388. | Sichres vasteck.

meine lieben freundinnen und freunde, meine lieben fansinnen und fans. meine motivation war so riesengross, dass ich in zwei tagen den neuen text geschrieben haben. die wörter gingen mir so leicht von der hand. da ist ja noch einiges potiential in mir :).

des kurzen vorworts langer text: hier ist er auch schon - diesmal die gesamte länge. also alle strophen. das ist doch mal eine sensation !

******************************************************

388. | sichres vasteck.

Foita und quö mi nua von fruah bis spät, kriag scho a gänsehaut von deina aggressivität

Hoi ruhig dei laude peitschn aus deim schronk, sink voa deinen streichleinheitn bluadigrot auf dei bonk

Schlog mi mit deina faust mittn ins gsicht, schau scho benommen ins vafüahrarische keaznlicht

Tropf des hasse wox auf mei zoate haut, hob da bei jedn deina schoafn gelüste vatraut.

Foita und quö mi von spät bis ind fruah, wohlig koide schaua rasn scho giarig auf mi zua

Mei ruckn wiad von da geissl massiat, diese schmeazn san duach die klan kugln explodiat

Jog ma an nogl duach mei hondgelenk, varostet vasübat, beides is des scheenste geschenk

Ritz ma vü klane schnitte mit deim schweat, hob mi noch deim kräftign einreibm vom measoiz vazeaht.

      Du reinigst mei sö, mei heaz, mein vastond, du säubast meine wundn, beschützt mi voam voimond

      Du entfeanst meine föhla und schwochstön, du glättest diese stundn, rettest mi voa den flutwön

      Du desinfiziast meine innarein, räumst die stana aus mein weg, bewoahst mi voa träumarein

      Du vafeinast mein instinkt, jedn sinn, suachst ma a sichres vasteck, behütest mi voa phobien.

Foita und quö mi afoch tog und nocht, dei kronkhofte phantasie sprengt scho mei voastöllungskroft

Tritt mit deine fiass voi gegn mein bauch, mei ongsponnta keapa nimmt die blaun flecke in kauf

Vagrob mi in da wüstn im sondloch, wiaf grosse stana auf mein kopf bis i mi hoib totloch

Begiess meine fiass mit frischn beton, häng mi do vakeaht ausm viazigstn stock vom balkon.

Foita und quö mi afoch nocht und tog, woat scho sehnsüchtig auf dein nächstn befreiendn schlog

Wickl ma um mein hois an goignstrick, wonn i a bissl wüag is hoit nua a klans missgeschick

Leg ma des tuach üba nosn und mund, hoit mi guad fest, denn des wossa suacht nochm tiafstn grund

Seavia man homma do auf an tablett, hau mei fleisch zu regnbognfoam von göb bis violett.

Du bist mei schutzengl, mei göttin, mei zaubafee, du bist mei weiblicha ritta, mei heilsarmee

Du bist rund um die uah gonz alla nua füa mi do, kennst mi scho auswendig mit deina libido

Du ziagst die fädn, drahst die räda im hintagrund, du druckst die knöpfe und schoita füan befund

Stöst mei zeugnis aus, untaschreibst jedn kronknschein, bringst woikn zum regnen, und mia den sonnenschein.

      Du reinigst mein vastond, mei sö, mei heaz, du büastest mei struppigs fell, mit mia gehts nua no aufwäats

      Du löscht mei traurige eainnarung, bist mit mia scho parallel, rettest mi voam obsprung

      Du entschlackst mein keapa und mei figua, keahst den staub da zeit weit weg, foigst unsichtboa meina spua

      Vabessast mein reflex, mei reaktion, baust ma a sichres vasteck, füa dei traurige vision.

            Des anzig sichre vasteck is mei letzta zufluchtsoat, mei schlupfloch, mei festung, mei buag

            In diesm anzig sichren vasteck gibts ka beses woat, leb doat scho seit meina gebuat

            Des anzig sichre vasteck gibt ma sichaheit und beistond, des is mei mia bekonnte wöd

            Denn dieses anzig sichre vasteck is mei heimatlond, siag des gesomte himmlszöt.

Foita und quö mi nua tog ein tog aus, donk da für dei kreativität mit recht vü applaus

Reiss die finganägl aus iahm bett, die fuassnägl glei dazua, dekorias auf an schochbrett

Fräs ma do afoch a loch in meim kopf, miss mei hianaktivität, brot mei gehian in an topf

Ziag an hassn droht duach mei zoate haut, hob imma om bodn liegend zu dia valiabt hochgschaut.

Foita und quö mi nua tog aus tog ein, dei ideenreichtum schmüzt sogoa metoi und gestein

Fessl mi kompliziat auf jede oat, benutz an güatl, a schnua, a leine füa diesn spoat

Schrei mi nua on, moch ois wos du befühst, host mi wegn mein gehoasom scho oft brutal geküsst

Bin scho längst dei peasönlichs eigntum, hob kane rechte, nua pflichtn, bin a guads publikum.

Bist a heilige, mei göttin, mei lebmsessenz, du bist mei weiblicha kriega, mei existenz

Hegst und pflegst mi mit so vü liebe rund um die uah, begleitest mi auf meina entziehungskua

Du behoitst imma den übablick üba dei reich, treibst das schee bunt, wüd und ungezähmt zum ausgleich

Kontrolliast mit akribie, goa nix wiad übasehn, bringst eis zum kochn, mia blühende orchideen.

      Du reinigst mei heaz, mein vastond, mei sö, du beseitigst jedn schmutz, bin jetzt dei vasuachsmodö

      Du tilgst afoch jedn klanstn beweis, behoits mi ois eignnutz, rettest mi voam glotteis

      Du entziagst ma vü drogn und jeds gift, eliminiast jedn dreck, gehst mit mia wieda ins licht

      Steigast mei kondition um hundat prozent, mochst ma a sichres vasteck, nua füa dei expeariment.

            Des anzig sichre vasteck is mei letzta mittlpunkt, mei hofn, mei zentrum, mei schloss

            Hob von diesm anzig sichren vasteck mei liebe gfunkt, mei lebm wiad zu an geschoss

            Des anzig sichre vasteck gibt ma schutz und geboagnheit, des san meine via weissn wänd

            Denn dieses anzig sichre vasteck schenkt ma die freiheit, doat bin i in meim element.

                  Denn dei technik is scho legendäa, des sichre vasteck wiad afoch niemois lea

                  Dei talent is extraoadinäa, des sichre vasteck hot a eigne obweah

                  Dei geschick is revolutionäa, im sichren vasteck heascht imma vü vakeah

                  Dei qualität is spektakuläa, in diesm sichren vasteck mecht jeda imma meah.

Foita und quö mi nua von schwoaz bis weiss, dei genialität ziagt scho imma gressare kreis

Boah ma gnua lecha duach knochn und fleisch, giess flüssigs eisn hinein, hoach aufs zischende geräusch

Zasäg mi in klane teile und stück, nähs hoit donn bitte wieda iagendwie zomm auf guad glück

Tauch mi kopfüba in frischn beton, ziag mi nockt aus, leg mi ins wossa und schoit ein den strom.

Foita und quö mi nua von weiss bis schwarz, dei produktivität is bei mia scho längst in den charts

Schneid mein bauch auf, oparia mi allein, loss da meine oagane guad schmeckn beim feuaschein

Jonglia mit messan üba mei statua, bemoi mi afoch mit ana glänzendn bleiglasua

Skalpia mi und ziag ma die haut vom leib, hängs zum trocknen auf an rahmen afoch nua ois zeitvatreib.

Bist a himmlisches wesn, mei göttin, mei gfoina stean, bist mei weiblicha kämpfa und mei hoata kean

Kümmast und soagst di rund um die uah nua no um mi, opfast so vü kroftreseavn und eneagie

Denn du bist die numma ans auf deim kommandostond, schaust net nua hinob, sondan a üban hechstn rond

Denn dei heaschoft regiast mit eiskoid liebenda gwoit, bringst vuikane zua explosion, und mia vüfoit.

      Du reinigst mei sö, mei heaz, mein vastond, du entsoagst den sondamüll, vateidigst mei eignes lond

      Du liquidiast scho jedn deina feind, host das scho so im gefühl, hob donn dei rettung vaneint

      Repariast die mängl, jeds defizit, bleib liegn in diesm eck, moch mit dia den eastn schritt

      Vaedlst mei scheenheit, mei harmonie, zeigst ma des sichre vasteck, jetzt in meina agonie.

            Des anzig sichre vasteck is mei heim, mei onkaplotz, mei fremde insl, mei bastei

            In diesm anzig sichren vasteck liegt a grossa schotz, leb nua vom freudngeschrei

            Des anzig sichre vasteck gibt ma vatrautheit und einsicht, des is mei letztes paradies

            Denn dieses anzig sichre vasteck hoit mei gleichgewicht, nua füa mi gibts an kompromiss.

                  Denn dei technik is scho legendäa, des sichre vasteck wiad afoch niemois lea

                  Dei talent is extraoadinäa, des sichre vasteck hot a eigene obweah

                  Dei geschick is revolutionäa, im sichren vasteck heascht imma vü vakeah

                  Dei qualität is spektakuläa, in diesm sichren vasteck mecht jeda imma meah.

                        Host da ois künstlarin scho an nomen gmocht, denn dei hondweak spricht si schnö hearum

                        So vü hom unta deim doch die nocht vabrocht, do kana flieht aus deim heiligtum

                        Des sichre vasteck hot no kana aufgspüat, hia heascht a reges kommen und gehn

                        In dem sichren vasteck host so vü vafüaht, des sichre vasteck wiads niemois vastehn.

Foita und quö mi nua von fruah bis spät, kriag scho a gänsehaut von deina aggressivität

Hoi ruhig dei laude peitschn aus deim schronk, sink von deinen streichleinheitn bluadigrot auf dei bonk

Schlog mi mit deina faust mittn ins gsicht, schau scho benommen ins vafüahrarische keaznlicht

Tropf des hasse wox auf mei zoate haut, hob da bei jedn deina schoafn gelüste vatraut.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

copyright by philipp kirschner 06. oktober 2016.pk

Geschrieben am 05./06. Oktober 2016

******************************************************

nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.