hallo, meine lieben. seid mir herzlichst gegrüsst. ich darf euch wieder einen text vorstellen: talisman.
viel spass beim lesen. würde mich sehr über einen kommentar freuen. weiters danke ich schon mal für euren besuch.
>>>>>>>>>>>>>>>>>><<<<<<<<<<<<<<<<<<<<<<<<<<
369. | talisman.
Hob
mi wieda moi söbst vagessn, hob die kontrolle total valoan, gib afoch dem
alkohol die schuid
Bin
von iahra scheeheit vasessn, kennt auf da stö aus da haut foahn, bei iah hob i
afoch ka geduid
Muass
mi jetzt wieda moi entsponnen, mei innre temperatua zruckdrehn, den bodn da
wiaklichkeit berüahn
Boid
is mei wut wieda zaronnen, konn afoch ohne sie net mea lem, mecht sie jetzt so
gean wieda vafüahn.
Hob
des foss zum übalaufn brocht, mei söbstbeheaschung woa ausvakauft, bring den
alkohol no voa gericht
Hot
scho wieda des feia entfocht, hob mit mia söba stundnlong grauft, sie zasteat
mei innres gleichgewicht
Muass
die situation entschäafn, mei ruhiges ich wieda aktivian, diese vün phantasien
weit vatreim
Deaf
mei heaz net freizügig weafn, mei liebe wü mit iah kollidian, mecht mi on iah
eng oneinondareim.
Konn afoch meine gefühle net meah
einspean, diesa immense druck staut si auf bis zua explosion
Konn den empfindungen die liebe net
vaweahn, mei leidnschoft nimmt direkt kuas auf kollision
Konn diesa onziehungskroft net meah
widastehn, diesa stoake magnet ziagt mi afoch in iahn bann
Muass mi jetzt entscheidn, wöchn weg
soi i gehn, meine begiadn gelüstn noch iahm talisman.
Hob
mi um hundatochzg grad gedreht, hob die disziplin wieda valetzt, nua da alkohol
hot ois vasaut
Iah
eascheinung hot mi stumm ongfleht, bin mit eifasuacht bereits duachsetzt, hob
iah afoch net meah vü vatraut
Muass
wieda im eiswossa bodn, im tiafn schnee mei hitzn obkühln, den sichaheitsgriff
wieda festschraum
Zaschneid
jetzt diesn foischn fodn, mecht in iahra güte hearumwühln, mecht jetzt
unbedingt iah unschuid raum.
Hob
wieda amoi an ziakus gmocht, mei übamut hot si seah vaschätzt, diesa alkohol is
jetzt mei feind
Hot
mi wieda um den vastond brocht, hot meine neavn gänzlich zafetzt, hot olle
frogn von mia vaneint
Muass
jetzt die schrommen wieda glättn, die wundn vabindn damits heiln, iah
vafüahrungskunst glei ignoarian
Deaf
mei heaz net zu schnö onkettn, wü mei liebe so gean mit iah teiln, mecht mit iahra
erotik kopulian.
Jede
eainnarung on die letzte nocht, hot si in luft aufglöst, bleibt vaschwundn und
vaschoin
Jede
sekundn hob i drüba nochdocht, hob i mei sö entblösst, oda hob is übafoin
Des
gedächtnis von diesa letztn nocht, glei voikommen entfeant, glöscht und
gänzlich ausradiat
Jede
sekundn hots schlechte gwissn glocht, hot mi sofoat entkeant, meine frogn
amputiat.
Konn meine gefühle net so afoch
obschnüan, mei testosteron is süchtig noch jedn höhepunkt
Konn meim grossn heazn die liebe net
entfüahn, mei valongen hot iah scho so vü liebesschwüare gfunkt
Konn mi üba diese sinnlichkeit nua
empöan, diesa sinnesreiz galoppiat wie a wüdes gespann
Muass jetzt a woih treffn, wöche tüa
soi i stöan, mei temperament düastet scho noch iahm talisman.
Dieses klane
eainnarungsstück hot zaubakroft, bringt glück und vollendet den kreis
Diesa klane gweihte
gegnstond hot a botschoft, guad vaboagn vasteckt si da hinweis
Diesa heilige talisman
gheat effektiv gschützt, voam bösn, voa hoss und neid
Dieses klane amulett
wiad nua von liebe gstützt, diesa talisman
is füad ewigkeit.
Hob
wieda mei zweites gsicht heazeigt, mei flutwön woa wiaklich vü zu hoch, da
alkohol hot ma ois einbrockt
Bin
duach den rodn mund foisch obzweigt, und foi in a tiafes schwoazes loch, mi mit
obsicht in a foin glockt
Muass jetzt die nägl
hearausschlogn, des kriegsbeil wieda moi tiaf vagrom, schweat und axt iah
schoafe schneidn stöhn
Moch
um iah heaz an grossn bogn, steh oba nua bei iah unta strom, mecht iah jetzt
unbedingt ois eazöhn.
Hob
die wutausbrüch wieda entkoakt, mei eadbebm woa etwos zu schwea, da alkohol hot
mi scho geschwächt
Iah
liebesrausch hot mas donn besoagt, hob goa ka lust auf a gegnweah, valia afoch
vüz schnö jeds gefecht
Muass
die scheabm wieda zommklebm, des gestan donn rekapitulian, iah libido afoch
übahean
Deaf mei heaz net aus den ongln
hebm, muass mei liebe afoch annullian, mecht mi mit iah do endlich moi vameahn.
Jede
eainnarung on die letzte nocht, hot si söbst ind luft gsprengt, in olle winde
vastreut
Jede
sekundn hob i ma söbst beibrocht, hob mi söbst eingeengt, hob afoch ois übamoit
Des
gedächtnis von diesa letztn nocht, wuade eliminiat, beseitigt und glei
ausgschoit
Hob
ma jede sekundn voawüafe gmocht, hob mi söbst denunziat, hob mi net meah in da gwoit.
Konn meine gefühle net so afoch
blockian, meine trieb woxn schnölla ois jeda ondre instinkt
Konn da rüahseligkeit die liebe net
entwian, mei bedüafnis hot si mit iahra aura fost valinkt
Konn mi on iahm sexappeal woahhoftig
aufreim, diese stimulation hot an ausgeklügltn plan
Loss jetzt den wüafl foin, wöche
zoih soi i schreim, meine eneagien hungan scho noch iahm talisman.
Dieses klane
eainnarungsstück hot no magie, speichat hoffnung und hot vatraun
Dea klane geweihte
gegnstond hot phantasie, eastreckt si zum horizont hintam zaun
Diesa heilige talisman
gheat peafekt vawoaht, voam bösn, voa hoss und neid
Dieses klane amulett hot
die liebe aufgspoat, diesa talisman
is füad ewigkeit.
Diesa talisman
leuchtet von innen, diesa talisman
is a artefakt
Diesa talisman
is a meistaweak, diesn talisman
hot no kana geknackt
Diesa talisman
stroiht im hön licht, diesa talisman
is a kultobjekt
Diesa talisman
is a meistastück, diesa talisman
hot no jedn earegt.
Hob
gegn recht und gsetz vastossn, hob jede konvention schwea valetzt, diesa
alkohol is reinstes gift
Hob
scho so vü tränen vagossn, hob mi on iahra kötn vaätzt, woa a in ondre drogn
vatieft
Muass
meine fliagl wieda stutzn, die therapie net meah boykottian, jetzt zum entzug
freiwillig zruckgehn
Vasprich
ma davon an grossn nutzn, muass ma iahn nomen eingravian, mecht sie jetzt auf
den knien onflehn.
Hob
wieda die grenz übaschrittn, bin illegal in meim liebeslond, hob den alkohol
gonz vahoamlost
Hob
innalich höllnquoin duachlittn, iah ausstrohlung treibt mi on den rond, denn
mei tränenspua is scho varost
Muass
jeds passlteil wieda findn, und jedn weissn fleck damit fülln, iah geila duft
hot mi no vaschont
Deaf
mei heaz net zu seah einbindn, muass mei liebe voa iah guad vahülln, mei sö is
von iah no unbewohnt.
Jede
eainnarung on die letzte nocht, is gonz tiaf untataucht, kane spuan auffindboa
Jede
sekundn hob i mi söbst bestroft, afoch ois scho vabraucht, gonz weit offn steht
des toa
Des
gedächtnis von diesa letztn nocht, wuade brutal ausgrott, ausgmeazt und glei
niedagwoizt
Hob
ka sekundn on die auswiakung docht, steh scho voam schafott, hob ma söbst mei
lem duachkreuzt.
Konn meine vün gefühle net schnö
obstön, mei impulsiv stoaka drong beschleunigt den gipflstuam
Konn da sympathie die liebe net meah
eahöhn, mei heisses begeahn umzinglt scho iahn hohn tuam
Konn mi on iahra extase sichtlich
eafreun, die wollüstign reize schreim auf da haut an roman
Muass jetzt a koatn ziehn, weas glei
wieda bereun, denn mei beständigkeit lechzt scho noch iahm talisman.
Dieses klane
eainnarungsstück is schwoaze kunst, spendet trost und schenkt zuvasicht
Dea klane geweihte
gegnstond singt mit inbrunst, klingt wie a seah oids kompliziats gedicht
Diesa heilige talisman
gheat zwingend vaspeat, voam bösn, voa hoss und neid
Dieses klane amulett hot
die liebe begeaht, diesa talisman
is füa die ewigkeit.
Diesa talisman
eastroiht von innen, diesa talisman
is a artefakt
Diesa talisman
is a meistaweak, diesn talisman
hot no kana geknackt
Diesa talisman
vaändat sei foab, diesa talisman
is a kultobjekt
Diesa talisman
is a meistastück, diesa talisman
hot no jedn earegt.
Moi
impressionen von erogenen zonen, auf die völlig leare weisse leinwond
Diesm
talisman hots feua seah gut
getan, obsoabiat des bleiche licht vom voimond
Iah
pefekte nocktheit is gmocht füad ewigkeit, räklt si vafüahrarisch in da sunn
Diesa
talisman is a schlofenda
vuikan, braucht diese friedliche stün zum ausruhn.
Hob
mi wieda moi söbst vagessn, hob die kontrolle total valoan, gib afoch dem
alkohol die schuid
Bin
von iahra scheeheit vasessn, kennt auf da stö aus da haut foahn, bei iah hob i
afoch ka geduid
Muass
mi jetzt wieda moi entsponnen, mei innre temperatua zruckdrehn, den bodn da
wiaklichkeit berüahn
Boid
is mei wut wieda varonnen, konn afoch ohne sie net mea lem, mecht sie jetzt so
gean wieda vafüahn.
geschrieben am 05.+06.+07. mai 2016.
copyright by philipp kirschner 09. oktober 2016.pk
******************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen