448.
| meteorit.
1) .9/8/9/8 / 6/6
steh jetzt voa deim klanen schlichtn grob, besuch dein letztn ruheplotz, tuat ma lad doss so long dauat hot, die traua vaschmüzt zu an klotz; is massiv und kompakt, hob mi do drin vahakt
in da uane bist asche und staub, denk jedn tog on unsre zeit, da teppich aus meahfäabign laub, bedeckt zäatlich dei einsomkeit; da wind flüstat gonz leis, bist mei liebesbeweis
schotten und deckung spendet da baum, a blumenwiesn glei danem, da duft übawindet jedn zaun, schlofst in an friedlichn system; schick da meine heazschläg, im takt da vitalität
tränen foign da onziehungskroft, da bodn is scho ziemlich feucht, diesa weg hot mi zum heuln brocht, hob mei tiaf no long net vascheucht; hoit mi om seil gonz fest, in mia die schwoaze pest.
2) .9/8/9/8 / 6/6
knia jetzt voa deim anonymen grob, nua i alla kenn diesn oat, moi dia a buntes kaleidoskop, hobs in an mandala bewoaht; hob a botschoft vasteckt, hätt di wieda eaweckt
woast pletzlich foat afoch keapalos, vamiss di scho rund um die uah, bau dia a somtweiches bett aus moos, hintaloss ma endlich a spua; a funkn reicht scho aus, füah di donn glei noch haus
vaspüa no dein zauba dei kroftföd, donn bekomm i a gänsehaut, übadoch die stätte mit an zöt, hoach auf jeds gräusch auf jedn laut; hea diese melodie, in voikommna harmonie
sprich mit dia eazöh da von meim lem, foi wieda in a depression, offnboa da afoch jeds problem, schenk ma endlich a reaktion; woat auf dein liabm gruss, auf dein innign kuss.
ch 1a) .11/10/8/8 / 8
hob dei hond ghoitn in deina letztn stund, hob di geküsst auf stian wonge und mund, host mi afoch so valossn, so sinnlos und ohne an grund; woast mei engsta intimsta fund
hob di no begleitet auf deim letztn weg, hob da no nochgwunkn zum woiknsteg, deine augn san scho gschlossn, gewäah ma do des privileg; witta dei aura gonz diskret
easchein ma endlich wieda moi in meim traum, easchein ma do ois geist in diesm raum, do du bleibst afoch vaschwundn, host zu mia afoch ka vatraun; vatreib bereits des moagngraun
vazeih ma meine föhla die foischn schritt, vazeih ma mei entgleisung mein föhtritt, hob eam imma no net gfundn, mein uaeignen meteorit; wie zwa woan no net om zenit.
sitz jetzt voa deim natüalichn grob, schreib a poa zeiln ins togebuach, nebm mia liegt no mei wondastob, meine gedonkn drahn scho duach; san auszuckt hom rotiat, mitm amok jongliat
die kronkheit hot di vüz schnö besiegt, a chance auf heilung host nie ghobt, hob die medizin fluachend bekriegt, hob hystearisch pläat wütend tobt; gib jetzt jedn die schuid, hob füa mi ka geduid
scho so vü hoss is in mia aufkeimt, wäa ois vuikan scho explodiat, hob die höfendn frogn vaneint, hob dei schicksoi nie akzeptiat; da varäta gheat in hoft, kocht im eignen soft
mei faust schlogt die wond scho bluadigrot, zügl mei aggressivität, hobs beschissne lebm scho so sott, und mei eigne realität; mei spiroin is vüz eng, bin uneabittlich streng
geissl mein krummen rückn, hob mein oam mit ritza vaziat, hätt den sprung von da hechstn brückn, mit gschraubtn saltos peafekt einstudiat; mei lebm is nix meah weat, stiaz mi boid ins schweat.
4) .9/8/9/8 / 6/6 ....7/8/9/10 / 6/6
lieg jetzt voa deim unberüahtn grob, hob long des areal ausgspäht, brech nua hia mit dia des frische brot, is a heilige rarität; stoss mit dia auf uns on, da wein hot stets saison
vaia di jo net im labyrinth, sunst hot di glei die kötn gstreift, dei sö is wegflogn mitm wind, hoff du host dei zü scho eareicht; die flagge woa kariat, hot nua grau fluoresziat
hoit unsre eainnarungen fest, deafn von hia jo net entfliehn, hobs olle in meim vastond reinpresst, muass nua no schnö die schnua zuaziehn; hom wüd dagegn ghaut, innen scho ois aufgraut
lächle weinend ind vagongenheit, geniess jedn kuazn moment, hob die gegnwoat no net befreit, brauch di jetzt zu hundat prozent; hea nua dei lebewohl, bist do mei ruhepol
nimm den obgwetztn prügl, vapass ma söba meine schläg, roi ois lawin vom geröllhügl, füas effiziente vawend i die säg; mei lebm nichtig klan, zreiss die dünne membran.
b 1) .9/7/10/8 / 13 ....11/12/11/12 .10/11/12/13
warum host di net dagegn gweaht, host net kämpft in diesm stuam, warum host di in deim käfig eingspeat, in dem unbezwingboan tuam; warum mutia i zum hüflos oamsölign wuam
warum host di nie dagegn gstöt, host den feind nie fokussiat, warum host diese gföschte kreizung gwöht, jede kuavn hot di sabotiat; warum hob i die seapentinen net austariat
warum host mei hond net gscheid umfosst, host di net on mia aufgstützt, warum is dei stäake so schnö vablosst, hot di mei liebe net beschützt; warum hob i den legaln fluchtweg net benützt
warum host di net on mia festgsaugt, klommat festghoitn umsponnt, warum host diesa kronkheit net ealaubt, doss sie di begnodigt vaschont; warum hob i di net füa mi gonz privat geklont
warum losst du mi jetzt afoch so im stich, warum ziagst hintarucks an dickn obschlussstrich, warum losst du mi in diesm dschungl zruck, üba mia staplt si scho tonnenschwara schutt
bist und bleibst mei anzig woahre liebe, nua du gonz alla host stets mei heaz bewohnt, befriedigst zu hundat prozent meine triebe, unsa ewiga bund hot si füa uns beide glohnt.
ch 1b) .11/10/8/8 / 8
hob dei hond gstreichlt beim letztn otemzug, hob da nochgschaut beim endgültign flug, host afoch auf mi vagessn, do woa ka feia und ka glut; glaub on deinen nächtlichen spuk
woa nebm dia auf deim letztn engen pfad, hob di no berüaht aufm steiln grat, host di afoch zvü vamessn, und varechnet beim resultat; bin hia ka lebmsakrobat
easchein ma endlich in meina phantasie, easchein ma net nua ois anomalie, do du bleibst hia afoch vaschoin, vatraust nua deina theorie; vatreib di mit meina magie
vazeih ma meine mängl mei defizit, vazeih man vastoss bin a parasit, ea kummt afoch no net ins roin, mei uaeigna meteorit; beiss hia no imma auf granit.
zeig di endlich loss di findn, do du host di afoch vüz guat vasteckt, muasst dei ongst east übawindn, hob di do scho moi wo entdeckt; mei aussicht woa besudlt und vadreckt
bist do scho long a teu von mia, kumm do afoch nua wieda zu mia zruck, woast do mei lebmselixia, steh scho gewoitig unta druck; gib da endlich den entscheidendn ruck
bleib net scho wieda unsichtboa, i wass es gonz genau du bist real, start jetzt endlich moi dein motoa, schick ma do endlich dei signal; duachschreit des lebmspendende poatal
büd ma des gonze do net ein, gib jetzt deim miadn ontrieb voin schub, wovon muass i di jetzt entzwein, injizia da jede menge mut; in mia brodlt vü untadrückte wut
bitte manifestia di endlich wieda ois peason, nua du bist mei meteorit, mei materielles phantom; bitte leg di wieda ins bett, tonz no moi füa mi a ballett.
steh jetzt voa deim rüahselign grob, sing nua füa di dei lieblingsliad, is a anzigoatigs biotop, bist scho vüz long hia einquartiat; entreiss di aus deim loch, schenk da a sichres doch
hätt no so vü reisn mit dia gmocht, so vü obmteia ealebt, do die letzte host alla vabrocht, hoff du host net zittat und bebt; glaub on dei topfakeit, bei mia is net so weit
bring unsre büda scho duachanond, nua schluchtn lückn und a spoit, siag a net meah üban hechstn rond, zruckzogn hot si die vüfoit; foi in a larmoyanz, valia mein lebmsglanz
a kuazes kreischn aus lauta zoan, üba mein sölischn valust, wea die zweisomkeit net meah eafoahn, liegst no gonz sonft auf meina brust; hob dein atem im oah, hüte eam im tresoa
donk mia mit hoatn schlägn, da gummihomma is gonz weich, vaschmöz mit obbronntn brennstäbm, entsoag mi söbst in an vaseuchtn teich; mei lebm lächalich, woat aufm nägstn stich.
6) .9/8/9/8 / 6/6 ....7/8/9/10 / 6/6
knia wieda voa deim iadischn grob, die gegend woa afoch peafekt, blick scho flehentlich duachs teleskop, belausch den schmettalingseffekt; da bodn hot pulsiat, die luft is kollidiat
vanommen host du alla den ruf, host diesm beföh glei befoigt, hob glei gspiat diesn massivn bruch, leida woast vüz schnö übazeugt; dei gsundheit steu beagob, hoit mi im schoafn trob
a sonftes flüstan hot mi umhüllt, do des woa net füa mi bestimmt, meine oahn woan vom läam übafüllt, die zeit afoch vüz schnö zarinnt; hobs klingln pfeifend gheat, des rauschn sausend zeat
die keazn spendet ma trost und licht, in meina eignen finstanis, brauch füa mein trübsinn a gegngift, es gibt afoch kan kompromiss; foig da boid in dei lond, gib a freispü ois pfond
hoi den pracka ausm schronk, leg mi gonz nockt aufs noglbrett, wöz meine wundn auf da sondbonk, pflüg komplexe musta mitm florett; mei lebm is umsunst, suizid reinste kunst.
b 2) .9/7/10/8 / 13 ....11/12/11/12 .10/11/12/13
warum host du di no net aufglehnt, host di net gspreizt in dem stuam, warum host die letzte stund net ausdehnt, füa erotische liebesspuan; warum bin i so phasziniat von eignen blessuan
warum host di nie dagegn gsträubt, host des bese nie eakonnt, warum host deine schmeazn nie betäubt, so vü quoin hom di längst ausbronnt; warum hom di meine massagn net meah entsponnt
warum host auf mei hüfe vazicht, host net amoi danoch gfrogt, warum liest net diesn detailbericht, hot mei liebe dein tod net vajogt; warum hom meine bemühungen kläglich vasogt
warum host di net on mia festklebt, mit mia vabundn valeimt, warum host diese kronkheit nei belebt, damit sie sich in dia wüd aufkeimt; warum hob is net gonz weit weg von dia ongeleint
warum kündigst du unsre longe freindschoft, warum setzt du unsre beziehung aussa kroft, warum losst du mi afoch im hogl stehn, niemond bewilligt dei übalebmsdarlehn
bist und bleibst mei anzig woahre flomme, nua du gonz alla host stets mei heaz berüaht, vaändast täglich unsre liebesprogromme, unsre ewige treue hot uns gonz fest vaschnüat.
d 1) .10/8/10/10 /11 ....9/7/8/11 / 8/6
so vü frogn gehn ma jetzt duach mein kopf, die i nie beontwoatn konn, so vü tränen sommln si in dem topf, von diesm oidn gebrechlichn monn; die ontwoatn sommln si voam staudomm
so vü vazweiflung schlepp i mit mia rum, mei zukunft is no ungewiss, so vü resignation in meim zentrum, vauasocht scho an tiafn weitn riss; vasetzt mi in a berüchtigte wüdnis
so vü schweissausbrüch auf da oidn haut, des chaos mocht si in mia breit, panikattackn hom si scho aufgstaut, mit vü ironischa lebmsweisheit; hob mi imma und übaroi foisch eingreiht
so vü geliebte menschn san scho gstoam, und es wean afoch imma meah, füas oidwean hom si die meistn bewoam, do nua füas steabm gibt si kana hea; des kladruckte im vatrog woa gonz konträa
host a gföschtes lebmslos zogn, host vüz fruah im pech eintunkt, fühst di hintarucks betrogn, dei alarm hot afoch net rechtzeitig gfunkt; entgleitest vüz schnö diesa wöd, host die foaht net bestöt.
ch 1c) .11/10/8/8 / 8
hob dei hond fest drückt beim ollaletztn woat, woa bei dia bei deina ochtabohnfoaht, es woa da ois scho so egal, host da ois weitare easpoat; hoff auf an komplettn neustoat
hob stoiz den soag trogn auf deim letztn gong, öffne nua füa di den zrissnen voahong, trittst vüz stoak auf dei bremspedal, sei jetzt bitte mei bumarong; zelebria diesn obgesong
easchein ma endlich in diesa dimension, easchein ma do gean ois animation, bleibst wie vom eadbodn vaschluckt, vatraust nua deina reflexion; vatreib net mei racheaktion
vazeih ma meine schädn und mei limit, vazeih ma die fessln diese hektik, gheat jetzt a bissl weida gruckt, mei uaeigna meteorit; bin no ka echta eremit.
wea real muass di wieda sehn, host di afoch scho zu seah isoliat, muasst east die zeiga weidadrehn, hob di scho oft fotografiat; diese unschäafe hot ois ruiniat
wia woan do imma scho a team, zwing di jetzt afoch zu ana rückkeah, hottn die gleichn symmetrien, brauch bei dia do ka gegnweah; dei glebte leidnschoft is legendäa
steig endlich aus deim toanonzug, wass gonz genau du bist zum greifn nah, kumm do gemeinsom mit da flut, spia intensiv dei charisma; offnboa ma dei mystisches tantra
hob oi meine sinn no beinond, geh übas wossa und reit auf den wön, zwischn uns heascht a stoakes bond, vajüng da deine eignen zön; wea hüflos on diesn klippm zaschön
vapupp di in deim kokon wieda in mei liebe frau, nua du bist mei meteorit, und mei siass-saura moagntau; bitte eawoch aus da dunklheit, tonz füa mi in deim rotn kleid.
die blumen vawökn vüz rasant, die woikn hängt scho ziemlich tiaf, da regn trauat imma konstant, rechachia krompfhoft noch deim obschiedsbriaf; bin vastöat und empöat
die natua wuchat prächtig floriat, die tiare scheun diesn bereich, des gwitta hot die luft optimiat, dei letzta wün taucht tiaf im nahn teich; bin gekränkt und obglenkt
da baum trogt früchte on jedm ost, blätta und obst düngen den grund, jeda zweig trogt schwea on seina lost, dei letzta hauch is scho vüz long vastummt; bin vagrämt host di gschämt
da voimond schickt sei mystisches licht, die stean gruppian si zu an büd, da komet begrüsst des gleichgewicht, nua dei testament hot ma wos voagspüt; bin vawiat und irritiat
denn dei sö is no jungfräulich rein, fliagt duach diese parallele wöd, völlig vaängstigt mutiats zu gestein, mei meteorit schloft auf an gräbaföd; bitte sei do mei höd.
sitz voa deim sentimentaln grob, les da mei eignes gedicht voa, siag so vü teile duachs mikroskop, dem mosaik föht des dekoa; mei schwoaze molarei, mocht mi zum weissn hai
kommunizia mit meditation, hoff du host des iagendwie gspüat, hob von dia mei eigne impression, hob mei liebe in dia vaschnüat; soi woxn und gedeihn, wü di no benedein
bin scho wieda cholerisch aufbraust, hoit mei rage net meah im zaum, mei horizont is total zazaust, san nua seifnblosn und schaum; san hia vüz schnö zaplotzt, hob ma den blick zakrotzt
a neie sensn lehnt om baumstomm, vom besitza föht jede spua, tiaf eingraviat is a monogromm, hot a kompliziate struktua; konns no net dechiffrian, muass sei tun toapedian
kenn jeds foitainstrument, in meina komma gehts scho zua, bin hia untn in meim element, leist auf di mein diabolischn schwua; mei lebm mia entrückt, hob mi mit feigheit gschmückt.
8) .9/8/9/8 / 6/6 ....7/8/9/10 / 6/6
lieg jetzt auf deim idyllischn grob, beobocht die geheime bucht, send oi meine sinn zu dia hinob, bist du leicht voa mia auf da flucht; nimm da die ongst voa mia, bist do in meim revia
konn dein rhythmischn heazschlog no hean, dei tromml vibriat summt und schnuat, wea dieses gebiet imma vaeahn, woat scho auf dei wiedagebuat; steh wieda unta strom, lauf mein eignen slalom
soatia mei gedächtnis tog und nocht, eascheinst afoch in jedm kreis, hob mit dia im lebm so vü glocht, steh mittn aufm foischn gleis; steck stets fest im tunnö, foah mitm karussö
unsre symbiose is zasteat, pletzlich woa die vabindung kappt, hob mi nua no von da luft eanäaht, wia zwa san net meah übalappt; da endgültige schnitt, eahoit hia kan zuatritt
benötig die quölarei, donn wass i wieda wea i bin, meine innarein san schwea wie blei, produzia ma mei eigne medizin; mei lebm hot kan zweck, vakriach mi in a eck.
9) .9/8/9/8 / 6/6 ....7/8/9/10 / 6/6
schlof jetzt in deim romantischn grob, hom uns gemeinsom zoat zuadeckt, die stean varotn dei horoskop, hob scho wieda frisches bluad gleckt; mog den eisngeschmack, konseavia ois mit lack
vamittl dia mit telepathie, mei ollasehnlichstes begeahn, übamoi mei volle amnesie, mit unvanunft in meinen sphäan; is regnbogngleich, die zeit is übareif
bist net nua a halluzination, hob di woahhoftig gsehn und gspiat, wia feian donn unsre réunion, unsre liebe hot si rentiat; bin direkt und frontal, äussast emotional
hob mei raserei net meah im griff, mei tobsuchtsonfoi eskaliat, setz jeds seglboot aufs schoafe riff, hob den motoa foisch konstruiat; hob die ruada zamoimt, hob die pflichtn vasäumt
richt die grausomkeit auf mi, hob jede misshondlung begrüsst, mei bewusstsein schoit um auf manie, hob füa jeds martyrium hoat gebüsst; mei lebm is missglückt, valust mocht mi varückt.
b 3) .9/7/10/8 / 13 ....11/12/11/12 .10/11/12/13
warum host du di net widasetzt, host rebelliat in dem stuam, warum host di in da zeit so vaschätzt, siagst net die züg da schochfiguan; warum umzingln mi so vü lebmsgrosse skulptuan
warum host di nie dagegn gstemmt, host die gegna nie duachschaut, warum host die phobien nie eingedämmt, bist so schnö goitat und eagraut; warum is unsre obhängigkeit so schnö obgeflaut
warum host meine ratschläg negiat, host nie diesn notfoiknopf drückt, warum host imma vüz vü riskiat, host di nie mit iagendwos gschmückt; warum bin i von serienmöadan so entzückt
warum host di net on mia festgschraubt, befestigt vaonkat onbrocht, warum host dei kronkheit nie ausgraubt, hättst dei lebm donn net bestroft; warum tobt in mia a valoane wüd tobende schlocht
warum wendest du di pletzlich von mia ob, warum is unsa lebmszwischnraum zu knopp, warum losst du mi in da kötn eafrian, brauch mi voa dia mit da kronkn sö net genian
bist und bleibst mei anzig auseawählte, nua du gonz alla host on mei heaz onklopft, bist mei imma wiedakeahrende vamählte, unsa ewige höhepunkt is aus uns raustropft.
d 2) .10/8/10/10 /11 ....9/7/8/11 / 8/6
so vü frogn strömen scho auf mi ein, do die ontwoat wiad net aufzeigt, so vü tränen vasoizn die datein, diesa oide gebrechliche monn schweigt; des klägliche resultat hot wieda gstreikt
so vü melancholie hot mi befoin, wühl mi duach den gonzn morast, so vü losigkeitn san scho ongschwoin, bei mia staplt si a menge ballast; woa doat imma a hochkarätiga gast
so vü psychosn hom si ma aufdrängt, wie im wiabl wiad ois vamischt, so vü horrorgschichtn wean scho vamengt, da sentenziöse sinnspruch nie ealischt; bin ausm magnetischn sein net entwischt
so vü geliebte menschn miassn gehn, gebm und nehmen gheat dazua, denn jeda muass si zum oidwean umdrehn, füas steabm mecht jeda gean a zensua; diesa vatrog is gelebte diktatua
host den kiazestn strohhoim zogn, trittst wuchtig aufs bremspedal, jeda hot di belogn, füa di klingt hia jede woanung gonz banal; vasinkst vüz schnö im schwoazn pfuhl, sitzt aufm lebmsstuhl
bist füas negative a magnet, jede plog host da vadient, woatest sehnsüchtig aufs paket, woast in kansta weise kämpfarisch geschient; woast des peafekte opfalomm, saugst ois auf wie a schwomm.
f 1) .14/15/12/8
hob den bodn übasäuat und die eadn vaseicht, des rinnsoi schlänglt si bis zum mea und hots wossa gebleicht, strond und ufa san vadoabm und infiziat, des lebm woa total vaschmiat
hob die eadn umgrobm und suach mein meteorit, des uagebiag is längst obtrogn und mocht an tiafn schnitt, des plateau vawondlt si ins transzendental, des lebm wiakt nie rational
hob minerale gsommlt und jedn anzelnen prüft, des eagebnis imma negativ und woa niemois vablüfft, gewoitige emotionen san detoniat, hob mi wieda nei kalibriat
hob mi joahrelong damit befosst und niemois aufgem, diese wichtige aufgob begleitet mi mei gonzes lem, die recherchn woan mühsom und ohne eafoig, des lebm nua billigs spüzeug
hob mi von meina eignen heimat scho vüz weit entfeant, hob ois genau aufzeichnet hob mein uasprung no nie entkeant, unsre treffn woa liebe aufm eastn blick, des lebm hot an zaubatrick
hob pausnlos noch meim meteorit grobm und boaht, dei eascheinung schwebt schwerelos üban grob und vahoat, woit noch dia greifn host di glei wieda aufglöst, hätt da wieda lebm eingflösst.
ch 1d) .11/10/8/8 / 8
hob dei hond liebkost beim letztn sakrament, hob nie unsan vaboagnen fodn trennt, woast pletzlich vom winde vaweht, des unheil woa do no latent; äussast brüchig woas fundament
hob mi eahfüachtig voam feia vaneigt, von da aschn a bissl wos obzweigt, strotzt nua so von vitalität, siag nua kuaz wie dei sö hochsteigt; hob mi söba oft geoahfeigt
easchein ma endlich zu meina lebmszeit, easchein ma do in meina müdigkeit, du gütst weitahin ois vamisst, vatraust nua deina steablichkeit; liegst mit da lebmswoog in streit
vazeih ma meine schwächn mei politik, vazeih ma do mei chemische physik, is geboan ois illusionist, mei uaeigna meteorit; längst eareicht is unsa limit.
wea endlich wieda existent, host vüz long des fremde feanweh ausgnutzt, brauchst des richtige instrument, wia zwa hom uns imma scho duzt; hob iatümlich dei ondenkn beschmutzt
hob di scho längst auswendig gleant, zöh jetzt nua bis drei hoit di donn im oam, hom uns gegnseitig aufgwäamt, nei aufglodn san die sensoan; spias jetzt wieda kräftig in mia rumoan
stö di endlich wieda ins licht, wass genau bist voahondn gonz konkret, hob die hypnose no vatieft, trog bei mia a glücksamulett; eainna mi on dei fragilität
hob tiaf in mia drin den beweis, öffne bereits olle fensta und tüan, mia is obwexlnd koit und heiss, muass jetzt no die magie varüahn; bin mochtlos gegn wuchandn gschwüan
entsteig dem feua dem wossa da eadn und da luft, nua du bist mei meteorit, mei reife exotische frucht; bitte sei mei phönix mei fee, tonz füa mi auf deina tournee.
die wuazln vatrocknen vüz rasant, da nebl löst si no net auf, da regn hot den tod scho eaahnt, da obschied is donn endgültig im rauch; bin betrübt missvagnügt
die natua ziagt si völlig zurück, auf da eadn a schwoaza fleck, blitz und donna hom si seah bemüht, da letzte wün vagessn in an eck; bin betäubt gramgebeugt
da baum is beim letztn stuam umgstüazt, opfat si söbst füas uanengrob, hot hia sei zeit freiwillig vaküazt, dei letzta hauch hot hia atemvabot; bin vazagt und geplagt
da voimond grinst übas gonze gsicht, die stean büdn a galaxie, da komet eafüllt nua brav sei pflicht, dei testament hot scho a amnesie: bin geschockt habs vabockt
denn dei sö is no unschuidig rein, fliagt ind nägste relativität, völlig vaängstigt mutiats zu gestein, foit ois meteorit nebm mei skelett; host neis lebm gesät.
dei valoane sö hot si transfoamiat, in mein eignen meteorit, hob noch dia scho gschrien, beendet is mei suizid; earicht nua füa di an monolith
host afoch imma vüz spät reagiat, so vü joah host sinnlos vaschenkt, woitst von hia entfliehn, die eainnrung hot di vadrängt; hob mi nua in söbstmitleid eatränkt
dei trauande sö hot si transfoamiat, in mein eignen meteorit, so vü zeichn gmocht, eakonnt host nie an untaschied; lausch dem rüahsöligm totnlied
host mi net bemeakt host donn resigniat, host di donn gonz alla duachs lebm gschleppt, bist net meah eawocht, unsre zwa sön bleibm unentdeckt; die sensn hot die zähne bleckt
bist mei meteorit bist donn vaglüht, nua diesa funkn fliagt duach zeit und raum, hom längst ois vaspüt, in unsam letztn liebestraum; hoit mi panisch fest om lebmssaum
bist ealoschn vaklungen und vaglimmt, nua diesa funkn fliagt duach raum und zeit, hob deine saitn no ongstimmt, in unsra liebesewigkeit; gebm uns des letzte geleit.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 17./18./19./20./21. oktober // 09. dezember 2018.pk. ~ überarbeitet am 21./23./26./27./28. Mai 2023
copyright by philipp kirschner.pk. ~ untermalt mit metalmusik von shadow of intent, signs of the swarm, hollow prophet.
******************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .9/8/9/8 / 6/6
steh jetzt voa deim klanen schlichtn grob, besuch dein letztn ruheplotz, tuat ma lad doss so long dauat hot, die traua vaschmüzt zu an klotz; is massiv und kompakt, hob mi do drin vahakt
in da uane bist asche und staub, denk jedn tog on unsre zeit, da teppich aus meahfäabign laub, bedeckt zäatlich dei einsomkeit; da wind flüstat gonz leis, bist mei liebesbeweis
schotten und deckung spendet da baum, a blumenwiesn glei danem, da duft übawindet jedn zaun, schlofst in an friedlichn system; schick da meine heazschläg, im takt da vitalität
tränen foign da onziehungskroft, da bodn is scho ziemlich feucht, diesa weg hot mi zum heuln brocht, hob mei tiaf no long net vascheucht; hoit mi om seil gonz fest, in mia die schwoaze pest.
2) .9/8/9/8 / 6/6
knia jetzt voa deim anonymen grob, nua i alla kenn diesn oat, moi dia a buntes kaleidoskop, hobs in an mandala bewoaht; hob a botschoft vasteckt, hätt di wieda eaweckt
woast pletzlich foat afoch keapalos, vamiss di scho rund um die uah, bau dia a somtweiches bett aus moos, hintaloss ma endlich a spua; a funkn reicht scho aus, füah di donn glei noch haus
vaspüa no dein zauba dei kroftföd, donn bekomm i a gänsehaut, übadoch die stätte mit an zöt, hoach auf jeds gräusch auf jedn laut; hea diese melodie, in voikommna harmonie
sprich mit dia eazöh da von meim lem, foi wieda in a depression, offnboa da afoch jeds problem, schenk ma endlich a reaktion; woat auf dein liabm gruss, auf dein innign kuss.
ch 1a) .11/10/8/8 / 8
hob dei hond ghoitn in deina letztn stund, hob di geküsst auf stian wonge und mund, host mi afoch so valossn, so sinnlos und ohne an grund; woast mei engsta intimsta fund
hob di no begleitet auf deim letztn weg, hob da no nochgwunkn zum woiknsteg, deine augn san scho gschlossn, gewäah ma do des privileg; witta dei aura gonz diskret
easchein ma endlich wieda moi in meim traum, easchein ma do ois geist in diesm raum, do du bleibst afoch vaschwundn, host zu mia afoch ka vatraun; vatreib bereits des moagngraun
vazeih ma meine föhla die foischn schritt, vazeih ma mei entgleisung mein föhtritt, hob eam imma no net gfundn, mein uaeignen meteorit; wie zwa woan no net om zenit.
sitz jetzt voa deim natüalichn grob, schreib a poa zeiln ins togebuach, nebm mia liegt no mei wondastob, meine gedonkn drahn scho duach; san auszuckt hom rotiat, mitm amok jongliat
die kronkheit hot di vüz schnö besiegt, a chance auf heilung host nie ghobt, hob die medizin fluachend bekriegt, hob hystearisch pläat wütend tobt; gib jetzt jedn die schuid, hob füa mi ka geduid
scho so vü hoss is in mia aufkeimt, wäa ois vuikan scho explodiat, hob die höfendn frogn vaneint, hob dei schicksoi nie akzeptiat; da varäta gheat in hoft, kocht im eignen soft
mei faust schlogt die wond scho bluadigrot, zügl mei aggressivität, hobs beschissne lebm scho so sott, und mei eigne realität; mei spiroin is vüz eng, bin uneabittlich streng
geissl mein krummen rückn, hob mein oam mit ritza vaziat, hätt den sprung von da hechstn brückn, mit gschraubtn saltos peafekt einstudiat; mei lebm is nix meah weat, stiaz mi boid ins schweat.
4) .9/8/9/8 / 6/6 ....7/8/9/10 / 6/6
lieg jetzt voa deim unberüahtn grob, hob long des areal ausgspäht, brech nua hia mit dia des frische brot, is a heilige rarität; stoss mit dia auf uns on, da wein hot stets saison
vaia di jo net im labyrinth, sunst hot di glei die kötn gstreift, dei sö is wegflogn mitm wind, hoff du host dei zü scho eareicht; die flagge woa kariat, hot nua grau fluoresziat
hoit unsre eainnarungen fest, deafn von hia jo net entfliehn, hobs olle in meim vastond reinpresst, muass nua no schnö die schnua zuaziehn; hom wüd dagegn ghaut, innen scho ois aufgraut
lächle weinend ind vagongenheit, geniess jedn kuazn moment, hob die gegnwoat no net befreit, brauch di jetzt zu hundat prozent; hea nua dei lebewohl, bist do mei ruhepol
nimm den obgwetztn prügl, vapass ma söba meine schläg, roi ois lawin vom geröllhügl, füas effiziente vawend i die säg; mei lebm nichtig klan, zreiss die dünne membran.
b 1) .9/7/10/8 / 13 ....11/12/11/12 .10/11/12/13
warum host di net dagegn gweaht, host net kämpft in diesm stuam, warum host di in deim käfig eingspeat, in dem unbezwingboan tuam; warum mutia i zum hüflos oamsölign wuam
warum host di nie dagegn gstöt, host den feind nie fokussiat, warum host diese gföschte kreizung gwöht, jede kuavn hot di sabotiat; warum hob i die seapentinen net austariat
warum host mei hond net gscheid umfosst, host di net on mia aufgstützt, warum is dei stäake so schnö vablosst, hot di mei liebe net beschützt; warum hob i den legaln fluchtweg net benützt
warum host di net on mia festgsaugt, klommat festghoitn umsponnt, warum host diesa kronkheit net ealaubt, doss sie di begnodigt vaschont; warum hob i di net füa mi gonz privat geklont
warum losst du mi jetzt afoch so im stich, warum ziagst hintarucks an dickn obschlussstrich, warum losst du mi in diesm dschungl zruck, üba mia staplt si scho tonnenschwara schutt
bist und bleibst mei anzig woahre liebe, nua du gonz alla host stets mei heaz bewohnt, befriedigst zu hundat prozent meine triebe, unsa ewiga bund hot si füa uns beide glohnt.
ch 1b) .11/10/8/8 / 8
hob dei hond gstreichlt beim letztn otemzug, hob da nochgschaut beim endgültign flug, host afoch auf mi vagessn, do woa ka feia und ka glut; glaub on deinen nächtlichen spuk
woa nebm dia auf deim letztn engen pfad, hob di no berüaht aufm steiln grat, host di afoch zvü vamessn, und varechnet beim resultat; bin hia ka lebmsakrobat
easchein ma endlich in meina phantasie, easchein ma net nua ois anomalie, do du bleibst hia afoch vaschoin, vatraust nua deina theorie; vatreib di mit meina magie
vazeih ma meine mängl mei defizit, vazeih man vastoss bin a parasit, ea kummt afoch no net ins roin, mei uaeigna meteorit; beiss hia no imma auf granit.
zeig di endlich loss di findn, do du host di afoch vüz guat vasteckt, muasst dei ongst east übawindn, hob di do scho moi wo entdeckt; mei aussicht woa besudlt und vadreckt
bist do scho long a teu von mia, kumm do afoch nua wieda zu mia zruck, woast do mei lebmselixia, steh scho gewoitig unta druck; gib da endlich den entscheidendn ruck
bleib net scho wieda unsichtboa, i wass es gonz genau du bist real, start jetzt endlich moi dein motoa, schick ma do endlich dei signal; duachschreit des lebmspendende poatal
büd ma des gonze do net ein, gib jetzt deim miadn ontrieb voin schub, wovon muass i di jetzt entzwein, injizia da jede menge mut; in mia brodlt vü untadrückte wut
bitte manifestia di endlich wieda ois peason, nua du bist mei meteorit, mei materielles phantom; bitte leg di wieda ins bett, tonz no moi füa mi a ballett.
steh jetzt voa deim rüahselign grob, sing nua füa di dei lieblingsliad, is a anzigoatigs biotop, bist scho vüz long hia einquartiat; entreiss di aus deim loch, schenk da a sichres doch
hätt no so vü reisn mit dia gmocht, so vü obmteia ealebt, do die letzte host alla vabrocht, hoff du host net zittat und bebt; glaub on dei topfakeit, bei mia is net so weit
bring unsre büda scho duachanond, nua schluchtn lückn und a spoit, siag a net meah üban hechstn rond, zruckzogn hot si die vüfoit; foi in a larmoyanz, valia mein lebmsglanz
a kuazes kreischn aus lauta zoan, üba mein sölischn valust, wea die zweisomkeit net meah eafoahn, liegst no gonz sonft auf meina brust; hob dein atem im oah, hüte eam im tresoa
donk mia mit hoatn schlägn, da gummihomma is gonz weich, vaschmöz mit obbronntn brennstäbm, entsoag mi söbst in an vaseuchtn teich; mei lebm lächalich, woat aufm nägstn stich.
6) .9/8/9/8 / 6/6 ....7/8/9/10 / 6/6
knia wieda voa deim iadischn grob, die gegend woa afoch peafekt, blick scho flehentlich duachs teleskop, belausch den schmettalingseffekt; da bodn hot pulsiat, die luft is kollidiat
vanommen host du alla den ruf, host diesm beföh glei befoigt, hob glei gspiat diesn massivn bruch, leida woast vüz schnö übazeugt; dei gsundheit steu beagob, hoit mi im schoafn trob
a sonftes flüstan hot mi umhüllt, do des woa net füa mi bestimmt, meine oahn woan vom läam übafüllt, die zeit afoch vüz schnö zarinnt; hobs klingln pfeifend gheat, des rauschn sausend zeat
die keazn spendet ma trost und licht, in meina eignen finstanis, brauch füa mein trübsinn a gegngift, es gibt afoch kan kompromiss; foig da boid in dei lond, gib a freispü ois pfond
hoi den pracka ausm schronk, leg mi gonz nockt aufs noglbrett, wöz meine wundn auf da sondbonk, pflüg komplexe musta mitm florett; mei lebm is umsunst, suizid reinste kunst.
b 2) .9/7/10/8 / 13 ....11/12/11/12 .10/11/12/13
warum host du di no net aufglehnt, host di net gspreizt in dem stuam, warum host die letzte stund net ausdehnt, füa erotische liebesspuan; warum bin i so phasziniat von eignen blessuan
warum host di nie dagegn gsträubt, host des bese nie eakonnt, warum host deine schmeazn nie betäubt, so vü quoin hom di längst ausbronnt; warum hom di meine massagn net meah entsponnt
warum host auf mei hüfe vazicht, host net amoi danoch gfrogt, warum liest net diesn detailbericht, hot mei liebe dein tod net vajogt; warum hom meine bemühungen kläglich vasogt
warum host di net on mia festklebt, mit mia vabundn valeimt, warum host diese kronkheit nei belebt, damit sie sich in dia wüd aufkeimt; warum hob is net gonz weit weg von dia ongeleint
warum kündigst du unsre longe freindschoft, warum setzt du unsre beziehung aussa kroft, warum losst du mi afoch im hogl stehn, niemond bewilligt dei übalebmsdarlehn
bist und bleibst mei anzig woahre flomme, nua du gonz alla host stets mei heaz berüaht, vaändast täglich unsre liebesprogromme, unsre ewige treue hot uns gonz fest vaschnüat.
d 1) .10/8/10/10 /11 ....9/7/8/11 / 8/6
so vü frogn gehn ma jetzt duach mein kopf, die i nie beontwoatn konn, so vü tränen sommln si in dem topf, von diesm oidn gebrechlichn monn; die ontwoatn sommln si voam staudomm
so vü vazweiflung schlepp i mit mia rum, mei zukunft is no ungewiss, so vü resignation in meim zentrum, vauasocht scho an tiafn weitn riss; vasetzt mi in a berüchtigte wüdnis
so vü schweissausbrüch auf da oidn haut, des chaos mocht si in mia breit, panikattackn hom si scho aufgstaut, mit vü ironischa lebmsweisheit; hob mi imma und übaroi foisch eingreiht
so vü geliebte menschn san scho gstoam, und es wean afoch imma meah, füas oidwean hom si die meistn bewoam, do nua füas steabm gibt si kana hea; des kladruckte im vatrog woa gonz konträa
host a gföschtes lebmslos zogn, host vüz fruah im pech eintunkt, fühst di hintarucks betrogn, dei alarm hot afoch net rechtzeitig gfunkt; entgleitest vüz schnö diesa wöd, host die foaht net bestöt.
ch 1c) .11/10/8/8 / 8
hob dei hond fest drückt beim ollaletztn woat, woa bei dia bei deina ochtabohnfoaht, es woa da ois scho so egal, host da ois weitare easpoat; hoff auf an komplettn neustoat
hob stoiz den soag trogn auf deim letztn gong, öffne nua füa di den zrissnen voahong, trittst vüz stoak auf dei bremspedal, sei jetzt bitte mei bumarong; zelebria diesn obgesong
easchein ma endlich in diesa dimension, easchein ma do gean ois animation, bleibst wie vom eadbodn vaschluckt, vatraust nua deina reflexion; vatreib net mei racheaktion
vazeih ma meine schädn und mei limit, vazeih ma die fessln diese hektik, gheat jetzt a bissl weida gruckt, mei uaeigna meteorit; bin no ka echta eremit.
wea real muass di wieda sehn, host di afoch scho zu seah isoliat, muasst east die zeiga weidadrehn, hob di scho oft fotografiat; diese unschäafe hot ois ruiniat
wia woan do imma scho a team, zwing di jetzt afoch zu ana rückkeah, hottn die gleichn symmetrien, brauch bei dia do ka gegnweah; dei glebte leidnschoft is legendäa
steig endlich aus deim toanonzug, wass gonz genau du bist zum greifn nah, kumm do gemeinsom mit da flut, spia intensiv dei charisma; offnboa ma dei mystisches tantra
hob oi meine sinn no beinond, geh übas wossa und reit auf den wön, zwischn uns heascht a stoakes bond, vajüng da deine eignen zön; wea hüflos on diesn klippm zaschön
vapupp di in deim kokon wieda in mei liebe frau, nua du bist mei meteorit, und mei siass-saura moagntau; bitte eawoch aus da dunklheit, tonz füa mi in deim rotn kleid.
die blumen vawökn vüz rasant, die woikn hängt scho ziemlich tiaf, da regn trauat imma konstant, rechachia krompfhoft noch deim obschiedsbriaf; bin vastöat und empöat
die natua wuchat prächtig floriat, die tiare scheun diesn bereich, des gwitta hot die luft optimiat, dei letzta wün taucht tiaf im nahn teich; bin gekränkt und obglenkt
da baum trogt früchte on jedm ost, blätta und obst düngen den grund, jeda zweig trogt schwea on seina lost, dei letzta hauch is scho vüz long vastummt; bin vagrämt host di gschämt
da voimond schickt sei mystisches licht, die stean gruppian si zu an büd, da komet begrüsst des gleichgewicht, nua dei testament hot ma wos voagspüt; bin vawiat und irritiat
denn dei sö is no jungfräulich rein, fliagt duach diese parallele wöd, völlig vaängstigt mutiats zu gestein, mei meteorit schloft auf an gräbaföd; bitte sei do mei höd.
sitz voa deim sentimentaln grob, les da mei eignes gedicht voa, siag so vü teile duachs mikroskop, dem mosaik föht des dekoa; mei schwoaze molarei, mocht mi zum weissn hai
kommunizia mit meditation, hoff du host des iagendwie gspüat, hob von dia mei eigne impression, hob mei liebe in dia vaschnüat; soi woxn und gedeihn, wü di no benedein
bin scho wieda cholerisch aufbraust, hoit mei rage net meah im zaum, mei horizont is total zazaust, san nua seifnblosn und schaum; san hia vüz schnö zaplotzt, hob ma den blick zakrotzt
a neie sensn lehnt om baumstomm, vom besitza föht jede spua, tiaf eingraviat is a monogromm, hot a kompliziate struktua; konns no net dechiffrian, muass sei tun toapedian
kenn jeds foitainstrument, in meina komma gehts scho zua, bin hia untn in meim element, leist auf di mein diabolischn schwua; mei lebm mia entrückt, hob mi mit feigheit gschmückt.
8) .9/8/9/8 / 6/6 ....7/8/9/10 / 6/6
lieg jetzt auf deim idyllischn grob, beobocht die geheime bucht, send oi meine sinn zu dia hinob, bist du leicht voa mia auf da flucht; nimm da die ongst voa mia, bist do in meim revia
konn dein rhythmischn heazschlog no hean, dei tromml vibriat summt und schnuat, wea dieses gebiet imma vaeahn, woat scho auf dei wiedagebuat; steh wieda unta strom, lauf mein eignen slalom
soatia mei gedächtnis tog und nocht, eascheinst afoch in jedm kreis, hob mit dia im lebm so vü glocht, steh mittn aufm foischn gleis; steck stets fest im tunnö, foah mitm karussö
unsre symbiose is zasteat, pletzlich woa die vabindung kappt, hob mi nua no von da luft eanäaht, wia zwa san net meah übalappt; da endgültige schnitt, eahoit hia kan zuatritt
benötig die quölarei, donn wass i wieda wea i bin, meine innarein san schwea wie blei, produzia ma mei eigne medizin; mei lebm hot kan zweck, vakriach mi in a eck.
9) .9/8/9/8 / 6/6 ....7/8/9/10 / 6/6
schlof jetzt in deim romantischn grob, hom uns gemeinsom zoat zuadeckt, die stean varotn dei horoskop, hob scho wieda frisches bluad gleckt; mog den eisngeschmack, konseavia ois mit lack
vamittl dia mit telepathie, mei ollasehnlichstes begeahn, übamoi mei volle amnesie, mit unvanunft in meinen sphäan; is regnbogngleich, die zeit is übareif
bist net nua a halluzination, hob di woahhoftig gsehn und gspiat, wia feian donn unsre réunion, unsre liebe hot si rentiat; bin direkt und frontal, äussast emotional
hob mei raserei net meah im griff, mei tobsuchtsonfoi eskaliat, setz jeds seglboot aufs schoafe riff, hob den motoa foisch konstruiat; hob die ruada zamoimt, hob die pflichtn vasäumt
richt die grausomkeit auf mi, hob jede misshondlung begrüsst, mei bewusstsein schoit um auf manie, hob füa jeds martyrium hoat gebüsst; mei lebm is missglückt, valust mocht mi varückt.
b 3) .9/7/10/8 / 13 ....11/12/11/12 .10/11/12/13
warum host du di net widasetzt, host rebelliat in dem stuam, warum host di in da zeit so vaschätzt, siagst net die züg da schochfiguan; warum umzingln mi so vü lebmsgrosse skulptuan
warum host di nie dagegn gstemmt, host die gegna nie duachschaut, warum host die phobien nie eingedämmt, bist so schnö goitat und eagraut; warum is unsre obhängigkeit so schnö obgeflaut
warum host meine ratschläg negiat, host nie diesn notfoiknopf drückt, warum host imma vüz vü riskiat, host di nie mit iagendwos gschmückt; warum bin i von serienmöadan so entzückt
warum host di net on mia festgschraubt, befestigt vaonkat onbrocht, warum host dei kronkheit nie ausgraubt, hättst dei lebm donn net bestroft; warum tobt in mia a valoane wüd tobende schlocht
warum wendest du di pletzlich von mia ob, warum is unsa lebmszwischnraum zu knopp, warum losst du mi in da kötn eafrian, brauch mi voa dia mit da kronkn sö net genian
bist und bleibst mei anzig auseawählte, nua du gonz alla host on mei heaz onklopft, bist mei imma wiedakeahrende vamählte, unsa ewige höhepunkt is aus uns raustropft.
d 2) .10/8/10/10 /11 ....9/7/8/11 / 8/6
so vü frogn strömen scho auf mi ein, do die ontwoat wiad net aufzeigt, so vü tränen vasoizn die datein, diesa oide gebrechliche monn schweigt; des klägliche resultat hot wieda gstreikt
so vü melancholie hot mi befoin, wühl mi duach den gonzn morast, so vü losigkeitn san scho ongschwoin, bei mia staplt si a menge ballast; woa doat imma a hochkarätiga gast
so vü psychosn hom si ma aufdrängt, wie im wiabl wiad ois vamischt, so vü horrorgschichtn wean scho vamengt, da sentenziöse sinnspruch nie ealischt; bin ausm magnetischn sein net entwischt
so vü geliebte menschn miassn gehn, gebm und nehmen gheat dazua, denn jeda muass si zum oidwean umdrehn, füas steabm mecht jeda gean a zensua; diesa vatrog is gelebte diktatua
host den kiazestn strohhoim zogn, trittst wuchtig aufs bremspedal, jeda hot di belogn, füa di klingt hia jede woanung gonz banal; vasinkst vüz schnö im schwoazn pfuhl, sitzt aufm lebmsstuhl
bist füas negative a magnet, jede plog host da vadient, woatest sehnsüchtig aufs paket, woast in kansta weise kämpfarisch geschient; woast des peafekte opfalomm, saugst ois auf wie a schwomm.
f 1) .14/15/12/8
hob den bodn übasäuat und die eadn vaseicht, des rinnsoi schlänglt si bis zum mea und hots wossa gebleicht, strond und ufa san vadoabm und infiziat, des lebm woa total vaschmiat
hob die eadn umgrobm und suach mein meteorit, des uagebiag is längst obtrogn und mocht an tiafn schnitt, des plateau vawondlt si ins transzendental, des lebm wiakt nie rational
hob minerale gsommlt und jedn anzelnen prüft, des eagebnis imma negativ und woa niemois vablüfft, gewoitige emotionen san detoniat, hob mi wieda nei kalibriat
hob mi joahrelong damit befosst und niemois aufgem, diese wichtige aufgob begleitet mi mei gonzes lem, die recherchn woan mühsom und ohne eafoig, des lebm nua billigs spüzeug
hob mi von meina eignen heimat scho vüz weit entfeant, hob ois genau aufzeichnet hob mein uasprung no nie entkeant, unsre treffn woa liebe aufm eastn blick, des lebm hot an zaubatrick
hob pausnlos noch meim meteorit grobm und boaht, dei eascheinung schwebt schwerelos üban grob und vahoat, woit noch dia greifn host di glei wieda aufglöst, hätt da wieda lebm eingflösst.
ch 1d) .11/10/8/8 / 8
hob dei hond liebkost beim letztn sakrament, hob nie unsan vaboagnen fodn trennt, woast pletzlich vom winde vaweht, des unheil woa do no latent; äussast brüchig woas fundament
hob mi eahfüachtig voam feia vaneigt, von da aschn a bissl wos obzweigt, strotzt nua so von vitalität, siag nua kuaz wie dei sö hochsteigt; hob mi söba oft geoahfeigt
easchein ma endlich zu meina lebmszeit, easchein ma do in meina müdigkeit, du gütst weitahin ois vamisst, vatraust nua deina steablichkeit; liegst mit da lebmswoog in streit
vazeih ma meine schwächn mei politik, vazeih ma do mei chemische physik, is geboan ois illusionist, mei uaeigna meteorit; längst eareicht is unsa limit.
wea endlich wieda existent, host vüz long des fremde feanweh ausgnutzt, brauchst des richtige instrument, wia zwa hom uns imma scho duzt; hob iatümlich dei ondenkn beschmutzt
hob di scho längst auswendig gleant, zöh jetzt nua bis drei hoit di donn im oam, hom uns gegnseitig aufgwäamt, nei aufglodn san die sensoan; spias jetzt wieda kräftig in mia rumoan
stö di endlich wieda ins licht, wass genau bist voahondn gonz konkret, hob die hypnose no vatieft, trog bei mia a glücksamulett; eainna mi on dei fragilität
hob tiaf in mia drin den beweis, öffne bereits olle fensta und tüan, mia is obwexlnd koit und heiss, muass jetzt no die magie varüahn; bin mochtlos gegn wuchandn gschwüan
entsteig dem feua dem wossa da eadn und da luft, nua du bist mei meteorit, mei reife exotische frucht; bitte sei mei phönix mei fee, tonz füa mi auf deina tournee.
die wuazln vatrocknen vüz rasant, da nebl löst si no net auf, da regn hot den tod scho eaahnt, da obschied is donn endgültig im rauch; bin betrübt missvagnügt
die natua ziagt si völlig zurück, auf da eadn a schwoaza fleck, blitz und donna hom si seah bemüht, da letzte wün vagessn in an eck; bin betäubt gramgebeugt
da baum is beim letztn stuam umgstüazt, opfat si söbst füas uanengrob, hot hia sei zeit freiwillig vaküazt, dei letzta hauch hot hia atemvabot; bin vazagt und geplagt
da voimond grinst übas gonze gsicht, die stean büdn a galaxie, da komet eafüllt nua brav sei pflicht, dei testament hot scho a amnesie: bin geschockt habs vabockt
denn dei sö is no unschuidig rein, fliagt ind nägste relativität, völlig vaängstigt mutiats zu gestein, foit ois meteorit nebm mei skelett; host neis lebm gesät.
dei valoane sö hot si transfoamiat, in mein eignen meteorit, hob noch dia scho gschrien, beendet is mei suizid; earicht nua füa di an monolith
host afoch imma vüz spät reagiat, so vü joah host sinnlos vaschenkt, woitst von hia entfliehn, die eainnrung hot di vadrängt; hob mi nua in söbstmitleid eatränkt
dei trauande sö hot si transfoamiat, in mein eignen meteorit, so vü zeichn gmocht, eakonnt host nie an untaschied; lausch dem rüahsöligm totnlied
host mi net bemeakt host donn resigniat, host di donn gonz alla duachs lebm gschleppt, bist net meah eawocht, unsre zwa sön bleibm unentdeckt; die sensn hot die zähne bleckt
bist mei meteorit bist donn vaglüht, nua diesa funkn fliagt duach zeit und raum, hom längst ois vaspüt, in unsam letztn liebestraum; hoit mi panisch fest om lebmssaum
bist ealoschn vaklungen und vaglimmt, nua diesa funkn fliagt duach raum und zeit, hob deine saitn no ongstimmt, in unsra liebesewigkeit; gebm uns des letzte geleit.
geschrieben am 17./18./19./20./21. oktober // 09. dezember 2018.pk. ~ überarbeitet am 21./23./26./27./28. Mai 2023
copyright by philipp kirschner.pk. ~ untermalt mit metalmusik von shadow of intent, signs of the swarm, hollow prophet.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen