damit ihr euch nicht länger langweilt, darf ich euch nun auch schon den nächsten text präsentieren, der da lautet: 408. | vagabund. ich will euch gar nicht zu lange aufhalten. Hier ist er auch schon:
>>>>>>>>>>>>>>>><<<<<<<<<<<<<<<
408. | vagabund.
1) .6/8/6/7 / 13
lauf meim lebm davon, des lebm jogt ma hintahea, bin da zeit weit voaraus, do die schritt foin ma scho schwea, die situation meines keapas wiad scho prekäa
bin mit meim heaz synchron, des heaz schlogt in an wüdn takt, hea scho den vün applaus, die schritt hom si scho vahakt, meine knochn hom mit schraubm kontakt
mei hond winkt no an gruss, wosch mei eigne hond in unschuid, hob die zeiga entleat, do die schritt hom ka geduid, hetzn von an oat zum ondan wie a katapuit
mei mund schickt no an kuss, tu nua die reine woahheit kund, des rad draht si vakeaht, bin a oida vagabund, geniess tog und nocht zu jeda zeit zu jeda stund.
2) .6/8/6/7 / 13
flücht ausm lebmskreis, da kreis is zua kugl rotiat, hobs end no net eareicht, hob die wond scho fokussiat, hob darauf mystische hieroglyphn eingraviat
da ausbrochne ongstschweiss, hot meine phobien kennagleant, a hauch hot mi scho gstreift, die wond is no weit entfeant, hob diese depressive phase wieda entkeant
bin stets im daualauf, spia scho den rauhn mearesgrund, die blumen scho vablüht, bin jetzt no a vagabund, geniess mond und stean zu jeda zeit zu jeda stund.
ch 1a) .9/15/6 (7)/9 (8)
hintaloss guat sichtboa meine spuan, die natüalichn elemente homs bestimmt scho zasteat, setz stets gnua akzente, hob wieda mei innastes entleat
schemenhoft siagt ma meine kontuan, die longgezognen schottn hom dem nebl die sicht vaspeat, des läutn da glockn, hot mein leisn seufza übaheat
hintaloss auf meim weg gnua gravuan, mei spezielles symboi is scho auf da gonzn wöd auftaucht, mei gsendetes signoi, vom wind vaweht vom feia varaucht
a vagabund in oidn kultuan, hot sei lebm auf da wondaschoft völlig friedlich ausghaucht, sei obgegebne kroft, hot die natua wieda eingekauft.
gib meim lebm die spoan, des lebm hot mi übahoit, da tropfn höhlt den stein, ziag om fodn scho mit gwoit, da kompliziate knotn vaheddat si im spoit
hob gedonkn valoan, bleibm in da eadn vasteckt, glänzn im sonnenschein, wonn da schnee sie wach zuadeckt, do die kötn hot den wintaschlof no net aufgweckt
da sprung woa net duachdocht, da traum vom fliegn unbekonnt, meine fliagl san gstutzt, jeda fodn is vasponnt, des feine vaschmoizne drahtgstö hot si zvü gesonnt
den foischiam net aufgmocht, da schrei is donn abrupt vastummt, meine fedan vaschmutzt, bin und bleib a vagabund, geniess jetzt mei flucht zu jeda zeit zu jeda stund.
des moasche lebmsbond, hot scho ziemlich brüchige stön, da kleba vaheilt schlecht, konn die wundn net meah zöhn, die vün krotza und schrammen konn kana meah stöhn
da domm bricht dröhnend laut, des echo flieht ind ewigkeit, hob scho vazweiflt gsuacht, noch indolenta freiheit, do mei immunsystem hot ma die grenzn aufzeigt
do ois hot si aufgstaut, hob die reine woahheit vamummt, explodiat is mei fuacht, bin scho long a vagabund, geniess mein ausbruch zu jeda zeit zu jeda stund.
b 1) .7/5/7/6 / 7/8
muass afoch imma weita, ohne untaloss, steh auf da moaschn leita, hoi aus zum gegnstoss, was net wos mei zukunft bringt, vatrau nua auf meim uainstinkt
es wiad niemois aufgebm, die bruckn zabricht, spia des zittan des bebm, mia graut scho voa da pflicht, hob meine rechte vaspüt, hob wie imma a gonz foisch züt
die quoin brenna gonz tiaf drin, is a labyrinth, des eagibt afoch kan sinn, hob des ois net vadient, valauf mi oft in meim reich, nimm die kreuzungen imma gleich
mecht jedes rätsl lösn, jede foin duachschaun, mei innastes entblössn, valoan is mei vatraun, fühl mi so nichtig und klan, bin scho seit joahn gonz allan.
