442.
| weisse zettl.
1) .7/8/7/8 / 8/7
die blockadn hoit mi fest, a tiafe leare gähnt mi on, do hüft jetzt a ka protest, die ideen san auf und davon; find net amoi an frischn trieb, mei gehian is wie a sieb
vasuach jetzt zu meditian, do des resultat geht valoan, mecht endlich wieda rotian, noch oi den ewig longen joahn; meine synapsn liegn brach, woa no nie a fotograph
schreib jedn gedonkn auf, jeds detail hob i ma notiat, nimm an kuazn schlof in kauf, hob ka phantasie in mia gspiat; diese unlesaliche schrift, hot nie a schoafe onsicht
die woatezeit scho vüz long, mei voi gschriebnes buach bleibt vaschoin, öffne endlich den voahong, loss des licht wieda in mia stroihn; do die schwäazn is no vüz gross, die finstanis losst net los.
die blockadn druckt mi zomm, a da schottn hot mi vafoigt, da nebl is wie a schwomm, mei vastond is scho so vakoikt; benötig an geistign blitz, nimm plotz auf an hoatn sitz
konzentria mi auf mei sein, schau zruck in die vagongenheit, mecht mi do endlich befrein, von den fessln in raum und zeit; lös mi von da eainnarung, bereit füan nägstn sprung
des chaos im labyrinth, hot mi hintarucks übafoin, tauch im vaflüssigtn wind, noch uaoidn peagamentroin; so vü seitn san scho vablosst, hobs ausmass no net eafosst
wo bleibt denn nua mei impuls, des feia is längst runtabronnt, hob ongst wegn des moduls, is ma zua gänze unbekonnt; des neie is ma z‘kompliziat, hob mi dafüa so geniat.
ch 1a) .12/11/11 (12)/10 (9)
da weisse zettl mutiat voa meine augn, zu an endlos spieglglotten mea aus eis, mecht den weissn zettl endlich obstaubm, steh einsom mittn in an teiflskreis
suach scho vazweiflt noch an kräftign foabstift, do die anzlnen nuancen san eastoat, suach vazweiflt nochm buntn gleichgewicht, find hia net amoi a afoches woat
da weisse zettl mutiat voa meine augn, zu ana molarischn gebiagslondschoft, mecht endlich on den weissn zettl glaubm, bin hia völlig allan und ohne kroft
suach scho vazweiflt noch an komplett woahn sotz, do die wöata eagebm olle kan sinn, suach vazweiflt nochm oigemeinen woatschotz, vamiss hia scho long den sotzbeginn.
3) .7/8/7/8 / 8/7 ....9/11/10/10/6
die blockadn greift fest zua, a sinnlose wüste eascheint, geniess vüz long diese ruah, da sond is mit da sunn valeimt; goa ka vision rieslt heron, mei gehian is wie beton
befoss mi jetzt intensiv, mit meinen innastn gefühln, san do nua dekorativ, muass jetzt no präzisa duachwühln; hob ka gspia füas sonfte gemüt, mei antenne hot net gsprüht
bin strukturell aufgebaut, die eignschoftn zu komplex, scho zvü krotza auf da haut, steua goa kan meina reflex; vasink in trübe lethargie, nimmt mei sein in iah regie
hob die logik scho valeant, so vü fädn hom scho an riss, hob den lauf no net entkeant, füa mi gibts a kan kompromiss; hob des kladruckte ignoriat, hob hia nie richtig agiat
des scheitan liegt ma schwea im mogn, diese barriean san wie a mächtigs gebiag, des gwitta is no net weitazogn, aus meim komfortablen woihfühlbeziak, bin no imma vawiat.
4) .7/8/7/8 / 8/7 ....9/11/10/10/6
die blockadn zwickt mi ein, hot jeds element hoat rauspresst, vawondlt si scho zu stein, zasteat des gonze wossanest; die säuln hom die troglost entzweit, die trümma hom si eingreiht
jeda zeitung föht des blott, jede nochricht giarig aufgsaugt, mei eigne lebmsweakstott, hot si scho vüz fruah söbst entlaubt; meine zweige san längst vadoat, zabrechn beim klanstn woat
vasuachs jetzt mit akribie, vaschmöz glei mit da präzision, vabrauch hia zvü eneagie, in diesa unsichtboan region; jeda tropfn is glei vapufft, dazwischn a grosse kluft
wo bleibt nua mei nägsta schritt, mecht jetzt die bruckn übaquean, moch hoffentlich kan föhtritt, in diesn befremdlichn sphäan; vüz weit san die maschn im netz, foi wie vom hechstn trapez
vakroft a niedalog net seah guat, diese hohe hemmschwön is scho seah massiv, befind mi grod auf meim letztn endspuat, um mia herum woa stets ois positiv, steht ois in meim archiv.
nimm jetzt an feinen pinsl in mei zittrige hond, moi mia a üppige insl mit an glitzandn strond, duachwonda dieses utopische lond, wöz mi im feinen weissn sond
zeichne mia mit gschlossnen augn a fein skizziates mosaik, fütta diese friednstaubm mit sonfta lieblicha musik, hot iahre fliagl gstreckt, im gfieda hot si wos vasteckt
hob scho mei eignes papia aus papyrus heagstöt, beschreib in edla gschwungna zia mei idyllische wöd, spazia duach wiesn boch dichtem uawoid, suhl mi fest in diesa vüfoit
hoff sehnsüchtig auf eingebung von grossa kreativität, easchoff ma auf da eahebung an oat volla intimität, besing diese natua, inhalia jede klanste spua
a eignständige dynamik hot si mia offnboat, hob an unbändign appetit aufs literarische woat, mecht sponnende gschichtn eazöhn, mecht eian heazschlog eahöhn
a natüalich reine qualität hot si mia offnboat, hob a mei eigne fragilität mit unsichaheit ongstoat, mecht die gehianzön aktivian, mecht eire neavn traktian.
ch 1b) .12/11/11 (12)/10 (9)
da weisse zettl mutiat voa meine augn, zu an eruptivn rauchendn vuikan, mecht dem weissn zettl sei geheimnis raubm, steh einsom mittn im lebmsplan
suach scho vazweiflt noch ana ölkreide, do die stäake da foabm hot längst obbaut, suach vazweiflt noch da softign weide, hea hia net moi an koloriatn laut
da weisse zettl mutiat voa meine augn, zua uneafoaschtn lagune aufm mea, mecht vom weissn zettl jetzt ois einsaugn, mei situation is äussast prekäa
suach vazweiflt noch schattierungen in schwoazweiss, do die grautöne eafülln hia goa kan zweck, suach vazweiflt nochm vaboagnen obstögleis, vamiss hia scho die realität.
ch 2a) .8/12/10/11 .11+6/6+8/10
die glockn schlogt scho längst alarm, die weissn zettl büdn an raschlnden schwarm, flattan wüd in ana keilfoamation, die loopings soagn füa a guade traktion
die sirene heult in an gellend schrilln infeanalischn ton, stüazt si von den pupilln duach mein mund in mein pantheon, bringt die schwingungen wieda zua räson
die lompm blinkt im foischn takt, die weissn zettl san no imma splittanackt, sommln si zum riesign woiknbeag, des gwitta wiad zu an stüamischn kunstweak
die woanblinkonlog hots längst signalisiat diese anomalie, wiad blitzschnö konsumiat von da hoch giftign chemie, glättet donn wieda die rauhe phobie.
5) .7/8/7/8 / 8/7 ....9/11/10/10/6
die blockadn hot mi bremst, noch olle seitn bin i blind, fühl mi wie a graus gespenst, diesa weg woa voaheabestimmt; hob net moi luftblosn aufpumpt, mei gehian is scho vaklumpt
steta tropfn mocht varückt, höhlt sogoa die letzte instanz, hob wieda moi blumen pflückt, reinig mi im duftendn glanz; kane woikn hom si auftüamt, bin jetzt scho etwas eazüant
die notizn san defekt, stoa nua no auf die fade wond, hob mi im schlof söbst aufgweckt, eawoch direkt om horizont; hobs punktevabindn valeant, hob die knotn net entkeant
die stumpfe monotonie, trogt jede losigkeit zu mia, mei eigne philosophie, kreiat a schwoches elixia; vaschwommen san die weisn sprüch, übaroi kantn und brüch
da nägste föhschlog steht voa da tüa, des ständige hämman mocht mi scho neavös, in meim mogn rebelliat des geschwüa, wiakt bedrohlich und easchreckend montrös, dafüa gibts kan ealös.
6) .7/8/7/8 / 8/7 ....9/11/10/10/6
die blockadn draht mi ob, es kummt afoch nix meah hearaus, spreng endlich diesn mossstob, donn bekommst von mia vü applaus; des vahötnis is net korrekt, hot an dominoeffekt
die schling um meim hois is eng, die luft is scho vüz floch und dünn, bin mit mia söbst eisan streng, bei mia muass ois spriessn und blühn; do mei brunnen is scho vasiegt, jede quön hot si bekriegt
da wiabl eazeugt an sog, reisst mi in a endlose schlucht, brauch an schoafn dialog, auf meina akribischn flucht; kane vokabln san voaprescht, mei lexikon is ausglescht
da schlussstrich hot kan beginn, im nebl steckt a dunkla punkt, a grodn losst si net ziehn, hob scho zweit ind leare eintunkt; mei datnbank wuade ausgraubt, die regale san vastaubt
ealeid fiaskos nochanonda, mei söbstbewusstsein is ziemlich ramponiat, woa eigentlich nie a hypochonda, des dauande grübln hot mi sediat, hob net meah vü riskiat.
b 2) .7+6/8+6/10/8 .8+8/8+8/6/8 ....9+6/9+7/8/7
nimm jetzt an feinen pinsl in mei geschwächte hond, moi mia a fruchtboare insl mit an schillandn strond, inspizia die materie genau, betrocht jede nuance von blau
vagleich in gründlichn zügn die zukunft mit meim mosaik, illustriat ma in steilflügn diese symphonien da musik, voluminös enoam, des meeresrauschn is in foam
hob scho mei eignes papia aus papyrus eazeugt, hob auf meim streifzug duachs revia mi voa da natua vabeugt, mei exkuasion füaht mi zum hechstn rond, knüpf a enges und dickes bond
hoit scho ungeduidig ausschau noch meina produktivität, im longsom auflösendn stau steckt no mei genialität, inhalia diese procht, lobpreis die schöpfarische mocht
a völlig unberüahts potenzial hot si mia offnbart, des unschuidige material hot geduidig ausgeharrt, mecht vaflochtne gschichtn doastön, mecht eia heaz net vaföhn
denn a leistungsföadande substanz hot si mia offnboat, hob mei foamulierende brillanz iagendwo ochtlos vaschoat, mecht eich onregn inspirian, mecht eich dazua motivian.
d 1) .5/8/6/7 / 5+5/5+5
konn net meah sprechn, schreibm oda gestikulian, wü no net zabrechn, plotzn oda explodian; muass mi söbst findn und mi dringend heiln, muass mi losbindn wü mi jetzt obseiln
hob no so vü voa, do mia foit afoch nix meah ein, steh voam gschlossnen toa, vamiss die phantastarein; muass ois ausgrobm gibt so vü zu sehn, suach meine gobm konns no net easpähn
konn net meah schreibm, redn oda geschickt hantian, wü no net zareibm, beastn oda detonian; muass auf mi ochtn und mi akzeptian, muass ois betrochtn wü jetzt ois notian
kenn do no mei zü, hob oba die kuavn net gschofft, des is des gleiche spü, iagendwos hot mi bestroft; konns net eingrenzn und a net aufspüan, wea die tuabulenzn jetzt übafüahn
wü eich so vü gem, a finstanis hot mi eareicht, is a gschlossnes system, a zettl hot mi scho gstreift; da eastkontakt hot mi elektrisiat, da kuaze impakt hot mi stimuliat.
ch 1c) .12/11/11 (12)/10 (9)
da weisse zettl mutiat voa meine augn, zu an zähflüssig modrign einheitsbrei, wü dem weissn zettl buchstobm onschraubm, steh einsom mittn auf da datei
suach scho vazweiftl nochm schreibendn weakzeug, do die leuchtkroft is bereits ziemlich vagübt, suach vazweiflt noch an realn eafoig, bin in da konstellation ungeübt
da weisse zettl mutiat voa meine augn, zu an gfäahlichn oba fruchtboan sumpf, wü on den weissn zettl innig glaubm, fühl mi wie a vamodeta baumstumpf
suach scho vazweiflt noch da richtign ontwoat, do i hob mi on da frog scho längst vaschluckt, suach vazweiflt noch da korrektn einfoaht, vamiss hia scho des finale produkt.
ch 2b) .8/12/10/11 .11+6/6+8/10
die glockn dröhnt scho schallend laut, den weissn zettln homma olle blind vatraut, die geheimnisse san drauf guad aufghom, duach vabrennung weans zum unsichtboan phantom
des signalhoan kreischt in an moakeaschüttand entsetzlich grelln ton, stüazt si voa ongst zittand duachs schwoaze loch ins pantheon, bringt die rotation wieda zua räson
die lompm leichtn bluadig rot, die weissn zettl hom endgültig flugvabot, die obschussonlog is stets in betrieb, des feuaweak is wie a vakeahta sieb
die gehianwäsch begleicht die psychologisch phobische amnesie, da notruf is gonz frisch in diesa besn parodie, endet in ana ständign manie.
ch 3a) .10/15/9/7 ....11/8/11/11
weisse zettl liegn direkt voa mia, und träumen von obmteian volla risikn und gfoahn, woatn geduidig aufs beutetia, gibt si scho söba die spoan
weisse zettl schlofn direkt voa mia, und träumen von da odyssee zu den sensiblen sensoan, gehn wacka und topfa ins tuania, ziehn iahre eignen vektoan
weisse zettl entsponnen si voa mia, träumen von kräftign joahresringen von meim lebmsbaum, nehmen olle einzln ins visia, miassn no a poa aufraun
weisse zettl schlumman direkt voa mia, eawochn schweissnoss aus iahm bizarrn fremdn oiptraum, vagessn soglei iah jogdrevia, hom nua no obgstumpfte klaun
stia wie in trance auf meine weissn zettl, meine muskln san wie gelähmt, mia föht übaroi da richtige deckl, iagendwos hot mi hypnotisiat und zähmt.
die blockadn hot mi gstoppt, die bewegung hot si aufgstaut, in mia hot ka stuam meah tobt, hob mia nua von draussn zuagschaut; mei geistigs gefäss is gonz hohl, is a sinnloses symbol
fokussia mi aufm kean, wuade zatretn und zamoimt, muass die fensta weit aufspean, die maua hot mi scho einzäunt; jeda ziegl bröcklnd zabricht, des grundgerüst is undicht
da speichaplotz is scho voi, bin afoch scho völlig schachmatt, treib ufalos im atoi, siag ois im flächign foamat; die dritte dimension vasogt, hob mi goa net meah raus gwogt
bin hia net meah motiviat, hob afoch nua im trübm gfischt, hob nix meah analysiat, olle lichta san längst ealischt; ka interesse hot mi gweckt, woa unsicha und vaschreckt
foah mei rettungsboot stets auf a riff, hob ois kapitän die melodie ausgwöht, keah die gesomtn wracks untan teppich, hob mi im lebm scho vüz oft vazöht, mi nie dagegn gstöt.
8) .7/8/7/8 / 8/7 ....9/11/10/10/6
die blockadn dehnt si aus, übanimmt mein keapa mein geist, hob kane tüan in meim haus, oi meine büda san vareist; jeds schlupfloch vabarrikadiat, bin jetzt völlig isoliat
diesa schriftzeichnsalot, is vaschlüsslt peafekt codiat, füa mi güts lesevabot, hob afoch ois foisch programmiat; die hieroglyphn übamoit, schweb üban seah tiafn spoit
gfongen wie in zellophan, konn daraus afoch nie entfliehn, a dystopischa roman, hob ma sei end nua ausgeliehn; ois wiakt so ondas kurios, in meim entwoafnen kosmos
die woikn hot mi im griff, des fiamament bleibt ma vaweaht, bin no im vasunknen schiff, kana hot mi gonz aufgekläat; da kometnschweif locht mi on, eakenn hinta eam an thron
bin bei meinen ausrutschan umkippt, hob die stoipastana jedsmoi übasehn, hob mi bei jedem omen glei vatippt, hea den robm leise krächzn und krähn, wü hia no ois ausspähn.
b 3) .7+6/8+6/10/8 .8+8/8+8/6/8 ....9+6/9+7/8/7
nimm jetzt an feinen pinsl in mei gelähmte hond, moi mia a proigfüllte insl mit an blendendn strond, hob dieses territorium obgsteckt, hob die wüdnis übaroi gschmeckt
setz die vün föhlendn teile ins abstrakte mosaik, die grissnen aufgspultn seile zeigns lebm im augnblick, die fransn san gonz glott, beoabeits in meina weakstott
hob scho mei eignes papia aus papyrus gefoamt, do des varostete scharnia woa net amoi genoamt, mei psychedelischa trip woa konfus, berüah extrem olle tabus
stöba duachwühlend übaroi noch individualität, vawisch mit vawöktm laub mei schizophrene identität, hob mi söbst therapiat, mei feiga wün hot mi kuriat
a stoak komprimiate intension hot si mia offnboat, voiend scho mei keapasuspension auf mei eigne wüde oat, mecht mi duach schmeazn animian, wü mi söba provozian
äussast fein gwüazte püz und gräsa hom si mia offnboat, hob mein anzign sönlesa gonz bis zu dem moment aufgspoat, mecht eire glut weitahin schüan, wü im brunnen no umrüahn.
konn net meah flüstan, schreibm oda veabalisian, wü mi net vadüstan, schmözn oda reduzian; muass mi söbst sichtn und mi guad eahoin, muass lebm schlichtn unds bese umpoin
mei pfad is no weit, des vakuum hot mi umhüllt, hob mi no net befreit, nua die phantome zaknüllt; muass hia rumkramen deaf nix liegnbleim, moch mei examen hia im trautn heim
konn net meah schreibm, eazöhn oda intaagian, wü mi net vatreibm, löschen oda ausradian; muass ois obwiegn ois genau dosian, muass mi besiegn und regenerian
kenn no mei funktion, do zvü variable kopien, die gleiche reaktion, bestroft donn die symmetrien; konns net festhoitn und a net enthülln, weas lebm deutn und no ois duachwühln
wü so vü schenkn, die finstanis hot mi einghoit, konns system net lenkn, a zettl hot si entroit; die intaaktion hot mi übarascht, a kettnreaktion hot mi vanascht
wü vü vakündn, dunklheit dämmat voa si hin, in meinen obgründn, gibts goa kane galaxien; diesa radius bleibt hia imma gleich, mei eigna kubus roit in den stauteich.
e 1) .7/9/6 / 7/7/9
bei mia läuft nix meah synchron, nua die zeit rinnt ma vüz schnö davon, bin mei eigna dämon; iagendwos hot mi vaflucht, hoib vafault is scho mei frucht, diesa gstonk stüht ma mei atemluft
bei mia läuft nix parallel, nua diesa raum is a karussell, hob mei eignes skalpell; schneid die kuavn mit vü wut, in mia brodlt scho des blut, die feigheit stüht ma mein wagemut
bei mia läuft nix simultan, nuas lebm valiat wieda an span, hob mei eigne membran; die risse san no seah fein, dahinta lauat da schleim, ois eastroiht in an sötsomen schein
bei mia läuft nix nemanond, nua des licht wiaft schottn on die wond, schau üban hechstn rond; dahinta gehts steu beagob, füaht ins kronke biotop, die apathie stüht mein zaubastob
bei mia läuft nix im gleichlauf, nuas letzte woat is oft in gebrauch, von an seah zoatn hauch; die brise wuade zamoimt, hob die letzte foaht vasäumt, des schicksoi hot ma ois leageräumt
bei mia is nix meah robust, da weisse zettl hätt des ois gwusst, bin mei eigna valust; gscheitat bei jedm vasuch, vaschleia ois untam tuch, geh in diesa depression zu bruch.
ch 1d) .12/11/11 (12)/10 (9)
da weisse zettl mutiat voa meine augn, zu an vafaultn und vawestn gemisch, loss dem weissn zettl d‘woahheit valautn, steh einsom voam koitn seziatisch
suach vazweiflt nochm willign instrument, do olle messungen woan manipuliat, suach vazweiflt nochm woahn foabpigment, hob mei lebm no imma net justiat
da weisse zettl mutiat voa meine augn, zu ana aromatischn quintessenz, wü den weissn zettl jetzt endlich entlaubm, befind mi mittn in ana demenz
suach vazweiflt noch jeda winzigstn zutat, die ingredienzn nie auswendig gleant, suach vazweiflt nochm sichren apparat, hob mi söba die gonze zeit entkeant.
ch 2c) .8/12/10/11 .11+6/6+8/10
die glockn schrein iah liad ind nocht, die weissn zettl hom die alleinige mocht, vagressan iahn einfluss vehement, eaweabm füa jede klanigkeit a patent
die bestialischn echowön flutn ois mit giarigem ton, stüazn si im gutn duach dichtn quoim ins pantheon, setzn mi donn gewoitig unta strom
die lompm vastroihn licht om tog, die weissn zettl hom kan signiatn vatrog, die vaeinboarung wuade längst valetzt, wuade von schoafn kroin in da luft zafetzt
steuan direkt panisch unkontrolliat in die hoate anarchie. des bebm reagiat mit an gruss da anomalie, vawicklt si tiaf in a pandemie.
ch 3b) .10/15/9 (8)/7 (8) ....11/8/11/11
weisse zettl liegn direkt voa mia, und träumen von sensationen mit purem adrenalin, die schoimaua spüt om klavia, hastet scho zum nägstn termin
weisse zettl schlofn direkt voa mia, träumen von bombastischn tuabulenzn ois medizin, diesn stoff übabringt da kuria, vaspricht hohe syneagien
weisse zettl entsponnen si voa mia, und träumen von surrealn gemäldn vom lebmsbaum, pflückn si no schnö a souvenia, brechn die lattn vom zaun
weisse zettl schlumman direkt voa mia, eawochn schreiend aus iahm diabolischn oiptraum, bodn im sprudlndem geysia, wözn si im dunklstn graun
stia wie in trance auf meine weissn zettl, meine muskeln hom si vasteift, fühl mi wie onkettet on meine sättl, iagendwos is in mia gwoxn und gereift
die weissn zettl spiegln si in da luft, hob mi söbst innalich vakrompft, wie steane leichtns in da schummrign gruft, iagendwos hot si in mia gonz dicht festgstompft.
wos woa hia nua los wos is do passiat, hob mi in diesm traum mit weisse zettl stimuliat, woit meine ideen befrein, woit afoch nua ois ausspein
nimms in mei hond lies den text amoi duach, deck die weissn zettl zua mit an schwean schwoazn tuach, die voodoopuppm aufgweckt, hot scho iahre zähne bleckt
woa wieda moi doat auf diesm plateau, diese lyrischn eagüsse san vom hechstn niveau, übawind diesn morast, fäll jetzt diesn moaschn mast
hundattausend wöata zu papia brocht, diese weissn zettl hom des magische buach entfocht, hobs mit leichtigkeit eazüt, hob gonz leicht gwonnen und gspüt
konn net meah aufhean es sprudlt und fliesst, jeda weisse zettl a sprochbegabta spezialist, woa a impulsive flut, mit rational kloan gut
hob eam soatiat den buchstobmsalat, untaschreib mei weak ois mundoatiga woatakrobat, hobs voiendet auf an schlog, schau duach mei kaleidoskop.
9) .7/8/7/8 / 8/7
die blockadn is aufglöst, die quelle sprudlt voa si hin, olle gedonkn entblösst, hob jetzt aufglodne batterien; üba mia ka schüd mit vabot, jetzt is wieda ois im lot
des weisse deckt si mit foab, hob a jede heazlich begrüsst, so vü funkn san im koab, hommas schreibm wieda vasüsst; die seitn stapln si scho hoch, long untadrückt untam joch
es geht wieda schnö voaron, jeds voigschriebne blott hot mi globt, befind mi mittn im strom, hob mei innovation austobt; so vü details brechn heavoa, öffnen glei des nägste toa
die blockadn is entwischt, hob ka ongst meah voa an schutzwall, bin motiviat und eafrischt, da weisse zettl genial; hob den letztn sprung endlich gschofft, kam ois völlig unvahofft.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 06./07./08./09. august // 29. september 2018 /// 08. mai 2019.pk. ~ überarbeitet am 18./19. november // 03./04./08./10. dezember 2022 ///
09./10./11./12./14./15. jänner 2023.pk.
copyright by philipp kirschner.pk. ~ untermalt von jazzmusik von ray brooks (dr), behn gillece, bruce harris (tr).
******************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
die blockadn hoit mi fest, a tiafe leare gähnt mi on, do hüft jetzt a ka protest, die ideen san auf und davon; find net amoi an frischn trieb, mei gehian is wie a sieb
vasuach jetzt zu meditian, do des resultat geht valoan, mecht endlich wieda rotian, noch oi den ewig longen joahn; meine synapsn liegn brach, woa no nie a fotograph
schreib jedn gedonkn auf, jeds detail hob i ma notiat, nimm an kuazn schlof in kauf, hob ka phantasie in mia gspiat; diese unlesaliche schrift, hot nie a schoafe onsicht
die woatezeit scho vüz long, mei voi gschriebnes buach bleibt vaschoin, öffne endlich den voahong, loss des licht wieda in mia stroihn; do die schwäazn is no vüz gross, die finstanis losst net los.
die blockadn druckt mi zomm, a da schottn hot mi vafoigt, da nebl is wie a schwomm, mei vastond is scho so vakoikt; benötig an geistign blitz, nimm plotz auf an hoatn sitz
konzentria mi auf mei sein, schau zruck in die vagongenheit, mecht mi do endlich befrein, von den fessln in raum und zeit; lös mi von da eainnarung, bereit füan nägstn sprung
des chaos im labyrinth, hot mi hintarucks übafoin, tauch im vaflüssigtn wind, noch uaoidn peagamentroin; so vü seitn san scho vablosst, hobs ausmass no net eafosst
wo bleibt denn nua mei impuls, des feia is längst runtabronnt, hob ongst wegn des moduls, is ma zua gänze unbekonnt; des neie is ma z‘kompliziat, hob mi dafüa so geniat.
ch 1a) .12/11/11 (12)/10 (9)
da weisse zettl mutiat voa meine augn, zu an endlos spieglglotten mea aus eis, mecht den weissn zettl endlich obstaubm, steh einsom mittn in an teiflskreis
suach scho vazweiflt noch an kräftign foabstift, do die anzlnen nuancen san eastoat, suach vazweiflt nochm buntn gleichgewicht, find hia net amoi a afoches woat
da weisse zettl mutiat voa meine augn, zu ana molarischn gebiagslondschoft, mecht endlich on den weissn zettl glaubm, bin hia völlig allan und ohne kroft
suach scho vazweiflt noch an komplett woahn sotz, do die wöata eagebm olle kan sinn, suach vazweiflt nochm oigemeinen woatschotz, vamiss hia scho long den sotzbeginn.
3) .7/8/7/8 / 8/7 ....9/11/10/10/6
die blockadn greift fest zua, a sinnlose wüste eascheint, geniess vüz long diese ruah, da sond is mit da sunn valeimt; goa ka vision rieslt heron, mei gehian is wie beton
befoss mi jetzt intensiv, mit meinen innastn gefühln, san do nua dekorativ, muass jetzt no präzisa duachwühln; hob ka gspia füas sonfte gemüt, mei antenne hot net gsprüht
bin strukturell aufgebaut, die eignschoftn zu komplex, scho zvü krotza auf da haut, steua goa kan meina reflex; vasink in trübe lethargie, nimmt mei sein in iah regie
hob die logik scho valeant, so vü fädn hom scho an riss, hob den lauf no net entkeant, füa mi gibts a kan kompromiss; hob des kladruckte ignoriat, hob hia nie richtig agiat
des scheitan liegt ma schwea im mogn, diese barriean san wie a mächtigs gebiag, des gwitta is no net weitazogn, aus meim komfortablen woihfühlbeziak, bin no imma vawiat.
4) .7/8/7/8 / 8/7 ....9/11/10/10/6
die blockadn zwickt mi ein, hot jeds element hoat rauspresst, vawondlt si scho zu stein, zasteat des gonze wossanest; die säuln hom die troglost entzweit, die trümma hom si eingreiht
jeda zeitung föht des blott, jede nochricht giarig aufgsaugt, mei eigne lebmsweakstott, hot si scho vüz fruah söbst entlaubt; meine zweige san längst vadoat, zabrechn beim klanstn woat
vasuachs jetzt mit akribie, vaschmöz glei mit da präzision, vabrauch hia zvü eneagie, in diesa unsichtboan region; jeda tropfn is glei vapufft, dazwischn a grosse kluft
wo bleibt nua mei nägsta schritt, mecht jetzt die bruckn übaquean, moch hoffentlich kan föhtritt, in diesn befremdlichn sphäan; vüz weit san die maschn im netz, foi wie vom hechstn trapez
vakroft a niedalog net seah guat, diese hohe hemmschwön is scho seah massiv, befind mi grod auf meim letztn endspuat, um mia herum woa stets ois positiv, steht ois in meim archiv.
nimm jetzt an feinen pinsl in mei zittrige hond, moi mia a üppige insl mit an glitzandn strond, duachwonda dieses utopische lond, wöz mi im feinen weissn sond
zeichne mia mit gschlossnen augn a fein skizziates mosaik, fütta diese friednstaubm mit sonfta lieblicha musik, hot iahre fliagl gstreckt, im gfieda hot si wos vasteckt
hob scho mei eignes papia aus papyrus heagstöt, beschreib in edla gschwungna zia mei idyllische wöd, spazia duach wiesn boch dichtem uawoid, suhl mi fest in diesa vüfoit
hoff sehnsüchtig auf eingebung von grossa kreativität, easchoff ma auf da eahebung an oat volla intimität, besing diese natua, inhalia jede klanste spua
a eignständige dynamik hot si mia offnboat, hob an unbändign appetit aufs literarische woat, mecht sponnende gschichtn eazöhn, mecht eian heazschlog eahöhn
a natüalich reine qualität hot si mia offnboat, hob a mei eigne fragilität mit unsichaheit ongstoat, mecht die gehianzön aktivian, mecht eire neavn traktian.
ch 1b) .12/11/11 (12)/10 (9)
da weisse zettl mutiat voa meine augn, zu an eruptivn rauchendn vuikan, mecht dem weissn zettl sei geheimnis raubm, steh einsom mittn im lebmsplan
suach scho vazweiflt noch ana ölkreide, do die stäake da foabm hot längst obbaut, suach vazweiflt noch da softign weide, hea hia net moi an koloriatn laut
da weisse zettl mutiat voa meine augn, zua uneafoaschtn lagune aufm mea, mecht vom weissn zettl jetzt ois einsaugn, mei situation is äussast prekäa
suach vazweiflt noch schattierungen in schwoazweiss, do die grautöne eafülln hia goa kan zweck, suach vazweiflt nochm vaboagnen obstögleis, vamiss hia scho die realität.
ch 2a) .8/12/10/11 .11+6/6+8/10
die glockn schlogt scho längst alarm, die weissn zettl büdn an raschlnden schwarm, flattan wüd in ana keilfoamation, die loopings soagn füa a guade traktion
die sirene heult in an gellend schrilln infeanalischn ton, stüazt si von den pupilln duach mein mund in mein pantheon, bringt die schwingungen wieda zua räson
die lompm blinkt im foischn takt, die weissn zettl san no imma splittanackt, sommln si zum riesign woiknbeag, des gwitta wiad zu an stüamischn kunstweak
die woanblinkonlog hots längst signalisiat diese anomalie, wiad blitzschnö konsumiat von da hoch giftign chemie, glättet donn wieda die rauhe phobie.
5) .7/8/7/8 / 8/7 ....9/11/10/10/6
die blockadn hot mi bremst, noch olle seitn bin i blind, fühl mi wie a graus gespenst, diesa weg woa voaheabestimmt; hob net moi luftblosn aufpumpt, mei gehian is scho vaklumpt
steta tropfn mocht varückt, höhlt sogoa die letzte instanz, hob wieda moi blumen pflückt, reinig mi im duftendn glanz; kane woikn hom si auftüamt, bin jetzt scho etwas eazüant
die notizn san defekt, stoa nua no auf die fade wond, hob mi im schlof söbst aufgweckt, eawoch direkt om horizont; hobs punktevabindn valeant, hob die knotn net entkeant
die stumpfe monotonie, trogt jede losigkeit zu mia, mei eigne philosophie, kreiat a schwoches elixia; vaschwommen san die weisn sprüch, übaroi kantn und brüch
da nägste föhschlog steht voa da tüa, des ständige hämman mocht mi scho neavös, in meim mogn rebelliat des geschwüa, wiakt bedrohlich und easchreckend montrös, dafüa gibts kan ealös.
6) .7/8/7/8 / 8/7 ....9/11/10/10/6
die blockadn draht mi ob, es kummt afoch nix meah hearaus, spreng endlich diesn mossstob, donn bekommst von mia vü applaus; des vahötnis is net korrekt, hot an dominoeffekt
die schling um meim hois is eng, die luft is scho vüz floch und dünn, bin mit mia söbst eisan streng, bei mia muass ois spriessn und blühn; do mei brunnen is scho vasiegt, jede quön hot si bekriegt
da wiabl eazeugt an sog, reisst mi in a endlose schlucht, brauch an schoafn dialog, auf meina akribischn flucht; kane vokabln san voaprescht, mei lexikon is ausglescht
da schlussstrich hot kan beginn, im nebl steckt a dunkla punkt, a grodn losst si net ziehn, hob scho zweit ind leare eintunkt; mei datnbank wuade ausgraubt, die regale san vastaubt
ealeid fiaskos nochanonda, mei söbstbewusstsein is ziemlich ramponiat, woa eigentlich nie a hypochonda, des dauande grübln hot mi sediat, hob net meah vü riskiat.
b 2) .7+6/8+6/10/8 .8+8/8+8/6/8 ....9+6/9+7/8/7
nimm jetzt an feinen pinsl in mei geschwächte hond, moi mia a fruchtboare insl mit an schillandn strond, inspizia die materie genau, betrocht jede nuance von blau
vagleich in gründlichn zügn die zukunft mit meim mosaik, illustriat ma in steilflügn diese symphonien da musik, voluminös enoam, des meeresrauschn is in foam
hob scho mei eignes papia aus papyrus eazeugt, hob auf meim streifzug duachs revia mi voa da natua vabeugt, mei exkuasion füaht mi zum hechstn rond, knüpf a enges und dickes bond
hoit scho ungeduidig ausschau noch meina produktivität, im longsom auflösendn stau steckt no mei genialität, inhalia diese procht, lobpreis die schöpfarische mocht
a völlig unberüahts potenzial hot si mia offnbart, des unschuidige material hot geduidig ausgeharrt, mecht vaflochtne gschichtn doastön, mecht eia heaz net vaföhn
denn a leistungsföadande substanz hot si mia offnboat, hob mei foamulierende brillanz iagendwo ochtlos vaschoat, mecht eich onregn inspirian, mecht eich dazua motivian.
d 1) .5/8/6/7 / 5+5/5+5
konn net meah sprechn, schreibm oda gestikulian, wü no net zabrechn, plotzn oda explodian; muass mi söbst findn und mi dringend heiln, muass mi losbindn wü mi jetzt obseiln
hob no so vü voa, do mia foit afoch nix meah ein, steh voam gschlossnen toa, vamiss die phantastarein; muass ois ausgrobm gibt so vü zu sehn, suach meine gobm konns no net easpähn
konn net meah schreibm, redn oda geschickt hantian, wü no net zareibm, beastn oda detonian; muass auf mi ochtn und mi akzeptian, muass ois betrochtn wü jetzt ois notian
kenn do no mei zü, hob oba die kuavn net gschofft, des is des gleiche spü, iagendwos hot mi bestroft; konns net eingrenzn und a net aufspüan, wea die tuabulenzn jetzt übafüahn
wü eich so vü gem, a finstanis hot mi eareicht, is a gschlossnes system, a zettl hot mi scho gstreift; da eastkontakt hot mi elektrisiat, da kuaze impakt hot mi stimuliat.
ch 1c) .12/11/11 (12)/10 (9)
da weisse zettl mutiat voa meine augn, zu an zähflüssig modrign einheitsbrei, wü dem weissn zettl buchstobm onschraubm, steh einsom mittn auf da datei
suach scho vazweiftl nochm schreibendn weakzeug, do die leuchtkroft is bereits ziemlich vagübt, suach vazweiflt noch an realn eafoig, bin in da konstellation ungeübt
da weisse zettl mutiat voa meine augn, zu an gfäahlichn oba fruchtboan sumpf, wü on den weissn zettl innig glaubm, fühl mi wie a vamodeta baumstumpf
suach scho vazweiflt noch da richtign ontwoat, do i hob mi on da frog scho längst vaschluckt, suach vazweiflt noch da korrektn einfoaht, vamiss hia scho des finale produkt.
ch 2b) .8/12/10/11 .11+6/6+8/10
die glockn dröhnt scho schallend laut, den weissn zettln homma olle blind vatraut, die geheimnisse san drauf guad aufghom, duach vabrennung weans zum unsichtboan phantom
des signalhoan kreischt in an moakeaschüttand entsetzlich grelln ton, stüazt si voa ongst zittand duachs schwoaze loch ins pantheon, bringt die rotation wieda zua räson
die lompm leichtn bluadig rot, die weissn zettl hom endgültig flugvabot, die obschussonlog is stets in betrieb, des feuaweak is wie a vakeahta sieb
die gehianwäsch begleicht die psychologisch phobische amnesie, da notruf is gonz frisch in diesa besn parodie, endet in ana ständign manie.
ch 3a) .10/15/9/7 ....11/8/11/11
weisse zettl liegn direkt voa mia, und träumen von obmteian volla risikn und gfoahn, woatn geduidig aufs beutetia, gibt si scho söba die spoan
weisse zettl schlofn direkt voa mia, und träumen von da odyssee zu den sensiblen sensoan, gehn wacka und topfa ins tuania, ziehn iahre eignen vektoan
weisse zettl entsponnen si voa mia, träumen von kräftign joahresringen von meim lebmsbaum, nehmen olle einzln ins visia, miassn no a poa aufraun
weisse zettl schlumman direkt voa mia, eawochn schweissnoss aus iahm bizarrn fremdn oiptraum, vagessn soglei iah jogdrevia, hom nua no obgstumpfte klaun
stia wie in trance auf meine weissn zettl, meine muskln san wie gelähmt, mia föht übaroi da richtige deckl, iagendwos hot mi hypnotisiat und zähmt.
die blockadn hot mi gstoppt, die bewegung hot si aufgstaut, in mia hot ka stuam meah tobt, hob mia nua von draussn zuagschaut; mei geistigs gefäss is gonz hohl, is a sinnloses symbol
fokussia mi aufm kean, wuade zatretn und zamoimt, muass die fensta weit aufspean, die maua hot mi scho einzäunt; jeda ziegl bröcklnd zabricht, des grundgerüst is undicht
da speichaplotz is scho voi, bin afoch scho völlig schachmatt, treib ufalos im atoi, siag ois im flächign foamat; die dritte dimension vasogt, hob mi goa net meah raus gwogt
bin hia net meah motiviat, hob afoch nua im trübm gfischt, hob nix meah analysiat, olle lichta san längst ealischt; ka interesse hot mi gweckt, woa unsicha und vaschreckt
foah mei rettungsboot stets auf a riff, hob ois kapitän die melodie ausgwöht, keah die gesomtn wracks untan teppich, hob mi im lebm scho vüz oft vazöht, mi nie dagegn gstöt.
8) .7/8/7/8 / 8/7 ....9/11/10/10/6
die blockadn dehnt si aus, übanimmt mein keapa mein geist, hob kane tüan in meim haus, oi meine büda san vareist; jeds schlupfloch vabarrikadiat, bin jetzt völlig isoliat
diesa schriftzeichnsalot, is vaschlüsslt peafekt codiat, füa mi güts lesevabot, hob afoch ois foisch programmiat; die hieroglyphn übamoit, schweb üban seah tiafn spoit
gfongen wie in zellophan, konn daraus afoch nie entfliehn, a dystopischa roman, hob ma sei end nua ausgeliehn; ois wiakt so ondas kurios, in meim entwoafnen kosmos
die woikn hot mi im griff, des fiamament bleibt ma vaweaht, bin no im vasunknen schiff, kana hot mi gonz aufgekläat; da kometnschweif locht mi on, eakenn hinta eam an thron
bin bei meinen ausrutschan umkippt, hob die stoipastana jedsmoi übasehn, hob mi bei jedem omen glei vatippt, hea den robm leise krächzn und krähn, wü hia no ois ausspähn.
b 3) .7+6/8+6/10/8 .8+8/8+8/6/8 ....9+6/9+7/8/7
nimm jetzt an feinen pinsl in mei gelähmte hond, moi mia a proigfüllte insl mit an blendendn strond, hob dieses territorium obgsteckt, hob die wüdnis übaroi gschmeckt
setz die vün föhlendn teile ins abstrakte mosaik, die grissnen aufgspultn seile zeigns lebm im augnblick, die fransn san gonz glott, beoabeits in meina weakstott
hob scho mei eignes papia aus papyrus gefoamt, do des varostete scharnia woa net amoi genoamt, mei psychedelischa trip woa konfus, berüah extrem olle tabus
stöba duachwühlend übaroi noch individualität, vawisch mit vawöktm laub mei schizophrene identität, hob mi söbst therapiat, mei feiga wün hot mi kuriat
a stoak komprimiate intension hot si mia offnboat, voiend scho mei keapasuspension auf mei eigne wüde oat, mecht mi duach schmeazn animian, wü mi söba provozian
äussast fein gwüazte püz und gräsa hom si mia offnboat, hob mein anzign sönlesa gonz bis zu dem moment aufgspoat, mecht eire glut weitahin schüan, wü im brunnen no umrüahn.
konn net meah flüstan, schreibm oda veabalisian, wü mi net vadüstan, schmözn oda reduzian; muass mi söbst sichtn und mi guad eahoin, muass lebm schlichtn unds bese umpoin
mei pfad is no weit, des vakuum hot mi umhüllt, hob mi no net befreit, nua die phantome zaknüllt; muass hia rumkramen deaf nix liegnbleim, moch mei examen hia im trautn heim
konn net meah schreibm, eazöhn oda intaagian, wü mi net vatreibm, löschen oda ausradian; muass ois obwiegn ois genau dosian, muass mi besiegn und regenerian
kenn no mei funktion, do zvü variable kopien, die gleiche reaktion, bestroft donn die symmetrien; konns net festhoitn und a net enthülln, weas lebm deutn und no ois duachwühln
wü so vü schenkn, die finstanis hot mi einghoit, konns system net lenkn, a zettl hot si entroit; die intaaktion hot mi übarascht, a kettnreaktion hot mi vanascht
wü vü vakündn, dunklheit dämmat voa si hin, in meinen obgründn, gibts goa kane galaxien; diesa radius bleibt hia imma gleich, mei eigna kubus roit in den stauteich.
e 1) .7/9/6 / 7/7/9
bei mia läuft nix meah synchron, nua die zeit rinnt ma vüz schnö davon, bin mei eigna dämon; iagendwos hot mi vaflucht, hoib vafault is scho mei frucht, diesa gstonk stüht ma mei atemluft
bei mia läuft nix parallel, nua diesa raum is a karussell, hob mei eignes skalpell; schneid die kuavn mit vü wut, in mia brodlt scho des blut, die feigheit stüht ma mein wagemut
bei mia läuft nix simultan, nuas lebm valiat wieda an span, hob mei eigne membran; die risse san no seah fein, dahinta lauat da schleim, ois eastroiht in an sötsomen schein
bei mia läuft nix nemanond, nua des licht wiaft schottn on die wond, schau üban hechstn rond; dahinta gehts steu beagob, füaht ins kronke biotop, die apathie stüht mein zaubastob
bei mia läuft nix im gleichlauf, nuas letzte woat is oft in gebrauch, von an seah zoatn hauch; die brise wuade zamoimt, hob die letzte foaht vasäumt, des schicksoi hot ma ois leageräumt
bei mia is nix meah robust, da weisse zettl hätt des ois gwusst, bin mei eigna valust; gscheitat bei jedm vasuch, vaschleia ois untam tuch, geh in diesa depression zu bruch.
ch 1d) .12/11/11 (12)/10 (9)
da weisse zettl mutiat voa meine augn, zu an vafaultn und vawestn gemisch, loss dem weissn zettl d‘woahheit valautn, steh einsom voam koitn seziatisch
suach vazweiflt nochm willign instrument, do olle messungen woan manipuliat, suach vazweiflt nochm woahn foabpigment, hob mei lebm no imma net justiat
da weisse zettl mutiat voa meine augn, zu ana aromatischn quintessenz, wü den weissn zettl jetzt endlich entlaubm, befind mi mittn in ana demenz
suach vazweiflt noch jeda winzigstn zutat, die ingredienzn nie auswendig gleant, suach vazweiflt nochm sichren apparat, hob mi söba die gonze zeit entkeant.
ch 2c) .8/12/10/11 .11+6/6+8/10
die glockn schrein iah liad ind nocht, die weissn zettl hom die alleinige mocht, vagressan iahn einfluss vehement, eaweabm füa jede klanigkeit a patent
die bestialischn echowön flutn ois mit giarigem ton, stüazn si im gutn duach dichtn quoim ins pantheon, setzn mi donn gewoitig unta strom
die lompm vastroihn licht om tog, die weissn zettl hom kan signiatn vatrog, die vaeinboarung wuade längst valetzt, wuade von schoafn kroin in da luft zafetzt
steuan direkt panisch unkontrolliat in die hoate anarchie. des bebm reagiat mit an gruss da anomalie, vawicklt si tiaf in a pandemie.
ch 3b) .10/15/9 (8)/7 (8) ....11/8/11/11
weisse zettl liegn direkt voa mia, und träumen von sensationen mit purem adrenalin, die schoimaua spüt om klavia, hastet scho zum nägstn termin
weisse zettl schlofn direkt voa mia, träumen von bombastischn tuabulenzn ois medizin, diesn stoff übabringt da kuria, vaspricht hohe syneagien
weisse zettl entsponnen si voa mia, und träumen von surrealn gemäldn vom lebmsbaum, pflückn si no schnö a souvenia, brechn die lattn vom zaun
weisse zettl schlumman direkt voa mia, eawochn schreiend aus iahm diabolischn oiptraum, bodn im sprudlndem geysia, wözn si im dunklstn graun
stia wie in trance auf meine weissn zettl, meine muskeln hom si vasteift, fühl mi wie onkettet on meine sättl, iagendwos is in mia gwoxn und gereift
die weissn zettl spiegln si in da luft, hob mi söbst innalich vakrompft, wie steane leichtns in da schummrign gruft, iagendwos hot si in mia gonz dicht festgstompft.
wos woa hia nua los wos is do passiat, hob mi in diesm traum mit weisse zettl stimuliat, woit meine ideen befrein, woit afoch nua ois ausspein
nimms in mei hond lies den text amoi duach, deck die weissn zettl zua mit an schwean schwoazn tuach, die voodoopuppm aufgweckt, hot scho iahre zähne bleckt
woa wieda moi doat auf diesm plateau, diese lyrischn eagüsse san vom hechstn niveau, übawind diesn morast, fäll jetzt diesn moaschn mast
hundattausend wöata zu papia brocht, diese weissn zettl hom des magische buach entfocht, hobs mit leichtigkeit eazüt, hob gonz leicht gwonnen und gspüt
konn net meah aufhean es sprudlt und fliesst, jeda weisse zettl a sprochbegabta spezialist, woa a impulsive flut, mit rational kloan gut
hob eam soatiat den buchstobmsalat, untaschreib mei weak ois mundoatiga woatakrobat, hobs voiendet auf an schlog, schau duach mei kaleidoskop.
9) .7/8/7/8 / 8/7
die blockadn is aufglöst, die quelle sprudlt voa si hin, olle gedonkn entblösst, hob jetzt aufglodne batterien; üba mia ka schüd mit vabot, jetzt is wieda ois im lot
des weisse deckt si mit foab, hob a jede heazlich begrüsst, so vü funkn san im koab, hommas schreibm wieda vasüsst; die seitn stapln si scho hoch, long untadrückt untam joch
es geht wieda schnö voaron, jeds voigschriebne blott hot mi globt, befind mi mittn im strom, hob mei innovation austobt; so vü details brechn heavoa, öffnen glei des nägste toa
die blockadn is entwischt, hob ka ongst meah voa an schutzwall, bin motiviat und eafrischt, da weisse zettl genial; hob den letztn sprung endlich gschofft, kam ois völlig unvahofft.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 06./07./08./09. august // 29. september 2018 /// 08. mai 2019.pk. ~ überarbeitet am 18./19. november // 03./04./08./10. dezember 2022 ///
09./10./11./12./14./15. jänner 2023.pk.
copyright by philipp kirschner.pk. ~ untermalt von jazzmusik von ray brooks (dr), behn gillece, bruce harris (tr).
******************************************************************
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen