494.
| glocht.
1) .4+6+7 / 4+6+8 / 6 ...6/7/7/6 / 6/6
und scho wieda drahn si die gedonkn wie a radl in meim hian, knie mi nieda voam gschlossnen schronkn muass die mechanik inspizian, bin söba om rotian
und scho wieda kreisn meine neavn in an wüdn grobm tonz, muass mei fiaba von da hitz entschäafn zeaht heftig on da grundsubstonz, mindat den feinen glonz
und scho wieda wiabln diese soagn sogoa bis in meine träim, hea klogelieda soglei om moagn rund um die uah im trautn heim, ewig tropfenda seim
konn net meah obschoitn, bin stets om knabban und kaun, konn mi net meah entfoitn, in mia des reinste graun, trog a vüz schweare lost, ois is ma scho vahosst.
b 1) .9/8/11/13 ...11/11/8/11
fühl mi völlig nockt und auszogn, bin a weit geöffnetes buach, die ausgrissnen seitn san davongflogn, somml meine dummheitn zu an rohn entwuaf
fühl mi entblättat und unbedeckt, bin a völlig entlaubta baum, hob die moaschn äst und zweig scho längst obgsägt, kletta üban engen steig in diesn hyparaum
fühl mi hüllnlos und gonz entblösst, bin a frisch ausgrobnes skelett, hob mi von oin zwängen endlich gelöst, in diesn dunklen gängen zakrotz i mei schochbrett
gonz leis flüstat a fremde stimm in mei oah, meissl und polia diesn stumpfn marmoa, loss deinen händn frein lauf, dei kreativität is oft in gebrauch.
ch 1a) .7+7/7+7/10 ...11/10/10/8
bin wie a vasunknes wrack aufm tiafstn meeresgrund, häng ois gequöta sondsack direkt üban höllnschlund, mei kuaza hüfeschrei is scho vastummt
bin a oide ruine vagrobm unta da ean, lieg auf da guillotine üba mia da obendstean, mecht a gean kopflos endlich moi zruckkeahn
bin wie a scheabmhaufn im schutt- und aschngemisch, muass mi wieda freikaufn von dem koitn opfatisch, denn jeds ealebnis woa extrem tragisch
hob die positive eneagie valoan, hob mi in diesm labyrinth vafoahn, a endlosschleifn hoit mi fest im griff, hintaloss eich kan obschiedsbrief.
2) .4+6+7 / 4+6+8 / 6 ...6/7/7/6 / 6/6
und scho wieda flutn komplexe details üba mein horizont, mei gefieda bleibt wegn des kriegbeils vom valust da foab net vaschont, steh on voadesta front
und scho wieda toapetian probleme den ruhign togesoblauf, scho solida eatrog i die häme vom brennendn sprechendn strauch, nimm jetzt scho ois in kauf
und scho wieda übaroit mi da stress mit äussast brutala wucht, die spottlieda begleitn mi sinngemäss auf meina sinnlosn flucht, in a vaschlossne gruft
konn mi net meah bremsn, vabeiss mi wie unta zwong, muass meine lückn trensn, wiad zu meim bumarong, hot imma übagwicht, jede woogschoi zabricht.
b 2) .9/8/11/13 ...11/11/8/11
fühl mi duachsichtig und obgschliffn, bin do a roha diamont, die müchign seitn san längst vablichn, da reinheitsgrad vaschlimmbessat si scho penetrant
fühl mi vaschlissn und transparent, bin wie dünne obgstondne luft, die längst vawehtn woate bleibm latent, die vagessne pfoate wiad in amnesien eingstuft
fühl mi wie auf dünnem eis platziat, bin a eingfroanes samenkoan, des vaschmoizne element hot rebelliat, beim experiment hot si ois gegn mi vaschwoan
gonz socht wispat a dumpfe stimm in mei oah, manipulia und motz eam auf dein motoa, loss di treibm von deim instinkt, in deina wochn phase bist ungeschminkt.
d 1) .14/14/6+6 ..5/8/7/7 / 6+7 ..7/8/8/9/6
spia mei müdigkeit in jeda fasa in jeda zön, woit mei unsichtboare kronkheit endlich moi obbestön, nua a winziga punkt hot ins unglück eintunkt
spia mei easchöpfung in jedm knochn obm bis unt, mei imaginäre köpfung steht in goa kan befund, füa an kuazn moment woa jeda strong duachtrennt
lieg nua no herum, mei oabeitsmoaral losst scho noch, foi mit meim delirium, in a tiafes schwoazes loch, ealoschn is des licht, total vaschwommen die sicht
mei puis is labil, mei laschheit is exoabitant, bin a koitblütigs reptil, mei lebm is seah riskant, die sunn von woikn vadeckt, da schottn hot mi easchreckt
mecht wieda zum onfong zruck, nua a poa joah hättn scho greicht, steh donn net meah so unta druck, des echo da zukunft hätt mi gstreift, denn donn wäa i geeicht
hob mein fluchtweg guat geplant, die reseavn san längst vabraucht, vielleicht bin i a simulant, bin vüz oft in söbstmitleid eintaucht, donn hätt i mi vakauft.
ch 1b) .7+7/7+7/10 ...11/10/10/8
bin wie a rieslnda sond im si vaengendn glas, steig hoch ois zaschnittnes bond üban schroffn gebiagspass, mei sinnloses gestöhn mocht kan spass
bin wie a regntropfn aufglöst im vasoiznen mea, mutia beim woiknklopfn zum schwebendn visionäa, easpoa ma des lächaliche gepläa
bin wie a grauweissa staub dea si übaroi festsetzt, des vawökte bunte laub hot si mitm bodn vanetzt, hob mi bei da lebmsdaua vaschätzt
hob die positivn kräfte längst valoan, hob diesa konfusion no net obgschwoan, des endlose déjà-vü klebt on mia, hintaloss ka lebmselixia.
ch 2a) .11/9/8/9 ...8/8/8/10
find no imma kan hofn ka end ka zü, drah die kuabl füas bewäahrungsspü, find no imma kan ausschoitknopf, pock donn die gelegnheit beim schopf
bin nua a marionettn mit kuazschluss, die gstrecktn fühla san im minus, find no imma kan gegnpol, beocht nie des geheimprotokoll
schwimm öftas gegn die logik gegan strom, bleib ma imma treu und autonom, find no imma ka zogne spua, ziag jedes moi on da foischn schnua
woit die traditionen brechn, wenns sein muass a mit roha gwoit, loss mi jetzt von oin freisprechn, hob mit rota foab auf weisse wänd gmoit.
3) .4+6+7 / 4+6+8 / 6 ...6/7/7/6 / 6/6
und scho wieda weadn olle tatn mit vagnügn vauateilt, muass im mieda die stromschnön duachwatn bin zwischn schoafn fösn einkeilt, is long net vaheilt
und scho wieda hogln nua kritikn auf die oabeitn herob, da rechnschieba biagt vüz vü risikn untam rastamikroskop, is da foische mossstob
und scho wieda hom si die strapazn no imma weida ausdehnt, hob die schloflieda auf da matratzn kategorisch und strikt obglehnt, loss jetzt ois uneawähnt
konn nix meah vadrängen, ois hot si in mia vaboaht, bins opfa in den fängen, vom psychischn tatoat, des pech is a magnet, wuade mit mia vanäht.
b 3) .9/8/11/13 ...11/11/8/11
fühl mi zabrechlich und zaschundn, bin a glitzenda eiskristoi, des gschmoizne wossa is vüz schnö entschwundn, bin da vafossa vom allegorischn symboi
fühl mi oi meina sinne beraubt, bin a wünloses subjekt, oi meine muskln san vakrompft und vaschraubt, beschreib nua in minuskln mein dominoeffekt
fühl mi wie auf diesa schiefn bahn, hia gibts ka stütze und kan hoit, da bebende bodn is aus cellophan, füll mit meinen methodn jedn innren zwiespoit
gonz zoat säuslt a hoate stimm in mei oah, somml und empfong daten vom detektoa, loss da phantasie funkn sprühn, dei produktivität wiad long net vaglühn.
d 2) .14/14/6+6 ..5/8/7/7 / 6+7 ..7/8/8/9/6
spia mei zaschlognheit von da hoaspitzn bis zum zeh, mei voikommne ausgewognheit is scho längst passé, a geringsta hauch genügt scho is ois umpflügt
spia mei vahängnis direkt übaroi um mi herum, brauch füa mei söbst gwöhtes gfängnis a gültiges visum, beim geringstn onloss steckt da schlüssl im schloss
mei faulheit stets gwinnt, mei eifa is scho seah begrenzt, des potenzial zschnö zarinnt, hobs donn mitm nix eagänzt, im vakuum eawocht, is wie in an brunnenschocht
mei frequenz wiad gsteat, mei lethargie is explodiat, bin wieda seitnvakeaht, mei lebm is reduziat, da mond wiad nei geboan, sei runds vois gsicht is eingfroan
hob den mittlteil vasäumt, vüz schnö vagongen woa des heut, mei inspiration woa einzäunt, hätt ma jede szene eingebleut, wäa söbst mei therapeut
hob mein notausgong kaschiat, mei ausdaua is unta null, hob ois hypochonda hausiat, mei melancholie is des modul, füa an üblen beichtstuhl.
e 1) .8/11/9/12 ..7/8/7/8 / 6+5
hob jetzt niemondn meah vatraut, so vü unnützes zeug hot si scho aufgstaut, loss niemondn meah nah on mi ron, hoit eam no in zaum mein ungezähmtn dämon
hob mi on niemondn onglehnt, hob jede oat von distonz heabeigesehnt, loss afoch ka hoffnung meah entstehn, diese situation is füa mi seah bequem
kennts ma do eh net helfn, do bleib i liaba gonz allan, fong mei bluad auf in kelchn, träufls duach a feine membran, beim letztn obendmahl gibts ka ritual.
ch 1c) .7+7/7+7/10 ...11/10/10/8
bin wie gfongne luftblosn im ewign gletschaeis, die giftdoanen da rosn gwinnen nua den eastn preis, mei stimm stöt die weichn zum foischn gleis
bin wie eastoate lava scho längst zu aschn zafoin, ealeb ois in zeitraffa wü afoch nix wiedakäun, wea von da vagongnheit goa nix bereun
bin wie des ungeziefa im florierendm unkraut, wea imma destruktiva ritz ma keabm in mei haut, hob depressive utopien baut
hob die positive stäake längst valoan, hob ma mei eigne spiroin auseakoan, schreib aufm endlospapia mein roman, hintaloss eich goa kan hoizspan.
ch 2b) .11/9/8/9 ...8/8/8/10
find no imma ka glända ka doch kan guat, vaweiga strikt den finaln spuat, find no imma ka drehventü, ignoarias glotte reifnprofü
bin nua a lakai gonz ohne unifoam, gib ma söba die billigstn spoan, find no imma ka wiaksomkeit, wuade in ka geheimnis eingweiht
drah mi peamanent um hundatochzig grad, nua i benutz mein bewäahtn pfad, find no imma kan grodn strich, vauasoch jeds moi an tiafn stich
woit die konventionen sprengen, wenns sein muass gonz totalitäa, loss mi hia goa net einengen, eazeug donn a brünstiges flommenmea.
ch 3a) .6+6/4+7 (5+6)/5+6 ...7/8/9/10
vamiss die oidn tog in meina eignen wöd, steh auf an schlog mittn auf an minenföd, jeda schritt vasinkt, jeda schochzug misslingt
vazeah mi noch da nocht in meim dezentn lond, blinzl in da schlocht seah zoghoft üban rond, hobs chaos eablickt, hot die ängste vaschickt
hoff auf vagesslichkeit in meim klan revia, suach die weisheit und des lebmselixia, ois hot si zastreut, hob mi longsom eahoit
hauptsoch du host mi beschützt, hauptsoch du host mi untastützt, injizia ma dei liebe dein mut, schenk ma dei valockend zünglnde glut.
4) .4+6+7 / 4+6+8 / 6 ...6/7/7/6 / 6/6
und scho wieda wean diese gmochtn föhla bis ins finstre eck ausgroit, mei gebieta beleuchtet die denkmöla, hot schmähwöata fest vaschnoit, hot mas guat eingebleut
und scho wieda wiad mei vüz kuaza schlof von oiptraim schändlich missbraucht, mei woanpiepa zwingt mi unta des joch hot mei söbstweatgefühl zommgstaucht, hob vü schlechtes ausghaucht
und scho wieda wözt si wie a lawin ois negative zu mia, die schmählieda wiakn scho wie strychnin bin hoit a leichtes beutetia, bin a willigs haustia
konn nix meah wegweafn, ois brütet fleissig im nest, muass mei gleichgwicht vaschäafn, im letztn übarest, bin om hakn festzuat, diesa pfeil hot scho gsuat.
b 4) .9/8/11/13 ...11/11/8/11
fühl mi beschädigt und obgstossn, bin blinda passagia im stuam, hob scho so vü tränen und schweiss vagossn, meine schlaffn sehnen san vakümmat wie vom wuam
fühl mi ausgleiat und ramponiat, bin a voglscheichn im föd, die faulign wuazln hom net funktioniat, des stete hinobpuazln hot mein schutzschüd obgschöt
fühl mi da wittarung preisgebm, bin a mineral im gestein, auf da besn zung wean siass und saua schwebm, da nägste weite sprung wiad die woahheit entzwein
gonz sonft muamlt a rauhe stimm in mei oah, sabotia diesn lebmssimulatoa, loss diesm wahnsinn freie hond, donn eakennst die schwoaze seitn vom voimond.
d 3) .14/14/6+6 ..5/8/7/7 / 6+7 ..7/8/8/9/6
spia mei mattigkeit in jeda von meinen innarein, mei unfähigkeit bezichtigt si söbst den schlomparein, die knoppste diffarenz streift scho die inzidenz
spia des vadeabm mit an katastrophaln elan, meine beschweadn san wie a eruptiva vuikan, in da obglaufnen frist wea i zum antichrist
mei apathie woxt, mei konzentration is obgstüazt, hob mi söba niedaboxt, mi mit offne wundn gwüazt, des wossa is vadompft, die lung hot noch frischluft gstompft
mei zentrum hot gstreikt, die passivität is mei strof, da zenit hot si vaneigt, mei lebm hot kan rohstoff, die stean hütn an schotz, und moasn den losungssotz
hob mei reise obsolviat, des gestan is scho vüz long aus, hob mi wieda kuaz motiviat, untastütz mi söba mit applaus, bau mia a koatnhaus
bewoah meinen untaschlupf, des reseavoir is längst entleat, markias mit an neutraln tupf, hobs fiasko mit kumma eanäaht, die quoin san scho hamkeaht.
e 2) .8/11/9/12 ..7/8/7/8 / 6+5
valoss mi auf niemondn meah, des sinnlose eigntum is gonz konträa, loss niemondn meah in mein bereich, die wüde kreatua in mia is übareif
hob mi on niemondn ongschmiegt, nua die weite feane hot mi im schoss gwiegt, mei zuvasicht is ziemlich gedämpft, hob mi in diesa konstellation obgekämpft
eawoat von eich kan nutzn, zieh mei traute einsomkeit voa, hüll mi nua in kapuzn, spia jetzt ois üba an sensoa, beim letztn sakrament is nix existent
niemond bietet mia an rückhoit, des konsumian is a kronkhofte vüfoit, loss niemondn meah in meine sphäan, des phantom woit mi imma scho bekeahn
hob mit niemondn meah onknüpft, bin wieda in die weitläufigkeit entschlüpft, die gewissheit nimmt von mia besitz, dieses vahötnis foaht ein wie da grelle blitz
hob den föadapreis negiat, ziag die reissleine vom foischiam, hob mi ois spende kodiat, die nodl füaht den rotn zwian, bei da letztn ondocht is ois obgeflocht.
f 1) .8/12/8/12 ..10/12/9/9 ..11/10/10/11
schleichts eich endlich lossts mi in ruah, moch in diesa zwongsjockn ka guade figua, vapissts eich endlich aus meim zelt, hob mi aufm ongschnoitn bett wieda vamählt
gehts ma ausm augnaufschlog, vaschmia die sübane tintn aufm vatrog, vaschwindts endlich von meim plateau, spü hia nua mit zabrochnen steinen domino
wü eich net meah riachn hean oda sehn, scheiss auf eire rotschläg i bin da kapitän, setz jetzt die segl foah mitm wind, hob die nägste stufn scho vadient
konn eich net meah riachn sehn oda hean, vagiss glei eire tipps soin sie niemois bewäahn, fliag mit weissn woikn um die wett, trog mi söbst auf an goidnen tablett
hob mitm pinsl mei bewusstsein eingfäabt, hob den regnbogn weita vaeabt, mei sö is do wie a chamäleon, hob jedn aggregatzuastond im genom.
ch 1d) .7+7/7+7/10 ...11/10/10/8
bin wie a ausgstopftes tia in an gruslkabinett, tonz in meina steifn gia in da illusion ballett, trog mei vadoats heaz om richtign fleck
bin wie diese pandemie die jeds lebm süchtig mocht, streichl die anomalie in iahra gesomtn procht, treib ufalos auf an frisch presstn soft
bin wie die letzte notn in ana komposition, da kompliziate knotn eateilt die obsolution, vauasocht donn a kettnreaktion
hob die positive dynamik valoan, foig den charaktaristischn vektoan, hob die strenge endlosigkeit berüaht, hob die hintalossnschoft vaschnüat.
ch 2c) .11/9/8/9 ...8/8/8/10
find no imma ka leita ka seil kan steg, begeh mit meim sein a sakrileg, find no imma kan sichren pflock, lond auf an stoak obgnutztn richtblock
bin nua a sklave da eignen wiaklichkeit, schlepp mi duach die gekrümmte raumzeit, find no imma ka quintessenz, bin ka teu da geheimen präsenz
hob mi stets ins aus ins gegnteu bugsiat, bin zum paganismus konveatiat, find hia no imma ka poatal, send jedes moi des foische signal
woit die kompromisse knackn, wenns sein muass a mit grausomkeit, loss mi net in säcke packn, hob mei blinde rachsucht gebenedeit.
ch 3b) .6+6/4+7 (5+6)/5+6 ...7/8/9/10
vamiss diese stundn in meim vaschwiegnen woid, hob mi festbundn om rauchendn asphoit, hob mi scho vabronnt, kana hot mi vaschont
vazeah mi nochm schein auf meina grenzstation, behoit die datein ois sichaheitsfunktion, hobs knäuel entwiat, hob die panik justiat
hoff auf gedächtnisschwund nua in meina provinz, bin längst vastummt schau weda rechts no links, ois is isoliat, hob zlongsom reagiat
hauptsoch du host füa mi büagt, hauptsoch i hob di net zamüabt, impf mi gegan hoss ongst und feigheit, schenk ma dei zügllose sinnlichkeit.
ch 4a) .6/6/7/6/7 ..6/6 / 6/6/8 ..8/8 / 9/9
kummst ma imma näha, jogst mi duach mein vastond, host spione und späha, stühst ma mei liebespfond, host mi nie gerecht entlohnt
wiast scho imma schnella, host mi beinah eareicht, woa imma dei bestsella, bin etwos obgeschweift, host mi scho wieda aufgweicht
dei foin hot zuagschnoppt, dei gruabm is aufkloppt, des lebm hot foisch züt, die blumen san vablüht, des glocknläutn woa vafrüht
dei schlinge fein ausglegt, dei reuse woa earegt, des lebm kollabiat, die vita dementiat, hot si von alla transfoamiat
i hoff i kriag no moi a chance, eawoch endlich aus diesa trance, die hypnose hot iah wiakung zeigt, mei gonza keapa geniesst und schweigt
i hoff es gibt no a option, eawoch aus diesa suggestion, die methode hot den eafoig brocht, hob in da ondan dimension no glocht.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 02./03./04./08./13./15./16./18./19./22./23./24. mai 2021.pk. ~ überarbeitet am 21. november 2023.pk.
copyright by philipp kirschner.pk. ~ untermalt mit musik von ambrose akinmusire, darren barrett (tp), abraham burton (ts), walter smith iii (ts), immanuel wilkins (ts).
***************************************************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .4+6+7 / 4+6+8 / 6 ...6/7/7/6 / 6/6
und scho wieda drahn si die gedonkn wie a radl in meim hian, knie mi nieda voam gschlossnen schronkn muass die mechanik inspizian, bin söba om rotian
und scho wieda kreisn meine neavn in an wüdn grobm tonz, muass mei fiaba von da hitz entschäafn zeaht heftig on da grundsubstonz, mindat den feinen glonz
und scho wieda wiabln diese soagn sogoa bis in meine träim, hea klogelieda soglei om moagn rund um die uah im trautn heim, ewig tropfenda seim
konn net meah obschoitn, bin stets om knabban und kaun, konn mi net meah entfoitn, in mia des reinste graun, trog a vüz schweare lost, ois is ma scho vahosst.
b 1) .9/8/11/13 ...11/11/8/11
fühl mi völlig nockt und auszogn, bin a weit geöffnetes buach, die ausgrissnen seitn san davongflogn, somml meine dummheitn zu an rohn entwuaf
fühl mi entblättat und unbedeckt, bin a völlig entlaubta baum, hob die moaschn äst und zweig scho längst obgsägt, kletta üban engen steig in diesn hyparaum
fühl mi hüllnlos und gonz entblösst, bin a frisch ausgrobnes skelett, hob mi von oin zwängen endlich gelöst, in diesn dunklen gängen zakrotz i mei schochbrett
gonz leis flüstat a fremde stimm in mei oah, meissl und polia diesn stumpfn marmoa, loss deinen händn frein lauf, dei kreativität is oft in gebrauch.
ch 1a) .7+7/7+7/10 ...11/10/10/8
bin wie a vasunknes wrack aufm tiafstn meeresgrund, häng ois gequöta sondsack direkt üban höllnschlund, mei kuaza hüfeschrei is scho vastummt
bin a oide ruine vagrobm unta da ean, lieg auf da guillotine üba mia da obendstean, mecht a gean kopflos endlich moi zruckkeahn
bin wie a scheabmhaufn im schutt- und aschngemisch, muass mi wieda freikaufn von dem koitn opfatisch, denn jeds ealebnis woa extrem tragisch
hob die positive eneagie valoan, hob mi in diesm labyrinth vafoahn, a endlosschleifn hoit mi fest im griff, hintaloss eich kan obschiedsbrief.
2) .4+6+7 / 4+6+8 / 6 ...6/7/7/6 / 6/6
und scho wieda flutn komplexe details üba mein horizont, mei gefieda bleibt wegn des kriegbeils vom valust da foab net vaschont, steh on voadesta front
und scho wieda toapetian probleme den ruhign togesoblauf, scho solida eatrog i die häme vom brennendn sprechendn strauch, nimm jetzt scho ois in kauf
und scho wieda übaroit mi da stress mit äussast brutala wucht, die spottlieda begleitn mi sinngemäss auf meina sinnlosn flucht, in a vaschlossne gruft
konn mi net meah bremsn, vabeiss mi wie unta zwong, muass meine lückn trensn, wiad zu meim bumarong, hot imma übagwicht, jede woogschoi zabricht.
b 2) .9/8/11/13 ...11/11/8/11
fühl mi duachsichtig und obgschliffn, bin do a roha diamont, die müchign seitn san längst vablichn, da reinheitsgrad vaschlimmbessat si scho penetrant
fühl mi vaschlissn und transparent, bin wie dünne obgstondne luft, die längst vawehtn woate bleibm latent, die vagessne pfoate wiad in amnesien eingstuft
fühl mi wie auf dünnem eis platziat, bin a eingfroanes samenkoan, des vaschmoizne element hot rebelliat, beim experiment hot si ois gegn mi vaschwoan
gonz socht wispat a dumpfe stimm in mei oah, manipulia und motz eam auf dein motoa, loss di treibm von deim instinkt, in deina wochn phase bist ungeschminkt.
d 1) .14/14/6+6 ..5/8/7/7 / 6+7 ..7/8/8/9/6
spia mei müdigkeit in jeda fasa in jeda zön, woit mei unsichtboare kronkheit endlich moi obbestön, nua a winziga punkt hot ins unglück eintunkt
spia mei easchöpfung in jedm knochn obm bis unt, mei imaginäre köpfung steht in goa kan befund, füa an kuazn moment woa jeda strong duachtrennt
lieg nua no herum, mei oabeitsmoaral losst scho noch, foi mit meim delirium, in a tiafes schwoazes loch, ealoschn is des licht, total vaschwommen die sicht
mei puis is labil, mei laschheit is exoabitant, bin a koitblütigs reptil, mei lebm is seah riskant, die sunn von woikn vadeckt, da schottn hot mi easchreckt
mecht wieda zum onfong zruck, nua a poa joah hättn scho greicht, steh donn net meah so unta druck, des echo da zukunft hätt mi gstreift, denn donn wäa i geeicht
hob mein fluchtweg guat geplant, die reseavn san längst vabraucht, vielleicht bin i a simulant, bin vüz oft in söbstmitleid eintaucht, donn hätt i mi vakauft.
ch 1b) .7+7/7+7/10 ...11/10/10/8
bin wie a rieslnda sond im si vaengendn glas, steig hoch ois zaschnittnes bond üban schroffn gebiagspass, mei sinnloses gestöhn mocht kan spass
bin wie a regntropfn aufglöst im vasoiznen mea, mutia beim woiknklopfn zum schwebendn visionäa, easpoa ma des lächaliche gepläa
bin wie a grauweissa staub dea si übaroi festsetzt, des vawökte bunte laub hot si mitm bodn vanetzt, hob mi bei da lebmsdaua vaschätzt
hob die positivn kräfte längst valoan, hob diesa konfusion no net obgschwoan, des endlose déjà-vü klebt on mia, hintaloss ka lebmselixia.
ch 2a) .11/9/8/9 ...8/8/8/10
find no imma kan hofn ka end ka zü, drah die kuabl füas bewäahrungsspü, find no imma kan ausschoitknopf, pock donn die gelegnheit beim schopf
bin nua a marionettn mit kuazschluss, die gstrecktn fühla san im minus, find no imma kan gegnpol, beocht nie des geheimprotokoll
schwimm öftas gegn die logik gegan strom, bleib ma imma treu und autonom, find no imma ka zogne spua, ziag jedes moi on da foischn schnua
woit die traditionen brechn, wenns sein muass a mit roha gwoit, loss mi jetzt von oin freisprechn, hob mit rota foab auf weisse wänd gmoit.
3) .4+6+7 / 4+6+8 / 6 ...6/7/7/6 / 6/6
und scho wieda weadn olle tatn mit vagnügn vauateilt, muass im mieda die stromschnön duachwatn bin zwischn schoafn fösn einkeilt, is long net vaheilt
und scho wieda hogln nua kritikn auf die oabeitn herob, da rechnschieba biagt vüz vü risikn untam rastamikroskop, is da foische mossstob
und scho wieda hom si die strapazn no imma weida ausdehnt, hob die schloflieda auf da matratzn kategorisch und strikt obglehnt, loss jetzt ois uneawähnt
konn nix meah vadrängen, ois hot si in mia vaboaht, bins opfa in den fängen, vom psychischn tatoat, des pech is a magnet, wuade mit mia vanäht.
b 3) .9/8/11/13 ...11/11/8/11
fühl mi zabrechlich und zaschundn, bin a glitzenda eiskristoi, des gschmoizne wossa is vüz schnö entschwundn, bin da vafossa vom allegorischn symboi
fühl mi oi meina sinne beraubt, bin a wünloses subjekt, oi meine muskln san vakrompft und vaschraubt, beschreib nua in minuskln mein dominoeffekt
fühl mi wie auf diesa schiefn bahn, hia gibts ka stütze und kan hoit, da bebende bodn is aus cellophan, füll mit meinen methodn jedn innren zwiespoit
gonz zoat säuslt a hoate stimm in mei oah, somml und empfong daten vom detektoa, loss da phantasie funkn sprühn, dei produktivität wiad long net vaglühn.
d 2) .14/14/6+6 ..5/8/7/7 / 6+7 ..7/8/8/9/6
spia mei zaschlognheit von da hoaspitzn bis zum zeh, mei voikommne ausgewognheit is scho längst passé, a geringsta hauch genügt scho is ois umpflügt
spia mei vahängnis direkt übaroi um mi herum, brauch füa mei söbst gwöhtes gfängnis a gültiges visum, beim geringstn onloss steckt da schlüssl im schloss
mei faulheit stets gwinnt, mei eifa is scho seah begrenzt, des potenzial zschnö zarinnt, hobs donn mitm nix eagänzt, im vakuum eawocht, is wie in an brunnenschocht
mei frequenz wiad gsteat, mei lethargie is explodiat, bin wieda seitnvakeaht, mei lebm is reduziat, da mond wiad nei geboan, sei runds vois gsicht is eingfroan
hob den mittlteil vasäumt, vüz schnö vagongen woa des heut, mei inspiration woa einzäunt, hätt ma jede szene eingebleut, wäa söbst mei therapeut
hob mein notausgong kaschiat, mei ausdaua is unta null, hob ois hypochonda hausiat, mei melancholie is des modul, füa an üblen beichtstuhl.
e 1) .8/11/9/12 ..7/8/7/8 / 6+5
hob jetzt niemondn meah vatraut, so vü unnützes zeug hot si scho aufgstaut, loss niemondn meah nah on mi ron, hoit eam no in zaum mein ungezähmtn dämon
hob mi on niemondn onglehnt, hob jede oat von distonz heabeigesehnt, loss afoch ka hoffnung meah entstehn, diese situation is füa mi seah bequem
kennts ma do eh net helfn, do bleib i liaba gonz allan, fong mei bluad auf in kelchn, träufls duach a feine membran, beim letztn obendmahl gibts ka ritual.
ch 1c) .7+7/7+7/10 ...11/10/10/8
bin wie gfongne luftblosn im ewign gletschaeis, die giftdoanen da rosn gwinnen nua den eastn preis, mei stimm stöt die weichn zum foischn gleis
bin wie eastoate lava scho längst zu aschn zafoin, ealeb ois in zeitraffa wü afoch nix wiedakäun, wea von da vagongnheit goa nix bereun
bin wie des ungeziefa im florierendm unkraut, wea imma destruktiva ritz ma keabm in mei haut, hob depressive utopien baut
hob die positive stäake längst valoan, hob ma mei eigne spiroin auseakoan, schreib aufm endlospapia mein roman, hintaloss eich goa kan hoizspan.
ch 2b) .11/9/8/9 ...8/8/8/10
find no imma ka glända ka doch kan guat, vaweiga strikt den finaln spuat, find no imma ka drehventü, ignoarias glotte reifnprofü
bin nua a lakai gonz ohne unifoam, gib ma söba die billigstn spoan, find no imma ka wiaksomkeit, wuade in ka geheimnis eingweiht
drah mi peamanent um hundatochzig grad, nua i benutz mein bewäahtn pfad, find no imma kan grodn strich, vauasoch jeds moi an tiafn stich
woit die konventionen sprengen, wenns sein muass gonz totalitäa, loss mi hia goa net einengen, eazeug donn a brünstiges flommenmea.
ch 3a) .6+6/4+7 (5+6)/5+6 ...7/8/9/10
vamiss die oidn tog in meina eignen wöd, steh auf an schlog mittn auf an minenföd, jeda schritt vasinkt, jeda schochzug misslingt
vazeah mi noch da nocht in meim dezentn lond, blinzl in da schlocht seah zoghoft üban rond, hobs chaos eablickt, hot die ängste vaschickt
hoff auf vagesslichkeit in meim klan revia, suach die weisheit und des lebmselixia, ois hot si zastreut, hob mi longsom eahoit
hauptsoch du host mi beschützt, hauptsoch du host mi untastützt, injizia ma dei liebe dein mut, schenk ma dei valockend zünglnde glut.
4) .4+6+7 / 4+6+8 / 6 ...6/7/7/6 / 6/6
und scho wieda wean diese gmochtn föhla bis ins finstre eck ausgroit, mei gebieta beleuchtet die denkmöla, hot schmähwöata fest vaschnoit, hot mas guat eingebleut
und scho wieda wiad mei vüz kuaza schlof von oiptraim schändlich missbraucht, mei woanpiepa zwingt mi unta des joch hot mei söbstweatgefühl zommgstaucht, hob vü schlechtes ausghaucht
und scho wieda wözt si wie a lawin ois negative zu mia, die schmählieda wiakn scho wie strychnin bin hoit a leichtes beutetia, bin a willigs haustia
konn nix meah wegweafn, ois brütet fleissig im nest, muass mei gleichgwicht vaschäafn, im letztn übarest, bin om hakn festzuat, diesa pfeil hot scho gsuat.
b 4) .9/8/11/13 ...11/11/8/11
fühl mi beschädigt und obgstossn, bin blinda passagia im stuam, hob scho so vü tränen und schweiss vagossn, meine schlaffn sehnen san vakümmat wie vom wuam
fühl mi ausgleiat und ramponiat, bin a voglscheichn im föd, die faulign wuazln hom net funktioniat, des stete hinobpuazln hot mein schutzschüd obgschöt
fühl mi da wittarung preisgebm, bin a mineral im gestein, auf da besn zung wean siass und saua schwebm, da nägste weite sprung wiad die woahheit entzwein
gonz sonft muamlt a rauhe stimm in mei oah, sabotia diesn lebmssimulatoa, loss diesm wahnsinn freie hond, donn eakennst die schwoaze seitn vom voimond.
d 3) .14/14/6+6 ..5/8/7/7 / 6+7 ..7/8/8/9/6
spia mei mattigkeit in jeda von meinen innarein, mei unfähigkeit bezichtigt si söbst den schlomparein, die knoppste diffarenz streift scho die inzidenz
spia des vadeabm mit an katastrophaln elan, meine beschweadn san wie a eruptiva vuikan, in da obglaufnen frist wea i zum antichrist
mei apathie woxt, mei konzentration is obgstüazt, hob mi söba niedaboxt, mi mit offne wundn gwüazt, des wossa is vadompft, die lung hot noch frischluft gstompft
mei zentrum hot gstreikt, die passivität is mei strof, da zenit hot si vaneigt, mei lebm hot kan rohstoff, die stean hütn an schotz, und moasn den losungssotz
hob mei reise obsolviat, des gestan is scho vüz long aus, hob mi wieda kuaz motiviat, untastütz mi söba mit applaus, bau mia a koatnhaus
bewoah meinen untaschlupf, des reseavoir is längst entleat, markias mit an neutraln tupf, hobs fiasko mit kumma eanäaht, die quoin san scho hamkeaht.
e 2) .8/11/9/12 ..7/8/7/8 / 6+5
valoss mi auf niemondn meah, des sinnlose eigntum is gonz konträa, loss niemondn meah in mein bereich, die wüde kreatua in mia is übareif
hob mi on niemondn ongschmiegt, nua die weite feane hot mi im schoss gwiegt, mei zuvasicht is ziemlich gedämpft, hob mi in diesa konstellation obgekämpft
eawoat von eich kan nutzn, zieh mei traute einsomkeit voa, hüll mi nua in kapuzn, spia jetzt ois üba an sensoa, beim letztn sakrament is nix existent
niemond bietet mia an rückhoit, des konsumian is a kronkhofte vüfoit, loss niemondn meah in meine sphäan, des phantom woit mi imma scho bekeahn
hob mit niemondn meah onknüpft, bin wieda in die weitläufigkeit entschlüpft, die gewissheit nimmt von mia besitz, dieses vahötnis foaht ein wie da grelle blitz
hob den föadapreis negiat, ziag die reissleine vom foischiam, hob mi ois spende kodiat, die nodl füaht den rotn zwian, bei da letztn ondocht is ois obgeflocht.
f 1) .8/12/8/12 ..10/12/9/9 ..11/10/10/11
schleichts eich endlich lossts mi in ruah, moch in diesa zwongsjockn ka guade figua, vapissts eich endlich aus meim zelt, hob mi aufm ongschnoitn bett wieda vamählt
gehts ma ausm augnaufschlog, vaschmia die sübane tintn aufm vatrog, vaschwindts endlich von meim plateau, spü hia nua mit zabrochnen steinen domino
wü eich net meah riachn hean oda sehn, scheiss auf eire rotschläg i bin da kapitän, setz jetzt die segl foah mitm wind, hob die nägste stufn scho vadient
konn eich net meah riachn sehn oda hean, vagiss glei eire tipps soin sie niemois bewäahn, fliag mit weissn woikn um die wett, trog mi söbst auf an goidnen tablett
hob mitm pinsl mei bewusstsein eingfäabt, hob den regnbogn weita vaeabt, mei sö is do wie a chamäleon, hob jedn aggregatzuastond im genom.
ch 1d) .7+7/7+7/10 ...11/10/10/8
bin wie a ausgstopftes tia in an gruslkabinett, tonz in meina steifn gia in da illusion ballett, trog mei vadoats heaz om richtign fleck
bin wie diese pandemie die jeds lebm süchtig mocht, streichl die anomalie in iahra gesomtn procht, treib ufalos auf an frisch presstn soft
bin wie die letzte notn in ana komposition, da kompliziate knotn eateilt die obsolution, vauasocht donn a kettnreaktion
hob die positive dynamik valoan, foig den charaktaristischn vektoan, hob die strenge endlosigkeit berüaht, hob die hintalossnschoft vaschnüat.
ch 2c) .11/9/8/9 ...8/8/8/10
find no imma ka leita ka seil kan steg, begeh mit meim sein a sakrileg, find no imma kan sichren pflock, lond auf an stoak obgnutztn richtblock
bin nua a sklave da eignen wiaklichkeit, schlepp mi duach die gekrümmte raumzeit, find no imma ka quintessenz, bin ka teu da geheimen präsenz
hob mi stets ins aus ins gegnteu bugsiat, bin zum paganismus konveatiat, find hia no imma ka poatal, send jedes moi des foische signal
woit die kompromisse knackn, wenns sein muass a mit grausomkeit, loss mi net in säcke packn, hob mei blinde rachsucht gebenedeit.
ch 3b) .6+6/4+7 (5+6)/5+6 ...7/8/9/10
vamiss diese stundn in meim vaschwiegnen woid, hob mi festbundn om rauchendn asphoit, hob mi scho vabronnt, kana hot mi vaschont
vazeah mi nochm schein auf meina grenzstation, behoit die datein ois sichaheitsfunktion, hobs knäuel entwiat, hob die panik justiat
hoff auf gedächtnisschwund nua in meina provinz, bin längst vastummt schau weda rechts no links, ois is isoliat, hob zlongsom reagiat
hauptsoch du host füa mi büagt, hauptsoch i hob di net zamüabt, impf mi gegan hoss ongst und feigheit, schenk ma dei zügllose sinnlichkeit.
ch 4a) .6/6/7/6/7 ..6/6 / 6/6/8 ..8/8 / 9/9
kummst ma imma näha, jogst mi duach mein vastond, host spione und späha, stühst ma mei liebespfond, host mi nie gerecht entlohnt
wiast scho imma schnella, host mi beinah eareicht, woa imma dei bestsella, bin etwos obgeschweift, host mi scho wieda aufgweicht
dei foin hot zuagschnoppt, dei gruabm is aufkloppt, des lebm hot foisch züt, die blumen san vablüht, des glocknläutn woa vafrüht
dei schlinge fein ausglegt, dei reuse woa earegt, des lebm kollabiat, die vita dementiat, hot si von alla transfoamiat
i hoff i kriag no moi a chance, eawoch endlich aus diesa trance, die hypnose hot iah wiakung zeigt, mei gonza keapa geniesst und schweigt
i hoff es gibt no a option, eawoch aus diesa suggestion, die methode hot den eafoig brocht, hob in da ondan dimension no glocht.
geschrieben am 02./03./04./08./13./15./16./18./19./22./23./24. mai 2021.pk. ~ überarbeitet am 21. november 2023.pk.
copyright by philipp kirschner.pk. ~ untermalt mit musik von ambrose akinmusire, darren barrett (tp), abraham burton (ts), walter smith iii (ts), immanuel wilkins (ts).
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen