seid herzlich willkommen auf diesem blog, auf dem ich meine texte der öffentlichkeit preisgebe. schreibe bereits wieder seit september 2014 neue texte, das heisst, dass ich den letzten im jahre 2001 geschrieben habe. ich habe bereits zwei bücher, die ich bei einer buchbinderei habe binden lassen, nur meiner familie geschenkt, ohne ambition sie einer grösseren masse zu präsentieren. der Tod meines vaters, dem ich auch einen text gewidmet habe, brachte mich wieder zum schreiben.
erst seit dem 26. August 2016 benutze ich diesen blog, um meine texte bekannter zu machen. vielleicht gefällt es ja den ein oder anderen. weiters habe ich mich am 16. September 2016 dazu entschlossen, jeweils einen kurzen auszug der veröffentlichten texte auf Facebook zu posten. habe mich lange dagegen gewehrt. doch wie sonst erreiche ich ein millionenpublikum auf einem einfachen und schnellen weg? Facebook war die lösung.
so genug vom Vorwort. hier ist er auch schon:
******************************************************
365. | freiwillig.
Uaoide
bäum woxn und gedeihn in an unberüahtn woid, doat kennt die natua übahaupt ka
menschliche gwoit
Da
mystisch heilende schein von da sunn, vom mond und von de stean, dringt in jeds
blott, jede blütn bis zum klanstn kean
Sogoa
des gestein wiad umgfoamt von eadbebm, gwitta und stuam, da tiaf schlofende
vuikan hot sein eignen wochtuam
Diese
uamächte da natua hom doat iah potential befreit, kreian iah architektua in
diesa einsomkeit.
Guad
vasteckt in da mittn von diesm gsundn grünen uawoid, hot die natua an
unschuidig lichtn fleck hingmoit
Sunn,
mond und die stean bewochn iah geheimnis, des heiligtum, a friedliche stün
liegt aufm letztn refugium
Des
jogn is on diesm oat vabotn scho seit tausend joahn, pflonze und tia homs
bezeugt, höchst feialich geschwoan
A
unscheinboa klane blume übawocht diesn ruhign oat, wenns vablüht is in scheam
zabrochn des eahnwoat.
Oba wea spüt hia henka und gericht,
wea vagibt und bestroft, und wea befoigt des gesetz
Oba wea bringt ois wieda ins
gleichgwicht, und wea hot no gnua kroft, und wea hoit des auffongnetz
Wea setzt die passlteile wieda zomm,
wea kennt des mosaik, wea glättat die hohn wön
Oba wea startet des notfoiprogromm,
wea denkt hia mit logik, wea wiad si freiwillig
stön.
Riesige
uaoide bäum reckn iahre äst und zweig zum licht, dieses weite blättamea
vahindat jede sicht
Vaeinzlt
übarogt a baum dieses dach aus tönen von grün, geniesst den frein blick aufs
tägliche wettaglühn
In
diesm uawoid heascht a eignes klima, reicht von mild bis rau, in oin foabm
schillat da kühle moagntau
Die
natua kommuniziat untranond mit düftn jeda oat, des gsetz des stäakren bleibt
hia oba a kan easpoat.
Unta
dickn mit moos übawoxnen wuazln gonz guad vasteckt, hom si ruinen voa longa
zeit zum schlof ausgstreckt
Träumen
seit tausendn joahn vagessn von iahn hochkultuan, die stana eazöhn gean von
liebe, leid und fussspuan
Die
gschichtn fülln biacha füa a riesngrosse bibliothek, kana vasteht die sproch,
zafoin nua zu staub im eck
A
unscheinboa klane blume kennt die woahheit, den sochvahoit, wonns vablüht wean
nua gemeine lügn weit vastreut.
Dieses
endlos weite jungfäuliche lond, is des reinste paradies mit vü vastond
A
geheima zufluchtsoat füa die natua, is a paradies mit komplexa struktua
Die
quön des ewign lems hia entspringt, dieses kloare paradies locht, tonzt und
singt
Die
harmonie umhüllt dies reiche gebiet, die blume hot si im paradies hinkniet.
Oba wea eakläat des richtig und
foisch, und wea uateilt und rügt, und wea befoigt des gebot
Oba wea eakennt a feindlichs
geräusch, wea hots tief übabrückt, und wea vahängt a vabot
Oba wea hot si jeds detail gemeakt,
wea hot vüfoit eahöht, wea hots kaos kontrolliat
Oba wea hot nua den fluchtweg
vastäakt, wea denkt on des schlochtföd, wea hot freiwillig
agiat.
Radia die vün föhla aus,
damit kana meah die realität eakennt
Geh jetzt freiwillig
aus deim haus, meakst net, wies scho giftig quoimt, raucht und lodand brennt
Entfean sofoat jedn
beweis, damit kana meah iagendwöche spuan siagt
Geh jetzt freiwillig
aus dem kreis, meakst net, wos die schwoaze kunst bei dia scho bewiakt.
Tausendejoah
oide bäum bewochn iah seah sensibles reich, wean vaeaht, ongebetet, san heilig,
göttagleich
Wonn
donn diesa wüadige riese on oitasschwäche umfoit, schlogt ea a breite schneisn
in seinen uawoid
Die
traurige nochricht eilt dem krochn und stöhnen hintahea, hintalosst a lückn, do
da plotz bleibt net long lea
Denn
ois wiad vaweatet, sei biomasse zu hundat prozent, sei wissn, sei weisheit is
in jedm element.
Frische neue junge triebe gian
zum wiedageboanen licht, woin diesn einschnitt gonz schnö schliessn, is jo iah
pflicht
Profitian
vom uaoidn baum, von da oaganischn substanz, a kühla wind lodt ein zum
gemeinsomen totntonz
Die
natua donkt eahfüachtig und legt a schweigeminute ein, sei sö steigt hoch in
die luft beim letztn sonnenschein
A
unscheinboa klane blume spiat sei kroft und sei eneagie, wonns vablüht entsteht
a kronkhofte anomalie.
Dieses
grenznlose unentdeckte lond, is des echte paradies gonz ohne wond
A
vaschwiegnes refugium füad natua, a paradies mit eigna architektua
Hia
endet da onfong, hia beginnt des end, des paradies kennt davon jedes fragment
Den
gleichmässign ton konn goa kana hean, die blume konn dem paradies ois eakläan.
Oba wea streichlt die regln, die
noam, wea vazeiht und gleicht aus, und wea befoigt den ealoss
Oba wea bringt ois in a grade foam,
wea findt hia wieda raus, und wea gibt den gnodnstoss
Oba wea behoit hia an übablick, wea
hot die zukunft gmoit, wea keaht ois untan Teppich
Oba wea hot füas lebn a geschick,
wea denkt hia nua on gwoit, wea setzt freiwillig
an strich.
Ois afoch kosmetisch
gelöst, damit kana meah den tiafan sinn glei vasteht
Gehst jetzt freiwillig
nockt entblösst, meakst net, wie die feindschoft dia dei meinung obdreht
Vagrob jedes indiz tiaf
gnua, damit kana meah iagendwöche zeichn siagt
Geh jetzt freiwillig
aus da spua, meakst net, doss si die schwoaze kunst in dia vabiagt.
Rennst duach
dein dichtn dunklen dschungl wie wahnsinnig hin und hea
Bist
physikalisch und chemisch a wrack, fühlst di innalich lea
Suachst
vazweiflt dei zweites ich, dei sein in diesm Labyrinth
Do freiwillig
woa des nie, denn innalich bist taub, stumm und blind.
Vasteinate
bäum schlofn seit joahmillionen tiaf und fest, unta da eadschicht übastehns
jedn hoatn test
Hom
iah gonze lebnsgschicht in ringen festghoitn und vafosst, zu diesa zeit woa da
lemskompf seah stoak umtost
Kana
konn dieses rätsl lösn, bleibt ewig gmeisslt in stein, die kristallinen foabn
leuchtn im sonftn schein
Sie
wüadn magisch mystisch funkln und glitzan im voimondlicht, nua die sunn alla
kennt jede anzelne nochricht.
Unsichtboa
in an steanenhaufn tarnt, vaboagn und vasteckt, lauat a komet auf sei schons,
hot scho wos ausgheckt
Diesa
schuss trifft genau ins schwoaze und küsst mittn aufm mund, a übamächtige kroft
prüglt des eadnrund
Die
blaue peale wexlt zu ana masse aus schwoaz und grau, des suizidale koma
vauasocht an raubbau
A
unscheinboa klane blume braucht net seah vü zum übalem, nua wonns vablüht
eskaliat des gesomte system.
Dieses
ausgedehnt uneaschöpfliche lond, is des woahre paradies ohne an rond
A
diskreta schlupfwinkl füa die natua, a paradies ohne einengenda uah
Ob
hia wiakt da weg wieda spieglvakeaht, dieses paradies hot si scho oft bewäaht
Denn
aus diesa idylle gibts ka zurück, nua diese blume im paradies bringt glück.
Und wea foigt dem gleichn strengen
prinzip, wea bereinigt den bruch, und wea befoigt den beschluss
Oba wea zähmt die heftig wüdn trieb,
wea breitet aus des tuch, und wea schickt den obschiedsgruss
Oba wea hot die feinheitn kapiat,
wea setzt die scheabm zomm, wea hots ufa übaqueat
Wea hot die ondre seitn akzeptiat,
und wea denkt on die flomm, wea schwingt freiwillig
des schweat.
Sabotia die operation,
damit kana meah die bese obsicht feststöt
Geh jetzt freiwillig
zua legion, meakst leicht net, doss dia dei kreislauf auf amoi föht
Lenk des feia jetzt gonz
allan, damit kana meah iagendwöche symboin siagt
Geh jetzt freiwillig
aus da bahn, meakst net, doss si die schwoaze kunst in dia vabiagt.
Rennst duach
dein dichtn dunklen dschungl wie wahnsinnig hin und hea
Bist
physikalisch und chemisch a wrack, fühlst di innalich lea
Suachst
vazweiflt dei zweites ich, dei sein in diesm labyrinth
Do freiwillig
woa des nie, denn innalich bist taub, stumm und blind.
Host
freiwillig diesn einen
schritt gmocht, freiwillig
goa net long nochdocht
Tauchst
freiwillig in deina
phantasie, freiwillig
in da amnesie
Host
freiwillig die klane blume
pflückt, freiwillig
die blüte zadrückt
Bleibst
freiwillig in diesm finstren
lond, freiwillig hintam horizont.
Die
unscheinboa klane blume is jetzt in deina wöd ausgstoam, die uaoidn bäum valian
iah eigne lebnsfoam
Die
unscheinboa klane blume bringt die kronkn wüafln zum roin, die uaoidn bäum wean
olle gemeinsom hinfoin
Die
unscheinboa klane blume heilt nua bei reinem voimondlicht, den uaoidn bäum
vasetzte man a tödlichs gift
Die
unscheinboa klane blume is freiwillig zum mäatyra woan, die
uaoidn bäum wean freiwillig net meah geboan.
geschrieben am 15./17./18./21./22. April 2016.pk
Copyright by Philipp kirschner 19. Oktober 2016.pk
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen