438.
| denkmal.
1) .6/6/6/8 / 10/10
hob des ois net geplant, woit di net provozian, hob di nua nochgeahmt, wü di afoch niemois valian; mei programmiata fokus is entgleist, meine gedonkn san wieda vareist
es is afoch so gschehn, hob diesn föhla gmocht, konns leida net zruckdrehn, hob a net vü drüba nochdocht; hob mi nua in diesa einbahn vafoahn, untaloss diese frogn vom nochboahn
da tog is no so rein, hob dafüa ka konzept, es gibt nua sonnenschein, a da regn hot mi belebt; dieses gwitta hot mi wieda poliat, hob die poa dauafleckn scho negiat
schliess diesn offnen kreis, fong jetzt von voane on, steh no auf dünnem eis, vatrau nua auf mei glückshoamon; do die ausschüttung wuade sabotiat, iagendwos hot si in mia einquartiat.
2) .6/6/6/8 / 10/10
füa mi gibts kan entwuaf, die kugl roit dahin, es gibt nua an vasuach, is mei eignes adrenalin; hob die schwere belostung mitgeschleppt, meine beschweadn san no net vaebbt
es is afoch passiat, hob an foischn schritt gmocht, hätt gean ois zruckdatiat, hob mei tun goa net übawocht; befind mi auf diesa übaholspua, steh hia wie vasteinat wie a skulptua
die nocht hot si scho gsenkt, hob do no so vü voa, da mond hot mi beschenkt, sei licht entzündet mein motoa; a die steanbüda hom mi vafoigt, bin von iahra deutung gonz übazeugt
bring den strich zu an end, da punkt hot genau passt, hoits fest des instrument, die züflagge weht scho om mast; greif voa freude nochm kariartn bond, zabröslt sofoat zu seah feinem sond.
mei raum is a ebene ohne schweakroft ohne zeit, mei zeit is a hohe wön übaflutet mi mit einsomkeit, fühl mi valossn isoliat, hob wieda halluziniat
mei weg is a wüda fluss ohne wossa ohne stein, mei stein zafoit scho zu staub wü mi von diesa asche befrein, da rauch längst vom winde vaweht, valia mei stabilität
mei heaz is a tromml ohne an stock ohne a fell, mei fell hot scho gnua wundn und noabm auch ohne des skalpell, hob mi ois buße söba gritzt, die krisn hom si zuagspitzt
mei sö is a vogl ohne fliagl und fedakleid, mei fedakleid hot zvü fleckn wuade bereits vom bluad eingweiht, die stimmen in mia san vüz laut, hob wieda mental obbaut.
3) .6/6/6/8 / 10/10 ....6+7/6+7/9/11
nie a rechnung vafosst, die zoihn hom imma gstimmt, die zeichn foisch ausglost, hob no nie on schuidn vadient; hob imma gnua zum übalebm ghobt, woa oba nua mit mia söba valobt
da valauf woa voagem, ka effekt hätt wos gricht, des rückgabesystem, eafüllt scho long net meah sei pflicht; duachwonda jede phase exzessiv, übawind mit valust des beagmassiv
da kühle moagntau, glänzt wie a edlstein, da wind is sonft und lau, im kühln schottn schloft mei sein; betrochts liebevoi hobs no woam zuadeckt, hob hintarucks meine zähne gebleckt
moch jetzt an zwischnstopp, schau im spiegl weit zruck, betrocht mein haufn schrott, schmüzt a bei seah niedrigem druck; bin gezeichnet bereits mei lebm long, mi trifft jedesmoi diesa bumarong
meine eadochtn wänd san direkt voa mia eingstüazt, meine vaschmutztn händ hom diesn fodn vaküazt, bin völlig vaunsichat vawiat, mei sölische balance is net austariat.
4) .6/6/6/8 / 10/10 ....6+7/6+7/9/11
hob mein pfad nie eakonnt, hot si von söbst aufglöst, woa imma seah entsponnt, hob ma diese stün söbst eingflösst; die kräuta homman regnbogn gschenkt, die foabm hobm mi duachs wödoi glenkt
des schicksoi woa ka freind, des loch hot si vasteckt, hot si mit mia vaeint, hob mi afoch zlongsom bewegt; hot mi aufgsaugt und zua gänze umhüllt, hob meine eainnarungen zaknüllt
des obendliche rot, hot die woikn vascheicht, die stean in iahm boot, iahre stroihn hom mi scho eareicht; hobm glühendn kometn no gwinkt, mei heazlichkeit woa imma ungeschminkt
vaschliess diesn voahong, des glos hot scho an sprung, zabricht mit an woihklong, hob den stein gwoafn mit vü schwung; hob den zabrochnen krug wieda geklebt, hob ma söba an klongteppich gewebt
meine eafundnen spearrn hom si von allan zastöat, meine kuavn und keahn hom die grodn übahöat, a schwindlgfüh hot mi übamonnt, mei innre woog hot des lebm übaronnt.
b 1) .13/14/11/8 ....12/12/11/10
ealeb scho jedn tog wie an surrealn traum, bin tiaf vawuazlt mit meim oidn übalebmsbaum, füta die näahstoff aus seim adageflecht, diese vitamine san echt
beobocht hamlich mein schottn wie ea mi vafoigt, hob eam von da ondan seitn no net gonz übazeugt, hob eam mit meina finstren sö heronglockt, hob eam festghoitn und onpflockt
a lodandes feia vatreibt geista in da nocht, hob die gruslgschichtn mit zittanda stimm übabrocht, hob ma die einbüdungen söbst implantiat, die woahheit hot mi net tangiat
ängste und phobien hom mi wieda heazlich umoamt, hob ma mei eigne utopische wöd baut und umgfoamt, sitz auf meim vagoidetn eisanen thron, wea beschützt vom dichtn konkon
hob mi in meine wahnvoastellungen vatieft, hob mi söba in panikattackn gehievt, hob no nie on diese bedrohungen glaubt, do des phantom hot si on mia festgschraubt
hob mi in meine psychosn chronisch vaiat, hob söba meine paranoia therapiat, hob risikn obgwogn nie untaschätzt, do mei sö wiakt scho ziemlich obgehetzt.
ch 1b) .14/16/8/7
mei raum is a plateau ohne toi schlucht ohne an beag, mei beag steht aufm kopf die spitzn da pyramide vakeaht, fühl mi vaödet unbelebt, bin zwischn woikn geschwebt
mei weg is a weites mea ohne insln ohne wön, mei wön eastoat zu eis vaewigt valoane varotne sön, des echo da gischt längst vahoit, da sond hot ois übaroit
mei heaz is a homma ohne amboss ohne an griff, mei griff is spröde vasinkt aufm grund gemeinsom mitm schiff, die finstanis beide umoamt, des monsta hot si gefoamt
mei sö is a kean ohne fruchtfleisch keimling ohne kroft, mei kroft hot zvü schwächn vagisst auf die eneagie unvahofft, die stimmen redn duachanond, hob die sehne übasponnt.
eatrink scho in söbstmitleid, mei mindaweatigkeitsgfühl schlogt scho alarm, tauch eifasüchtig im tückischn neid, mei manischa söbstzweifl mutiat zum nogendn schwarm
bin unsicha vakrompft und gehemmt, bin befongen neavös und vaklemmt, bin hüflos voabelostet instabil blockiat, bin vaschüchtat unwichtig weahlos introveatiat
schwimm im komplex umanond, mei besessenheit explodiat ois vuikan, zatrompl fost mein eakronktn vastond, mei amoklauf mutiat zum grausign leviathan
bin aggressiv rabiat und brutal, die bestie in mia setzt si a imposantes denkmal, bin rücksichtslos koitblütig fuchsteuflswüd, so vü hoss hot in mia nochglüht.
da blick noch voa is fean, hot on schäafe valoan, woit do no ois zuaspean, hot si ois gegn mi vaschwoan; ois eidesstottlich vasichat eakläat, in mia hot scho die unzufriednheit gäat
des stigma hot si zeigt, sichtboa füa mi allan, hob mi knieend vaneigt, endet ois in an melodram; die katastrophn hom si offnboat, hätt ma gean so vü probleme easpoat
da meteoa auf kua, obmteia eafoahn, foigt seina eignen spua, wü die geheimnisse bewoahn; die substanzn san auf an schlog vapufft, hom si vabundn mit da heissn luft
diese endlosigkeit, mocht mi zu an sondkoan, wuade scho eingeweiht, lausch dem flüstandn signalhoan; hob die zeichn diesa zeit net eakonnt, hob mi wieda in den höhln varonnt
meine barrikadn san unvasehens einknickt, meine maskeradn woan hia vü zu ungeschickt, jede peaspektive negativ, mei sölischa obleita is inaktiv.
6) .6/6/6/8 / 10/10 ....6+7/6+7/9/11
des vagongne ealischt, vergessn und entfoin, die büda san entwischt, bleibm donn bis zum schluss vaschoin; die rückrufaktion homs bereits stoaniat, die togebiacha hom nie existiat
jede foab wiad schwoazweiss, in da mittn is grau, gwinn wie imma kan preis, steck scho wieda im dichtn stau; mei öda lealauf hot drastisch stagniat, des chaos hot mi eingehend studiat
hob endlich an wunsch frei, hob die steanschnuppe gsehn, lond wieda in an brei, wea diesn sinnzweck nie vastehn; oi des bittn und bettln woa umsunst, da trügarische trick is hohe kunst
da nogl is aus goid, des hoiz stroiht in an schein, hob die ongl ausghoit, fong nua zakrotzte träumarein; klamma mi fest on jede illusion, zeugt von meina elitäan passion
mei onzogne bremsn hot si soglei übahitzt, mei obgstumpfte sensn hot die schneid net meah zuagspitzt, hob diese beziehung net guat pflegt, hob mei valetzliche wüade lahmgelegt.
b 2) .13/14/11/8 ....12/12/11/10
duachleb jede nocht wie an grotesk makabren traum, übaschreit auf dem schmoin grat den krummen wötnsaum, dämonen lauan om ondan ufastrond, hom si stets von neiem geklont
woat hinta da maua auf mei schottigs spieglbüd, hob eam vom ätherischn rond olle stücke voagspüt, mei sinistre sö wiaft diesn köda aus, hobs eingspeat im gläsanen haus
gfäahliche medizin vatreibt den wahnsinn om tog, schreib scho mit zittriga hond mein übalebmsvatrog, meine luftblosn san no long net zaplotzt, nua die äussre schoin is zakrotzt
vaschwommne trübe gedonkn san in mia eawocht, hob die vawiaklichung da eignen wöd endlich voibrocht, bin jetzt mei alleiniga mochtapparat, bin a tollkühna akrobat
bin mittn in meine hiangespinste obgruscht, diese ongstzuaständ hom mi freiwillig geputscht, hob füa die gfäahlichkeit nua a lächln ghobt, do diese spukgestoit is hochbegobt
hob mit meinen woahn manien harmonisiat, hob stets mit meim vafoigungswahn kooperiat, hob die schwierigkeitn genau übaprüft, do nua mei sö heat wos von an gerücht.
d 1) .10/10/13/13 ....13/12/12/9
geh übas wossa und fliag duach die luft, moch mi unsichtboa und lond in da gruft, teil den grossn ozean und loss plogn entstehn, kenn olle woidgeista und vafüah elfn und feen
eanäah mi vom licht und trink die natua, denk mi ins jenseits und moi mia a spua, obsoabia olle stroihn vawondls in eneagie, bewiak woahre wunda nua mit mystischa magie
tauch duach die eade und atme nua gift, iss heisse lava und lies jede schrift, blick duachs gestein und hypnotisia den eisnkean, streichl zäatlich unsre sunn und greif noch jedm stean
foah aus meina haut und lies dein vastond, setz mia a denkmal und schlof aufm mond, surf auf polarlichta tonz auf an planetnring, wea imma wieda geboan bin mei eigna zwilling
siag olle bestondteile von jedm element, sponn meine lebmsseile übas fiamament, hob die knotn on beidn endn fest vaschnüat, hob drauf wieda kaprioln voifüaht.
ch 1c) .14/16/8/7
mei raum is a schachbrett ohne föda ohne figua, mei figua stüazt üba stufn mit relativa zeitstruktua, fühl mi obgschnittn und vawaist, hob mi söba eingekreist
mei weg is a wossafoi ohne bodn ohne end, mei end hot den nebl berüaht die grenzn is net resistent, hob vatrocknete tränen gweint, hobs soiz gsommlt und ongleint
mei heaz is a taktstock ohne rhythmus ohne elan, mei elan is scho ealahmt hob a multipolare membran, die synapsn hom net meah blitzt, eana wuade zvü obgschnitzt
mei sö is a laubblott ohne adan ohne a foab, mei foab wexlt zu vawökts braun vazweigt si zu an gflochtnen koab, jede stimm hot a ondre sproch, suach mein lebmsalamanoch.
