meine lieben treuen besucher dieses blogs. ein grosses dankeschön an euch alle. das gibt mir mut weiterzumachen und somit meine texte für euch zu präsentieren.
mein pc funktioniert derzeit wieder. fragt mich nicht wieso, warum. keine ahnung. versuche die zeit zu nutzen, um weiterzuschreiben und alle anderen wichtigen tätigkeiten zu vollziehen.
genug geschrieben. hier ist er nun.
******************************************************
374. | eainnarungen.
Renn
schweissübaströmt duachn dichtn finstren woid, mei schrei is stü hamlich ohne
echo vahoit
Iagendwos
jogt mi quea duachs dickicht und gestrüpp, mei nockta keapa is zakrotzt, hob
afoch ka glück
Schnauf
und keuch, schnopp giarig noch jedm atemzug, meine lungen brennen, stehn
gwoitig unta druck
Meine
kroftreseavn valian zvü eneagie, mecht net stoipan, net strauchln, is jo nua
theorie.
Bin
donn pletzlich eawocht, des mittn in da nocht, fühl mi taub, stumm und blind,
spia den stüamischn wind
Schwimm
und tauch in meim bett, lieg hoat auf an schachbrett, von figuan einkreist, hom
mein vastond vaspeist
Bin
wie zu sta eastoat, hätt ma ois gean easpoat, konn mi afoch net riahn, wüs no
net akzeptian
Bin
allan, mia is koid, lauf wieda duachn woid, mecht jetzt zruck auf mein weg,
steh mittm aufm woiknsteg.
Spia donn wieda dei liabs gsicht
direkt voa mia, schwebst schwerelos, tonzt in edla holda zia
Spia donn wieda dei erotische figua,
do dei eascheinung hintalosst hia ka spua
Spia wieda dei liebe, die iah licht
vastroiht, suacht vazweiflt noch mia in dem finstren woid
Spia donn oba a dei bittre
traurigkeit, meine eainnarungen
hom si söbst befreit.
Hoit
mein kopf üba wossa im reissendn fluss, ruda mit meine oam in an wüdn rütmus
Denn
iagendwos jogt mi üba jede stromschnön, mei nockta keapa trifft olle weiss
schäumende wön
Hob
mi vaschluckt, schnopp giarig noch da frischn luft, meine lungen pumpm, is mei
kronghofte sucht
Meine
kroftreseavn schwindn, san boid easchöpft, mecht net eatrinkend tauchn, fühl mi
scho wie geköpft.
Bin
donn endlich eawocht, des mittn in da nocht, kane sinne meah gspüat, da stuam
hot mi entfüaht
Fliag
und schweb in meim bett, lieg auf an noglbrett, von hämman eng umzäunt, hom
mein vastond weggräumt
Bin
wie zu sta eastoat, hätt ma ois gean easpoat, hob mi net meah bewegt, bin
innalich zasägt
Ois
is koid und diffus, tonz imma no im fluss, mecht jetzt zruck auf mein plotz,
steh jetzt mittn aufm sprengsotz.
Ois
hot si von mia so weit entfeant, bin innalich scho gänzlich entkeant
Olle
büda san wieda gonz weiss, die foabm hom an grossn vaschleiss
Die
gedonkn homs denkn valeant, ka hasses feia hot mi no gewäamt
Des
gonze hot si scho vüz oft teilt, nua die wundn san net meah vaheilt.
Spia wieda dein voin rodn mund auf
mein, glänzt in an kräftig fluoreszierendn schein
Spia donn wieda dein keapa auf meina
haut, die berüahrungen samma net mea vatraut
Spia donn dei liebe, jedn anzelnen
kuss, suacht vazweiflt noch mia in dem wüdn fluss
Spia oba a dei vasoizne tränenflut,
meine eainnarungen valian scho den
mut.
Die vagessnen eainnarungen
wean ewig obgspeichat in jedm steanenlicht
Die valoanen eainnarungen
hoitn die schwoaze materie im gleichgwicht
Die vapasstn eainnarungen
segln unberüaht aufm licht duach zeit und raum
Die vagrobnen eainnarungen
eawochn wieda zum lebm east in an traum.
Kletta
in äussast schwindlearegende höhn, obstüazende fösbrockn schoffn a gedröhn
Iagendwos
jogt mi auf jede spitzn vom beag, mei nockta keapa hot diese schmeazn net
obgweaht
Röchl
und fauch, schnopp giarig nochm sauastoff, meine lungen brennen, steh auf an
moaschn doch
Den
kroftreseavn geht die dynamik valoan, mecht net obstiazn, net foin, hob nua no
gschwächte sensoan.
Bin
auf amoi eawocht, des mittn in da nocht, afoch nix meah bemeakt, da oakan hot
si vastäakt
Steh
und sitz auf meim bett, lieg hoat auf an hackbrett, äxte hom mi umringt, hom
mein vastond obgschminkt
Bin
wie zu sta eastoat, hätt ma ois gean easpoat, net mit da wimpa zuckt, oi mei
feua vaschluckt
Die
kötn muass mi quön, steig jetzt no in die höhn, mecht jetzt zruck auf mein
pfad, steh jetzt mittn im mischsalat.
Ois
bleibt um mi hearum gonz vaschoin, innalich kumt die lawin ins roin
Olle
füme hom an tiafn riss, die pausn mochn kan kompromiss
Des
gwitta hot no donnat und blitzt, niemond hot mi in den lebmsbaum gritzt
Des
gonze hot si duachdividiat, jeds klanste stück wuade ramponiat.
Spia wieda dei zunge afoch übaroi,
hintalosst a feuchte spua wie a beagkristoi
Spia wieda dei peafekt gefoamte
skulptua, do innalich steigt bei mia ka tempratua
Spia wieda dei liebe, dei nosses
gestöhn, suacht vazweiflt noch mia in den steiln höhn
Spia oba a dei gebrochne einsomkeit,
meine eainnarungen hom si foisch
eingreiht.
Die vagongnen eainnarungen
san gonz sicha vastaut in jedm steanenlicht
Die entfoinen eainnarungen
stehn im dickn lebmsbuach mit da geheimschrift
Die vasäumtn eainnarungen
gleitn unberüaht aufm licht duach raum und zeit
Die vagrobnen eainnarungen
spriessn in da visionäan scheinwiaklichkeit.
Schick da
meine eainnarungen mitm steanenwind,
duachs gedonknlabyrinth
Send da meine
eainnarungen mit telepathie,
duach jede anomalie
Liefa meine eainnarungen
bei dia pünktlich ob, mit hüfe vom wondastob
Mecht da
meine eainnarungen peasönlich
onvatraun, in den lebmsringen vom baum.
Reise duachd eadn bis zu iahm mittlpunkt, mei oida schutzonzug hot ma die gfoahn gfunkt
Reise duachd eadn bis zu iahm mittlpunkt, mei oida schutzonzug hot ma die gfoahn gfunkt
Iagendwos
jogt mi duach die tiafn jeda schicht, mei nockta keapa eakennt net amoi dieses
gift
Bin
scho fost eastickt, schnopp giarig noch an lufthauch, meine lungen brennen,
mutia zum schwoazn rauch
Meine
kroftreseavn vasickan in da gruam, mecht net wieda aufsteign zu diesm hohn
tuam.
Bin
auf amoi eawocht, des mittn in da nocht, die leare hoit mi fest, a wiablstuam
im nest
Spü
und wühl auf meim bett, lieg hoat auf an schneidbrett, messa hom mi einzwängt,
hom mein vastond aufghängt
Bin
wie zu sta eastoat, hätt ma gean ois easpoat, in mia ois amputiat, hobs no net
akzeptiat
In
die kötn eintunkt, foi bis zum mittlpunkt, mecht jetzt zruck in mei lem, do i
steh mittn im eadbem.
Ois
hob i scho wieda so vamisst, hob innalich scho die fahne ghisst
Olle
fotos san jetzt scho vablosst, die schäafe is trüb und is scho grost
Die
gezeitn eingfongen vom mond, kana hot des magnetföd entsponnt
Des
gonze wuade gspoitn, zahockt, mei lem wuade in a foin glockt.
Spia di wieda von aussn, von tiaf
drin, die oagstische symbiose mocht sinn
Spia dei wollust in jeda anzelnen
zön, dei erotik eazeugt bei mia kane wön
Spia wieda dei liebe, host in mia
eintunkt, suacht scho vazweiflt noch mia im mittlpunkt
Spia oba a dein gequötn sönschmeaz,
mit meinen eainnarungen
gehts nua obwäats.
Die vaschoinen eainnarungen
san gonz sicha vawoaht in jedm steanenlicht
Die vasunknen eainnarungen
eaöffnen jetzt wieda a kloare freie sicht
Die vaschwundnen eainnarungen
streichln dieses licht in jeda eadenklichn foab
Die vagrobnen eainnarungen
gedeihn prächtig in an blumengschmücktn schlichtn soag.
Schick da
meine eainnarungen mitm steanenwind,
duachs gedonknlabyrinth
Send da meine
eainnarungen mit telepathie,
duach jede anomalie
Liefa meine eainnarungen
bei dia pünktlich ob, mit hüfe vom wondastob
Mecht da
meine eainnarungen peasönlich
onvatraun, in den lebmsringen vom baum.
Hätt
no so vü zu sogn, zu eazöhn, do die eainnarungen
schmözn vüz schnö
Hätt
no so vü weisheitn preiszugem, do die eainnarungen
miassn jetzt gehn
Hätt
do no so vü details zu vastreun, do die eainnarungen
miassn jetzt zoihn
Hätt
do no so vü ontwoatn parat, do die eainnarungen
treffn auf verrat.
Renn
schweissübaströmt duachn dichtn finstren woid, mei schrei is stü hamlich ohne
echo vahoit
Iagendwos
jogt mi quea duachs dickicht und gestrüpp, mei nockta keapa is zakrotzt, hob
afoch ka glück
Schnauf
und keuch, schnopp giarig noch jedm atemzug, meine lungen brennen, stehn
gwoitig unta druck
Meine
kroftreseavn valian zvü eneagie, mecht net stoipan, net strauchln, is jo nua
theorie.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Geschrieben am
07./08./09./10./11. juni 2016.pk.
Überarbeitet am 09.
märz 2017.pk. – copyright by philipp kirschner.pk.
******************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen