465. | vaflucht.

 

465. | vaflucht.

1) .9/9/9/10

bist a seah begeahnsweate frau, dei eascheinung raubt ma mein vastond, umgoanst mi jedsmoi im himmlblau, fliagst mit mia in a ungezähmtes lond

bist a reife attraktive frau, dei humoa hot mi zum lochn brocht, deine ontwoatn san vif und schlau, hob üba dei belesnheit nochdocht

bist a unwidastehliche frau, dei beweglichkeit is kolossal, dei ballett tonzt aufm moagntau, dei anmut sendet jedsmoi a signal

bist a betörend sinnliche frau, dei vafüahrungskunst is unbewusst, du vauasochst übaroi an stau, dei erotik enthält die reinste lust.

b 1) .7+7/6+6/5+9

unsre gemeinsome zeit woa a liebesodyssee, mei valoane freiheit friat unta eis und schnee, unsre euphorie woa nua a vastiegne theorie

unsre enge beziehung woa zweit entfeant und wüdfremd, mei innre reinigung wiad niemois transparent, unsa recht und pflicht woa eigentlich nie im gleichgewicht

unsre intime physik woa chemisch a labyrinth, mei eigne mechanik wiad scho taub stumm und blind, unsa grundvatraun losst si scho long net meah nei aufbaun

unsre lebmsgemeinschoft woa chaotisch aggressiv, mei jugendliche kroft woa peinlich und naiv, unsre existenz valiat scho deutlich on effizienz.

ch 1a) .8/10/8/10...///11

bin aus meim käfig ausbrochn, suach ma in da wüdnis a neies nest, hob die eiaschoin duachstochn, feia mit den elementn a fest

hob endlich die flucht eagriffn, brauch jetzt dringend a guads geheimvasteck, hob mei vagongenheit gstrichn, bleib niemois wieda nua om söbm fleck

hob olle fensta zaschlogn, die scheabm bringen hoffentlich a glück, hob mein grodn weg vabogn, es föht scho wieda a vüz grosses stück

hob jetzt mein kokon valossn, des end vom fodn is mei neionfong, hob die tüan hinta mia obgschlossn, inhalia tiaf diesn intensivn klong.

2) .9/9/9/10

bist a üppig kuavige peason, dei ausstrohlung wiaft mi aus da bahn, vafügst üba mei testosteron, iagendwonn varotst unsan lebmsplan

bist a funknsprühende peason, dei magnetismus is ziemlich stoak, ziagst mi tiaf in den magischn bonn, jeda pfeil trifft genau ins knochnmoak

bist a sirenenhofte peason, dei stimm hot a melodische foab, triffst jedesmoi den richtign ton, pflückst mi vom baum und trogst mi in an koab

bist a charismatische peason, deine reize hom mi übaschwemmt, dei keapa steht ständig unta strom, dei peitschn woa imma scho ungehemmt.

b 2) .7+7/6+6/5+9

unsre echte zweisomkeit eascheint wie a illusion, mei schwoche heitakeit is die letzte bastion, unsre kumpanei woa nua a augnauswischarei

unsa liebesvahötnis hätt auf daua nie gekloppt, dei faula kompromiss is üban rond rausgschwoppt, unsre innre flomm foamt si zum frotznhoftn dämon

unsa rota lebmssoft is mitnond net vaeinbar, mei gflüstate botschoft is a bittra nektar, unsa eahgefühl is völlig vaföscht und untakühlt

unsa kuaza zommenhoit woa nie richtig festgeklebt, mei giarige vüfoit woa längst wieda vaebbt, unsre grundsubstanz hot scho a deutliche dissonanz.

d 1) .8+5+7/8+5+7 ..10/9/10/9

deine unsichtboan fessln, hoitn mi gfongen, in deina realität, bod splittanockt in brennnessln, deine giftschlongen, jogn mi übas schochbrett

deine unsichtboan grenzn, hom mi eingekreist, in deim viatuelln raum, wöz mi in hassn essenzn, dei kronka freigeist, gebiat in mia an oiptraum

woa dei sklave in deina eignen wöd, host di bei mia übaroi vazöht, woa nua dei futta auf deim longen weg, host bei mia nua no stana gesät

deine unsichtboan bremsn, wean donn vasogn, voa da unscheinboan wond, hoits gonz fest die schoafe sensn, die vün frogn, hom die ontwoat nie gekonnt

deine unsichtboan schluchtn, san peafekt getoant, in deim zeitkontinuum, schwimm vü in vaseichtn buchtn, host mi no nie gwoant, foi donn ins delirium

woa dei geisl in deim eignen revia, behondlst mi wie zrissnes papia, woa die eingeweide in deina schlocht, die vün nägl hom mi onglocht.

