1) .7/8/7/8/8 ...9/10/10/8
bin scho wieda hia vadommt, no imma is hia ois zabombt, dichta rauch schwebt üba mia, leichnteile von mensch und tia, mei vastond hot si glei vaplombt
da regn is rot vafäabt, nua die schlocht hot den krieg beeabt, des otemhoin is net leicht, i glaub da tod hot mi scho gstreift, hot ma mein lebmsstrich einkeabt
fühl mi wie stumm taub und blind, bin gfongen in diesm labyrinth, feina sond weht duach die stodt, hot diese asche scho so sott, die ontwoat weiss alla da wind
in diesm unduachdringlichn woid, beheascht panische ongst die nockte gstoit, zittat hungand in an schlechtn vasteck, schloft schwea valetzt im tiafstn dreck.
2) .7/8/7/8/8 ...9/10/10/8
bin no imma hia vadommt, scho wieda is hia ois entflommt, des feia noch futta giat, des lebm is hia längst vabliaht, mei vastond setzt si söbst in brond
die sunn brennt glühend herob, des sotte grün mutiat zum grob, da weg is a hoates brett, om strossnrond liegt a skelett, des lebm valiat den mossstob
fühl mi ausgelaugt und lea, diese einsomkeit is wie tea, hot si in mia festgeklebt, hot mei vatraun scho längst vaschleppt, bin mittn im stüamischn mea
in diesm unduachdringlichn raum, explodiat die nocht zum wütendn traum, mei schlof paralysiat mi wie a füm, suach vazweiflt noch diesa stün.
ch 1a) .12/13/7/8 ...8+6+4/8+5+6
diese eaeignisse hom mi traumatisiat, hob dieses katastrophale ausmass net kapiat, iagendwos hot mi bedroht, bin a eafoahna bruchpilot
diese ealebnisse hob i in mia aufgsaugt, diese enoame reichweite hot ma mei ich graubt, iagendwos is in mia drin, brauch jetzt dringend mei medizin
diese geschehnisse hom mi schnö übafoin, dieses besoatige volumen kummt scho ins roin, iagendwos hot mi besetzt, mei ponzarung is scho obgwetzt
vasink in ana wüdn flut aus unschoafn büdan ohne ausgong, eingspeat in da glosendn glut zum herausfütan vom innalichn zwong.
3) .7/8/7/8/8 ...9/10/10/8
bin imma dazu vadommt, da bodn is gänzlich vaschlommt, schlepp mi duach tiafn morast, duachquea den faulign palast, mei vastond proit hoat auf die wond
da schnee is scho giftig göb, des gas hot si in den weg gstöt, des bewusstsein fliagt davon, no heha ois a luftballon, des lebm is a offnes zöt
fühl mi beengt und zadrückt, jeda fluchtvasuach is missglückt, um meim hois kuschlt a seil, da goign voistreckt des uateil, hob die reife frucht vom baum plückt
in diesm unduachdringlichn weak, skizziat die woahheit nua an klan vameak, des symboi setzt die logik aussa kroft, do niemond eakennt die botschoft.
4) .7/8/7/8/8 ...9/10/10/8
bin jetzt scho wieda vadommt, hob no imma goa nix eakonnt, die grubm san illegal, die diktatua kennt ka moral, mei vastond om äussastn rond
des eis okkupiat des heaz, da hoss ziagt jedn steu obwäats, da feind wiad sauba entsoagt, sündteire floschn wean entkoakt, nua des lebm wiad zum kommeaz
fühl mi gspoitn und zahockt, die knochn wean niemois auspockt, vagessne vaschoine spuan, woan nua vaspüte schachfiguan, des tropfende wochs hots onglockt
in diesm unduachdringlichn kreis, vaschwindet jeda schlüssige beweis, die zeit hintalosst nua grauschwoazn staub, wosch die händ im vawöktn laub.
b 1) .6/5/7/5 / 9/8 ..9/11/9/10
heil mi voam besn, moch mi wieda gsund, eazöh ma kane thesn, brauch a kan befund, boah do afoch a loch in meim kopf, wiaf die synapsn in an topf
lösch do mei gedächtnis, radias afoch aus, ignoaria mei vamächtnis, zasteas koatnhaus, untasuach do afoch mei gehian, deafst meine neuronen sezian
in mia heascht a gewoitiga druck, in mia liegt ois in trümman scheabm und schutt, die wundn auf da haut moin a büd, fost zabrochn is mei moascha schutzschüd
schenk ma wos vom gutn, moch mi endlich gsund, muasst di oba scho sputn, offn steht da schlund, duachleicht mein keapa mein schwochn geist, jeds element is scho entgleist
übaschreib mei datei, vawend des passwoat, ignoaria mein hüfeschrei, is mei gebuatsoat, moch ruhig mit mia a experiment, du bist da oazt, i dei patient
in mia hot si des chaos vateilt, in mia hom si olle föhla fest vakeilt, diese noabm vakündn vü quoin, mei sichaheitsguat is scho seah vafoin.
ch 1b) .12/13/7/8 ...8+6+4/8+5+6
diese eaeignisse hom mi ziemlich schockiat, hob diese gfäahliche situation net kapiat, iagendwos greift mi scho on, bin mit mia net meah gonz synchron
diese ealebnisse hom mi gänzlich obghetzt, diese monströsn umständ hom ma mei ich zafetzt, iagendwos baut scho a nest, hot meine oagane eapresst
diese geschehnisse hom mi wieda vafoigt, diese fremdn vahötnisse hom si net vabeugt, iagendwos hot mi bestüamt, diese vian san scho seah eazüant
entschweb in a dunkle woikn aus grässlichn fratzn ohne an licht, festsitzend aufm queaboikn nimm i die strapazn gonz alla auf mich.
ch 2a) .8/8/8/8
wü jetzt endlich moi von hia fliehn, muass jetzt unbedingt weitaziehn, loss diesn müll donn hinta mia, boid vastummt des stimmengewia
schliess endlich des kapitl ob, ziag an strich mitm wondastob, moch kan blick ind vagongenheit, nua des jetzt is mei woahre zeit
wü den sinn endlich moi vastehn, es konn net imma grodaus gehn, diese kuavn san net gerecht, setzn mi donn aussa gefecht
die kötn hot mi fest im griff, steua scho direkt auf a riff, konn ma die zeichn net eakläan, konn mi scho boid net meah eaweahn.
5) .7/8/7/8/8 ...9/10/10/8
bin hia scho wieda vadommt, bin ziemlich entstöt und vaschrommt, jeda schnitt is parallel, des ritzn is seah essenziell, mei vastond eaöffnet die front
die lava wiad zu meim bluad, mei depression hot mi onknuat, des end woatet scho auf mi, befrei mi von da agonie, sehn mi stoak noch meim endspuat
fühl mi duachn fleischwoif dreht, kumm afoch jedesmoi vüz spät, die motivation eastickt, mei freude is wieda eingknickt, vagiss scho mei identität
in dem unduachdringlichn konstrukt, is mei psyche nua a nebmprodukt, da wunsch ins licht zu gehn is riesngross, gib ma donn söbst den letztn stoss.
6) .7/8/7/8/8 ...9/10/10/8
bin hia no imma vadommt, hob mi im iagoatn varonnt, jede richtung is donn foisch, moch wieda a vüz lautes gräusch, mei vastond is scho unbewohnt
des eadbebm frisst mi auf, da amok nimmt den schnöstn lauf, die wut hot si long aufgstaut, hot si fanatisch zommenbraut, des lebm nimmt scho ois in kauf
fühl mi gedonklich gepfählt, nuas negative is gestählt, hob nua no den tunnlblick, hob füas pech a grosses geschick, bin längst mit da rachgia vamählt
in diesm unduachdringlichn kompf, wind i mi in an heftig stoakn krompf, die spasmen endn in an vakuum, tauch ein in mei delirium.
b 2) .6/5/7/5 / 9/8 ..9/11/9/10
heil mi voam übl, moch mi wieda fit, loss endlich des gegrübl, bin a eremit, schneid des vafaulte fleisch endlich ob, betrocht jeds stück im mikroskop
lösch mei eainnarung, entfean jeds detail, vagrössa den feinen sprung, foig dem foischn pfeil, schab des rote knochnmark heraus, eatränk endlich den blumenstrauss
in mia is jetzt ois spieglvakeaht, in mia hot si die ondre seitn bewäaht, die züchtetn wundn san gonz frisch, meine innarein liegn aufm tisch
schenk ma wos vom bravn, moch mi endlich fit, mecht raus aus da enklavn, hob a defizit, entschlüssl mein eneagievalust, bin ma no kana schuid bewusst
konzipia a foaml, wo i mi eahoi, untaloss des gemuaml, küaz des intavoi, moch vasuche on meina peason, bin des zahme chamäleon
in mia is jetzt da ruin eawocht, in mia san die seah schwean mängl zommkrocht, diese noabm woan foitarung pua, brauch jetzt a kloa definiate struktua.
d 1) .10/10/11/9 .///10 ..///11 .7/8/7/8 / 4/6
gib ma endlich hoffnung und zuvasicht, eatrog diese flashbacks afoch net meah, gib ma endlich a sölisches gleichgewicht, mei ollaletzte chance is des gweah
gib ma a optimistische zukunft, übasteh diesn wahnsinn afoch net, mi beheascht die negative unvanunft, mei letzte stufn mündet im gebet
gib ma do an glaubm und lebmsmut, eaduid diese krise net oi zu long, loss links liegn diese valogne brut, mei letzta wün wäa a neionfong
gib ma peaspektivn spend ma an trost, toleria meine -losigkeitn net, gib ma endlich wieda a noamale kost, mei letzte hüadn is mei vitalität
hüf ma aus diesm elend, untastütz mi mit deim niveau, earicht ma a fundament, begleit mi endlich aufs plateau, hob ois valoan, woit ma do ois easpoan.
ch 1c) .12/13/7/8 ...8+6+4/8+5+6
diese eaeignisse hom mi scho konsteaniat, hob diesn bedrohlichn sochvahoit net kapiat, iagendwos pockt mi om schopf, druck imma aufm foischn knopf
diese ealebnisse bleibm in mia om lem, mei ich konn diesm tatbestond afoch net vagem, iagendwos hütet iah brut, bewoah ma mei eignes saatgut
diese geschehnisse entstehn pletzlich grundlos, die kompliziate vaknüpfung vaknotet echos, iagendwos hot mi bekämpft, mei vateidigung is gedämpft
entflieh in mei univeasum aus ewigem friedn ohne rückkeah, gfesslt einkeakat im zentrum von pyramidn bin i a visionäa.
ch 2b) .8/8/8/8
wü jetzt endlich von hia obhaun, muass altanativn onschaun, loss diesn obfoi donn weit zruck, jetzt beginnt da hoate entzug
moch jetzt die tia hinta mia zua, hob jetzt donn hoffentlich mei ruah, moch kan schritt ind vaflossne zeit, bin nua im jetzt zu oim bereit
wü die wiakung jetzt akzeptian, konn net imma direkt stagnian, die serpentinen san unfair, daduach ealiegt mei gegnweah
mei brutale oat hot zuaglegt, hob afoch ois vüz schnö zasägt, des omen is nua obaglaum, spia scho die unsichtboan klaun.
ch 3a) .11/13/9
press meine miadn augn fest aufanond, da füm hämmat si grausom in mei ideenlond, des mosaik is scho längst komplett
hoit mein stechendn schädl zwischn die händ, da füm noglt jeds anzelne büd in mein zement, des puzzleteil liegt aufm tablett
hau mit meina blossn faust söbst auf mi ein, da füm meisslt peitschend die sequenzn in gestein, da wüafl von punktn übasät
stoss ma diese nodl tiaf in mei bluadbohn, da füm trommlt die schlechtn notn wie a dämon, mei koatn hot ois foab nua violett.
7) .7/8/7/8/8 ...9/10/10/8
bin imma dazu vadommt, bin scho wieda ziemlich vasponnt, afoch ois woa so komplex, mei schema wiad zu meim reflex, mei vastond schwindet scho rasant
da hogl donnat ins gmüt, hob mi om teuflskreis vabrüht, mei eignes ich is ma fremd, hob die peasonen nie getrennt, des positive woa vafrüht
fühl mi varotn vakauft, hob mein eignen glaubm umtauft, bin obsolut souverän, bin hia mei eigna kapitän, nua mei ego wuade zommgstaucht
in diesn unduachdringlichn sphäan, konn i meine neurosn guat eanäahn, fütta dezent mein breitn grössnwahn, schleuda mi söbst aus meina bahn.
8) .7/8/7/8/8 ...9/10/10/8
bin jetzt scho wieda vadommt, hob ma jede drogn reingrommt, halluzinia scho real, mei denkn is irrational, mei vastond wuade scho geklont
hob bei jedm blitz scho zuckt, bin zu jedm schodn befugt, die mängl san produktiv, die schädigung is effektiv, des lebm hot mi nua bespuckt
fühl mi vastümmlt gestreckt, hob scho jede substanz aufgleckt, siag afoch scho vüz schnö rot, easchoff mein eignen behemoth, in mia woa scho ois leagefegt
in diesa unduachdringlichn kluft, transpoatia i mi in a floche bucht, mei passivität schloft hintam voahong, gonz longsom wiads zum bumarong.
b 3) .6/5/7/5/9/8 ..9/11/9/10
heil mi voa da schwäazn, moch mi wieda jung, mecht endlich ois ausmeazn, hoi wieda vü schwung, lies die eingeweide exakt duach, obduzia die seitn vom buach
lösch do mei resonanz, vanicht afoch ois, du bist die letzte instanz, bring mi zu morpheus, weaf mi in an kessl volla öl, wüaz die sauce mit grossm geröll
in mia rotian fatal yin und yang, in mia is des guade aufgspiesst auf da stang, die wundn san a eignes system, iah kulisse is nobl und mondän
schenk ma wos vom edlem, moch mi endlich jung, füah mi jetzt ausm dunklen, gib ma diesn trunk, eafoasch jedn hinweis jeds symptom, beschreib ma donn jeds chromosom
entwickl a progromm, bin nei installiat, bin donn wie a trockna schwomm, hob ois inspiziat, übapinsl die gene mit glanz, bleib nua in deina ambulanz
in mia is ois vawoan und konfus, in mia sommlt si da obfoi im ausguss, diese noabm trog i mit respekt, woa früha mei uaeigna architekt.
d 2) .10/10/11/9 .///10 ..///11 .7/8/7/8 / 4/6
rett mi voa zweifl und resignation, besitz an schädlichn gedonknfluss, gib ma bitte meah von deina intension, mei letzta schritt is scho im minus
rett mi voa den skeptischn litanein, dei hypnose hot bei mia sogoa klappt, kreia nua in trance meine phantasterein, bin jetzt in mei letzte foin hineintappt
rett mi voa da nihilistischn not, da strudl wiablt mi no duachanond, zeig ma die naive unschuid om schafott, zeichne mei letzte tat in den sond
rett mi voam psychotischn konflikt, mei gwissn is eschatologisch rein, offnboa ma des zruckliegende relikt, wea mi ois ollaletzta ind schlong einreihn
hüf ma aus dem fiasko, eawiak do füa mi an freispruch, eahöh longsom des tempo, ealös mi do endlich vom fluch, ois bleibt vamisst, bin jo a masochist.
e 1) .12/11/9/8 ...10/10/10/11
mei sadistische ada is jetzt eskaliat, mei schizophrenie hot olle stimuliat, pletzlich eareicht mi a finstanis, hob ois vagessn im valies
da tiafschlof da bestie hots jetzt ins zü gschofft, die ekstatischn traim homs feia entfocht, pletzlich hot mi a schottn umhüllt, bin donn scho wieda untakühlt
mei anzige heimsuchung woan die schicksoisschläg, oat und zeit hom a schlechte dualität, jäh hot mi die dämmrung übaschwemmt, hob mi wieda vüz weit rausglehnt
hob mei vanetztes lebm scho so sott, mei vadommtes lebm is reziprok, mei pfad untastreicht die entschiedne woih, hob endgültig gnua von jedm zwischnfoi.
ch 1d) .12/13/7/8 ...8+6+4/8+5+6
diese eaeignisse hom mi zutiefst tangiat, hob diese drastische konstellation net kapiat, iagendwos schüchtat mi ein, mecht mi jetzt endgültig entzwein
diese ealebnisse spriessn aus mia heraus, mei ich spendiat diesm desasta goa kan applaus, iagendwos beschützt des kind, bin eam do positiv gesinnt
diese geschehnisse ziehn mi magnetisch on, diese umständliche vaflechtung wiad zum zyklon, iagendwos hot mi benutzt, hob mei maua wieda zruckgstutzt
vafoi nua kuaz in a starre aus melancholie ohne tränenmea, hoit mi söbst on da kantare füa die anomalie aus reina notweah.
ch 2c) .8/8/8/8
wü eigentlich nua deseatian, muass mi jetzt endlich demaskian, loss diesn haufn afoch stehn, mei rettung wiad zu an problem
zaschneid endlich die noblschnua, leist donn no mein heilign schwua, riskia kan laut im wossafoi, des jetzt untalosst an krawoi
wü des wissn assimilian, deaf net nua frogn foamulian, nua die spirale hot an schluss, kriag net amoi an obschiedskuss
hob diese greuel wiedagsehn, woit diesn hahn endlich zuadrehn, des phänomen hot ois geplant, des schweat richtet seah militant.
ch 3b) .11/13/9
press meine miadn augn afoch nua zomm, da füm hämmat jede szene ins lebmsprogromm, des mosaik is afoch peafekt
hoit mein dröhnendn schädl ins koide noss, da füm noglt scho jedn obschnitt in mein amboss, des puzzle mit dominoeffekt
schlog mit da nocktn faust auf mei spieglbüd, da füm meisslt jedn zeitstreifn in mei gemüt, da wüafl hot die seitn rausgstreckt
stoss ma die nodl in die ziakulation, da füm trommlt diesn takt füa die inkarnation, mei koatn hot den eintritt gecheckt.
ch 4a) .7/10/7/9 ....8/10/7/9
wea scho wieda übawocht, stöts endlich des summen und pfeifn ob, hob meine phobien ausglocht, in dem beklemmendn biotop
die vaschwörung is im gong, reduziats des quietschn auf minimum, trainia hoat mein neavnstrong, in diesm letztn elysium
wea scho wieda moi gejagt, minimiats dieses gellende gekreisch, mei wiaklichkeit is kompakt, unta meim eigenen rotn fleisch
wea scho wieda sabotiat, des stetige tropfn hot mi ausghöhlt, da schreckn hot mi sediat, hob mi mit deim balsam eingeölt
a gänsehaut hot mi scho gstreift, a sinistres valongen is gereift, die belostung woa vüz schwea, do die störung woa nua sekundäa.
geschrieben am 20./22./24./25./26./27. april 2020.pk. ~ überarbeitet am 12. november 2023.pk.
copyright by philipp kirschner.pk. ~ untermalt mit musik von diversen death metal bands.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen