mit beginn des blogs (im august mit der nummer 381.) habe ich ja bekannt gegeben, dass ich insgesamt 150 neue texte schreiben will, damit die gesamtzahl meiner texte auf 400 kommt. und jetzt ist es bald soweit. ganze 10 fehlen noch.
damit euch nicht von meinem gelabere langweilig wird, darf ich euch nun die nummer 390 mit namen "unsichtboara kuss" vorstellen.
*****************************************************
390. | unsichtboara kuss.
Da
rieslnde regn streichlt zoat mei oids gsicht, do meine trübm augn san vüz oft
undicht
Bist
afoch üba nocht ohne a woat obghaut, spia no imma dei berüahrung auf meina hautBunte vawökte blätta foin einsom hearob, da heabstliche bodn is a kaleidoskop
Host afoch üba nocht die bruckn übaqueat, hob di imma scho so intensiv heiss begeaht.
Da rieslnde schnee legt si sonft auf mei oids gsicht, meine augn tränen im trübm keaznlicht
Bist afoch üba nocht gonz leis auf und davon, spia no imma dei berüahrung mit jedm ton
Die onzuckate natua funklt leuchtend weiss, da wüde wossafoi gezähmt, eastoat zu eis
Host in da nocht olle tüan hinta dia vaspeat, du alla host ma die intime kunst geleaht.
Hobs gwusst, geahnt und dezent gefühlt, tiaf in mia hot wea mei sö gonz friedlich und stü berüaht
Hob in da vision, im traum gwühlt, tiaf
in mia hot wea sei gschenk gonz leicht und locker vaschnüat
Hobs geahnt, gefühlt und bereits gwusst,
tiaf in mia hot wea a nochricht vaschlüsslt und vasteckt
Mei phantasie hot mi beeinflusst, tiaf in
mia hot mi wea mit an unsichtboan kuss
aufgweckt.
Da
rieslnde schnee schmüzt gonz socht auf meina hond, do meine finga zittan trotz
stoakem vabond
Host
donn üba nocht deine siebm sochn pockt, hob bei deina berüahrung jedesmoi
frohlockt
Da
zuagfroane teich is wie a spiegl gonz glott, neman steg liegt vaschlofn a oids
moasches boot
Host
di afoch so üba nocht in luft aufglöst, fost jedn tog host di mia zua gänze
entblösst.
Da
rieslnde regn trommlt socht auf mei hond, meine finga vakrompfn si auch beim
stüstond
Bist
donn üba nocht vaschwundn und bleibst vaschoin, bei jeda berüahrung gflogn und
wieda gfoin
Da
laue wind benutzt pfützn füa molarein, da no koide bodn dompft scho im
sonnenschein
Bleibst
noch diesa nocht wie vom eadbodn vaschluckt, dei begiade hot mi imma scho
beeindruckt.
Wia
zwa woan a einheit, a komplexes system, hob glaubt unsre liebe wäaht länga ois
unsa zwa lem
Wia
woan wie yin und yang, a vamischte struktua, hob glaubt unsre liebe hoit bei
jeda temperatua
Woan
wie pech und schwefl, hom ois gemeinsom gmocht, hob glaubt unsre liebe brennt
länga ois da keazndocht
Woan
a unschlogboas team, jede hüadn besiegt, und donn pletzlich üba nocht is unsre
liebe eastickt.
Hobs geahnt, gefühlt und bereits gwusst,
tiaf in mia hot wea mei sö gstreichlt und wohlig liebkost
Mei sehnsucht woa ka sinnesvalust, tiaf
in mia hot mi wea voa joahn eawöht und ausglost
Hobs gefühlt, gwusst und praktisch
geahnt, tiaf in mia hot wea a botschoft enkodiat und vasteckt
Jeda wunsch is mitanond vazahnt, tiaf in
mia hot mi wea mit an unsichtboan kuss
aufgweckt.
Diesa unsichtboare
kuss füaht glei zu ana gefühlsexplosion, kum direkt zum Höhepunkt
Diesa unsichtboare
kuss mutiat zu ana liebesfoamation, hot ma donn den
schlüssl gfunkt
Diesa unsichtboare
kuss hot unsre eainnarungen belebt, eng vawobm im
geflecht
Diesa unsichtboare
kuss schlogt hohe wön, is no long net vaebbt, des echo
is rein und echt.
Da
rieslnde regn benetzt gonz sonft mei haut, hob dem laun sauban wossa imma scho
vastraut
Nua
du bist donn üba nocht voa iagendwos gflohn, jede berüahrung von dia woa wie a
zyklon
Die
blütnprocht sät an süsslich wüazign duft, des frische grün is in schattiarungen
eingstuft
Bist
afoch üba nocht deina bestimmung gfoigt, hob mi deina hoatn erotik imma scho
beugt.
Da
prasslnde regn massiat mei nockte haut, meine trübm augn hom wieda traurig
gschaut
Host
di afoch üba nocht ind fremde obgsetzt, hob nie die hitz deina berüahrung
untaschätzt
A
wohlige wäame losst die natua gedeihn, da fruchtboare bodn wiad die schätze
befrein
Bist
donn üba nocht in a ondre richtung grennt, dei libido woa imma in iahm element.
Woan
füa einond bestimmt, in symbiose glebt, hob glaubt unsre liebe hot no imma in
mia stoak bebt
Woan
a konglomerat, vaschmoizn und vaeint, hob glaubt unsre liebe is jetzt wieda
gonz neu gekeimt
Woan
imma im gleichklong, friedliche harmonie, hob glaubt in unsra liebe stimmt
unsre innre chemie
Wia
zwa woan a truppe, jedn weg gonz leicht gschofft, und donn pletzlich üba nocht
is unsre liebe obgflocht.
Hobs gefühlt, gwusst und praktisch
geahnt, tiaf in mia hot wea mei sö gonz hingebungsvoi berüaht
Mei hunga noch dia woa eklatant, tiaf in
mia hot mi wea longsom mit peafektion vafüaht
Hobs gwusst, geahnt und intim gefühlt,
tiaf in mia hot wea a rätsl aufgebm und vasteckt
Mei valongen is nie obgekühlt, tiaf in
mia hot mi wea mit an unsichtboan kuss
aufgweckt.
Diesa unsichtboare
kuss füaht glei zu an echtn vuikanausbruch, foi glei in
an Sinnesrausch
Diesa unsichtboare
kuss valongt imma noch an nein vasuch, wiad donn zu an
schlogobtausch
Diesa unsichtboare
kuss hot unsre obmteia heavoakramt, wie a engmaschiges
netz
Diesa unsichtboare
kuss wiad beschützt und von da liebe umrahmt, so echt
und rein da reflex.
A gähnende leare stiazt auf mi ein, stüamt mit mia mit volla wucht ins
Vakuum
Da unsichtboare kuss
konn mi befrein, aus diesm vaeinsomtn Delirium
A endlose traua, mei sö zabricht, die vün scheabm passn net meah
ineinond
Da unsichtboare kuss
eastroiht im licht, kum wieda zruck und reich ma endlich dei hond.
Da
prasslnde regn trommlt donn wüd drauf los, mei oida keapa is scho a eigna
kosmos
Host
afoch üba nocht die weite feana gsuacht, dei berüahrung hot mi voa extase
zafuacht
Die
hitz vatrocknet bäche, des gwitta bringt flut, da fruchtboare schlomm heilt und
mocht ois wieda gut
Nua
du bist ma üba nocht afoch so entwischt, dei berüahrung woa mit oin möglichn
gmischt.
Da
rieslnde regn mitm nebl vawondt, mei schwocha keapa findt des regnbognlond
Host
afoch üba nocht dei flucht peafekt umgsetzt, woa bei jedn deina berüahrungen
obghetzt
Die
stoakn baim trogn schwea on siasssaura frucht, a mea aus födan wöngleich zua eante
ruft
Host
afoch üba nocht dein eignen weg vafoigt, do dei berüahrung hot koide schaua
eazeugt.
Da
rieslnde regn streichlt zoat mei oids gsicht, do meine trübm augn san vüz oft
undicht
Bist
afoch üba nocht ohne a woat obghaut, spia no imma dei berüahrung auf meina haut
Bunte
vawökte blätta foin einsom hearob, da heabstliche bodn is a kaleidoskop
Host
afoch üba nocht die bruckn übaqueat, hob di imma scho so intensiv heiss
begeaht.
Liebe
aufm eastn blick, woa telepathie, hob glaubt unsre liebe hot füa ewig gnua eneagie
Woast
mei spieglbüd, mei schicksoi, mei guade fee, hob glaubt unsre liebe is gressa
ois die tiafste see
Woast
mei ein und ois, mei anzige wiaklichkeit, hob glaubt unsre liebe is füad reine
woahheit bereit
Woast
mei nonplusultra, ois gemeinsom eareicht, hob glaubt unsre liebe is füa jede prüfung
geeicht.
Hobs gwusst, geahnt und intim gefühlt,
tiaf in mia hot wea mei sö feurig lodand heiss umoamt
Hob mei leidnschoft niemois vahüllt, tiaf
in mia hot wea mei traurigs heaz zum lächln umgfoamt
Hobs geahnt, gfühlt und iagendwie gwusst,
tiaf in mia hot wea sei geheimnis getarnt und vasteckt
Bin süchtig auf unsre sinneslust, tiaf in
mia hot mi wea mit an unsichtboan kuss
aufgweckt.
Diesa unsichtboare
kuss füaht glei zu ana heissn eruption, hob donn
oagastisch laut gschrien
Diesa unsichtboare
kuss woat gonz ruhig auf mei easte reaktion, muass nua
on da leine ziehn
Diesa unsichtboare
kuss hot donn unsre roinspiele ausgrom, so vü glänzende
Ideen
Diesa unsichtboare
kuss is a heiligtum, wiad niemois vaschom, wiad echt und
rein aufeastehn.
A gähnende leare stiazt auf mi ein, stüamt mit mia mit volla wucht ins
Vakuum
Da unsichtboare kuss
konn mi befrein, aus diesm vaeinsomtn Delirium
A endlose traua, mei sö zabricht, die vün scheabm passn net meah
ineinond
Da unsichtboare kuss
eastroiht im licht, kum wieda zruck und reich ma endlich dei hond.
Woa dei eigne freiwillige
entscheidung zu dem ollaletztn schritt
Host ois bis ins klanste
detail geplant, nua chaos in deim Labyrinth
Mit diesm unsichtboan
kuss host an schlussstrich zogn quea duach dei lem
Vastehs afoch net, weas
niemois kapian, iagendwonn wead i da vagem.
geschrieben am 18./19./20./21. Oktober 2016.pk
Copyright by philipp kirschner 21. Oktober 2016.pk
~~~~~~~~~~~~~~~~~~~~~~~~~~~~~~~~~~~~~~~~~~~~~~
nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen