451. | flucht.
1) .9/10/9/9 / 14
pure rohe quoin foitan mein kopf, wie a hämman von nägln in meim hian, schmeiss meine gedonkn in an topf, entzünd a feia untam foischiam; die rostige nodl vanäht ois mit giftigem zwian
da stuih unta meine fiass kippt um, da knotn im seil hot si donn aufglöst, bin in an extremen stadium, hob ma scho so vü drogn eingflösst; hob eich oi meine schwiarign lebmsphasn entblösst
mei odyssee findt long zu kan end, die wundn san hia nua dekoration, nutz scho jedn günstign moment, füa a lebmsmüde reaktion; kollidia vüz schnö mit meina letztn lebmsstation
hob mei eignes hondln nie bereut, jeda vasuach dient da realität, hob füa jedn schritt anzln bezoiht, iagendwea jogt mi übas schachbrett; so vü dunkle gstoitn treibm mi übas steabebett.
2) .9/10/9/9 / 14
unkontrolliat wuchan meine zön, wie fliessende lava ausm vuikan, stiaz mi unbewusst in die flutwön, zreiss mein letztn übalebmsplan; in mia tobt a äussast aggressiva wüda oakan
schleif die messa füa an schoafn schnitt, a rosigs wossa schwappt scho üban rond, tauch duach atmosphäan auf diesm ritt, schreib mei gebet auf die rode wond; zvü schoafe spitze klippm woxn voa meim lebmsstrond
da pfeil trifft gonz genau die züscheim, hot glei den schwochn hüfeschrei obgwiagt, mecht endlich diese schreckn vatreim, mecht wissn wos si in mia vabiagt; bis jetzt hot ka spezialisiate medizin gwiakt
so vü details hom mi scho vawiat, hob mi in a ondre raumzeit vasetzt, hob mei schicksoi scho längst akzeptiat, iagendwea hot mi übas büd ghetzt; oi die toxischn vaschmiatn foabm hom mi vaätzt.
ch 1a) .6/6/7 (6)/7 (8) / 6/6/5/7
da sond rieslt longsom, da wind trogt eam leis foat, des laub vawökt aufm baum, da regn zu eis eastoat; a flüstande stimme, hot mi vastoihn vafluacht, da biss da spinne, lähmt mi mit panischa fuacht
da tropfn höhlt den stein, die säure frisst ois auf, da schottn suacht noch den stroihn, des gift bleibt im dichtn rauch; so vü is scho zasetzt, ka regeneration, innalich zafetzt, in mia so vü frustration
da mond hot no magie, die stean eazöhn iah gschicht, da komet kennts geheimnis, d‘woahheit vasteckt si im licht; bin wie a ozean, des feia lodand brennt, entzünd an hoizspan, füas neieste testament
unsa wissn begrenzt, wü a goa nix vastehn, hob den sinn stoak obbremst, da kreislauf wiad si weitadrehn; die uah hot weita tickt, die zeiga drahn si duach, hob mi jetzt vastrickt, in diesm lebmsentwuaf.
3) .9/10/9/9 / 14 ....9/9/8/8 / 8/8
pure rohe gwoit quöt jeds oagan, wie a zamoimen zwischn zwa plateaus, streich vü kapitln aus meim roman, es passt goa ka schlüssl meah ins schloss; eabau ma mein uaeignen unvagänglichn kosmos
die maschin mocht iah eigne musik, des gleiche piepsn mocht an scho varuckt, fühl mi wie a chemische fabrik, hob mi on da medizin vaschluckt; hob diese longweilige melodie scho ongespuckt
mei reise is beschwealich und long, die züflagge weht scho om fiamament, in zeitlupe foit donn da voahong, hob füa den aufschub ka argument; hob mi valeimt mit diesm vapfuschtn lebmssegment
bin freiwillig gongen auf meim weg, ka anziga hot mi manipuliat, hob mei eagebnis nie weitadreht, iagendwea hots chaos aktiviat; diese sabotage woa präzise ausbalanciat
wea trogt on ollem die woahre schuid, hob füa diese suche ka geduid, hob no niemondn ongeklogt, tiaf in mia drin hot scho wos gnogt, hob a leichtes ziehn gonz kuaz gspiat, donn woas wieda wie ausradiat.
4) .9/10/9/9 / 14 ....9/9/8/8 / 8/8
in mia heascht a woxtumsexplosion, denn ois spriesst und gedeiht im übamass, die gene hom a föhkonstruktion, diesa hoate ziakus is ka spass; meine oagane san defekt meine knochn aus glas
hob die letztn stufn net meah gschofft, diesa tuam woa vüz hoch und uneareicht, mia föht scho die eigne ontriebskroft, woa füa diesn sprung niemois geeicht; meine ungeniessboan früchte san vüz früh gereift
die kugl hätt ois zum obschluss brocht, do des nochlodn woa no zu vaklemmt, des monsta hot mi nua laut ausglocht, mecht wissn wos hot si von mia trennt; dieses freie entschlofn woa imma scho ungehemmt
jeda sektoa woa zu kompliziat, hob die ondre dimension oneakonnt, des schicksoi hot mi scho attackiat, iagendwea hot des drahtseil ausgsponnt; hob mi nua aufm schwingendn trapez ausgruht und gsonnt
wea is vaontwoatlich füas vagehn, konn mei gelossnheit net zruckdrehn, hob hia no nie a mödung gmocht, tiaf in mia drin gheat wea bestroft, hob des taube gfüh tolariat, hobs danoch gänzlich ignoriat.
b 1) .6/5/6/5 / 6/8/5/8 ....9/10/12/12 / 7
stöts ma kane frogn, konns scho net meah hean, hob eich net betrogn, wü eich net beleahn; es füaht ka tüa ins licht, nua finstanis vaspeat die sicht, nimmt scho übahond, in diesm vaschleiatn lond
kenn kane ontwoatn, hob kane parat, schreib a kane koatn, sprich a ka zitat; da pfad is utopie, vaschwommen is die symmetrie, die echos vahoin, vaengen si scho zua spiroin
hob söbst vüz vü soagn, probleme en masse, wüs sogean heaboagn, einspean hinta glas; die leita is defekt, die sprossn hom an knoieffekt, gibt kan hoitegriff, aufm gesomtn lebmsschiff
hoachts auf dieses schweign, geniessts diese stün, wü net meah umsteign, kane roin meah spün; des boot hot scho a leck, dem ruda föht des floche eck, schnitz ma an dreizack, tauch zu meim vasunkenen wrack
da hohle schein vaföscht die faktn, des schlechte gwissn hot ois übahoit, vaschwundn san die strengvatraulichn aktn, olle wichtign regln wuadn übaroit; des lebm wiad stets vazoit
die täuschungen woan fost scho peafekt, nua des phantom hot si manifestiat, jeda is sei eigna zeichnenda architekt, hot die vün eindrücke soglei reduziat; des lebm wiad stets blockiat.
ch 1b) .6/6/7 (6)/7 (8) / 6/6/5/7
da sond scheuat mi wund, da stuam heult dröhnend laut, des raschln vom laub vastummt, da schnee mocht a gänsehaut; des schrille gebrülle, hots trommlfö zakrotzt, die feine hülle, is in tausend stück zaplotzt
da tropfn is vadompft, die woikn komplett dicht, die silhouettn zastompft, da kontrast bleibt im gleichgwicht; a schwäazn tüamt si auf, a stetiga eaguss, diesa mochtmissbrauch, endet im wüdn genuss
da mond is a magnet, die stean hom a botschoft, dolmetschn wiads da komet, hätt uns scho gean hoat bestroft; bin wie a trockna schwomm, die glut wieda entfocht, übawind diesn domm, zieh wieda in die schlocht
unsan vastond einzwängt, wea des ois nie kapian, hob den sinn stets vadrängt, da zyklus wiad weita rotian; die zeit is relativ, des zahnrad steckt fest, da nogl steckt schief, in meim letztn lebmsnest.
ch 2a) .8/6/8/6 / 8 (9)/6 (5)/6/5
du host mi gfundn aufghobm, und zu dia noch haus brocht, du host mi gepflegt eazogn, und mi stets übawocht; bist die guade heilende fee, die ois von mia feanhält, bist die liebesarmee, on dea ois zaschellt
du host mi beschützt behütet, und mia dei liebe gschenkt, du host mi eanäaht ausbrütet, und aus da feane glenkt; bist a suggestiva dirigent, dea mi kommandiat, dei liebessoatiment, hot mi scho fixiat
du host mi gefoamt vaflochtn, und mi gonz nei zommgsetzt, eastöst von mia a gutochtn, host mi mit dia vanetzt; steuast oi meine synapsn, bin wox in deina hond, unsa liebesjapsn, a seah teura tond
du host mi befreit gereinigt, und innalich entkeant, wia hom uns wieda vaeinigt, uns gegnseitig gwäamt; fühl mi bei dia stets splittanackt, reiss ma d‘kleidung vom leib, host die hoate nuss gknackt, wia san a einheit.
5) .9/10/9/9 / 14 ....9/9/8/8 / 8/8
pura roha hoss is detoniat, wie a einschlog von an asteroid, mei eainnrung wuade dezimiat, hob a kognitives defizit; aufm gedächtnisauswuaf eahoit ma goa kan kredit
steh ongekettet auf diesm gleis, do die weichn homs wieda moi foisch gstöt, do da zug foaht füahralos im kreis, hob mein einsotz voasichtig eahöht; die defoamiatn schienen mochn si söbst zum gespött
mei ausflug kost scho vü eneagie, loss meine reseavn no unberüaht, hoff auf mei aufglodne battarie, hob den draht um mein hois fest vaschnüat; die ealoschnen peaspektivn hom den widastond gschüat
loss ois hinta mia schau net meah zruck, jeda vasuach dient an höharen zweck, sabotia diesn ausgleich vom druck, iagendwea reduziat mi zum fleck; jeda behondlt mi wie den letztn weatlosn dreck
wea hot oi die kontrolln vasäumt, hob mei ausgeglichnheit varäumt, hob no nie an varot zuagem, wü tiaf in mia drin wos aushem, hob die zeichn bereits sondiat, die entschlüsselung net kapiat.
6) .9/10/9/9 / 14 ....9/9/8/8 / 8/8
dieses gewächs is geschmeidig hoat, schleicht duach mei bluad duach mei neavnsystem, mei immunität hot si vaschoat, meim widastond is unongenehm; meine muskln fühln si on wie sondiga weicha lehm
die spritzn is füan goidnen schuss, duach meine venen brennt da heisse soft, loss mi treibm in dem zähn fluss, aus magisch transzendentala mocht; diese kuaze mitteilung is wie a vabronnta docht
da spea hätt mi säubalich duachboaht, hob diesn obsprung völlig übaschätzt, mei innre woog hot si ois easpoat, mecht wissn wos si in mia freisetzt; hob mi om innren schwelend zarissnen konflikt aufgwetzt
jeda baustein hot afoch net passt, des ondre ufa wiad mei neis zuhaus, mei schicksoi hot an grossn kontrast, iagendwea wünscht ma hia kan applaus; pflück nua no vadoate blumen füa an trauandn strauss
wos hot mi hintarucks infiltriat, hob mei disziplin nei grundiat, hob mitleid und eaboamen zeigt, hob mi voa mäßigung vaneigt, hob den stetn vafoi net gsehn, wü endlich des gonze obdrehn.
b 2) .6/5/6/5 / 6/8/5/8 ....9/10/12/12 / 7
heats jetzt auf zu redn, mecht endlich mei ruah, ziag söba die fädn, beweist eian schwua; die fensta schwoaz bemoit, die finstanis is die vüfoit, hot mi übafoin, schäaft scho iahre kräftign kroin
vatrog afoch kan läam, mochts bitte kan kroch, konn mi net meah eaweahn, gegn eire sproch; die spua bleibt unsichtboa, in diesm gläsanen laboa, ois is trüb bedrückt, hob nua die rote koatn zückt
hob so vü gebrechn, ois katastrophal, mecht mi dafüa rächn, wäa wieda noamal; da aufzug steckn bliem, dafüa gibts kane garantien, da oat ziagt si zomm, startets übalebmsprogromm
lauscht dem flüstan vom wind, beruhigt und entsponnt, hobs ma endlich vadient, nix hot mi vaschont; des schiff kentand vasinkt, dem segl föht da uainstinkt, des ruada is moasch, die vakündigung woa zu foasch
da neie onstrich vaföscht die lage, die büagschoft is goa ka garantie, stöt olle bishearign levl in frage, wea übanimmt hia jetzt endgültig die regie; s’lebm geht scho in die knie
die maskerade is net entlarvt, a zoata wahn tröpflt longsom dezent, die gemüta san bittabes und unbedarft, in seim revia jogt da fleischwoif scho peamanent; s‘lebm is net resistent.
d 1) .11/11/8/10 /9 ....14/13/14/9
on den hechstbietendn vakauf i mei sö, damit dieses theata endlich moi schliesst, bin scho längst a auslaufmodö, des hia übahaupt kana meah vamisst; mei feiga mut hot si längst vapisst
vazicht gean auf mei übaflüssige zeit, hob mein onteil scho längst zua gänze vabraucht, hob die eifasucht und den neid, mit oi iahn nebmfoign ausghaucht; hob mi übas finale zarauft
spend mein keapa da foaschung und wissnschoft, loss mi donn füa a poa hundat joah einfrian, hob nua ons oiheilmittl docht, hoffentlich wean sas scho boid isolian; muass mei dosis optimian
hob mi hia freiwillig ois testpeason gmödt, beginnts endlich diesn rasantn wettkompf, mochts jetzt ois wos ea eich beföht, sunst eskaliat wieda moi mei weinkrompf; oabeits jetzt endlich mit dompf
a schmois soiziges rinnsoi mündet in an flochn teich, lieg om strond und träum mi ins bunte facettnreich, die wüafl stapln si zu an wüstn konglomerat, nua ana wiad zu meim opiat.
ch 1c) .6/6/7 (6)/7 (8) / 6/6/5/7
da sond vabrennt mei haut, da zyklon reisst ois mit, des laub hot si scho aufgstaut, die lawin hoit locka schritt; hysterisches gekreische, hot mi scho betäubt, die saure maische, hot mi endlich übazeugt
diesa tropfn zaspringt, im nebl untataucht, des zwielicht glitzat und blinkt, die vablendung hot si tauft; vadiabt zua diktatua, regiat hia obsolut, ziagt on diesa schnua, vateidigt hia seine brut
da mond is a trabant, die stean hom des signal, da komet hot nix geahnt, moch zu spät mei ritual; bin a leas blott papia, die flommen hom scho gleckt, mittn im turnia, hot mi a zung feicht obgschleckt
hom die weisheit valoan, wiad ma niemois bewusst, hob den sinn nie auseakoan, die sequenz is mei valust; die frist a déjà-vü, auf wiedaholung gschoit, imma s‘gleiche spü, in meim tiafn lebmsspoit.
ch 2b) .8/6/8/6 / 8 (9)/6 (5)/6/5
du host mi aufgspüat hamtrogn, und in dei bett reinglegt, du host mi zuadeckt grodbogn, und donn wiedabelebt; bist mei vazaubates wesn, des die kötn obfängt, host die liebesthesn, mit güte vamengt
host mi ongschnoit auf mi aufpasst, mia dei liebe gewäaht, du host mi gfüttat sonft eafasst, und des bese ausgspeat; bist die anzige bezugspeason, die mi stets vasoagt, host unsan liebesthron, no nie wem vaboagt
du host mi vaknüpft vabundn, und gonz nei fabriziat, du host mi umtost entbundn, und mi hypnotisiat; lotst mi duachs eigne labyrinth, bin eis in deina hond, mit unsam liebessprint, heuln ma beim voimond
du host mi eaobat obgspült, und innalich entsteint, hom uns intensiv befühlt, uns gegnseitig beweint; fühl mi bei dia stets geboagn, in an sichren kokon, valeih da an oadn, wia hom stets saison.
ch 3a) .11/9/11/9 / 9 ...14/14/12/10
streichl deine hände und dei heazigs gsicht, hob unsre beziehung no vatieft, geh duach weisse wände und fliag übas mea, hob dafüa leida ka gegnweah; hoff auf a ewige wiedakeah
liebkos die eainnarungen sonft und socht, denk imma nua on di tog und nocht, geh übas wossa reit auf wön gonz allan, brings jetzt schnö hinta uns gonz human; tonzt scho wieda den steabendn schwan
umoam di no a letztes moi innig fest, dein duft dei aura in mi reinpresst, geh auf weichn woikn und träum mi weit foat, hob auf diese chance scho seah long gwoat; untanimm mit dia a liebesfoaht
stoa weit hinaus in a ungewisses kaleidoskop, späh scho tränenübaströmt zu an unscheinboan grob, hob die kausaln zusommenhänge entwiat, in mia hot afoch nix meah reflektiat
schau weit hinein in ungewöhnlich fremde atmosphäan, blick ängstlich zu den oidn moaschn hoffnungslosn fährn, hob den wüdn ungebändigtn fluss geteilt, hob die stromschnön no dezent obgefeilt
betrocht neigiarig den weitläufign hintagrund, stoa in deine nossn augn auf dein siassn rotn mund, dei präsenz umfängt mi mit pura euphorie, üba mia schwebt a quoim aus agonie.
7) .9/10/9/9 / 14 ....9/9/8/8 / 8/8
pure rohe rachsucht ungezähmt, wie a bestialische kreatua, so vü büda unschoaf grau gedehnt, die rända hom a rote struktua; da gefrässige moloch mocht a onstrengende kua
ziag den stecka druck den ausschoitknopf, da scheiss alarm is schnölla ois eahofft, schleif mi ausm sumpf om eignen schopf, hobs wieda um hoaresbreite gschofft; entkomm diesa lebmslongen vaschäaftn einzlhoft
mei letzte tour woa zu exzessiv, knopp übaschrittn hob i scho den grat, varot eich scho boid mei leitmotiv, vüz schnö aufgongen is diese saat; a desaströses armageddon woa des resultat
loss die vagongenheit si ausruhn, niemond eakennt a musta in meim lem, behoit rätsl in vaplombtn truhn, iagendwea foamt mi aus schweam lehm; mei abstraktes mandala wiakt ois totem souverän
wos hot mi unmeaklich eingekreist, hob jede vaändarung eingspeist, hob an klugn mittlweg gsuacht, bin zwischn barrikadn gschluaft, hobs symbol foisch intapretiat, hobs no mit schnöakelein vaziat.
8) .9/10/9/9 / 14 ....9/9/8/8 / 8/8
diese defoamation is vakeaht, do im spiegl hot si ois wiedahoit, hot si hamlich hintarucks vameaht, bleibt im keapa übaroi vastreut; hob ma söba vanünftige zaubafoamln einbläut
hob hia des echo net induziat, vaschonts mi do voa eira hysterie, hob meine innarein demaskiat, zu gross woa scho die anomalie; foi zruck in a manisch depressive monotonie
east auf da klippe wieda eawocht, hob mi füan frein foi auseawählt, hob den grund mit meim schrei untajocht, mecht wissn wos hot si in mia pfählt; hob mi umständlich aus an hoatn kean herausgeschält
des mosaik findt nie zu an end, die parabl wuade foisch konzipiat, des schicksoi is a valoans fragment, iagendwea hot mein heazschlog blockiat; hob olle allegorien ois lügn personifiziat
wos hot mi pletzlich einbetoniat, hob mi in diesm stüstond zentriat, hob ma nuas gute herauspickt, hob mei zoanige wut foatgschickt, hob beim obstieg füachtalich gschnauft, fühl mi ois gonzes ausvakauft.
9) .9/10/9/9 / 14 ....9/9/8/8 / 8/8
hob vaschäafte sanktionen vahängt, des embargo hot ewge gültigkeit, hob mi im martyrium eatränkt, hob mei innres yin und yang entzweit; hob den treffa vasenkt mit äussesta genauigkeit
die schoittofl is scho ramponiat, hot si scho längst mit an virus ongsteckt, die resistenz wuade ausquartiat, hot si scho dem licht entgegngstreckt; vafeinat diesn vaheerendn dominoeffekt
den schwebezuastond net übabrückt, die translation is no im voin gong, hob mi no mit foischn fedan gschmückt, reagia mit neurotischem zwong; lausch dem melancholischn symphonischn woihgesong
hob eigne hieroglyphn vafasst, hobs im togebuach fein akribisch gmoit, hobs zogne los glei wieda vaprasst, iagendwea hot si‘n knotn umgschnoit; da rhythmus hot des mongelnde taktgefühl übaroit
wos hot mi so explizit bedrängt, hob diesn horror von mia obgsprengt, hob die lebmshüfe stoaniat, glei olle massnahmen skalpiat, woa da fäulnis direkt ausgsetzt, die obweah is scho stoak zafetzt.
b 3) .6/5/6/5 / 6/8/5/8 ....9/10/12/12 / 7
eazöhts kane lügn, hob eich nie vatraut, mecht nix hinzufügn, es gibt ka heilkraut; die maua is eingstüazt, die finstanis hot mi schoaf gwüazt, is no net vaebbt, dafüa gibts ka gültigs rezept
brauch hia kane mäachn, lächaliches end, loss mi net einpfeachn, in jeds element; da gong is eng und schmoi, vabind mi mit an eiskristoi, ausm mineral, extrahia i des transzendental
hob panikattackn, fühl mi hia bedroht, muass jetzt ois zahackn, bin ka patriot; da baum wuade gefällt, sogoa die wuazln homs entstellt, die rodung enoam, kontaminiat die lebmsfoam
elastische flügl, trogn gean mei gwicht, laua aufm hügl, schreib mei zeichnschrift; die gondl wiad eingsaugt, da bodn mit asche vastaubt, des wossa entfleucht, dreck und müll hom si scho onghäuft
da gleissende glonz vaföscht die sicht, gib mei heiliges eahnwoat ois pfond, so vü ungereimtheitn rutschn ins dickicht, da text is a schmola streifn im niemondslond; des lebm valiat sei front
die illusion is no net zrissn, da dämon zünglt nochm opfalomm, die saitn des instruments san stumpf zaschlissn, des zweischneidige schweat is no jungfräulich fromm, des lebm is wie a schwomm.
d 2) .11/11/8/10 /9 ....14/13/14/9
on den tiafstgfollenen vaschenk i mei sö, damit des weatvoiste weita übalebt, foah scho long mit kan karussö, mei ongst is dem gsichatn sitz zuagstrebt; mei sichaheitsguat mit mia vaklebt
enthalt mi da no net vaschwendetn zeit, diesa letzte rest hot si net meah rentiat, brauch ka bedauan ka mitleid, hob die nebmwiakungen zelebriat; hob die vün symptome ignoariat
vamoch mein keapa füa vasuche jeda oat, schneids mi ausanond flicks mi wieda zua, schreibts mi gsund in da gegnwoat, des steabm liegt nun moi in da natua; steh hia gonz alla auf weita flua
hob mi freiwillig da vaontwoatung gstöt, startets do endlich diesn eastn ongriff, die innre stimm hot mi ausgwöht, füa diese schlocht um des weinende riff; bekomm boid mein ollaletztn schliff
a klana soiziga boch mündet in an flochn teich, schlof om strond und träum mi ins bunte facettnreich, die tablettn zeign ma a glungne komposition, nua ane wiad zu meina lektion.
e) .7/7/7/7 / 12 (11)/10 (11)
duachfoast meine molarein, kafkaesk bis surreal, lösch olle meine datein, analog und digital; olle gehianwindungen wuadn lahmgelegt, olle speichaplätze woan leagefegt
duachschwimm meine phantasien, visionen aus an oiptraum, ka plotz füa philosophien, zu beengt is diesa raum; des vakuum is imma weita ongschwoin, da vastond is duachlöchat von tiafn stoin
lies sogoa zwischn den zeiln, im mysteriösn buach, mecht die buchstobm vateiln, hob do nua no an vasuach; gib auf jeds weisse blott a blanko untaschrift, korrigia mei lebm mit an rotstift
duachdring die neblschwadn, mittn in an horrortrip, moch kane eskapadn, is a drastisches prinzip; die beklemmung oigegnwäatig intim, transfoamian si in mäandande phobien
duachwühl meine ouveatüan, sinfonien mit hoatem klong, foig sieggekrönt den walküan, wieda weit zruck zum onfong; bin jetzt om obsolutn nuipunkt onglongt, früha hot hia a lebmssymboi geprongt
dekodia den intavall, in diesm notnsalat, eareich endlich des poatal, zu meim letztn reseavat; hob jetzt endlich dieses kapitl obgehakt, längst obgschlossn is diesa düstre pakt.
ch 1d) .6/6/7 (6)/7 (8) / 6/6/5/7
da sond brodlt und kocht, da taifun lechzt und giat, des laub vaschmüzt mitm docht, da gletscha kapituliat; des muamln hots vatuscht, hot wie a schlong gezischt, hots lebm vapfuscht, is wie a tosende gischt
da tropfn is vaglüht, bei heisskoit gibts an sprung, des moagngraun is eablüht, die diffarenz hoit vü schwung; glei ins schwoaze troffn, mit äussasta soagfoit, heaz oi die woffn, vaweiga den untahoit
da mond mit uns vawondt, die stean hom den beweis, da komet wuade entsondt, sei flug seah hoch beim vaschleiss; wedlt no mitm schweif, des omen güt als bös, is scho übareif, des end is net seriös
den intellekt varäumt, hobs bis jetzt net eafosst, da sinn hot si hoch aufbäumt, da umlauf is ma vahosst; da teamin konsequent, von hia gibts ka zurück, kreiat des event, gonz ohne an lebmsglück.
ch 2c) .8/6/8/6 / 8 (9)/6 (5)/6/5
host mi aufgstöbat mitgschleppt, und togein togaus vasoagt, host mi untarichtet zommklebt, an teu von dia heaboagt; bist a ätherisches geschöpf, des ois bestens kaschiat, host die vün knöpf, bedient und kalibriat
host mi gsichat und gestäakt, in mia die liebe bewoaht, du host mi gstüt und bemeakt, dei ekstase in mia rumoat; bist mei idol mei leitfigua, die mia stets imponiat, mit deina prozedua, is ois kollabiat
host mi vaeinfocht nei gstrichn, und nei synchronisiat, du host mi geknackt ausglichn, und füa di adaptiat; schleust mi duachs weite minenföd, bin luft in deina hond, unsa liebesentgöt, is scho längst vaplant
du host mi entlostet entstaubt, und innalich umpoit, wia zwa san mitanond vaschraubt, uns gegnseitig einghoit; fühl mi bei dia stets keangesund, woa bis jetzt niemois kronk, san do a zweiabund, auf da liebesbonk.
streichl deine wongen und dei zoate hond, hob unsre zweisomkeit oneakonnt, geh duach jeds metoi und fliag rauf bis zum mond, berüah den bewusstseinshorizont, hoff auf a ewige lebmsfront
liebkos mei vagongenheit behutsom mild, du bist mei onka mei sein mei schild, geh auf da luft übas toi schweb auf da stö, moch diesn schritt ins nägste milieu, häng mi ond nägste stoake windbö
umoam di no a letztes moi seah geschwächt, dei eascheinung a helles geflecht, geh üban regnbogn zua endstation, san doat wieda mitanond synchron, hoach auf jedn anzlnen liebeston
stoa weit hinaus in a nebulöse kakophonie, späh vazweiflt schüchtan zua unscheinboan galaxie, hob olle frogn noch warum weshoib negiat, in mia is längst ois komplett ruiniat
schau weit hinein in deine individualität, blick scho lebmsmiad auf die kräftige vitalität, hobs wüde eadbebm wieda zum stüstond brocht, dreh die lochende sunn von tog auf nocht
betrocht misstrauisch den winzig grell blendendn punkt, stoa in deine gschlossnen augn auf dein siassn rotn mund, dei charismatisches flair hot ois übastroiht, des pendl üba mia is fest vatäut.
ch 4a) .7/6/7/11 / 11/10
vazeihts die vün föhla, hobs net mit obsicht gmocht, bin ka guada doastölla, valoss eich in friedlich söliga eintrocht; übaschütt eich mit voikommna harmonie, spia weda die physik no die chemie
vazeihts die vün sündn, woa von mia ka voasotz, wü mi mit eich vabündn, auf diesm heilig mystischn eahnplotz; hobts eich hia vasommlt zua feialichkeit, beobocht eich mit liebenswüadigkeit
vazeihts die vün mackn, kumm net aus meina haut, konns net bessa vapackn, gewitta hom si oft üba mia zommbraut; blitz und donna san stets brüdalich vaeint, iah stakkato is wieda nei aufkeimt
vazeihts die vün mängl, bin leida net peafekt, mutia niemois zum engl, hob mi bei meine föhtritt no nie vasteckt; steh zu meina extravagantn zuagob, behoit no mein antikn wondastob
vazeihts die vün potza, konn wiaklich nix dafüa, hob zvü wundn und krotza, nua heit is da tog da geöffnetn tüa; kummts rein schauts eich um es bleibt ois so wies is, lests mei existenziale genesis
vazeihts die vün schnitza, des uateil is gerecht, bin von mia da besitza, ziag hia jetzt gonz alla ins letzte gefecht; mei onstrengende reise is schnö voabei, fühl mi danoch wieda voikommen frei
vazeihts die vün schwächn, hob wiaklich ois vasucht, gib eich jetzt a vasprechn, bin jetzt voam lebm net meah auf da flucht; olle emotionen san friedlich obgflaut, hob ma a neie dimension aufbaut.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 02./03./04./05. dezember 2018.pk. - copyright by philipp kirschner.pk. ~ überarbeitet am 24./25./30. juni // 02./07./09./15./21./22./23./28./29. juli 2023.pk.
untermalt mit musik von inanimate existance, krisiun, monstrosity, swallow the sun; acranius, ciconia, crown magnetar, deadwood, the anchoret, lampr3a, signs of the swarm, tegmentum.
******************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
pure rohe quoin foitan mein kopf, wie a hämman von nägln in meim hian, schmeiss meine gedonkn in an topf, entzünd a feia untam foischiam; die rostige nodl vanäht ois mit giftigem zwian
da stuih unta meine fiass kippt um, da knotn im seil hot si donn aufglöst, bin in an extremen stadium, hob ma scho so vü drogn eingflösst; hob eich oi meine schwiarign lebmsphasn entblösst
mei odyssee findt long zu kan end, die wundn san hia nua dekoration, nutz scho jedn günstign moment, füa a lebmsmüde reaktion; kollidia vüz schnö mit meina letztn lebmsstation
hob mei eignes hondln nie bereut, jeda vasuach dient da realität, hob füa jedn schritt anzln bezoiht, iagendwea jogt mi übas schachbrett; so vü dunkle gstoitn treibm mi übas steabebett.
2) .9/10/9/9 / 14
unkontrolliat wuchan meine zön, wie fliessende lava ausm vuikan, stiaz mi unbewusst in die flutwön, zreiss mein letztn übalebmsplan; in mia tobt a äussast aggressiva wüda oakan
schleif die messa füa an schoafn schnitt, a rosigs wossa schwappt scho üban rond, tauch duach atmosphäan auf diesm ritt, schreib mei gebet auf die rode wond; zvü schoafe spitze klippm woxn voa meim lebmsstrond
da pfeil trifft gonz genau die züscheim, hot glei den schwochn hüfeschrei obgwiagt, mecht endlich diese schreckn vatreim, mecht wissn wos si in mia vabiagt; bis jetzt hot ka spezialisiate medizin gwiakt
so vü details hom mi scho vawiat, hob mi in a ondre raumzeit vasetzt, hob mei schicksoi scho längst akzeptiat, iagendwea hot mi übas büd ghetzt; oi die toxischn vaschmiatn foabm hom mi vaätzt.
ch 1a) .6/6/7 (6)/7 (8) / 6/6/5/7
da sond rieslt longsom, da wind trogt eam leis foat, des laub vawökt aufm baum, da regn zu eis eastoat; a flüstande stimme, hot mi vastoihn vafluacht, da biss da spinne, lähmt mi mit panischa fuacht
da tropfn höhlt den stein, die säure frisst ois auf, da schottn suacht noch den stroihn, des gift bleibt im dichtn rauch; so vü is scho zasetzt, ka regeneration, innalich zafetzt, in mia so vü frustration
da mond hot no magie, die stean eazöhn iah gschicht, da komet kennts geheimnis, d‘woahheit vasteckt si im licht; bin wie a ozean, des feia lodand brennt, entzünd an hoizspan, füas neieste testament
unsa wissn begrenzt, wü a goa nix vastehn, hob den sinn stoak obbremst, da kreislauf wiad si weitadrehn; die uah hot weita tickt, die zeiga drahn si duach, hob mi jetzt vastrickt, in diesm lebmsentwuaf.
3) .9/10/9/9 / 14 ....9/9/8/8 / 8/8
pure rohe gwoit quöt jeds oagan, wie a zamoimen zwischn zwa plateaus, streich vü kapitln aus meim roman, es passt goa ka schlüssl meah ins schloss; eabau ma mein uaeignen unvagänglichn kosmos
die maschin mocht iah eigne musik, des gleiche piepsn mocht an scho varuckt, fühl mi wie a chemische fabrik, hob mi on da medizin vaschluckt; hob diese longweilige melodie scho ongespuckt
mei reise is beschwealich und long, die züflagge weht scho om fiamament, in zeitlupe foit donn da voahong, hob füa den aufschub ka argument; hob mi valeimt mit diesm vapfuschtn lebmssegment
bin freiwillig gongen auf meim weg, ka anziga hot mi manipuliat, hob mei eagebnis nie weitadreht, iagendwea hots chaos aktiviat; diese sabotage woa präzise ausbalanciat
wea trogt on ollem die woahre schuid, hob füa diese suche ka geduid, hob no niemondn ongeklogt, tiaf in mia drin hot scho wos gnogt, hob a leichtes ziehn gonz kuaz gspiat, donn woas wieda wie ausradiat.
4) .9/10/9/9 / 14 ....9/9/8/8 / 8/8
in mia heascht a woxtumsexplosion, denn ois spriesst und gedeiht im übamass, die gene hom a föhkonstruktion, diesa hoate ziakus is ka spass; meine oagane san defekt meine knochn aus glas
hob die letztn stufn net meah gschofft, diesa tuam woa vüz hoch und uneareicht, mia föht scho die eigne ontriebskroft, woa füa diesn sprung niemois geeicht; meine ungeniessboan früchte san vüz früh gereift
die kugl hätt ois zum obschluss brocht, do des nochlodn woa no zu vaklemmt, des monsta hot mi nua laut ausglocht, mecht wissn wos hot si von mia trennt; dieses freie entschlofn woa imma scho ungehemmt
jeda sektoa woa zu kompliziat, hob die ondre dimension oneakonnt, des schicksoi hot mi scho attackiat, iagendwea hot des drahtseil ausgsponnt; hob mi nua aufm schwingendn trapez ausgruht und gsonnt
wea is vaontwoatlich füas vagehn, konn mei gelossnheit net zruckdrehn, hob hia no nie a mödung gmocht, tiaf in mia drin gheat wea bestroft, hob des taube gfüh tolariat, hobs danoch gänzlich ignoriat.
b 1) .6/5/6/5 / 6/8/5/8 ....9/10/12/12 / 7
stöts ma kane frogn, konns scho net meah hean, hob eich net betrogn, wü eich net beleahn; es füaht ka tüa ins licht, nua finstanis vaspeat die sicht, nimmt scho übahond, in diesm vaschleiatn lond
kenn kane ontwoatn, hob kane parat, schreib a kane koatn, sprich a ka zitat; da pfad is utopie, vaschwommen is die symmetrie, die echos vahoin, vaengen si scho zua spiroin
hob söbst vüz vü soagn, probleme en masse, wüs sogean heaboagn, einspean hinta glas; die leita is defekt, die sprossn hom an knoieffekt, gibt kan hoitegriff, aufm gesomtn lebmsschiff
hoachts auf dieses schweign, geniessts diese stün, wü net meah umsteign, kane roin meah spün; des boot hot scho a leck, dem ruda föht des floche eck, schnitz ma an dreizack, tauch zu meim vasunkenen wrack
da hohle schein vaföscht die faktn, des schlechte gwissn hot ois übahoit, vaschwundn san die strengvatraulichn aktn, olle wichtign regln wuadn übaroit; des lebm wiad stets vazoit
die täuschungen woan fost scho peafekt, nua des phantom hot si manifestiat, jeda is sei eigna zeichnenda architekt, hot die vün eindrücke soglei reduziat; des lebm wiad stets blockiat.
ch 1b) .6/6/7 (6)/7 (8) / 6/6/5/7
da sond scheuat mi wund, da stuam heult dröhnend laut, des raschln vom laub vastummt, da schnee mocht a gänsehaut; des schrille gebrülle, hots trommlfö zakrotzt, die feine hülle, is in tausend stück zaplotzt
da tropfn is vadompft, die woikn komplett dicht, die silhouettn zastompft, da kontrast bleibt im gleichgwicht; a schwäazn tüamt si auf, a stetiga eaguss, diesa mochtmissbrauch, endet im wüdn genuss
da mond is a magnet, die stean hom a botschoft, dolmetschn wiads da komet, hätt uns scho gean hoat bestroft; bin wie a trockna schwomm, die glut wieda entfocht, übawind diesn domm, zieh wieda in die schlocht
unsan vastond einzwängt, wea des ois nie kapian, hob den sinn stets vadrängt, da zyklus wiad weita rotian; die zeit is relativ, des zahnrad steckt fest, da nogl steckt schief, in meim letztn lebmsnest.
ch 2a) .8/6/8/6 / 8 (9)/6 (5)/6/5
du host mi gfundn aufghobm, und zu dia noch haus brocht, du host mi gepflegt eazogn, und mi stets übawocht; bist die guade heilende fee, die ois von mia feanhält, bist die liebesarmee, on dea ois zaschellt
du host mi beschützt behütet, und mia dei liebe gschenkt, du host mi eanäaht ausbrütet, und aus da feane glenkt; bist a suggestiva dirigent, dea mi kommandiat, dei liebessoatiment, hot mi scho fixiat
du host mi gefoamt vaflochtn, und mi gonz nei zommgsetzt, eastöst von mia a gutochtn, host mi mit dia vanetzt; steuast oi meine synapsn, bin wox in deina hond, unsa liebesjapsn, a seah teura tond
du host mi befreit gereinigt, und innalich entkeant, wia hom uns wieda vaeinigt, uns gegnseitig gwäamt; fühl mi bei dia stets splittanackt, reiss ma d‘kleidung vom leib, host die hoate nuss gknackt, wia san a einheit.
5) .9/10/9/9 / 14 ....9/9/8/8 / 8/8
pura roha hoss is detoniat, wie a einschlog von an asteroid, mei eainnrung wuade dezimiat, hob a kognitives defizit; aufm gedächtnisauswuaf eahoit ma goa kan kredit
steh ongekettet auf diesm gleis, do die weichn homs wieda moi foisch gstöt, do da zug foaht füahralos im kreis, hob mein einsotz voasichtig eahöht; die defoamiatn schienen mochn si söbst zum gespött
mei ausflug kost scho vü eneagie, loss meine reseavn no unberüaht, hoff auf mei aufglodne battarie, hob den draht um mein hois fest vaschnüat; die ealoschnen peaspektivn hom den widastond gschüat
loss ois hinta mia schau net meah zruck, jeda vasuach dient an höharen zweck, sabotia diesn ausgleich vom druck, iagendwea reduziat mi zum fleck; jeda behondlt mi wie den letztn weatlosn dreck
wea hot oi die kontrolln vasäumt, hob mei ausgeglichnheit varäumt, hob no nie an varot zuagem, wü tiaf in mia drin wos aushem, hob die zeichn bereits sondiat, die entschlüsselung net kapiat.
6) .9/10/9/9 / 14 ....9/9/8/8 / 8/8
dieses gewächs is geschmeidig hoat, schleicht duach mei bluad duach mei neavnsystem, mei immunität hot si vaschoat, meim widastond is unongenehm; meine muskln fühln si on wie sondiga weicha lehm
die spritzn is füan goidnen schuss, duach meine venen brennt da heisse soft, loss mi treibm in dem zähn fluss, aus magisch transzendentala mocht; diese kuaze mitteilung is wie a vabronnta docht
da spea hätt mi säubalich duachboaht, hob diesn obsprung völlig übaschätzt, mei innre woog hot si ois easpoat, mecht wissn wos si in mia freisetzt; hob mi om innren schwelend zarissnen konflikt aufgwetzt
jeda baustein hot afoch net passt, des ondre ufa wiad mei neis zuhaus, mei schicksoi hot an grossn kontrast, iagendwea wünscht ma hia kan applaus; pflück nua no vadoate blumen füa an trauandn strauss
wos hot mi hintarucks infiltriat, hob mei disziplin nei grundiat, hob mitleid und eaboamen zeigt, hob mi voa mäßigung vaneigt, hob den stetn vafoi net gsehn, wü endlich des gonze obdrehn.
b 2) .6/5/6/5 / 6/8/5/8 ....9/10/12/12 / 7
heats jetzt auf zu redn, mecht endlich mei ruah, ziag söba die fädn, beweist eian schwua; die fensta schwoaz bemoit, die finstanis is die vüfoit, hot mi übafoin, schäaft scho iahre kräftign kroin
vatrog afoch kan läam, mochts bitte kan kroch, konn mi net meah eaweahn, gegn eire sproch; die spua bleibt unsichtboa, in diesm gläsanen laboa, ois is trüb bedrückt, hob nua die rote koatn zückt
hob so vü gebrechn, ois katastrophal, mecht mi dafüa rächn, wäa wieda noamal; da aufzug steckn bliem, dafüa gibts kane garantien, da oat ziagt si zomm, startets übalebmsprogromm
lauscht dem flüstan vom wind, beruhigt und entsponnt, hobs ma endlich vadient, nix hot mi vaschont; des schiff kentand vasinkt, dem segl föht da uainstinkt, des ruada is moasch, die vakündigung woa zu foasch
da neie onstrich vaföscht die lage, die büagschoft is goa ka garantie, stöt olle bishearign levl in frage, wea übanimmt hia jetzt endgültig die regie; s’lebm geht scho in die knie
die maskerade is net entlarvt, a zoata wahn tröpflt longsom dezent, die gemüta san bittabes und unbedarft, in seim revia jogt da fleischwoif scho peamanent; s‘lebm is net resistent.
d 1) .11/11/8/10 /9 ....14/13/14/9
on den hechstbietendn vakauf i mei sö, damit dieses theata endlich moi schliesst, bin scho längst a auslaufmodö, des hia übahaupt kana meah vamisst; mei feiga mut hot si längst vapisst
vazicht gean auf mei übaflüssige zeit, hob mein onteil scho längst zua gänze vabraucht, hob die eifasucht und den neid, mit oi iahn nebmfoign ausghaucht; hob mi übas finale zarauft
spend mein keapa da foaschung und wissnschoft, loss mi donn füa a poa hundat joah einfrian, hob nua ons oiheilmittl docht, hoffentlich wean sas scho boid isolian; muass mei dosis optimian
hob mi hia freiwillig ois testpeason gmödt, beginnts endlich diesn rasantn wettkompf, mochts jetzt ois wos ea eich beföht, sunst eskaliat wieda moi mei weinkrompf; oabeits jetzt endlich mit dompf
a schmois soiziges rinnsoi mündet in an flochn teich, lieg om strond und träum mi ins bunte facettnreich, die wüafl stapln si zu an wüstn konglomerat, nua ana wiad zu meim opiat.
ch 1c) .6/6/7 (6)/7 (8) / 6/6/5/7
da sond vabrennt mei haut, da zyklon reisst ois mit, des laub hot si scho aufgstaut, die lawin hoit locka schritt; hysterisches gekreische, hot mi scho betäubt, die saure maische, hot mi endlich übazeugt
diesa tropfn zaspringt, im nebl untataucht, des zwielicht glitzat und blinkt, die vablendung hot si tauft; vadiabt zua diktatua, regiat hia obsolut, ziagt on diesa schnua, vateidigt hia seine brut
da mond is a trabant, die stean hom des signal, da komet hot nix geahnt, moch zu spät mei ritual; bin a leas blott papia, die flommen hom scho gleckt, mittn im turnia, hot mi a zung feicht obgschleckt
hom die weisheit valoan, wiad ma niemois bewusst, hob den sinn nie auseakoan, die sequenz is mei valust; die frist a déjà-vü, auf wiedaholung gschoit, imma s‘gleiche spü, in meim tiafn lebmsspoit.
du host mi aufgspüat hamtrogn, und in dei bett reinglegt, du host mi zuadeckt grodbogn, und donn wiedabelebt; bist mei vazaubates wesn, des die kötn obfängt, host die liebesthesn, mit güte vamengt
host mi ongschnoit auf mi aufpasst, mia dei liebe gewäaht, du host mi gfüttat sonft eafasst, und des bese ausgspeat; bist die anzige bezugspeason, die mi stets vasoagt, host unsan liebesthron, no nie wem vaboagt
du host mi vaknüpft vabundn, und gonz nei fabriziat, du host mi umtost entbundn, und mi hypnotisiat; lotst mi duachs eigne labyrinth, bin eis in deina hond, mit unsam liebessprint, heuln ma beim voimond
du host mi eaobat obgspült, und innalich entsteint, hom uns intensiv befühlt, uns gegnseitig beweint; fühl mi bei dia stets geboagn, in an sichren kokon, valeih da an oadn, wia hom stets saison.
ch 3a) .11/9/11/9 / 9 ...14/14/12/10
streichl deine hände und dei heazigs gsicht, hob unsre beziehung no vatieft, geh duach weisse wände und fliag übas mea, hob dafüa leida ka gegnweah; hoff auf a ewige wiedakeah
liebkos die eainnarungen sonft und socht, denk imma nua on di tog und nocht, geh übas wossa reit auf wön gonz allan, brings jetzt schnö hinta uns gonz human; tonzt scho wieda den steabendn schwan
umoam di no a letztes moi innig fest, dein duft dei aura in mi reinpresst, geh auf weichn woikn und träum mi weit foat, hob auf diese chance scho seah long gwoat; untanimm mit dia a liebesfoaht
stoa weit hinaus in a ungewisses kaleidoskop, späh scho tränenübaströmt zu an unscheinboan grob, hob die kausaln zusommenhänge entwiat, in mia hot afoch nix meah reflektiat
schau weit hinein in ungewöhnlich fremde atmosphäan, blick ängstlich zu den oidn moaschn hoffnungslosn fährn, hob den wüdn ungebändigtn fluss geteilt, hob die stromschnön no dezent obgefeilt
betrocht neigiarig den weitläufign hintagrund, stoa in deine nossn augn auf dein siassn rotn mund, dei präsenz umfängt mi mit pura euphorie, üba mia schwebt a quoim aus agonie.
7) .9/10/9/9 / 14 ....9/9/8/8 / 8/8
pure rohe rachsucht ungezähmt, wie a bestialische kreatua, so vü büda unschoaf grau gedehnt, die rända hom a rote struktua; da gefrässige moloch mocht a onstrengende kua
ziag den stecka druck den ausschoitknopf, da scheiss alarm is schnölla ois eahofft, schleif mi ausm sumpf om eignen schopf, hobs wieda um hoaresbreite gschofft; entkomm diesa lebmslongen vaschäaftn einzlhoft
mei letzte tour woa zu exzessiv, knopp übaschrittn hob i scho den grat, varot eich scho boid mei leitmotiv, vüz schnö aufgongen is diese saat; a desaströses armageddon woa des resultat
loss die vagongenheit si ausruhn, niemond eakennt a musta in meim lem, behoit rätsl in vaplombtn truhn, iagendwea foamt mi aus schweam lehm; mei abstraktes mandala wiakt ois totem souverän
wos hot mi unmeaklich eingekreist, hob jede vaändarung eingspeist, hob an klugn mittlweg gsuacht, bin zwischn barrikadn gschluaft, hobs symbol foisch intapretiat, hobs no mit schnöakelein vaziat.
8) .9/10/9/9 / 14 ....9/9/8/8 / 8/8
diese defoamation is vakeaht, do im spiegl hot si ois wiedahoit, hot si hamlich hintarucks vameaht, bleibt im keapa übaroi vastreut; hob ma söba vanünftige zaubafoamln einbläut
hob hia des echo net induziat, vaschonts mi do voa eira hysterie, hob meine innarein demaskiat, zu gross woa scho die anomalie; foi zruck in a manisch depressive monotonie
east auf da klippe wieda eawocht, hob mi füan frein foi auseawählt, hob den grund mit meim schrei untajocht, mecht wissn wos hot si in mia pfählt; hob mi umständlich aus an hoatn kean herausgeschält
des mosaik findt nie zu an end, die parabl wuade foisch konzipiat, des schicksoi is a valoans fragment, iagendwea hot mein heazschlog blockiat; hob olle allegorien ois lügn personifiziat
wos hot mi pletzlich einbetoniat, hob mi in diesm stüstond zentriat, hob ma nuas gute herauspickt, hob mei zoanige wut foatgschickt, hob beim obstieg füachtalich gschnauft, fühl mi ois gonzes ausvakauft.
9) .9/10/9/9 / 14 ....9/9/8/8 / 8/8
hob vaschäafte sanktionen vahängt, des embargo hot ewge gültigkeit, hob mi im martyrium eatränkt, hob mei innres yin und yang entzweit; hob den treffa vasenkt mit äussesta genauigkeit
die schoittofl is scho ramponiat, hot si scho längst mit an virus ongsteckt, die resistenz wuade ausquartiat, hot si scho dem licht entgegngstreckt; vafeinat diesn vaheerendn dominoeffekt
den schwebezuastond net übabrückt, die translation is no im voin gong, hob mi no mit foischn fedan gschmückt, reagia mit neurotischem zwong; lausch dem melancholischn symphonischn woihgesong
hob eigne hieroglyphn vafasst, hobs im togebuach fein akribisch gmoit, hobs zogne los glei wieda vaprasst, iagendwea hot si‘n knotn umgschnoit; da rhythmus hot des mongelnde taktgefühl übaroit
wos hot mi so explizit bedrängt, hob diesn horror von mia obgsprengt, hob die lebmshüfe stoaniat, glei olle massnahmen skalpiat, woa da fäulnis direkt ausgsetzt, die obweah is scho stoak zafetzt.
b 3) .6/5/6/5 / 6/8/5/8 ....9/10/12/12 / 7
eazöhts kane lügn, hob eich nie vatraut, mecht nix hinzufügn, es gibt ka heilkraut; die maua is eingstüazt, die finstanis hot mi schoaf gwüazt, is no net vaebbt, dafüa gibts ka gültigs rezept
brauch hia kane mäachn, lächaliches end, loss mi net einpfeachn, in jeds element; da gong is eng und schmoi, vabind mi mit an eiskristoi, ausm mineral, extrahia i des transzendental
hob panikattackn, fühl mi hia bedroht, muass jetzt ois zahackn, bin ka patriot; da baum wuade gefällt, sogoa die wuazln homs entstellt, die rodung enoam, kontaminiat die lebmsfoam
elastische flügl, trogn gean mei gwicht, laua aufm hügl, schreib mei zeichnschrift; die gondl wiad eingsaugt, da bodn mit asche vastaubt, des wossa entfleucht, dreck und müll hom si scho onghäuft
da gleissende glonz vaföscht die sicht, gib mei heiliges eahnwoat ois pfond, so vü ungereimtheitn rutschn ins dickicht, da text is a schmola streifn im niemondslond; des lebm valiat sei front
die illusion is no net zrissn, da dämon zünglt nochm opfalomm, die saitn des instruments san stumpf zaschlissn, des zweischneidige schweat is no jungfräulich fromm, des lebm is wie a schwomm.
d 2) .11/11/8/10 /9 ....14/13/14/9
on den tiafstgfollenen vaschenk i mei sö, damit des weatvoiste weita übalebt, foah scho long mit kan karussö, mei ongst is dem gsichatn sitz zuagstrebt; mei sichaheitsguat mit mia vaklebt
enthalt mi da no net vaschwendetn zeit, diesa letzte rest hot si net meah rentiat, brauch ka bedauan ka mitleid, hob die nebmwiakungen zelebriat; hob die vün symptome ignoariat
vamoch mein keapa füa vasuche jeda oat, schneids mi ausanond flicks mi wieda zua, schreibts mi gsund in da gegnwoat, des steabm liegt nun moi in da natua; steh hia gonz alla auf weita flua
hob mi freiwillig da vaontwoatung gstöt, startets do endlich diesn eastn ongriff, die innre stimm hot mi ausgwöht, füa diese schlocht um des weinende riff; bekomm boid mein ollaletztn schliff
a klana soiziga boch mündet in an flochn teich, schlof om strond und träum mi ins bunte facettnreich, die tablettn zeign ma a glungne komposition, nua ane wiad zu meina lektion.
e) .7/7/7/7 / 12 (11)/10 (11)
duachfoast meine molarein, kafkaesk bis surreal, lösch olle meine datein, analog und digital; olle gehianwindungen wuadn lahmgelegt, olle speichaplätze woan leagefegt
duachschwimm meine phantasien, visionen aus an oiptraum, ka plotz füa philosophien, zu beengt is diesa raum; des vakuum is imma weita ongschwoin, da vastond is duachlöchat von tiafn stoin
lies sogoa zwischn den zeiln, im mysteriösn buach, mecht die buchstobm vateiln, hob do nua no an vasuach; gib auf jeds weisse blott a blanko untaschrift, korrigia mei lebm mit an rotstift
duachdring die neblschwadn, mittn in an horrortrip, moch kane eskapadn, is a drastisches prinzip; die beklemmung oigegnwäatig intim, transfoamian si in mäandande phobien
duachwühl meine ouveatüan, sinfonien mit hoatem klong, foig sieggekrönt den walküan, wieda weit zruck zum onfong; bin jetzt om obsolutn nuipunkt onglongt, früha hot hia a lebmssymboi geprongt
dekodia den intavall, in diesm notnsalat, eareich endlich des poatal, zu meim letztn reseavat; hob jetzt endlich dieses kapitl obgehakt, längst obgschlossn is diesa düstre pakt.
ch 1d) .6/6/7 (6)/7 (8) / 6/6/5/7
da sond brodlt und kocht, da taifun lechzt und giat, des laub vaschmüzt mitm docht, da gletscha kapituliat; des muamln hots vatuscht, hot wie a schlong gezischt, hots lebm vapfuscht, is wie a tosende gischt
da tropfn is vaglüht, bei heisskoit gibts an sprung, des moagngraun is eablüht, die diffarenz hoit vü schwung; glei ins schwoaze troffn, mit äussasta soagfoit, heaz oi die woffn, vaweiga den untahoit
da mond mit uns vawondt, die stean hom den beweis, da komet wuade entsondt, sei flug seah hoch beim vaschleiss; wedlt no mitm schweif, des omen güt als bös, is scho übareif, des end is net seriös
den intellekt varäumt, hobs bis jetzt net eafosst, da sinn hot si hoch aufbäumt, da umlauf is ma vahosst; da teamin konsequent, von hia gibts ka zurück, kreiat des event, gonz ohne an lebmsglück.
ch 2c) .8/6/8/6 / 8 (9)/6 (5)/6/5
host mi aufgstöbat mitgschleppt, und togein togaus vasoagt, host mi untarichtet zommklebt, an teu von dia heaboagt; bist a ätherisches geschöpf, des ois bestens kaschiat, host die vün knöpf, bedient und kalibriat
host mi gsichat und gestäakt, in mia die liebe bewoaht, du host mi gstüt und bemeakt, dei ekstase in mia rumoat; bist mei idol mei leitfigua, die mia stets imponiat, mit deina prozedua, is ois kollabiat
host mi vaeinfocht nei gstrichn, und nei synchronisiat, du host mi geknackt ausglichn, und füa di adaptiat; schleust mi duachs weite minenföd, bin luft in deina hond, unsa liebesentgöt, is scho längst vaplant
du host mi entlostet entstaubt, und innalich umpoit, wia zwa san mitanond vaschraubt, uns gegnseitig einghoit; fühl mi bei dia stets keangesund, woa bis jetzt niemois kronk, san do a zweiabund, auf da liebesbonk.
streichl deine wongen und dei zoate hond, hob unsre zweisomkeit oneakonnt, geh duach jeds metoi und fliag rauf bis zum mond, berüah den bewusstseinshorizont, hoff auf a ewige lebmsfront
liebkos mei vagongenheit behutsom mild, du bist mei onka mei sein mei schild, geh auf da luft übas toi schweb auf da stö, moch diesn schritt ins nägste milieu, häng mi ond nägste stoake windbö
umoam di no a letztes moi seah geschwächt, dei eascheinung a helles geflecht, geh üban regnbogn zua endstation, san doat wieda mitanond synchron, hoach auf jedn anzlnen liebeston
stoa weit hinaus in a nebulöse kakophonie, späh vazweiflt schüchtan zua unscheinboan galaxie, hob olle frogn noch warum weshoib negiat, in mia is längst ois komplett ruiniat
schau weit hinein in deine individualität, blick scho lebmsmiad auf die kräftige vitalität, hobs wüde eadbebm wieda zum stüstond brocht, dreh die lochende sunn von tog auf nocht
betrocht misstrauisch den winzig grell blendendn punkt, stoa in deine gschlossnen augn auf dein siassn rotn mund, dei charismatisches flair hot ois übastroiht, des pendl üba mia is fest vatäut.
ch 4a) .7/6/7/11 / 11/10
vazeihts die vün föhla, hobs net mit obsicht gmocht, bin ka guada doastölla, valoss eich in friedlich söliga eintrocht; übaschütt eich mit voikommna harmonie, spia weda die physik no die chemie
vazeihts die vün sündn, woa von mia ka voasotz, wü mi mit eich vabündn, auf diesm heilig mystischn eahnplotz; hobts eich hia vasommlt zua feialichkeit, beobocht eich mit liebenswüadigkeit
vazeihts die vün mackn, kumm net aus meina haut, konns net bessa vapackn, gewitta hom si oft üba mia zommbraut; blitz und donna san stets brüdalich vaeint, iah stakkato is wieda nei aufkeimt
vazeihts die vün mängl, bin leida net peafekt, mutia niemois zum engl, hob mi bei meine föhtritt no nie vasteckt; steh zu meina extravagantn zuagob, behoit no mein antikn wondastob
vazeihts die vün potza, konn wiaklich nix dafüa, hob zvü wundn und krotza, nua heit is da tog da geöffnetn tüa; kummts rein schauts eich um es bleibt ois so wies is, lests mei existenziale genesis
vazeihts die vün schnitza, des uateil is gerecht, bin von mia da besitza, ziag hia jetzt gonz alla ins letzte gefecht; mei onstrengende reise is schnö voabei, fühl mi danoch wieda voikommen frei
vazeihts die vün schwächn, hob wiaklich ois vasucht, gib eich jetzt a vasprechn, bin jetzt voam lebm net meah auf da flucht; olle emotionen san friedlich obgflaut, hob ma a neie dimension aufbaut.
geschrieben am 02./03./04./05. dezember 2018.pk. - copyright by philipp kirschner.pk. ~ überarbeitet am 24./25./30. juni // 02./07./09./15./21./22./23./28./29. juli 2023.pk.
untermalt mit musik von inanimate existance, krisiun, monstrosity, swallow the sun; acranius, ciconia, crown magnetar, deadwood, the anchoret, lampr3a, signs of the swarm, tegmentum.
******************************************************************
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen