459. | klopft.
1) .11/9/11/9
wos soi i eich no sogn oda schreibm, hob eich do scho ois von mia mitteilt, warum soi i no bei eich sitzn bleibm, hob do scho bei eich vüz long vaweilt
bin a einzlgänga und a eremit, brauch afoch füa mi die einsomkeit, die wüde natua is mei einzugsgebiet, brauch nua diese obgeschiednheit
eire einlodung hot mi wiaklich seah gfreut, do i ziag die isolation voa, hob menschnmassn imma scho vaobscheut, vabiagt a zastearerische gfoah
bevoazug diese immens voikommne stün, ohne an industrielln laut, maschinen stöhn ma den eignen frein wün, dem technischn foatschritt nie vatraut.
2) .11/9/11/9 ...///10
wos soi i eich no schreibm oda sogn, hob eich do scho ois von mia eazöht, warum soi i mi mit eich oin vatrogn, denn eia lebm is net mei wöd
bin a aussnseita und a sondaling, brauch afoch füa mi an eignen raum, bau um mi herum imaginäa an ring, beschützt mi voa menschlichem obschaum
eia soagnvolla blick hot mi berüaht, do i bin scho eins mit da natua, hob iah eneagetische kroft in mia gspüat, hob iah gschwoan i bewoah iah struktua
des nehmen und gebm schofft a harmonie, dieses bündnis hoit ois in da woog, brauch hia ka kompliziate technologie, füah mit iah an fesslnden dialog.
ch 1a) .8/9/10/9
hob in meim obgschiednen idyll, ois anziga zwa fiass und zwa händ, übaleb in meim peafektn asyl, ohne feinde ohne konkurrent
bin in meim edlen paradies, da anzige mit schoafn vastond, übawoch des valoane atlantis, bis zum weit entfeantn horizont
hob auf meina klan insl, ois anziga foabm ausprobiat, moi jedn tog mit an ondan pinsl, hob a surreales büd kreiat
bin in meim geheimen vasteck, da anzige mit an übablick, übawoch hia jeds natüaliche eck, mit vü weisheit reife und geschick.
3) .11/9/11/9
wos soi i eich no berichtn und mödn, hob eich do scho ois von mia eakläat, warum soi i voa da woahheit earötn, iah hätts mi die gonze zeit eingspeat
bin a exzentrika und a unikum, brauch afoch diese skurrilität, schwimm gegan strom nua ois individuum, strotz hia voa volla vitalität
eia guata zuspruch geht wiaklich tiaf rein, do mei entschluss steht scho vüz long fest, wea bei jedm wetta zu eadn und stein, bin in da natua niemois gestresst
brauch kan läam und gstonk nua a friedliche ruah, die heabm grüche weisn mein weg, lies fäahtn und jede kompliziate spua, suach hia mein eignen vabindungssteg.
4) .11/9/11/9
wos soi i eich no mödn und berichtn, hob eich ois üba mi infoamiat, warum soi i iagendwos dazuadichtn, hob eire voaträg imma negiat
bin a eignbrötla a nonkonfoamist, brauch afoch an gonz ondren stondpunkt, hob imma scho eire widasprüch vamisst, hob imma gean ind kötn eintunkt
eire soziale ada tuat ma seah guad, do i hob no ois kräftig im griff, vielleicht klingt mei lebm scho ziemlich obsuad, nua i bin da kapitän vom schiff
geniess hia diesn dumpfm sonoan klong, net jeda konn diesn rhythmus spian, begib mi wieda zruck zum frühn onfong, goa nix konn mi do draussn blockian.
b 1) .12/8/10/8 .///9 .8/7/9/7 / 6/5
reis wieda zruck in mei eigne steinige zeit, ohne komfort jeglicha oat, in meina lehmhüttn gibts gnua oabeit, hot scho sehnsüchtig auf mi gwoat
reis zruck in die weit entfeante vagongenheit, hot mi imma scho phasziniat, bin scho längst füas obmteia bereit, hob mi mit da natua fusioniat
hob mei oids lebm vagrobm, woa zu beginn splittanockt, hobs uaoide wissn aufghobm, bin mit da natua valobt, die wüdnis is mei freind, bin mit iah vaeint
lond jetzt endlich in meina eignen heiln wöd, ohne hoss lügn eifasucht, hob mei lehmhüttn auf an hügl gstöt, da woid is mei kühlende bucht
lond gonz sicha in diesa weit entfeantn wöd, hob mi dafüa scho imma intressiat, hob diesn grossn sprung freiwillig gwöht, hob mit da natua improvisiat
hob mei oids lebm glei vabronnt, steh aufrecht auf meim plateau, hobs uaoide wissn oneakonnt, die natua is mei echo, die wüdnis is heilkraut, hob nua iah vatraut.
ch 1b) .8/9/10/9
hob in meim vawaistn idyll, ois anziga zwa händ und zwa fiass, ziag olle meglichkeitn ins kalkül, amoi is bitta amoi is siass
bin in meim scheenen paradies, da anzige mit logischem geist, übawoch dieses letzte geheimnis, hobs jetzt no imma net gonz umkreist
hob auf diesm klan eilond, gonz alla mit elementn baut, tonz ums feia und heul zum voin mond, hob füa die steane an teich aufgstaut
bin im unsichtboan vasteck, da anzige mit ana vision, übawoch des lebendige ballett, von jeda denkboan dimension.
ch 2a) .8+5/8+6/7/5
denn des is mei utopia, mei letzte bastion, a revia pro memoria, füa mei eigne mission, bin gfongen in diesm sein, deafs jo net entweihn
denn des is mei weatvoistes gschenk, mei letztes juwel, is a historisches präsent, mei eignes archipel, bin gfongen in diesm reich, hia is nix meah gleich
denn des is mei voikommnes glück, s‘letzte ideal, a obsolut seah sötnes stück, vaschleiat des poatal, bin gfongen on diesm oat, bin hia wie eastoat
denn des is mei realität, mei letzte zuflucht, strotzt voa prächtigsta qualität, a blühende frucht, bin gfongen on diesm fleck, schlof tiaf auf meim bett.
5) .11/9/11/9
wos soi i eich no varotn und skizzian, hob eich do scho ois von mia doaglegt, warum soi i meine gründ analysian, hob mi vüz oft hin und hea bewegt
bin a vafemta oba a oaginal, brauch afoch mei eignes woahres gsetz, vafeina dieses uaoide ritual, spinn söba mei eignes enges netz
eia mitgefühl eazeugt an tränenboch, do i foig nua meina innren stimm, die konsumgia mocht eich olle sölisch schwoch, füa mi hot nua mei kultua an sinn
spia die uagwoit im knochn und auf da haut, die natua füaht mi sicha ons zü, hob scho tiaf in iahre mysterien gschaut, is a unglaublich sponnendes spü.
6) .11/9/11/9
wos soi i eich no skizzian und varotn, net auf jede frog gibts a ontwoat, warum soi i ois mitanond vaknotn, mei lebm woa a ochtabohnfoaht
bin a komischa kauz und a echta freak, brauch afoch a grenznlose sicht, es woa a spontana wichtiga ausstieg, a die innren quoin hoitn net dicht
eire sympathie hot mi seah übarascht, hob mei entscheidung no nie bereut, hob grod no die aura da natua eahascht, tauch so gean tiaf in iahra vüfoit
bin a teu von iahm peafektn kreislauf, steh in da noahrungskettn om end, nua i hob die mocht üba feia und rauch, hia gibts kan rivaln kan konkurrent.
b 2) .12/8/10/8 .///9 .8/7/9/7 / 6/5
wonda jetzt zruck in mei eigne brutale zeit, ohne luxus jeglicha oat, mei lehmhüttn kennt nua die afochheit, ois wiad füa späta aufbewoaht
wonda weit zruck in die fremde vagongenheit, woa scho imma mei gressta traum, hob des risiko gonz genau eingweiht, wea diesa weisn natua zuaschaun
hob mi vom oidn lebm trennt, woa om onfong taub und blind, hob des oide wissn weit ausdehnt, diese natua imma gwinnt, bin ind wüdnis valiebt, sie hot mi besiegt
streun jetzt endlich duach mei eigne reale wöd, ohne leid foita religion, hob mei lehmhüttn ois zentrum eawöht, da wind flüstat vü emotion
streun alla duach diese übasinnliche wöd, legendäre mythn studiat, hob mi freiwillig iahn geistan gstöt, die natua hot mi hypnotisiat
hobs oide lebm guad vapockt, bin aufm plateau gonz leicht, hob mitm oidn wissn frohlockt, bin mit da natua gereift, hob diese wüdnis begeaht, hot si scho vameaht.
d 1) .8/12/11/11 ..10/10/10/10
übaleb in jeda region, egal ob wüstn dschungl oda im gebiag, dieses extrem is mei feirige passion, sogoa eis und schnee regian in meim beziak
find übaroi an pfad hinaus, duach geröll sond wossamassn oda gestrüpp, jeds rätsl is wie a grossa blumenstrauss, hob die richtige lösung bis a vablüht
hob wundn und kronkheitn tolariat, hob hunga und duascht afoch ignoariat, hob die schmeazn meditiarend vadrängt, meine instinkte san wie feangelenkt.
ch 1c) .8/9/10/9
hob in meim entlegnen idyll, ois anziga zwa fiass und zwa händ, kämpf mit hoiz gestein und lautem gebrüll, hob a natuavabundnes talent
bin in meim sichren paradies, da anzige mit reina vanunft, übawoch jedn templ jeds valies, varot hia oba kan mei heakunft
hob nua in diesa oase, imma ois vaweatet und vabraucht, hob in jeda übalebmsphase, nie diesm dämon mei sö vakauft
bin in dem vaboagnen vasteck, da anzige mit an zukunftsplan, übawoch dieses florale bett, sowie die faunistische membran.
ch 2b) .8+5/8+6/7/5
denn des is mei utopia, mei letzte station, hob füa eich no gnua trivia, nua in ana veasion, bin gfongen in diesm sein, muass mi no einreihn
denn des is mei memorial, und mei letzta schotz, hintaloss eich goa ka signal, is mei strenga grundsotz, bin gfongen in diesm reich, die woikn san bleich
denn des is mei hoffnungsfunkn, s’letzte maximum, bin in da natua vasunkn, ois wüadigs heiligtum, bin gfongen on diesm oat, hob ma nix easpoat
denn nua des is mei wiaklichkeit, mei letztes exil, eastroih hia mit lebendigkeit, mei zuastond is stabil, bin gfongen on diesm fleck, is a rarität.
ch 3a) .5/6/6/5/12 ...///6/
hob ois vagessn, mei gedächtnis is glescht, hob mi zvü vamessn, afoch zschnö voaprescht, meine eainnarungen san spualos vaschoin
hob nie wos vamisst, mei festplottn is lea, bin do a pazifist, moch ka gegnweah, denn iagendwea hot meine aufzeichnungen gstoihn
ois is vaschwundn, olle büda san grau, hob nix meah empfundn, ois is ungenau, meine notizn hot da eadbodn vaschluckt
hob nie wos valongt, olle seitn san weiss, hob mi no nie bedonkt, füa mein lebmsbeweis, diese paranoia mocht mi scho gonz varuckt.
7) .11/9/11/9
wos soi i eich no offnboan und gestehn, hob eich scho ois von mia ausposaunt, warum soi i mi do no amoi umdrehn, woa hia do grod no so guad gelaunt
bin a ausgflippta a sondaexemplar, brauch hia mei eignes konglomerat, meine reseavn san gonz elementar, bin hia a künstla a akrobat
eire resonanz schlogt bereits hohe wön, füa mi woa diesa drong scho vüz gross, die enge da stodt wiad ma bestimmt net föhn, da homma schlogt hoat aufm omboss
mei dynamisch neia mut gedeiht und woxt, die natua hot mi mit oim vasoagt, hob mi duach schottn und nebl duachgeboxt, hob mit oin teilt hob vü vaboagt.
8) .11/9/11/9
wos soi i eich no gestehn und offnboan, es is scho ois aus mia hearausgströmt, warum soi i hia no vü länga aushoan, hob mi do mit eich net meah vasöhnt
bin a sötsama vogl und a queakopf, brauch afoch mein eignen zickzackkuas, varüah mei lebm söba im eignen topf, hob a schlechts gwissn wegn des schwuas
eire onteilnahme tropft aus jedm aug, hob den eastn schritt gonz fest platziat, lauf unentwegt duachs bunte raschelnde laub, no nie woa i so diszipliniat
schweb schwerelos duach mei eigne galaxie, bin mit da natua sönvawondt, eafoascht mit mia mei eigne anomalie, steh do imma on voadesta front.
b 3) .12/8/10/8 .///9 .8/7/9/7 / 6/5
spring jetzt zruck in mei eigne vasteinate zeit, ohne reichtum jeglicha oat, in da lehmhüttn gibts ka gschwindigkeit, is wie in zeitlupe eastoat
spring zruck zu diesa vaschwommnen vagongenheit, diese zone hot mi scho greizt, hob mi längst von oin zweifln befreit, hob die natua no nie gebeizt
loss mei oids lebm hinta mia, woa beim start no gonz latent, des uaoide wissn im visia, die natua is effizient, in da wüdnis austobt, sie hot mi net gstoppt
fliag endlich in mei eigne fantastische wöd, ohne zweifl gia rache neid, in da lehmhüttn is nie wos zaschöt, nua da regn hot zu vü schneid
fliag alla in diese magisch intime wöd, hob olle gschichtn inhaliat, hob freiwillig mei bewusstsein eahöht, die natua hot mi motiviat
hob mei oids lebm vanäht, hobs plateau endlich eareicht, hobs oide wissn wieda gesät, hob die natua zäatlich gstreift, hob da wüdnis ois entblösst, hob mi aufgelöst.
d 2) .8/12/11/11 ..10/10/10/10
übaleb in jedm bereich, egal ob steppe uawoid oda om vuikan, dieses extrem is wie a kometnschweif, sogoa gschmoiznes gestein steht hia auf meim plan
weit offn stehn fensta und tüan, jeda winkl jede lückn wiad glei ausgnutzt, jeds phänomen mecht si söba fest vaschnüan, beim öffnen hot si die diagnose gstutzt
hob noabm und geschwüare akzeptiat, hob meine bedürfnisse separiat, hob die sündn meditiarend vascheucht, oi meine sinne san scho long vaseucht
übaleb in jeda zone, egal ob savanne sumpf oda vakuum, dieses hechstmass eazeugt die glückshoamone, vawondlt si zum aphrodisiakum
lies jede fäahtn mit bedocht, addia olle indizien zu an komplex, jede diffarenz hot schuidn vauasocht, hob do mein eignen eahboan kodex
hob symptome und wundmale fixiat, hob donn meine wünsche zruck transferiat, hob die föhla meditiarend vajogt, meine reflexe san foisch vaonlogt.
e 1) .7/8/8/6 / 7/6 ...6+5/10+6/6/6
hob mi dafüa entschiedn, kana hätt wos ondas bewiakt, jetzt hot jeda wieda friedn, hob mi söba bekriagt, woit da bestie entfliehn, hobs lebm nua geliehn
hob diese tat beschlossn, kana hätt mi davon obglenkt, hob die ewigkeit aufgstossn, hob mi goa net ongstrengt, woit dieses monsta zastean, vom lebm nix meah hean
hob die schuid jetzt beglichn, kana hätt des jemois entschäaft, vüz vü zeit is scho vastrichn, woa afoch nua geneavt, woit des biest eliminian, des lebm annulian
hob afoch ois bestrittn, kana hätt mi von doat varäumt, hob den fodn längst zaschnittn, hob den start net vasäumt, woit des phantom liquidian, vom lebm ois valian
hob eich nix vasprochn und a nix zuagsogt, hob nua olle konventionen brochn und eich danoch vaklogt, lossts mi do endlich gehn, weats des ois nie vastehn.
ch 1d) .8/9/10/9
hob in meim valossnen idyll, ois anziga zwa händ und zwa fiass, vabind mi söba zu an molekül, zafoi gonz longsom und bittasiass
bin in meim schlichtn paradies, da anzige mit intelligenz, übawoch scho mei eigne genesis, hobs endlich gfundn diese essenz
hob auf diesm endlosn strond, ois anziga des treibgut aufghom, geh jedn tog bis zum äussastn rond, bin mit meim gleichgwicht wieda synchron
bin in dem vaschwiegnen vasteck, da anzige mit sproche und schrift, übawoch des antike amulett, füaht mi endlich ins diffuse licht.
ch 2c) .8+5/8+6/7/5
denn des is mei utopia, mei letzte option, woa imma gean a magiea, mit ana sensation, bin gfongen in diesm sein, muass ma söbst vazeihn
denn des is jetzt mei obolus, mei letzta besitz, eaweita jetzt mein radius, afoch ohne notiz, bin gfongen in diesm reich, sensibl und weich
denn des is mei eafoigsrezept, mit meim letztn trumpf, die hoatn schübe san vaebbt, detonian völlig stumpf, bin gfongen on diesm oat, ois is scho vadoat
denn des is jetzt mei existenz, mei letzta kokon, send no imma auf da frequenz, nua füa mein pantheon, bin gfongen on diesm fleck, ois eigne entität.
ch 3b) .5/6/6/5/12 ...///6/
hob ois vawoafn, nie die praxis eaprobt, deaf net meah gehoachn, die foin hot zuagschnoppt, mei biographie hot die buchstobm valoan
hob nie vü gezankt, hob a no nie wos gsuacht, wuade no nie auftankt, hob nua grosse fuacht, meine dokumente wuadn nie auseakoan
ois is scho geflohn, des nix is jetzt auftaucht, muass mi söba bedrohn, hob nua no laut gschnauft, meine aussogn san afoch net oneakonnt
hob nie wem bedrängt, mei text hot nua vawiat, hob no nie fessln gsprengt, hobs lebm scho quittiat, diese paranoia hot mi jetzt net vaschont.
ch 4a) .10/8/7/9 .///10 .7+9/7+9 .../9+8
hob dieses ealebnis nie vakroftet, olle therapien hom nix brocht, wuade vüz oft vahoftet, innalich hots scho brodlt und kocht
hob dieses ealebnis nie vaoabeit, olle gespräche woan umsunst, woa vü zu oft hoch und breit, innalich beheascht mi a feiasbrunst
die spiroin im labyrinth losst mi zua lean hülln mutian, in mia des geschockte kind mecht endlich mit mia kommunizian
hob dieses ealebnis nie bewötigt, oi die tests woan eagebnislos, wuade dazu genötigt, innalich gib i jedn an stoss
hob dieses ealebnis nie vawundn, olle kontrolln hom vasogt, hob des do net eafundn, innalich hob i jedn fein zahockt
da trichta im labyrinth hot den gong ausm wüafl vastopft, in mia des traumatisiate kind hot vageblich um hüfe klopft.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 13./14./15./16./17./18./19./20. april 2019.pk. ~ überarbeitet am 10. november 2023.pk.
copyright by philipp kirschner.pk. ~ untermalt mit musik von as i lay dying, obscura, malevolent creation, wolfheart.
***********************************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
wos soi i eich no sogn oda schreibm, hob eich do scho ois von mia mitteilt, warum soi i no bei eich sitzn bleibm, hob do scho bei eich vüz long vaweilt
bin a einzlgänga und a eremit, brauch afoch füa mi die einsomkeit, die wüde natua is mei einzugsgebiet, brauch nua diese obgeschiednheit
eire einlodung hot mi wiaklich seah gfreut, do i ziag die isolation voa, hob menschnmassn imma scho vaobscheut, vabiagt a zastearerische gfoah
bevoazug diese immens voikommne stün, ohne an industrielln laut, maschinen stöhn ma den eignen frein wün, dem technischn foatschritt nie vatraut.
2) .11/9/11/9 ...///10
wos soi i eich no schreibm oda sogn, hob eich do scho ois von mia eazöht, warum soi i mi mit eich oin vatrogn, denn eia lebm is net mei wöd
bin a aussnseita und a sondaling, brauch afoch füa mi an eignen raum, bau um mi herum imaginäa an ring, beschützt mi voa menschlichem obschaum
eia soagnvolla blick hot mi berüaht, do i bin scho eins mit da natua, hob iah eneagetische kroft in mia gspüat, hob iah gschwoan i bewoah iah struktua
des nehmen und gebm schofft a harmonie, dieses bündnis hoit ois in da woog, brauch hia ka kompliziate technologie, füah mit iah an fesslnden dialog.
ch 1a) .8/9/10/9
hob in meim obgschiednen idyll, ois anziga zwa fiass und zwa händ, übaleb in meim peafektn asyl, ohne feinde ohne konkurrent
bin in meim edlen paradies, da anzige mit schoafn vastond, übawoch des valoane atlantis, bis zum weit entfeantn horizont
hob auf meina klan insl, ois anziga foabm ausprobiat, moi jedn tog mit an ondan pinsl, hob a surreales büd kreiat
bin in meim geheimen vasteck, da anzige mit an übablick, übawoch hia jeds natüaliche eck, mit vü weisheit reife und geschick.
3) .11/9/11/9
wos soi i eich no berichtn und mödn, hob eich do scho ois von mia eakläat, warum soi i voa da woahheit earötn, iah hätts mi die gonze zeit eingspeat
bin a exzentrika und a unikum, brauch afoch diese skurrilität, schwimm gegan strom nua ois individuum, strotz hia voa volla vitalität
eia guata zuspruch geht wiaklich tiaf rein, do mei entschluss steht scho vüz long fest, wea bei jedm wetta zu eadn und stein, bin in da natua niemois gestresst
brauch kan läam und gstonk nua a friedliche ruah, die heabm grüche weisn mein weg, lies fäahtn und jede kompliziate spua, suach hia mein eignen vabindungssteg.
4) .11/9/11/9
wos soi i eich no mödn und berichtn, hob eich ois üba mi infoamiat, warum soi i iagendwos dazuadichtn, hob eire voaträg imma negiat
bin a eignbrötla a nonkonfoamist, brauch afoch an gonz ondren stondpunkt, hob imma scho eire widasprüch vamisst, hob imma gean ind kötn eintunkt
eire soziale ada tuat ma seah guad, do i hob no ois kräftig im griff, vielleicht klingt mei lebm scho ziemlich obsuad, nua i bin da kapitän vom schiff
geniess hia diesn dumpfm sonoan klong, net jeda konn diesn rhythmus spian, begib mi wieda zruck zum frühn onfong, goa nix konn mi do draussn blockian.
b 1) .12/8/10/8 .///9 .8/7/9/7 / 6/5
reis wieda zruck in mei eigne steinige zeit, ohne komfort jeglicha oat, in meina lehmhüttn gibts gnua oabeit, hot scho sehnsüchtig auf mi gwoat
reis zruck in die weit entfeante vagongenheit, hot mi imma scho phasziniat, bin scho längst füas obmteia bereit, hob mi mit da natua fusioniat
hob mei oids lebm vagrobm, woa zu beginn splittanockt, hobs uaoide wissn aufghobm, bin mit da natua valobt, die wüdnis is mei freind, bin mit iah vaeint
lond jetzt endlich in meina eignen heiln wöd, ohne hoss lügn eifasucht, hob mei lehmhüttn auf an hügl gstöt, da woid is mei kühlende bucht
lond gonz sicha in diesa weit entfeantn wöd, hob mi dafüa scho imma intressiat, hob diesn grossn sprung freiwillig gwöht, hob mit da natua improvisiat
hob mei oids lebm glei vabronnt, steh aufrecht auf meim plateau, hobs uaoide wissn oneakonnt, die natua is mei echo, die wüdnis is heilkraut, hob nua iah vatraut.
ch 1b) .8/9/10/9
hob in meim vawaistn idyll, ois anziga zwa händ und zwa fiass, ziag olle meglichkeitn ins kalkül, amoi is bitta amoi is siass
bin in meim scheenen paradies, da anzige mit logischem geist, übawoch dieses letzte geheimnis, hobs jetzt no imma net gonz umkreist
hob auf diesm klan eilond, gonz alla mit elementn baut, tonz ums feia und heul zum voin mond, hob füa die steane an teich aufgstaut
bin im unsichtboan vasteck, da anzige mit ana vision, übawoch des lebendige ballett, von jeda denkboan dimension.
ch 2a) .8+5/8+6/7/5
denn des is mei utopia, mei letzte bastion, a revia pro memoria, füa mei eigne mission, bin gfongen in diesm sein, deafs jo net entweihn
denn des is mei weatvoistes gschenk, mei letztes juwel, is a historisches präsent, mei eignes archipel, bin gfongen in diesm reich, hia is nix meah gleich
denn des is mei voikommnes glück, s‘letzte ideal, a obsolut seah sötnes stück, vaschleiat des poatal, bin gfongen on diesm oat, bin hia wie eastoat
denn des is mei realität, mei letzte zuflucht, strotzt voa prächtigsta qualität, a blühende frucht, bin gfongen on diesm fleck, schlof tiaf auf meim bett.
5) .11/9/11/9
wos soi i eich no varotn und skizzian, hob eich do scho ois von mia doaglegt, warum soi i meine gründ analysian, hob mi vüz oft hin und hea bewegt
bin a vafemta oba a oaginal, brauch afoch mei eignes woahres gsetz, vafeina dieses uaoide ritual, spinn söba mei eignes enges netz
eia mitgefühl eazeugt an tränenboch, do i foig nua meina innren stimm, die konsumgia mocht eich olle sölisch schwoch, füa mi hot nua mei kultua an sinn
spia die uagwoit im knochn und auf da haut, die natua füaht mi sicha ons zü, hob scho tiaf in iahre mysterien gschaut, is a unglaublich sponnendes spü.
6) .11/9/11/9
wos soi i eich no skizzian und varotn, net auf jede frog gibts a ontwoat, warum soi i ois mitanond vaknotn, mei lebm woa a ochtabohnfoaht
bin a komischa kauz und a echta freak, brauch afoch a grenznlose sicht, es woa a spontana wichtiga ausstieg, a die innren quoin hoitn net dicht
eire sympathie hot mi seah übarascht, hob mei entscheidung no nie bereut, hob grod no die aura da natua eahascht, tauch so gean tiaf in iahra vüfoit
bin a teu von iahm peafektn kreislauf, steh in da noahrungskettn om end, nua i hob die mocht üba feia und rauch, hia gibts kan rivaln kan konkurrent.
b 2) .12/8/10/8 .///9 .8/7/9/7 / 6/5
wonda jetzt zruck in mei eigne brutale zeit, ohne luxus jeglicha oat, mei lehmhüttn kennt nua die afochheit, ois wiad füa späta aufbewoaht
wonda weit zruck in die fremde vagongenheit, woa scho imma mei gressta traum, hob des risiko gonz genau eingweiht, wea diesa weisn natua zuaschaun
hob mi vom oidn lebm trennt, woa om onfong taub und blind, hob des oide wissn weit ausdehnt, diese natua imma gwinnt, bin ind wüdnis valiebt, sie hot mi besiegt
streun jetzt endlich duach mei eigne reale wöd, ohne leid foita religion, hob mei lehmhüttn ois zentrum eawöht, da wind flüstat vü emotion
streun alla duach diese übasinnliche wöd, legendäre mythn studiat, hob mi freiwillig iahn geistan gstöt, die natua hot mi hypnotisiat
hobs oide lebm guad vapockt, bin aufm plateau gonz leicht, hob mitm oidn wissn frohlockt, bin mit da natua gereift, hob diese wüdnis begeaht, hot si scho vameaht.
d 1) .8/12/11/11 ..10/10/10/10
übaleb in jeda region, egal ob wüstn dschungl oda im gebiag, dieses extrem is mei feirige passion, sogoa eis und schnee regian in meim beziak
find übaroi an pfad hinaus, duach geröll sond wossamassn oda gestrüpp, jeds rätsl is wie a grossa blumenstrauss, hob die richtige lösung bis a vablüht
hob wundn und kronkheitn tolariat, hob hunga und duascht afoch ignoariat, hob die schmeazn meditiarend vadrängt, meine instinkte san wie feangelenkt.
ch 1c) .8/9/10/9
hob in meim entlegnen idyll, ois anziga zwa fiass und zwa händ, kämpf mit hoiz gestein und lautem gebrüll, hob a natuavabundnes talent
bin in meim sichren paradies, da anzige mit reina vanunft, übawoch jedn templ jeds valies, varot hia oba kan mei heakunft
hob nua in diesa oase, imma ois vaweatet und vabraucht, hob in jeda übalebmsphase, nie diesm dämon mei sö vakauft
bin in dem vaboagnen vasteck, da anzige mit an zukunftsplan, übawoch dieses florale bett, sowie die faunistische membran.
ch 2b) .8+5/8+6/7/5
denn des is mei utopia, mei letzte station, hob füa eich no gnua trivia, nua in ana veasion, bin gfongen in diesm sein, muass mi no einreihn
denn des is mei memorial, und mei letzta schotz, hintaloss eich goa ka signal, is mei strenga grundsotz, bin gfongen in diesm reich, die woikn san bleich
denn des is mei hoffnungsfunkn, s’letzte maximum, bin in da natua vasunkn, ois wüadigs heiligtum, bin gfongen on diesm oat, hob ma nix easpoat
denn nua des is mei wiaklichkeit, mei letztes exil, eastroih hia mit lebendigkeit, mei zuastond is stabil, bin gfongen on diesm fleck, is a rarität.
ch 3a) .5/6/6/5/12 ...///6/
hob ois vagessn, mei gedächtnis is glescht, hob mi zvü vamessn, afoch zschnö voaprescht, meine eainnarungen san spualos vaschoin
hob nie wos vamisst, mei festplottn is lea, bin do a pazifist, moch ka gegnweah, denn iagendwea hot meine aufzeichnungen gstoihn
ois is vaschwundn, olle büda san grau, hob nix meah empfundn, ois is ungenau, meine notizn hot da eadbodn vaschluckt
hob nie wos valongt, olle seitn san weiss, hob mi no nie bedonkt, füa mein lebmsbeweis, diese paranoia mocht mi scho gonz varuckt.
7) .11/9/11/9
wos soi i eich no offnboan und gestehn, hob eich scho ois von mia ausposaunt, warum soi i mi do no amoi umdrehn, woa hia do grod no so guad gelaunt
bin a ausgflippta a sondaexemplar, brauch hia mei eignes konglomerat, meine reseavn san gonz elementar, bin hia a künstla a akrobat
eire resonanz schlogt bereits hohe wön, füa mi woa diesa drong scho vüz gross, die enge da stodt wiad ma bestimmt net föhn, da homma schlogt hoat aufm omboss
mei dynamisch neia mut gedeiht und woxt, die natua hot mi mit oim vasoagt, hob mi duach schottn und nebl duachgeboxt, hob mit oin teilt hob vü vaboagt.
8) .11/9/11/9
wos soi i eich no gestehn und offnboan, es is scho ois aus mia hearausgströmt, warum soi i hia no vü länga aushoan, hob mi do mit eich net meah vasöhnt
bin a sötsama vogl und a queakopf, brauch afoch mein eignen zickzackkuas, varüah mei lebm söba im eignen topf, hob a schlechts gwissn wegn des schwuas
eire onteilnahme tropft aus jedm aug, hob den eastn schritt gonz fest platziat, lauf unentwegt duachs bunte raschelnde laub, no nie woa i so diszipliniat
schweb schwerelos duach mei eigne galaxie, bin mit da natua sönvawondt, eafoascht mit mia mei eigne anomalie, steh do imma on voadesta front.
b 3) .12/8/10/8 .///9 .8/7/9/7 / 6/5
spring jetzt zruck in mei eigne vasteinate zeit, ohne reichtum jeglicha oat, in da lehmhüttn gibts ka gschwindigkeit, is wie in zeitlupe eastoat
spring zruck zu diesa vaschwommnen vagongenheit, diese zone hot mi scho greizt, hob mi längst von oin zweifln befreit, hob die natua no nie gebeizt
loss mei oids lebm hinta mia, woa beim start no gonz latent, des uaoide wissn im visia, die natua is effizient, in da wüdnis austobt, sie hot mi net gstoppt
fliag endlich in mei eigne fantastische wöd, ohne zweifl gia rache neid, in da lehmhüttn is nie wos zaschöt, nua da regn hot zu vü schneid
fliag alla in diese magisch intime wöd, hob olle gschichtn inhaliat, hob freiwillig mei bewusstsein eahöht, die natua hot mi motiviat
hob mei oids lebm vanäht, hobs plateau endlich eareicht, hobs oide wissn wieda gesät, hob die natua zäatlich gstreift, hob da wüdnis ois entblösst, hob mi aufgelöst.
d 2) .8/12/11/11 ..10/10/10/10
übaleb in jedm bereich, egal ob steppe uawoid oda om vuikan, dieses extrem is wie a kometnschweif, sogoa gschmoiznes gestein steht hia auf meim plan
weit offn stehn fensta und tüan, jeda winkl jede lückn wiad glei ausgnutzt, jeds phänomen mecht si söba fest vaschnüan, beim öffnen hot si die diagnose gstutzt
hob noabm und geschwüare akzeptiat, hob meine bedürfnisse separiat, hob die sündn meditiarend vascheucht, oi meine sinne san scho long vaseucht
übaleb in jeda zone, egal ob savanne sumpf oda vakuum, dieses hechstmass eazeugt die glückshoamone, vawondlt si zum aphrodisiakum
lies jede fäahtn mit bedocht, addia olle indizien zu an komplex, jede diffarenz hot schuidn vauasocht, hob do mein eignen eahboan kodex
hob symptome und wundmale fixiat, hob donn meine wünsche zruck transferiat, hob die föhla meditiarend vajogt, meine reflexe san foisch vaonlogt.
e 1) .7/8/8/6 / 7/6 ...6+5/10+6/6/6
hob mi dafüa entschiedn, kana hätt wos ondas bewiakt, jetzt hot jeda wieda friedn, hob mi söba bekriagt, woit da bestie entfliehn, hobs lebm nua geliehn
hob diese tat beschlossn, kana hätt mi davon obglenkt, hob die ewigkeit aufgstossn, hob mi goa net ongstrengt, woit dieses monsta zastean, vom lebm nix meah hean
hob die schuid jetzt beglichn, kana hätt des jemois entschäaft, vüz vü zeit is scho vastrichn, woa afoch nua geneavt, woit des biest eliminian, des lebm annulian
hob afoch ois bestrittn, kana hätt mi von doat varäumt, hob den fodn längst zaschnittn, hob den start net vasäumt, woit des phantom liquidian, vom lebm ois valian
hob eich nix vasprochn und a nix zuagsogt, hob nua olle konventionen brochn und eich danoch vaklogt, lossts mi do endlich gehn, weats des ois nie vastehn.
ch 1d) .8/9/10/9
hob in meim valossnen idyll, ois anziga zwa händ und zwa fiass, vabind mi söba zu an molekül, zafoi gonz longsom und bittasiass
bin in meim schlichtn paradies, da anzige mit intelligenz, übawoch scho mei eigne genesis, hobs endlich gfundn diese essenz
hob auf diesm endlosn strond, ois anziga des treibgut aufghom, geh jedn tog bis zum äussastn rond, bin mit meim gleichgwicht wieda synchron
bin in dem vaschwiegnen vasteck, da anzige mit sproche und schrift, übawoch des antike amulett, füaht mi endlich ins diffuse licht.
ch 2c) .8+5/8+6/7/5
denn des is mei utopia, mei letzte option, woa imma gean a magiea, mit ana sensation, bin gfongen in diesm sein, muass ma söbst vazeihn
denn des is jetzt mei obolus, mei letzta besitz, eaweita jetzt mein radius, afoch ohne notiz, bin gfongen in diesm reich, sensibl und weich
denn des is mei eafoigsrezept, mit meim letztn trumpf, die hoatn schübe san vaebbt, detonian völlig stumpf, bin gfongen on diesm oat, ois is scho vadoat
denn des is jetzt mei existenz, mei letzta kokon, send no imma auf da frequenz, nua füa mein pantheon, bin gfongen on diesm fleck, ois eigne entität.
ch 3b) .5/6/6/5/12 ...///6/
hob ois vawoafn, nie die praxis eaprobt, deaf net meah gehoachn, die foin hot zuagschnoppt, mei biographie hot die buchstobm valoan
hob nie vü gezankt, hob a no nie wos gsuacht, wuade no nie auftankt, hob nua grosse fuacht, meine dokumente wuadn nie auseakoan
ois is scho geflohn, des nix is jetzt auftaucht, muass mi söba bedrohn, hob nua no laut gschnauft, meine aussogn san afoch net oneakonnt
hob nie wem bedrängt, mei text hot nua vawiat, hob no nie fessln gsprengt, hobs lebm scho quittiat, diese paranoia hot mi jetzt net vaschont.
ch 4a) .10/8/7/9 .///10 .7+9/7+9 .../9+8
hob dieses ealebnis nie vakroftet, olle therapien hom nix brocht, wuade vüz oft vahoftet, innalich hots scho brodlt und kocht
hob dieses ealebnis nie vaoabeit, olle gespräche woan umsunst, woa vü zu oft hoch und breit, innalich beheascht mi a feiasbrunst
die spiroin im labyrinth losst mi zua lean hülln mutian, in mia des geschockte kind mecht endlich mit mia kommunizian
hob dieses ealebnis nie bewötigt, oi die tests woan eagebnislos, wuade dazu genötigt, innalich gib i jedn an stoss
hob dieses ealebnis nie vawundn, olle kontrolln hom vasogt, hob des do net eafundn, innalich hob i jedn fein zahockt
da trichta im labyrinth hot den gong ausm wüafl vastopft, in mia des traumatisiate kind hot vageblich um hüfe klopft.
geschrieben am 13./14./15./16./17./18./19./20. april 2019.pk. ~ überarbeitet am 10. november 2023.pk.
copyright by philipp kirschner.pk. ~ untermalt mit musik von as i lay dying, obscura, malevolent creation, wolfheart.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen