485. | déjà-vü.
1) .7/4/6/5 / 9/9 ...9/8/7+4/6+6
üba mia wattebäusche, grauschwoaz vaschmutzt, prasslnde geräusche, hom des soiz wegputzt, da eisige hauch wütet und tost, losst tränen gefrian und schenkt kan trost
üba mia blitz und donna, hom zuckt und dröhnt, des gwüazte aroma, hot die luft vawöhnt, diese elektrisch aufglodne sphäan, wiad fruchtboare eneagie gebäan
do i fühl mi so winzig und klan, fühl mi so nichtig wie a span, bin a unscheinboas staubkoan in diesa wöd, bin des letzte einhoan auf diesm lebmsföd.
b 1) .8/9/9/7+8 ...8/8/8/8 / 9
bin auf da suche noch deim licht, do da regn vahindat mei sicht, bin auf da suche noch deina kroft, do noch oi den vün joahn hob i mi no imma bestroft
bin auf da suche noch dem sinn, nua die offnen frogn samma bliem, bin auf da suche noch da woahheit, oi die sensiblen sensoan hom mi net von da schuid befreit
bin auf da suche noch deim sein, längst vablosst is dei glänzenda schein, bin auf da suche noch deim instinkt, dieses stetige rumoan hot si in meim vastond einklinkt
warum host du mi valossn, wieso is des grod dia passiat, weshoib host du mi vastossn, hob mi in deim heazn vaiat, woa nua auf dei liebe fokussiat.
ch 1a) .8/8/8/8 / 7 ...7/8 / 7/8/7
vamiss di jede minutn, jede sekundn tog und nocht, konn nua des ane vamutn, dei vaschwindn woa guat duachdocht, host so vü schmeaz vauasocht
vazeah mi noch deina wäame, noch nähe und noch deina lust, die vün leichtendn steane, hom von deina reise nix gwusst, zabrich scho on deim valust
schmöz zu an elendn haufn, zua masse volla söbstmitleid, muass mi mit meim ich zommraufn, woat no imma auf dein bescheid, aufm bett des hochzeitskleid
wo host du di nua vasteckt, wos host du scho wieda ausgheckt, voa wem läufst du nua davon, wea spricht zu dia im flüstaton, wea is dei innra dämon.
2) .7/4/6/5 / 9/9 ...9/8/7+4/6+6
üba mia so vü fädn, mit mia vaklebt, diese foigeschädn, san no net vaebbt, bin ois marionettn eingspeat, diese knotn hommas fiachtn gleaht
üba mia die sichl, pendlt voa und zruck, diesa lügngriffl, setzt mi unta druck, die schäafn schneidt im bodn an spoit, untastützt leis mei sprudlnde gwoit
üba mia a wossafoi, aus zähem schleim, diesa sühnende boi, übaroit den keim, diese explosive aggression, stüazt diese eneagieinvasion
denn i fühl mi so mickrig gering, fühl mi wie da gresste feigling, bin a obsuads element in meim bereich, bin des letzte fragment in diesm lebmsteich.
b 2) .8/9/9/7+8 ...8/8/8/8 / 9
bin auf da suche noch deim stroih, hob im finstan goa ka ondre woih, bin auf da suche noch deim elan, do noch oi den vün joahn hob i no goa kan eignen plan
bin auf da suche noch dem weat, so vü frogn bleibm ungekläat, bin auf da suche noch wiaklichkeit, oi diese vün bremsfaktoan hom si genau voa mia aufgreiht
bin auf da suche noch präsenz, scho längst vablosst is dei fluoreszenz, bin auf da suche noch deim gespüa, die geistign invasoan vagressan no dieses geschwüa
warum bist afoch so gongen, wieso woa des glück scho vabraucht, weshoib host net nei ongfongen, bin scho tiaf in deim heazn taucht, hob mi on deina liebe vakauft.
d 1) .8/9/7+5 / 5+7 ..4+8/5+7 / 7/7
i wass es woa net imma leicht, do gemeinsom homma ois eareicht, jeda hot seine föhla kana is peafekt, du ois eazöhla host imma ois offnglegt
i wass es woa so vü vazwickt, do gemeinsom homma ois duachblickt, jeda greift moi danebm in a hasse sauce, gibst unsam lebm an aufmuntand sonftn stoss
du hoitst mei hond und füahst mi duach die dunklheit, zasteast jede wond und stühst ma mei ängstlichkeit, räumst die stana ausm weg, host wieda om radl dreht
i wass meistens woas seah komplex, do wia zwa hom an guadn reflex, jeda hot seine schwächn kana is komplett, deine vasprechn woan do imma seah adrett
i wass es woa net imma kloa, do wia zwa deichsln do jede gfoah, jeda trogt seine schuidn im grossn rucksock, schenkst unsam lebm an schoafn wüazign gschmock
du hoitst mi fest und füahst mi duach des labyrinth, löst scho jedn test und stöst di voa diesm wind, ebnest den holprign pfad, biegst füa mi wieda ois gerad‘.
ch 1b) .8/8/8/8 / 7 ...7/8 / 7/8/7
vamiss di jede minutn, jede sekundn nocht und tog, in deinen vaebbtn flutn, hoit dei flucht nua an monolog, steht nix in unsam vatrog
vaezah mi no noch deim feia, noch güte noch intimität, hinta deim vaschwommnen schleia, ziagst die figuan aufm schachbrett, brauch do dei identität
vaschmöz zum klobign brockn, zua lawin mit sölischa pein, muass mei kronkes ich rauslockn, woat auf deine scheefäabarein, entzünd keazn aufm schrein
wohin host du di obgseilt, woron host du scho wieda gefeilt, voa wem bist wieda obghaut, wea hot nua dia gänzlich vatraut, wea hot dia ind augn gschaut.
ch 2a) .5/5/7 / 6/6/8 ..// / //9 ...7/8/10/11
gib ma an hinweis, a kuaze notiz, jede nochricht is ma recht; eaweita scho mein kreis, somml jedes indiz, übaziag ois mit an geflecht
vafoss an repoat, schreib afoch an brief, jeds detail hüft ma scho seah; skizzia ma diesn oat, notia jedn begriff, befoah scho jeds stüamische mea
send ma a zeichn, an oidn beleg, jede auskunft tuat ma guad; vastö kane weichn, vastäak no diesn steg, vaseh ois mit an sichaheitsguat
muass di jetzt endlich findn, rechachia afoch scho vüz long, muass jetzt ois vaknüpfn und vabindn, zu an vawobnen teppich zu an voahong.
3) .7/4/6/5 / 9/9 ...9/8/7+4/6+6
üba mia dichta nebl, aufquoina brei, vawend trockne knebl, füa mi ois arznei, loss des wossa rinnen und gefrian, wü jedes atom eatränkend spian
üba mia diesa homma, schlogt dröhnend laut, in da foitakomma, san kettn vabaut, no imma sprühn funkn vom omboss, des flüssige metoi zischt ins schloss
üba mia des grundgerüst, wocklt und schwonkt, mit oipträumen vasüsst, mit wundn auftonkt, des chaos liegt zabrochn voa mia, in meim katastrophaln revia
do i fühl mi unwichtig und floch, fühl mi unbedeutend und schwoch, bin nua no koide oschn ohne substanz, bin da letzte groschn in diesm lebmstanz.
b 3) .8/9/9/7+8 ...8/8/8/8 / 9
bin auf da suche noch deim glühn, da gruch is metallisch giftig grün, bin auf da suche noch deim ontrieb, do noch oi den vün joahn fühl i mi no imma ois dieb
bin auf da suche noch dem zweck, so vü frogn treffn nua auf dreck, bin auf da suche noch da weisheit, diese indikatoan wuadn üban ziakus net eingweiht
bin auf da suche noch deim jetzt, scho längst vablosst is dei auffongnetz, bin auf da suche noch impression, die berechnendn vektoan definian jede dimension
warum bist hamlich foatgschlichn, wieso host du di so beeilt, weshoib host dei buach duachgstrichn, hob do dei heaz scho längst geheilt, hob mi in deina liebe einkeilt.
d 2) .8/9/7+5 / 5+7 ..4+8/5+7 / 7/7
i wass es hot si ois obgnutzt, do gemeinsom homma ois wegputzt, jeda hot seine soagn hot seine problem, om nächstn moagn repariast glei des system
i wass es woa a steta kompf, do gemeinsom lös ma jedn krompf, jeda frisst ois in sich rein bis ma si eabricht, in deim trautn heim homma ois umschifft
host mi umoamt und beruhigst mei neavnkostüm, host mi mitgefoamt und streichlst mei ungetüm, übabrückst mei eigne schlucht, begleitest mi zua sondbucht
i wass es hot si ois vaspiesst, do jeda von uns is pazifist, jeda hot sei geheimnis tiaf in si bewoaht, nua mit deim gleichnis easchoffst an vawunschnen oat
i wass so vü is scho kaputt, do wia zwa schöpfn scho wieda mut, jeda schleppt sei last herum mit nebmeffekt, schenkst unsam lebm an bejahendn aspekt
host mi liebkost und minimiast meine phobien, host nua mi ausglost und heilst meine alleagien, eakennst sofoat jede foin, befüllst jede opfaschoin.
e 1) .9+11 (10+10)/10+5/5 ..6/6/7/5 / 8/8
meine sentimentaln seitn hom di mit meina liebe gänzlich umhüllt, meine unsichtboan schwierigkeitn hom di scheu onbrüllt, innalich zaknüllt
meine emotionaln flächn hom di mit meina liebe völlig einzäunt, meine feialich hehren vasprechn hom si söbst aufgschäumt, wieda ois varäumt
konn di net vagessn, kumm von dia net meah los, hob mi wieda vamessn, bei deinen echos, foig deina auratischn spua, woast scho imma mei leitfigua.
ch 1c) .8/8/8/8 / 7 ...7/8 / 7/8/7
vamiss di jede minutn, jede sekundn tog und nocht, nua bei deinen attributn, woa dei ausbruch ziemlich vakrocht, mei bluad hot brodlt und kocht
vazeah mi noch deina hitzn, noch schutz noch oagastischem reiz, treibm uns rauf bis zua spitzn, stehst guat vaboagn im obseits, mei sehnsucht mutiat zum geiz
schmöz zum miserablen klumpm, zum wrack aus drückendem ballast, muass mei leares ich aufpumpm, woat scho wieda auf dein palast, die fahne weht aufm mast
wo host du di nua vaschonzt, wöche gerüchte host vapflonzt, voa wem bist du nua entwischt, wea hot da nua mäachn auftischt, wea hot si mit dia vamischt.
ch 2b) .5/5/7 / 6/6/8 ..// / //9 ...7/8/10/11
gib ma jetzt an tipp, an deutlichn wink, jede info füaht zum zü; moch jetzt den nägstn schritt, öffne scho jedn link, entwickl die regln vom spü
verles dei statement, moch do dei aussog, jeds puzzlestück fügt si ein; kombinia jeds fragment, hoit do an dialog, duachwonda olle ländarein
zitia an vameak, schick do a botschoft, jeds togebuach ois eahöt; benutz do dei kunstweak, wüaz no dein lebmssoft, bist in deim vawunschnen traum hochgschnöt
muass di jetzt endlich treffn, analysia afoch zlongsom, muass jetzt endlich amoi ois besprechn, üba deine visionen und dei phantom.
ch 3a) .8+12/8+9 ...7+13/7+9
hob mi ins wache moos hinkniet und meditia in ana unhamlichn stün, rezitia ausm hohelied und besing jetzt dein befreitn wün
leg mi jetzt ins softige gros und konzentria mi auf dein gedonknsalat, voiend des mosaik aus glos und übamoi des lebmsplakat
sitz mi auf an oidn baumstumpf und komprimia unsre jüngste vagongenheit, duachquea diesn tückischn sumpf und kost von deina glottn nocktheit
unsre keapa san vaeint in an rhythmus volla ekstase und euphorie, unsre keapa san valeimt mit diesa feuchtn anomalie.
4) .7/4/6/5 / 9/9 ...9/8/7+4/6+6
üba mia braut die suppm, schmierign seim, wie aufblosne puppm, schüttlns bewusstsein, stränge vasiegn bleibm vaschoin, diesa stress is scho wieda ongschwoin
üba mia hängt no des schweat, hot mi ongrinst, reit auf an schauklpfead, zu an hiangespinst, im niagendwo londet jeda sprung, a deaba fluach liegt ma auf da zung
üba mia a schicksoisschlocht, hot mi geprüft, den stuazflug untajocht, hot mi seah vablüfft, diese anarchie hot mi bedroht, da applaus güt nua dem behemoth
denn i fühl mi so schäbig und knopp, fühl mi mindaweatig salopp, bin nua a parasit dea den feind aufsaugt, bin da letzte bandit in diesm lebmsraub.
b 4) .8/9/9/7+8 ...8/8/8/8 / 9
bin auf da suche noch deim glonz, betrocht die büda aus da distonz, bin auf da suche noch potential, do noch oi den vün joahn eastickt gonz longsom dei signal
bin auf da suche noch dem punkt, so vü frogn hom dazwischngfunkt, bin auf da suche noch da echtheit, oi diese losn motoan san gegn goa nichts meah gefeit
bin auf da suche noch deim klong, scho längst vablosst is dei donkgesong, bin auf da suche noch da vanunft, diese schmettandn fanfoan übatönen unsre zukunft
warum bist so schnö wegzogn, wieso hot si ois potenziat, weshoib bist du glei weggflogn, hob do dei heaz ausbalanciat, hob dei liebe längst nei installiat.
d 3) .8/9/7+5 / 5+7 ..4+8/5+7 / 7/7
i wass es is hia ois vafault, do gemeinsom homma aufgejault, jeda hot do attackn panisch und moabid, san nua barackn mit humoa füa suizid
i wass ois hot si zvü vazweigt, do gemeinsom homma uns vaneigt, jeda tritt moi danebm in a schwoazes loch, des onkahebm benötigt zvü sauastoff
berüahst mei sö und besiegst mein höllischn schlund, bezwingst mei kastö siagst in mia den vagabund, rodest afoch diesn woid, host füa ois im voraus zoiht
i wass es woa scho seah vatrackt, do wia zwa hom ois wieda vapackt, jeda hot sei defizit kummt net glei ins plus, des innre dynamit vaschickt an obschiedsgruss
i wass ruinen wean vadrängt, do wia zwa hom scho entgegnglenkt, jeda schleift seine sündn bis zua waage mit, schenkst unsam lebm an ungezähmtn obschnitt
du host mi gschnappt und teilst voa mia den ozean, host ois obgeschabt umwicklst mi in zellophan, sprengst donn a toi duachs gebiag, säubast scho jedn beziak.
e 2) .9+11 (10+10)/10+5/5 ..6/6/7/5 / 8/8
meine theatralischn gebäadn hom di mit meina liebe eingemummt, meine masochistischn beschweadn pulsian äussast bunt, san no net vastummt
meine intuitivn aktionen hom di mit meina liebe übahäuft, meine peasönlichn ambitionen hom stöhnend gekeucht, wieda ois vascheucht
konn di net wegstreichn, konn mi dia net entziehn, wüs jetzt endlich begleichn, deine sympathien, foig deina auratischn foab, bist mei idol da gegnwoat
mei irrationales vahoitn hot di mit meina liebe gänzlich bewocht, meine reelln bewundarungsfoitn hom di liab onglocht, hob dei heaz entfocht
meine hysterischn neurosn hom di mit meina liebe völlig blockiat, meine sötsomen metamoaphosn hom di imitiat, hom di absoabiat
konn di net entfeanen, host mi scho long beschützt, deaf jetzt nichts meah entkeanen, hob di nua benützt, foig deina auratischn stimm, bist mei engl seit onbeginn.
f 1) .10/9/11/11 ..5/7/5/7 / 6/9
hob dei entscheidung no nie begriffn, konn dein entschluss bis heit net vastehn, läufst davon und fliehst host afoch gekniffn, hoffentlich wead i di amoi wiedasehn
host deine voakeahrungen längst troffn, woa nua da betrogne passagia, schliesst die tüan host hinta dia ois obbrochn, hoffentlich findest du a sichres quartia
foasch noch deim zuhaus, hob olle datn gecheckt, find hia net meah raus, hob fremde geista aufgschreckt, wea lauat dia nua auf, wea produziat so vü dichtn rauch
hob dei letzte auswoih nie begriffn, konn dei konzept bis heit net kapian, nimmst reissaus und fliehst host jetzt ois obgschliffn, hoffentlich wean wia zwa wieda harmonian
host deine massnahmen scho längst troffn, woa nua des mittl zum guadn zweck, host dei gesomtes gedächtnis eastochn, hoffentlich trogst du no dieses amulett
fahnd noch deina peason, hob die faktn soatiat, bin net meah synchron, hob des bese stimuliat, wea jogt di queafödein, wea graviat dein nomen ins gestein.
ch 1d) .8/8/8/8 / 7 ...7/8 / 7/8/7
vamiss di jede minutn, jede sekundn nocht und tog, auf deinen entlegnen routn, woa dei beziehung reziprok, vasunkn is rettungsboot
vazeah mi noch deinen flommen, gnade mit sadistischem flair, geniess die noabm und schrommen, woast jo scho imma legendäa, mei benehmen woa konträa
vaschmöz zum anzign splitta, zum botzn aus melancholie, umgib mi mit an hohn gitta, woat nua no auf die amnesie, beend donn mei therapie
wohin bist du nua getüamt, wovon woast du nua so eazüant, voa wem bist du nua foatgronnt, wea hot dein bogn übasponnt, wea hot di net meah eakonnt.
ch 2c) .5/5/7 / 6/6/8 ../// //9 ...7/8/10/11
gib ma do an rat, sogs in deina sproch, jede instruktion reicht aus; vawend do a zitat, benutz die wön vom boch, eakläas do mit an blumenstrauss
zeig auf dein bericht, behoit do dei pfond, jeda kiesl kriagt sein plotz; stutz endlich des dickicht, sprich die mödung auf bond, vazweifl on deim templschotz
duachfoast die aktn, und jedn entwuaf, jeds meakmoi wiad obduziat; beglaubig die faktn, mit an rein weissn tuach, host mi wieda hypnotisiat
muass di jetzt endlich fongen, diffarenzia vüz vü herum, muass mi jetzt endlich bei dia bedonkn, füa dei begiade und mei delirium.
ch 3a) .8+12 (9+11)/8+9 ...7+13/7+9
wate om ufa duach des schüf und beobocht oi die steane om fiamament, da voimond trinkt a glasl müch und da komet is da dirigent
suhl mi im eadign ufaschlomm und deut dei eainnarungskonglomerat, vavoiständig des chromosom und schlofwondl aufm schmoin grat
geh üba nägl und scheabm und spezialisia mi auf unsre laufbahn, schnitz in den stob a poa keabm und ruda üban fluss mit dem kahn
unsre keapa san vaeint in an rhythmus volla raserei und phantasie, unsre keapa san valeimt mit diesa trocknen anomalie.
ch 4a) .9+11 (10+10)/8+6 ..8/10/8/8
diese vasieglte einsomkeit sickat duach jede pore in jede zön, wü diese obgeschiednheit jetzt endgültig obstön
des manifestiate vakuum dringt zeitlupmhoft bis zua synapsn voa, injiziat schnö des tonikum und knackt diesn tresoa
steh jetzt wieda voa diesm stein, no imma is mei lebm gonz allein, mei müdigkeit losst ma ka ruah, sog no mein liebesschwua
diese totale inhoitslosigkeit rieslt mühsom oba stetig voron, diese träge gleichgültigkeit fabriziat an kokon
diese heametische isolation träuflt äussast späalich auf die membran, diese lähmende depression is toxischa balsam
steh jetzt scho wieda voa deim grob, no imma foin bittre tropfn herob, mei traurigkeit is boid gonz stü, hob scho wieda a déjà-vü.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 01./24./28./29./30. november // 01./03./04./05./06. dezember 2020.pk. ~ überarbeitet am 18. november 2023.pk.
copyright by philipp kirschner.pk. ~ untermalt mit musik von after the burial, betraying the martyrs, veil of maya, within the ruins,
*************************************************************************************************************** nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
üba mia wattebäusche, grauschwoaz vaschmutzt, prasslnde geräusche, hom des soiz wegputzt, da eisige hauch wütet und tost, losst tränen gefrian und schenkt kan trost
üba mia blitz und donna, hom zuckt und dröhnt, des gwüazte aroma, hot die luft vawöhnt, diese elektrisch aufglodne sphäan, wiad fruchtboare eneagie gebäan
do i fühl mi so winzig und klan, fühl mi so nichtig wie a span, bin a unscheinboas staubkoan in diesa wöd, bin des letzte einhoan auf diesm lebmsföd.
b 1) .8/9/9/7+8 ...8/8/8/8 / 9
bin auf da suche noch deim licht, do da regn vahindat mei sicht, bin auf da suche noch deina kroft, do noch oi den vün joahn hob i mi no imma bestroft
bin auf da suche noch dem sinn, nua die offnen frogn samma bliem, bin auf da suche noch da woahheit, oi die sensiblen sensoan hom mi net von da schuid befreit
bin auf da suche noch deim sein, längst vablosst is dei glänzenda schein, bin auf da suche noch deim instinkt, dieses stetige rumoan hot si in meim vastond einklinkt
warum host du mi valossn, wieso is des grod dia passiat, weshoib host du mi vastossn, hob mi in deim heazn vaiat, woa nua auf dei liebe fokussiat.
ch 1a) .8/8/8/8 / 7 ...7/8 / 7/8/7
vamiss di jede minutn, jede sekundn tog und nocht, konn nua des ane vamutn, dei vaschwindn woa guat duachdocht, host so vü schmeaz vauasocht
vazeah mi noch deina wäame, noch nähe und noch deina lust, die vün leichtendn steane, hom von deina reise nix gwusst, zabrich scho on deim valust
schmöz zu an elendn haufn, zua masse volla söbstmitleid, muass mi mit meim ich zommraufn, woat no imma auf dein bescheid, aufm bett des hochzeitskleid
wo host du di nua vasteckt, wos host du scho wieda ausgheckt, voa wem läufst du nua davon, wea spricht zu dia im flüstaton, wea is dei innra dämon.
2) .7/4/6/5 / 9/9 ...9/8/7+4/6+6
üba mia so vü fädn, mit mia vaklebt, diese foigeschädn, san no net vaebbt, bin ois marionettn eingspeat, diese knotn hommas fiachtn gleaht
üba mia die sichl, pendlt voa und zruck, diesa lügngriffl, setzt mi unta druck, die schäafn schneidt im bodn an spoit, untastützt leis mei sprudlnde gwoit
üba mia a wossafoi, aus zähem schleim, diesa sühnende boi, übaroit den keim, diese explosive aggression, stüazt diese eneagieinvasion
denn i fühl mi so mickrig gering, fühl mi wie da gresste feigling, bin a obsuads element in meim bereich, bin des letzte fragment in diesm lebmsteich.
b 2) .8/9/9/7+8 ...8/8/8/8 / 9
bin auf da suche noch deim stroih, hob im finstan goa ka ondre woih, bin auf da suche noch deim elan, do noch oi den vün joahn hob i no goa kan eignen plan
bin auf da suche noch dem weat, so vü frogn bleibm ungekläat, bin auf da suche noch wiaklichkeit, oi diese vün bremsfaktoan hom si genau voa mia aufgreiht
bin auf da suche noch präsenz, scho längst vablosst is dei fluoreszenz, bin auf da suche noch deim gespüa, die geistign invasoan vagressan no dieses geschwüa
warum bist afoch so gongen, wieso woa des glück scho vabraucht, weshoib host net nei ongfongen, bin scho tiaf in deim heazn taucht, hob mi on deina liebe vakauft.
d 1) .8/9/7+5 / 5+7 ..4+8/5+7 / 7/7
i wass es woa net imma leicht, do gemeinsom homma ois eareicht, jeda hot seine föhla kana is peafekt, du ois eazöhla host imma ois offnglegt
i wass es woa so vü vazwickt, do gemeinsom homma ois duachblickt, jeda greift moi danebm in a hasse sauce, gibst unsam lebm an aufmuntand sonftn stoss
du hoitst mei hond und füahst mi duach die dunklheit, zasteast jede wond und stühst ma mei ängstlichkeit, räumst die stana ausm weg, host wieda om radl dreht
i wass meistens woas seah komplex, do wia zwa hom an guadn reflex, jeda hot seine schwächn kana is komplett, deine vasprechn woan do imma seah adrett
i wass es woa net imma kloa, do wia zwa deichsln do jede gfoah, jeda trogt seine schuidn im grossn rucksock, schenkst unsam lebm an schoafn wüazign gschmock
du hoitst mi fest und füahst mi duach des labyrinth, löst scho jedn test und stöst di voa diesm wind, ebnest den holprign pfad, biegst füa mi wieda ois gerad‘.
ch 1b) .8/8/8/8 / 7 ...7/8 / 7/8/7
vamiss di jede minutn, jede sekundn nocht und tog, in deinen vaebbtn flutn, hoit dei flucht nua an monolog, steht nix in unsam vatrog
vaezah mi no noch deim feia, noch güte noch intimität, hinta deim vaschwommnen schleia, ziagst die figuan aufm schachbrett, brauch do dei identität
vaschmöz zum klobign brockn, zua lawin mit sölischa pein, muass mei kronkes ich rauslockn, woat auf deine scheefäabarein, entzünd keazn aufm schrein
wohin host du di obgseilt, woron host du scho wieda gefeilt, voa wem bist wieda obghaut, wea hot nua dia gänzlich vatraut, wea hot dia ind augn gschaut.
ch 2a) .5/5/7 / 6/6/8 ..// / //9 ...7/8/10/11
gib ma an hinweis, a kuaze notiz, jede nochricht is ma recht; eaweita scho mein kreis, somml jedes indiz, übaziag ois mit an geflecht
vafoss an repoat, schreib afoch an brief, jeds detail hüft ma scho seah; skizzia ma diesn oat, notia jedn begriff, befoah scho jeds stüamische mea
send ma a zeichn, an oidn beleg, jede auskunft tuat ma guad; vastö kane weichn, vastäak no diesn steg, vaseh ois mit an sichaheitsguat
muass di jetzt endlich findn, rechachia afoch scho vüz long, muass jetzt ois vaknüpfn und vabindn, zu an vawobnen teppich zu an voahong.
3) .7/4/6/5 / 9/9 ...9/8/7+4/6+6
üba mia dichta nebl, aufquoina brei, vawend trockne knebl, füa mi ois arznei, loss des wossa rinnen und gefrian, wü jedes atom eatränkend spian
üba mia diesa homma, schlogt dröhnend laut, in da foitakomma, san kettn vabaut, no imma sprühn funkn vom omboss, des flüssige metoi zischt ins schloss
üba mia des grundgerüst, wocklt und schwonkt, mit oipträumen vasüsst, mit wundn auftonkt, des chaos liegt zabrochn voa mia, in meim katastrophaln revia
do i fühl mi unwichtig und floch, fühl mi unbedeutend und schwoch, bin nua no koide oschn ohne substanz, bin da letzte groschn in diesm lebmstanz.
b 3) .8/9/9/7+8 ...8/8/8/8 / 9
bin auf da suche noch deim glühn, da gruch is metallisch giftig grün, bin auf da suche noch deim ontrieb, do noch oi den vün joahn fühl i mi no imma ois dieb
bin auf da suche noch dem zweck, so vü frogn treffn nua auf dreck, bin auf da suche noch da weisheit, diese indikatoan wuadn üban ziakus net eingweiht
bin auf da suche noch deim jetzt, scho längst vablosst is dei auffongnetz, bin auf da suche noch impression, die berechnendn vektoan definian jede dimension
warum bist hamlich foatgschlichn, wieso host du di so beeilt, weshoib host dei buach duachgstrichn, hob do dei heaz scho längst geheilt, hob mi in deina liebe einkeilt.
d 2) .8/9/7+5 / 5+7 ..4+8/5+7 / 7/7
i wass es hot si ois obgnutzt, do gemeinsom homma ois wegputzt, jeda hot seine soagn hot seine problem, om nächstn moagn repariast glei des system
i wass es woa a steta kompf, do gemeinsom lös ma jedn krompf, jeda frisst ois in sich rein bis ma si eabricht, in deim trautn heim homma ois umschifft
host mi umoamt und beruhigst mei neavnkostüm, host mi mitgefoamt und streichlst mei ungetüm, übabrückst mei eigne schlucht, begleitest mi zua sondbucht
i wass es hot si ois vaspiesst, do jeda von uns is pazifist, jeda hot sei geheimnis tiaf in si bewoaht, nua mit deim gleichnis easchoffst an vawunschnen oat
i wass so vü is scho kaputt, do wia zwa schöpfn scho wieda mut, jeda schleppt sei last herum mit nebmeffekt, schenkst unsam lebm an bejahendn aspekt
host mi liebkost und minimiast meine phobien, host nua mi ausglost und heilst meine alleagien, eakennst sofoat jede foin, befüllst jede opfaschoin.
e 1) .9+11 (10+10)/10+5/5 ..6/6/7/5 / 8/8
meine sentimentaln seitn hom di mit meina liebe gänzlich umhüllt, meine unsichtboan schwierigkeitn hom di scheu onbrüllt, innalich zaknüllt
meine emotionaln flächn hom di mit meina liebe völlig einzäunt, meine feialich hehren vasprechn hom si söbst aufgschäumt, wieda ois varäumt
konn di net vagessn, kumm von dia net meah los, hob mi wieda vamessn, bei deinen echos, foig deina auratischn spua, woast scho imma mei leitfigua.
ch 1c) .8/8/8/8 / 7 ...7/8 / 7/8/7
vamiss di jede minutn, jede sekundn tog und nocht, nua bei deinen attributn, woa dei ausbruch ziemlich vakrocht, mei bluad hot brodlt und kocht
vazeah mi noch deina hitzn, noch schutz noch oagastischem reiz, treibm uns rauf bis zua spitzn, stehst guat vaboagn im obseits, mei sehnsucht mutiat zum geiz
schmöz zum miserablen klumpm, zum wrack aus drückendem ballast, muass mei leares ich aufpumpm, woat scho wieda auf dein palast, die fahne weht aufm mast
wo host du di nua vaschonzt, wöche gerüchte host vapflonzt, voa wem bist du nua entwischt, wea hot da nua mäachn auftischt, wea hot si mit dia vamischt.
ch 2b) .5/5/7 / 6/6/8 ..// / //9 ...7/8/10/11
gib ma jetzt an tipp, an deutlichn wink, jede info füaht zum zü; moch jetzt den nägstn schritt, öffne scho jedn link, entwickl die regln vom spü
verles dei statement, moch do dei aussog, jeds puzzlestück fügt si ein; kombinia jeds fragment, hoit do an dialog, duachwonda olle ländarein
zitia an vameak, schick do a botschoft, jeds togebuach ois eahöt; benutz do dei kunstweak, wüaz no dein lebmssoft, bist in deim vawunschnen traum hochgschnöt
muass di jetzt endlich treffn, analysia afoch zlongsom, muass jetzt endlich amoi ois besprechn, üba deine visionen und dei phantom.
ch 3a) .8+12/8+9 ...7+13/7+9
hob mi ins wache moos hinkniet und meditia in ana unhamlichn stün, rezitia ausm hohelied und besing jetzt dein befreitn wün
leg mi jetzt ins softige gros und konzentria mi auf dein gedonknsalat, voiend des mosaik aus glos und übamoi des lebmsplakat
sitz mi auf an oidn baumstumpf und komprimia unsre jüngste vagongenheit, duachquea diesn tückischn sumpf und kost von deina glottn nocktheit
unsre keapa san vaeint in an rhythmus volla ekstase und euphorie, unsre keapa san valeimt mit diesa feuchtn anomalie.
4) .7/4/6/5 / 9/9 ...9/8/7+4/6+6
üba mia braut die suppm, schmierign seim, wie aufblosne puppm, schüttlns bewusstsein, stränge vasiegn bleibm vaschoin, diesa stress is scho wieda ongschwoin
üba mia hängt no des schweat, hot mi ongrinst, reit auf an schauklpfead, zu an hiangespinst, im niagendwo londet jeda sprung, a deaba fluach liegt ma auf da zung
üba mia a schicksoisschlocht, hot mi geprüft, den stuazflug untajocht, hot mi seah vablüfft, diese anarchie hot mi bedroht, da applaus güt nua dem behemoth
denn i fühl mi so schäbig und knopp, fühl mi mindaweatig salopp, bin nua a parasit dea den feind aufsaugt, bin da letzte bandit in diesm lebmsraub.
b 4) .8/9/9/7+8 ...8/8/8/8 / 9
bin auf da suche noch deim glonz, betrocht die büda aus da distonz, bin auf da suche noch potential, do noch oi den vün joahn eastickt gonz longsom dei signal
bin auf da suche noch dem punkt, so vü frogn hom dazwischngfunkt, bin auf da suche noch da echtheit, oi diese losn motoan san gegn goa nichts meah gefeit
bin auf da suche noch deim klong, scho längst vablosst is dei donkgesong, bin auf da suche noch da vanunft, diese schmettandn fanfoan übatönen unsre zukunft
warum bist so schnö wegzogn, wieso hot si ois potenziat, weshoib bist du glei weggflogn, hob do dei heaz ausbalanciat, hob dei liebe längst nei installiat.
d 3) .8/9/7+5 / 5+7 ..4+8/5+7 / 7/7
i wass es is hia ois vafault, do gemeinsom homma aufgejault, jeda hot do attackn panisch und moabid, san nua barackn mit humoa füa suizid
i wass ois hot si zvü vazweigt, do gemeinsom homma uns vaneigt, jeda tritt moi danebm in a schwoazes loch, des onkahebm benötigt zvü sauastoff
berüahst mei sö und besiegst mein höllischn schlund, bezwingst mei kastö siagst in mia den vagabund, rodest afoch diesn woid, host füa ois im voraus zoiht
i wass es woa scho seah vatrackt, do wia zwa hom ois wieda vapackt, jeda hot sei defizit kummt net glei ins plus, des innre dynamit vaschickt an obschiedsgruss
i wass ruinen wean vadrängt, do wia zwa hom scho entgegnglenkt, jeda schleift seine sündn bis zua waage mit, schenkst unsam lebm an ungezähmtn obschnitt
du host mi gschnappt und teilst voa mia den ozean, host ois obgeschabt umwicklst mi in zellophan, sprengst donn a toi duachs gebiag, säubast scho jedn beziak.
e 2) .9+11 (10+10)/10+5/5 ..6/6/7/5 / 8/8
meine theatralischn gebäadn hom di mit meina liebe eingemummt, meine masochistischn beschweadn pulsian äussast bunt, san no net vastummt
meine intuitivn aktionen hom di mit meina liebe übahäuft, meine peasönlichn ambitionen hom stöhnend gekeucht, wieda ois vascheucht
konn di net wegstreichn, konn mi dia net entziehn, wüs jetzt endlich begleichn, deine sympathien, foig deina auratischn foab, bist mei idol da gegnwoat
mei irrationales vahoitn hot di mit meina liebe gänzlich bewocht, meine reelln bewundarungsfoitn hom di liab onglocht, hob dei heaz entfocht
meine hysterischn neurosn hom di mit meina liebe völlig blockiat, meine sötsomen metamoaphosn hom di imitiat, hom di absoabiat
konn di net entfeanen, host mi scho long beschützt, deaf jetzt nichts meah entkeanen, hob di nua benützt, foig deina auratischn stimm, bist mei engl seit onbeginn.
f 1) .10/9/11/11 ..5/7/5/7 / 6/9
hob dei entscheidung no nie begriffn, konn dein entschluss bis heit net vastehn, läufst davon und fliehst host afoch gekniffn, hoffentlich wead i di amoi wiedasehn
host deine voakeahrungen längst troffn, woa nua da betrogne passagia, schliesst die tüan host hinta dia ois obbrochn, hoffentlich findest du a sichres quartia
foasch noch deim zuhaus, hob olle datn gecheckt, find hia net meah raus, hob fremde geista aufgschreckt, wea lauat dia nua auf, wea produziat so vü dichtn rauch
hob dei letzte auswoih nie begriffn, konn dei konzept bis heit net kapian, nimmst reissaus und fliehst host jetzt ois obgschliffn, hoffentlich wean wia zwa wieda harmonian
host deine massnahmen scho längst troffn, woa nua des mittl zum guadn zweck, host dei gesomtes gedächtnis eastochn, hoffentlich trogst du no dieses amulett
fahnd noch deina peason, hob die faktn soatiat, bin net meah synchron, hob des bese stimuliat, wea jogt di queafödein, wea graviat dein nomen ins gestein.
ch 1d) .8/8/8/8 / 7 ...7/8 / 7/8/7
vamiss di jede minutn, jede sekundn nocht und tog, auf deinen entlegnen routn, woa dei beziehung reziprok, vasunkn is rettungsboot
vazeah mi noch deinen flommen, gnade mit sadistischem flair, geniess die noabm und schrommen, woast jo scho imma legendäa, mei benehmen woa konträa
vaschmöz zum anzign splitta, zum botzn aus melancholie, umgib mi mit an hohn gitta, woat nua no auf die amnesie, beend donn mei therapie
wohin bist du nua getüamt, wovon woast du nua so eazüant, voa wem bist du nua foatgronnt, wea hot dein bogn übasponnt, wea hot di net meah eakonnt.
ch 2c) .5/5/7 / 6/6/8 ../// //9 ...7/8/10/11
gib ma do an rat, sogs in deina sproch, jede instruktion reicht aus; vawend do a zitat, benutz die wön vom boch, eakläas do mit an blumenstrauss
zeig auf dein bericht, behoit do dei pfond, jeda kiesl kriagt sein plotz; stutz endlich des dickicht, sprich die mödung auf bond, vazweifl on deim templschotz
duachfoast die aktn, und jedn entwuaf, jeds meakmoi wiad obduziat; beglaubig die faktn, mit an rein weissn tuach, host mi wieda hypnotisiat
muass di jetzt endlich fongen, diffarenzia vüz vü herum, muass mi jetzt endlich bei dia bedonkn, füa dei begiade und mei delirium.
ch 3a) .8+12 (9+11)/8+9 ...7+13/7+9
wate om ufa duach des schüf und beobocht oi die steane om fiamament, da voimond trinkt a glasl müch und da komet is da dirigent
suhl mi im eadign ufaschlomm und deut dei eainnarungskonglomerat, vavoiständig des chromosom und schlofwondl aufm schmoin grat
geh üba nägl und scheabm und spezialisia mi auf unsre laufbahn, schnitz in den stob a poa keabm und ruda üban fluss mit dem kahn
unsre keapa san vaeint in an rhythmus volla raserei und phantasie, unsre keapa san valeimt mit diesa trocknen anomalie.
ch 4a) .9+11 (10+10)/8+6 ..8/10/8/8
diese vasieglte einsomkeit sickat duach jede pore in jede zön, wü diese obgeschiednheit jetzt endgültig obstön
des manifestiate vakuum dringt zeitlupmhoft bis zua synapsn voa, injiziat schnö des tonikum und knackt diesn tresoa
steh jetzt wieda voa diesm stein, no imma is mei lebm gonz allein, mei müdigkeit losst ma ka ruah, sog no mein liebesschwua
diese totale inhoitslosigkeit rieslt mühsom oba stetig voron, diese träge gleichgültigkeit fabriziat an kokon
diese heametische isolation träuflt äussast späalich auf die membran, diese lähmende depression is toxischa balsam
steh jetzt scho wieda voa deim grob, no imma foin bittre tropfn herob, mei traurigkeit is boid gonz stü, hob scho wieda a déjà-vü.
geschrieben am 01./24./28./29./30. november // 01./03./04./05./06. dezember 2020.pk. ~ überarbeitet am 18. november 2023.pk.
copyright by philipp kirschner.pk. ~ untermalt mit musik von after the burial, betraying the martyrs, veil of maya, within the ruins,
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen