Montag, 16. Oktober 2017

330. | träumt.

meine lieben treuen, braven leserinnen und leser. ein riesengrosses dankeschön an euch für euer interesse an 328. | einsomkeit (allasein) und 329. | vamiss, den ich bereits im september 2016 veröffentlich habe. nochmals ein herzliches dankeschön für euren besuch.

hier habt ihr eine gesamtübersicht über buch 4 und buch 3.

und schon steht der nächste text mit seinen lyrischen gereimtheiten vor eurer türe. wünsche euch schon jetzt ein abenteuerliches lesevergnügen.

hierbei geht es um jemanden, der seine liebe zu ihr nicht vergessen kann, aufgeben will - sogar bis über den tod hinaus.
aber vielleicht fällt euch ja etwas anderes auf. gerne würde ich eure interpretation lesen. danke.

nun genug der vorwörter: hier ist der text:

>>>>>>>>>>>>>>>>>>><<<<<<<<<<<<<<<<<<<<

330. | träumt.

Dieses gfüh is no imma net voabei, in deim magnetföd bin i gfongen und kum no long net frei
Denn diese liebe fliesst in jede zön, wie a wüda boch stüazt sa si von kopf bis fuss in a wön
Des innre gleichgwicht kippt gonz pletzlich um, die sölische pein druckt die woogschoin in a delirium
Da gonze kreislauf kumt gonz duachanond, olle gedonkn drahn si nua um di, valia no mein vastond.

Dieses gfüh lodat no long tiaf in mia, des feia brennt hass und hoch, mocht mein keapa zu sein revia
Diese liebe frisst mi innalich auf, füa a gegnweah bin i scho zschwoch, zu hoha kroftvabrauch
Olle foabm stroihn prächtig intensiv, mei blick konzentriat si nua auf di, bist so scheen attraktiv
Mei valiabtes heaz rennt an marathon, mei temperatuaschwonkung wiad gsteuat von mein testosteron.

      Deshoib flücht i jetzt in mei eigne gesichate wöd, hob die vün lichtjoah goa net meah zöht
      Drum hob i mei lond mit ana hohn maua einzäunt, trotzdem hob i scho wieda von dia träumt
      Deshoib hob i ma jetzt an sicharen fluchtplan eastöt, wo ka anzigs klanste detail meah föht
      Drum hob i jetzt endlich mei heaz und mei sö aufgeräumt, trotzdem hob i scho wieda von dia träumt.

Dieses gfüh brodlt mit äussesta gwoit, mei entflommtes bluad kocht in meine adan und wiad nie koid
Diese liebe eanäaht si von meim schmeaz, die vün schmettaling tänzln unentwegt auf- und obwäats
Nua i valia stetig on keapagwicht, vasoag mi söba nua no mit seah vü leidnschoft und licht
Des wichtige ruckt in den hintagrund, mia genügt dei englseascheinung und dei siass lächlnda mund.

Dieses gfüh steckt tiaf in an longen stau, tüamt si auf wie gfoine regntropfn und da moagntau
Denn diese liebe übaschwemmt mei sein, schmüzt den weissn sond zu glos und zabricht den beag zu gestein
Bin da jetzt mit jeda fasa vafoin, oi meine oagane schrein noch dia voa sehnsüchtign quoin
Mei valiabts heaz braucht jetzt adrenalin, dei foamvoiendete figua is donn die beste medizin.

Hob kan eignen wün meah, bin wie feangesteuat, hob die kontrolle üba mi valoan
Mei lebm rudimentäa, bist mei bezugspeason, mei vastond hot si gegn mi vaschwoan
Find des übahaupt net fair, die zwickmühln hoit mi fest, auf maximum draht san meine sensoan
Fühl mi so leicht und so schwea, schweb wie im vakuum, do i woat no imma auf meine vektoan.

      Deshoib flücht i jetzt in mein eignen gsichatn bereich, ois luftdicht obgschlossn zum druckausgleich
      Drum hob i mei gebiet mit hohn barriean eingezäunt, trotzdem hob i scho wieda von dia träumt
      Deshoib hob i jetzt mein fluchtplan bis ins klanste duachdocht, vabessat, die föhlaquön übawocht
      Drum hob i jetzt endlich mei heaz und mei sö aufgeräumt, trotzdem hob i scho wieda von dia träumt.

            Und diesa traum hot mi in meina liebe zu dia no gestäakt
            Und diesa traum hot si mei wüde phantasie gonz genau gmeakt
            Und diesa traum hot donn mei liebe zu dia zua explosion brocht
            Und diesa traum besucht mi scho seit joahn jede longe finstre nocht.

Dieses gfüh hot si no long net entfeant, dei onziehungskroft hot scho oi meine begiadn entkeant
Diese liebe woxt prächtig und gedeiht, hot olle synapsn in iah grosses geheimnis eingweiht
Spia vaändarungen von om bis unt, bin eanstlich valetzt, vawundet, kronk voa liebe, trotzdem gsund
Steh völlig danebm und mittndrin, woah mei hoitung so guads hoit geht mit eisena disziplin.

Dieses gfüh is a aktiva vuikan, schloft niemois, kumt nie zua ruah, die eruption duachbricht die membran
Diese liebe scheint so hö wie die sunn, blendet den voimond, sogoa die ondan stean san net immun
Du stehst bei mia imma im mittlpunkt, hob da die vatrautn liebesschwüare telepathisch gfunkt
Mei valiabts heaz hot jetzt an höhnrausch, zwischn heaz und sö kumts ständig zu an heftign schlogobtausch.

Dynamisch umstrukturiat, hot si foisch entwicklt, hob mein rhythmus vagessn und valoan
Mei lebm hots akzeptiat, du füttast mei denkn, mei vastond hot si gegn mi vaschwoan
Hob donn a no protestiat, da schwitzkostn woa z‘eng, auf höchstleistung getrimmt meine motoan
Fühl mi wie nei kalibriat, host füa mi ois bestimmt, do die aufgobm san unsichare faktoan.

      Deshoib flücht i in mei eigne gsichate dimension, vauasocht donn a kettnreaktion
      Drum hob i meine sphäan von an dichtn nebl einzäunt, trotzdem hob i scho wieda von dia träumt
      Deshoib hob i auf meim fluchtplan jede foin eingraviat, olle unebmheitn archiviat
      Drum hob i jetzt endlich mei heaz und mei sö aufgeräumt, trotzdem hob i scho wieda von dia träumt.

            Und diesa traum hot mi in meina liebe zu dia untastützt
            Duach diesn traum liegn die begiadn offn, san ungeschützt
            Diesa traum hot mei liebe zu dia zu an feiaweak umgfoamt
            Denn diesa traum hot mi scho seit joahn jede longe nocht umoamt.

                  Hob scho wieda von dia träumt, die gonze zeit lächle i so valiabt im schlof
                  Hob scho wieda von dia träumt, mei woahre liebe zu dia losst afoch net noch
                  Hob scho wieda von dia träumt, mei liebe besingt di in iahra eignen sproch
                  Hob scho wieda von dia träumt, mei liebe trogt di jetzt in unsa schlofgemoch.

Dieses gfüh donnat duach mei fleisch und blut, und blitzt in oin foabm duach meine venen wie a flut
Diese liebe strotzt scho voa lust und gia, mei liebesfontäne is a eruption wie a geysia
Find di mit gschlossne augn jedazeit, witta dein eignen duft, so earotisch feminin aufgreiht
Die hoamone fliagn so dicht gedrängt, dei impressionistisches büd hot donn meine kettn gsprengt.

Dieses gfüh bleibt ewig in mia vagrom, bin wie aufglodn, muass mi obkühln, steh ständig unta strom
Diese liebe hot hunga auf dei lem, und mei duascht auf dei extase hot da donn zu denkn gem
Jede poare da haut is auf di gricht, jeda lusttropfn funklt wie stean im wollüstign licht
Mei valiabts heaz hot di umoamt und drückt, streichlt deine empfindlichstn stön, hot di donn endlich beglückt.

Ois wieda spieglvakeaht, um hundatochzg grad dreht, hob jetzt die orientiarung valoan
Fensta und tüan vaspeat, des kloare denkn vawischt, mei vastond hot si gegn mi vaschwoan
Woa vakrompft und ongstvazeat, die gummizön zu hoat, in da dunklheit gibts kane reflektoan
Fühl mi scho so sinnentleat, bin a vakoihts zündhoiz, mei liebesbuach is einteilt in sektoan.

      Deshoib flücht i jetzt in mein eignen gsichatn zeitraum, doat steht da letzte oide liebesbaum
      Drum hob i mei bewusstsein mit gähnenda leare einzäunt, trotzdem hob i scho wieda von dia träumt
      Deshoib hob i mein oidn fluchtplan donn wieda vabronnt, meine neavn hom si donn wieda entsponnt
      Drum hob i jetzt endlich mei heaz und mei sö aufgräumt, trotzdem hob i scho wieda von dia träumt.

            Und diesa traum hot mi in meina liebe zu dia motiviat
            Diesa traum hot mit meina kreativität expearimentiat
            Und diesa traum hot mei liebe zu dia von oin seitn bestroiht
            Denn diesa traum hot da scho seit joahn jede longe nocht büda gmoit.

                  Hob scho wieda von dia träumt, die gonze zeit lächle i so valiebt im schlof
                  Hob scho wieda von dia träumt, mei woahre liebe zu dia losst afoch net noch
                  Hob scho wieda von dia träumt, mei liebe besingt di in iahra eignen sproch
                  Hob scho wieda von dia träumt, mei liebe trogt di jetzt in unsa schlofgemoch.

                  Hob scho wieda von dia träumt, die gonze zeit hob i a lächln in meim gsicht
                  Hob scho wieda von dia träumt, füa mei reine liebe gibts goa ka gegngift
                  Hob scho wieda von dia träumt, nimm ruhig täglich bei meina liebe untaricht
                  Hob scho wieda von dia träumt, mei liebe trogt di üba d‘schwön ins moagnlicht.

                        Foi jetzt in an tiafn schlof und hob scho wieda von dia gonz alla träumt
                        Geh mit nockte fiass in an boch und hob donn die oide bruckn vasäumt
                        Foi jetzt in an ewign schlof und hob wieda von dia gonz alla träumt
                        Brauch jetzt dringend an sauastoff, do i hob d‘letzte chance scho längst vasäumt.

~~~~~~~~~~~~~~~~~~~~~~~~~~~~~~~~~

Geschrieben am 14./15./16. oktober 2015.pk.
Überarbeitet am 25. jänner 2017.pk. 
copyright by philipp kirschner.pk.

***********************************

nochmals danke für euren besuch.
euer phil, der mundartige

hier die üblichen links.
facebook
twitter
google+

Mittwoch, 11. Oktober 2017

328. | einsomkeit (allasein).

seid mir alle hier auf meinem blog gegrüsst. ein herzliches willkommen. danke dass ihr mir wieder so zahlreich die treue hält. weiters ein grosses dankeschön für euer interesse und für euren besuch von text 327. | valoane zeit.

hier eine übersicht über band 4 und band 3.

dieser text ist ein sozialkritischer text.

ich wünsche euch trotzdem ein interessantes spannendes leseabenteuer:

>>>>>>>>>>>>>>>>>>><<<<<<<<<<<<<<<<<<<<

328.     Einsomkeit (allasein).

In letzta zeit do woas scho a bissl komisch, zeast woans nua klanigkeitn, die net so auffoin
Iah togesoblauf woa a aufsteh-schlof-gemisch, iah denkn valief nua no in engen spiroin
Hot si in iahra oidn wohnung scho vaiat, a bleibenda stechenda schmeaz hot sie scho quöt
Die äazte hom iah a neurose attestiat, die psychischn problem hom si hintn ongstöt.

Jetzt liegts scho seit togn gonz vagessn im bett, hot kane freunde, hot nie a vawondtschoft ghobt
Woa scho imma gonz alla, hot jedn vaschmäht, hot nie gheirat, woa nie valiebt oda valobt
Olle fensta san zua, ma heat a goa kan laut, von aussn eascheint ois in friedliebenda ruah
Die nochboaschoft hot a nie an kontakt aufbaut, do diesa penetrante gstonk weckt die natua.

      Diese traurige einsomkeit hot des allasein scho so sott, füht si so valossn und isoliat
      Diese grenznlose einsomkeit suacht scho noch an rettungsboot, scho längst om grund des meares einquartiat
      Diese tiafe einsomkeit hot iah schicksoi oba a söbst gwöht, find net meah hearaus, hot si söbst eingspeat
      Diese schweakronke einsomkeit hot si afoch vüz oft vazöht, hot d‘letzte bruckn longsom übaqueat.

In letzta zeit woa ea scho a bissl komisch, ma hot eam ongmeakt, iagendwos läuft net so rund
Sei togesoblauf woa a aufsteh-schlof-gemisch, hot scho gekränklt, sei gsichtsfoab woa scho ungsund
Seine schwächeonfälle hom eam niedadrückt, a lauts schnaufn und huastn woa des otemhoin
Sei strapaziats heaz woa davon net seah entzückt, mit ollaletzta kroft is a in ohnmocht gfoin.

Jetzt liegt a scho seit togn vagessn im bett, hot kane freunde, hot nie a vawondtschoft ghobt
Woa imma söbstständig, hot si söbst ois gedreht, sei anzige freindin hot eam zvü hearumtobt
Olle voahäng san zua, a ka laut is zu hean, von drausst betrochtet liegt ois in friedlicha stün
Die nochboaschoft woit jo schliesslich net imma stean, do diesa penetrante gstonk bricht jedn wün.

Denn a jeda lebt nua in die eignen via wänd, wies donn weida geht, hot si vom vastond obtrennt
Denn jeda denkt nua on sei eignes woiheagehn, so leicht hot mas unglück, des elend übasehn
Denn jeda hot nua sei eignes blickföd in sicht, die augn stua grod aus hoitn des gleichgewicht
Denn jeda is si da nächste, sei besta freind, hintam ruckn die sintflut und mittn drin da feind.

      Die bedrückte einsomkeit kumt mitm allasein net zu recht, fühlt si so ausgschlossn und weit entfeant
      Die endlose einsomkeit woat sehnsüchtig auf a woatgefecht, do sie hot iah eigne sproch längst valeant
      Die depressive einsomkeit foigt ana festn innren spua, gibt ka kreizung, nua da weg is des zü
      Die vawundete einsomkeit hot von lügn endgültig gnua, die bruckn is d‘wiaklichkeit und ka spü.

            Jeda weitre schritt füaht in a gemeinschoft volla vaständnis und mitgefühl
            Jeda weitre schritt vaküazt die barriere zwischn isolation und gewühl
            Mit jedem weitren schritt wiad die einsomkeit zua mutign freundlichkeit transfoamiat
            Denn mit jedem weitren schritt hot die einsomkeit iahre uaängste akzeptiat.

In letzta zeit do woas scho a bissl komisch, hot eigentlich glei gwusst, iagendwos stimmt do net
Iah togesoblauf woa kindagoatn-schui-gemisch, die ständige müdigkeit mit drogn vaweht
Ma heat ka lochn, nua tränen und lauds geschrei, die vazweiflung wiad zua krisn, donn zum chaos
Da letzte goidane schuss mochts füa ewig frei, iahre kinda homs a scho gschofft, san gonz atemlos.

Jetzt liegns scho seit togn vagessn im bett, hom kane freunde, hom nie a vawondtschoft ghobt
Die kinda alla aufzogn, hoate diät, da vota da kinda hot den kontakt längst gstoppt
Olle fensta und voahäng zuagmocht, heat kan ton, von drausst is die noamalität wieda eingkeaht
Füa die nochboaschoft valäuft ois wieda synchron, do diesa penetrante gstonk hot si scho gweaht.

Denn a jeda lebt nua in seina eignen wöd, den ondan wean scho gnua stana in den weg gstöt
Denn jeda denkt nua on sei söbstvaliebtes ich, so leicht übasiagt ma diese not untam strich
Denn jeda eakennt nua sein eignen horizont, nua net voan, sonst übaroi is a hohe wond
Denn jeda is si da nägste, sei besta freind, hintam ruckn die sintflut und mittn drin da feind.

      Da gebrochnen einsomkeit mocht des allasein scho deprimiat, fühlt si obgschnittn, geächtet, vaschmäht
      Die ewige einsomkeit hot die ontwoatn analysiat, do diese frogn hom ka qualität
      Die desolate einsomkeit konn aus diesm sog net meah fliehn, gibt ka entkommen und kan hoitegriff
      Die chronische einsomkeit hot si psychische problem ausgliehn, von da bruckn siagt ma des geistaschiff.

            Jeda weitre schritt bringt die hoffnung auf zuspruch näha on den bestimmungsoat
            Jeda weitre schritt mindat die entfeanung zum eastn nettn begrüssungswoat
            Mit jedem weitren schritt feiat die einsomkeit iah ollaeastes wükommensfest
            Denn mit jedem weitren schritt hot die einsomkeit ois negative hoat rauspresst.

                  Donn endlich is die letzte hüadn besiegt, da beag eaklommen, die ebene eastüamt
                  Donn endlich is die einsomkeit gereinigt, olle stana varäumt und om rond auftüamt
                  Jetzt endlich hom si olle woikn aufglöst, da nebl vaschwundn, hot wieda freie sicht
                  Jetzt endlich hot si die einsomkeit entblösst, vastroiht so vü wäame, vatraun und licht.

In letzta zeit woa ea scho a bissl komisch, ma hot glei gsehn, iagendwos rennt do gonz vakeaht
Sei togesoblauf woa kindagoatn-schui-gemisch, hot si auf hamlich geschossnen fotos entleat
Ma heat ka lochn, nua long tränendes gestöhn, die unhamliche stün danoch eazeugt gänsehaut
Die sölischn quoin woan bestialisch obszön, nua seine kinda woan scho long nimma voalaut.

Jetzt liegns scho seit togn vagessn im bett, hom ka familie und nie a vawondtschoft ghobt
Olle kinda vamisst, fotos aufm reissbrett, hot sie mit siassn vasprechungen ongelockt
Sei haus is von an seah hohn stazaun umgem, von draussn siagt man goatn reinlich und gepflegt
Die nochboaschoft hot weda wos gheat no wos gsehn, do diesa penetrante gstonk hot si bewegt.

Denn a jeda lebt nua in seim eignen kosmos, da homma knoit mit volla wucht aufm amboss
Denn jeda denkt nua mit sein eignen unvastond, so leicht wiad da obgrund zua düstaren front
Denn jeda noglt si söbst des brett in sei hian, san mit blindheit gschlogn, wean jedesmoi valian
Denn jeda is si da nächste, sei besta freind, hintam ruckn die sintflut und mittn drin da feind.

      Die zastöate einsomkeit vatrogt des allasein goa net meah, fühlt si schutzlos, voglfrei, lebmsfremd
      Die unsteabliche einsomkeit is zu schwoch füa a gegnweah, hot donn den fodn freiwillig obtrennt
      Die melancholische einsomkeit foigt wie in trance dem magnet, gibt von hia goa ka umkeahmöglichkeit
      Die vagiftete einsomkeit hot a epidemie ausgsät, die oide bruckn zafoit mit da zeit.

            Denn jeda weitre schritt biagt gefoahn, san bestens vasteckt, getoant und unsichtboa
            Mit jedem weitren schritt entfeant ma si dem oidvatrautn, dem innren motoa
            Denn jeda weitre schritt hot die einsomkeit in a völlig foische richtung glenkt
            Denn mit jedem weitren schritt hot die einsomkeit an voitreffa sicha vasenkt.

                  Donn endlich is die letzte hüadn besiegt, da beag eaklommen, die ebene eastüamt
                  Donn endlich is die einsomkeit gereinigt, olle stana varäumt und om rond auftüamt
                  Jetzt endlich hom si olle woikn aufglöst, da nebl vaschwundn, hot wieda freie sicht
                  Jetzt endlich hot si die einsomkeit entblösst, vastroiht so vü wäame, vatraun und licht.

                        Und die einsomkeit hot jetzt endlich den duachbruch gschofft
                        Und die einsomkeit hot si söbst om meistn bestroft
                        Und die einsomkeit hot raum und zeit jetzt übabrückt
                        Do die einsomkeit is kuaz voam zü vaunglückt.

In letzta zeit do woas scho a bissl komisch, zeast woans nua klanigkeitn, die net so auffoin
Iah togesoblauf woa a aufsteh-schlof-gemisch, iah denkn valief nua no in engen spiroin
Hot si in iahra oidn wohnung scho vaiat, a bleibenda stechenda schmeaz hot sie scho quöt
Die äazte hom iah a neurose attestiat, die psychischn problem hom si hintn ongstöt.

~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 07./08./09. oktober 2015.pk.
Überarbeitet am 25. jänner 2017.pk. – copyright by philipp kirschner.pk.

********************************************

danke fürs lesen.
hier die üblichen links:

facebook

twitter

google+




Donnerstag, 5. Oktober 2017

327. | valoane zeit.

seid gegrüsst, meine lieben treuen süchtigen textmaniacs.
nachdem ihr so brav den text 326. gegnteu gelesen habt, darf ich euch jetzt mit dem nächsten text erfreuen. dieser text ist etwas kürzer, da 326. gegnteu auf 1,5 blätter (3 seiten) geschrieben wurde und so die seite 4 mit etwas gefüllt werden musste :)

hierbei geht es um folgendes: nach einem feuchtfröhlichen gelage kann sich der betroffene sich an die letzte nacht nicht mehr erinnern.

wünsche euch auch hier wieder ein spannendes lesevergnügen.

>>>>>>>>>>>>>>>>>>><<<<<<<<<<<<<<<<<<<<

327. | valoane zeit.

Gibts iagendwos, von dem i nix meah wass, denn da rausch hot mi wieda übamonnt
Gib ma an stoss, wia hottn do vü spass, denn da alkohoi hot mi übaronnt
Sog die woahheit, is eh no net zu spät, sprichs offn aus oda schrei mas ins gsicht
Bin jetzt bereit, füa die realität, i hoff, i kum guad davon bei deim bericht.

Is leicht iagendwos schlimmes passiat oda hob i mi scho wieda ziemlich blamiat
Hob i wos ongstöt oda zasteat, bin i scho wieda hingfoin oda hob i great
Hob i wen valetzt und denunziat, oda is mei schlofende wut donn explodiat
Hob i leicht glogn und föhla gmocht, hob i wieda moi laut gschrien und hystearisch glocht
So bitte sogts ma jetzt die woahheit, eazöhts ma endlich wos von meina valoanen zeit.

      Mei valoane zeit hot a endgültigkeit, sie bleibt vaschoin, vaschwundn ohne wiedakeah
      Mei valoane zeit hot ka beweglichkeit, wuade foatgspült und vaweht übas grosse mea
      Mei valoane zeit hot goa ka eahlichkeit, hot si aufglöst und ausgschoit, wie mei vastond
      Mei valoane zeit hot ka empfänglichkeit, füa vamisste eainnarungen aus easta hond.

Gibts iagendwos, von dem i nix meah wass, denn die vün glasln woan ziemlich tief
Woa a bissl bloss, vielleicht do zvü gras, hatte oba ois no im festn griff
Nua meine schritt, wonktn scho hin und hea, hob trotzdem kan anzign tropfn vaschütt
Woa om limit, des zuagem is net schwea, nua mei eainnarung wiad zu kan büd.

Gibts iagendwos, von dem i nix meah wass, denn mei trunknheit woa wieda peafekt
Wie auf an floss, im mea ohne kompass, da wöngong is a eignes projekt
Wiad scho zua sucht, steh mittn in an kreis, ohne fremde hüf find i kan ausweg
Bin auf da flucht, vü zu hoch is da preis, denn i find afoch kan onlegesteg.

Is leicht iagendwos schlimmes passiat oda hob i wieda wen demoralisiat
Is mei gleichgwicht aus da woog, san scho so vü mängl in meim lebmsvatrog
Hob i die foin scho wieda net gsehn, muass i wieda amoi um so vü früha gehn
Hob i leicht glogn und föhla gmocht, hob i wieda moi laut gschrien und hystearisch glocht
So bitte sogts ma jetzt die woahheit, eazöhts ma endlich wos von meina valoanen zeit.

      Mei valoane zeit is füa die ewigkeit, bleibt vaschoin, vaschwundn ohne a wiedasehn
      Mei valoane zeit kennt ka gerechtigkeit, woit da vagongenheit no moi gegnübastehn
      Mei valoane zeit hot goa ka gründlichkeit, sunst hätts ma donn nua a poa büda aufbewoaht
      Mei valoane zeit kennt jo nua heimlichkeit, die vamisstn eainnarungen bleibm vaschoat.

            Wea mei valoane zeit niemois wieda aufspüan, zruckhoin kenna oda nei ealem
            Konn mei valoane zeit niemois wieda berüahn, einfongen, ausgrom oda aufhem
            Muass mei valoane zeit jetzt füa imma obschreim, jede sekundn is ma entflohn
            Die valoane zeit wü mi von hia no vatreim, mei valoane zeit valäuft net synchron.

Gibts iagendwos, von dem i nix meah wass, denn mei zuastond grenzt jetzt scho on manie
Wie auf an amboss, ohne augnmass, da hommaschlog füaht zua anomalie
Gibt ka zurück, hinta mia a wond, voa mia eascheint nua a gröweisses licht
Hob jetzt ka glück, unta mia is nua sond, nebm und üba mia giftigs dickicht.
Is leicht iagendwos schlimmes passiat, oda hob i wieda a lebm sabotiat
Hob i wem die gonze freid vadoam, oda is scho wieda ana vüz fruah vastoam?

                  Und des licht mutiat zu finstanis, mei valoane zeit hot an tiafn riss
                  Und des nichts hoit mi jetzt eisan fest, mei valoane zeit gibt ma no den rest
                  Da letzte rest is asche und staub, mei valoane zeit wie vawöktes laub
                  Und des laub bewoaht des gleichgewicht, mei valoane zeit wiad donn zum licht.

~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 03./04./05. oktober 2015.pk.
Überarbeitet am 25. jänner 2017.pk. – copyright by philipp kirschner.pk.


***********************************************

nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:


danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.