481.
| akzeptiat.
1) .9+5 (8+6)/9+5 (8+6)/6/7 ...9/11/8/12
lieg unzasteaboa wie a fösn auf meim wachn bett, wea mei longes lebm einlösn gegn a hoizbrett, hob mi von oin befreit, untabrech mei lebmszeit
lieg duftend gwoschn wie a sondkoan aufm flochn strond, hob mein innren dämon valoan im finstren niemondslond, hob ois von mia entleat, minimia mein lebmsweat
lieg obgschnittn wie a blume auf diesm wiesngrund, treib mit den wön in die lagune zum antikn fund, hob mein zweck scho eafüllt, mei lebmsweg is foatgspült
des licht da steane ruft kloa und laut, da wind hot mein nomen im echo einbaut, d’sunn und mond hoitns gleichgewicht, da regnbogn füaht üba die woiknschicht.
b 1) .6/6/6/6 / 10/6 ...10/10/10/10
da beföh gnodnlos, sickat longsom ins hian, mei keapa is a floss, treibt auf an strom aus vian, mei skizziates bauweak zittat und bebt, hob mi ons sein festklebt
die maua gewoitig, woxt no von gonz allan, die ongst is nochhoitig, da wahnsinn hot an plan, meine gedonkn wean manipuliat, mei zimma hot vibriat
die leita zabrochn, von hia gibts kan ausgong, die vablichnen knochn, hom an sonoan klong, mei lodandes feia vüz schnö ealischt, mei spua hot si vawischt
hob mi voa meina steablichkeit vabeugt, die unendlichkeit hot mi übazeugt, die uneaschöpfliche kroft da gebuat, hot die wondande sö om licht festzuat.
ch 1a) .10/9/10/9 ...6+5/6+5/8/8
mei easta schrei hot olle übarascht, hob glei von da muttamüch genascht, diese helligkeit hot mi scho seah blendt, meine gschlossnen augn hom getränt
mei eastes woat hot donn olle schockiat, hob in ana fremdn sproch zitiat, hob mit den unbekonntn tönen gspüt, meine stimmbända san aufgeblüht
mei easta schritt hot olle glei entzückt, hob jede schlucht gonz leicht übabrückt, die beag- und toifoahtn woan a genuss, foig nua meim eignen lebmsrhythmus
a stüamisches gwitta tobt om horizont, a zeitlicha splitta hot den raum vatont, die uasuppm is da beginn, stön uns so vü frogn vom sinn.
2) .9+5 (8+6)/9+5 (8+6)/6/7 ...9/11/8/12
steh wie a tausendjähriga baum mittn im stuamaug, hob in meim paradoxn oiptraum mei lebm beklaut, hob jeds büd übamoit, brauch hia kan lebmsinhoit
steh wie a vaziata obelisk auf an ebnen plotz, in da eckn da basilisk schützt sein weatvoin schotz, hobs rätsl net geknackt, den lebmsfodn zahackt
steh wie a eastoate soizsäule voa da totnstodt, die niedaschmettande keule setzt mei sein schachmott, hob mein auftrog voibrocht, hob mein lebmswün vakocht
des wossa da wön brodlt und schäumt, mei amnesie hot mei togebuach varäumt, da regn reinigt jedn fleck, aufm grund findt des vasunkne schiff sei vasteck.
b 2) .6/6/6/6 / 10/6 ...10/10/10/10
da ealoss woa gonz kloa, do vüz longsom kapiat, mei gstoit hot kan motoa, hob net meah funktioniat, mei konstruiate idee zu komplex, scho gelähmt mei reflex
des endlose schweign, in jede pore fliesst, wea mi feig vaneign, voa unsam antichrist, mei gedächtnis hot lückn im system, mei maskn ongenehm
da aufzug pletzlich stoppt, gibt ka fluchtmeglichkeit, die faktn san valobt, mit da hoibm woahheit, ealoschn is da schlofende vuikan, taucht tiaf im ozean
hob mei vagänglichkeit längst archiviat, hob mit diesa endlosigkeit paktiat, die geboite eneagie da gebuat, vaknüpft die wondande sö mit an guat.
d 1) .9/11/9/10 ..8/7/6 / 7/6/7
betrocht unta zwong des fiamament, die frog nochm warum is nua a fragment, betrocht duachs feanroah die galaxien, die ontwoat steckt in den anomalien
beobocht unta zwong die natua, wondln in ana lebendign glasua, beobocht duachs mikroskop des sein, diese mysterien wean uns entzwein
die suche im chaos vasinkt, die oadnung is ungeschminkt, die woanlompm hot blinkt; a schwäaze vaschluckt des licht, die lügn san des gift, die varäta hoitn dicht
betrocht den himml unta zwong, die frog nochm wohea wohin net von belong, betrocht vom oi an winzign teil, do aussahoib gibts ka sicharungsseil
beobocht mutta ean unta gwoit, wondan duach a exoabitante vüfoit, beobocht des lebm intensiv, des phänomen is äussast sensitiv
die analyse is abstrus, die wiaklichkeit zu konfus, da alarm im minus; des reine nichts ois aufsaugt, die phantasie vastaubt, da spion hot ois ausgraubt.
ch 1b) .10/9/10/9 ...6+5/6+5/8/8
mei zweita schrei hot jedn übafoin, die buntn muamln kumman ins roin, diese umgebung hot ma fuacht eingjogt, mei sehvamögn hot si seah plogt
mei zweites woat hot donn jedn vastöat, hob damit den hoss heraufbeschwöat, hob die magischn sprüche beim schopf pockt, mei melodische stimm is gonz nockt
mei zweita schritt hot jedn amüsiat, hob aufm schlaffn band balanciat, hob jede beagspitzn fedand eareicht, hob die nägste schicht haut obgestreift
a leuchtende schuppe hot gonz kuaz aufblitzt, a ausgstopfte puppe hot si söbst geschnitzt, da komet hot die eadn küsst, die sinnfrogn wean net begrüsst.
ch 2a) .13/12/11 ...5/6/5/6 / 7/7
meine gefühle stoipan und wiabln duachanond, gehoach den regln eingemeisslt on da wond, foi auf meine knie und leist kan widastond
mei liebesfoaml is unvoiständig und defekt, des schicksoi kennt des gräusch beim dominoeffekt, hob voam schmettalingstonz grossn respekt
mei lebmsgwölb bröcklt on monch schwocha stö scho ob, vawend ois stütze mein gekrümmtn wondastob, bewötig die hüadn ins zü im galopp
bin scho wieda gstüazt, mei lebm is schoaf gwüazt, brich scho wieda zomm, mutia scho zum phantom, hob mi scho wieda vazöht, nua i bin hia auseawöht.
3) .9+5 (8+6)/9+5 (8+6)/6/7 ...9/11/8/12
sitz wie buddha in meditation auf bauschigem moos, mei moasche lebmskonstruktion zabricht beim klanstn stoss, hob jede datei glescht, bin im lebm net voaprescht
sitz wie a ongnogltes kreiz üban opfaaltar, reduzia mein nötign onreiz füa an avatar, gfongen in da spiroin, mei parole bleibt vaschoin
sitz wie a vawuazlte schlong in da kochendn quön, da vabessate bumarong hintalosst gnua schnittstön, die tendenz negativ, mei lebm is inaktiv
die wabande luft flimmat und fliat, die riss im speichamodul san net fingiat, da nebl is des weisse tuch, im labyrinth gibts niemois an zweitn vasuch.
b 3) .6/6/6/6 / 10/6 ...10/10/10/10
des gsetz gerecht und streng, mei kokon is aufplotzt, die kuavn woa vüz eng, die oagane zakrotzt, mei grundgerüst woa nua schlompig montiat, mit da gsundheit jongliat
hob die pacht net getilgt, des limit is om punkt, da vatrog woa vagilbt, hob in die manie tunkt, die eainnarungen wean übaschwemmt, mit porösem zement
da treppm föhn stufn, füaht rauf bis zum plateau, schoa mit meinen hufn, füas schnöllare tempo, hob meine bremsn net meah im gebrauch, nimm den aufproi in kauf
hoit mei instabilität in da woog, die uneamesslichkeit is reziprok, des enoame potenzial da gebuat, begleitet die wondande sö zua fuat.
d 2) .9/11/9/10 ..8/7/6 / 7/6/7
betrocht in panik den meteoa, die frog nochm wieso is wie a tumoa, betrocht die supanova genau, die ontwoat liegt zwischn schwoaz weiss und grau
beobocht panisch diese pandemie, wondln in ana spieglgalerie, beobocht stets unsre existenz, übanehmen donn jede konsequenz
die suche vastrickt si im netz, ma heat nua dummes geschwätz, vü zu hoch des trapez; diesa oat hot goa ka end, da trick is transparent, da saboteur is dement
betrocht in panik des karussell, die frog nochm wozu is net essentiell, betrocht den eaeignishorizont, diese schwoaze kugl is unbewohnt
beobocht vastöat pflonze und tia, wondan duachs vitale wundaelixia, beobocht des lebm unvazagt, diese einmaligkeit is hochbegabt
die studien san unpräzis, hia is net des paradies, nua gföschte genesis; im nihilismus geboan, wia san net auseakoan, san nua unwichtige spoan.
e 1) .5+6/7+5/10/8 ..6/5/6/5 / 8/8
brauch kane götta in iagendana foam, diese infamen spötta brechn jede noam, lossts mi endlich ind nägste dimension, hob nua doat mei eigne vision
brauch do kan schöpfa füa diese niedalog, da desaströse töpfa hot heit kan glückstog, bin auf meim letztn ausflug guad vasoagt, wead nua doat endgültig entkoakt
mei entschluss is gewiss, gibt kan kompromiss, mei voahong is jetzt gfoin, muass jetzt endlich zoihn, mei euphorie is grenznlos, mei schlüssl passt net meah ins schloss.
ch 1c) .10/9/10/9 ...6+5/6+5/8/8
mei dritta schrei hot olle seah eastaunt, hom glei a konfarenz onberaumt, des laute gräusch hot mi kontaminiat, mei trommlfö hot zwenig taktiat
mei drittes woat hot donn olle empöat, hob jedn hungrign sumpf ausdöat, hob des flüstan des univeasums gspüat, hob mei tremolo wieda geküat
mei dritta schritt hot olle freudig gstimmt, hob jede aussichtsplattfoam eaklimmt, die ochtabohn des lebms is mei heim, proi jedes moi aufm söbm stein
die flamme da keaze is nua no a glühn, die ada da eaze is nua a kostüm, des schwoaze loch steht voa da tüa, da sinn des lebms is a gschwüa.
ch 2b) .13/12/11 ...5/6/5/6 / 7/7
meine sympathien taumln und schmözn weit davon, vawiaklich die gebote aus armageddon, leg mi aufm bauch wie a chamäleon
auf meim liebesrezept wean die zutatn vamisst, a sötsame fügung hot die fahnen ghisst, die raupm wuade auf ana nodl gspiesst
mei lebmskuppl hot die obbruchreife ealongt, die marodn pfostn hom bedrohlich geschwonkt, hob jetzt füas letzte stück wieda voi auftonkt
bin wieda umkippt, mei lebm is ausgflippt, klapp scho wieda zomm, sequenzia mei genom, hob iagendwos impoatiat, nua i wea sychronisiat.
ch 3a) .10/7/11/8 ...6+4/7+4/7/8
die gravitation ziagt mi noch untn, konn mi net dagegn weahn, bin mit kettn om magnetn onbundn, drift unausweichlich ob in sphäan
hob a affinität zu dunklen höhln, wü von doat goa net entfliehn, konn doat mein kronkn lebmsroman rausgröln, leb in den eignen dystopien
hob mei adhäsion zum lebm obglegt, vafüg allan übas end, hob mi zu meim entscheidungsoat hinbewegt, bin nua a foisches instrument
umoam eich im geiste a letztes moi, die keabm auf da leiste bleibm mia treu, endlich geht die gleichung auf, weh’ endlich davon mitm rauch.
4) .9+5 (8+6)/9+5 (8+6)/6/7 ...9/11/8/12
knie wie bei da beichte auf da bonk in an teuflskreis, diesa infeanalische gstonk vaschenkt an todesschweiss, hob nie wieda zruckgschaut, vamiss des lebmsheilkraut
knie voa an gschändetn mahnmal mit schwea otmenda brust, die kanüle eagiesst si neutral und gonz unbewusst, fliag ins vaküazte spü, die sensn hoit nie gonz stü
knie wie a schlechta valiara aufm hechstn podest, mei univeasalradiara ealedigt a den rest, hob die depression pflückt, des lebm is ma missglückt
die frische eadn deckt mi sonft zua, bin doat untn nua no fade garnitua, schnee und eis hoitn mi jetzt woam, treib ufalos in an zoatn sönschwoam.
b 4) .6/6/6/6 / 10/6 ...10/10/10/10
des dekret wiad vafluacht, da ponza is vüz dünn, kana schonung beduaft, mei hoss so ungestüm, mei geflecht wiad vom gittarost umzäunt, hob den teamin vasäumt
schlepp die schuid jetzt no mit, zaquetscht die innarein, des feichte dynamit, wiad sei wut laut ausspein, die lebmssouvenire san entfeant, hob jeds segment valeant
die rampe woa vüz steil, da übahong zu schräg, da obgeschossne pfeil, seglt zum woiknsteg, meine aufgobm hobm mi vafoigt, hobs misstrauisch beäugt
hob mei vagänglichkeit iadisch gedolmetscht, die ewigkeit hot iahre zähne gfletscht, die dynamische stäake da gebuat, hot nua bei da wondandn sö laut gschnuat.
d 3) .9/11/9/10 ..8/7/6 / 7/6/7
betrocht mit graun des vafaulte fleisch, die frog nochm woraus endet im gekreisch, betrocht den genialn zyklus, die ontwoat offnboat da uterus
beobocht mit graun den sprudlsalat, wondln in da zasetzendn aussaat, beobocht scho jedn menschnfeind, hom den kriegarischn friedn vaneint
die suche startet wieda neu, trennt des lebm von da spreu, wog jetzt den sprung ins heu; des zähe pech ölt den schoaf, hob kan eignbedoaf, auf mi woatet net da stoach
betrocht den klumpm asche mit graun, die frog nochm wofüa schüat hia ka vatraun, betrocht jetzt diesn leistungsaustausch, wühl mi bis zum akutn todesrausch
beobocht dieses kommen und gehn, wondan duach bedrohungen und feiges flehn, beobocht des lebm absolut, diese sötnheit vaebbt mit da flut
die revision fand niemois stott, denn ois trifft si om schafott, des gred woa nua bigott; die fatalität vagibt, woa imma söbstvaliebt, hot nua mitm finga gschnippt.
e 2) .5+6/7+5/10/8 ..6/5/6/5 / 8/8
brauch kan ealösa füa dieses ungetüm, diese voahängeschlössa wean uns stets vabrühn, lossts mi endlich ohne gram weitaziehn, hob nua doat meine utopien
brauch kan befreia füa diesn untagong, da duachsichtige schleia dämmt den obgesong, mei letzte tour mit hoch eahobnem haupt, hot ma olle neavn losgschraubt
mei entscheidung is fair, woa ois reguläa, olle tüan san vaplombt, zoih mei rechnung prompt, mei leidnschoft hot si ausdehnt, hob jedn schlüssl obgelehnt
brauch kan vakünda füa a bessre präsenz, da tickende zeitzünda hot a audienz, lossts mi jetzt den nägstn level kreian, wea mi nua doat regenerian
brauch kan eanäahra füa mei giarigs gemüt, die totnbeschwöara homs aufs bese obzüt, hob mei expedition dokumentiat, hob mi doat wieda transzendiat
mei uateil is gefällt, hob nie wos eazählt, olle siegl san echt, hob imma füa ois blecht, a glücksgefühl hot mi duachströmt, da schlüssl hot mi nua vahöhnt.
f 1) ,9/10/9/12 ...11+9/12+9
die grenzlinie längst übaqueat, mei impulsivität noch aussn keaht, mein stimmungswechsl rasant umpolt, mei soziale beziehung hot si nie eaholt
mei identität a pendluah, mei söbstwoahnehmung is ohne struktua, mei söbstbewusstsein is nie eawocht, meine intaaktionen woan nie übadocht
meine gespoitenen persönlichkeitn vahoitn si wieda kontroveas, meine paranoidn abhängigkeitn san kuntabunt polymorph peaveas
die barriean san scho längst gezähmt, mei risikobereitschoft ungehemmt, mei antipathie is gonz spontan, mei pessimistischa ausblick hot zvü elan
meine psychosn bodn im teich, mei anamnese woa seah eafoigreich, jedes syndrom is in mia vaeint, die somatischn beschweadn san nei aufkeimt
meine äussast schwierign charaktere entsprechn nie da realität, mei diagnostiziate befundpremiere strotzt nua so von aggressivität.
ch 1d) .10/9/10/9 ...6+5/6+5/8/8
mei viata schrei hot donn jedn vablüfft, hob glei mei gemälde übaprüft, die foabm modellian iah eigne kunst, halluzinia scho im moagndunst
mei viates woat hot scho jedn brüskiat, hob die siasse rache komplettiat, hob die weisheit iatümlich kuaz gefühlt, meine fünf sinn woan scho untakühlt
mei viata schritt hot jedn glei eaquickt, hob mi in widasprüche vastrickt, da zug des lebms rast nua no grodaus, eante jetzt söba mein schlussapplaus
geniess den longen tog inklusive nocht, gedenke no dem tod mit oi seina procht, des wödoi ziagt si wieda zomm, startet a gonz ondas progromm.
ch 2c) .13/12/11 ...5/6/5/6 / 7/7
meine impressionen strauchln und schlingan vüz stoak, schreib die thesn und tätowias ins knochnmoak, schweb im lotussitz direkt üba mein soag
mei liebeszaubaspruch wuade hintarucks vahext, des zogne los bringt des lebm ausm kontext, des heabstliche laub hot sein eignen reflex
mei lebmswende hot den zenit no nie onknuat, die schroffe böschung befindet si beim endspuat, meine feinen fliagl hom dezent gesuat
bin wieda entgleist, mei lebm is vareist, kroch scho wieda zomm, ända des chromosom, füa mi gibts afoch ka zruck, nua i hobs richtige blut.
ch 3b) 10/7/11/8...6+4/7+4/7/8
die gravitation hot mi boid zrissn, konn mit goa nichts attackian, hob mi on da ondan seitn festbissn, wüad gean instinktiv randalian
mei affinität zu kühln grottn, hot mia einsomkeit bescheat, rezitia mein roman im lebmsschottn, leb nua füa mei eignes richtschweat
die adhäsion von minda qualität, hot den obschied gonz gedämpft, gleit jetzt endlich in mei anonymität, hob jetzt goa net meah vü gekämpft
umoam die gebete zum letztn mal, des musta dea tapete is mei poatal, endlich wiads gleichnis eakläat, hob endlich diesn rauch geeaht.
ch 4a) .9/7/12/6 ..11/7/11/8 ...///9
hob mei transfoamation voizogn, bin jetzt gegn ois immun, hob mei unsichtboare aura eingesogn, bin jetzt a heiligtum
hob mei vawondlung obgeschlossn, bin gegn ois resistent, hob mei unscheinboare hülle obgestossn, bin a neis element
nua eire tränen vasoizn den bodn, hob sie net einkalkuliat, eire traua vabündet si zum knotn, dea mei vaschwindn boykottiat
hob mei vaändarung voiendet, hob diesn übagong gschofft, hob diesn obgetrognen montl gespendet, hob füa eich a botschoft
mei revolution is gelungen, die strömung woa goa net wüd, bin von metaphysischn kräftn duachdrungen, hob mei lebm endlich gstüt
nua eire tränen hob i gonz vagessn, hob sie goa net registriat, eire bittre traua hot eich aufgfressn, hobts mein suizid nie akzeptiat.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 23./25./26./27./28./29./30. september // 01./02./03. oktober 2020.pk. ~ überarbeitet am 17. november 2023.pk.
copyright by philipp kirschner.pk. ~ untermalt mit musik von equipoise, kataklysm, the ocean, tool.
***************************************************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
lieg unzasteaboa wie a fösn auf meim wachn bett, wea mei longes lebm einlösn gegn a hoizbrett, hob mi von oin befreit, untabrech mei lebmszeit
lieg duftend gwoschn wie a sondkoan aufm flochn strond, hob mein innren dämon valoan im finstren niemondslond, hob ois von mia entleat, minimia mein lebmsweat
lieg obgschnittn wie a blume auf diesm wiesngrund, treib mit den wön in die lagune zum antikn fund, hob mein zweck scho eafüllt, mei lebmsweg is foatgspült
des licht da steane ruft kloa und laut, da wind hot mein nomen im echo einbaut, d’sunn und mond hoitns gleichgewicht, da regnbogn füaht üba die woiknschicht.
b 1) .6/6/6/6 / 10/6 ...10/10/10/10
da beföh gnodnlos, sickat longsom ins hian, mei keapa is a floss, treibt auf an strom aus vian, mei skizziates bauweak zittat und bebt, hob mi ons sein festklebt
die maua gewoitig, woxt no von gonz allan, die ongst is nochhoitig, da wahnsinn hot an plan, meine gedonkn wean manipuliat, mei zimma hot vibriat
die leita zabrochn, von hia gibts kan ausgong, die vablichnen knochn, hom an sonoan klong, mei lodandes feia vüz schnö ealischt, mei spua hot si vawischt
hob mi voa meina steablichkeit vabeugt, die unendlichkeit hot mi übazeugt, die uneaschöpfliche kroft da gebuat, hot die wondande sö om licht festzuat.
ch 1a) .10/9/10/9 ...6+5/6+5/8/8
mei easta schrei hot olle übarascht, hob glei von da muttamüch genascht, diese helligkeit hot mi scho seah blendt, meine gschlossnen augn hom getränt
mei eastes woat hot donn olle schockiat, hob in ana fremdn sproch zitiat, hob mit den unbekonntn tönen gspüt, meine stimmbända san aufgeblüht
mei easta schritt hot olle glei entzückt, hob jede schlucht gonz leicht übabrückt, die beag- und toifoahtn woan a genuss, foig nua meim eignen lebmsrhythmus
a stüamisches gwitta tobt om horizont, a zeitlicha splitta hot den raum vatont, die uasuppm is da beginn, stön uns so vü frogn vom sinn.
2) .9+5 (8+6)/9+5 (8+6)/6/7 ...9/11/8/12
steh wie a tausendjähriga baum mittn im stuamaug, hob in meim paradoxn oiptraum mei lebm beklaut, hob jeds büd übamoit, brauch hia kan lebmsinhoit
steh wie a vaziata obelisk auf an ebnen plotz, in da eckn da basilisk schützt sein weatvoin schotz, hobs rätsl net geknackt, den lebmsfodn zahackt
steh wie a eastoate soizsäule voa da totnstodt, die niedaschmettande keule setzt mei sein schachmott, hob mein auftrog voibrocht, hob mein lebmswün vakocht
des wossa da wön brodlt und schäumt, mei amnesie hot mei togebuach varäumt, da regn reinigt jedn fleck, aufm grund findt des vasunkne schiff sei vasteck.
b 2) .6/6/6/6 / 10/6 ...10/10/10/10
da ealoss woa gonz kloa, do vüz longsom kapiat, mei gstoit hot kan motoa, hob net meah funktioniat, mei konstruiate idee zu komplex, scho gelähmt mei reflex
des endlose schweign, in jede pore fliesst, wea mi feig vaneign, voa unsam antichrist, mei gedächtnis hot lückn im system, mei maskn ongenehm
da aufzug pletzlich stoppt, gibt ka fluchtmeglichkeit, die faktn san valobt, mit da hoibm woahheit, ealoschn is da schlofende vuikan, taucht tiaf im ozean
hob mei vagänglichkeit längst archiviat, hob mit diesa endlosigkeit paktiat, die geboite eneagie da gebuat, vaknüpft die wondande sö mit an guat.
d 1) .9/11/9/10 ..8/7/6 / 7/6/7
betrocht unta zwong des fiamament, die frog nochm warum is nua a fragment, betrocht duachs feanroah die galaxien, die ontwoat steckt in den anomalien
beobocht unta zwong die natua, wondln in ana lebendign glasua, beobocht duachs mikroskop des sein, diese mysterien wean uns entzwein
die suche im chaos vasinkt, die oadnung is ungeschminkt, die woanlompm hot blinkt; a schwäaze vaschluckt des licht, die lügn san des gift, die varäta hoitn dicht
betrocht den himml unta zwong, die frog nochm wohea wohin net von belong, betrocht vom oi an winzign teil, do aussahoib gibts ka sicharungsseil
beobocht mutta ean unta gwoit, wondan duach a exoabitante vüfoit, beobocht des lebm intensiv, des phänomen is äussast sensitiv
die analyse is abstrus, die wiaklichkeit zu konfus, da alarm im minus; des reine nichts ois aufsaugt, die phantasie vastaubt, da spion hot ois ausgraubt.
ch 1b) .10/9/10/9 ...6+5/6+5/8/8
mei zweita schrei hot jedn übafoin, die buntn muamln kumman ins roin, diese umgebung hot ma fuacht eingjogt, mei sehvamögn hot si seah plogt
mei zweites woat hot donn jedn vastöat, hob damit den hoss heraufbeschwöat, hob die magischn sprüche beim schopf pockt, mei melodische stimm is gonz nockt
mei zweita schritt hot jedn amüsiat, hob aufm schlaffn band balanciat, hob jede beagspitzn fedand eareicht, hob die nägste schicht haut obgestreift
a leuchtende schuppe hot gonz kuaz aufblitzt, a ausgstopfte puppe hot si söbst geschnitzt, da komet hot die eadn küsst, die sinnfrogn wean net begrüsst.
ch 2a) .13/12/11 ...5/6/5/6 / 7/7
meine gefühle stoipan und wiabln duachanond, gehoach den regln eingemeisslt on da wond, foi auf meine knie und leist kan widastond
mei liebesfoaml is unvoiständig und defekt, des schicksoi kennt des gräusch beim dominoeffekt, hob voam schmettalingstonz grossn respekt
mei lebmsgwölb bröcklt on monch schwocha stö scho ob, vawend ois stütze mein gekrümmtn wondastob, bewötig die hüadn ins zü im galopp
bin scho wieda gstüazt, mei lebm is schoaf gwüazt, brich scho wieda zomm, mutia scho zum phantom, hob mi scho wieda vazöht, nua i bin hia auseawöht.
3) .9+5 (8+6)/9+5 (8+6)/6/7 ...9/11/8/12
sitz wie buddha in meditation auf bauschigem moos, mei moasche lebmskonstruktion zabricht beim klanstn stoss, hob jede datei glescht, bin im lebm net voaprescht
sitz wie a ongnogltes kreiz üban opfaaltar, reduzia mein nötign onreiz füa an avatar, gfongen in da spiroin, mei parole bleibt vaschoin
sitz wie a vawuazlte schlong in da kochendn quön, da vabessate bumarong hintalosst gnua schnittstön, die tendenz negativ, mei lebm is inaktiv
die wabande luft flimmat und fliat, die riss im speichamodul san net fingiat, da nebl is des weisse tuch, im labyrinth gibts niemois an zweitn vasuch.
b 3) .6/6/6/6 / 10/6 ...10/10/10/10
des gsetz gerecht und streng, mei kokon is aufplotzt, die kuavn woa vüz eng, die oagane zakrotzt, mei grundgerüst woa nua schlompig montiat, mit da gsundheit jongliat
hob die pacht net getilgt, des limit is om punkt, da vatrog woa vagilbt, hob in die manie tunkt, die eainnarungen wean übaschwemmt, mit porösem zement
da treppm föhn stufn, füaht rauf bis zum plateau, schoa mit meinen hufn, füas schnöllare tempo, hob meine bremsn net meah im gebrauch, nimm den aufproi in kauf
hoit mei instabilität in da woog, die uneamesslichkeit is reziprok, des enoame potenzial da gebuat, begleitet die wondande sö zua fuat.
d 2) .9/11/9/10 ..8/7/6 / 7/6/7
betrocht in panik den meteoa, die frog nochm wieso is wie a tumoa, betrocht die supanova genau, die ontwoat liegt zwischn schwoaz weiss und grau
beobocht panisch diese pandemie, wondln in ana spieglgalerie, beobocht stets unsre existenz, übanehmen donn jede konsequenz
die suche vastrickt si im netz, ma heat nua dummes geschwätz, vü zu hoch des trapez; diesa oat hot goa ka end, da trick is transparent, da saboteur is dement
betrocht in panik des karussell, die frog nochm wozu is net essentiell, betrocht den eaeignishorizont, diese schwoaze kugl is unbewohnt
beobocht vastöat pflonze und tia, wondan duachs vitale wundaelixia, beobocht des lebm unvazagt, diese einmaligkeit is hochbegabt
die studien san unpräzis, hia is net des paradies, nua gföschte genesis; im nihilismus geboan, wia san net auseakoan, san nua unwichtige spoan.
e 1) .5+6/7+5/10/8 ..6/5/6/5 / 8/8
brauch kane götta in iagendana foam, diese infamen spötta brechn jede noam, lossts mi endlich ind nägste dimension, hob nua doat mei eigne vision
brauch do kan schöpfa füa diese niedalog, da desaströse töpfa hot heit kan glückstog, bin auf meim letztn ausflug guad vasoagt, wead nua doat endgültig entkoakt
mei entschluss is gewiss, gibt kan kompromiss, mei voahong is jetzt gfoin, muass jetzt endlich zoihn, mei euphorie is grenznlos, mei schlüssl passt net meah ins schloss.
ch 1c) .10/9/10/9 ...6+5/6+5/8/8
mei dritta schrei hot olle seah eastaunt, hom glei a konfarenz onberaumt, des laute gräusch hot mi kontaminiat, mei trommlfö hot zwenig taktiat
mei drittes woat hot donn olle empöat, hob jedn hungrign sumpf ausdöat, hob des flüstan des univeasums gspüat, hob mei tremolo wieda geküat
mei dritta schritt hot olle freudig gstimmt, hob jede aussichtsplattfoam eaklimmt, die ochtabohn des lebms is mei heim, proi jedes moi aufm söbm stein
die flamme da keaze is nua no a glühn, die ada da eaze is nua a kostüm, des schwoaze loch steht voa da tüa, da sinn des lebms is a gschwüa.
ch 2b) .13/12/11 ...5/6/5/6 / 7/7
meine sympathien taumln und schmözn weit davon, vawiaklich die gebote aus armageddon, leg mi aufm bauch wie a chamäleon
auf meim liebesrezept wean die zutatn vamisst, a sötsame fügung hot die fahnen ghisst, die raupm wuade auf ana nodl gspiesst
mei lebmskuppl hot die obbruchreife ealongt, die marodn pfostn hom bedrohlich geschwonkt, hob jetzt füas letzte stück wieda voi auftonkt
bin wieda umkippt, mei lebm is ausgflippt, klapp scho wieda zomm, sequenzia mei genom, hob iagendwos impoatiat, nua i wea sychronisiat.
ch 3a) .10/7/11/8 ...6+4/7+4/7/8
die gravitation ziagt mi noch untn, konn mi net dagegn weahn, bin mit kettn om magnetn onbundn, drift unausweichlich ob in sphäan
hob a affinität zu dunklen höhln, wü von doat goa net entfliehn, konn doat mein kronkn lebmsroman rausgröln, leb in den eignen dystopien
hob mei adhäsion zum lebm obglegt, vafüg allan übas end, hob mi zu meim entscheidungsoat hinbewegt, bin nua a foisches instrument
umoam eich im geiste a letztes moi, die keabm auf da leiste bleibm mia treu, endlich geht die gleichung auf, weh’ endlich davon mitm rauch.
4) .9+5 (8+6)/9+5 (8+6)/6/7 ...9/11/8/12
knie wie bei da beichte auf da bonk in an teuflskreis, diesa infeanalische gstonk vaschenkt an todesschweiss, hob nie wieda zruckgschaut, vamiss des lebmsheilkraut
knie voa an gschändetn mahnmal mit schwea otmenda brust, die kanüle eagiesst si neutral und gonz unbewusst, fliag ins vaküazte spü, die sensn hoit nie gonz stü
knie wie a schlechta valiara aufm hechstn podest, mei univeasalradiara ealedigt a den rest, hob die depression pflückt, des lebm is ma missglückt
die frische eadn deckt mi sonft zua, bin doat untn nua no fade garnitua, schnee und eis hoitn mi jetzt woam, treib ufalos in an zoatn sönschwoam.
b 4) .6/6/6/6 / 10/6 ...10/10/10/10
des dekret wiad vafluacht, da ponza is vüz dünn, kana schonung beduaft, mei hoss so ungestüm, mei geflecht wiad vom gittarost umzäunt, hob den teamin vasäumt
schlepp die schuid jetzt no mit, zaquetscht die innarein, des feichte dynamit, wiad sei wut laut ausspein, die lebmssouvenire san entfeant, hob jeds segment valeant
die rampe woa vüz steil, da übahong zu schräg, da obgeschossne pfeil, seglt zum woiknsteg, meine aufgobm hobm mi vafoigt, hobs misstrauisch beäugt
hob mei vagänglichkeit iadisch gedolmetscht, die ewigkeit hot iahre zähne gfletscht, die dynamische stäake da gebuat, hot nua bei da wondandn sö laut gschnuat.
d 3) .9/11/9/10 ..8/7/6 / 7/6/7
betrocht mit graun des vafaulte fleisch, die frog nochm woraus endet im gekreisch, betrocht den genialn zyklus, die ontwoat offnboat da uterus
beobocht mit graun den sprudlsalat, wondln in da zasetzendn aussaat, beobocht scho jedn menschnfeind, hom den kriegarischn friedn vaneint
die suche startet wieda neu, trennt des lebm von da spreu, wog jetzt den sprung ins heu; des zähe pech ölt den schoaf, hob kan eignbedoaf, auf mi woatet net da stoach
betrocht den klumpm asche mit graun, die frog nochm wofüa schüat hia ka vatraun, betrocht jetzt diesn leistungsaustausch, wühl mi bis zum akutn todesrausch
beobocht dieses kommen und gehn, wondan duach bedrohungen und feiges flehn, beobocht des lebm absolut, diese sötnheit vaebbt mit da flut
die revision fand niemois stott, denn ois trifft si om schafott, des gred woa nua bigott; die fatalität vagibt, woa imma söbstvaliebt, hot nua mitm finga gschnippt.
e 2) .5+6/7+5/10/8 ..6/5/6/5 / 8/8
brauch kan ealösa füa dieses ungetüm, diese voahängeschlössa wean uns stets vabrühn, lossts mi endlich ohne gram weitaziehn, hob nua doat meine utopien
brauch kan befreia füa diesn untagong, da duachsichtige schleia dämmt den obgesong, mei letzte tour mit hoch eahobnem haupt, hot ma olle neavn losgschraubt
mei entscheidung is fair, woa ois reguläa, olle tüan san vaplombt, zoih mei rechnung prompt, mei leidnschoft hot si ausdehnt, hob jedn schlüssl obgelehnt
brauch kan vakünda füa a bessre präsenz, da tickende zeitzünda hot a audienz, lossts mi jetzt den nägstn level kreian, wea mi nua doat regenerian
brauch kan eanäahra füa mei giarigs gemüt, die totnbeschwöara homs aufs bese obzüt, hob mei expedition dokumentiat, hob mi doat wieda transzendiat
mei uateil is gefällt, hob nie wos eazählt, olle siegl san echt, hob imma füa ois blecht, a glücksgefühl hot mi duachströmt, da schlüssl hot mi nua vahöhnt.
f 1) ,9/10/9/12 ...11+9/12+9
die grenzlinie längst übaqueat, mei impulsivität noch aussn keaht, mein stimmungswechsl rasant umpolt, mei soziale beziehung hot si nie eaholt
mei identität a pendluah, mei söbstwoahnehmung is ohne struktua, mei söbstbewusstsein is nie eawocht, meine intaaktionen woan nie übadocht
meine gespoitenen persönlichkeitn vahoitn si wieda kontroveas, meine paranoidn abhängigkeitn san kuntabunt polymorph peaveas
die barriean san scho längst gezähmt, mei risikobereitschoft ungehemmt, mei antipathie is gonz spontan, mei pessimistischa ausblick hot zvü elan
meine psychosn bodn im teich, mei anamnese woa seah eafoigreich, jedes syndrom is in mia vaeint, die somatischn beschweadn san nei aufkeimt
meine äussast schwierign charaktere entsprechn nie da realität, mei diagnostiziate befundpremiere strotzt nua so von aggressivität.
ch 1d) .10/9/10/9 ...6+5/6+5/8/8
mei viata schrei hot donn jedn vablüfft, hob glei mei gemälde übaprüft, die foabm modellian iah eigne kunst, halluzinia scho im moagndunst
mei viates woat hot scho jedn brüskiat, hob die siasse rache komplettiat, hob die weisheit iatümlich kuaz gefühlt, meine fünf sinn woan scho untakühlt
mei viata schritt hot jedn glei eaquickt, hob mi in widasprüche vastrickt, da zug des lebms rast nua no grodaus, eante jetzt söba mein schlussapplaus
geniess den longen tog inklusive nocht, gedenke no dem tod mit oi seina procht, des wödoi ziagt si wieda zomm, startet a gonz ondas progromm.
ch 2c) .13/12/11 ...5/6/5/6 / 7/7
meine impressionen strauchln und schlingan vüz stoak, schreib die thesn und tätowias ins knochnmoak, schweb im lotussitz direkt üba mein soag
mei liebeszaubaspruch wuade hintarucks vahext, des zogne los bringt des lebm ausm kontext, des heabstliche laub hot sein eignen reflex
mei lebmswende hot den zenit no nie onknuat, die schroffe böschung befindet si beim endspuat, meine feinen fliagl hom dezent gesuat
bin wieda entgleist, mei lebm is vareist, kroch scho wieda zomm, ända des chromosom, füa mi gibts afoch ka zruck, nua i hobs richtige blut.
ch 3b) 10/7/11/8...6+4/7+4/7/8
die gravitation hot mi boid zrissn, konn mit goa nichts attackian, hob mi on da ondan seitn festbissn, wüad gean instinktiv randalian
mei affinität zu kühln grottn, hot mia einsomkeit bescheat, rezitia mein roman im lebmsschottn, leb nua füa mei eignes richtschweat
die adhäsion von minda qualität, hot den obschied gonz gedämpft, gleit jetzt endlich in mei anonymität, hob jetzt goa net meah vü gekämpft
umoam die gebete zum letztn mal, des musta dea tapete is mei poatal, endlich wiads gleichnis eakläat, hob endlich diesn rauch geeaht.
ch 4a) .9/7/12/6 ..11/7/11/8 ...///9
hob mei transfoamation voizogn, bin jetzt gegn ois immun, hob mei unsichtboare aura eingesogn, bin jetzt a heiligtum
hob mei vawondlung obgeschlossn, bin gegn ois resistent, hob mei unscheinboare hülle obgestossn, bin a neis element
nua eire tränen vasoizn den bodn, hob sie net einkalkuliat, eire traua vabündet si zum knotn, dea mei vaschwindn boykottiat
hob mei vaändarung voiendet, hob diesn übagong gschofft, hob diesn obgetrognen montl gespendet, hob füa eich a botschoft
mei revolution is gelungen, die strömung woa goa net wüd, bin von metaphysischn kräftn duachdrungen, hob mei lebm endlich gstüt
nua eire tränen hob i gonz vagessn, hob sie goa net registriat, eire bittre traua hot eich aufgfressn, hobts mein suizid nie akzeptiat.
geschrieben am 23./25./26./27./28./29./30. september // 01./02./03. oktober 2020.pk. ~ überarbeitet am 17. november 2023.pk.
copyright by philipp kirschner.pk. ~ untermalt mit musik von equipoise, kataklysm, the ocean, tool.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen