mundartige texte - philipp kirschner: 387.

meine lieben. die letzten acht Strophen stehen für euch bereit, um von euch gelesen zu werden. somit ist der gesamte text nun veröffentlich.

seid gegrüsst, meine lieben leserinnen und leser. danke für euren besuch. nach Anfangsschwierigkeiten meinen pc zu starten, konnte ich glücklicherweise meinen text fertigstellen.

da sehe ich mal, wie abhängig ich vom pc bin. aber ich denke, es bleibt nicht aus, diesen pc neu aufzusetzen oder schlimmeres. einen neuen zu kaufen. :)

so genug. nun darf ich euch den neuen text vorstellen. meine lieben, das ist

***********************************************

387. | balsam.

Innalich jublt mei heaz üba dei liebe zu mia, nua äussalich füah i mi auf wie a wüds tia

Innalich tobt in mia a oakan volla eneagien, nua äussalich mecht jetzt die müdigkeit einziehn
Brodl und koch innalich wie a riesigs lavamea, nua äussalich spia i rein goa nix, fühl mi lea
Innalich begeht mei gsundheit an meahfochn betrug, nua äussalich sitz i in an todkronkn zug.

Jubl innalich üba meine vün guadn freind, nua äussalich is kana so richtig vaeint

Innalich hüpft und springt mei giarigs heaz im liebesrausch, mei keapa braucht nua äussalich an schlogobtausch
Loch innalich dröhnend laut üba mei eigne peason, eante nua äussalich den woahn hoatn lohn
Bin innalich gspoitn, grundvaschiedn wie tog und nocht, nua äussalich is mei gleichgültigkeit duachdocht.

Deine hauchzoatn liebesschwüare betöan mein vastond, dei extatisches stöhnen bricht mein widastond

      Deine gflüstat schmutzign woate mochn mi gonz heiss, dei wölfisches geheul schmüzt bei mia jedes eis
      Deine vafüahrungskünste mit deina zung, deinem mund, deinen füssn und händn mochn mi gonz wund
     Deine schoafn rassign kuavn schneidn gonz tiaf rein, dei gschmeidigkeit schmüzt wie balsam jedn hoatn stein.

Innalich jublt mei sö üba deine heazlichkeit, nua äussalich host mi no net vom schnee befreit

Innalich übaschwemmt mi mei geheime sehnsucht, nua äussalich bist füa mia a obgstondne luft
Fliess innalich bei deim onblick in an bruchteil dahin, hob nua äussalich bei dia kane phantasien
Raubst ma innalich mei ochtsomkeit, mei konzentration, zeig nua äussalich ka geringste reaktion.

Jubl innalich üba die positive ontwoat, bin nua äussalich vaschoin und wieda weit foat

Tonz innalich oft stundnlong duach dei intimität, nua äussalich vasteck i mei neavosität
Vabrenn innalich wie a trockena ausdöata woid, bin vielleicht nua äussalich scho a bissl oid
Innalich foitat und malträtiat mi die eifasucht, nua äussalich schwimm i mit haien in da bucht.

Ob innen oda aussn, es is voikommen egal, a kuaze atempausn, donn spiat jeda des signal

Ob aussn oda innen, mocht afoch kan untaschied, a kuaze meditation, donn geht ma wieda im gleichschritt
Da weg füaht üba brückn und beag, duach wiesn, föda und baumweak, in den sonnenuntagong
Da traum entfüaht mi ins paradies, die dunklheit in a büdnis, wieda gonz zruck zum onfong.

Deine sonftn liebesbeschwörungen mochn mi schwoch, duach dei vazücktes seufzn eazittat mei doch

      Deine gsäuslt onzüglichn sprüch mochn mi gonz wüd, dei lustvois gejaule zabricht sogoa mein schüd
      Deine valockendn reize mit deim mund, deina zung, deim roinspü mochn mi stets bereit zum sprung
      Deine heissblütign kuavn weafn mi aus da bahn, dei beweglichkeit is füa mein keapa wie balsam.

Mecht in diesn peafekt gschwungenen kuavn, täglich mei technik vabessan und trainian

            Mecht auf diesn peafekt gewölbtn kuavn, deine erogenen zonen animian
            Mecht nebm diesn peafekt rundn kuavn, jedn moagn dei scheenheit tiaf inhalian
            Mecht auf diesn peafekt gebognen kuavn, dia meine spuan hintalossn und neu kre-ian.

Innalich jublt mei heaz üba dein bereitschoftsdienst, nua äussalich vatrau i dem lügngespinst

Lös mi scho innalich voa reinem und puan glück auf, nua äussalich quoimt aus mi a seah dichta rauch
Tauch innalich duach dei sinnliches liebeslabyrinth, vastö mi donn nua äussalich taub, stumm und blind
Innalich bringst mi jede minutn zu an ausbruch, beleg di nua äussalich mit an longen fluch.

Jubl innalich üba dein tiafn liebesbeweis, ziag nua äussalich gelongweilt um di an kreis
Zaspring innalich voa lauta wonne und hochgenuss, moch nua äussalich füa die ondan mit dia schluss
Bekomm innalich an drehwuam, wonn i die rundn moch, und äussalich wonn i in deine augn loch
Hoss mi innalich füa mei valogne täuschte foischheit, sog nua äussalich mit voaghoitna hond d‘woahheit.

Ob innen oda aussn, die bedeutung is gonz gleich, loss die gedonkn fliegn, siagt donn ois im trübm teich
Ob aussn oda innen, is sowieso ois ident, vasenk mi in a leare, fühl mi donn wies element
Da weg füaht duach a höhle und fluss, voabei on geysian und bambus, in diesn sonnenaufgong
Da traum entfüaht mi ins mäachenlond, die helligkeit üba den rond, wieda gonz zruck zum onfong.

Deine weichn liebeszaubasprüch earegn mi stoak, dei impulsives hechln geht ma bis ins moak

      Deine gehaucht schlüpfrign ausdrück mochn mi gonz schoaf, dei oagastisches gschrei heat ma im nächstn doaf
      Deine voin knoirodn lippm, dei heazföamiga mund, deine zäatlichn finga mochn an neuen fund
      Deine feurig steiln kuavn trogn mi weit hinaus, dei akrobatik is wie balsam, vadient applaus.

Mecht in diesn peafekt gschwungenen kuavn, täglich mei technik vabessan und trainian

Umhüllst mi wie balsam, nua alla mit deim blick, beschützt mi wie balsam, des is ka zaubatrick

                  Streichlst mi wie balsam, beruhigst mi auf da stö, dei heilenda balsam, schlof glei ein auf beföh
                  Dei friedlicha balsam, nua du host mi gezähmt, wäamst mi duach dein balsam, du bist mei dirigent
                  Pflegst mi mit deim balsam, om tog und in da nocht, dei liebe is balsam, hob donn wieda laut glocht.

Innalich jublt mei sö üba deine harmonie, empfind di nua äussalich ois anomalie
Innalich öffnest du di mia mit oi deina weisheit, nua äussalich is des füa mi ka wiaklichkeit
Innalich bist mit mia scho längst vaschmoizn und vaklebt, hob mi nua äussalich mit dia ausanondglebt
Geh innalich mit dia übas wossa, fliag in da luft, vaobscheu nua äussalich diesn billign duft.

Innalich jublt mei gedächtnis üba so vü freud, hob nua äussalich die eainnarungen bereut
Produzia innalich scho gnua männlichs testosteron, nua äussalich is mei instinkt net gonz synchron
Innalich blühn und gedeihn meine schmettaling im bauch, hob nua äussalich goa kan eneagievabrauch
Sprüh innalich funkn, in mia explodiats feiaweak, vahoit mi nua äussalich wie a koida beag.

Ob innen oda aussn, denn ois is unintressant, hoach auf die stimmen vom wind, donn is lebm guad vaplant
Ob aussn oda innen, büdet a eigne einheit, somml meine lebm ein, hob mi söbst von mia befreit
Da weg füaht duach an woiknnebl, üba stana wie a säbl, in diesn sonnenuntagong
Da traum entfüaht mi ind ewigkeit, den schottn ind einsomkeit, wieda gonz zruck zum onfong.

      Deine mildn liebesbezeugungen fessln mein sinn, dei temparamentvois keuchn is Medizin
      Deine gerauntn deabm begriffe hom mi seah greizt, dei obszönes wüstes gekreisch hot mi eingheizt
      Deim intimen blick deina augn bin i tiaf vafoin, wead dei animalische aura nie bemoin
      Deine frivoln gewagtn kuavn pressn mi ond wond, dei geschicklichkeit is wie balsam, bin gonz entsponnt.

            Mecht in diesn peafekt gschwungenen kuavn, täglich mei technik vabessan und trainian
            Mecht auf diesn peafekt gewölbtn kuavn, deine erogenen zonen animian
            Mecht nebm diesn peafekt rundn kuavn, jedn moagn dei scheenheit tiaf inhalian
            Mecht auf diesn peafekt gebognen kuavn, dia meine spuan hintalossn und neu kre-ian.

                   Bedeckst mi wie balsam, nua du kennst mi so guad, bewoahst mi wie balsam, bist mei sichaheitsguat
                  Berüahst mi wie balsam, schweb wieda schwerelos, dei wohliga balsam, belebt neu mein Kosmos
                  Dei lieblicha balsam, füaht mi wieda ins licht, umoamst mi mit balsam, hoitst mi im Gleichgewicht
                  Soibst mi mit deim balsam, kumst so oft auf besuch, dei liebe is balsam, schreibst ois ins togabuch.

                        Spia dei innige nähe, is wie balsam in meina sö, mochst die nocht wieda hö
                        Spia dei glodne eneagie, is wie balsam auf meina haut, die stün mocht goa kan laut
                        Spia deine gedonknwöd, is wie balsam in mein vastond, berüah endlich mei hond
                        Spia no dein unruhign geist, is wie balsam in meim gsicht, nua die träne widaspricht.

Innalich jublt mei heaz üba dei liebe zu mia, nua äussalich füah i mi auf wie a wüds tia
Innalich tobt in mia a oakan volla eneagien, nua äussalich mecht jetzt die müdigkeit einziehn
Brodl und koch innalich wie a riesigs lavamea, nua äussalich spia i rein goa nix, fühl mi lea
Innalich begeht mei gsundheit an meahfochn betrug, nua äussalich sitz i in an todkronkn zug.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 29./30. september // 01. oktober 2016.pk.

******************************************************

nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.