ch 1b) .9/15/6 (7)/9 (8)
hintaloss sichtboa meine obdrück, die natüalichn elemente homs bestimmt scho weggschwemmt, diese instrumente, hom die details vom obfoi getrennt
brauch von mia söba a gegnstück, mei eagrauta schottn hot si im trübm spiegl einklemmt, in diesn feuchtn grottn, san die träume gonz ungehemmt
hob auf meim weg net oi zu vü glück, gezinkte wüafl und koatn hom die figuan schochmatt gsetzt, im vawunschnen goatn, san olle seifnblosn zafetzt
da vagabund schaut voa und zurück, hot sei gonze eainnarung mit den vastoabnen vanetzt, hot sein onstehendn sprung, a mit onlauf ziemlich vaschätzt.
gonz stü hamlich und leis, flüstat die tiafe stimmung mia an stechendn schmeaz ins oah, bei meina söbstbesinnung, eakenn i mein eignen vektoa
und aufm obstögleis, schiasst a waggon voibelodn mit soagn a eigntoa, aufm zatrompltn bodn, lieg i in dem korridoa
in festa finstanis, schleicht si die melancholie in mein kronkn geschwächtn kean, während meina amnesie, spia i ka kötn a kan läam
in dem winzign riss, vasickat bedächtig gemächlich wie im tiafschlof mei stean, fühl mi wie unzeabrechlich, in diesm variablen term.
5) .6/8/6/7 / 13
des lebm mit mia spüt, schwimm oba imma gegan strom, die wön san scho vüz hoch, siag ois nua no monochrom, die luft in meinen lungen ahnt wos von an symptom
mei sö longsom vaglüht, mei lochn heult net nua zum mond, vawondl mi im loch, bekämpf mi söbst on da front, hob mi in meina eignen fehde net meah geschont
bin gfesslt und vapockt, dieses glända bleibt unsichtboa, gfongen in an kubus, die tränen san rein und kloa, sammls in an sichren untaiadischn tresoa
lieg gekrümmt und gonz nockt, mei dünne haut scheuat si wund, mei zuastond so konfus, bin trotzdem a vagabund, geniess den zuastond zu jeda zeit zu jeda stund.
6) .6/8/6/7 / 13
mei lebm treibt mi on, untam wossafoi is vasteck, da sog druckt mi hinob, tauch niemois om söbm fleck, suach mei avatar mei lebmszü mei amulett
bin a chamäleon, jeds gfüh hoch obm donn gonz tief, zabrich mein wondastob, lies jetzt den vabronntn brief, die vaschlüsslte botschoft is zuagspitzt schräg und schief
hob mei strof scho vabüsst, knie trotzdem voam rotn schlund, foig blindlings dem magnet, bin reala vagabund, geniess den status zu jeda zeit zu jeda stund.
b 2) .7/5/7/6 / 7/8
muass mi afoch bewegn, deaf niemois stüstehn, tonz donn im woamen regn, muass mi glei weita drehn, behoit nua mein katalog, bin diametral reziprok
deaf jetzt jo net vasogn, do des seil zareisst, spia des schneidn des nogn, no imma eingekreist, start jetzt an nein vasuch, die membran geht vüz leicht zu bruch
des komplexe mosaik, wiad niemois voibrocht, om schluss föht donn die logik, füa die gesomte procht, so vü lückn im system, wean zum vüschichtign problem
wü mei geheimnis wissn, den zaun übaquean, mei innastes weggschmissn, valoan san meine sphäan, fühl mi so billig und floch, hoit seit joahn nua mit mia zwiesproch.
ras vom toi zum beag auf ana wüdn ochtabohn, fühl mi doat autark ungebunden und autonom, bin wieda enoam motiviat, hob mi darauf fokussiat
do iagendwos zwingt mi gonz unbewusst auf die knie, befreits mi aus diesa schweamütign anomalie, iagendwos hot noch mia gschnoppt, hob mi total vaausgobt
duachstreif wiesn und woid unta woikn mitm wind, fühl mi souvarän eignständig und söbstbestimmt, bin wieda ans mit da natua, meista so vü mit bravour
do iagendwos drängt mi gonz unbewusst in a eck, befreits mi vom vastaubtn pessimistischn schochbrett, iagendwos hot mi vafoigt, hob mi vüz tiaf voagebeugt
meine augnlida foin ma zua, diesa wahnsinn losst ma ka ruah, diesa oat is des chaos pua; die panik hot mi eafasst, wieda so vü eneagie vaprasst.
ch 1b) .9/15/6 (7)/9 (8)
hintaloss guat sichtboa an hinweis, die natüalichn elemente hom eam scho längst foatgspült, diese experimente, hom die weissn strände zuagmüllt
peafekt vaboagn ruht des glotteis, mei vaschwommna schottn hot bereits des bunte laub duachwühlt, die zabrochnen fösplottn, hom vasteinats lebm enthüllt
des ufa vom fluss woa steil und glott, spitze schoafkantige klippm streichln mei aufgraute schoin, duach mei heftigs kopfnickn, san meine neuronen ongschwoin
diesa vagabund in seinem boot, schwebt duachs aufgwühlte wossa und eatrinkt fost beim otemhoin, bin do dea vafossa, von diesn längst vastummten paroin.
ch 2b) .6/15/7 (8)/8 (7)
gonz gedämpft und dezent, muamlt die magische aura mia des gwissn ins gemüt, bin do söba a maura, bau mit den ziegln an schutzschüd
und jeds klanste fragment, hot si on den psychotischn stimmungsschwonkungen vabrüht, auf diesn opfatischn, is da sinn des lebms vaglüht
lauf meim lebm davon, des lebm jogt ma hintahea, bin da zeit weit voaraus, do die schritt foin ma scho schwea, die situation meines keapas wiad scho prekäa
bin mit meim heaz synchron, des heaz schlogt in an wüdn takt, hea scho den vün applaus, die schritt hom si scho vahakt, meine knochn hom mit schraubm kontakt
mei hond winkt no an gruss, wosch mei eigne hond in unschuid, hob die zeiga entleat, do die schritt hom ka geduid, hetzn von an oat zum ondan wie a katapuit
mei mund schickt no an kuss, tu nua die reine woahheit kund, des rad draht si vakeaht, bin a oida vagabund, geniess tog und nocht zu jeda zeit zu jeda stund.
2) .6/8/6/7 / 13
flücht ausm lebmskreis, da kreis is zua kugl rotiat, hobs end no net eareicht, hob die wond scho fokussiat, hob darauf mystische hieroglyphn eingraviat
da ausbrochne ongstschweiss, hot meine phobien kennagleant, a hauch hot mi scho gstreift, die wond is no weit entfeant, hob diese depressive phase wieda entkeant
bin stets im daualauf, spia scho den rauhn mearesgrund, die blumen scho vablüht, bin jetzt no a vagabund, geniess mond und stean zu jeda zeit zu jeda stund.
ch 1a) .9/15/6 (7)/9 (8)
hintaloss guat sichtboa meine spuan, die natüalichn elemente homs bestimmt scho zasteat, setz stets gnua akzente, hob wieda mei innastes entleat
schemenhoft siagt ma meine kontuan, die longgezognen schottn hom dem nebl die sicht vaspeat, des läutn da glockn, hot mein leisn seufza übaheat
hintaloss auf meim weg gnua gravuan, mei spezielles symboi is scho auf da gonzn wöd auftaucht, mei gsendetes signoi, vom wind vaweht vom feia varaucht
a vagabund in oidn kultuan, hot sei lebm auf da wondaschoft völlig friedlich ausghaucht, sei obgegebne kroft, hot die natua wieda eingekauft.
gib meim lebm die spoan, des lebm hot mi übahoit, da tropfn höhlt den stein, ziag om fodn scho mit gwoit, da kompliziate knotn vaheddat si im spoit
hob gedonkn valoan, bleibm in da eadn vasteckt, glänzn im sonnenschein, wonn da schnee sie wach zuadeckt, do die kötn hot den wintaschlof no net aufgweckt
da sprung woa net duachdocht, da traum vom fliegn unbekonnt, meine fliagl san gstutzt, jeda fodn is vasponnt, des feine vaschmoizne drahtgstö hot si zvü gesonnt
den foischiam net aufgmocht, da schrei is donn abrupt vastummt, meine fedan vaschmutzt, bin und bleib a vagabund, geniess jetzt mei flucht zu jeda zeit zu jeda stund.
des moasche lebmsbond, hot scho ziemlich brüchige stön, da kleba vaheilt schlecht, konn die wundn net meah zöhn, die vün krotza und schrammen konn kana meah stöhn
da domm bricht dröhnend laut, des echo flieht ind ewigkeit, hob scho vazweiflt gsuacht, noch indolenta freiheit, do mei immunsystem hot ma die grenzn aufzeigt
do ois hot si aufgstaut, hob die reine woahheit vamummt, explodiat is mei fuacht, bin scho long a vagabund, geniess mein ausbruch zu jeda zeit zu jeda stund.
b 1) .7/5/7/6 / 7/8
muass afoch imma weita, ohne untaloss, steh auf da moaschn leita, hoi aus zum gegnstoss, was net wos mei zukunft bringt, vatrau nua auf meim uainstinkt
es wiad niemois aufgebm, die bruckn zabricht, spia des zittan des bebm, mia graut scho voa da pflicht, hob meine rechte vaspüt, hob wie imma a gonz foisch züt
die quoin brenna gonz tiaf drin, is a labyrinth, des eagibt afoch kan sinn, hob des ois net vadient, valauf mi oft in meim reich, nimm die kreuzungen imma gleich
mecht jedes rätsl lösn, jede foin duachschaun, mei innastes entblössn, valoan is mei vatraun, fühl mi so nichtig und klan, bin scho seit joahn gonz allan.
ch 1b) .9/15/6 (7)/9 (8)
hintaloss sichtboa meine obdrück, die natüalichn elemente homs bestimmt scho weggschwemmt, diese instrumente, hom die details vom obfoi getrennt
brauch von mia söba a gegnstück, mei eagrauta schottn hot si im trübm spiegl einklemmt, in diesn feuchtn grottn, san die träume gonz ungehemmt
hob auf meim weg net oi zu vü glück, gezinkte wüafl und koatn hom die figuan schochmatt gsetzt, im vawunschnen goatn, san olle seifnblosn zafetzt
da vagabund schaut voa und zurück, hot sei gonze eainnarung mit den vastoabnen vanetzt, hot sein onstehendn sprung, a mit onlauf ziemlich vaschätzt.
gonz stü hamlich und leis, flüstat die tiafe stimmung mia an stechendn schmeaz ins oah, bei meina söbstbesinnung, eakenn i mein eignen vektoa
und aufm obstögleis, schiasst a waggon voibelodn mit soagn a eigntoa, aufm zatrompltn bodn, lieg i in dem korridoa
in festa finstanis, schleicht si die melancholie in mein kronkn geschwächtn kean, während meina amnesie, spia i ka kötn a kan läam
in dem winzign riss, vasickat bedächtig gemächlich wie im tiafschlof mei stean, fühl mi wie unzeabrechlich, in diesm variablen term.
5) .6/8/6/7 / 13
des lebm mit mia spüt, schwimm oba imma gegan strom, die wön san scho vüz hoch, siag ois nua no monochrom, die luft in meinen lungen ahnt wos von an symptom
mei sö longsom vaglüht, mei lochn heult net nua zum mond, vawondl mi im loch, bekämpf mi söbst on da front, hob mi in meina eignen fehde net meah geschont
bin gfesslt und vapockt, dieses glända bleibt unsichtboa, gfongen in an kubus, die tränen san rein und kloa, sammls in an sichren untaiadischn tresoa
lieg gekrümmt und gonz nockt, mei dünne haut scheuat si wund, mei zuastond so konfus, bin trotzdem a vagabund, geniess den zuastond zu jeda zeit zu jeda stund.
6) .6/8/6/7 / 13
mei lebm treibt mi on, untam wossafoi is vasteck, da sog druckt mi hinob, tauch niemois om söbm fleck, suach mei avatar mei lebmszü mei amulett
bin a chamäleon, jeds gfüh hoch obm donn gonz tief, zabrich mein wondastob, lies jetzt den vabronntn brief, die vaschlüsslte botschoft is zuagspitzt schräg und schief
hob mei strof scho vabüsst, knie trotzdem voam rotn schlund, foig blindlings dem magnet, bin reala vagabund, geniess den status zu jeda zeit zu jeda stund.
b 2) .7/5/7/6 / 7/8
muass mi afoch bewegn, deaf niemois stüstehn, tonz donn im woamen regn, muass mi glei weita drehn, behoit nua mein katalog, bin diametral reziprok
deaf jetzt jo net vasogn, do des seil zareisst, spia des schneidn des nogn, no imma eingekreist, start jetzt an nein vasuch, die membran geht vüz leicht zu bruch
des komplexe mosaik, wiad niemois voibrocht, om schluss föht donn die logik, füa die gesomte procht, so vü lückn im system, wean zum vüschichtign problem
wü mei geheimnis wissn, den zaun übaquean, mei innastes weggschmissn, valoan san meine sphäan, fühl mi so billig und floch, hoit seit joahn nua mit mia zwiesproch.
ras vom toi zum beag auf ana wüdn ochtabohn, fühl mi doat autark ungebunden und autonom, bin wieda enoam motiviat, hob mi darauf fokussiat
do iagendwos zwingt mi gonz unbewusst auf die knie, befreits mi aus diesa schweamütign anomalie, iagendwos hot noch mia gschnoppt, hob mi total vaausgobt
duachstreif wiesn und woid unta woikn mitm wind, fühl mi souvarän eignständig und söbstbestimmt, bin wieda ans mit da natua, meista so vü mit bravour
do iagendwos drängt mi gonz unbewusst in a eck, befreits mi vom vastaubtn pessimistischn schochbrett, iagendwos hot mi vafoigt, hob mi vüz tiaf voagebeugt
meine augnlida foin ma zua, diesa wahnsinn losst ma ka ruah, diesa oat is des chaos pua; die panik hot mi eafasst, wieda so vü eneagie vaprasst.
ch 1b) .9/15/6 (7)/9 (8)
hintaloss guat sichtboa an hinweis, die natüalichn elemente hom eam scho längst foatgspült, diese experimente, hom die weissn strände zuagmüllt
peafekt vaboagn ruht des glotteis, mei vaschwommna schottn hot bereits des bunte laub duachwühlt, die zabrochnen fösplottn, hom vasteinats lebm enthüllt
des ufa vom fluss woa steil und glott, spitze schoafkantige klippm streichln mei aufgraute schoin, duach mei heftigs kopfnickn, san meine neuronen ongschwoin
diesa vagabund in seinem boot, schwebt duachs aufgwühlte wossa und eatrinkt fost beim otemhoin, bin do dea vafossa, von diesn längst vastummten paroin.
ch 2b) .6/15/7 (8)/8 (7)
gonz gedämpft und dezent, muamlt die magische aura mia des gwissn ins gemüt, bin do söba a maura, bau mit den ziegln an schutzschüd
und jeds klanste fragment, hot si on den psychotischn stimmungsschwonkungen vabrüht, auf diesn opfatischn, is da sinn des lebms vaglüht
in obsoluta nocht, schlänglt si
die schizophrenie in mein kranken knotnpunkt, die beginnende agonie, hot scho
zoat ins licht eintunkt
diesa vakoihte docht, hot die wüdfremdn dimensionen in die wiaklichkeit gfunkt, bin auf meinen missionen, scho so oft ondächtig vastummt.
ch 3a) .7+6+5/8/10 ..13/10/7/6
zwischn diesn extremen wondat da vagabund quea duach raum und zeit, hot des fiamament scho berüaht, is in vün geheimnisse eingweiht
on den äussastn grenzn woatet da vagabund auf an neibeginn, hot scho sein vastond fest vaschnüat, benötigt nua sei eigne medizin
da vagabund hot scho sei innres gleichgwicht valoan, diese woogschoin san goa net meah ident, seine sensiblen sensoan, san net meah resistent
dem vagabund san seine synapsn scho zuagfroan, seine neavn san gänzlich transparent, seine defektn motoan, san scho ineffizient.
trog meim lebm nix noch, mia hot jo a kana wos gschenkt, woa no nie auf an fest, iagendwea hot mi foisch glenkt, hob no nie wiaklich an richtign treffa vasenkt
vasteh jetzt goa ka sproch, die wöata san ma unbekonnt, des lebm is a test, bin scho zua gänze ausbronnt, a psychische müdigkeit hot mi scho übamonnt
hob den hofn vapasst, die letzte kuavn woa brutal, hob die kreizung vasäumt, gfrei mi auf mei ritual, mit meina zeremonie eareich i des poatal
die fahne aufm mast, signalisiat an sötnen fund, hob vüz wenig varäumt, bin geboan ois vagabund, geniess den letztn spuat jedazeit zu jeda stund.
8) .6/8/6/7 / 13
des lebm a lawin, die lawa kummt vüz schnö ins roin, tüamt si zu an gebiag, da boch scho wieda ongschwoin, on beidn ufaseitn hom die küste bestoihn
die zeit is mei toxin, hob des end no amoi vajogt, liegt net in meim beziak, hob danoch a goa net gfrogt, in diesa niemondszone is lebm untasogt
a hond winkt ma no zua, freindliche augn schaun mi on, blick von untn hinauf, zum bodnlosn balkon, eakenn die silhouettn vom grinsendn dämon
wü do endlich mei ruah, hoffentlich wead i wieda gsund, nimm jetzt scho ois in kauf, leb und steab ois vagabund, geniess des obendrot jedazeit zu jeda stund.
9) .6/8/6/7 / 13
denn mei lebmsspindl, spult diese schnua imma meah auf, des end kummt scho vüz kuaz, vaschwommen im neblrauch, a mystische eascheinung steht im brennendn strauch
es pockt mi da schwindl, die balance is pletzlich ausgfoin, aufm weg a fösstuaz, weit entfeantes donnagroin, des innre gwitta hot die blitze scho längst zamoihn
des banna weht om schluss, weihrauchgeruch liegt in da luft, keazn san scho varaucht, mei schicksoi scho widaruft, oi die valognen prognosn londn in da gruft
hob mein eignen rhythmus, zruck bleibt nua da sölische schwund, wiad glei wieda zommgstaucht, bin und bleib a vagabund, geniess die dämmarung jedazeit zu jeda stund.
muass afoch weita rennen, brauch kan stau kan hoit, mecht des wos woa obtrennen, do es gibt ka vüfoit, ois mündet vom muttamal, ins abstrakte transzendental
soi mi jetzt voi konzentrian, do des schiff zaschöt, spüa des zateiln des sezian, und scho wieda vazöht, vüz schnö gschmoizn san die joah, stö mi no imma jeda gfoah
des puzzle is föhlahoft, jeds teil passt net zomm, hob des gemälde net gschofft, bewan diesn baumstomm, nua a wuazl bleibt bestehn, a winziga trieb hot scho wehn
mecht des unbekonnte sehn, ontwoatn eafoahn, konn die frogn net vastehn, hob mi im sein valoan, hob mi wieda moi vaiat, bin scho seit joahn korrodiat.
d 2) .13/13/8/7 .13/14/7/7 ...9/8/8 / 7/9
steig vom beag ins toi mit gnua saltos und übaschläg, fühl mi unobhängig und grenznlos auf meim weg, bin a letztes moi engagiat, hob mi kuaz spezifiziat
do iagendwos nötigt mi unbewusst auf an stuhl, befreits mi do aus diesm depressivn sündnpfuhl, iagendwos stiazt si auf mi, obgrennt is mei garantie
duachstöba moor und sumpf bei jedm wettaumschwung, fühl mi uneingeschränkt unbeschweat stets aufm sprung, bin mit da natua gut freind, bin wieda flüchtig aufkeimt
meine lungen hom si scho entleat, diesa wahnsinn hot si vameaht, diesa oat hot mi net aufkläat; des grausn steht voa da tüa, hob füas eneagiespoan goa ka gspüa
mei sinusknotn is obgeschabt, da wahnsinn hot si dron ealabt, des chaos is hia hochbegabt; da schreckn foaht duachs gebein, die reseavn nua a kieslstein.
e 1) .8/8/10/6/6 ....6/7/7/9 / 7/6
kettets mi do net on an pflock, fesslts mi net die fiass und händ, noglts mi net aufs hoiz on kane wänd, lossts ma mein horizont, schickts mi net on die front
gebts ma afoch den wondastock, öffnets eire fensta und tüan, mecht ois vagabund die natua berüahn, mecht ois tiaf inhalian, wü wieda meditian
lossts ma mein freiraum mei revia, füa mi gibts goa kane barriean, meine träume woin afoch nie hamkeahn, geh auf meim tramplpfad, bin a friednssoidat
benötig nua mei elixia, fliag glei mitm wind duach die zeit, bin ois vagabund in ois eingeweiht, hob mei tagebuach gfüaht, hob mei packal geschnüat
woa nie a supahöd, hob mi a gean hintn ongstöt, hob mei hüfe gean vateilt, nua mei keapa woa nie ausgeheilt, mei lebm hot si vafäabt, hobs oba net bemeakt
hob mi a nie voadrängt, hob mi übaroi ongstrengt, mei methode woa gerecht, nua mei sö ziagt ins grobe gefecht, hob mei lebm übamoin, muass jetzt dafüa bezoihn.
ch 1d) .9/15/6 (7)/9 (8)
hintaloss guat sichtboa a relikt, die natüalichn elemente homs bestimmt scho zasetzt, diese monumente, hom si söbst vanichtet und valetzt
hob donn die mysterien eablickt, mei schleiahofta schottn hot diese kistn untaschätzt, die obgnutztn schlofmottn hom mei haut aufgschüaft und obgwetzt
denn diesa strond is die ewigkeit, da sond existiat nua in meina moabidn phantasie, mit ana entziehungskua hätt i wieda a symmetrie
diesa vagabund is jetzt bereit, vasink mit oi meinen sinnen in die letzte therapie, in diesn ruinen schloft mei lebendige dystopie.
gonz ruhig sonft und diskret, raunt des okkulte orakl mia mei existenz ins gsicht, umheaschlogende tentakl, vazweifln om lebmsstift
seaviat auf an tablett, wiad des sterile besteck füa die operation heagricht, auf diesm kariatn brett, ealebts lebm a kuasobdrift
die schwäazn jetzt regiat, mei bewusstsein spoitet jedn bezug zum schweakronkn pol, in diesm iadenen krug, schwimmt des trügarische atoll
hobs vagongne negiat, die details zum bericht da autopsie stehn im protokoll, mei ongeheizte hysterie, sogt im vaboagnen lebewohl.
ch 3b) .7+6+5/8/10 ..13/10/7/6
zwischn den pendlschlägn wondat da vagabund duach an atemzug, hot si on visionen ongschmiegt, kenn diese unduachsichtigkeit vom spuk
om übaschrittnem limit woatet da vagabund auf an neionfong, mei gedächtnis is eingeknickt, lauscht ondächtig om trauaobgesong
da vagabund hot scho sei stabilität einbüsst, die harmonie is empfindlich gestöat, sei muse hot eam no küsst, do des lebm vadöat
dem vagabund san seine gwüaze vüz schnö vafault, da heilige extrakt is virulent, hot no moi zum voimond gjault, hot si von oin trennt.
diese hauteng vamummte zwongsjackn, gibt ma des guade gfüh von sichaheit, und da woame schoi im nackn, komplettiat mei weisses kleid
hob die weich poistatn wänd besungen, aufs hechste gelobt und gebenedeit, hob den eastn plotz earungen, die krone eantet vü neid
hob endlich mei odyssee beendet, oi meine freind san mit mia jetzt vaeint, bin von da liebe geblendet, hob ma so vü no zommgreimt
mit diesn täglichn injektionen, homs mein lebmspegl noamalisiat, meine wüdn aggressionen, homs gezähmt und ausradiat
hom mi auf a longe reise gschickt, von dea kumm i net meah ham, hob mi ind nächste dimension geklickt, is wie sonfta balsam
hob so vü obmteia ealebt, hob die noabm nie bereut, mei delirium is niemois vaebbt, bin im koma ongschnoit.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 26./27./28. september 2017 /// 29. mai 2018 /// 30./31. oktober //02./03. . november 2021.pk.
copyright by philipp kirschner.pk. ~ untermalt mit musik von branford marsalis (as, ss, ts)
************************************************************************************
diesa vakoihte docht, hot die wüdfremdn dimensionen in die wiaklichkeit gfunkt, bin auf meinen missionen, scho so oft ondächtig vastummt.
ch 3a) .7+6+5/8/10 ..13/10/7/6
zwischn diesn extremen wondat da vagabund quea duach raum und zeit, hot des fiamament scho berüaht, is in vün geheimnisse eingweiht
on den äussastn grenzn woatet da vagabund auf an neibeginn, hot scho sein vastond fest vaschnüat, benötigt nua sei eigne medizin
da vagabund hot scho sei innres gleichgwicht valoan, diese woogschoin san goa net meah ident, seine sensiblen sensoan, san net meah resistent
dem vagabund san seine synapsn scho zuagfroan, seine neavn san gänzlich transparent, seine defektn motoan, san scho ineffizient.
trog meim lebm nix noch, mia hot jo a kana wos gschenkt, woa no nie auf an fest, iagendwea hot mi foisch glenkt, hob no nie wiaklich an richtign treffa vasenkt
vasteh jetzt goa ka sproch, die wöata san ma unbekonnt, des lebm is a test, bin scho zua gänze ausbronnt, a psychische müdigkeit hot mi scho übamonnt
hob den hofn vapasst, die letzte kuavn woa brutal, hob die kreizung vasäumt, gfrei mi auf mei ritual, mit meina zeremonie eareich i des poatal
die fahne aufm mast, signalisiat an sötnen fund, hob vüz wenig varäumt, bin geboan ois vagabund, geniess den letztn spuat jedazeit zu jeda stund.
8) .6/8/6/7 / 13
des lebm a lawin, die lawa kummt vüz schnö ins roin, tüamt si zu an gebiag, da boch scho wieda ongschwoin, on beidn ufaseitn hom die küste bestoihn
die zeit is mei toxin, hob des end no amoi vajogt, liegt net in meim beziak, hob danoch a goa net gfrogt, in diesa niemondszone is lebm untasogt
a hond winkt ma no zua, freindliche augn schaun mi on, blick von untn hinauf, zum bodnlosn balkon, eakenn die silhouettn vom grinsendn dämon
wü do endlich mei ruah, hoffentlich wead i wieda gsund, nimm jetzt scho ois in kauf, leb und steab ois vagabund, geniess des obendrot jedazeit zu jeda stund.
9) .6/8/6/7 / 13
denn mei lebmsspindl, spult diese schnua imma meah auf, des end kummt scho vüz kuaz, vaschwommen im neblrauch, a mystische eascheinung steht im brennendn strauch
es pockt mi da schwindl, die balance is pletzlich ausgfoin, aufm weg a fösstuaz, weit entfeantes donnagroin, des innre gwitta hot die blitze scho längst zamoihn
des banna weht om schluss, weihrauchgeruch liegt in da luft, keazn san scho varaucht, mei schicksoi scho widaruft, oi die valognen prognosn londn in da gruft
hob mein eignen rhythmus, zruck bleibt nua da sölische schwund, wiad glei wieda zommgstaucht, bin und bleib a vagabund, geniess die dämmarung jedazeit zu jeda stund.
muass afoch weita rennen, brauch kan stau kan hoit, mecht des wos woa obtrennen, do es gibt ka vüfoit, ois mündet vom muttamal, ins abstrakte transzendental
soi mi jetzt voi konzentrian, do des schiff zaschöt, spüa des zateiln des sezian, und scho wieda vazöht, vüz schnö gschmoizn san die joah, stö mi no imma jeda gfoah
des puzzle is föhlahoft, jeds teil passt net zomm, hob des gemälde net gschofft, bewan diesn baumstomm, nua a wuazl bleibt bestehn, a winziga trieb hot scho wehn
mecht des unbekonnte sehn, ontwoatn eafoahn, konn die frogn net vastehn, hob mi im sein valoan, hob mi wieda moi vaiat, bin scho seit joahn korrodiat.
d 2) .13/13/8/7 .13/14/7/7 ...9/8/8 / 7/9
steig vom beag ins toi mit gnua saltos und übaschläg, fühl mi unobhängig und grenznlos auf meim weg, bin a letztes moi engagiat, hob mi kuaz spezifiziat
do iagendwos nötigt mi unbewusst auf an stuhl, befreits mi do aus diesm depressivn sündnpfuhl, iagendwos stiazt si auf mi, obgrennt is mei garantie
duachstöba moor und sumpf bei jedm wettaumschwung, fühl mi uneingeschränkt unbeschweat stets aufm sprung, bin mit da natua gut freind, bin wieda flüchtig aufkeimt
meine lungen hom si scho entleat, diesa wahnsinn hot si vameaht, diesa oat hot mi net aufkläat; des grausn steht voa da tüa, hob füas eneagiespoan goa ka gspüa
mei sinusknotn is obgeschabt, da wahnsinn hot si dron ealabt, des chaos is hia hochbegabt; da schreckn foaht duachs gebein, die reseavn nua a kieslstein.
e 1) .8/8/10/6/6 ....6/7/7/9 / 7/6
kettets mi do net on an pflock, fesslts mi net die fiass und händ, noglts mi net aufs hoiz on kane wänd, lossts ma mein horizont, schickts mi net on die front
gebts ma afoch den wondastock, öffnets eire fensta und tüan, mecht ois vagabund die natua berüahn, mecht ois tiaf inhalian, wü wieda meditian
lossts ma mein freiraum mei revia, füa mi gibts goa kane barriean, meine träume woin afoch nie hamkeahn, geh auf meim tramplpfad, bin a friednssoidat
benötig nua mei elixia, fliag glei mitm wind duach die zeit, bin ois vagabund in ois eingeweiht, hob mei tagebuach gfüaht, hob mei packal geschnüat
woa nie a supahöd, hob mi a gean hintn ongstöt, hob mei hüfe gean vateilt, nua mei keapa woa nie ausgeheilt, mei lebm hot si vafäabt, hobs oba net bemeakt
hob mi a nie voadrängt, hob mi übaroi ongstrengt, mei methode woa gerecht, nua mei sö ziagt ins grobe gefecht, hob mei lebm übamoin, muass jetzt dafüa bezoihn.
ch 1d) .9/15/6 (7)/9 (8)
hintaloss guat sichtboa a relikt, die natüalichn elemente homs bestimmt scho zasetzt, diese monumente, hom si söbst vanichtet und valetzt
hob donn die mysterien eablickt, mei schleiahofta schottn hot diese kistn untaschätzt, die obgnutztn schlofmottn hom mei haut aufgschüaft und obgwetzt
denn diesa strond is die ewigkeit, da sond existiat nua in meina moabidn phantasie, mit ana entziehungskua hätt i wieda a symmetrie
diesa vagabund is jetzt bereit, vasink mit oi meinen sinnen in die letzte therapie, in diesn ruinen schloft mei lebendige dystopie.
gonz ruhig sonft und diskret, raunt des okkulte orakl mia mei existenz ins gsicht, umheaschlogende tentakl, vazweifln om lebmsstift
seaviat auf an tablett, wiad des sterile besteck füa die operation heagricht, auf diesm kariatn brett, ealebts lebm a kuasobdrift
die schwäazn jetzt regiat, mei bewusstsein spoitet jedn bezug zum schweakronkn pol, in diesm iadenen krug, schwimmt des trügarische atoll
hobs vagongne negiat, die details zum bericht da autopsie stehn im protokoll, mei ongeheizte hysterie, sogt im vaboagnen lebewohl.
ch 3b) .7+6+5/8/10 ..13/10/7/6
zwischn den pendlschlägn wondat da vagabund duach an atemzug, hot si on visionen ongschmiegt, kenn diese unduachsichtigkeit vom spuk
om übaschrittnem limit woatet da vagabund auf an neionfong, mei gedächtnis is eingeknickt, lauscht ondächtig om trauaobgesong
da vagabund hot scho sei stabilität einbüsst, die harmonie is empfindlich gestöat, sei muse hot eam no küsst, do des lebm vadöat
dem vagabund san seine gwüaze vüz schnö vafault, da heilige extrakt is virulent, hot no moi zum voimond gjault, hot si von oin trennt.
diese hauteng vamummte zwongsjackn, gibt ma des guade gfüh von sichaheit, und da woame schoi im nackn, komplettiat mei weisses kleid
hob die weich poistatn wänd besungen, aufs hechste gelobt und gebenedeit, hob den eastn plotz earungen, die krone eantet vü neid
hob endlich mei odyssee beendet, oi meine freind san mit mia jetzt vaeint, bin von da liebe geblendet, hob ma so vü no zommgreimt
mit diesn täglichn injektionen, homs mein lebmspegl noamalisiat, meine wüdn aggressionen, homs gezähmt und ausradiat
hom mi auf a longe reise gschickt, von dea kumm i net meah ham, hob mi ind nächste dimension geklickt, is wie sonfta balsam
hob so vü obmteia ealebt, hob die noabm nie bereut, mei delirium is niemois vaebbt, bin im koma ongschnoit.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 26./27./28. september 2017 /// 29. mai 2018 /// 30./31. oktober //02./03. . november 2021.pk.
copyright by philipp kirschner.pk. ~ untermalt mit musik von branford marsalis (as, ss, ts)
************************************************************************************
..und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen