414. | sönvawondt.
1) .6+7 (7+6) / 9+6 (8+7) / 7+8 (8+7)
wü zruck zu den wuazln, zu meina eignen gebuat, wea no gnua üba stana puazln, setz jetzt on zum endspuat, reis mit da vaflossnen zeit, in a ondre vagongenheit
wü zruck zu meim eastn schrei, zum eastn atemzug, die eainnrung is no gonz frei, schwebt schwerelos auf meim flug, duachwonda a oide sequenz, mit ana ondan essenz
wü zruck zum eastn schmeaz, zum eastn liebesbeweis, zeast gehts steu beagauf donn obwäats, om obgschobnen obstögleis, woat vageblich auf des end, die schienen san ineffizient
wü zruck zu iagend a gfüh, zu ana emotion, des lebm woa no nie a leichts spü, gibt goa ka reaktion, die stün is hia obsolut, somml ois in meim eignen hut.
2) .6+7 (7+6) / 9+6 (8+7) / 7+8 (8+7)
wü zruck zum heissn uasprung, zua ötanliebesnocht, mit an ekstatisch wüdn schwung, homs des wunda fost voibrocht, dieses vaschwommne unschoafe büd, mutiat zu an schutzschüd
wü zruck zua reinen woahheit, und zua realität, echte lügn vaföschn den eid, die saubre qualität, so vü wuade scho schee gredt, londet auf an schrägn schachbrett
wü zruck zua entstehung, von meim eignen frein lem, bei da tatsochnvadrehung, gibts übahaupt ka vagem, da keapa gschändet missbraucht, hot olle gefühle vakauft.
ch 1a) .7+5 (6+6) / 6+6 (5+7) / 8+8 .../ 5+8 / 7+9
schrei voa puam wüdm hoss, schrei voa wut und zoan, es gibt ka eaboamen, soi in da hölle schmoan, schlog den homma aufm amboss, blos zum ongriff duachs signalhoan
schwöa rache bis aufs bluad, bis auf lebm und tod, gia noch vagötung, schleif eam brutal zum schafott, peitsch mit giftigm noglguat, auf den übriggebliebnen schrott
die bestie in mia, is donn wieda eawocht, hob in an bluadrausch, olle schuidign bestroft, hob in meim ongstommtn revia, des bese gfoitat und obgschofft
da kriag hintalosst spuan, no imma on da front, jeda is mei feind, bin nua mit mia sönvawondt, ziag meine gschnitztn figuan, übas föd in den sumpf duachn sond.
wü zruck zu den wuazln, zum eastn uaelement, wea no gnua neavn vabrutzln, jeds obgebrochne fragment, treib mit den wön da zeit, in a ondre vagongenheit
wü jetzt zruck zum uaknoi, zum peafektn phänomen, loss gedonklich den sündnfoi, relativität entstehn, hob om eaeignishorizont, des schwoaze loch eingesponnt
wü zruck zua grundsubstanz, zum ollaeastn kontakt, die schöpfarisch geistige instanz, bekräftigt diesn akt, die aussnhaut vom wödoi, zreisst im bestimmtn intavoi
wü zruck zum eastn licht, und zua letztn dunklheit, easchoffn woogschoin füas gleichgewicht, mit woahra göttlichkeit, olle foamln genial, vastreun no vü meah potenzial.
4) .6+7 (7+6) / 9+6 (8+7) / 7+8 (8+7)
wü jetzt zruck zum uasprung, zum winzign ausgongspunkt, mei feina pinsl hot mit vü schwung, in die foabm eintunkt, besprenklt die galaxie, mit seah zoata melancholie
wü zruck zum dichtn nebl, direkt zum woiknheaz, die symphonien treibm den hebl, imma weita voawäats, die supanova fluoresziat, da weisse zweag meditiat
wü zruck zua obaflächn, zum ollahechstn rond, so vü phantasien duachbrechn, die massive wundawond, des kolossale phänomen, entwiaft sei eignes emblem
wü zruck zua äussastn hün, zua letztn dünnen schicht, spia hoch obm des dezente glühn, mit da scheenstn aussicht, streichl sonft des instrument, foig diesm pfad zum monument.
b 1) .6/5/6/5 / 6/5/6/5 ....9/12/11/13
es gibt ka vagebung, die wüafln san gfoin, es woa die voasehung, muass füa ois bezoihn, es gibt ka entkommen, wia miassn do duach, uns wiad so vü gnommen, vasteckt untam tuach
konn net meah entrinnen, steht ois in an buch, mecht gonz neu beginnen, ka zweita vasuch, ma hot nua a lebm, und des is net vü, des nehmen und gebm, is a ewigs spü
diesa zruckglegte weg, hot spuan vawischt, jeda klanste beleg, ausm trübm gfischt, da ausbruch is missglückt, die uah hot laut tickt, homs dasein no ausgschmückt, san trotzdem einknickt
empfind übahaupt kane schmeazn, hob meine tatn übahaupt no nie bereut, die vastoabnen san wie ausblosne keazn, hom die nächste stufn eareicht beim glockngeläut.
ch 1b) .7+5 (6+6) / 6+6 (5+7) / 8+8 .../ 5+8 / 7+9
schrei voa puam wüdm hoss, schrei voa zoan und wut, niemois mitgefühl zeigt, bod im feindlichn blut, mei eaboamen is gnodnlos, entfoch feia aus koita glut
mei rache grausam süss, geht um lebm und tod, foig nua meim uainstinkt, sitzn im söbm boot, vaschick a poa makabre schüss, tauch den finga ins frische rot
die bestie in mia, kontrolliat mei system, mei bluadrausch woa wieda, exzessiv und extrem, jog a des gresste beutetia, mit leichtigkeit gonz souverän
da kriag mocht sei zeichn, no imma on da front, da feind übaroi, bin nua mit mia sönvawondt, wea den boikn duachstreichn, hob fremdes lebm nie vaschont.
diese stün hot mi featig gmocht, brauch die bombmexplosion, diese stün hot mi scho ausglocht, muass jetzt eafülln mei mission, mit oi meina komplexn aggression
treib scho ufalos aufm mea, brauch des tödliche geschrei, die wundn san spektakuläa, da wiads gebet zua oaznei, mit meina grausign schwoazmolarei
die frische luft mocht mi varuckt, brauch den gstonk vom kronkn tod, die vawesung hot mi zadruckt, in mia wohnt da behemoth, mit meim stets gültign lebmsvabot
bin sönvawondt mit meim eignen sein. mit vabronntem fleisch und innarein, bin sönvawondt mit meim phantom, fütta ständig mein giarig hungrign dämon.
wü zruck zu unsren wuazln, zu unsam eastn kuss, wea no long om lebm rumpuzzln, schickst ma an liabm gruss, unsre gemeinsome zeit, hot mi ins vagongne eingweiht
wü zruck zum augnaufschlog, zu unsren neckarein, dei aura wie a kaleidoskop, stroiht unschuidig und rein, die schmettaling in meim bauch, woan seah boid nua no schoi und rauch
wü zruck zua zweisomkeit, zu unsra intimität, siag voa mia dei enges rotes kleid, mit vü frivolität, dei kreativ offne oat, hot ma dei gelüst offnboat
wü zruck zu deim keapa, in dein beschützendn schoss, im wohligwoamen feichtn keaka, is dei kunst grenznlos, mit deina libido vaknüpft, is uns lauts stöhnen entschlüpft.
6) .6+7 (7+6) / 9+6 (8+7) / 7+8 (8+7)
wü zruck zum uasprung, zua liebe aufm eastn blick, unsre chemie liegt uns auf da zung, bestimmt unsre physik, hob di mit fessln geneckt, host dein sadismus nei entdeckt
wü zruck zua beagspitzn, zum traumhoftn meeresstrond, frön dem masochistischn ritzn, stehst nockt im mein vastond, dei knotn is seah pikant, dei akrobatik is riskant
wü schnö zruck auf dei schiff, host die weissn segl gsetzt, host dei telepathie fest im griff, san mitanond vanetzt, findn imma meah geschmack, in unsra geheimen weakstatt
wü zruck in dein hofn, in dei sichres waches nest, du bist da heisseste ofn, besteh bei dia jedn test, bewoahst da dei jungfräulichkeit, mit deina ausgiebigkeit.
b 2) .6/5/6/5 / 6/5/6/5 ....9/12/11/13
es gibt ka amnestie, die koatn san glegt, und die anomalie, hot mi leagefegt, es gibt ka vaschwindn, nix bleibt hia vaschoin, des hoate rauswindn, misslingt aus da foin
a flucht bleibt ma vasogt, steht ois im roman, hätt mei lem gean befrogt, gibt kan zweitn plan, ma mocht den eastn schritt, und donn gehts scho los, diesa goidane schnitt, is pures chaos
jeda anzelne grat, läuft net meah retour, bin und bleib a soidat, leist ewig an schwua, die umgebung gescannt, den feind obseaviat, bin scho seah effizient, vü eliminiat
woa mei gonzes lebm scho schmeazfrei, hob no nie iagendwöche schuidgefühle ghegt, kana konn mi stoppm bei da rasarei, hob die sprossn da lebmsleita gonz leicht zasägt.
d 1) .11/11/10/10 ...13/11/10/10
bin in meim eignen kriag scho vüz tiaf eintaucht, hob die letztn gefühle scho längst vabraucht, wea beschottet vafoigt gjogt und nochgstöt, hob freiwillig mein eignen kriag ausgwöht
bin in meim eignen kriag scho vüz tiaf vagrom, mei obgestumpftheit is a kloares symptom, wea beschottet nochgstöt vafoigt und gjogt, hob im eignen kriag vü lebm zahockt
bin in meim eignen kriag vüz tiaf involviat, woa bei meinen aufgobm no nie maskiat, wea beschottet gjogt nochgstöt und vafoigt, hob füa mein eignen kriag gnua kroft eazeugt
des monotone radl rotiat rund um die uah, des flüstan da stimmen gibt niemois a ruah, leb die gonze zeit nua in diesm krieg, wea wiedageboan füa den nächstn sieg
mit vabundnen augn spul i mei routine ob, die flashbacks blitzn auf wie a stroboskop, leb die gonze zeit nua im feindeslond, bin imma in an ausnahmezuastond.
ch 1c) .7+5 (6+6) / 6+6 (5+7) / 8+8 .../ 5+8 / 7+9
schrei voa puam wüdm hoss, schrei beim amoklauf, des mitleid nimmt kollateralschädn in kauf, stets bereit füa an gegnstoss, bin unsichtboa wie koita rauch
nimm rache on jedm feind, auf lebm und tod, gehoach da innren stimm, spü wieda lieba gott, hob mi mitm teifl vaeint, a fanatischa patriot
die bestie in mia, entfoitet iahre kroft, die eisige kötn, hot mein bluadrausch entfocht, hob mei makabres souvenia, in ana säure ausgekocht
da kriag gibt des signal, no imma on da front, da feind scho tiaf drin, bin nua mit mia sönvawondt, geh ruhig duach mei areal, bin no nie voa iagendwos weggronnt.
diese stün hot mi attackiat, brauch do den sirenenläam, diese stün hot mi denunziat, muass jedn keapa auslean, in meinen dystopischn moabidn sphäan
da bombmhagl is musik, brauch diesn giftgasongriff, om fliessbond in ana fabrik, lock die feigheit auf a riff, beend die todesmelodie mit pfiff
diese frische luft is vüz gsund, brauch die ongst mittn im tod, ealös olle vom lebmsbund, bin da engl in da not, bin da fäahmonn und diesa bruchpilot
die vün foabm hom mi blendt, brauch do nua feia und rauch, hob totale finstanis gspendt, tonz um an brennendn strauch, nimm füa die nächste rundn no onlauf
bin sönvawondt mit meim eignen sein, aufgspiesstn köpfn hoaspoitarein, bin sönvawondt mit meim phantom, fütta ständig mein giarig hungrign dämon.
da kriag hot scho in meim vawiatn vastond, a bluadigrotes vaschmiats büd gmoit, da kriag reicht ma sei stoake hond, zeigt ma sei radikale oatnvüfoit
da kriag is scho long mit mia sönvawondt, bin gfongen in da endlosspiroin, diesa kriag is mei proviont, foig wie in trance den vasickandn rinnsoin
diesa kriag lebt in mia imma weita foat, hoit mi scho long fest in seina gwoit, da kriag hot ma goa nix easpoat, beweg mi frei zwischn wüdnis und onstoit
da kriag is scho long mit mia sönvawondt, konn mein weadegong net ausradian, bin in deim lebm unbekonnt, vielleicht konnst du in mia liebe injizian.
wü zruck zu den wuazln, zua unberüahtn natua, wea in da einsomkeit rumwusln, ungezähmt triebm pua, fliag aufm rückn da zeit, in mei vagongne unfähigkeit
wü zruck zum jäga sommla, und zum nomadnlem, bin da rituelle trommla, lean bescheidnheit vastehn, des trauma is no präsent, da sölische schock divergent
wü zruck zum logafeia, im höhlnlabyrinth, gschichtn von gestirnen mit schleia, eazöht vom laun wind, mecht ans sein mit da natua, vamiss mei oide noblschnua
wü zruck zua meditation, zum eadign heazschlog, bin stets mit da eadrotation, in an offnen dialog, die modeanen stöafaktoan, hom hia draussn goa nix valoan.
8) .6+7 (7+6) / 9+6 (8+7) / 7+8 (8+7)
wü zruck zum uasprung, ins harmonisch vaträumte licht, bin a teu von diesa oadnung, hob mei eigne heilge schrift, les die weisheitn laut voa, fauna flora singen im choa
wü zruck zu den göttan, feia wossa eadn luft, jede joahreszeit a behöta, hot sein uaeignen duft, bin donkboa füa jeds geschenk, näaht und heilt mit speis und getränk
wü zruck ins lond da menschheit, zruck in den ozean, hob mi hinta waln eingreiht, iah gesong is wie balsam, foig leis iahra longen tour, lean iah gesomte prozedua
wü zruck in diese wöd, in mei eigne dimension, hob ma an neionfong bestöt, inhalia jede vision, hob mei lebm auf nui gsetzt, hob die spükugl unterschätzt.
b 3) .6/5/6/5 / 6/5/6/5 ....9/12/11/13
es gibt ka toleranz, die figua is gsetzt, jeda ziagt donn bilanz, bin scho schwea valetzt, es gibt ka entweichn, wiad ständig bewegt, losst hia zvü vastreichn, ois wiad glottgefegt
a magnet ziagt mi on, steht ois auf gestein, bin a chamäleon, ka zweits bewusstsein, hot des zü voa augn, glei wieda aufglöst, hofft auf obaglaubm, hob ma ois eingflösst
die bruckn übaqueat, ois zu sond zafoin, da befund is vakeaht, mei ich wiad aufproin, da schlofende vuikan, hot pletzlich laut knuat, die hauchdünne membran, is net meah festzuat
jede anzelne naht, schwoch und föhlahoft, bin und bleib a soidat, stets auf oabei ghofft. jedn beföh ausgfüaht, d‘listn obgehakt, meine oadn berüaht, is wie a impakt
betrocht diesn schmeaz ois guadn freind, hob a no nie füa mei tun rechnschoft obglegt, hob sicha no nie trauatränen vaweint, zastea jede hoffnung mit an dominoeffekt.
d 2) .11/11/10/10 ...13/11/10/10
bin in meim eignen kriag scho vüz tiaf vaschoat, hob ma jede geringste regung easpoat, wea beschottet gjogt nochgstöt und vafoigt, hob mi voa meim eignen kriag tiaf vabeugt
bin in meim eignen kriag scho vüz tiaf vaschonzt, mei heazlosigkeit hot si in mia vapflonzt, wea beschottet vafoigt gjogt und nochgstöt, hob im eignen kriag nie des zü vaföht
bin in meim eignen kriag scho vüz tiaf valiebt, hob mi in meim eignen kriag scho söbst besiegt, wea beschottet nochgstöt vafoigt und gjogt, hob in meim kriag nie noch ontwoatn gfrogt
da ewig follende tropfn höhlt hoates gestein, des säusln da stimmen sprudlt in mich rein, da kriag is mei lebm mei meistaweak, mei wiedagebuat is zurückgekeaht
meine fünf sinne san bis aufs äussaste ongsponnt, die aufblitzendn büda hom si einbronnt, mei zuhaus is des feindliche gebiet, hob mi voa diesm kriagsrecht scho hinkniet.
e 1) .13 (12)/11 (12)/7/13 ..10/10/12/8/6 ..7/9/8/9 / 7/7
mei nächsta auftrog is kompliziat schwierig vatrackt, hob meine siebm sochn scho längst zommpackt, bin wie imma motiviat, hob jede eventualität analysiat
bin mit voim einsotz on diesa oada dron, vaschmöz mit da umgebung bin mit iah synchron, bin wieda volla elan, olle wiaksomen mossnohmen san net seah human
bin füa diese oabeit wie geschoffn, hob von kla auf gleant wie ma übalebt, hob auf da ausbüdung olle übatroffn, hob nua den eastn plotz ongstrebt, hob nie zittat und bebt
fühl mi füa diesn job wie berufn, hob von kla auf gwusst wie ma si scho weaht, meine gegna deafn mi gean oft vafluchn, hob mi nua ois besta bewäaht, hob stets ois aufgeklärt
hob jetzt nix meah zu valian, so vü eneagie hot si aufgstaut, wea olle details inspizian, hob imma nua mia alla vatraut, gib imma hundat prozent, nua i bin da dirigent
wea meine messa wetzn, hob mei woffnarsenal aufgstockt, wea mi a bissl aufhetzn, hob jedn rivoin ind foin glockt, hob mi geisslt und maskiat, bin donn wieda explodiat.
ch 1d) .7+5 (6+6) / 6+6 (5+7) / 8+8 .../ 5+8 / 7+9
schrei voa puam wüdm hoss, schrei scho giarig laut, des bedauan hot die totn sön scho aufgraut, es gibt nie an schuidnealoss, hom si scho zua maua aufbaut
treib die rache bis zum schluss, auf lebm und tod, hoit mi strikt on mei gesetz es gibt ka vabot, da bestialische genuss, is wie a sötenes kleinod
die bestie in mia, wittat frischfleisch jungs blut, mei blinda bluadrausch foadat an hohn tribut, des tötn is mei elixia, und vableibt in meina obhut
da kriag moit des symboi, no imma on da front, da feind bin i söbst, bin nua mit mia sönvawondt, nua i hob des monopoi, bin bei meim wiakn tiafnentsponnt.
diese stün hot mi scho zvü quöt, brauch do den ponzabeschuss, die stün hot meine oahn voidröhnt, brauch an bestimmtn rhythmus, da todesengl mitm todeskuss
beobocht des raketnweak, zöh die einschläg gonz leis mit, diese tat wiad nie aufgekläat, die unschuid beisst auf granit, vü nuancen beim todeskolorit
diese frische luft is vüz leicht, brauch des strohlende atom, die keanspoitung hot mi scho gstreift, vaända jeds chromosom, bin a krebsgeschwüa und a melanom
die foabm samma zu knoibunt, brauch nua asche schwoaz und grau, besoag ma sausm höllnschlund, varüahs in den moagntau, loss olle hochlem bei da gräbaschau
bin sönvawondt mit meim eignen sein, kollektivn phobien metzelein, bin sönvawondt mit meim phantom, fütta ständig mein giarig hungrign dämon.
da kriag hot scho in meim diffusn vastond, pandemische keime weit gesät, uns vabindet a stoakes bond, zeigt ma sei umfossende peaveasität
da kriag is scho long mit mia sönvawondt, bin gfongen in da ziakulation, diesa kriag is mei sekundant, beend in trance die nächste operation
da kriag is scho long mit mia sönvawondt, konn sei autorität net blockian, bin in deim lebm unbekonnt, denn nua du konnst mia dei liebe transferian.
bin im kriag geboan, wea im kriag a steam, hob mein kriag valoan, muass diesn kriag vaeahn, is mei familie mei wöd, mei lebendiges himmlszöt
hob dem kriag gedonkt, hot mi inspiriat, vom kriag nix valongt, hob mi im kriag vaiat, hot mi imma wieda freikämpft, mei zweites ich woa scho gedämpft
bin mit diesm kriag sönvawondt, hot mi in olle richtungen entsondt, diesa kriag hot ma honig um den mund gschmiat, hob mi goa net geniat
bin mit diesm kriag sönvawondt, hot mein keapa mei sö mei ich geklont, diesa kriag hot die eainnarungen graubt, woan scho long stoak vastaubt
drum schick ma endlich moi dei liebe mit telepathie, entfochs feia in da schmiede füa unsre therapie, warum bin i in deim lebm unbekonnt
drum schick i da jetzt endlich mein hoss in dei galaxie, vafoig die dröhnendn echos zruck bis zua symmetrie, leida wean wia zwa niemois sönvawondt.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 21./22./23./24. november 2017 /// 25. mai 2018 ~ überarbeitet am 17./18./19. dezember 2021.pk
copyright by philipp kirschner.pk. ~ untermalt mit musik von vincent herring.
************************************************************************************
ein herzliches dankeschön für euer interesse, eure lange treue, euren oftmaligen besuch und für eure zeit, die ihr alle ins lesen steckt. vielen lieben dank.
bleibt mundartig gesund und bleibt mir weiterhin gewogen.
euer philjazzmetal, der mundartige.
Keine Kommentare:
Kommentar veröffentlichen