ch 1b) .8/10/8/10 ...///11

bin aus meim zwinga entkommen, suach in da wüstn an schottign plotz, hob diese spitzn fösn eaklommen, grob wie besessn nochm templschotz

host mi indirekt vatriebm, brauch jetzt dringend an guadn untaschlupf, hob die eainnrung zariebm, die vün büda sommln si zum gupf

hob olle zäune zatretn, die friedliche stün schwebt gonz schwerelos, konn die blockadn net rettn, lond scho wieda genau auf an omboss

hob die sichaheit zruckglossn, des obmteia schreit ma scho ins gsicht, hob mei spieglbüd duachstossn, inhalia tiaf dieses intensive licht.

ch 2a) .8/9/12/8

die natua is des oachesta, komponiat iah eigne symphonie, ois is mitanonda vawobm und vanetzt, is a riesige galerie

sie is goa net unsre schwesta, sie hot uns aus iahm schoss geboan, ois dank dafüa hommas olle vüz schwea valetzt, ma heat scho a dumpfes rumoan

die natua is da dirigent, sie hoit iahn stob no in da hond, sie is vabundn bis zu iahm eisnkean, und füaht gespräche mitm mond

hot a solides fundament, die wundn san zu noabm mutiat, sie fongt jetzt scho on si mit olla kroft zu weahn, wia hom wieda foisch reagiat.

3) .9/9/9/10

bist a bezauband reizende fee, dei aura funklt und fluoresziat, dei wüaze duftet noch orchidee, mit deim eignen aroma stimuliat

bist a schutzengl a guade fee, dei mäachnhofte gstoit is sonft und weich, dei atem vatreibt die stüamische see, dei liebe is wie a kloara teich

bist a hauchzoat besaitete fee, dei einfühlungsgabe is enoam, vafügst üba a eigne armee, deine feichtn küsse san seah in foam

bist a elegante hübsche fee, dei heazlichkeit unvaföscht echt, bist dei eignes liebeskomitee, stiazt di mit freude ins nächste gefecht.

b 3) .7+7/6+6/5+9

unsa komplexes bündnis woa wie a woikn im wind, die beklommne düstanis woa bereits vamint, unsre freindlichkeit hot si afoch vüz oft foisch eingreiht

unsa menschlicha kontakt woa desaströs und fatal, da beschuidigungsimpakt taucht tiaf im kanal, unsa dialog woa vakeaht und wieda reziprok

unsre schweissduachtränkte haut hot si net meah gonz eahoit, die lust is scho obtaut ois wuade übamoit, unsre foabmprocht hot nua on grauschattiarungen docht

unsre zukunftsprognosn woan im voahinein obsuad, die doanign rosn hom mi scho laut onknuat, unsre gegnwoat hot uns längst die woahheit offnboat.

d 2) .8+5+7/8+5+7 ..10/9/10/9

deine unsichtboan kettn, hom mi umschlungen, in deim vasunknen luftschiff, häng scho ois marionettn, gonz ungezwungen, und vaschnüat vom steiln kliff

deine unsichtboan schronkn, hom si jetzt gschlossn, in deim pseudo paradies, denn meine rachegedonkn, san herausgflossn, in des schaurige valies

woa dei vasuachsobjekt in deinem reich, bin füa di nua da komentnschweif, woa nua a typ in deim peaveasn spü, eareich mit dia nie des gleiche zü

dei unsichtboare diskrepanz, zwischn unsre lem, is scho imma expandiat, die bereits zruckglegte distanz, hot unsa problem, übahaupt net intressiat

deine unsichtboan mauan, hom mi scho umringt, in deim obgschiamtn segment, da woa niemois a bedauan, dei killainstinkt, hot olle fädn duachtrennt

woa nua dei pfond füa dei intrigngschäft, bin füa di net amoi lebmsecht, woa füa di afoch nua no dreck und staub, dei leidnschoft is scho längst obgflaut.

e 1). 13/13/14 ..8/11/8/11

hob mi in meine gefühle varonnt und vaiat, meine emotionen hom afoch zvü phantasiat, füa di hot liebe aufm eastn blick nie existiat

hob meine begiadn zum brodln und kochn brocht, mei valongen hot zvü vuikanausbrüche entfocht, host meine sehnsüchte mit an eiskoitn blick bestroft

meine tränen san längst trockn, auf meinen wongen siagt ma no iahre spuan, in mia läutn scho die glockn, des soiz eazeugt auf mia traurige gravuan.

ch 1c) .8/10/8/10 ...///11

bin aus meim keaka entstiegn, suach in da steppe noch an wossaloch, hob olle details vaschwiegn, des himmlszöt is mei abgsichats doch

hob mi aus deim umföd vabonnt, brauch jetzt dringend an beschützendn hoat, mei gedächtnis is übasponnt, einige synapsn san scho vadoat

olle hüadn übasprungen, meine fliagl mochn mi fedaleicht, mia is die wende gelungen, hob mein hofn oba no net eareicht

hob den hoitegriff losglossn, pock auf mei schuita jedes risiko, hobs negative vagossn, inhalia tiaf des intensive echo.

ch 2b) .8/9/12/8

die natua is des kollektiv, fauna und flora san a einheit, ois is mitanonda vaflochtn und vaknüpft, symbolisiat oide weisheit

sie is net kontraproduktiv, hoit nua iahre gsetze in da woog, iah san scho a poa kalamitätn entschlüpft, zwischn uns gibts no kan vatrog

die natua is da regisseur, des aufgschlogne buach liegt glei voa iah, kommuniziat mit jedm aggregatzuastond, und mitm lebmselixia

sie is iah eigna konstrukteur, jede schicht hot iah eigne aufgob, iahre brutaln obweahkräft san scho entbronnt, sie eantet afoch nie a lob.

ch 3a) .12/11/10

hob mei depressive phase afoch vaküazt, hob mi in dystopische visionen gstüazt, hob mei eifasucht vafeinat und gwüazt

hob mein psychopathischen onteil reduziat, hob donn mit halluzinationen jongliat, hob mit mein blonkn neid ois toapediat

hob mein mindaweatigkeitskomplex fost besiegt, hob mi on dem oagastischn stich ongschmiegt, hob mei missgunst afoch niemois bekriegt

hob mei melancholie mit meditation gheilt, hob mi donn gonz longsom vom plateau obgseilt, hob mein gonzn hoss gean auf di vateilt.

4) .9/9/9/10

bist a elfe lieblich und charmant, dei natüalichkeit hot mi vazückt, bist in jeda hinsicht tolerant, uns übaroi zu jeda zeit vagnügt

bist a elfe so zialich und jung, dei innra glonz vaströmt harmonie, bin längst bereit füan nächstn sprung, in dei wollüstige philosophie

bist a elfe unbefongen socht, mit ana earegtn libido, host a ständig üba mia die mocht, deine gründe san des eldorado

bist a elfe frisch und makllos, dei temprament is konstant aktiv, vasetzt ma an elektrischn stoss, dei phantasie is äussast exzessiv.

b 4) .7+7/6+6/5+9

unsre kuazn romanzn woan valoane zeit und mühn, unsre allianzn hottn kan frein wün, unsre impression woa jetzt nua no blanka spott und hohn

unsa vaknotetes bond hot si donn net meah aufglöst, hom diesn gschmoiznen sond in uns söba eingflösst, diesa innre schmeaz ziagt uns scho imma weita obwäats

unsa schwocha botnstoff is scho vom winde vaweht, dem austrocknetn boch hommas wossa obdreht, unsa blumenmea vawökt bereits ohne gegnweah

unsre grosse diffarenz hot jede bruckn zasteat, denn jede turbulenz hot uns weita aufzeaht, unsa übablick zeigt gonz deutlich den beziehungsknick.

d 3) .8+5+7/8+5+7 ..10/9/10/9

deine unsichtboan guatn, hoitn mi hia fest, in deim befeindetn drong, und deine wiedagebuatn, aufghängt im geäst, schaukln todkronk ois behong

deine unsichtboan gitta, mit stochldekoa, hom mi innalich zakrotzt, meine gnodnlosn splitta, san wia a motoa, dea jede unschuid zaplotzt

woa bei dia im voahinein vauateilt, bin zwischn deim wahnsinn eingekeilt, woa in deina statistik nua a witz, nimmst mi jetzt scho wieda in besitz

deine unsichtboan spoitn, hom si jetzt vaeint, zu an brutaln obgrund, dei skurril bizarrs vahoitn, hot jetzt ois vaschleimt, in diesm schaurign schlund

deine unsichtboan wälle, woxn no weita, sogoa bis zum horizont, diese vün zwischnfälle, san aussnseita, hobm mi a net vaschont

woa füa di do nua da klägliche rest, füa mi host nua a schlechtes attest, woa nua des onhängsl sinnlos unnütz, in stellung steht scho dei schweas geschütz.

e 2) .13/13/14 ...8/11/8/11

hob meine empfindungen imma scho übareizt, hob no nie mit meinen gemütszuaständn gegeizt, host mei gesomte liebe im voahinein scho vaheizt

hob dia meine gelüste imma gonz offn zeigt, hob mi voa mein sexistischn hunga tiaf vaneigt, host bei meinen heaznswünschn im voaheinein gestreikt

meine tränen san scho vabraucht, san im bodn vasickat und hom eam düngt, hob mei traua teua vakauft, mei eainnarung hot si net meah vajüngt

hob mi mit meinen ekstasn scho vüz oft eahitzt, hob bei meinen primitivn triebm seah vü gschwitzt, host mi afoch bei meinen avancen eiskoit obblitzt

hob nua meine bedüafnisse on easta stö gsetzt, hob mi beim sadomasofoitan oft schwea valetzt, host meine wüdn obsessionen sogoa untaschätzt

meine tränen san längst vasiegt, san da onziehungskroft scho völlig vafoin, hom si mitm regn bekriegt, dunkle woikn san scho üba mia aufquoin.

f 1) .6+6/8/6+7/7 ....5+7/5+8/5+6

hob di ongebetet, di zua göttin eakoan, hob da ewige treue gschwoan, hob di glorifiziat, di ois mei schicksoi eakonnt, woa trotzdem tiefnentsponnt

hob di eingebettet, zwischn mein liebeskuss, und dem lebendign rhythmus, host mi elektrisiat, mochst mit mia den letztn schritt, von unsam hechstn zenit

hob di stets umwoabm, di ois göttin vaeaht, mi nua von da liebe eanäaht, hob di heroisiat, woast mei segnenda fluch, kumm trotzdem gean zu besuch

do du bleibst vaboagn, zwischn mein obschiedskuss, und dem dynamischn ritus, host mi hypnotisiat, geh mit dia bis zum strich, net nua du host a motiv

wäast mei gegnpol, des föhlene puzzleteil, bist mei sexsymbol, bin da obgschossne liebespfeil, wäan wie yin und yang, afoch gonz ohne zwang.

ch 1d) .8/10/8/10 ...///11

bin jetzt aus meim bunka entflohn, suach im dichtn dschungl noch an fluchtweg, bin mit mia wieda gonz synchron, scho völlig moasch is da vabindungssteg

hob mi von dem oat zruckzogn, brauch jetzt dringend a sichres domizil, hob im lebmslauf zvü glogn, iagendwos is in mia gonz instabil

hob olle barriean zatrümmat, da homma spricht laut sei schmettande sproch, da steilhong is scho vakümmat, trog no schwea om niedadrückendn joch

hob des fruchtwossa ausglossn, setz jetzt voi auf mein bestn koatntrick, lenks bese ob mit grimossn, inhalia tiaf die intensive mystik.

ch 2c) .8/9/12/8

die natua is a apparat, jeds atom bis ins klanste geplant, ois is mitanond vakopplt und kombiniat, is a ausübenda mutant

sie is net nua a exponat, sie übawocht uns rund um die uah, wia hom uns söba zu seah idealisiat, do wia scheitan on da dressua

die natua is da investoa, hot iah eneagie scho fost entleat, iahre fühla eastreckn si scho bis zua sunn, hot iahre funkwön scho entzeat

sie benötigt goa kan altoa, diese peale is a unikat, befindet si in an vawesungsstadium, die ressourcen san desolat.

ch 3b) .12/11/10

hob mei pessimistische phase herausgschöt, hob donn freiwillig den nihilismus gwöht, hob mei eifasucht jetzt net meah vastöt

hob meine bestialischn seitn zuadeckt, hob die wahnvoastellungen wieda aufgschreckt, hob mein blonkn neid jetzt net meah vasteckt

hob mein suizidaln vasuach wiedahoit, hob mein fanatischn konflikt übaroit, hob mei missgunst übaroi weit vastreut

hob meina hoffnungslosigkeit foabm aufglegt, hob mi gonz longsom aufm plateau bewegt, hob mein gesomtn hoss zu dia gefegt.

ch 4a) .7/8/16 ..8/8/9/10

schlepp jetzt diese schwere last, duach a vaschwommne dimension, in diesm kaleidoskop aus stimmen säuslt siass des phantom

kriach duach diesn morast, aus panikattackn und phobien, in diesa totaln finstanis blinzln reine utopien

hob da a poa zeiln gschriebm, sing nua füa di dei lieblingsliad, hob endgültig dei sö vatriebm, bist no imma gonz vastöat und vawiat

schleif jetzt diese schwere frocht, duach a diffuses fiamament, in da melange aus büdan vaschmiat des kontualose fragment

rutsch duach diesn engen schocht, aus splittan dezent dekoriat, in diesem bluadign infeano homs des lebm sabotiat

hob di ausm marmoa befreit, grob füa di a heilige gruft, hob jetzt endgültig dei sö entweiht, bist no imma vateuflt und vaflucht.

 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

geschrieben am 21./22./23./24./25./26./27./28./29./30./31. juli // 01./02. august 2019.pk. ~ überarbeitet am 11. november 2023.pk.

copyright by philipp kirschner.pk. ~ untermalt mit musik von carnifex, gojira, grave, revocation, vale of pnath.

 

************************************************************************************************************

 nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.

...und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.