ch
2b) .7/11/10/14 .9/9/12/13 ..10/15/11/8
eatrink in melancholie, meine innren quoin eakläan jedn zum feind, tauch in die psychische anomalie, mei zrissna tragischa zwiespoit hot si net meah valeimt
bin valegn zaudand und vastockt, bin wexlhoft brüchig und geschockt, bin schutzlos ausgeliefat untauglich vazogt, bin valegn unduachdringlich beklommen ongnogt
schwimm in neurosn umhea, zatrompl mei obgezeahte gegnweah, mei fanatismus vawüstet mei reich, brauch mei amnesie füa den notwendign druckausgleich
bin stets eaboamungslos und brachial, des ungeheua in mia setzt si a wüadiges denkmal, bin schonungslos hoatheazig gefühlskoit, mei rache trieft scho von vüfoit.
dieses denkmal is a künstlarisch hochweatigs sakrileg, jeda föhtritt eskaliat auf diesm steg, hob ma zua eahöhtn voasicht gmahnt, mei lebm woa nie konstant
des symboi beschreibt die foaml füad ewge wiedagebuat, jede neionkunft muass zum letztn endspuat, auf diesa etappm gibts kan sieg, vü zu steil is da onstieg
dieses denkmal is seina längst vasunknen zeit weit voraus, jeds gebet eahält sonftn zwischnapplaus, do die ovationen woan net echt, mei lebm woa nie gerecht
des zeichn skizziat jeds detail von da nägstn dimension, jede lebmsstufn hot iah eigne vision, die entschlüsselung is äussast schwea, die lösung is konträa
dieses denkmal hot an besondaren touch, dieses denkmal is ka billiga obklatsch, vakeapat die göttliche ewigkeit, beendet den immawährendn streit.
hob mei zü nie fixiat, ka wunsch wuade eafüllt, host die traua beriaht, host no mei gedächtnis duachwühlt; host hia a gähnende leere entdeckt, des vakuum mit reinem weiss befleckt
hob von oi dem nix gmeakt, hot in mia zlongsom tropft, hob ondaweitig gweakt, hob nua on da foischn tüa klopft; dahinta vabiagt si dieses poatal, ois mitanond vaschlungen neuronal
die nova zeigt iah licht, die nocht wiad donn zum tog, blendet mei freie sicht, die stroihn nehmen ois in beschlog; die gleissende helligkeit expandiat, hot diese hindanisse potenziat
bin mit dia no vanetzt, des bond hot scho an riss, hob mi völlig vaschätzt, liebkos zäatlich mei nemesis; die bestrofung ausglichn und legal, ois is nua hypothetisch fiktional
meine hohn hüadn hom si von alla varückt, die aufglodnen büadn hobm mi net seah geschmückt, hob kane optionen bevoazugt, woa zu an sölischn bündnis nie befugt.
8) .6/6/6/8 / 10/10 ....6+7/6+7/9/11
a funkn hoffnung glüht, mei kuas is no korrekt, mei freude woa vafrüht, denn ois hot den söbm effekt; vüle lösungen valaufn im sond, die dünen da wüste roin in mei lond
a zweite chance blinkt auf, woa nua a kuaza stich, untam brennendn strauch, vasinkt des lebmsschiff; des steuarad hots ruada übadreht, da oakan hot olle mastn obgmäht
schwoaz is da horizont, des eaeignis zarinnt, meditia aufm rond, füa mei lebm nie mitbestimmt; des schicksoi hot mi gehörig eingseift, diese schuppm vom schaum san weit obsgchweift
die schlingen san vüz fest, wüs jetzt endlich duachhaun, besteh net diesn test, vüz hoch is da frischgstrichne zaun; bleib sofoat hoftn wie im frischn harz, bin völlig eastoat wegn des neistarts
meine gschlossnen schronkn san sofoat wieda aufklappt, meine moaschn plonkn wuadn vom gebrauch obgschabt, hob olle variantn probiat, mi bei jedm scheitan weita distanziat.
9) .6/6/6/8 / 10/10 ....6+7/6+7/9/11
hob di ausspioniat, host mi soglei bemeakt, host ois köda fungiat, host die brüngläsa vafäabt; hob ma mei blindheit söba zommengfügt, hob mi in diesa dämmarung vagnügt
die tendenz is aufklart, hob mei richtung vaföht, hob hia vüz long gegart, hob mi bei den lügn vazöht; oi die behauptungen woan unvaschämt, hob mi vüz weit ausm fensta rausglehnt
schwadn hom si auftüamt, ois wiakt so konsequent, bin innalich eazüant, mei sein woa stets transparent; mei treue naivität nie kaschiat, hot die rauhn stön wieda glottpoliat
da obpfiff längst eatönt, den schrilln laut net gheat, hob hia nie wos vaschönt, fühl mi stets wie gfedat und teat; woa hia in jeda hinsicht voglfrei, zua ruine zabröcklt mei bastei
mei rostiges gitta is in sich sofoat zommgfoin, diese feinen splitta boahn si leicht duachs fleisch wie kroin, hob die variablen definiat, mei dynamo hot si söbst obisoliat.
b 3) .13/14/11/8 ....12/12/11/10
empfind mei lebm ois an paradox schrägn traum, des definitiv ealebte woa vagänglicha schaum, diese bläschen ois eisnkugln entpuppt, die lebmsmaserung eindruckt
späh aus meim eignen schottn auf a weisses gebiet, die ondre seitn eafoascht den nägstn lebmsobschnitt, die ongl ausgwoafn hot mei triste sö, loss eam foitan auf meim beföh
unheilboare vian greifn on zum letztn gefecht, geh auf meine zittrign beine ins ewige gschäft, die vün schleusn san a provokation, hob ka identifikation
chaotische phantasien hom mi eisan umhüllt, hob endlich dieses nichts mit meina eignen wöd ausgfüllt, hob eich jetzt mei omnipotenz demonstriat, hob ois mit meim genie signiat
hob meine sinnestäuschungen völlig ausglebt, hobs obsolute koite grausn ongestrebt, begegne dem pessimismus frohgemut, do die chimäan eafreun si on tollwut
hob ma söba mei schizophrenie attestiat, hob von kronkn spezialitätn probiat, hob mi mit den kalamitätn befosst, mei schwoche sö is scho ziemlich vablosst.
d 2) .10/10/13/13 ....13/12/12/9
leb in den woikn und geh mitm wind, vaschenk die sinne und wea wieda kind, vawondl wossa zu wein loss kan hunga entstehn, zähm die fablwesn tonz mit tote neblkrähn
trockne die tränen und heil deinen geist, fong des vüle soiz hobs ois gwüaz vaspeist, bring knospn zum blühn und eazeug honig aus den poin, vaheiss woahre wunda in den gleichn intavoin
wühl mi duachs gestein atme flüssigkeit, wohn auf ana kugl schöpf ewigkeit, blick von aussn aufs wödoi dreh on da galaxie, spazia duachs schwoaze loch gonz ohne monotonie
loss ois hia zurück und bau mia a boot, setz mia a denkmal und eante den tod, transfoamia mi zu licht und gleit sonft duach zeit und raum, wea imma wieda geboan mittn im lebmssaum
siag die lebmsbausteine in jedm mineral, ziag socht on da leine vom zabrochnen fraktal, hob die schleifen aufm vawöktn kronz drapiat, hobs nua mit intuition vaziat
siag die ewge materie in jedm fragment, spia die lebmsarterie in jedm segment, hob des schmarotzende gewächs vüz vü düngt, hob mi deswegn wieda vajüngt.
e 1) .8/7/8/12 / 10 ....10/11/12/12
vüz schnö vablossn die foabm, vom vabognen regnnoss, hobs lebm wieda umwoabm, a sötsome finstanis vasetzt ma an stoss, die nodln spün varückt aufm komposs
vaschenk mein gonzn frein wün, füa an wiaklich guadn zweck, muass mei lebm jetzt no obstün, in da finstanis gibts bestimmt an grön fleck, hintalosst gnua gewöhnlich grobm dreck
woat scho so long volla sehnsucht, auf diesn friedlichn schein, des lebm lockt mit siassm duft, konn diese meakwüadige finstanis net entzwein, olle opfagobm fauln aufm schrein
hob diesn pakt untaschriebm, weaf mei uateil in die foin, wea von da insl vatriebm, do in diesa finstanis bleibts denkmal vaschoin, woit diesn onka no korrekt vatäun
mei leuchtenda nimbus is bleich und mott, mei strohlende aura wiakt düsta und glott, mei glänzende präsenz is nua no öd und schal, woat auf die öffnung vom legendäan poatal
mei natüalicha charme is rau und hoat, mei wuchtigs charisma hot si söbst vaschoat, mei sichre realität is lahm und fad, aus meina hond entgleitet mia mei lebmsrad.
ch 1d) .14/16/8/7
mei raum is a grodn ohne kuavn und ohne eck, mei eck ruht no gonz harmonisch vaboagn im untastn deck, fühl mi zaschreddat und zamoimt, hob mi innalich einzäunt
mei weg is a sumpf ohne bruckn und ohne duachgong, mei duachgong vaengt si zum spoit und mündet wieda om onfong, diesa kreislauf ewig rotiat, hob den zyklus kontrolliat
mei heaz is a peitschn ohne riemen ohne a seil, mei seil is nua no a dünna fodn is scho spitz wie a pfeil, druck die sauce in mei reines blut, geniess s‘flüssige saatgut
mei sö is a raupe ohne vapuppung ohne haut, mei haut is scho brüchig hot scho foitn vanichtet des unkraut, olle stimmen flüstan und pläan, konn mi net dagegn weahn.
ch 2c) .7/11/10/14 .9/9/12/13 ..10/15/11/8
eatrink in da depression, mei fatala nihilismus is gereift, tauch in die fiktive simulation, mei zentrala konflikt is no net oadentlich geeicht
bin unentschlossn zoghoft labil, bin vaunsichat besoagt fragil, bin reumütig betretn und introveatiat, bin bekümmat schreckhoft übaempfindlich irritiat
schwimm auf meim zwong weit dahin, meine hoatn begiadn foign aufs woat, zatrompl die foamaln symmetrien, mei ich benötigt dringend an rasantn obtranspoat
bin stets uneabittlich und radikal, des scheusal in mia setzt si scho a grandioses denkmal, bin gwissnlos gnodnlos und inhuman, mei vagötung is gonz spontan.
dieses denkmal is a schöpfarisch genials meistaweak, mei rettungsboot küsst intensiv den eisbeag, übaleg ois mit gressta soagfoit, mei lebm valiat inhoit
des symboi is die universalfoaml füa den uaknoi, jeda klanste föhla wiad donn zum spüboi, dieses weakzeug wünlos missbraucht, wiad ois hamplmann vakauft
dieses denkmal hoit füa uns den woahn zukunftscode parat, is a unschätzboa weatvolles unikat, do dieses anzlstück woa net echt, mei lebm woa ka guads gschäft
des zeichn eakläat im detail den bauplan vom steanentoa, denn jede lebmsfoam hot sein eignen sensoa, jeda fühla wiad vüz schnö defekt, die messung is befleckt
dieses denkmal hot die ästhetik kreiat, dieses denkmal hots lebm verifiziat, vasinnbildlicht die kontinuität, beweist die strotzende vitalität
dieses denkmal vaströmt exotisches flair, dieses denkmal is revolutionäa, bezeichnet den mittlpunkt vom wödall, zelebriat des pagane ritual.
earicht ma söba a denkmal, zum gedächtnis on mei peason, a monument gewoitig und imposant, bin mit mia wieda synchron, woa stets mei eigna sekundant
eahoit die eainnrung aufrecht, füa die nägste generation, a mausoleum kolossal elegant, die letzte auffongstation, direkt voam lebmsquadrant
gestoit ma söba a denkmal, füa leistung genial famos, a pyramide gigantisch und massiv, nua i bewohn des luftschloss, benutz jeds zimma seah aktiv
loss eainnarungen bestehn, hom si zu legendn eahom, a labyrinth archaisch und konstruktiv, untaiadisch im fösndom, existiat des lebmsarchiv
easchoff ma söba a denkmal, ois wüadigung on mei existenz, a heiliga templ geweiht und feudal, is mei letzte residenz, mei unschuid belegt duachs oadal
bewoah die eainnrung, in jeda untaschiedlichn frequenz, wea einbalsamiat ois lebendigs denkmal, hob mei eigne lumineszenz, bin da vamisste heilge gral.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 09./10./11./12./13./14./15. juni 2018.pk. ~ überarbeitet am 07./08./09./10./11./13./16./17./27./28./29./30. september 2022.pk
copyright by philipp kirschner.pk. ~ untermalt mit metalmusik von eye of the enemy, parkway drive, sarea, the wind covenant.
***********************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .6/6/6/8 / 10/10
hob des ois net geplant, woit di net provozian, hob di nua nochgeahmt, wü di afoch niemois valian; mei programmiata fokus is entgleist, meine gedonkn san wieda vareist
es is afoch so gschehn, hob diesn föhla gmocht, konns leida net zruckdrehn, hob a net vü drüba nochdocht; hob mi nua in diesa einbahn vafoahn, untaloss diese frogn vom nochboahn
da tog is no so rein, hob dafüa ka konzept, es gibt nua sonnenschein, a da regn hot mi belebt; dieses gwitta hot mi wieda poliat, hob die poa dauafleckn scho negiat
schliess diesn offnen kreis, fong jetzt von voane on, steh no auf dünnem eis, vatrau nua auf mei glückshoamon; do die ausschüttung wuade sabotiat, iagendwos hot si in mia einquartiat.
2) .6/6/6/8 / 10/10
füa mi gibts kan entwuaf, die kugl roit dahin, es gibt nua an vasuach, is mei eignes adrenalin; hob die schwere belostung mitgeschleppt, meine beschweadn san no net vaebbt
es is afoch passiat, hob an foischn schritt gmocht, hätt gean ois zruckdatiat, hob mei tun goa net übawocht; befind mi auf diesa übaholspua, steh hia wie vasteinat wie a skulptua
die nocht hot si scho gsenkt, hob do no so vü voa, da mond hot mi beschenkt, sei licht entzündet mein motoa; a die steanbüda hom mi vafoigt, bin von iahra deutung gonz übazeugt
bring den strich zu an end, da punkt hot genau passt, hoits fest des instrument, die züflagge weht scho om mast; greif voa freude nochm kariartn bond, zabröslt sofoat zu seah feinem sond.
mei raum is a ebene ohne schweakroft ohne zeit, mei zeit is a hohe wön übaflutet mi mit einsomkeit, fühl mi valossn isoliat, hob wieda halluziniat
mei weg is a wüda fluss ohne wossa ohne stein, mei stein zafoit scho zu staub wü mi von diesa asche befrein, da rauch längst vom winde vaweht, valia mei stabilität
mei heaz is a tromml ohne an stock ohne a fell, mei fell hot scho gnua wundn und noabm auch ohne des skalpell, hob mi ois buße söba gritzt, die krisn hom si zuagspitzt
mei sö is a vogl ohne fliagl und fedakleid, mei fedakleid hot zvü fleckn wuade bereits vom bluad eingweiht, die stimmen in mia san vüz laut, hob wieda mental obbaut.
3) .6/6/6/8 / 10/10 ....6+7/6+7/9/11
nie a rechnung vafosst, die zoihn hom imma gstimmt, die zeichn foisch ausglost, hob no nie on schuidn vadient; hob imma gnua zum übalebm ghobt, woa oba nua mit mia söba valobt
da valauf woa voagem, ka effekt hätt wos gricht, des rückgabesystem, eafüllt scho long net meah sei pflicht; duachwonda jede phase exzessiv, übawind mit valust des beagmassiv
da kühle moagntau, glänzt wie a edlstein, da wind is sonft und lau, im kühln schottn schloft mei sein; betrochts liebevoi hobs no woam zuadeckt, hob hintarucks meine zähne gebleckt
moch jetzt an zwischnstopp, schau im spiegl weit zruck, betrocht mein haufn schrott, schmüzt a bei seah niedrigem druck; bin gezeichnet bereits mei lebm long, mi trifft jedesmoi diesa bumarong
meine eadochtn wänd san direkt voa mia eingstüazt, meine vaschmutztn händ hom diesn fodn vaküazt, bin völlig vaunsichat vawiat, mei sölische balance is net austariat.
4) .6/6/6/8 / 10/10 ....6+7/6+7/9/11
hob mein pfad nie eakonnt, hot si von söbst aufglöst, woa imma seah entsponnt, hob ma diese stün söbst eingflösst; die kräuta homman regnbogn gschenkt, die foabm hobm mi duachs wödoi glenkt
des schicksoi woa ka freind, des loch hot si vasteckt, hot si mit mia vaeint, hob mi afoch zlongsom bewegt; hot mi aufgsaugt und zua gänze umhüllt, hob meine eainnarungen zaknüllt
des obendliche rot, hot die woikn vascheicht, die stean in iahm boot, iahre stroihn hom mi scho eareicht; hobm glühendn kometn no gwinkt, mei heazlichkeit woa imma ungeschminkt
vaschliess diesn voahong, des glos hot scho an sprung, zabricht mit an woihklong, hob den stein gwoafn mit vü schwung; hob den zabrochnen krug wieda geklebt, hob ma söba an klongteppich gewebt
meine eafundnen spearrn hom si von allan zastöat, meine kuavn und keahn hom die grodn übahöat, a schwindlgfüh hot mi übamonnt, mei innre woog hot des lebm übaronnt.
b 1) .13/14/11/8 ....12/12/11/10
ealeb scho jedn tog wie an surrealn traum, bin tiaf vawuazlt mit meim oidn übalebmsbaum, füta die näahstoff aus seim adageflecht, diese vitamine san echt
beobocht hamlich mein schottn wie ea mi vafoigt, hob eam von da ondan seitn no net gonz übazeugt, hob eam mit meina finstren sö heronglockt, hob eam festghoitn und onpflockt
a lodandes feia vatreibt geista in da nocht, hob die gruslgschichtn mit zittanda stimm übabrocht, hob ma die einbüdungen söbst implantiat, die woahheit hot mi net tangiat
ängste und phobien hom mi wieda heazlich umoamt, hob ma mei eigne utopische wöd baut und umgfoamt, sitz auf meim vagoidetn eisanen thron, wea beschützt vom dichtn konkon
hob mi in meine wahnvoastellungen vatieft, hob mi söba in panikattackn gehievt, hob no nie on diese bedrohungen glaubt, do des phantom hot si on mia festgschraubt
hob mi in meine psychosn chronisch vaiat, hob söba meine paranoia therapiat, hob risikn obgwogn nie untaschätzt, do mei sö wiakt scho ziemlich obgehetzt.
ch 1b) .14/16/8/7
mei raum is a plateau ohne toi schlucht ohne an beag, mei beag steht aufm kopf die spitzn da pyramide vakeaht, fühl mi vaödet unbelebt, bin zwischn woikn geschwebt
mei weg is a weites mea ohne insln ohne wön, mei wön eastoat zu eis vaewigt valoane varotne sön, des echo da gischt längst vahoit, da sond hot ois übaroit
mei heaz is a homma ohne amboss ohne an griff, mei griff is spröde vasinkt aufm grund gemeinsom mitm schiff, die finstanis beide umoamt, des monsta hot si gefoamt
mei sö is a kean ohne fruchtfleisch keimling ohne kroft, mei kroft hot zvü schwächn vagisst auf die eneagie unvahofft, die stimmen redn duachanond, hob die sehne übasponnt.
eatrink scho in söbstmitleid, mei mindaweatigkeitsgfühl schlogt scho alarm, tauch eifasüchtig im tückischn neid, mei manischa söbstzweifl mutiat zum nogendn schwarm
bin unsicha vakrompft und gehemmt, bin befongen neavös und vaklemmt, bin hüflos voabelostet instabil blockiat, bin vaschüchtat unwichtig weahlos introveatiat
schwimm im komplex umanond, mei besessenheit explodiat ois vuikan, zatrompl fost mein eakronktn vastond, mei amoklauf mutiat zum grausign leviathan
bin aggressiv rabiat und brutal, die bestie in mia setzt si a imposantes denkmal, bin rücksichtslos koitblütig fuchsteuflswüd, so vü hoss hot in mia nochglüht.
da blick noch voa is fean, hot on schäafe valoan, woit do no ois zuaspean, hot si ois gegn mi vaschwoan; ois eidesstottlich vasichat eakläat, in mia hot scho die unzufriednheit gäat
des stigma hot si zeigt, sichtboa füa mi allan, hob mi knieend vaneigt, endet ois in an melodram; die katastrophn hom si offnboat, hätt ma gean so vü probleme easpoat
da meteoa auf kua, obmteia eafoahn, foigt seina eignen spua, wü die geheimnisse bewoahn; die substanzn san auf an schlog vapufft, hom si vabundn mit da heissn luft
diese endlosigkeit, mocht mi zu an sondkoan, wuade scho eingeweiht, lausch dem flüstandn signalhoan; hob die zeichn diesa zeit net eakonnt, hob mi wieda in den höhln varonnt
meine barrikadn san unvasehens einknickt, meine maskeradn woan hia vü zu ungeschickt, jede peaspektive negativ, mei sölischa obleita is inaktiv.
6) .6/6/6/8 / 10/10 ....6+7/6+7/9/11
des vagongne ealischt, vergessn und entfoin, die büda san entwischt, bleibm donn bis zum schluss vaschoin; die rückrufaktion homs bereits stoaniat, die togebiacha hom nie existiat
jede foab wiad schwoazweiss, in da mittn is grau, gwinn wie imma kan preis, steck scho wieda im dichtn stau; mei öda lealauf hot drastisch stagniat, des chaos hot mi eingehend studiat
hob endlich an wunsch frei, hob die steanschnuppe gsehn, lond wieda in an brei, wea diesn sinnzweck nie vastehn; oi des bittn und bettln woa umsunst, da trügarische trick is hohe kunst
da nogl is aus goid, des hoiz stroiht in an schein, hob die ongl ausghoit, fong nua zakrotzte träumarein; klamma mi fest on jede illusion, zeugt von meina elitäan passion
mei onzogne bremsn hot si soglei übahitzt, mei obgstumpfte sensn hot die schneid net meah zuagspitzt, hob diese beziehung net guat pflegt, hob mei valetzliche wüade lahmgelegt.
b 2) .13/14/11/8 ....12/12/11/10
duachleb jede nocht wie an grotesk makabren traum, übaschreit auf dem schmoin grat den krummen wötnsaum, dämonen lauan om ondan ufastrond, hom si stets von neiem geklont
woat hinta da maua auf mei schottigs spieglbüd, hob eam vom ätherischn rond olle stücke voagspüt, mei sinistre sö wiaft diesn köda aus, hobs eingspeat im gläsanen haus
gfäahliche medizin vatreibt den wahnsinn om tog, schreib scho mit zittriga hond mein übalebmsvatrog, meine luftblosn san no long net zaplotzt, nua die äussre schoin is zakrotzt
vaschwommne trübe gedonkn san in mia eawocht, hob die vawiaklichung da eignen wöd endlich voibrocht, bin jetzt mei alleiniga mochtapparat, bin a tollkühna akrobat
bin mittn in meine hiangespinste obgruscht, diese ongstzuaständ hom mi freiwillig geputscht, hob füa die gfäahlichkeit nua a lächln ghobt, do diese spukgestoit is hochbegobt
hob mit meinen woahn manien harmonisiat, hob stets mit meim vafoigungswahn kooperiat, hob die schwierigkeitn genau übaprüft, do nua mei sö heat wos von an gerücht.
d 1) .10/10/13/13 ....13/12/12/9
geh übas wossa und fliag duach die luft, moch mi unsichtboa und lond in da gruft, teil den grossn ozean und loss plogn entstehn, kenn olle woidgeista und vafüah elfn und feen
eanäah mi vom licht und trink die natua, denk mi ins jenseits und moi mia a spua, obsoabia olle stroihn vawondls in eneagie, bewiak woahre wunda nua mit mystischa magie
tauch duach die eade und atme nua gift, iss heisse lava und lies jede schrift, blick duachs gestein und hypnotisia den eisnkean, streichl zäatlich unsre sunn und greif noch jedm stean
foah aus meina haut und lies dein vastond, setz mia a denkmal und schlof aufm mond, surf auf polarlichta tonz auf an planetnring, wea imma wieda geboan bin mei eigna zwilling
siag olle bestondteile von jedm element, sponn meine lebmsseile übas fiamament, hob die knotn on beidn endn fest vaschnüat, hob drauf wieda kaprioln voifüaht.
ch 1c) .14/16/8/7
mei raum is a schachbrett ohne föda ohne figua, mei figua stüazt üba stufn mit relativa zeitstruktua, fühl mi obgschnittn und vawaist, hob mi söba eingekreist
mei weg is a wossafoi ohne bodn ohne end, mei end hot den nebl berüaht die grenzn is net resistent, hob vatrocknete tränen gweint, hobs soiz gsommlt und ongleint
mei heaz is a taktstock ohne rhythmus ohne elan, mei elan is scho ealahmt hob a multipolare membran, die synapsn hom net meah blitzt, eana wuade zvü obgschnitzt
mei sö is a laubblott ohne adan ohne a foab, mei foab wexlt zu vawökts braun vazweigt si zu an gflochtnen koab, jede stimm hot a ondre sproch, suach mein lebmsalamanoch.
eatrink in melancholie, meine innren quoin eakläan jedn zum feind, tauch in die psychische anomalie, mei zrissna tragischa zwiespoit hot si net meah valeimt
bin valegn zaudand und vastockt, bin wexlhoft brüchig und geschockt, bin schutzlos ausgeliefat untauglich vazogt, bin valegn unduachdringlich beklommen ongnogt
schwimm in neurosn umhea, zatrompl mei obgezeahte gegnweah, mei fanatismus vawüstet mei reich, brauch mei amnesie füa den notwendign druckausgleich
bin stets eaboamungslos und brachial, des ungeheua in mia setzt si a wüadiges denkmal, bin schonungslos hoatheazig gefühlskoit, mei rache trieft scho von vüfoit.
dieses denkmal is a künstlarisch hochweatigs sakrileg, jeda föhtritt eskaliat auf diesm steg, hob ma zua eahöhtn voasicht gmahnt, mei lebm woa nie konstant
des symboi beschreibt die foaml füad ewge wiedagebuat, jede neionkunft muass zum letztn endspuat, auf diesa etappm gibts kan sieg, vü zu steil is da onstieg
dieses denkmal is seina längst vasunknen zeit weit voraus, jeds gebet eahält sonftn zwischnapplaus, do die ovationen woan net echt, mei lebm woa nie gerecht
des zeichn skizziat jeds detail von da nägstn dimension, jede lebmsstufn hot iah eigne vision, die entschlüsselung is äussast schwea, die lösung is konträa
dieses denkmal hot an besondaren touch, dieses denkmal is ka billiga obklatsch, vakeapat die göttliche ewigkeit, beendet den immawährendn streit.
hob mei zü nie fixiat, ka wunsch wuade eafüllt, host die traua beriaht, host no mei gedächtnis duachwühlt; host hia a gähnende leere entdeckt, des vakuum mit reinem weiss befleckt
hob von oi dem nix gmeakt, hot in mia zlongsom tropft, hob ondaweitig gweakt, hob nua on da foischn tüa klopft; dahinta vabiagt si dieses poatal, ois mitanond vaschlungen neuronal
die nova zeigt iah licht, die nocht wiad donn zum tog, blendet mei freie sicht, die stroihn nehmen ois in beschlog; die gleissende helligkeit expandiat, hot diese hindanisse potenziat
bin mit dia no vanetzt, des bond hot scho an riss, hob mi völlig vaschätzt, liebkos zäatlich mei nemesis; die bestrofung ausglichn und legal, ois is nua hypothetisch fiktional
meine hohn hüadn hom si von alla varückt, die aufglodnen büadn hobm mi net seah geschmückt, hob kane optionen bevoazugt, woa zu an sölischn bündnis nie befugt.
8) .6/6/6/8 / 10/10 ....6+7/6+7/9/11
a funkn hoffnung glüht, mei kuas is no korrekt, mei freude woa vafrüht, denn ois hot den söbm effekt; vüle lösungen valaufn im sond, die dünen da wüste roin in mei lond
a zweite chance blinkt auf, woa nua a kuaza stich, untam brennendn strauch, vasinkt des lebmsschiff; des steuarad hots ruada übadreht, da oakan hot olle mastn obgmäht
schwoaz is da horizont, des eaeignis zarinnt, meditia aufm rond, füa mei lebm nie mitbestimmt; des schicksoi hot mi gehörig eingseift, diese schuppm vom schaum san weit obsgchweift
die schlingen san vüz fest, wüs jetzt endlich duachhaun, besteh net diesn test, vüz hoch is da frischgstrichne zaun; bleib sofoat hoftn wie im frischn harz, bin völlig eastoat wegn des neistarts
meine gschlossnen schronkn san sofoat wieda aufklappt, meine moaschn plonkn wuadn vom gebrauch obgschabt, hob olle variantn probiat, mi bei jedm scheitan weita distanziat.
9) .6/6/6/8 / 10/10 ....6+7/6+7/9/11
hob di ausspioniat, host mi soglei bemeakt, host ois köda fungiat, host die brüngläsa vafäabt; hob ma mei blindheit söba zommengfügt, hob mi in diesa dämmarung vagnügt
die tendenz is aufklart, hob mei richtung vaföht, hob hia vüz long gegart, hob mi bei den lügn vazöht; oi die behauptungen woan unvaschämt, hob mi vüz weit ausm fensta rausglehnt
schwadn hom si auftüamt, ois wiakt so konsequent, bin innalich eazüant, mei sein woa stets transparent; mei treue naivität nie kaschiat, hot die rauhn stön wieda glottpoliat
da obpfiff längst eatönt, den schrilln laut net gheat, hob hia nie wos vaschönt, fühl mi stets wie gfedat und teat; woa hia in jeda hinsicht voglfrei, zua ruine zabröcklt mei bastei
mei rostiges gitta is in sich sofoat zommgfoin, diese feinen splitta boahn si leicht duachs fleisch wie kroin, hob die variablen definiat, mei dynamo hot si söbst obisoliat.
b 3) .13/14/11/8 ....12/12/11/10
empfind mei lebm ois an paradox schrägn traum, des definitiv ealebte woa vagänglicha schaum, diese bläschen ois eisnkugln entpuppt, die lebmsmaserung eindruckt
späh aus meim eignen schottn auf a weisses gebiet, die ondre seitn eafoascht den nägstn lebmsobschnitt, die ongl ausgwoafn hot mei triste sö, loss eam foitan auf meim beföh
unheilboare vian greifn on zum letztn gefecht, geh auf meine zittrign beine ins ewige gschäft, die vün schleusn san a provokation, hob ka identifikation
chaotische phantasien hom mi eisan umhüllt, hob endlich dieses nichts mit meina eignen wöd ausgfüllt, hob eich jetzt mei omnipotenz demonstriat, hob ois mit meim genie signiat
hob meine sinnestäuschungen völlig ausglebt, hobs obsolute koite grausn ongestrebt, begegne dem pessimismus frohgemut, do die chimäan eafreun si on tollwut
hob ma söba mei schizophrenie attestiat, hob von kronkn spezialitätn probiat, hob mi mit den kalamitätn befosst, mei schwoche sö is scho ziemlich vablosst.
d 2) .10/10/13/13 ....13/12/12/9
leb in den woikn und geh mitm wind, vaschenk die sinne und wea wieda kind, vawondl wossa zu wein loss kan hunga entstehn, zähm die fablwesn tonz mit tote neblkrähn
trockne die tränen und heil deinen geist, fong des vüle soiz hobs ois gwüaz vaspeist, bring knospn zum blühn und eazeug honig aus den poin, vaheiss woahre wunda in den gleichn intavoin
wühl mi duachs gestein atme flüssigkeit, wohn auf ana kugl schöpf ewigkeit, blick von aussn aufs wödoi dreh on da galaxie, spazia duachs schwoaze loch gonz ohne monotonie
loss ois hia zurück und bau mia a boot, setz mia a denkmal und eante den tod, transfoamia mi zu licht und gleit sonft duach zeit und raum, wea imma wieda geboan mittn im lebmssaum
siag die lebmsbausteine in jedm mineral, ziag socht on da leine vom zabrochnen fraktal, hob die schleifen aufm vawöktn kronz drapiat, hobs nua mit intuition vaziat
siag die ewge materie in jedm fragment, spia die lebmsarterie in jedm segment, hob des schmarotzende gewächs vüz vü düngt, hob mi deswegn wieda vajüngt.
e 1) .8/7/8/12 / 10 ....10/11/12/12
vüz schnö vablossn die foabm, vom vabognen regnnoss, hobs lebm wieda umwoabm, a sötsome finstanis vasetzt ma an stoss, die nodln spün varückt aufm komposs
vaschenk mein gonzn frein wün, füa an wiaklich guadn zweck, muass mei lebm jetzt no obstün, in da finstanis gibts bestimmt an grön fleck, hintalosst gnua gewöhnlich grobm dreck
woat scho so long volla sehnsucht, auf diesn friedlichn schein, des lebm lockt mit siassm duft, konn diese meakwüadige finstanis net entzwein, olle opfagobm fauln aufm schrein
hob diesn pakt untaschriebm, weaf mei uateil in die foin, wea von da insl vatriebm, do in diesa finstanis bleibts denkmal vaschoin, woit diesn onka no korrekt vatäun
mei leuchtenda nimbus is bleich und mott, mei strohlende aura wiakt düsta und glott, mei glänzende präsenz is nua no öd und schal, woat auf die öffnung vom legendäan poatal
mei natüalicha charme is rau und hoat, mei wuchtigs charisma hot si söbst vaschoat, mei sichre realität is lahm und fad, aus meina hond entgleitet mia mei lebmsrad.
ch 1d) .14/16/8/7
mei raum is a grodn ohne kuavn und ohne eck, mei eck ruht no gonz harmonisch vaboagn im untastn deck, fühl mi zaschreddat und zamoimt, hob mi innalich einzäunt
mei weg is a sumpf ohne bruckn und ohne duachgong, mei duachgong vaengt si zum spoit und mündet wieda om onfong, diesa kreislauf ewig rotiat, hob den zyklus kontrolliat
mei heaz is a peitschn ohne riemen ohne a seil, mei seil is nua no a dünna fodn is scho spitz wie a pfeil, druck die sauce in mei reines blut, geniess s‘flüssige saatgut
mei sö is a raupe ohne vapuppung ohne haut, mei haut is scho brüchig hot scho foitn vanichtet des unkraut, olle stimmen flüstan und pläan, konn mi net dagegn weahn.
ch 2c) .7/11/10/14 .9/9/12/13 ..10/15/11/8
eatrink in da depression, mei fatala nihilismus is gereift, tauch in die fiktive simulation, mei zentrala konflikt is no net oadentlich geeicht
bin unentschlossn zoghoft labil, bin vaunsichat besoagt fragil, bin reumütig betretn und introveatiat, bin bekümmat schreckhoft übaempfindlich irritiat
schwimm auf meim zwong weit dahin, meine hoatn begiadn foign aufs woat, zatrompl die foamaln symmetrien, mei ich benötigt dringend an rasantn obtranspoat
bin stets uneabittlich und radikal, des scheusal in mia setzt si scho a grandioses denkmal, bin gwissnlos gnodnlos und inhuman, mei vagötung is gonz spontan.
dieses denkmal is a schöpfarisch genials meistaweak, mei rettungsboot küsst intensiv den eisbeag, übaleg ois mit gressta soagfoit, mei lebm valiat inhoit
des symboi is die universalfoaml füa den uaknoi, jeda klanste föhla wiad donn zum spüboi, dieses weakzeug wünlos missbraucht, wiad ois hamplmann vakauft
dieses denkmal hoit füa uns den woahn zukunftscode parat, is a unschätzboa weatvolles unikat, do dieses anzlstück woa net echt, mei lebm woa ka guads gschäft
des zeichn eakläat im detail den bauplan vom steanentoa, denn jede lebmsfoam hot sein eignen sensoa, jeda fühla wiad vüz schnö defekt, die messung is befleckt
dieses denkmal hot die ästhetik kreiat, dieses denkmal hots lebm verifiziat, vasinnbildlicht die kontinuität, beweist die strotzende vitalität
dieses denkmal vaströmt exotisches flair, dieses denkmal is revolutionäa, bezeichnet den mittlpunkt vom wödall, zelebriat des pagane ritual.
earicht ma söba a denkmal, zum gedächtnis on mei peason, a monument gewoitig und imposant, bin mit mia wieda synchron, woa stets mei eigna sekundant
eahoit die eainnrung aufrecht, füa die nägste generation, a mausoleum kolossal elegant, die letzte auffongstation, direkt voam lebmsquadrant
gestoit ma söba a denkmal, füa leistung genial famos, a pyramide gigantisch und massiv, nua i bewohn des luftschloss, benutz jeds zimma seah aktiv
loss eainnarungen bestehn, hom si zu legendn eahom, a labyrinth archaisch und konstruktiv, untaiadisch im fösndom, existiat des lebmsarchiv
easchoff ma söba a denkmal, ois wüadigung on mei existenz, a heiliga templ geweiht und feudal, is mei letzte residenz, mei unschuid belegt duachs oadal
bewoah die eainnrung, in jeda untaschiedlichn frequenz, wea einbalsamiat ois lebendigs denkmal, hob mei eigne lumineszenz, bin da vamisste heilge gral.
geschrieben am 09./10./11./12./13./14./15. juni 2018.pk. ~ überarbeitet am 07./08./09./10./11./13./16./17./27./28./29./30. september 2022.pk
copyright by philipp kirschner.pk. ~ untermalt mit metalmusik von eye of the enemy, parkway drive, sarea, the wind covenant.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen