die gschicht vom wind, vaschenk a dei liebe, on die
frau, monn und kind.
Da fein gemoihne sond findt imma
sein eignen weg, und fliesst rieslnd duach zeit und raum
Die asche und da staub wean vom wind
gonz leicht vaweht, und londn unsonft im oiptraum
Die unzählign schritt eagebn zomm
east an sinn, von obm eakennt ma des woat
Deine hieroglyphn hoffn auf an
neubeginn, hättst da gean ois ondare easpoat.
Schliess
kuaz deine augn, und schlogs glei wieda auf, füll donn deine lungen, mit an
heilign rauch
Streichl
des hohe gras, pilze wissn bescheid, visionen host eablickt, dazua woast scho
bereit
Woat
ruhig auf a zeichn, wiast das donn glei vastehn, meditia in da stün, deafst di
a weidadrehn
Die
woikn deckt di zua, spia den eiskoidn wind, schenk dei lebnsfreude, jeda frau,
monn und kind.
Schliess
kuaz deine augn, öffnes glei hintahea, und fütta donn dei lung, die luft is
legendäa
Steh
donn nua auf an bein, und hoit dei gleichgewicht, fühlst deinen mittlpunkt,
inhalias sonnenlicht
Olle
sinne san gschäaft, bist eins mit da natua, bist mit dia im reinen, füa di
gibts goa ka uah
Tauch
duach diese woikn, eafoasch donna und blitz, da regn woscht di rein, nimm von
oin a notiz.
Mit
gschlossnen augn träumst di ind viate dimension, mit offnen augn vastehst jede
infoamation
Mit
gschlossnen augn meditiast tiaf in an gebet, mit offnen augn kommuniziast mit
dem planet
Mit
gschlossnen augn spiast die eneagetische kroft, mit offnen augn eakennst kloa
unsre vawondtschoft
Mit
gschlossnen augn bist scho duachs wödoi weit gereist, mit offnen augn inhaliast
tiaf den frein geist.
Da gschmoizene sond suacht si imma
sein eignen weg, fliesst zähflüssig duach zeit und raum
Die asche und da staub sommln si
beim woiknsteg, foin gemeinsom in an oiptraum
Jeda anzelne schochzug bekommt jetzt
a substanz, von obm siagt mas labyrinth
Diesa schaurige goatn is die letzte
instanz, des vagongne hättst gean mitbestimmt.
Do diesa oiptraum
heat afoch net auf, und findt ka end, foitat und quöt scho so long
Und diesa oiptraum
hot sein schnöstn lauf, hot olle blendt, lauat scho hintam voahong
Denn diesa oiptraum
is a wossafoi, gibt kan staudamm, rächt und lyncht mit akribie
Und diesa oiptraum
bleibt an imma treu, is wie balsam, heilt dei vagessne amnesie.
Schliess
kuaz deine augn, hoits donn glei wieda stroff, vagrössa dein brustkoab, tank
frischn sauastoff
Leg
di aufn ruckn, in ana voimondnocht, sei licht is a magnet, hot a besondre kroft
Belausch
den eadbodn, den rütmus vom heazschlog, atme im gleichn takt, untaschreib den
vatrog
Spü
do mit den woikn, fongen oda vasteck, loss auch amoi gwinnen, in iahm
himmlbett.
Schliess
kuaz deine augn, öffnes wieda danoch, inhalia diese luft, in iahra eignen
sproch
Grob
mit da hond in da ean, riach den wüazign duft, da humus is lebm, bewoch do
diese bucht
Lies
do des tagebuch, vom uaoidn gestein, behoits in eainnrung, jedes anzelne sein
Die
woikn ziehn weida, niagendwo a stüstond, a in da longsomkeit, nähat ma si dem
rond.
Mit
gschlossnen augn träumst di in fremde galaxien, mit offnen augn vastehst die
buntn symphonien
Mit
gschlossnen augn vasenkst di tiaf ins vakuum, mit offnen augn eawochst ausm
delirium
Mit
gschlossnen augn spiast scho jedn meridian, mit offnen augn eakennst den
imposantn plan
Mit
gschlossnen augn host diese ewigkeit bereist, mit offnen augn host die weide
freiheit einkreist.
Da vasteinate sond hot sein weg ins
zü scho gschofft, eastoat mit da zeit und im raum
Asche und staub wuadn von da lava
hoat bestroft, eawochn im gresstn oiptraum
Jeds taktische manöva hot an tiafan
gehoit, von obm siagt mas mosaik
Dieses kompliziate musta is höhare
gwoit, liest daraus die geomantik.
Do bei dem oiptraum
is ka end in sicht, endlosa füm, malträtiat aus reina lust
Diesa oiptraum
eastroiht im weissn licht, so ungestüm, is si kana schuid bewusst
Diesa oiptraum
a kometneinschlog, gibt ka zurück, peinigt fanatisch peafekt
Diesa oiptraum
stöt übahaupt ka frog, foit donn ins glück, heilt endlich dein nebmeffekt.
A schottn
schleicht duach dein oiptraum
und vafoigt dei panische fuacht
Dei ongst
mutiat zua wiaklichkeit und hot noch deina woahheit gsuacht
A schottn
bewegt si unsichtboa duach dein brutaln oiptraum
Dei zuastond
is scho kritisch, stehst voa ana maua, ana wond, an zaun.
Schliess
kuaz deine augn, nimm an tiafn atemzug, donn mochs glei wieda auf, und moch
dein eastn flug
Breit
deine fliagl aus, und spring vom klippmdom, donn schwebst du schwerelos, londest
in an kokon
Suach
des end vom fodn, hoits fest und loss net los, pass auf doss a net zreisst,
sunst entsteht nua kaos
Die
woikn wiad zum beag, und ändat iahre foab, die friedliebende stün, wiad
pletzlich laut und hoat.
Schliess
kuaz deine augn, atme die reine luft, öffne sie donn wieda, schau in die tiafe
schlucht
Moch
jetzt an schritt voaron, übawind den frein foi, die stufn unsichtboa, die
wüafln hom ka zoih
Des
schicksoi hots bestimmt, a des karma hot recht, steht ois in den steanen, in an
wian geflecht
Die
botschoft da woikn, hot no kana aufgspüat, des rätsl ungelöst, des gschenk
bleibt zugeschnüat.
Mit
gschlossnen augn träumst di in a parallelwöd, mit offnen augn vastehst des
weide himmlszöt
Mit
gschlossnen augn löst du di vom iadenen sein, mit offnen augn trinkst den nebl
aus jedm gestein
Mit
gschlossnen augn spiast du den magnetischn kean, mit offnen augn eakennst du
die weisheit da sphäan
Mit
gschlossnen augn bist donn füa längre zeit vareist, mit offnen augn bist donn
füa die freiheit entgleist.
Da fein gschliffne sond wiad auf
seim weg wiedageboan, glitzand funklt in zeit und raum
Asche und staub hom do scho längst
iah wiakung valoan, entgehn afoch net dem oiptraum
Jede oblenkung täuscht die wichtige
quintessenz, von obm eakennt ma den sotz
Die philosophische reife leidet on
demenz, die gedonkn san om foischn plotz.
Do diesa oiptraum
ziagt no kan schlussstrich, setzt a kan punkt, martat nua ois zeitvatreib
Denn diesa oiptraum
is seah effektiv, ind sö eintunkt, des heaz hot si söbst befreit
Denn diesa oiptraum
is a explosion, gibt si ois feind, misshondlt mit vü reichtum
Diesa oiptraum
dient da motivation, da beste freind, und heilt des letzte stadium.
A schottn
schleicht duach dein oiptraum
und vafoigt dei panische fuacht
Dei ongst mutiat zua wiaklichkeit und hot noch deina
woahheit gsuacht
A schottn
bewegt si unsichtboa duach dein brutaln oiptraum
Dei zuastond
is scho kritisch, stehst voa ana maua, ana wond, an zaun.
Dei
letzte kreizung, dei letzte kuavn, dei letzte grodn ins zü
Da
oiptraum schwenkt scho die
fahne, gwonnen host jetzt endlich dieses spü
Dei
letzta schritt, dei letzta otemzug, dei eainnarung vablasst
Da
oiptraum is glei vagessn,
dei lebm woa nua schweara ballast.
Schliess
kuaz deine augn, und donn mochs wieda auf, atme bewusst tiaf duach, und foig
dem bochvalauf
Steig
boafuass ins wossa, geniess des koide noss, drah di amoi im kreis, lausch den
feinen echos
Nimm
an sta in dei hond, huldige dea natua, umoam gonz stü an baum, zaschneid dei
noblschnua
Schweb
do zu den woikn, fliag endlich mitm wind, schenk dein innren friedn, jeda frau,
monn und kind.
copyright by philipp kirschner 11. oktober 2016.pk
~~~~~~~~~~~~~~~~~~~~~~~~~~~~~~~~~~~~~~~~~~~~
nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen