468.
| dei feia.
1) .8/9/10/12 .///13
scho wieda is a joah voabei, do mei lebm woa net föhlafrei, donk da füa jedn gemeinsomen tog, bedonk mi füa dei liebe bei mein wönschlog
die gezeitn hom mit mia gspüt, hob mit meinen pfeiln gonz foisch züt, do nua du host ma jedn tog eahöt, dei liebe hot mi wieda aufm bodn gstöt
vüz vü stoipafoin auf mein weg, da koide wind hot si vüz oft dreht, üba mia hoitst dei beschützende hond, dei liebe streichlt mein psychotischn vastond
mei wahn is äussast kreativ, des dunkle toi mocht mi depressiv, vatreibst die schwoazn woikn üba mia, dei liebe mutiat zum übalebmselixia.
b 1) .11/7/11/9
bin unta da grön sunn nua a schottn, lächalich mickrig und klan, flücht mi in vaspeate höhln und grottn, eastick scho im engen zellophan
bin wie a tropfn dea beim aufproi zaspringt, irreparabl zasteat, bin wia a stan dea im wossa glei vasinkt, die tiafn hot mi gschluckt und vazeaht
bin auf diesa eadn a winziga punkt, mia homs dieses lebm gschenkt, die eainnrung hot in jede säure tunkt, meine gefühle hom si ausgrenkt
bin wie a schneeflockn die glei wieda schmüzt, hot si zua gänze aufglöst, die wian gedonkn san scho stoak vafüzt, hob niemondn mei innres entblösst.
ch 1a) .11/9/11/9
dei feia brennt no lichtaloh hass und wüd, do meins is nua no asche und staub, dei sprühendes feia is no long net gstüt, meins is eafroan is nie meah auftaut
dei feia hot gnua noahrung und proviant, do meins hot die ressourcn valoan, dei fröhliches feia is imma konstant, do nua meins hot den flommen obgschwoan
dei feia eaweckt in dia no leidnschoft, do meins stüazt si tiaf in apathie, dei bewegtes feia hot no so vü kroft, meins woa dafüa a gföschte kopie
dei feia kocht volla ungestüma lust, do meins is nua unsichtboara rauch, dei stüamisches feia is no so robust, meins woa wie a schwocha otemhauch.
scho wieda is des joah so oid, do mei lebm hot net vü inhoit, donk da füa unsre longe zweisomkeit, donk da füa dei liebe bei meina bittakeit
jeda stuam woa so volla wut, vüz schnö eahitzt mei eakronktes blut, do nua du host mi wieda obgekühlt, dei liebe hot mi wieda zäatlich sonft umhüllt
vüz vü netze san no aufgsponnt, die tentakln hom mi übaronnt, bewoahst mi voa schodn voam schiffbruch, dei liebe vatreibt mein schweissnossn ongstgeruch
des phantom hot si net vasteckt, da dunkle obgrund hot mi aufgweckt, baust ma a bruckn üba jede schlucht, dei liebe is mei anzige übalebmsbucht.
b 2) .11/7/11/9
bin von da seitn betrochtet nua a strich, mi konn ma leicht übasehn, stiaz im oiptraum in a bodnloses tief, konn in diesm sumpf net meah aufstehn
bin wie faula moda dea zum himml stinkt, wie da ollaletzte dreck, bin wie a clown dea si imma hässlich schminkt, die foabm san a grossa schondfleck
bin in diesa wöd nua a winziga zweag, mi homs hia afoch ausgsetzt, des gedächtnis nua raffiniates blendweak, mei emotion is ziemlich obgwetzt
bin wie a raupm die si donn glei vapuppt, wonn mi die panik besucht, mei greiztes synapsnsystem is korrupt, iagendwea hot mei lebm vaflucht.
d 1) .7/7/7/7 / 7/5 ..7+7/7+7/6/6
sog ma afoch die faktn, eakläa ma diesn befund, zeig ma jetzt meine aktn, do dei stimm is glei vastummt, mei geduid vüz schnö zareisst, bin wieda entgleist
eazöh ma kane details, sog mas afoch klipp und kloa, mochs wegn des sönheils, du bist mei anzigs sprochroah, in mia steigt a hektik auf, hob zvü kroftvabrauch
immunisia mein keapa mit deina intimität, benutz do an konveata füa mei instabilität, öffne endlich des schloss, reparia mein komposs
somml oi meine datn, analysia die tabön, hob gnua vom rätslratn, des san kane bagatön, mei ruhepol hot si dreht, hob nix meah easpäht
vabreit kane gerüchte, eastott ma endlich rappoat, ealaub kane ausflüchte, brauch a eahliche ontwoat, gibt hia a lügnvabot, bei diesm komplott
moch mi endlich resistent gegn jedes defizit, jeda weat vom instrument is scho wie a parasit, des siegl bleibt bestehn, bin hia da kapitän.
ch 1b) .11/9/11/9
dei feia flackat mit glühendem elan, do meins liegt scho seit monatn brach, dei heftiges feia nogt on da membran, meins valiat olle figuan beim schach
dei feia knistat no munta voa si hin, do meins hot die kötn obsoabiat, dei ungezähmts feia vasprüht eneagien, nua meins hot die atmung annuliat
dei feia zünglt no giarig in da glut, do meim föht längst die empfindlichkeit, dei lockendes feia is no net ausgruht, do meins wuade von innen entzweit
dei feia prasslt und knackt ekstatisch laut, do meins hot den stüstond längst eareicht, dei besessnes feia hot si scho aufgstaut, meins hot den obastn rond scho gstreift.
ch 2a) .10/10/8/9 ...11/10/9/9
hob nua des negative inhaliat, hob nua den nihilismus akzeptiat, des chaos wiad zu meim dämon, easchoff ma mein eignen pantheon
hob mi mit den katastrophn vawöhnt, hob do nua dem pessimismus gefrönt, die agonie liegt ma im bluad, mei lebm woa imma scho obsuad
hob ma des destruktive injiziat, hob ma mei insuffizienz eingraviat, mei totalität bricht heraus, easchoff ma mei eignes göttahaus
hob mi mit da apokalypse beglückt, hob imma die fataln föhla pflückt, die anarchie is mei besta freind, hob mei lebm imma scho vaneint.
3) .8/9/10/12 .///13
scho wieda findt des joah sei end, do mei lebm hot si getrennt, donk da seah füa unsren zusommenschluss, donk da füa dei liebe füa jedn hochgenuss
des gewitta hot dröhnend zuckt, woa füas voahongöffnen unbefugt, nua du host die sonnenstroihn zu mia glenkt, host dei liebe ois a flagge üba mia gschwenkt
vüz vü zäune san no geplant, die mauan danoch san imposant, dei schüd umfosst mei gesomte peason, dei liebe trifft bei mia jede foab jedn ton
mei illusion hot mi vafoigt, die dunkle seitn hot si vabeugt, reinigst mi donn mit deim heilignschein, nua dei liebe gebiat übalebmsspielarein.
b 3) .11/7/11/9
hob bei meim aufenthoit nix hintalossn, hob hia goa net existiat, kletta üba zabrochne leitasprossn, die zwongsjackn hot mi obseaviat
bin wie a ausgstopftes ausgstoabnes produkt, nutzlos und ohne vü weat, bin wie a drochn dea goa ka feia spuckt, die fliagl san zrissn und vazeat
bin auf dem planetn nua a winzigs koan, find hia goa kan festn hoit, mei keapa wuade hia brutal reingeboan, do da eingong woa pflostat mit gwoit
bin wies gros des nie bunte blütn bekommt, zatromplt und niedagmäht, die gehianzönstruktua woa scho übasponnt, zeig niemondn mei realität.
d 2) .7/7/7/7 / 7/5 ..7+7/7+7/6/6
gib an grobm übablick, host den bericht definiat, mit da chemischn physik, hob i goa nix meah kapiat, mei tolaranz is begrenzt, hob nix meah eagänzt
beschreib endlich des problem, beleg mas do schwoaz auf weiss, wea ma den test net onsehn, leb no in an ondan kreis, mei aktivität is null, bin mittn im pfuhl
dei libido hot mi gimpft nua mit deina qualität, host mi auspeitscht und beschimpft mit vü aggressivität, da schlüssl hot net passt, zu meim lebmspalast
vaknüpf olle ongobm, die statistik is korrekt, diese zoihn und buchstobm, hom an dominoeffekt, mei mitte is jetzt vakeaht, mei gleichgwicht enteaht
eafind hia kane mäachn, hoach genau auf jeds signal, muass ma jetzt ois einschäafn, do dei ontwoat is neutral, dei alibi is peafekt, bei diesm projekt
host mi jetzt endlich gestählt mit dem nein panzakleid, nua du host mi auseawählt füa mei mindaweatigkeit, ois bleibt unta vaschluss, hob mein eignen rhythmus.
e 1) .8+7/7+6/6+6
hoss di füa meine vün quoin, hoss di scho mei lebm long, da wüafl is scho längst gfoin, moch jetzt an neionfong, zeig da net die woahheit, hob mi von dia entzweit
konn da afoch net vagebm, net nuas schicksoi trogt die schuld, wea mi donn boid eahebm, mit meim uaoidn kult, hob da net meah vatraut, bist füa mi nua unkraut
hoss di füa oi meine wundn, hoss di seit dem eastn tog, host mi wieda festbundn, stö da jetzt a ka frog, die maskerade spriesst, wieda a träne fliesst
konn da afoch niemois vazeihn, a die stean san drin vastrickt, wea donn dein glaubm entweihn, hob in dei feia blickt, hot mi hypnotisiat, hob mi wieda vaiat.
ch 1c) .11/9/11/9
dei feia lodat no mit vü potenzial, do meins is nua karges niemondslond, dei züglloses feia kennt ka moral, do meins is nua fein rieslnda sond
dei feia is scho wieda prächtig gediehn, do meins schwebt scho längst im vakuum, dei reges feia kriagt an oadn valiehn, meins befindt si im delirium
dei feia brodlt berauscht zua explosion, do meins is a ealoschna vuikan, dei flirrendes feia valongt a fusion, do meins eatrinkt scho im ozean
dei feia lockt mit ana spezialität, do meins hot si die ongst einvaleibt, dei lüstanes feia tonzt beheazt ballett, do meins is wieda moi foisch obzweigt.
hob nua vom äussast besn profitiat, hob nua die bestie glorifiziat, da teifl eascheint in meim traum, easchoff ma mei eignen opfaraum
hob den untagong ois gebuat ealebt, hob mi on jeds desasta festgeklebt, spendia dem fiasko applaus, mei lebm woa nua a koatnhaus
hob mit den giftigstn drogn trainiat, hob ma des paradoxe tätuwiat, mei regime wiakt no gonz entsponnt, easchoff ma mei eigne todesfront
hob des endgültige vadeabm betreut, hob mi üba satans hochzeit gefreut, die tyrannei is mei gressta schotz, mei lebm kennt goa kan onkaplotz.
ch 3a) .7+10/7+11 ...16/16
komatöse strömungen waban zittrig duachs finstre labyrinth, visionäre dröhnungen hom si on halluzinationen bedient
rituelle zeremonien blutn heftig beim heilign akt, synchrone anomalien hom fremdoatige dimensionen zahackt
infeanalische gebete fliagn geflüstat duach atmosphäan, hängende marionettn woin jetzt endlich iahre fädn obschean
in hoss getaufte stumme schreie kreischn bis zum fiamament, in hoss getauchte blinde augn hom si noch deim feia gesehnt.
scho wieda nimmt des joah abschied, mei lebm woa nua a klagelied, donk da füa unsre traute harmonie, donk da füa dei liebe mit deina sympathie
die eade bebt oagastisch stoak, spia diese stich bis ins knochnmoak, nua du host ma die ondre seitn zeigt, dei liebe hot si voa mia hinkniet und vaneigt
vüz vü krota san no in mia, meine phobien büdn a spalia, dei obweahreaktion is intakt, empfind dei liebe ois intensivstn extrakt
mei bewusstsein spoitet die sicht, die dunkle mocht vaobscheut des licht, weissigst jetzt mein grauschwoazn horizont, dei liebe webt unsa breites übalebmsbond.
b 4) .11/7/11/9
bin imma des letzte glied in da kettn, leicht defoamiat und obgnutzt, beobocht von entfeant mei eigne stättn, hob ma söbst des positive gstutzt
bin wie zähflüssige lava die glei stockt, hob ka lust auf an foatschritt, bin a feigling dea si on da stong onpflockt, brauch net wieda den nägstn föhtritt
bin in diesm sein nua a winzigs atom, haun mi in a säurebod, hob dieses sinnlos ausgebronnte syndrom, vasenk des anzige rettungsboot
bin wie dichta nebl dea net meah hochsteigt, unduachdringlich isoliat, mei kompletta kreislauf hot scho wieda gstreikt, iagendwea hot die lebmsadan blockiat.
d 3) .7/7/7/7 / 7/5 ..7+7/7+7/6/6
sog afoch wos sache is, moch draus ka so longe gschicht, loss des mit dem kompromiss, denk da net es is dei pflicht, mei schweign is ka freispruch, liquidia des buch
hoit dei referat nua kuaz, brauch hia wiaklich kan roman, nochm aufstieg foigt da stuaz, gib ma kan sönbalsam, loss mi jetzt afoch so foin, weas goa net bereun
mit deina laszivität zeigst di mia frivol obszön, duach dei elektrizität konnst mein magnetn rausschön, die fluchttüa bleibt vaspeat, üba mia schwebt des schweat
vaein ois zu an ganzn, mochs net oi zu kompliziat, vagiss die diskrepanzn, host des schema adaptiat, da spiegl is fleckig trüb, siagt net mei gemüt
red kane hohln phrasn, hob meine vokabln gleant, hob mi in den endphasn, auf diesm plateau entkeant, hob deine tarnung aufdeckt, valiast mein respekt
moch mi endlich wieda gsund füa mei eigne utopie, da übrig gebliebne schwund londet in da therapie, ois unta schutt vagrom, des bleibt mei axiom.
e 2) .8+7/7+6/6+6
hoss di füa die vün noabm, hoss di füa die ewigkeit, bin innalich vadoabm, nix heilt in kuaza zeit, hob ka lächln im gsicht, hob unsan bund umschifft
konn des afoch net vagessn, jeds element spüt a roin, host di vüz oft vamessn, bei den engen spiroin, valiast on relevanz, geh bei dia auf distanz
hoss di wegn meina plogn, hoss di ohne jedn grund, mecht di endlich vajogn, do mei sproch is vamummt, des drama startet neu, bist füa mi nua no spreu
wead di afoch nie freisprechn, vielleicht woas voaheabestimmt, woitst mi imma scho brechn, dei funkn nie vaglimmt, ois hot si wiedahoit, hob di jetzt vaobscheut
hoss di füa mei schweres trauma, hoss di füa mei lebmsluft, vafluachst mi mit an zauba, kippst gift ind siasse frucht, host di peafekt vastöt, dei wesn vü zu spröd
muass di jetzt endlich ausradian, rein goa nix hot si gefügt, woitst mi scho wieda studian, dei feia is nochgrückt, hot mi in trance vasetzt, bin scho wieda valetzt.
f 1) .10/9/11/11
wieda hot mi da onfoi attackiat, da feind is uneakonnt einmarschiat, die pletzliche invasion hot mi geschockt, diese offensive trifft mi splittanockt
wieda is mei hysterie explodiat, da feind hot si lautlos einquartiat, mei peasönlicha konflikt is rein und echt, weaf mi ins surreal latente gefecht
wieda hot mi da kollaps sabotiat, da feind hot spualos sei revia markiat, denn diese okkupation woa illegal, die peaspektive is viadimensional
wieda is mei schizophrenie rotiat, da feind is unbemeakt kollidiat, mei innre fehde bekämpft den stimmenfluss, wü von dia goa kan viraln obschiedskuss.
ch 1d) .11/9/11/9
dei feia zischt schoaf ausm vakoihtn hoiz, do meins siasslt ausm letztn loch, dei sündigs feia is auf sei wut no stoiz, do meins is inhoitslea schal und floch
dei feia eahebt si wieda von allan, do meins steht hia scho long net meah auf, dei exzessives feia is net human, do meins löscht sein schwochn lebmslauf
dei feia bewocht dein dynamischn drong, do meins sickat ins mysterium, dei lechzendes feia düastet noch an fong, do meins is nah beim martyrium
dei feia berauscht si scho om sadismus, do meins leidet on da obsession, dei geisslndes feia züchtigt mit bonus, do meins is hia die letzte station.
hob nua mit da bittakeit kopuliat, hob nua dem defätismus assistiat, die horrorgstoit gibt ma die hond, easchoff ma mei eignes traualond
hob den ruin brüdalich sonft umoamt, hob die totale vanichtung umgoant, sog da zasetzung a liabs woat, mei lebm is a ochtabohnfoaht
hob bei jeda misere onaniat, hob die blutrünstigkeit multipliziat, mei dominanz eahöht den druck, easchoff ma mein eignen gegnzug
hob den vawesungsgruch mit aroma gwüazt, hob die rostig raun schienen vaküazt, hob die lynchjustiz on mia eaprobt, mei lebm hot si zschnö vaausgobt.
ch 3b) .7+10/7+11 ...16/16
unbedingte schutzreflexe vasauan den niedaren instinkt, radikale komplexe hom si mit vakrompftn kolikn valinkt
köapaeigne geschenke begnadign den vastümmltn trieb, vaseuchte foitabänke hom a ethisch fundamentales prinzip
diabolische vease nistn auf an übadüngtn bereich, die heftige kontroverse dümplt in an ois vaschlingendn teich
in hoss eingfäabte tonlose schreie brülln bis ind galaxie, in hoss gstäakte düstre augn fühln dei feia ois amnesie.
phantastisch dystopische szenarien woin aus mia entfliehn, makabre sötsom obstruse sensoan woin mei feia einspoan
phänomenal schaurige molarein woin ois prophezein, peavease psychopathische schimäan woin mei feia entlean
grässlich massakriate freie walküan woin den tod entfüahn, frenetisch tollwütige kreatuan woin mei feia festzuan
mei metaphysisch paranoamales sein mecht si jetzt einreihn, mei epochal provokant infame zeit hot mei feia gebenedeit
do dei feia hot meins eadrückt, dei feia eakläat meins füa varückt, do dei feia hot meins bekriegt, dei feia hot meins restlos besiegt.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 28. dezember 2019 /// 02./05./06./07./08./09./10./11. jänner 2020.pk. ~ überarbeitet am 12. november 2023.pk.
copyright by philipp kirschner.pk. ~ untermalt mit musik von dark fortress, dimmu borgir, neaera, nile, whitechapel.
************************************************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .8/9/10/12 .///13
scho wieda is a joah voabei, do mei lebm woa net föhlafrei, donk da füa jedn gemeinsomen tog, bedonk mi füa dei liebe bei mein wönschlog
die gezeitn hom mit mia gspüt, hob mit meinen pfeiln gonz foisch züt, do nua du host ma jedn tog eahöt, dei liebe hot mi wieda aufm bodn gstöt
vüz vü stoipafoin auf mein weg, da koide wind hot si vüz oft dreht, üba mia hoitst dei beschützende hond, dei liebe streichlt mein psychotischn vastond
mei wahn is äussast kreativ, des dunkle toi mocht mi depressiv, vatreibst die schwoazn woikn üba mia, dei liebe mutiat zum übalebmselixia.
b 1) .11/7/11/9
bin unta da grön sunn nua a schottn, lächalich mickrig und klan, flücht mi in vaspeate höhln und grottn, eastick scho im engen zellophan
bin wie a tropfn dea beim aufproi zaspringt, irreparabl zasteat, bin wia a stan dea im wossa glei vasinkt, die tiafn hot mi gschluckt und vazeaht
bin auf diesa eadn a winziga punkt, mia homs dieses lebm gschenkt, die eainnrung hot in jede säure tunkt, meine gefühle hom si ausgrenkt
bin wie a schneeflockn die glei wieda schmüzt, hot si zua gänze aufglöst, die wian gedonkn san scho stoak vafüzt, hob niemondn mei innres entblösst.
ch 1a) .11/9/11/9
dei feia brennt no lichtaloh hass und wüd, do meins is nua no asche und staub, dei sprühendes feia is no long net gstüt, meins is eafroan is nie meah auftaut
dei feia hot gnua noahrung und proviant, do meins hot die ressourcn valoan, dei fröhliches feia is imma konstant, do nua meins hot den flommen obgschwoan
dei feia eaweckt in dia no leidnschoft, do meins stüazt si tiaf in apathie, dei bewegtes feia hot no so vü kroft, meins woa dafüa a gföschte kopie
dei feia kocht volla ungestüma lust, do meins is nua unsichtboara rauch, dei stüamisches feia is no so robust, meins woa wie a schwocha otemhauch.
scho wieda is des joah so oid, do mei lebm hot net vü inhoit, donk da füa unsre longe zweisomkeit, donk da füa dei liebe bei meina bittakeit
jeda stuam woa so volla wut, vüz schnö eahitzt mei eakronktes blut, do nua du host mi wieda obgekühlt, dei liebe hot mi wieda zäatlich sonft umhüllt
vüz vü netze san no aufgsponnt, die tentakln hom mi übaronnt, bewoahst mi voa schodn voam schiffbruch, dei liebe vatreibt mein schweissnossn ongstgeruch
des phantom hot si net vasteckt, da dunkle obgrund hot mi aufgweckt, baust ma a bruckn üba jede schlucht, dei liebe is mei anzige übalebmsbucht.
b 2) .11/7/11/9
bin von da seitn betrochtet nua a strich, mi konn ma leicht übasehn, stiaz im oiptraum in a bodnloses tief, konn in diesm sumpf net meah aufstehn
bin wie faula moda dea zum himml stinkt, wie da ollaletzte dreck, bin wie a clown dea si imma hässlich schminkt, die foabm san a grossa schondfleck
bin in diesa wöd nua a winziga zweag, mi homs hia afoch ausgsetzt, des gedächtnis nua raffiniates blendweak, mei emotion is ziemlich obgwetzt
bin wie a raupm die si donn glei vapuppt, wonn mi die panik besucht, mei greiztes synapsnsystem is korrupt, iagendwea hot mei lebm vaflucht.
d 1) .7/7/7/7 / 7/5 ..7+7/7+7/6/6
sog ma afoch die faktn, eakläa ma diesn befund, zeig ma jetzt meine aktn, do dei stimm is glei vastummt, mei geduid vüz schnö zareisst, bin wieda entgleist
eazöh ma kane details, sog mas afoch klipp und kloa, mochs wegn des sönheils, du bist mei anzigs sprochroah, in mia steigt a hektik auf, hob zvü kroftvabrauch
immunisia mein keapa mit deina intimität, benutz do an konveata füa mei instabilität, öffne endlich des schloss, reparia mein komposs
somml oi meine datn, analysia die tabön, hob gnua vom rätslratn, des san kane bagatön, mei ruhepol hot si dreht, hob nix meah easpäht
vabreit kane gerüchte, eastott ma endlich rappoat, ealaub kane ausflüchte, brauch a eahliche ontwoat, gibt hia a lügnvabot, bei diesm komplott
moch mi endlich resistent gegn jedes defizit, jeda weat vom instrument is scho wie a parasit, des siegl bleibt bestehn, bin hia da kapitän.
ch 1b) .11/9/11/9
dei feia flackat mit glühendem elan, do meins liegt scho seit monatn brach, dei heftiges feia nogt on da membran, meins valiat olle figuan beim schach
dei feia knistat no munta voa si hin, do meins hot die kötn obsoabiat, dei ungezähmts feia vasprüht eneagien, nua meins hot die atmung annuliat
dei feia zünglt no giarig in da glut, do meim föht längst die empfindlichkeit, dei lockendes feia is no net ausgruht, do meins wuade von innen entzweit
dei feia prasslt und knackt ekstatisch laut, do meins hot den stüstond längst eareicht, dei besessnes feia hot si scho aufgstaut, meins hot den obastn rond scho gstreift.
ch 2a) .10/10/8/9 ...11/10/9/9
hob nua des negative inhaliat, hob nua den nihilismus akzeptiat, des chaos wiad zu meim dämon, easchoff ma mein eignen pantheon
hob mi mit den katastrophn vawöhnt, hob do nua dem pessimismus gefrönt, die agonie liegt ma im bluad, mei lebm woa imma scho obsuad
hob ma des destruktive injiziat, hob ma mei insuffizienz eingraviat, mei totalität bricht heraus, easchoff ma mei eignes göttahaus
hob mi mit da apokalypse beglückt, hob imma die fataln föhla pflückt, die anarchie is mei besta freind, hob mei lebm imma scho vaneint.
3) .8/9/10/12 .///13
scho wieda findt des joah sei end, do mei lebm hot si getrennt, donk da seah füa unsren zusommenschluss, donk da füa dei liebe füa jedn hochgenuss
des gewitta hot dröhnend zuckt, woa füas voahongöffnen unbefugt, nua du host die sonnenstroihn zu mia glenkt, host dei liebe ois a flagge üba mia gschwenkt
vüz vü zäune san no geplant, die mauan danoch san imposant, dei schüd umfosst mei gesomte peason, dei liebe trifft bei mia jede foab jedn ton
mei illusion hot mi vafoigt, die dunkle seitn hot si vabeugt, reinigst mi donn mit deim heilignschein, nua dei liebe gebiat übalebmsspielarein.
b 3) .11/7/11/9
hob bei meim aufenthoit nix hintalossn, hob hia goa net existiat, kletta üba zabrochne leitasprossn, die zwongsjackn hot mi obseaviat
bin wie a ausgstopftes ausgstoabnes produkt, nutzlos und ohne vü weat, bin wie a drochn dea goa ka feia spuckt, die fliagl san zrissn und vazeat
bin auf dem planetn nua a winzigs koan, find hia goa kan festn hoit, mei keapa wuade hia brutal reingeboan, do da eingong woa pflostat mit gwoit
bin wies gros des nie bunte blütn bekommt, zatromplt und niedagmäht, die gehianzönstruktua woa scho übasponnt, zeig niemondn mei realität.
d 2) .7/7/7/7 / 7/5 ..7+7/7+7/6/6
gib an grobm übablick, host den bericht definiat, mit da chemischn physik, hob i goa nix meah kapiat, mei tolaranz is begrenzt, hob nix meah eagänzt
beschreib endlich des problem, beleg mas do schwoaz auf weiss, wea ma den test net onsehn, leb no in an ondan kreis, mei aktivität is null, bin mittn im pfuhl
dei libido hot mi gimpft nua mit deina qualität, host mi auspeitscht und beschimpft mit vü aggressivität, da schlüssl hot net passt, zu meim lebmspalast
vaknüpf olle ongobm, die statistik is korrekt, diese zoihn und buchstobm, hom an dominoeffekt, mei mitte is jetzt vakeaht, mei gleichgwicht enteaht
eafind hia kane mäachn, hoach genau auf jeds signal, muass ma jetzt ois einschäafn, do dei ontwoat is neutral, dei alibi is peafekt, bei diesm projekt
host mi jetzt endlich gestählt mit dem nein panzakleid, nua du host mi auseawählt füa mei mindaweatigkeit, ois bleibt unta vaschluss, hob mein eignen rhythmus.
e 1) .8+7/7+6/6+6
hoss di füa meine vün quoin, hoss di scho mei lebm long, da wüafl is scho längst gfoin, moch jetzt an neionfong, zeig da net die woahheit, hob mi von dia entzweit
konn da afoch net vagebm, net nuas schicksoi trogt die schuld, wea mi donn boid eahebm, mit meim uaoidn kult, hob da net meah vatraut, bist füa mi nua unkraut
hoss di füa oi meine wundn, hoss di seit dem eastn tog, host mi wieda festbundn, stö da jetzt a ka frog, die maskerade spriesst, wieda a träne fliesst
konn da afoch niemois vazeihn, a die stean san drin vastrickt, wea donn dein glaubm entweihn, hob in dei feia blickt, hot mi hypnotisiat, hob mi wieda vaiat.
ch 1c) .11/9/11/9
dei feia lodat no mit vü potenzial, do meins is nua karges niemondslond, dei züglloses feia kennt ka moral, do meins is nua fein rieslnda sond
dei feia is scho wieda prächtig gediehn, do meins schwebt scho längst im vakuum, dei reges feia kriagt an oadn valiehn, meins befindt si im delirium
dei feia brodlt berauscht zua explosion, do meins is a ealoschna vuikan, dei flirrendes feia valongt a fusion, do meins eatrinkt scho im ozean
dei feia lockt mit ana spezialität, do meins hot si die ongst einvaleibt, dei lüstanes feia tonzt beheazt ballett, do meins is wieda moi foisch obzweigt.
hob nua vom äussast besn profitiat, hob nua die bestie glorifiziat, da teifl eascheint in meim traum, easchoff ma mei eignen opfaraum
hob den untagong ois gebuat ealebt, hob mi on jeds desasta festgeklebt, spendia dem fiasko applaus, mei lebm woa nua a koatnhaus
hob mit den giftigstn drogn trainiat, hob ma des paradoxe tätuwiat, mei regime wiakt no gonz entsponnt, easchoff ma mei eigne todesfront
hob des endgültige vadeabm betreut, hob mi üba satans hochzeit gefreut, die tyrannei is mei gressta schotz, mei lebm kennt goa kan onkaplotz.
ch 3a) .7+10/7+11 ...16/16
komatöse strömungen waban zittrig duachs finstre labyrinth, visionäre dröhnungen hom si on halluzinationen bedient
rituelle zeremonien blutn heftig beim heilign akt, synchrone anomalien hom fremdoatige dimensionen zahackt
infeanalische gebete fliagn geflüstat duach atmosphäan, hängende marionettn woin jetzt endlich iahre fädn obschean
in hoss getaufte stumme schreie kreischn bis zum fiamament, in hoss getauchte blinde augn hom si noch deim feia gesehnt.
scho wieda nimmt des joah abschied, mei lebm woa nua a klagelied, donk da füa unsre traute harmonie, donk da füa dei liebe mit deina sympathie
die eade bebt oagastisch stoak, spia diese stich bis ins knochnmoak, nua du host ma die ondre seitn zeigt, dei liebe hot si voa mia hinkniet und vaneigt
vüz vü krota san no in mia, meine phobien büdn a spalia, dei obweahreaktion is intakt, empfind dei liebe ois intensivstn extrakt
mei bewusstsein spoitet die sicht, die dunkle mocht vaobscheut des licht, weissigst jetzt mein grauschwoazn horizont, dei liebe webt unsa breites übalebmsbond.
b 4) .11/7/11/9
bin imma des letzte glied in da kettn, leicht defoamiat und obgnutzt, beobocht von entfeant mei eigne stättn, hob ma söbst des positive gstutzt
bin wie zähflüssige lava die glei stockt, hob ka lust auf an foatschritt, bin a feigling dea si on da stong onpflockt, brauch net wieda den nägstn föhtritt
bin in diesm sein nua a winzigs atom, haun mi in a säurebod, hob dieses sinnlos ausgebronnte syndrom, vasenk des anzige rettungsboot
bin wie dichta nebl dea net meah hochsteigt, unduachdringlich isoliat, mei kompletta kreislauf hot scho wieda gstreikt, iagendwea hot die lebmsadan blockiat.
d 3) .7/7/7/7 / 7/5 ..7+7/7+7/6/6
sog afoch wos sache is, moch draus ka so longe gschicht, loss des mit dem kompromiss, denk da net es is dei pflicht, mei schweign is ka freispruch, liquidia des buch
hoit dei referat nua kuaz, brauch hia wiaklich kan roman, nochm aufstieg foigt da stuaz, gib ma kan sönbalsam, loss mi jetzt afoch so foin, weas goa net bereun
mit deina laszivität zeigst di mia frivol obszön, duach dei elektrizität konnst mein magnetn rausschön, die fluchttüa bleibt vaspeat, üba mia schwebt des schweat
vaein ois zu an ganzn, mochs net oi zu kompliziat, vagiss die diskrepanzn, host des schema adaptiat, da spiegl is fleckig trüb, siagt net mei gemüt
red kane hohln phrasn, hob meine vokabln gleant, hob mi in den endphasn, auf diesm plateau entkeant, hob deine tarnung aufdeckt, valiast mein respekt
moch mi endlich wieda gsund füa mei eigne utopie, da übrig gebliebne schwund londet in da therapie, ois unta schutt vagrom, des bleibt mei axiom.
e 2) .8+7/7+6/6+6
hoss di füa die vün noabm, hoss di füa die ewigkeit, bin innalich vadoabm, nix heilt in kuaza zeit, hob ka lächln im gsicht, hob unsan bund umschifft
konn des afoch net vagessn, jeds element spüt a roin, host di vüz oft vamessn, bei den engen spiroin, valiast on relevanz, geh bei dia auf distanz
hoss di wegn meina plogn, hoss di ohne jedn grund, mecht di endlich vajogn, do mei sproch is vamummt, des drama startet neu, bist füa mi nua no spreu
wead di afoch nie freisprechn, vielleicht woas voaheabestimmt, woitst mi imma scho brechn, dei funkn nie vaglimmt, ois hot si wiedahoit, hob di jetzt vaobscheut
hoss di füa mei schweres trauma, hoss di füa mei lebmsluft, vafluachst mi mit an zauba, kippst gift ind siasse frucht, host di peafekt vastöt, dei wesn vü zu spröd
muass di jetzt endlich ausradian, rein goa nix hot si gefügt, woitst mi scho wieda studian, dei feia is nochgrückt, hot mi in trance vasetzt, bin scho wieda valetzt.
f 1) .10/9/11/11
wieda hot mi da onfoi attackiat, da feind is uneakonnt einmarschiat, die pletzliche invasion hot mi geschockt, diese offensive trifft mi splittanockt
wieda is mei hysterie explodiat, da feind hot si lautlos einquartiat, mei peasönlicha konflikt is rein und echt, weaf mi ins surreal latente gefecht
wieda hot mi da kollaps sabotiat, da feind hot spualos sei revia markiat, denn diese okkupation woa illegal, die peaspektive is viadimensional
wieda is mei schizophrenie rotiat, da feind is unbemeakt kollidiat, mei innre fehde bekämpft den stimmenfluss, wü von dia goa kan viraln obschiedskuss.
ch 1d) .11/9/11/9
dei feia zischt schoaf ausm vakoihtn hoiz, do meins siasslt ausm letztn loch, dei sündigs feia is auf sei wut no stoiz, do meins is inhoitslea schal und floch
dei feia eahebt si wieda von allan, do meins steht hia scho long net meah auf, dei exzessives feia is net human, do meins löscht sein schwochn lebmslauf
dei feia bewocht dein dynamischn drong, do meins sickat ins mysterium, dei lechzendes feia düastet noch an fong, do meins is nah beim martyrium
dei feia berauscht si scho om sadismus, do meins leidet on da obsession, dei geisslndes feia züchtigt mit bonus, do meins is hia die letzte station.
hob nua mit da bittakeit kopuliat, hob nua dem defätismus assistiat, die horrorgstoit gibt ma die hond, easchoff ma mei eignes traualond
hob den ruin brüdalich sonft umoamt, hob die totale vanichtung umgoant, sog da zasetzung a liabs woat, mei lebm is a ochtabohnfoaht
hob bei jeda misere onaniat, hob die blutrünstigkeit multipliziat, mei dominanz eahöht den druck, easchoff ma mein eignen gegnzug
hob den vawesungsgruch mit aroma gwüazt, hob die rostig raun schienen vaküazt, hob die lynchjustiz on mia eaprobt, mei lebm hot si zschnö vaausgobt.
ch 3b) .7+10/7+11 ...16/16
unbedingte schutzreflexe vasauan den niedaren instinkt, radikale komplexe hom si mit vakrompftn kolikn valinkt
köapaeigne geschenke begnadign den vastümmltn trieb, vaseuchte foitabänke hom a ethisch fundamentales prinzip
diabolische vease nistn auf an übadüngtn bereich, die heftige kontroverse dümplt in an ois vaschlingendn teich
in hoss eingfäabte tonlose schreie brülln bis ind galaxie, in hoss gstäakte düstre augn fühln dei feia ois amnesie.
phantastisch dystopische szenarien woin aus mia entfliehn, makabre sötsom obstruse sensoan woin mei feia einspoan
phänomenal schaurige molarein woin ois prophezein, peavease psychopathische schimäan woin mei feia entlean
grässlich massakriate freie walküan woin den tod entfüahn, frenetisch tollwütige kreatuan woin mei feia festzuan
mei metaphysisch paranoamales sein mecht si jetzt einreihn, mei epochal provokant infame zeit hot mei feia gebenedeit
do dei feia hot meins eadrückt, dei feia eakläat meins füa varückt, do dei feia hot meins bekriegt, dei feia hot meins restlos besiegt.
geschrieben am 28. dezember 2019 /// 02./05./06./07./08./09./10./11. jänner 2020.pk. ~ überarbeitet am 12. november 2023.pk.
copyright by philipp kirschner.pk. ~ untermalt mit musik von dark fortress, dimmu borgir, neaera, nile, whitechapel.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen