467.
| pflückt.
1) .10/9/12/9
diesa tunnl findt jo do no sei end, siag jetzt endlich wieda moi a licht, a schwocha schein duachdringt des finste element, da nebl is a net meah so dicht
da stoake regn losst scho wieda noch, a die woikndeckn reisst jetzt auf, vaeinzlt foin woame tropfn vom blättadoch, foign dem schlänglnden bochvalauf
dutzende blitz schneidn die glodne luft, da donna roit übas fiamament, des echo seit äonen scho um hüfe ruft, die schoiwön brechn des fundament
da wüde stuam valiat wieda on kroft, sunn und mond beruhign unsre wöd, die natua steht hia no imma im voin soft, hob iah die reine woahheit eazöht.
b 1) .10/10/10/10
fühl mi in meina höhle geboagn, bemoi die varusstn bluadign wänd, woat scho volla sehnsucht auf des moagn, die sonnenstroihn hom mi donn wieda blendt
spia die unschoafn kontuan auf da haut, voa meinen augn heascht no finstanis, diese schwäazn hot si voa mia aufgstaut, meine weitn pupün hom scho an riss
fühl mi sicha in meim engen kokon, find den onfong vom fodn afoch net, bin mit mia söba net meah gonz synchron, mei innres sein is lücknhoft inkomplett
spia die engen kuavn in da spiroin, die rauhe flächn scheuat mi scho wund, mecht mi endlich von meim lebm eahoin, tauch in graun schichtn scho bis zum grund.
ch 1a) .8+5+8/8+4+7
a wossafoi aus gedonkn, proit mit volla wucht, auf den bodn da wiaklichkeit, die moaschn vafaultn plonkn, san auf da flucht, voa da schian ewigkeit
a flut von makabren träumen, sickat duach die zeit, in an steriln weissn raum, von grodetn oidn bäumen, fliesst die freiheit, duach an koitblütign zaun
a stromschnön aus moabida fuacht, schiasst quea duachs lebm, bis zu an bodnlosn punkt, da leib braucht noahrung und notduaft, do die strebm, san vüz tiaf im schmeaz eintunkt
a mea aus flüstandn stimmen, brandet in mei hian, auf a schwoche neavnsubstanz, meine hoffnungen vaglimmen, wie a gestian, bei seim letztn lichtatonz.
2) .10/9/12/9
diesa tunnl heat jo do no moi auf, hob vielleicht endlich wieda moi glück, nua a winziga schimma schofft den hüadnlauf, vom schottn föht a scho a klans stück
die schneemassn schmözn longsom diskret, a sonnenstroih blinzlt scho und locht, des lauwoame lüftchen hot si endlich gedreht, summt a melodie gonz sonft und socht
eiskristalle stechn wie nägl ins fleisch, massian wie a akupunktua, dieses vagnügn wiad begleitet vom gekreisch, streichlt jede bewusstseinsstruktua
die hohn wön san donn wieda vaebbt, sunn und mond hom unsre wöd entsponnt, die natua hot imma des korrekte konzept, hob die wiaklichkeit wieda eakonnt.
b 2) .10/10/10/10
fühl mi in meina höhle guad beschützt, besing die flommen mit wüdfremda sproch, da uaoide tonz hot mi untastützt, gutturale laute fliessn im boch
spia an konstantn druck auf meim schädl, iagendwos mecht si gean aus meim hian boahn, sitz scho long nimma om längan hebl, hob nua no dysfunktionale sensoan
fühl mi seah woih in meim söbstbautn nest, riskia kan anzign blick üban rond, hob mi scho söbst in a gussfoam reinpresst, des zrissne seil hot mi hia net vaschont
spia auf mia den umriss da schablone, des messa da vanunft hot mi onposst, mei lebm spüt in ana grauzone, meine koatn wuadn scho längst valost.
d 1) .5+6+8/5+6+8 ..11/11/10/7 ...///8
a gleissendes licht, blendet meine augn mit brutala intensität, küazt mei weite sicht, die rostign schraubm schenkn ma vü intimität
dieses weisse licht, frisst si bis zua netzhaut mit äussesta brutalität, hintalosst a schrift, hob da blindheit vatraut füa iah chaotisches schochbrett
da giarige fleischwoif saugt gedonkn ein, da pürriastob massakriat des uagestein, des gedächtnis kummt in vagessnheit, die ongst schüat die einsomkeit
a trüba spiegl, vatauscht olle seitn mit an voazeichn negativ, des zabrochne siegl, hot die weisheitn onzweiflt gonz demonstrativ
da blanke spiegl, ändat die symmetrie in diesa kronkn dimension, da iadene tiegl, kennt die therapie füa jede sinistre vision
die giarige maschin endlos konsumiat, diesa apparat im kosmos funktioniat, die ruinen bleibm restlos zasteat, die ongst hot si wieda eingspeat.
ch 1b) .8+5+8/8+4+7
a wossafoi aus signaln, stösst mit volla wucht, gegn a gewoitige wond, die unbrauchboan poataln, treibm in da bucht, ufalos mit widastond
a flut von engen utopien, tröpflt duach die zeit, in an guad vastecktn bereich, aus groteskn anomalien, foit die echtheit, in an klan vasumpftn teich
a wossawiabl aus panik, attackiats lebm mit exzessiv psychischa gwoit, die gesetze da mechanik, liegn nebm an masochistischn spoit
a mea aus lautn gesprächn, hämmat auf mei hian, und schleift des echo endlos mit, die freien zakrotztn flächn, woin mi markian, im letztn zufluchtsgebiet.
ch 2a) .9/9/9/7
die tüan san vaschlossn und vaplombt, die scheabm zaspittat und zabombt, mei vastond is a krotalondschoft, hob mi wieda söbst bestroft
da weg ändat ständig den valauf, da richtungspfeil mündet in an rauch, mei logik hot scho lecha vaschluckt, bin scho voa mia söbst zommzuckt
des gitta is dicht on dicht gedrängt, da onka hot si ins hian vasenkt, mei intelligenz bricht ausanond, hob mi wieda söbst vabronnt
die matrix is vü zu kompliziat, die zeichn hom mi paralysiat, mei esprit is nua no leichte kost, mei lebm si ma so vahosst.
3) .10/9/12/9
diesa tunnl füaht do no zu an zü, vielleicht san endlich olle hüadn entfeant, a zoata hauch vauasocht a vazaubats gfüh, die silhouettn is scho entkeant
die lava kühlt ob und is scho eastoat, da ausbrochne vuikan quoimt no schwoch, die asche bedeckt diesn besondaren oat, des geheimnis steckt no in an loch
da kometnschweif ziat des steanenzöt, a supanova is explodiat, die leuchtende foabmwoikn hot si vazöht, hot si ausdehnt und is kollabiat
des vakuum hot mi scho längst umhüllt, hob dem nix direkt ins aug geblickt, die natua hot uns längst völlig vastummt onbrüllt, bin wieda bei da woahheit einknickt.
b 3) .10/10/10/10
fühl mi in meina höhle keangesund, vaeah auf meim altar die atemluft, jede nuance auf diesm eadnrund, hot an kloan sinn in da lebmsbucht
spia a ziehn in meinen eingeweidn, da feind in mia mocht si übaroi breit, mecht ma die fuachtboan quoin rausschneidn, da nächste schub hot si wieda eingreiht
fühl mi in da blosn weich gebettet, blätta fedan und moos san scho zafoin, hob mi on den lügn ongekettet, des permanente radl kummt ins roin
spia um mia die akute enge gfoah, lauat jo genau untam kieslstein, hob leida übahaupt kan detektoa, wü oi meine vün plogn wegschrein.
d 2) .5+6+8/5+6+8 ..11/11/10/7 ...///8
a schnoizenda blitz, trifft mi genau ins moak mit an eneagetischn schub, is in meim besitz, mei eigne gegnwoat suhlt si in meim vaseichtn blut
diesa weisse blitz, reinigt vaschmutzte sön mit nua an gonz humanen schlog, a kuaze notiz, is nua a bagatön im infeanalischm vatrog
des giarige rädaweak zamoimt ideen, des hondweakszeug wiad si imma weita drehn, die zeichn san scho unkenntlich vawischt, die ongst hot si scho eingmischt
beim klan mosaik, föhn jetzt scho gnua teile füas unvaföschte losungswoat, in diesa chronik, steckt in jeda zeile a rätslhofte rednsoat
ausm mosaik, entsteign frogezeichn aus da hieroglyphnschrift, die rote rubrik, wiad vüz schnö vableichn in diesm ätherischn gift
des giarige getriebe is motiviat, diesa motoa hot jedn manipuliat, die übareste bleibm jetzt vaschoin, die ongst muass si jetzt wiedahoin.
e 1) .6+7/6+7/5/7 ....9/10/9/11
zitta mi vaweichlicht duach jedn lebmsobschnitt, mei feigheit übatrifft mei lebmswündefizit, wü endlich mei ruah, mein friedn mei eigne uah
schlotta wie espnlaub bei jeda tiafn und höhn, mei mut zafoit zu staub in jeda anzelnen zön, brauch kan kompromiss, und scho goa kan fodnriss
zauda bei jedm schritt vazöga jedn moment, mei stetigs missgeschick hot füa mi a kompliment, hob jetzt gnua vom stress, wü jetzt mein friedsprozess
übadenk ois vüz long pessimistisch vaonlogt, da hysterische zwong hot mi niemois danoch gfrogt, wü nua schnö umkeahn, konn den schwindl net abweahn
do füa mi gibts hia ka entkommen, es holt mi afoch imma wieda ein, seit da gebuat hots scho begonnen, diese ständign unnützn grübelein.
ch 1c) .8+5+8/8+4+7
a wossafoi aus voazeichn, rammt mit volla wucht, die säuln diesa existenz, die vüz vü foisch gstötn weichn, san a faule frucht, in meina schwochn frequenz
a flut sötsama gelüste, sprudlt duach die zeit, in mei aktiviertes zentrum, mei imaginäre wüste, beginnt an streit, mit meinem delirium
a sog aus vahosstem grausn, zareisst des lebm, ohne ochtung ohne respekt, die vaküaztn vaschnaufpausn, woin ochtgebm, auf den dominoeffekt
a mea aus vasondetem gebrüll, foitat mei hian, mit stechenda konzentration, des logisch taktische kalkül, wü mi blockian, bei meina letztn aktion.
ch 2b) .9/9/9/7
die pfoatn san zuagmauat vaschonzt, die trümma hom scho ekstatisch tonzt, mei uateilskroft is net effizient, hob mi im wahnsinn varennt
da pfad hot die kuavn no vaschäaft, die kantn hom bei jedm eck gneavt, mei weisheit hot scho sprünge und keam, bin söbst mei eignes vadeam
die knotn san afoch vü zu fest, des geflecht is scho gänzlich duachnässt, mei niveau vasinkt in an morast, bau mein eignen goignmast
des schicksoi hot sei eignes system, die symptome leidn om geschehn, mei emotion is katastrophal, hoss mei lebm obnoamal.
ch 3a) .9+9/9+9
söbstmöadarische illusionen phantasian bis ins klanste detail, meine gfäahlichn ambitionen treffn sicha ins zü wie a pfeil
destruktive kapazitätn reinign den positivn sinn, todesmutige qualitätn woatn scho long auf an neibeginn
unsichtboare intaferenzn beeinflussn mei graue zukunft, meine enoamen turbulenzn hom mei bittre eakenntnis obgstumpft
meine kompaktn schizophrenien leistn jetzt scho long ka gegnweah, die depressivn epidemien san wiaklich scho extraoadinäa.
4) .10/9/12/9
diesa tunnl bringt mi do no moi ham, hob vielleicht olle aufgobm gschofft, a buntes funkln übaziagt mi wie balsam, da regnbogn liebkost die nocht
die stean schreibm iah eigne lebmsgschicht, jeda musiziat auf seine oat, bewoahn äonen long iah innres gleichgewicht, beim zeichnen da büda homs zvü gspoat
soizige tropfn ochtn die schweakroft, da kreislauf foigt nua seim uainstinkt, eainnarungen sendn a letzte botschoft, wiad mit da schlichtn sö no valinkt
a leare hün wiad ois beweis eastroihn, die eade hot knochn einvaleibt, a behauna sta varät buchstobm und zoihn, a weisa spruch hot si tiaf vaneigt.
b 4) .10/10/10/10
fühl mi in meina höhle gonz vatraut, die koide dunklheit is jetzt mei freind, die ewigkeit hot si voa mia aufbaut, hob oi meine spuan mitanond valeimt
spia diese schwebende unendlichkeit, bin grod in da gelöstn atmosphäan, vaobschied mi in die endgültigkeit, woit mi do so gean wieda söbst gebäahn
fühl mi wie in an eneagiepalast, hob dieses labyrinth bereits duachqueat, die weissen fahnen wehn scho längst am mast, hob mi nua no vom reinstn licht eanäaht
spia die leichtigkeit des lebms und seins, des volumen is jetzt exorbitant, bin mitm univeasum wieda eins, diese odyssee woa so nie geplant.
d 3) .5+6+8/5+6+8 ..11/11/10/7 ...///8
a maroda glonz, hot mei aura befoin ohne a rekonvaleszenz, a graue substonz, is in mia stoak ongschwoin, mit vaheerenda konsequenz
diesa stumpfe glonz, schmüzt scho vüz schnö dahin, mutiat zu an dünnen rinnsoi, diese allianz, offnboat mein ruin, bei mein zabröcklnden schutzwoi
da giarige mechanismus strotzt und glänzt, hot die beschweadn auf an tablett kredenzt, hob den valust da sinne net bemeakt, die ongst hot si no vastäakt
a exakta plan, is peafekt programmiat füa a komplette annexion, die dünne membran, trogt in sich diesn wiat, vabreitet diese infektion
auf dem grossn plan, steht diese legende füan vanetztn lebmsweg, die festglegte bahn, inkludiat ka wende mit nötiga stabilität
da giarige automat befiehlt und lenkt, diesa endspuat hot jetzt den treffa vasenkt, da letzte dreck klebt fest on da manie, die ongst flüchtet zua amnesie.
e 2) .6+7/6+7/5/7 ....9/10/9/11
eabeb scho alleagisch auf den dünnen lebmsklong, des graun is eneagisch beim offnen lebmsausgong, lossts mi jetzt alla, bin nua a winziga sta
klappa mit den zähnen bei jedm klanstn problem, mei scheu wiad si ausdehnen in dem heiklen system, is wie a reflex, leid on an nein komplex
stopp aprupt voa da tat, schwonk stets zwischn jo und nein, jeda sinnlose rat wiad mein protest prophezein, des mocht ma vü vadruss, reagia mit an kuazschluss
eawäg des füa und wida, in da schleifn endlos, knie mi sogoa nieda voa jedm hödnepos, wü sofoat obhaun, jeda konn mei maske duachschaun
do füa mi san die chancen gleich null, da vatrog is do längst untaschriem, nua bei da gebuat gibts des modul, dieses kopfzabrechn is ma afoch bliem.
f 1) .6/8/7/8/10
die woog is austariat, hob mitm plateau scho kontakt, nua die schoin san scho lädiat, da inhoit is völlig vatrackt, hob mei harmonie scho längst obgehakt
die schwäazn is robust, die stufn woan olle vüz hoch, bin ma kana schuid bewusst, vakriach mi wieda in mei eignes loch, mei sucht noch da freiheit woa hypotroph
die gründ woan vaschiedn, die uasoch weadets nie eafoahn, hob an obschiedsbrief vamiedn, woit eich den befund easpoan, mei psyche woa zu konfus und vawoan
des leid is absolut, hob meim zognen hoim akzeptiat, in mia die schwölende glut, hot mi martand terrorisiat, hob mei martyrium sychronisiat.
ch 1d) .8+5+8/8+4+7
a wossafoi aus gebäadn, bedroht mit volla wucht, mein nocktn noamaln wahnsinn, meine besessnen gefäahtn, dienen da zucht, mit eisana disziplin
a flut trauriga gewissheit, vafestigt die zeit, zum uasprungskean ohne umkeah, mei strenge obgeschiednheit, is eingeweiht, in mei obsicht gonz konträa
a strömung da irritation, vaschlingt des lebm, ohne den geringstn rückstond, mei keapaliche erosion, losst mi schwebm, in an fremdn horizont
a mea schwocha atemzüge, eastickt boid mei hian, mit foignschwerem resultat, die söbsteanonnte notlüge, wü si mokian, üba mei letztes zitat.
ch 2c) .9/9/9/7
da duachgong is vabarrikadiat, die fragmente wuadn sabotiat, mei denkvamögn is primitiv, mei wahnsinn is offensiv
die route is a seah glott und steil, aufm beag füaht nua a feuchtes seil, mei eafoahrung is net ausgereift, bin vüz oft vüz weit obgschweift
des netz hot sei festigkeit valoan, die fasern wean mitanond vaschmoan, mei sichtweise bleibt füa imma gleich, tauch leblos im tiafn teich
da schlüssl passt hia net meah ins schloss, die stigmen glühn no aufm omboss, mei feia scho längst zu eis eastoat, mei lebm mocht kan rekoad.
ch 3b) .9+9/9+9
bestialische phantasterein halluzinian ois kaleidoskop, meine seriösn metzelein spün hia vasteck mit lebm und tod
radikale absuaditätn hobm a grausome dissonanz, kämpfarische rivalitätn kennen des eagebnis da bilanz
unbezwingboare differenzn vaschleian no mei identität, meine magischn transzendenzn foamen mei zoate fragilität
ealoschne vafoine synergien hom die effekte wieda vabraucht, die taktisch entwoafnen strategien san ungültig und längst ausvakauft.
ch 4a) .6/5/7 / 5/5/7 ..14/14
die bruckn is eingstüazt, des boot hot a leck, des wossa brodlt und kocht, des lebm zstoak gwüazt, ka vitalität, in da übalebmsschlocht
die wuazln san brochn, den baum homs gefällt, des hoiz im feia vabronnt, die lebmswoffn, homs gonz foisch bestellt, in da übalebmsfront
hob bei meina letztn prüfung wieda amoi vasogt, hob die valognen bösoatign gefühle vajogt
da steg is übaschwemmt, des floss is entzwei, des wossa wütet und stüamt, des lebm is zähmt, bin jetzt no net frei, mei lebm hot si auftüamt
da uasprung weit entfeant, die quön is vasiegt, da übagong fliessend leicht, des lebm valeant, in den schlof gewiegt, no imma unausgereift
mei vasuach is kläglich gescheitat föhgschlogn und missglückt, hob die foabmprächtign blumen afoch vüz fruah pflückt.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 01./03./04./05./09. oktober // 01./02./03./04./05./06./07./08./09. dezember 2019.pk. ~ überarbeitet am 12. november 2023,pk.
copyright by philipp kirschner.pk. ~ untermalt mit musik von as i lay dying, baest, bleed from within, despised icon
************************************************************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .10/9/12/9
diesa tunnl findt jo do no sei end, siag jetzt endlich wieda moi a licht, a schwocha schein duachdringt des finste element, da nebl is a net meah so dicht
da stoake regn losst scho wieda noch, a die woikndeckn reisst jetzt auf, vaeinzlt foin woame tropfn vom blättadoch, foign dem schlänglnden bochvalauf
dutzende blitz schneidn die glodne luft, da donna roit übas fiamament, des echo seit äonen scho um hüfe ruft, die schoiwön brechn des fundament
da wüde stuam valiat wieda on kroft, sunn und mond beruhign unsre wöd, die natua steht hia no imma im voin soft, hob iah die reine woahheit eazöht.
b 1) .10/10/10/10
fühl mi in meina höhle geboagn, bemoi die varusstn bluadign wänd, woat scho volla sehnsucht auf des moagn, die sonnenstroihn hom mi donn wieda blendt
spia die unschoafn kontuan auf da haut, voa meinen augn heascht no finstanis, diese schwäazn hot si voa mia aufgstaut, meine weitn pupün hom scho an riss
fühl mi sicha in meim engen kokon, find den onfong vom fodn afoch net, bin mit mia söba net meah gonz synchron, mei innres sein is lücknhoft inkomplett
spia die engen kuavn in da spiroin, die rauhe flächn scheuat mi scho wund, mecht mi endlich von meim lebm eahoin, tauch in graun schichtn scho bis zum grund.
ch 1a) .8+5+8/8+4+7
a wossafoi aus gedonkn, proit mit volla wucht, auf den bodn da wiaklichkeit, die moaschn vafaultn plonkn, san auf da flucht, voa da schian ewigkeit
a flut von makabren träumen, sickat duach die zeit, in an steriln weissn raum, von grodetn oidn bäumen, fliesst die freiheit, duach an koitblütign zaun
a stromschnön aus moabida fuacht, schiasst quea duachs lebm, bis zu an bodnlosn punkt, da leib braucht noahrung und notduaft, do die strebm, san vüz tiaf im schmeaz eintunkt
a mea aus flüstandn stimmen, brandet in mei hian, auf a schwoche neavnsubstanz, meine hoffnungen vaglimmen, wie a gestian, bei seim letztn lichtatonz.
2) .10/9/12/9
diesa tunnl heat jo do no moi auf, hob vielleicht endlich wieda moi glück, nua a winziga schimma schofft den hüadnlauf, vom schottn föht a scho a klans stück
die schneemassn schmözn longsom diskret, a sonnenstroih blinzlt scho und locht, des lauwoame lüftchen hot si endlich gedreht, summt a melodie gonz sonft und socht
eiskristalle stechn wie nägl ins fleisch, massian wie a akupunktua, dieses vagnügn wiad begleitet vom gekreisch, streichlt jede bewusstseinsstruktua
die hohn wön san donn wieda vaebbt, sunn und mond hom unsre wöd entsponnt, die natua hot imma des korrekte konzept, hob die wiaklichkeit wieda eakonnt.
b 2) .10/10/10/10
fühl mi in meina höhle guad beschützt, besing die flommen mit wüdfremda sproch, da uaoide tonz hot mi untastützt, gutturale laute fliessn im boch
spia an konstantn druck auf meim schädl, iagendwos mecht si gean aus meim hian boahn, sitz scho long nimma om längan hebl, hob nua no dysfunktionale sensoan
fühl mi seah woih in meim söbstbautn nest, riskia kan anzign blick üban rond, hob mi scho söbst in a gussfoam reinpresst, des zrissne seil hot mi hia net vaschont
spia auf mia den umriss da schablone, des messa da vanunft hot mi onposst, mei lebm spüt in ana grauzone, meine koatn wuadn scho längst valost.
d 1) .5+6+8/5+6+8 ..11/11/10/7 ...///8
a gleissendes licht, blendet meine augn mit brutala intensität, küazt mei weite sicht, die rostign schraubm schenkn ma vü intimität
dieses weisse licht, frisst si bis zua netzhaut mit äussesta brutalität, hintalosst a schrift, hob da blindheit vatraut füa iah chaotisches schochbrett
da giarige fleischwoif saugt gedonkn ein, da pürriastob massakriat des uagestein, des gedächtnis kummt in vagessnheit, die ongst schüat die einsomkeit
a trüba spiegl, vatauscht olle seitn mit an voazeichn negativ, des zabrochne siegl, hot die weisheitn onzweiflt gonz demonstrativ
da blanke spiegl, ändat die symmetrie in diesa kronkn dimension, da iadene tiegl, kennt die therapie füa jede sinistre vision
die giarige maschin endlos konsumiat, diesa apparat im kosmos funktioniat, die ruinen bleibm restlos zasteat, die ongst hot si wieda eingspeat.
ch 1b) .8+5+8/8+4+7
a wossafoi aus signaln, stösst mit volla wucht, gegn a gewoitige wond, die unbrauchboan poataln, treibm in da bucht, ufalos mit widastond
a flut von engen utopien, tröpflt duach die zeit, in an guad vastecktn bereich, aus groteskn anomalien, foit die echtheit, in an klan vasumpftn teich
a wossawiabl aus panik, attackiats lebm mit exzessiv psychischa gwoit, die gesetze da mechanik, liegn nebm an masochistischn spoit
a mea aus lautn gesprächn, hämmat auf mei hian, und schleift des echo endlos mit, die freien zakrotztn flächn, woin mi markian, im letztn zufluchtsgebiet.
ch 2a) .9/9/9/7
die tüan san vaschlossn und vaplombt, die scheabm zaspittat und zabombt, mei vastond is a krotalondschoft, hob mi wieda söbst bestroft
da weg ändat ständig den valauf, da richtungspfeil mündet in an rauch, mei logik hot scho lecha vaschluckt, bin scho voa mia söbst zommzuckt
des gitta is dicht on dicht gedrängt, da onka hot si ins hian vasenkt, mei intelligenz bricht ausanond, hob mi wieda söbst vabronnt
die matrix is vü zu kompliziat, die zeichn hom mi paralysiat, mei esprit is nua no leichte kost, mei lebm si ma so vahosst.
3) .10/9/12/9
diesa tunnl füaht do no zu an zü, vielleicht san endlich olle hüadn entfeant, a zoata hauch vauasocht a vazaubats gfüh, die silhouettn is scho entkeant
die lava kühlt ob und is scho eastoat, da ausbrochne vuikan quoimt no schwoch, die asche bedeckt diesn besondaren oat, des geheimnis steckt no in an loch
da kometnschweif ziat des steanenzöt, a supanova is explodiat, die leuchtende foabmwoikn hot si vazöht, hot si ausdehnt und is kollabiat
des vakuum hot mi scho längst umhüllt, hob dem nix direkt ins aug geblickt, die natua hot uns längst völlig vastummt onbrüllt, bin wieda bei da woahheit einknickt.
b 3) .10/10/10/10
fühl mi in meina höhle keangesund, vaeah auf meim altar die atemluft, jede nuance auf diesm eadnrund, hot an kloan sinn in da lebmsbucht
spia a ziehn in meinen eingeweidn, da feind in mia mocht si übaroi breit, mecht ma die fuachtboan quoin rausschneidn, da nächste schub hot si wieda eingreiht
fühl mi in da blosn weich gebettet, blätta fedan und moos san scho zafoin, hob mi on den lügn ongekettet, des permanente radl kummt ins roin
spia um mia die akute enge gfoah, lauat jo genau untam kieslstein, hob leida übahaupt kan detektoa, wü oi meine vün plogn wegschrein.
d 2) .5+6+8/5+6+8 ..11/11/10/7 ...///8
a schnoizenda blitz, trifft mi genau ins moak mit an eneagetischn schub, is in meim besitz, mei eigne gegnwoat suhlt si in meim vaseichtn blut
diesa weisse blitz, reinigt vaschmutzte sön mit nua an gonz humanen schlog, a kuaze notiz, is nua a bagatön im infeanalischm vatrog
des giarige rädaweak zamoimt ideen, des hondweakszeug wiad si imma weita drehn, die zeichn san scho unkenntlich vawischt, die ongst hot si scho eingmischt
beim klan mosaik, föhn jetzt scho gnua teile füas unvaföschte losungswoat, in diesa chronik, steckt in jeda zeile a rätslhofte rednsoat
ausm mosaik, entsteign frogezeichn aus da hieroglyphnschrift, die rote rubrik, wiad vüz schnö vableichn in diesm ätherischn gift
des giarige getriebe is motiviat, diesa motoa hot jedn manipuliat, die übareste bleibm jetzt vaschoin, die ongst muass si jetzt wiedahoin.
e 1) .6+7/6+7/5/7 ....9/10/9/11
zitta mi vaweichlicht duach jedn lebmsobschnitt, mei feigheit übatrifft mei lebmswündefizit, wü endlich mei ruah, mein friedn mei eigne uah
schlotta wie espnlaub bei jeda tiafn und höhn, mei mut zafoit zu staub in jeda anzelnen zön, brauch kan kompromiss, und scho goa kan fodnriss
zauda bei jedm schritt vazöga jedn moment, mei stetigs missgeschick hot füa mi a kompliment, hob jetzt gnua vom stress, wü jetzt mein friedsprozess
übadenk ois vüz long pessimistisch vaonlogt, da hysterische zwong hot mi niemois danoch gfrogt, wü nua schnö umkeahn, konn den schwindl net abweahn
do füa mi gibts hia ka entkommen, es holt mi afoch imma wieda ein, seit da gebuat hots scho begonnen, diese ständign unnützn grübelein.
a wossafoi aus voazeichn, rammt mit volla wucht, die säuln diesa existenz, die vüz vü foisch gstötn weichn, san a faule frucht, in meina schwochn frequenz
a flut sötsama gelüste, sprudlt duach die zeit, in mei aktiviertes zentrum, mei imaginäre wüste, beginnt an streit, mit meinem delirium
a sog aus vahosstem grausn, zareisst des lebm, ohne ochtung ohne respekt, die vaküaztn vaschnaufpausn, woin ochtgebm, auf den dominoeffekt
a mea aus vasondetem gebrüll, foitat mei hian, mit stechenda konzentration, des logisch taktische kalkül, wü mi blockian, bei meina letztn aktion.
ch 2b) .9/9/9/7
die pfoatn san zuagmauat vaschonzt, die trümma hom scho ekstatisch tonzt, mei uateilskroft is net effizient, hob mi im wahnsinn varennt
da pfad hot die kuavn no vaschäaft, die kantn hom bei jedm eck gneavt, mei weisheit hot scho sprünge und keam, bin söbst mei eignes vadeam
die knotn san afoch vü zu fest, des geflecht is scho gänzlich duachnässt, mei niveau vasinkt in an morast, bau mein eignen goignmast
des schicksoi hot sei eignes system, die symptome leidn om geschehn, mei emotion is katastrophal, hoss mei lebm obnoamal.
ch 3a) .9+9/9+9
söbstmöadarische illusionen phantasian bis ins klanste detail, meine gfäahlichn ambitionen treffn sicha ins zü wie a pfeil
destruktive kapazitätn reinign den positivn sinn, todesmutige qualitätn woatn scho long auf an neibeginn
unsichtboare intaferenzn beeinflussn mei graue zukunft, meine enoamen turbulenzn hom mei bittre eakenntnis obgstumpft
meine kompaktn schizophrenien leistn jetzt scho long ka gegnweah, die depressivn epidemien san wiaklich scho extraoadinäa.
4) .10/9/12/9
diesa tunnl bringt mi do no moi ham, hob vielleicht olle aufgobm gschofft, a buntes funkln übaziagt mi wie balsam, da regnbogn liebkost die nocht
die stean schreibm iah eigne lebmsgschicht, jeda musiziat auf seine oat, bewoahn äonen long iah innres gleichgewicht, beim zeichnen da büda homs zvü gspoat
soizige tropfn ochtn die schweakroft, da kreislauf foigt nua seim uainstinkt, eainnarungen sendn a letzte botschoft, wiad mit da schlichtn sö no valinkt
a leare hün wiad ois beweis eastroihn, die eade hot knochn einvaleibt, a behauna sta varät buchstobm und zoihn, a weisa spruch hot si tiaf vaneigt.
b 4) .10/10/10/10
fühl mi in meina höhle gonz vatraut, die koide dunklheit is jetzt mei freind, die ewigkeit hot si voa mia aufbaut, hob oi meine spuan mitanond valeimt
spia diese schwebende unendlichkeit, bin grod in da gelöstn atmosphäan, vaobschied mi in die endgültigkeit, woit mi do so gean wieda söbst gebäahn
fühl mi wie in an eneagiepalast, hob dieses labyrinth bereits duachqueat, die weissen fahnen wehn scho längst am mast, hob mi nua no vom reinstn licht eanäaht
spia die leichtigkeit des lebms und seins, des volumen is jetzt exorbitant, bin mitm univeasum wieda eins, diese odyssee woa so nie geplant.
d 3) .5+6+8/5+6+8 ..11/11/10/7 ...///8
a maroda glonz, hot mei aura befoin ohne a rekonvaleszenz, a graue substonz, is in mia stoak ongschwoin, mit vaheerenda konsequenz
diesa stumpfe glonz, schmüzt scho vüz schnö dahin, mutiat zu an dünnen rinnsoi, diese allianz, offnboat mein ruin, bei mein zabröcklnden schutzwoi
da giarige mechanismus strotzt und glänzt, hot die beschweadn auf an tablett kredenzt, hob den valust da sinne net bemeakt, die ongst hot si no vastäakt
a exakta plan, is peafekt programmiat füa a komplette annexion, die dünne membran, trogt in sich diesn wiat, vabreitet diese infektion
auf dem grossn plan, steht diese legende füan vanetztn lebmsweg, die festglegte bahn, inkludiat ka wende mit nötiga stabilität
da giarige automat befiehlt und lenkt, diesa endspuat hot jetzt den treffa vasenkt, da letzte dreck klebt fest on da manie, die ongst flüchtet zua amnesie.
e 2) .6+7/6+7/5/7 ....9/10/9/11
eabeb scho alleagisch auf den dünnen lebmsklong, des graun is eneagisch beim offnen lebmsausgong, lossts mi jetzt alla, bin nua a winziga sta
klappa mit den zähnen bei jedm klanstn problem, mei scheu wiad si ausdehnen in dem heiklen system, is wie a reflex, leid on an nein komplex
stopp aprupt voa da tat, schwonk stets zwischn jo und nein, jeda sinnlose rat wiad mein protest prophezein, des mocht ma vü vadruss, reagia mit an kuazschluss
eawäg des füa und wida, in da schleifn endlos, knie mi sogoa nieda voa jedm hödnepos, wü sofoat obhaun, jeda konn mei maske duachschaun
do füa mi san die chancen gleich null, da vatrog is do längst untaschriem, nua bei da gebuat gibts des modul, dieses kopfzabrechn is ma afoch bliem.
f 1) .6/8/7/8/10
die woog is austariat, hob mitm plateau scho kontakt, nua die schoin san scho lädiat, da inhoit is völlig vatrackt, hob mei harmonie scho längst obgehakt
die schwäazn is robust, die stufn woan olle vüz hoch, bin ma kana schuid bewusst, vakriach mi wieda in mei eignes loch, mei sucht noch da freiheit woa hypotroph
die gründ woan vaschiedn, die uasoch weadets nie eafoahn, hob an obschiedsbrief vamiedn, woit eich den befund easpoan, mei psyche woa zu konfus und vawoan
des leid is absolut, hob meim zognen hoim akzeptiat, in mia die schwölende glut, hot mi martand terrorisiat, hob mei martyrium sychronisiat.
ch 1d) .8+5+8/8+4+7
a wossafoi aus gebäadn, bedroht mit volla wucht, mein nocktn noamaln wahnsinn, meine besessnen gefäahtn, dienen da zucht, mit eisana disziplin
a flut trauriga gewissheit, vafestigt die zeit, zum uasprungskean ohne umkeah, mei strenge obgeschiednheit, is eingeweiht, in mei obsicht gonz konträa
a strömung da irritation, vaschlingt des lebm, ohne den geringstn rückstond, mei keapaliche erosion, losst mi schwebm, in an fremdn horizont
a mea schwocha atemzüge, eastickt boid mei hian, mit foignschwerem resultat, die söbsteanonnte notlüge, wü si mokian, üba mei letztes zitat.
ch 2c) .9/9/9/7
da duachgong is vabarrikadiat, die fragmente wuadn sabotiat, mei denkvamögn is primitiv, mei wahnsinn is offensiv
die route is a seah glott und steil, aufm beag füaht nua a feuchtes seil, mei eafoahrung is net ausgereift, bin vüz oft vüz weit obgschweift
des netz hot sei festigkeit valoan, die fasern wean mitanond vaschmoan, mei sichtweise bleibt füa imma gleich, tauch leblos im tiafn teich
da schlüssl passt hia net meah ins schloss, die stigmen glühn no aufm omboss, mei feia scho längst zu eis eastoat, mei lebm mocht kan rekoad.
ch 3b) .9+9/9+9
bestialische phantasterein halluzinian ois kaleidoskop, meine seriösn metzelein spün hia vasteck mit lebm und tod
radikale absuaditätn hobm a grausome dissonanz, kämpfarische rivalitätn kennen des eagebnis da bilanz
unbezwingboare differenzn vaschleian no mei identität, meine magischn transzendenzn foamen mei zoate fragilität
ealoschne vafoine synergien hom die effekte wieda vabraucht, die taktisch entwoafnen strategien san ungültig und längst ausvakauft.
ch 4a) .6/5/7 / 5/5/7 ..14/14
die bruckn is eingstüazt, des boot hot a leck, des wossa brodlt und kocht, des lebm zstoak gwüazt, ka vitalität, in da übalebmsschlocht
die wuazln san brochn, den baum homs gefällt, des hoiz im feia vabronnt, die lebmswoffn, homs gonz foisch bestellt, in da übalebmsfront
hob bei meina letztn prüfung wieda amoi vasogt, hob die valognen bösoatign gefühle vajogt
da steg is übaschwemmt, des floss is entzwei, des wossa wütet und stüamt, des lebm is zähmt, bin jetzt no net frei, mei lebm hot si auftüamt
da uasprung weit entfeant, die quön is vasiegt, da übagong fliessend leicht, des lebm valeant, in den schlof gewiegt, no imma unausgereift
mei vasuach is kläglich gescheitat föhgschlogn und missglückt, hob die foabmprächtign blumen afoch vüz fruah pflückt.
geschrieben am 01./03./04./05./09. oktober // 01./02./03./04./05./06./07./08./09. dezember 2019.pk. ~ überarbeitet am 12. november 2023,pk.
copyright by philipp kirschner.pk. ~ untermalt mit musik von as i lay dying, baest, bleed from within, despised icon
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen