466.
| opfa.
1) .6+7 (7+6)/6+8 (7+7)/8/5
a gähnende leare hot mi wieda übafoin, schweb in ana sphäre zwischn stüstond und übahoin, finstre woikn hom mi vafoigt, hob mi tiaf vabeugt
stoa mit vabundnen augn duach diese neblwond, mecht wieda ois aufsaugn füa mein vaschwommnen vastond, saura regn hot mi vabrüht, des licht längst vaglüht
meine gfessltn händ moasn scho an hüfeschrei, die stimmbända san duachtrennt vauasocht vom lügnbrei, da dünne fodn zschnö zareisst, bin wieda einkreist
a intensive phobie übaflutet mei sö, die eisige melodie zasteats schwoche trommlfö, da rhythmus is längst ausm takt, hob mi stets vahakt.
2) .6+7 (7+6)/6+8 (7+7)/8/5
a giarig tiafe kluft hot mi schodnfroh ausglocht, da vadoabene duft hot die reine woahheit vakocht, da blitz beleuchtet nua mein weg, füaht zum moaschn steg
greif suchend noch an hoit in a flüssig heisse luft, a schottnhofte gstoit flüstat tiradn aus da gruft, dröhnen wie donna on mei oah, schwächn den sensoa
mei vafossung hot si draht zum festn gegnteil, mei menschliches foamat is a stoak vaknotetes seil, die schlingen san a labyrinth, hob stets gegnwind
a totale panik hot mi zua gänze eafosst, hob mei vakeahte logik imma wieda foisch ausglost, die attackn hom mi entzweit, woa nie a einheit.
ch 1a) .10/10/10/9
mei innre ungeduid is explodiat, mei friedliche weisheit is kollabiat, gefäahd mei lebendige sichaheit, bestrof mein keapa zu jeda zeit
bin imma äussast hysterisch ongsponnt, hob mi im problemkarussö varonnt, jede richtung endet im spieglbüd, hob mei magnetföd scho längst vaspüt
mei neavöse hektik hot si aufbläht, hob mei harmonie scho längst niedagmäht, hob mi jetzt endgültig söbst ongezeigt, meine strofn san seah weit vazweigt
bin leicht gereizt auf aggression geeicht, hob mein balanceakt afoch nie eareicht, des chaos gebiat mei anomalie, benötig dringend a therapie.
3) .6+7 (7+6)/6+8 (7+7)/8/5
a ois vaschlingendes loch hot si scho auf mi gstüazt, des schwea drückende joch hot mei ego ziemlich geküazt, riesn zatrompln mein freiraum, a zweag ohne traum
berüah die schoafn kantn mit äussesta soagfoit, die sinnlosn konstantn ändan ständig iahre gstoit, die beag san obtrogn und floch, vaeint in an boch
meine entkräftetn fiass wuadn wieda vaschleppt, des lebm so bittasiass zwischn ahnung und konzept, da stuam schmüzt zum vaschwiegnen hauch, eneagievabrauch
a sadistisches graun hot si scho manifestiat, des fest vaschnüate misstraun hot mi scho paralysiat, olle woanungen woan umsunst, bin umhüllt vom dunst.
4) .6+7 (7+6)/6+8 (7+7)/8/5
a völlige einsomkeit is hia scho absolut, die vagossne freiheit stinkt scho noch vatrocknetem blut, schwadn wuadn im gift eatränkt, heaschn unumschränkt
hoach gsponnt auf mei innre stimm, do die sproch unbekonnt, bereits seit onbeginn hot mi hia goa kana vaschont, hob nie iagendjemond vaziehn, muass mi jetzt hinknien
mei jetzigs befindn stöt nie die richtige frog, muass die endn vabindn zu an gschliffnen dialog, bin gfongen in ana spiroin, hintalosst nua quoin
a mächtiga dämon hot die bestie befreit, mei gedonkngarnison hot mein mittlpunkt entweiht, jeds oagan hot wieda vasogt, hob den sinn vajogt.
b 1) .6+14/6+13 .13/14/12
so vü schwoaze fleckn, woxn auf meina kräftig leichtend göborangen foab, mechts so gean vasteckn, in an komplett unsichtboan wüdfremdn oat
nua du alla host mei lebm vapotzt und vasaut, nua du alla host meine letztn reseavn obbaut, nua du gonz alla host imma wieda zuaghaut
so vü weisse fleckn, entstehn auf meina voi vaschmiatn göborangen foab, mechts so gean easchreckn, mit an geheimen magisch mystischn zaubawoat
nua du alla host mei lebm vasaut und vapotzt, nua du alla host mein wachn sensiblen kean zakrotzt, nua du gonz alla host mein luftballon zaplotzt
so vü kronke fleckn, gedeihn auf meina zabröcklnden göborangen foab, mechts so gean obleckn, von diesm engen netzoatig gflochtenen maulkoab
nua du alla host mei lebm gsteuat und vaföscht, nua du alla host oi meine eainnarungen glöscht, nua du gonz alla bist mit volla wucht losprescht.
ch 1b) .10/10/10/9
mei grosse ungeduid is übakocht, mei foischa glaubm hot mi scho ausglocht, gefäahd mein lebendign zufluchtsoat, bestrof mein keapa eahlich und hoat
bin imma glei auf zwahundat prozent, konns afoch net zruckdrahn mei temprament, hob imma a aufgstaute wut parat, begutocht donn nua des resultat
mei reaktion is imma impulsiv, mei resonanz is a kentandes schiff, hob die beweise dem richta voaglegt, meine strofn hom mi scho geprägt
bin glei eabost lös ois mit roha gwoit, im einklong nua die brutale vüfoit, dieses chaos is pure anarchie, brauch jetzt unbedingt a therapie.
ch 2a) .6/6/6/6 / 7/5
muass die wogn glättn, muass jetzt den stuam obstön, weaf die onkakettn, auf die brodlnden wön, a mocht hot gegn mi gweakt, hot si no vastäakt
muass die wogn brechn, muass den stuam obsoabian, deaf die obaflächn, net meah manipulian, a mocht füaht gegn mi krieg, woat scho auf an sieg
muass die wogn bügln, schoit den stuam afoch aus, soi mi endlich zügln, in diesm irrnhaus, a mocht lotst mi in a foin, woit mi no onschnoin
muass die wogn schleifn, stopp afoch diesn stuam, muass mei sein begreifn, von diesm aussichtstuam, a mocht hoit mi eisan fest, in seim eignen nest.
5) .6+7 (7+6)/6+8 (7+7)/8+5
a feindliche wüste hot si glei voa mia ausdehnt, a schroffe steilküste hot si noch da brandung gsehnt, im aug is so unhamlich leis, da blick lenkt ongstschweiss
steua mei ich duachn raum duach die gekrümmte zeit, schnitz wundn in den baum des hoaz eastickt mei ewigkeit, mei museum is längst zuagspeat, jeds stück is vazeaht
meine muskln san gelähmt glei ohne gegnweah, bin no imma ungezähmt die parabl is konträa, meine fliagl hom goa kan zweck, ruhn bluadig im eck
a brachiale fuacht hot jede hoffnung vatriem, kana eaklärung beduaft denn des nichts woa kloa beschriem, da plan unlesalich vaschmutzt, scho zu seah obgnutzt.
6) .6+7 (7+6)/6+8 (7+7)/8+5
a riesiga wiabl umspült meine siebm sinn, die spitzn vom ziakl sticht tiaf in meine amnesien, da stift schrumpft zum winzigstn punkt, ins motiv eintunkt
schlog den nogl duachs gelenk ins geheiligte kreuz, nimm den schmeaz ois geschenk bewoah olle spitta vom hoiz, vaeab eich oin nua kultua, foig da prozedua
mei gsundheit pendlt stoak von an ins ondre extrem, schlof scho wie in an soag in an gonz obgschlossnen system, hob die distanz fost übabrückt, so vü is missglückt
a traumatischa schock tropft ois rinnsoi duachs gehian, gebrondmoakt ois sündnbock wead i gegan strom maschian, foah zua hölle und wieda zruck, mocht mi gonz kaputt.
b 2) .6+14/6+13 .13/14/12
so vü schwoaze fleckn, wuchan auf meina frisch gestrichnen göborangen foab, mechts so gean aufweckn, sunst san die neavnbahnen wieda total vaschmoat
denn nua du host mei lebm vasoizn und vaschäaft, nua du host meine surrealn phantasien einpfeacht, nua du gonz alla zasägst mei wrack in da weaft
so vü weisse fleckn, eabliahn auf meina stoak vaschmutztn göborangen foab, mechts so gean obdeckn, mit meina zukünftign vagongnen gegnwoat
denn nua du host mei lebm vadoabm und vafluacht, nua du alla host no nie noch diesa uasoche gsuacht, denn nua du gonz alla bist duach die gänge gschluaft
so vü blinde fleckn, zeign auf mei söbstportraitiate göborange foab, mechts so gean einbettn, in an net woahnehmboan unbewusstn koab
denn nua du host mei lebm vafrochtet und umgfoamt, nua du host mi noch deim idealn musta genoamt, denn nua du gonz alla host di meina eaboamt.
d 1) .7/8/7/8/8 ..7/11/7/11
oba loss mi jetzt in ruah, moi mia mei eignes lebmsbüd, hintaloss a bunte spua, hob mi net umsunst obgemüht, mei lebmsfoab is längst vaglüht
schleich di jetzt aus meim revia, schreib ma mei eigne lebmsgschicht, hob a no gnua löschpapia, füa an korrigiatn bericht, mocht im dunkln wieda a licht
du vadienst mei liebe net, host kan onspruch auf mei ekstatische lust, füa uns zwa is scho vüz spät, vauasochst bei mia nua an immensn frust.
ch 1c) .10/10/10/9
mei hungrige ungeduid hot si gweaht, mei schlofenda hoss hot is jetzt entleat, gefäahd mein lebendigen horizont, bestrof mein keapa on jeda front
bin imma auf ana ochtabohnfoaht, hob mi glei tiaf in feindeslond geboaht, mein ungebremstn zoan nie kontrolliat, a klane brise wieda pulsiat
mei hetzerei is mei togesprogromm, da sinnliche moment wiad zum phantom, da schuidspruch is bestimmt völlig gerecht, mei strofn a kompliziats geflecht
bin leicht eazüant ka rücksicht auf valust, mei söbstdisziplin is net seah robust, dieses chaos eanäaht mei apathie, benötig dringend a therapie.
ch 2b) .6/6/6/6 / 7/5
muass die wogn glättn, üban stuam triumphian, wie marionettn, muass i mi diffamian, a mocht füttat meinen hass, hot dabei vü spass
muass die wogn schlichtn, gebiet dem stuam einhoit, denk kuaz on die pflichtn, on die düstre onstoit, a mocht hot mi scho ausghöhlt, fühl mi eingeölt
muass die wogn dämpfn, muass jetzt den stuam obkühln, wind mi no in krämpfn, deaf im sond net meah wühln, a mocht nistet scho in mia, wiad zu meim haustia
muass die wogn knickn, kapp die leitung zum stuam, deafs sein net vastrickn, mit subtiln struktuan, a mocht vanichtet mein geist, bin net meah vareist.
ch 3a) .9/9/9/9
mei schottn hot sein plotz vagessn, sei haut liegt hia übaroi vastreut, wü die trocknen schuppm zommpressn, zu meina imaginäan gstoit
mei schottn is scho seah stoak eagraut, sei umriss is scho ziemlich geschwächt, liegt seit togn im tödlichn staub, is woahscheinlich sei letztes gefecht
mei schottn hot si von mia entfeant, hot mi hia scho längst net meah eakonnt, hot die ondre seitn scho entkeant, woa mit mia übahaupt net vawondt
mei schottn is scho paranoid, vawondlt si no in seim kokon, jetzt foigt da nächste lebmsobschnitt, vielleicht samma donn wieda synchron.
7) .6+7 (7+6)/6+8 (7+7)/8+5
a schäumenda ozean is von tollwut befoin, diese zoate membran zabricht in unendliche schoin, spitze nodln stochan herum, ins delirium
hämma die gehianzön bis zua halluzination, reparia die vün dön füa a neuinstallation, streichl jeds foitainstrument, san äussast potent
mei geschundna keapa tonzt übas vabogne licht, mei oida konveata entschlüsslt net diese schrift, a axt steckt no im offnen toa, a hauch vom laboa
a pure horrorvision hot si in szene gsetzt, da kuas auf kollision hot si söba total vaschätzt, des zruckliegende bleibt stets gleich, peaspektivisch reich.
8) .6+7 (7+6)/6+8 (7+7)/8+5
a groteska zuastond hot si mit dem oat vaknüpft, liegt om äussastn rond, nua doat is des bese entschlüpft, grölt stumm sei braune litanei, spoitet mei schalmei
vabrenn wieda jeds buach inhalia donn diesn rauch, da umriss auf dem tuach woa hia scho vüz oft in gebrauch, vagib ma mei pluralität, so vü neid gesät
mei voriga onfoi hot ma meine grenzn aufzeigt, woa dem zeitintavoi oba nua seah kuaz zugeneigt, trog imma mit mia mein ballast, steh tiaf im morast
a riskant schnölla blick vaschwimmt glei beim fokussian, und scho beim nägstn schritt entzündn si von söbst die vian, diesn föhla in meim kreislauf, nimm i gean in kauf.
b 3) .6+14/6+13 .13/14/12
so vü schwoaze fleckn, bekämpfn mei bebend sprudlnde göborange foab, mechts so gean longstreckn, diese vagressate flächn hätt ma vü easpoat
denn nua du host mei lebm varotn und vaklogt, host di on meina aura vabissn und sie ongnogt, du alla host ma meine rechte untasogt
so vü weisse fleckn, spriessn auf meina hoib vafaultn göborangen foab, mechts so gean earettn, voa dem apokalyptisch sinistren neustoat
denn nua du host mei lebm zatretn und zastompft, du alla host meine substanzn rauspresst und vadompft, nua du gonz alla zwingst mi doss i mi vakrompf
so vü dumpfe fleckn, vaschondln mei hoch empfindliche göborange foab, mechts so gean onbetn, ois letztn vaboagnen sichren schützendn hoat
denn nua du host mei lebm zatrümmat und seziat, denn nua du host mei quintessenz foisch diagnostiziat, nua du alla host mein schutzengl sabotiat.
d 2) .7/8/7/8/8 ..7/11/7/11
bleib jetzt endlich von mia fean, kreia ma söbst mei lebmsbüd, diesa long vagongne stean, woa hia mei anziga schutzschüd, is in da einöde vaglüht
vapiss di aus meina wöd, beontwoat söbst mei lebmsfrog, host di scho vüz oft vazöht, hia gibts kan korrektuavoaschlog, fühl mi woih in meim biotop
hob dia mei liebe vaweaht, host ka voimocht füa mei oagastische lust, zwischn uns zwa is ois gekläat, bei dia vaspüa i a stechn in da brust
geh jetzt endlich aus da sonn, pflonz ma mei eignes lebmsbüd, hintaloss an buntn ton, wea oba longsom scho müd, mei lebmslaut woa no vafrüht
vaschwind endlich aus meim kreis, betrocht mei mickrigs lebmsweak, vastöst die weichn vom gleis, hob mi scho von dia obgekeaht, vamindast stets mein eignen weat
mei liebe is net ealaubt, host ka onrecht auf mei sadistische lust, host mia meine gfühle graubt, trotzdem host mi wieda psychisch beeinflusst.
e 1) .10/8/10/9 ....8/7/8/9
steig a wendltreppe endlos hinauf, hob mi oba goa net bewegt, dreh voasichtig om rostign tüaknauf, bin pletzlich üba mei ich geschwebt
lauf dem schicksoi a lebmlong davon, steh no imma om söbm fleck, greif duach des glos zua nächstn jogdsaison, bin jetzt a figua aufm schochbrett
roi den wüafl übas spröde spüföd, londet stets auf da gleichn zoih, ziag a koatn und bau damit a zöt, bin pletzlich a flackanda lichtstroih
geh übas wossa in a dimension, earicht auf da insl a wond, kletta bis zum gipfl da depression, bin nua a winzigs koan aufm strond
die soss brennt in meinen adean, bis ins letzte blutgefäss, valia jetzt scho vüz vü fasean, in meim eignen reinigungsprozess.
ch 1d) .10/10/10/9
mei duastige ungeduid detoniat, mei moabide sucht hot mi provoziat, gefäahd mei lebendige resistenz, bestrof mein keapa mit jeda essenz
bin imma glei auf voin ongriff trimmt, hob mi mit meditation eingestimmt, spuck mein giftign geifa kreiz und quea, mei lebm woa stets totalitäa
mei tatndrong brachial rabiat, unsre vabundnheit längst desolat, hob bereits jeds uateil seah gean signiat, hob meine strofn imma akzeptiat
bin glei empöat mei toleranz valoan, nuas negative is no net eingfroan, des chaos beschädigt mei autarkie, brauch jetzt unbedingt a therapie.
ch 2c) .6/6/6/6 / 7/5
muass die wogn glättn, muass den stuam jetzt obdrehn, hot so vü facettn, deaf jo net aufeastehn, a mocht hot si scho vaschwoan, wea im feia schmoan
muass die wogn biegn, brich dem stuam sei rückgrat, sei quön muass vasiegn, des wäa mei hödntat, a mocht nimmt mi in besitz, glei ohne indiz
muass die wogn mildan, es gibt kan kompromiss, sois wossa no filtan, füas reine paradies, a mocht stüht scho mei geduld, eahebt mi zum kult
muass die wogn schliessn, da stuam gheat jetzt ausgrott, mei sein deaf net fliessn, zum teuflischn hoibgott, a mocht hot mi massakriat, hob goa nix meah gspiat.
ch 3b) .9/9/9/9
mei schottn iat duach die kühle nocht, sei zrissna montl liegt hia vastreut, suacht vazweiflt die bluadsvawondtschoft, da stein is vom mosaik obproit
mei schottn eakennt kane foabm, sei charisma unschoaf nebulös, sei hülle nua lecha und noabm, sei zuastond is bereits komatös
mei schottn bleibt jetzt spualos vaschoin, kreizungen und kuavn zu komplex, mei gedächtnis is wieda ongschwoin, eazeugt übahaupt kan lichtreflex
mei schottn konsequent schizophren, a poatal in ondre galaxien, wüad sofoat freiwillig hinduachgehn, vielleicht san doat unsre symmetrien.
ch 4a) .7+7+8/4+6+4 ..9/7/8/8 ...8/8/8/10
surf auf gigantischn wön duach an feichtn höhlngong ins apokalyptische lond, flommen eahön a ruine om hong untam voimond
reit auf riesign woikn duach an schrillkreischendn schlund in a toxisch vaseichtes toi, untam boikn winkt dezent da obgrund voam aufproi
gib ma a zeichn an fingazeig, iagend a klane nochricht, schenk ma do dei aufmeaksomkeit denn sunst dei vasprechn zabricht
fliag mit enoamen schwingen duach diesn rasendn stuam in a begrenztes areal, funkn springen aus blutendn gravuan ois ritual
tauch mit oiglottn flossn duach zähflüssig klebrign schleim ins uasprüngliche gebiet, metamorphosn sehn die lebmsdatein ois defizit
definia mei realität, olle faktn san relevant, eakläa ma mei fatalität, bin do des opfa und ka simulant.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 06./07./08./09./10./11./12./13. september 2019.pk. ~ überarbeitet am 12. november 2023.pk
copyright by philipp kirschner.pk. ~ untermalt mit musik von the ocean, tool.
************************************************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .6+7 (7+6)/6+8 (7+7)/8/5
a gähnende leare hot mi wieda übafoin, schweb in ana sphäre zwischn stüstond und übahoin, finstre woikn hom mi vafoigt, hob mi tiaf vabeugt
stoa mit vabundnen augn duach diese neblwond, mecht wieda ois aufsaugn füa mein vaschwommnen vastond, saura regn hot mi vabrüht, des licht längst vaglüht
meine gfessltn händ moasn scho an hüfeschrei, die stimmbända san duachtrennt vauasocht vom lügnbrei, da dünne fodn zschnö zareisst, bin wieda einkreist
a intensive phobie übaflutet mei sö, die eisige melodie zasteats schwoche trommlfö, da rhythmus is längst ausm takt, hob mi stets vahakt.
2) .6+7 (7+6)/6+8 (7+7)/8/5
a giarig tiafe kluft hot mi schodnfroh ausglocht, da vadoabene duft hot die reine woahheit vakocht, da blitz beleuchtet nua mein weg, füaht zum moaschn steg
greif suchend noch an hoit in a flüssig heisse luft, a schottnhofte gstoit flüstat tiradn aus da gruft, dröhnen wie donna on mei oah, schwächn den sensoa
mei vafossung hot si draht zum festn gegnteil, mei menschliches foamat is a stoak vaknotetes seil, die schlingen san a labyrinth, hob stets gegnwind
a totale panik hot mi zua gänze eafosst, hob mei vakeahte logik imma wieda foisch ausglost, die attackn hom mi entzweit, woa nie a einheit.
ch 1a) .10/10/10/9
mei innre ungeduid is explodiat, mei friedliche weisheit is kollabiat, gefäahd mei lebendige sichaheit, bestrof mein keapa zu jeda zeit
bin imma äussast hysterisch ongsponnt, hob mi im problemkarussö varonnt, jede richtung endet im spieglbüd, hob mei magnetföd scho längst vaspüt
mei neavöse hektik hot si aufbläht, hob mei harmonie scho längst niedagmäht, hob mi jetzt endgültig söbst ongezeigt, meine strofn san seah weit vazweigt
bin leicht gereizt auf aggression geeicht, hob mein balanceakt afoch nie eareicht, des chaos gebiat mei anomalie, benötig dringend a therapie.
3) .6+7 (7+6)/6+8 (7+7)/8/5
a ois vaschlingendes loch hot si scho auf mi gstüazt, des schwea drückende joch hot mei ego ziemlich geküazt, riesn zatrompln mein freiraum, a zweag ohne traum
berüah die schoafn kantn mit äussesta soagfoit, die sinnlosn konstantn ändan ständig iahre gstoit, die beag san obtrogn und floch, vaeint in an boch
meine entkräftetn fiass wuadn wieda vaschleppt, des lebm so bittasiass zwischn ahnung und konzept, da stuam schmüzt zum vaschwiegnen hauch, eneagievabrauch
a sadistisches graun hot si scho manifestiat, des fest vaschnüate misstraun hot mi scho paralysiat, olle woanungen woan umsunst, bin umhüllt vom dunst.
4) .6+7 (7+6)/6+8 (7+7)/8/5
a völlige einsomkeit is hia scho absolut, die vagossne freiheit stinkt scho noch vatrocknetem blut, schwadn wuadn im gift eatränkt, heaschn unumschränkt
hoach gsponnt auf mei innre stimm, do die sproch unbekonnt, bereits seit onbeginn hot mi hia goa kana vaschont, hob nie iagendjemond vaziehn, muass mi jetzt hinknien
mei jetzigs befindn stöt nie die richtige frog, muass die endn vabindn zu an gschliffnen dialog, bin gfongen in ana spiroin, hintalosst nua quoin
a mächtiga dämon hot die bestie befreit, mei gedonkngarnison hot mein mittlpunkt entweiht, jeds oagan hot wieda vasogt, hob den sinn vajogt.
b 1) .6+14/6+13 .13/14/12
so vü schwoaze fleckn, woxn auf meina kräftig leichtend göborangen foab, mechts so gean vasteckn, in an komplett unsichtboan wüdfremdn oat
nua du alla host mei lebm vapotzt und vasaut, nua du alla host meine letztn reseavn obbaut, nua du gonz alla host imma wieda zuaghaut
so vü weisse fleckn, entstehn auf meina voi vaschmiatn göborangen foab, mechts so gean easchreckn, mit an geheimen magisch mystischn zaubawoat
nua du alla host mei lebm vasaut und vapotzt, nua du alla host mein wachn sensiblen kean zakrotzt, nua du gonz alla host mein luftballon zaplotzt
so vü kronke fleckn, gedeihn auf meina zabröcklnden göborangen foab, mechts so gean obleckn, von diesm engen netzoatig gflochtenen maulkoab
nua du alla host mei lebm gsteuat und vaföscht, nua du alla host oi meine eainnarungen glöscht, nua du gonz alla bist mit volla wucht losprescht.
ch 1b) .10/10/10/9
mei grosse ungeduid is übakocht, mei foischa glaubm hot mi scho ausglocht, gefäahd mein lebendign zufluchtsoat, bestrof mein keapa eahlich und hoat
bin imma glei auf zwahundat prozent, konns afoch net zruckdrahn mei temprament, hob imma a aufgstaute wut parat, begutocht donn nua des resultat
mei reaktion is imma impulsiv, mei resonanz is a kentandes schiff, hob die beweise dem richta voaglegt, meine strofn hom mi scho geprägt
bin glei eabost lös ois mit roha gwoit, im einklong nua die brutale vüfoit, dieses chaos is pure anarchie, brauch jetzt unbedingt a therapie.
ch 2a) .6/6/6/6 / 7/5
muass die wogn glättn, muass jetzt den stuam obstön, weaf die onkakettn, auf die brodlnden wön, a mocht hot gegn mi gweakt, hot si no vastäakt
muass die wogn brechn, muass den stuam obsoabian, deaf die obaflächn, net meah manipulian, a mocht füaht gegn mi krieg, woat scho auf an sieg
muass die wogn bügln, schoit den stuam afoch aus, soi mi endlich zügln, in diesm irrnhaus, a mocht lotst mi in a foin, woit mi no onschnoin
muass die wogn schleifn, stopp afoch diesn stuam, muass mei sein begreifn, von diesm aussichtstuam, a mocht hoit mi eisan fest, in seim eignen nest.
5) .6+7 (7+6)/6+8 (7+7)/8+5
a feindliche wüste hot si glei voa mia ausdehnt, a schroffe steilküste hot si noch da brandung gsehnt, im aug is so unhamlich leis, da blick lenkt ongstschweiss
steua mei ich duachn raum duach die gekrümmte zeit, schnitz wundn in den baum des hoaz eastickt mei ewigkeit, mei museum is längst zuagspeat, jeds stück is vazeaht
meine muskln san gelähmt glei ohne gegnweah, bin no imma ungezähmt die parabl is konträa, meine fliagl hom goa kan zweck, ruhn bluadig im eck
a brachiale fuacht hot jede hoffnung vatriem, kana eaklärung beduaft denn des nichts woa kloa beschriem, da plan unlesalich vaschmutzt, scho zu seah obgnutzt.
6) .6+7 (7+6)/6+8 (7+7)/8+5
a riesiga wiabl umspült meine siebm sinn, die spitzn vom ziakl sticht tiaf in meine amnesien, da stift schrumpft zum winzigstn punkt, ins motiv eintunkt
schlog den nogl duachs gelenk ins geheiligte kreuz, nimm den schmeaz ois geschenk bewoah olle spitta vom hoiz, vaeab eich oin nua kultua, foig da prozedua
mei gsundheit pendlt stoak von an ins ondre extrem, schlof scho wie in an soag in an gonz obgschlossnen system, hob die distanz fost übabrückt, so vü is missglückt
a traumatischa schock tropft ois rinnsoi duachs gehian, gebrondmoakt ois sündnbock wead i gegan strom maschian, foah zua hölle und wieda zruck, mocht mi gonz kaputt.
b 2) .6+14/6+13 .13/14/12
so vü schwoaze fleckn, wuchan auf meina frisch gestrichnen göborangen foab, mechts so gean aufweckn, sunst san die neavnbahnen wieda total vaschmoat
denn nua du host mei lebm vasoizn und vaschäaft, nua du host meine surrealn phantasien einpfeacht, nua du gonz alla zasägst mei wrack in da weaft
so vü weisse fleckn, eabliahn auf meina stoak vaschmutztn göborangen foab, mechts so gean obdeckn, mit meina zukünftign vagongnen gegnwoat
denn nua du host mei lebm vadoabm und vafluacht, nua du alla host no nie noch diesa uasoche gsuacht, denn nua du gonz alla bist duach die gänge gschluaft
so vü blinde fleckn, zeign auf mei söbstportraitiate göborange foab, mechts so gean einbettn, in an net woahnehmboan unbewusstn koab
denn nua du host mei lebm vafrochtet und umgfoamt, nua du host mi noch deim idealn musta genoamt, denn nua du gonz alla host di meina eaboamt.
d 1) .7/8/7/8/8 ..7/11/7/11
oba loss mi jetzt in ruah, moi mia mei eignes lebmsbüd, hintaloss a bunte spua, hob mi net umsunst obgemüht, mei lebmsfoab is längst vaglüht
schleich di jetzt aus meim revia, schreib ma mei eigne lebmsgschicht, hob a no gnua löschpapia, füa an korrigiatn bericht, mocht im dunkln wieda a licht
du vadienst mei liebe net, host kan onspruch auf mei ekstatische lust, füa uns zwa is scho vüz spät, vauasochst bei mia nua an immensn frust.
ch 1c) .10/10/10/9
mei hungrige ungeduid hot si gweaht, mei schlofenda hoss hot is jetzt entleat, gefäahd mein lebendigen horizont, bestrof mein keapa on jeda front
bin imma auf ana ochtabohnfoaht, hob mi glei tiaf in feindeslond geboaht, mein ungebremstn zoan nie kontrolliat, a klane brise wieda pulsiat
mei hetzerei is mei togesprogromm, da sinnliche moment wiad zum phantom, da schuidspruch is bestimmt völlig gerecht, mei strofn a kompliziats geflecht
bin leicht eazüant ka rücksicht auf valust, mei söbstdisziplin is net seah robust, dieses chaos eanäaht mei apathie, benötig dringend a therapie.
ch 2b) .6/6/6/6 / 7/5
muass die wogn glättn, üban stuam triumphian, wie marionettn, muass i mi diffamian, a mocht füttat meinen hass, hot dabei vü spass
muass die wogn schlichtn, gebiet dem stuam einhoit, denk kuaz on die pflichtn, on die düstre onstoit, a mocht hot mi scho ausghöhlt, fühl mi eingeölt
muass die wogn dämpfn, muass jetzt den stuam obkühln, wind mi no in krämpfn, deaf im sond net meah wühln, a mocht nistet scho in mia, wiad zu meim haustia
muass die wogn knickn, kapp die leitung zum stuam, deafs sein net vastrickn, mit subtiln struktuan, a mocht vanichtet mein geist, bin net meah vareist.
ch 3a) .9/9/9/9
mei schottn hot sein plotz vagessn, sei haut liegt hia übaroi vastreut, wü die trocknen schuppm zommpressn, zu meina imaginäan gstoit
mei schottn is scho seah stoak eagraut, sei umriss is scho ziemlich geschwächt, liegt seit togn im tödlichn staub, is woahscheinlich sei letztes gefecht
mei schottn hot si von mia entfeant, hot mi hia scho längst net meah eakonnt, hot die ondre seitn scho entkeant, woa mit mia übahaupt net vawondt
mei schottn is scho paranoid, vawondlt si no in seim kokon, jetzt foigt da nächste lebmsobschnitt, vielleicht samma donn wieda synchron.
7) .6+7 (7+6)/6+8 (7+7)/8+5
a schäumenda ozean is von tollwut befoin, diese zoate membran zabricht in unendliche schoin, spitze nodln stochan herum, ins delirium
hämma die gehianzön bis zua halluzination, reparia die vün dön füa a neuinstallation, streichl jeds foitainstrument, san äussast potent
mei geschundna keapa tonzt übas vabogne licht, mei oida konveata entschlüsslt net diese schrift, a axt steckt no im offnen toa, a hauch vom laboa
a pure horrorvision hot si in szene gsetzt, da kuas auf kollision hot si söba total vaschätzt, des zruckliegende bleibt stets gleich, peaspektivisch reich.
8) .6+7 (7+6)/6+8 (7+7)/8+5
a groteska zuastond hot si mit dem oat vaknüpft, liegt om äussastn rond, nua doat is des bese entschlüpft, grölt stumm sei braune litanei, spoitet mei schalmei
vabrenn wieda jeds buach inhalia donn diesn rauch, da umriss auf dem tuach woa hia scho vüz oft in gebrauch, vagib ma mei pluralität, so vü neid gesät
mei voriga onfoi hot ma meine grenzn aufzeigt, woa dem zeitintavoi oba nua seah kuaz zugeneigt, trog imma mit mia mein ballast, steh tiaf im morast
a riskant schnölla blick vaschwimmt glei beim fokussian, und scho beim nägstn schritt entzündn si von söbst die vian, diesn föhla in meim kreislauf, nimm i gean in kauf.
b 3) .6+14/6+13 .13/14/12
so vü schwoaze fleckn, bekämpfn mei bebend sprudlnde göborange foab, mechts so gean longstreckn, diese vagressate flächn hätt ma vü easpoat
denn nua du host mei lebm varotn und vaklogt, host di on meina aura vabissn und sie ongnogt, du alla host ma meine rechte untasogt
so vü weisse fleckn, spriessn auf meina hoib vafaultn göborangen foab, mechts so gean earettn, voa dem apokalyptisch sinistren neustoat
denn nua du host mei lebm zatretn und zastompft, du alla host meine substanzn rauspresst und vadompft, nua du gonz alla zwingst mi doss i mi vakrompf
so vü dumpfe fleckn, vaschondln mei hoch empfindliche göborange foab, mechts so gean onbetn, ois letztn vaboagnen sichren schützendn hoat
denn nua du host mei lebm zatrümmat und seziat, denn nua du host mei quintessenz foisch diagnostiziat, nua du alla host mein schutzengl sabotiat.
d 2) .7/8/7/8/8 ..7/11/7/11
bleib jetzt endlich von mia fean, kreia ma söbst mei lebmsbüd, diesa long vagongne stean, woa hia mei anziga schutzschüd, is in da einöde vaglüht
vapiss di aus meina wöd, beontwoat söbst mei lebmsfrog, host di scho vüz oft vazöht, hia gibts kan korrektuavoaschlog, fühl mi woih in meim biotop
hob dia mei liebe vaweaht, host ka voimocht füa mei oagastische lust, zwischn uns zwa is ois gekläat, bei dia vaspüa i a stechn in da brust
geh jetzt endlich aus da sonn, pflonz ma mei eignes lebmsbüd, hintaloss an buntn ton, wea oba longsom scho müd, mei lebmslaut woa no vafrüht
vaschwind endlich aus meim kreis, betrocht mei mickrigs lebmsweak, vastöst die weichn vom gleis, hob mi scho von dia obgekeaht, vamindast stets mein eignen weat
mei liebe is net ealaubt, host ka onrecht auf mei sadistische lust, host mia meine gfühle graubt, trotzdem host mi wieda psychisch beeinflusst.
e 1) .10/8/10/9 ....8/7/8/9
steig a wendltreppe endlos hinauf, hob mi oba goa net bewegt, dreh voasichtig om rostign tüaknauf, bin pletzlich üba mei ich geschwebt
lauf dem schicksoi a lebmlong davon, steh no imma om söbm fleck, greif duach des glos zua nächstn jogdsaison, bin jetzt a figua aufm schochbrett
roi den wüafl übas spröde spüföd, londet stets auf da gleichn zoih, ziag a koatn und bau damit a zöt, bin pletzlich a flackanda lichtstroih
geh übas wossa in a dimension, earicht auf da insl a wond, kletta bis zum gipfl da depression, bin nua a winzigs koan aufm strond
die soss brennt in meinen adean, bis ins letzte blutgefäss, valia jetzt scho vüz vü fasean, in meim eignen reinigungsprozess.
ch 1d) .10/10/10/9
mei duastige ungeduid detoniat, mei moabide sucht hot mi provoziat, gefäahd mei lebendige resistenz, bestrof mein keapa mit jeda essenz
bin imma glei auf voin ongriff trimmt, hob mi mit meditation eingestimmt, spuck mein giftign geifa kreiz und quea, mei lebm woa stets totalitäa
mei tatndrong brachial rabiat, unsre vabundnheit längst desolat, hob bereits jeds uateil seah gean signiat, hob meine strofn imma akzeptiat
bin glei empöat mei toleranz valoan, nuas negative is no net eingfroan, des chaos beschädigt mei autarkie, brauch jetzt unbedingt a therapie.
ch 2c) .6/6/6/6 / 7/5
muass die wogn glättn, muass den stuam jetzt obdrehn, hot so vü facettn, deaf jo net aufeastehn, a mocht hot si scho vaschwoan, wea im feia schmoan
muass die wogn biegn, brich dem stuam sei rückgrat, sei quön muass vasiegn, des wäa mei hödntat, a mocht nimmt mi in besitz, glei ohne indiz
muass die wogn mildan, es gibt kan kompromiss, sois wossa no filtan, füas reine paradies, a mocht stüht scho mei geduld, eahebt mi zum kult
muass die wogn schliessn, da stuam gheat jetzt ausgrott, mei sein deaf net fliessn, zum teuflischn hoibgott, a mocht hot mi massakriat, hob goa nix meah gspiat.
ch 3b) .9/9/9/9
mei schottn iat duach die kühle nocht, sei zrissna montl liegt hia vastreut, suacht vazweiflt die bluadsvawondtschoft, da stein is vom mosaik obproit
mei schottn eakennt kane foabm, sei charisma unschoaf nebulös, sei hülle nua lecha und noabm, sei zuastond is bereits komatös
mei schottn bleibt jetzt spualos vaschoin, kreizungen und kuavn zu komplex, mei gedächtnis is wieda ongschwoin, eazeugt übahaupt kan lichtreflex
mei schottn konsequent schizophren, a poatal in ondre galaxien, wüad sofoat freiwillig hinduachgehn, vielleicht san doat unsre symmetrien.
ch 4a) .7+7+8/4+6+4 ..9/7/8/8 ...8/8/8/10
surf auf gigantischn wön duach an feichtn höhlngong ins apokalyptische lond, flommen eahön a ruine om hong untam voimond
reit auf riesign woikn duach an schrillkreischendn schlund in a toxisch vaseichtes toi, untam boikn winkt dezent da obgrund voam aufproi
gib ma a zeichn an fingazeig, iagend a klane nochricht, schenk ma do dei aufmeaksomkeit denn sunst dei vasprechn zabricht
fliag mit enoamen schwingen duach diesn rasendn stuam in a begrenztes areal, funkn springen aus blutendn gravuan ois ritual
tauch mit oiglottn flossn duach zähflüssig klebrign schleim ins uasprüngliche gebiet, metamorphosn sehn die lebmsdatein ois defizit
definia mei realität, olle faktn san relevant, eakläa ma mei fatalität, bin do des opfa und ka simulant.
geschrieben am 06./07./08./09./10./11./12./13. september 2019.pk. ~ überarbeitet am 12. november 2023.pk
copyright by philipp kirschner.pk. ~ untermalt mit musik von the ocean, tool.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen