453.
| lebmskroft.
1) .11/7/11/9 / 12
da trommelnde regn donnat aufs wöblech, spült den letztn dreck weit foat, die gestrondetn wuadn vafoigt vom pech, flüchtn zu an bessren sichren oat; nodln aus fuacht hom si in iahre sön reinboaht
die blitze zuckn wüd üban horizont, die hüttn gibt eana schutz, olle hoitn si ongsteafüllt on da hond, jeda hondlt nua aus eignnutz; pressn tränenvaschmiate gsichta in den schmutz
da oakan wütet mit vahearenda mocht, kana entkommt seinem wün, sei eneagie entlodt si in diesa schlocht, die poa lebm kennan net meah spün; brauchn si in iahm gfängnis net meah obmühn
diese hüfeschreie bleibm ungeheat, san sowieso glei vastummt, des sinnlose vasteck wuade gonz zasteat, sunn mond und stean woan olle vamummt; die aufräumoabeitn hom nua leise gebrummt.
2) .11/7/11/9 / 12
rattande geweahsoim heat ma scho von weit, lockn den feind in a foin, im kella stoan augn in die dunklheit, panikattackn kumman ins roin; cholerisches zuckn und kichan is ongschwoin
imma näha ruckt schnö da tödliche läam, do doat untn bleibt ois stü, die todesongst entlodt si scho ins gedäam, zabrochn is des innre ventü; die vafoigtn ealem wieda a déjà-vü
die bombm ealedign den letztn rest, da krota is ziemlich tief, da feind feiat den sieg mit an grossn fest, nua die woahheit steht im obschiedsbrief; vaschwindet glei in an geheimen archiv
die kriagsgefongenen wean hia net vaschont, voa da kamera geköpft, nua im fanatismus wiad die sö belohnt, jungfraun im paradies nie easchöpft; san doat nie vaschleiat demütig zugeknöpft.
ch 1a) .14/15/10 (9)/11 (12)
imma nua katastrophn kriege und brodlnda hoss, die bestie in uns mutiat zu an enoamen koloss, lässt si net zähmen bändign dressian, sie wiad bei jedm vasuch meah eskalian
imma nua zastearung streitarein und giariga neid, des monsta in uns mutiat zua gigantischa grausomkeit, es schreckt afoch voa goa nix meah zrück, siagts ois melodramatisches theatastück
imma nua foitarungen und rasende eifasucht, des scheusal in uns mutiat zua giftign tödlichn frucht, des siasse fleisch is scho längst vafault, hot si seine genitalien gekrault
imma nua bluadvagiessn rache und neidige gia, des ungeheua in uns mutiat zum reissendn raubtia, is stets auf ana gnodnlosn jogd, hot seine opfa nie um vagebung gfrogt.
3) .11/7/11/9 / 12 ....13/11 / 11/8 (7)/7 (8)
da strömende regn heat afoch net auf, da boch a reissenda fluss, die wossamassn mochn an amoklauf, die flut gibt an feichtn obschiedskuss; nua da sprudlnde lebmshahn mocht afoch schluss
die wön übaschwemmen des gesomte lond, a gstoit kauat auf an baum, a riesiga see eastreckt si bis zum rond, eawocht in an realn oiptraum; da dürre moasche ost hot ka gottesvatraun
die kräfte lossn jetzt scho endgültig noch, a kuaza hüflosa kompf, da keapa eatrinkt in an schäumendn loch, schreit stumm om grund mit an lungenkrompf; da übalebmswün hot no nua seah schwoch gstompft
so vü bleibm füa die ewigkeit vamisst, begrobm im dickn schlomm, vüz kuaz füa die suche die ongsetzte frist, do dafüa gibts goa kan findalohn; des gleichgwicht übaschüttet uns mit spott und hohn
hom gegn die elementare gwoit ka rezept, unsa beschützainstinkt hot an infekt; wir kennan uns dagegn afoch net weahn, san unbedeutend und defekt, wia kennan niemois umkeahn.
4) .11/7/11/9 / 12 ....13/11 / 11/8 (7)/7 (8)
a dröhenda motoa heult kuaz voahea auf, donn rast des auto hearon, mittn in an beengtn menschnauflauf, vaschenkt koatn füad nägste saison; varenkte keapa londn auf hoatn beton
stön si fost olle freiwillig in den weg, die foaht von eafoig gekrönt, so vü übawindn heil den woiknsteg, weadn im jenseits wieda vawöhnt; hom nua im diesseits voa höllnquoin laut aufgstöhnt
die kugln treffn züsicha punktgenau, da strond mit rot übamoit, die leichn büdn bereits an longen stau, groteske surreale vüfoit; diesa künstla befindet si in an zwiespoit
hämisches gelächta bejublt die tat, ois hot peafekt funktioniat, diese aktion woa sei bestes resultat, hot füa sein nägstn onschlog trainiat; hot seine gemälde mit innarein drapiat
wahnwitzige gedonkn wean zua realität, sei botschoft strotzt voa besa peaveasität; wia kennan unsan vastond manipulian, mit präzisa qualität, woin ma die föhla austarian.
b 1) .9/6/9/6 / 10 (9)/10 (11) ..12/7/11/8 / 6/6
nua da mensch hot diesn planetn, vasklavt und untadrückt, nua da mensch tuat scheinheilig betn, hot die balance varückt; wia sans ungeziefa a parasit, hom eam längst übaschrittn den zenit
nua da mensch wiad eam foitan und quön, afoch ohne vanunft, nua da mensch wiad si no oft vazöhn, bis in naha zukunft; die rechnung geht sowieso nie auf, nehmen jede föhkalkulation in kauf
die natua hot scho tiafe wundn und noabm, iagendwonn wiad sa si weahn, die natua eastroiht no in vün foabm, iagendwonn wiad si ois umkeahn; ois im chaos vasinkt, da alarm hot scho blinkt
nua da mensch wiad si niemois ändan, foaht afoch stua grodaus, ziagt gonz fest on fädn und bändan, gibt si söbst zvü applaus; san von uns söba äussast übazeugt, hom uns no nie voa da woahheit vabeugt
nua da mensch hintalosst müll und dreck, lond wossa luft vaseicht, nua da mensch glaubt ea hot hia an zweck, hots maximum eareicht; hom uns söba aufd hechste stufn gsetzt, in da reihnfoige samma zuletzt
die natua hot scho tiafe noabm und wundn, iagendwonn wiads ois blockian, die natua zöht scho die letztn sekundn, iagendwonn wiads uns ausradian; übaroi gibts protest, jede schändet sei nest.
ch 1b) .14/15/10 (9)/11 (12)
imma nua desaströses vadeam und grosse not, da dämon in uns mutiat zum gefrässign behemoth, sei masslosa hunga wiad niemois sott, suhlt si völlig relaxed im bluadign bod
imma nua vawüstung rohe gwoit und feindlicha zwong, da moloch in uns mutiat zum besiegltn untagong, tötet routiniat hot nix ondas gleant, hot si von da reinheit vüz weit entfeant
imma nua plogn schmeazn hoate aggressivität, da satan in uns mutiat zua eiskoitn brutalität, die pure rohheit hot si komprimiat, hot donn des echo vom uaknoi simuliat
imma nua grössnwahn drogn und misshondlnde pein, des bese in uns mutiat zu an vabronntn heaz aus stein, a eiseskötn nimmt von uns besitz, nimmt von da liebe und güte ka notiz.
ch 2a) .14/15/11/11
so vü horrorszenarien wean detailliat gezeigt, hob mi demütig und schuidbewusst voa da natua vaneigt, bitt um vazeihung mei gonzes lebm long, do unsa vahoitn is a bumerong
so vü apokalyptische visionen wean ausghängt, hob längst die weisse friednsfahne voa da natua geschwenkt, die weisse taubm is hia da pazifist, da falke symbolisiat den antichrist
so vü düstre untagongsstimmungen wean vorausgsogt, hob längst die natua um vagebung gebetn und ongfrogt, bitt um eaboamen scho seit meina gebuat, unsa lebmsstil füaht direkt zum endspuat
so vü pessimistische peaspektivn wean eastöt, da natua die anzig unvaföscht reine woahheit eazöht, homs täglich veagewoitigt und untajocht, vüz kuaz is da sonfte harmonische docht.
5) .11/7/11/9 / 12 ....13/11 / 11/8 (7)/7 (8)
a sengende hitz vabrennt jedn groshoim, a weites gebiet vadoat, die nomadn bleibm füa imma vaschoin, zum grundwossa hot kana meah boaht; untaiadisch setzt si die trockenheit foat
die sunn locht laut und stroiht bis zum fiamament, ka woikn hots weich zuadeckt, des feia entfocht afoch jeds element, ka lebewesn hot si vasteckt; die vakoihtn kadava san no unbefleckt
tausende skelette liegn weit vastreut, tia und mensch san jetzt gonz gleich, die brandign knochn hom goa nix bereut, die asche ruht im tödlichn reich; funkln und glitzan hia völlig fahl blass und bleich
da heisse wind vawehts üba beag und toi, zruck bleibt a grauschwoaze schicht, dieses riesige gebiet is a grabmoi, taucht in a extrem gröweisses licht; da feine moagntau säuslts liebesgedicht
hom gegn die radikale uagwoit goa ka chance, vasetzt uns in manipulative trance; hom uns empöat aufglehnt und stets rebelliat, füa uns gibts ka renaissance, des gschehene is hoit passiat.
6) .11/7/11/9 / 12 ....13/11 / 11/8 (7)/7 (8)
a menschliche bombm willig explodiat, diesa bus woa voi besetzt, dutzende giatl san foigsom detoniat, die rauchsäuln guad vateilt und vanetzt; da fanatismus hot diesn glaubm aufghetzt
entfüahte flugzeig londn direkt im tuam, ka anziga steigt meah aus, san nua klane nichtssogende spüfiguan, bekommen net amoi vü applaus; in diesn trümman findns iah neues zuhaus
da nägste schritt spoitet instabiles atom, des kroftweak wiad geteilt, diese ungläubign san des karzinom, die kronkheit is no long net obgheilt; hom uns on diesn künstlichn göttan aufgeilt
biologische kompfstoffe wean heagstöt, in an geheimen laboa, hom die sichaheit und die wochn eahöht, do föhla passian auch an doktoa; dieses ausgetretene gas is unsichtboa
debil absuade ideen wean wissentlich duachgfüaht, sei botschoft hot viele im heazn berüaht; hom uns aufgstachlt gegnseitig aufgheizt, hom längst ealoschne wünsche gschüat, und die beine wieda gspreizt.
b 2) .9/6/9/6 / 10 (9)/10 (11) ..12/7/11/8 / 6/6
nua da mensch hot die mutta eadn, untadrückt und vasklavt, nua da mensch wiad si wüd gebäadn, hom die unschuid bestraft; san die schmarotza die teiflsbrut, hom kan respekt voam übalebmsgut
nua da mensch hot ka schlechtes gwissn, spricht si frei vom uateil, nua da mensch hots vatraun zarissn, duach an valognen pfeil; trifft jedsmoi genau aufm schwoazn punkt, hot die ausredn zum wiawarr zaklumpt
die natua hot scho tiafe schrammen und krotza, iagendwonn wiads ois vastehn, die natua löst si von iahre besotza, iagendwonn wiad si ois umdrehn; innen noch aussn keaht, obm ins unt entleat
nua da mensch wiad si niemois bessan, mocht si ois untatan, mecht sei reich no imma vagressan, egoistischa plan; gottgewollt is do unsre existenz, entzogn wuade längst jede lizenz
nua da mensch läuft in ana spiroin, meakt net doss enga wiad, nua da mensch glaubt ea wiad niemois foin, do ea hot si geiat; unsa vadeabm bringt uns zum obstuaz, unsa gemeinsome weg is vüz kuaz
die natua hot scho tiafe krotza und schrommen, iagendwonn reisst iah geduld, die natua losst übahaupt kan entkommen, iagendwonn hots afoch voagspult; unsa lebm vawiakt, hom no ängstlich geziapt.
d 1) .7/9/8/10 / 8/8 ....10/9/10/10 / 11
gonz longsom polt sa si um, damit kana iagendwos bemeakt, gonz longsom wondat iah zentrum, fühlt si in iahm hondln seah bestäakt; tiare und pflonzn san vaeint, jede ontwoat wuade vaneint
gonz longsom drahts den hahn zua, damit kana iagendwos entdeckt, gonz longsom valiat si iah spua, hot on iahm vahoitn scho bluad gleckt; kontrolliat genau iah bilanz, eastroiht boid wieda im hön glonz
gonz longsom hots den knopf drückt, damit kana iagendwos eakennt, gonz longsom hots die blütn pflückt, hot olle bestäubungen duachgetrennt; hot bienenköabe evakuiat, die königin isoliat
gonz longsom eazeugts methan, damit kana iagendwos obliest, gonz longsom zasteats die membran, beim ozon endet längst die gnodnfrist; die kosmische strohlung freigsetzt, hot unsre gene scho vaätzt
sie kommuniziat mit sonne und mond, hot die dringlichkeit no seah betont, is einvastondn mit an kompromiss, net nua die menschheit kummt ins paradies; wiad jetzt zua longjährig bewäahtn praxis.
ch 1c) .14/15/10 (9)/11 (12)
imma nua heimsuchungen schreckn und terroaonschläg, des phantom in uns mutiat zua abnoamen peaveasität, die täta wean donn zu opfan eakläat, unta den bewohnan hots scho gegäat
imma nua vagötung graunearegende rasarein, des ungetüm in uns mutiat zum meuchlmoadendn sein, im säurefass löst si jedes problem, schickn sofoat unsre elite-armeen
imma nua konflikte massngräba und widawün, des biest in uns mutiat zua pestoatig tödlichn bazün, a winziga biss wiad zua pandemie, füa heilung gibts übahaupt ka garantie
imma nua diffarenzn spannungen und übadruss, da drache in uns mutiat zum bestialischn ritus, a metallischa gruch mocht si hia breit, die essboan innarein liegn scho bereit.
ch 2b) .14/15/11/11
so vü grausige phantastarein wean glorifiziat, hob die menschheit voa da hohn natua auf schuidig plädiat, unsre alibis san reinste utopie, bei unsra sündnlost gehn ma glei ind knie
so vü infeanalisches blendweak wiad herausposaunt, hob die ungezähmte natua tränenübaströmt bestaunt, des riesige lebewesn is gerecht, iahre woogschoin san a endloses geflecht
so vü psychotische spekulationen offnboat, hob da friedlichn natua scho tiaf in iah innastes gstoat, iah harmonie heazt jede eascheinungsfoam, nua wia passn net ins primäre füllhoan
so vü hysterische wahnvorstellungen prophezeit, hob mi in da woateschlong zua natua ois easta eingreiht, hob meine chakren nua füa sie weit aufklappt, die vabundnheit hot si nie übalappt.
ch 3a) .12/14/12/12 ....9 (10)/12 (11)/11/9 / 10
da geheimnisvolle wind flüstat da menschheit, söbstmöadarische anekdotn ins kronke gehian, des säuslnde gräusch duachdringt unsre müdigkeit, triggert ealebnisse losst uns hypnotisian
die pollen da pflonzn hom mit uns ka mitleid, lossn im neavnsystem des chaos peafektionian, die blätta da bäume vadunstn reizboakeit, die allergien wean uns peamanent malträtian
da säurehoitige regn vaäzt die haut, frisst si hungrig volla ekstase bis zum knochnmoak, diese chemische vabindung hot si aufgstaut, diese vafäabtn woikn homs vüz long vaschoat
fauna und flora hom nua da mutta vatraut, duach die opfarung da menschheit wiads wieda gsund und stoak, in jeda anzlnen schicht hot si wos zommbraut, da gesomte planet hot zvü geduid ongspoat
jetzt is diesa kippeffekt easchienen, in ana global vadeablichn dimension, mit unsren übaroschtn trauamienen, vastehn ma vielleicht diese lektion; nua wia vauasochen die kollision
da dominoeffekt hot begonnen, jeda schmettalingsflüglschlog hot brilliat, dieses wödweit untaschriebne obkommen, woa bereits unlesalich vaschmiat; nua wia hom no stua auf freispruch plädiat.
7) .11/7/11/9 / 12 ....13/11 / 11/8 (7)/7 (8)
a dumpfes grolln vibriat vom eadmittlpunkt, schlofende beag san eawocht, die plottn hom wieda im magma eintunkt, an oagasmus in da liebesnocht; sie hoitn inne füa a heilige ondocht
die eadn zittand bebt volla eneagie, gonze städte san eingstüazt, gigantische wön foign da symmetrie, hom des festlond no gonz dezent gwüazt; die lebmseawoatung hot si drastisch vaküazt
da vuikan speit asche in seah hohe sphäan, obsoabiat des sonnenlicht, a weitflächiga schottn wiad ois aufzeahn, die dämmarung vahindat die sicht; die plottntektonik eafüllt jetzt nua iah pflicht
die globale eawäamung wiad zua eiszeit, des büd da wöd wiad nei gmischt, da sonnenwind hot den strom gänzlich befreit, hom jetzt scho wieda im trübm gfischt; im eadinnan hots no tosend gsprudlt und zischt
homs hia jetzt endgültig valoan unsa lebmsrecht, nua diesa schock üba die woahheit is echt; ziehn jedsmoi den kiazan hoim aus diesm hut, des gebet im übungsheft, schäumt scho voa untadrückta wut.
8) .11/7/11/9 / 12 ....13/11 / 11/8 (7)/7 (8)
zu onfong plündat und vabarrikadiat, donn fongt des gemetzl on, da mensch hot si zruckentwicklt transfoamiat, in a grausames chamäleon; a jeda vazichtet auf diesn prunkvoin thron
des übalebm wiad täglich zum wettlauf, gegn die kronke natua, a tödliche gfoah lauat scho hintam strauch, die noahrungssuche wiad zua toatua; foign blind diesm schmoin vawinkltn flua
milliadn leichn pflostan weg und pfad, a gstonk hängt schwea in da luft, da hüft net moi a religiöses zitat, om bestn ma legt si in die gruft; und woatet bis an da sensnmonn zu sich ruft
des aussteabm schliesst boid diesn letztn kreis, die wöd hot den entschluss gfosst, die natua gwinnt endlich diesn eastn preis, die menschliche rass wuade ausglost; niemond spendet uns hia an aufrichtign trost
unsre intentionen woan stets a paradoxon, unsre botschoft trifft jedsmoi den foischn ton; unsre tugend voam jüngstn gricht bezeugt, die keapasproch is net synchron, hot die lügn zruckvafoigt.
9) .11/7/11/9 / 12 ....13/11 / 11/8 (7)/7 (8)
a neie ära bricht jetzt endgültig on, öffnet a prächtigs poatal, voikommen vanichtet is unsa kokon, diese ausrottung is a skandal; übrig bleibt von uns net moi a winzigs rinnsal
mit an wimpanschlog hot si die krustn grächt, da kean hot die zeit zruckdreht, ihre valetzungen hom sie scho seah gschwächt, hot uns donn rücksichtslos niedagmäht; is umgstiegn auf a strengere blitzdiät
die kettnreaktion losst si net stoppm, jeda schritt wiad kontrolliat, da nägste wiad den voaherign toppm, olle aussa uns hom profitiat; wuadn ois todeskanditatn nominiat
sogoas univeasum hot si bedonkt, mit an äussast sötnen besuch, des schwoaze loch hot zuazwinkat und auftonkt, hüllt si in a dicht vaschwommnes tuch; oi unsa gsommltes wissn geht jetzt zu bruch
oi unsre beweise wuadn mit an schnippm glescht, san vüz schnö on unsam limit voabeiprescht; unsre spezies von onfong on bedroht, hom auf ewig lebmsvabot, füa uns reicht da gnodntod.
b 3) .9/6/9/6 / 10 (9)/10 (11) ..12/7/11/8 / 6/6
nua da mensch hot unsre eadkugl, von grund auf ruiniat, nua da mensch wie a feige nudl, hot im obseits agiat; woan da schädling des wuchande unkraut, von uns gibts net meah den geringstn laut
nua da mensch siagt die föhla net ein, beschuidigt die natua, nua da mensch wiad vü lügn ausspein, braucht a entziehungskua; neun milliadn san gonz leicht vapufft, hom iah vadommtes schicksoi laut vaflucht
die natua hot scho tiafe schnitte und blessuan, jetzt endlich druckts aufm knopf, die natua schickt iahre wüdn kreatuan, jetzt endlich londn wia im topf; wia san des obendmahl, hom a ka ondre wahl
nua da mensch denkt ea spüt hia an gott, deaf si hia ois ealaum, peitscht die lebewesn zum schafott, in an ondan zeitraum; woan do auf ana göttlichn mission, mit obsolut peafekta präzision
nua da mensch gfongen im labyrinth, niemois eareicht da‘s zü, nua da mensch glaubt ea hot ois bestimmt, in diesm lebmsspü; do genau des gegnteil woa da foi, die eainnarungen nua rauch und schoi
die natua hot scho tiafe blessuan und schnitte, jetzt endlich kappts den foischiam, die natua steht imma no in da mitte, nua sie is des supagehian; pulsiat im ewgem takt, wie bei an liebesakt.
d 2) .7/9/8/10 / 8/8 ....10/9/10/10 / 11
longsom öffnet des ventil, damit hia kana iagendwos spüat, longsom wiad iah kruste fragil, hot oi iah weatvois potential aufgschnüat; ois eahebt si ois kollektiv, ois wiad obgspeichat im archiv
longsom beginnt da countdown, damit hia kan iagendwos auffällt, gonz longsom zabröcklt da zaun, hot si jetzt mit sonne und mond vamählt; die planetn büdn a reih, zöhn donn stumm nua bis drei
gonz longsom gehts in konkuas, damit kana iagendwos begreift, gonz longsom nua wegn des schwuas, is sie on iahra vaschwöarung gereift; ziagt den stecka ohne elan, diese ruhe is wie balsam
gonz longsom drahts donn no duach, damit donn kana frogn aufwiaft, gonz longsom sinkt des schwoaze tuach, hot si voa den konsequenzn nie gfiacht; die zeit is iahre medizin, vaschüttet iah adrenalin
jeda komet wiad hia heazlich begrüsst, hom si donn wieda innig geküsst, die kollateralschädn nimmts in kauf, net nua menschn hom an hohn vabrauch; umgibt si mit an vafüahrarischn hauch
sonne und mond san a no involviat, hom dabei oi iah wissn addiat, hot ois duachgrechnet afoch genial, noch da menschheit wiad wieda ois noamal; nua iah gebüat da goidne siegespokal.
e 1) .12/10/12/8 / 9
des kontafei im spiegl is mumiengleich, tote augn stoan in a schottnreich, da keapa zafoit vüz schnö zu asche und staub, da fluchtweg von lava vabaut; hot si sei eigne suppm gebraut
da kollektive schrei woa nua a stumma hauch, is sogleich eastickt om quoimendn rauch, des elysium hot füa uns nie existiat, hom unsren sön nie kondoliat; hom uns donn ebmfois attackiat
die ewigkeit hot iahre fühla weit ausgstreckt, hot uns olle glei mit an fluach belegt, oi unsre datn mit an schlog pulvarisiat, hom die natua nie respektiat; hom mit iah imma nua konkurriat
des obweahsystem hot si genial duachgsetzt, nua wia homs missochtet und untaschätzt, hom glaubt wia gebietn üba die gonze wöd, wia hom uns söbst zu seah eahöht; oi unsre hoffnungen san zaschöt
nix eainnat meah on unsre grosse kultua, spün in diesm roman ka hauptfigua, übrig bleibt a unsichtboare gedonknwond, hot die natua endlich entsponnt; unsre mutta eadn is unbewohnt.
ch 1d) .14/15/10 (9)/11 (12)
imma nua bestrofungen unglück und rivalität, da obgrund in uns mutiat zua grässlichstn extremität, da dritte wödkriag hätt uns donn bekeaht, eliminiat wäa unsa infektionshead
imma nua aveasion gräueltatn und dekadenz, des monstrum in uns mutiat zua gesteigatn effizienz, massnvanichtungswoffn füa jeds kind, hom uns söbst aus diesm potpourri bedient
imma nua tyrannei totalitäre anarchie, die finstanis in uns mutiat zua psycho-anomalie, san vom sadomasochismus berauscht, hom unsre roin kontinuialich vatauscht
imma nua katastophn agonie wütenda zoan, die bestie in uns mutiat zua gonz nein lebmsfoam, fädl unsre sön auf a dünne schnua, wean ans mit da eadn mit mutta natua.
ch 2c) .14/15/11/11
so vü halluzinationen wean scho realisiat, hob mi schuidbewusst aufm bodn gwoafn und meditiat, füa uns ealosst niemois wea a amnestie, sunst wäas die obszönste reinste blasphemie
so vü irrationale ideale wean auspockt, hob mi voa da natua vüfoch vastümmlt gonz splittanockt, spend mit devota hoitung mein rotn soft, befind mi in strenga isolationshoft
so vü schware depressionen wean in uns aufbewoaht, die kolossale peafektion da natua hot scho rumoat, denn unsa planet funktioniat zerebral, wia begreifn net des optische signal
so vü melancholische ironien wean wüd vasprüht, hob mi um a tolarante symbiose seah bemüht, hom uns füas finale nie qualifiziat, hom jedsmoi vüz longsom und foisch reagiat.
ch 3b) .12/14/12/12 ....9 (10)/12 (11)/11/9 / 10
da heuchlarisch foische wind flüstat da menschheit, tödlich riskante episodn in seinen vastond, des beruhigende summen druckt uns in den schlof, des flimman eatönt im komatösn voahof
die photosynthese hot an botnstoff befreit, und die innren oagane ausm stoffwechsl vabonnt, aussa uns woan olle ins konzept eingeweiht, hom uns im reinen kannibalismus varonnt
da nebl vadichtet si zum schmiarign schleim, gelongt üba mund nasn oahn bis ins schlogende heaz, beweatn den kuas ois schäbige pinselein, füa uns is des da uneabittlichste kommeaz
die fauna und flora woin die menschheit vatreim, duach den neustart gehts mit da natua wieda steu aufwäats, woin uns den oadn füa egoismus valeihn, während des unumstösslichn obschiedskonzeats
jetzt hot da heileffekt begonnen, mit stoischa souveräna gelassenheit, die natua hot die wett eindeutig gwonnen, uns übalegn woa gebenedeit; in uns nistet jede losigkeit
da placeboeffekt is eintroffn, humanoide gene pealen afoch ob, des is da aufbruch zu neuen epochn, in an anzigoatign biotop; woan in diesa phase da gresste flop.
ch 4a) .10/13/13/15
nua a poa tausend joah san vagongen, und scho spriesst und gedeiht des lebm wie nie zuvoa, die natua hots vaschlüsslte passwoat empfongen, und scho öffnet si endlos weit des lebmspendende toa
nua a poa tausend joah san vaklungen, und scho explodiat neis lebm ohne untaloss, die natua hot diese aufeastehung besungen, und scho öffnet si des rostige vaschweisste lebmsschloss
nua a poa tausend joah san vaflogn, und scho keimt und wuchat des lebm im übafluss, die natua hot diese zeremonie voizogn, und scho öffnet si diesa autonome lebmsrhythmus
nua a poa tausend joah san vaschwundn, und scho büdet si lebm in jedm areal, die natua hot zua noamalität zurückgfundn, und scho öffnet si des übasinnliche transzendental
nua a poa tausend joah san vasunken, und scho entgleist des lebm mit grossa üppigkeit,die natua is von diesa fülle wie betrunkn, und scho öffnet si des foabmprächtig lebendige kleid
nua a poa tausend joah san vaflossn, und scho grünt und eablüht des lebm mit gonza procht, die natua hot die misslungne menschheit zastossn, und scho öffnet si donn die eneagetische lebmskroft.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am 22./23./24./25. dezember 2018.pk. – überarbeitet am 14./15./16./17. august 2023.pk. ~ copyright by philipp kirschner.pk.
untermalt mit musik von anata, blotted science, canine, christian münzner, hannes grossmann, inferi, until the uprising; djent mix.
******************************************************************
nochmals ein herzliches dankeschön für euer interesse, für eure lange treue, euren oftmaligen besuch und für eure zeit, die ihr alle ins lesen und übersetzen dieser mundartigen texte steckt. vielen lieben dank dafür.
1) .11/7/11/9 / 12
da trommelnde regn donnat aufs wöblech, spült den letztn dreck weit foat, die gestrondetn wuadn vafoigt vom pech, flüchtn zu an bessren sichren oat; nodln aus fuacht hom si in iahre sön reinboaht
die blitze zuckn wüd üban horizont, die hüttn gibt eana schutz, olle hoitn si ongsteafüllt on da hond, jeda hondlt nua aus eignnutz; pressn tränenvaschmiate gsichta in den schmutz
da oakan wütet mit vahearenda mocht, kana entkommt seinem wün, sei eneagie entlodt si in diesa schlocht, die poa lebm kennan net meah spün; brauchn si in iahm gfängnis net meah obmühn
diese hüfeschreie bleibm ungeheat, san sowieso glei vastummt, des sinnlose vasteck wuade gonz zasteat, sunn mond und stean woan olle vamummt; die aufräumoabeitn hom nua leise gebrummt.
2) .11/7/11/9 / 12
rattande geweahsoim heat ma scho von weit, lockn den feind in a foin, im kella stoan augn in die dunklheit, panikattackn kumman ins roin; cholerisches zuckn und kichan is ongschwoin
imma näha ruckt schnö da tödliche läam, do doat untn bleibt ois stü, die todesongst entlodt si scho ins gedäam, zabrochn is des innre ventü; die vafoigtn ealem wieda a déjà-vü
die bombm ealedign den letztn rest, da krota is ziemlich tief, da feind feiat den sieg mit an grossn fest, nua die woahheit steht im obschiedsbrief; vaschwindet glei in an geheimen archiv
die kriagsgefongenen wean hia net vaschont, voa da kamera geköpft, nua im fanatismus wiad die sö belohnt, jungfraun im paradies nie easchöpft; san doat nie vaschleiat demütig zugeknöpft.
ch 1a) .14/15/10 (9)/11 (12)
imma nua katastrophn kriege und brodlnda hoss, die bestie in uns mutiat zu an enoamen koloss, lässt si net zähmen bändign dressian, sie wiad bei jedm vasuch meah eskalian
imma nua zastearung streitarein und giariga neid, des monsta in uns mutiat zua gigantischa grausomkeit, es schreckt afoch voa goa nix meah zrück, siagts ois melodramatisches theatastück
imma nua foitarungen und rasende eifasucht, des scheusal in uns mutiat zua giftign tödlichn frucht, des siasse fleisch is scho längst vafault, hot si seine genitalien gekrault
imma nua bluadvagiessn rache und neidige gia, des ungeheua in uns mutiat zum reissendn raubtia, is stets auf ana gnodnlosn jogd, hot seine opfa nie um vagebung gfrogt.
3) .11/7/11/9 / 12 ....13/11 / 11/8 (7)/7 (8)
da strömende regn heat afoch net auf, da boch a reissenda fluss, die wossamassn mochn an amoklauf, die flut gibt an feichtn obschiedskuss; nua da sprudlnde lebmshahn mocht afoch schluss
die wön übaschwemmen des gesomte lond, a gstoit kauat auf an baum, a riesiga see eastreckt si bis zum rond, eawocht in an realn oiptraum; da dürre moasche ost hot ka gottesvatraun
die kräfte lossn jetzt scho endgültig noch, a kuaza hüflosa kompf, da keapa eatrinkt in an schäumendn loch, schreit stumm om grund mit an lungenkrompf; da übalebmswün hot no nua seah schwoch gstompft
so vü bleibm füa die ewigkeit vamisst, begrobm im dickn schlomm, vüz kuaz füa die suche die ongsetzte frist, do dafüa gibts goa kan findalohn; des gleichgwicht übaschüttet uns mit spott und hohn
hom gegn die elementare gwoit ka rezept, unsa beschützainstinkt hot an infekt; wir kennan uns dagegn afoch net weahn, san unbedeutend und defekt, wia kennan niemois umkeahn.
4) .11/7/11/9 / 12 ....13/11 / 11/8 (7)/7 (8)
a dröhenda motoa heult kuaz voahea auf, donn rast des auto hearon, mittn in an beengtn menschnauflauf, vaschenkt koatn füad nägste saison; varenkte keapa londn auf hoatn beton
stön si fost olle freiwillig in den weg, die foaht von eafoig gekrönt, so vü übawindn heil den woiknsteg, weadn im jenseits wieda vawöhnt; hom nua im diesseits voa höllnquoin laut aufgstöhnt
die kugln treffn züsicha punktgenau, da strond mit rot übamoit, die leichn büdn bereits an longen stau, groteske surreale vüfoit; diesa künstla befindet si in an zwiespoit
hämisches gelächta bejublt die tat, ois hot peafekt funktioniat, diese aktion woa sei bestes resultat, hot füa sein nägstn onschlog trainiat; hot seine gemälde mit innarein drapiat
wahnwitzige gedonkn wean zua realität, sei botschoft strotzt voa besa peaveasität; wia kennan unsan vastond manipulian, mit präzisa qualität, woin ma die föhla austarian.
b 1) .9/6/9/6 / 10 (9)/10 (11) ..12/7/11/8 / 6/6
nua da mensch hot diesn planetn, vasklavt und untadrückt, nua da mensch tuat scheinheilig betn, hot die balance varückt; wia sans ungeziefa a parasit, hom eam längst übaschrittn den zenit
nua da mensch wiad eam foitan und quön, afoch ohne vanunft, nua da mensch wiad si no oft vazöhn, bis in naha zukunft; die rechnung geht sowieso nie auf, nehmen jede föhkalkulation in kauf
die natua hot scho tiafe wundn und noabm, iagendwonn wiad sa si weahn, die natua eastroiht no in vün foabm, iagendwonn wiad si ois umkeahn; ois im chaos vasinkt, da alarm hot scho blinkt
nua da mensch wiad si niemois ändan, foaht afoch stua grodaus, ziagt gonz fest on fädn und bändan, gibt si söbst zvü applaus; san von uns söba äussast übazeugt, hom uns no nie voa da woahheit vabeugt
nua da mensch hintalosst müll und dreck, lond wossa luft vaseicht, nua da mensch glaubt ea hot hia an zweck, hots maximum eareicht; hom uns söba aufd hechste stufn gsetzt, in da reihnfoige samma zuletzt
die natua hot scho tiafe noabm und wundn, iagendwonn wiads ois blockian, die natua zöht scho die letztn sekundn, iagendwonn wiads uns ausradian; übaroi gibts protest, jede schändet sei nest.
ch 1b) .14/15/10 (9)/11 (12)
imma nua desaströses vadeam und grosse not, da dämon in uns mutiat zum gefrässign behemoth, sei masslosa hunga wiad niemois sott, suhlt si völlig relaxed im bluadign bod
imma nua vawüstung rohe gwoit und feindlicha zwong, da moloch in uns mutiat zum besiegltn untagong, tötet routiniat hot nix ondas gleant, hot si von da reinheit vüz weit entfeant
imma nua plogn schmeazn hoate aggressivität, da satan in uns mutiat zua eiskoitn brutalität, die pure rohheit hot si komprimiat, hot donn des echo vom uaknoi simuliat
imma nua grössnwahn drogn und misshondlnde pein, des bese in uns mutiat zu an vabronntn heaz aus stein, a eiseskötn nimmt von uns besitz, nimmt von da liebe und güte ka notiz.
ch 2a) .14/15/11/11
so vü horrorszenarien wean detailliat gezeigt, hob mi demütig und schuidbewusst voa da natua vaneigt, bitt um vazeihung mei gonzes lebm long, do unsa vahoitn is a bumerong
so vü apokalyptische visionen wean ausghängt, hob längst die weisse friednsfahne voa da natua geschwenkt, die weisse taubm is hia da pazifist, da falke symbolisiat den antichrist
so vü düstre untagongsstimmungen wean vorausgsogt, hob längst die natua um vagebung gebetn und ongfrogt, bitt um eaboamen scho seit meina gebuat, unsa lebmsstil füaht direkt zum endspuat
so vü pessimistische peaspektivn wean eastöt, da natua die anzig unvaföscht reine woahheit eazöht, homs täglich veagewoitigt und untajocht, vüz kuaz is da sonfte harmonische docht.
5) .11/7/11/9 / 12 ....13/11 / 11/8 (7)/7 (8)
a sengende hitz vabrennt jedn groshoim, a weites gebiet vadoat, die nomadn bleibm füa imma vaschoin, zum grundwossa hot kana meah boaht; untaiadisch setzt si die trockenheit foat
die sunn locht laut und stroiht bis zum fiamament, ka woikn hots weich zuadeckt, des feia entfocht afoch jeds element, ka lebewesn hot si vasteckt; die vakoihtn kadava san no unbefleckt
tausende skelette liegn weit vastreut, tia und mensch san jetzt gonz gleich, die brandign knochn hom goa nix bereut, die asche ruht im tödlichn reich; funkln und glitzan hia völlig fahl blass und bleich
da heisse wind vawehts üba beag und toi, zruck bleibt a grauschwoaze schicht, dieses riesige gebiet is a grabmoi, taucht in a extrem gröweisses licht; da feine moagntau säuslts liebesgedicht
hom gegn die radikale uagwoit goa ka chance, vasetzt uns in manipulative trance; hom uns empöat aufglehnt und stets rebelliat, füa uns gibts ka renaissance, des gschehene is hoit passiat.
6) .11/7/11/9 / 12 ....13/11 / 11/8 (7)/7 (8)
a menschliche bombm willig explodiat, diesa bus woa voi besetzt, dutzende giatl san foigsom detoniat, die rauchsäuln guad vateilt und vanetzt; da fanatismus hot diesn glaubm aufghetzt
entfüahte flugzeig londn direkt im tuam, ka anziga steigt meah aus, san nua klane nichtssogende spüfiguan, bekommen net amoi vü applaus; in diesn trümman findns iah neues zuhaus
da nägste schritt spoitet instabiles atom, des kroftweak wiad geteilt, diese ungläubign san des karzinom, die kronkheit is no long net obgheilt; hom uns on diesn künstlichn göttan aufgeilt
biologische kompfstoffe wean heagstöt, in an geheimen laboa, hom die sichaheit und die wochn eahöht, do föhla passian auch an doktoa; dieses ausgetretene gas is unsichtboa
debil absuade ideen wean wissentlich duachgfüaht, sei botschoft hot viele im heazn berüaht; hom uns aufgstachlt gegnseitig aufgheizt, hom längst ealoschne wünsche gschüat, und die beine wieda gspreizt.
b 2) .9/6/9/6 / 10 (9)/10 (11) ..12/7/11/8 / 6/6
nua da mensch hot die mutta eadn, untadrückt und vasklavt, nua da mensch wiad si wüd gebäadn, hom die unschuid bestraft; san die schmarotza die teiflsbrut, hom kan respekt voam übalebmsgut
nua da mensch hot ka schlechtes gwissn, spricht si frei vom uateil, nua da mensch hots vatraun zarissn, duach an valognen pfeil; trifft jedsmoi genau aufm schwoazn punkt, hot die ausredn zum wiawarr zaklumpt
die natua hot scho tiafe schrammen und krotza, iagendwonn wiads ois vastehn, die natua löst si von iahre besotza, iagendwonn wiad si ois umdrehn; innen noch aussn keaht, obm ins unt entleat
nua da mensch wiad si niemois bessan, mocht si ois untatan, mecht sei reich no imma vagressan, egoistischa plan; gottgewollt is do unsre existenz, entzogn wuade längst jede lizenz
nua da mensch läuft in ana spiroin, meakt net doss enga wiad, nua da mensch glaubt ea wiad niemois foin, do ea hot si geiat; unsa vadeabm bringt uns zum obstuaz, unsa gemeinsome weg is vüz kuaz
die natua hot scho tiafe krotza und schrommen, iagendwonn reisst iah geduld, die natua losst übahaupt kan entkommen, iagendwonn hots afoch voagspult; unsa lebm vawiakt, hom no ängstlich geziapt.
d 1) .7/9/8/10 / 8/8 ....10/9/10/10 / 11
gonz longsom polt sa si um, damit kana iagendwos bemeakt, gonz longsom wondat iah zentrum, fühlt si in iahm hondln seah bestäakt; tiare und pflonzn san vaeint, jede ontwoat wuade vaneint
gonz longsom drahts den hahn zua, damit kana iagendwos entdeckt, gonz longsom valiat si iah spua, hot on iahm vahoitn scho bluad gleckt; kontrolliat genau iah bilanz, eastroiht boid wieda im hön glonz
gonz longsom hots den knopf drückt, damit kana iagendwos eakennt, gonz longsom hots die blütn pflückt, hot olle bestäubungen duachgetrennt; hot bienenköabe evakuiat, die königin isoliat
gonz longsom eazeugts methan, damit kana iagendwos obliest, gonz longsom zasteats die membran, beim ozon endet längst die gnodnfrist; die kosmische strohlung freigsetzt, hot unsre gene scho vaätzt
sie kommuniziat mit sonne und mond, hot die dringlichkeit no seah betont, is einvastondn mit an kompromiss, net nua die menschheit kummt ins paradies; wiad jetzt zua longjährig bewäahtn praxis.
ch 1c) .14/15/10 (9)/11 (12)
imma nua heimsuchungen schreckn und terroaonschläg, des phantom in uns mutiat zua abnoamen peaveasität, die täta wean donn zu opfan eakläat, unta den bewohnan hots scho gegäat
imma nua vagötung graunearegende rasarein, des ungetüm in uns mutiat zum meuchlmoadendn sein, im säurefass löst si jedes problem, schickn sofoat unsre elite-armeen
imma nua konflikte massngräba und widawün, des biest in uns mutiat zua pestoatig tödlichn bazün, a winziga biss wiad zua pandemie, füa heilung gibts übahaupt ka garantie
imma nua diffarenzn spannungen und übadruss, da drache in uns mutiat zum bestialischn ritus, a metallischa gruch mocht si hia breit, die essboan innarein liegn scho bereit.
so vü grausige phantastarein wean glorifiziat, hob die menschheit voa da hohn natua auf schuidig plädiat, unsre alibis san reinste utopie, bei unsra sündnlost gehn ma glei ind knie
so vü infeanalisches blendweak wiad herausposaunt, hob die ungezähmte natua tränenübaströmt bestaunt, des riesige lebewesn is gerecht, iahre woogschoin san a endloses geflecht
so vü psychotische spekulationen offnboat, hob da friedlichn natua scho tiaf in iah innastes gstoat, iah harmonie heazt jede eascheinungsfoam, nua wia passn net ins primäre füllhoan
so vü hysterische wahnvorstellungen prophezeit, hob mi in da woateschlong zua natua ois easta eingreiht, hob meine chakren nua füa sie weit aufklappt, die vabundnheit hot si nie übalappt.
ch 3a) .12/14/12/12 ....9 (10)/12 (11)/11/9 / 10
da geheimnisvolle wind flüstat da menschheit, söbstmöadarische anekdotn ins kronke gehian, des säuslnde gräusch duachdringt unsre müdigkeit, triggert ealebnisse losst uns hypnotisian
die pollen da pflonzn hom mit uns ka mitleid, lossn im neavnsystem des chaos peafektionian, die blätta da bäume vadunstn reizboakeit, die allergien wean uns peamanent malträtian
da säurehoitige regn vaäzt die haut, frisst si hungrig volla ekstase bis zum knochnmoak, diese chemische vabindung hot si aufgstaut, diese vafäabtn woikn homs vüz long vaschoat
fauna und flora hom nua da mutta vatraut, duach die opfarung da menschheit wiads wieda gsund und stoak, in jeda anzlnen schicht hot si wos zommbraut, da gesomte planet hot zvü geduid ongspoat
jetzt is diesa kippeffekt easchienen, in ana global vadeablichn dimension, mit unsren übaroschtn trauamienen, vastehn ma vielleicht diese lektion; nua wia vauasochen die kollision
da dominoeffekt hot begonnen, jeda schmettalingsflüglschlog hot brilliat, dieses wödweit untaschriebne obkommen, woa bereits unlesalich vaschmiat; nua wia hom no stua auf freispruch plädiat.
7) .11/7/11/9 / 12 ....13/11 / 11/8 (7)/7 (8)
a dumpfes grolln vibriat vom eadmittlpunkt, schlofende beag san eawocht, die plottn hom wieda im magma eintunkt, an oagasmus in da liebesnocht; sie hoitn inne füa a heilige ondocht
die eadn zittand bebt volla eneagie, gonze städte san eingstüazt, gigantische wön foign da symmetrie, hom des festlond no gonz dezent gwüazt; die lebmseawoatung hot si drastisch vaküazt
da vuikan speit asche in seah hohe sphäan, obsoabiat des sonnenlicht, a weitflächiga schottn wiad ois aufzeahn, die dämmarung vahindat die sicht; die plottntektonik eafüllt jetzt nua iah pflicht
die globale eawäamung wiad zua eiszeit, des büd da wöd wiad nei gmischt, da sonnenwind hot den strom gänzlich befreit, hom jetzt scho wieda im trübm gfischt; im eadinnan hots no tosend gsprudlt und zischt
homs hia jetzt endgültig valoan unsa lebmsrecht, nua diesa schock üba die woahheit is echt; ziehn jedsmoi den kiazan hoim aus diesm hut, des gebet im übungsheft, schäumt scho voa untadrückta wut.
8) .11/7/11/9 / 12 ....13/11 / 11/8 (7)/7 (8)
zu onfong plündat und vabarrikadiat, donn fongt des gemetzl on, da mensch hot si zruckentwicklt transfoamiat, in a grausames chamäleon; a jeda vazichtet auf diesn prunkvoin thron
des übalebm wiad täglich zum wettlauf, gegn die kronke natua, a tödliche gfoah lauat scho hintam strauch, die noahrungssuche wiad zua toatua; foign blind diesm schmoin vawinkltn flua
milliadn leichn pflostan weg und pfad, a gstonk hängt schwea in da luft, da hüft net moi a religiöses zitat, om bestn ma legt si in die gruft; und woatet bis an da sensnmonn zu sich ruft
des aussteabm schliesst boid diesn letztn kreis, die wöd hot den entschluss gfosst, die natua gwinnt endlich diesn eastn preis, die menschliche rass wuade ausglost; niemond spendet uns hia an aufrichtign trost
unsre intentionen woan stets a paradoxon, unsre botschoft trifft jedsmoi den foischn ton; unsre tugend voam jüngstn gricht bezeugt, die keapasproch is net synchron, hot die lügn zruckvafoigt.
9) .11/7/11/9 / 12 ....13/11 / 11/8 (7)/7 (8)
a neie ära bricht jetzt endgültig on, öffnet a prächtigs poatal, voikommen vanichtet is unsa kokon, diese ausrottung is a skandal; übrig bleibt von uns net moi a winzigs rinnsal
mit an wimpanschlog hot si die krustn grächt, da kean hot die zeit zruckdreht, ihre valetzungen hom sie scho seah gschwächt, hot uns donn rücksichtslos niedagmäht; is umgstiegn auf a strengere blitzdiät
die kettnreaktion losst si net stoppm, jeda schritt wiad kontrolliat, da nägste wiad den voaherign toppm, olle aussa uns hom profitiat; wuadn ois todeskanditatn nominiat
sogoas univeasum hot si bedonkt, mit an äussast sötnen besuch, des schwoaze loch hot zuazwinkat und auftonkt, hüllt si in a dicht vaschwommnes tuch; oi unsa gsommltes wissn geht jetzt zu bruch
oi unsre beweise wuadn mit an schnippm glescht, san vüz schnö on unsam limit voabeiprescht; unsre spezies von onfong on bedroht, hom auf ewig lebmsvabot, füa uns reicht da gnodntod.
b 3) .9/6/9/6 / 10 (9)/10 (11) ..12/7/11/8 / 6/6
nua da mensch hot unsre eadkugl, von grund auf ruiniat, nua da mensch wie a feige nudl, hot im obseits agiat; woan da schädling des wuchande unkraut, von uns gibts net meah den geringstn laut
nua da mensch siagt die föhla net ein, beschuidigt die natua, nua da mensch wiad vü lügn ausspein, braucht a entziehungskua; neun milliadn san gonz leicht vapufft, hom iah vadommtes schicksoi laut vaflucht
die natua hot scho tiafe schnitte und blessuan, jetzt endlich druckts aufm knopf, die natua schickt iahre wüdn kreatuan, jetzt endlich londn wia im topf; wia san des obendmahl, hom a ka ondre wahl
nua da mensch denkt ea spüt hia an gott, deaf si hia ois ealaum, peitscht die lebewesn zum schafott, in an ondan zeitraum; woan do auf ana göttlichn mission, mit obsolut peafekta präzision
nua da mensch gfongen im labyrinth, niemois eareicht da‘s zü, nua da mensch glaubt ea hot ois bestimmt, in diesm lebmsspü; do genau des gegnteil woa da foi, die eainnarungen nua rauch und schoi
die natua hot scho tiafe blessuan und schnitte, jetzt endlich kappts den foischiam, die natua steht imma no in da mitte, nua sie is des supagehian; pulsiat im ewgem takt, wie bei an liebesakt.
d 2) .7/9/8/10 / 8/8 ....10/9/10/10 / 11
longsom öffnet des ventil, damit hia kana iagendwos spüat, longsom wiad iah kruste fragil, hot oi iah weatvois potential aufgschnüat; ois eahebt si ois kollektiv, ois wiad obgspeichat im archiv
longsom beginnt da countdown, damit hia kan iagendwos auffällt, gonz longsom zabröcklt da zaun, hot si jetzt mit sonne und mond vamählt; die planetn büdn a reih, zöhn donn stumm nua bis drei
gonz longsom gehts in konkuas, damit kana iagendwos begreift, gonz longsom nua wegn des schwuas, is sie on iahra vaschwöarung gereift; ziagt den stecka ohne elan, diese ruhe is wie balsam
gonz longsom drahts donn no duach, damit donn kana frogn aufwiaft, gonz longsom sinkt des schwoaze tuach, hot si voa den konsequenzn nie gfiacht; die zeit is iahre medizin, vaschüttet iah adrenalin
jeda komet wiad hia heazlich begrüsst, hom si donn wieda innig geküsst, die kollateralschädn nimmts in kauf, net nua menschn hom an hohn vabrauch; umgibt si mit an vafüahrarischn hauch
sonne und mond san a no involviat, hom dabei oi iah wissn addiat, hot ois duachgrechnet afoch genial, noch da menschheit wiad wieda ois noamal; nua iah gebüat da goidne siegespokal.
e 1) .12/10/12/8 / 9
des kontafei im spiegl is mumiengleich, tote augn stoan in a schottnreich, da keapa zafoit vüz schnö zu asche und staub, da fluchtweg von lava vabaut; hot si sei eigne suppm gebraut
da kollektive schrei woa nua a stumma hauch, is sogleich eastickt om quoimendn rauch, des elysium hot füa uns nie existiat, hom unsren sön nie kondoliat; hom uns donn ebmfois attackiat
die ewigkeit hot iahre fühla weit ausgstreckt, hot uns olle glei mit an fluach belegt, oi unsre datn mit an schlog pulvarisiat, hom die natua nie respektiat; hom mit iah imma nua konkurriat
des obweahsystem hot si genial duachgsetzt, nua wia homs missochtet und untaschätzt, hom glaubt wia gebietn üba die gonze wöd, wia hom uns söbst zu seah eahöht; oi unsre hoffnungen san zaschöt
nix eainnat meah on unsre grosse kultua, spün in diesm roman ka hauptfigua, übrig bleibt a unsichtboare gedonknwond, hot die natua endlich entsponnt; unsre mutta eadn is unbewohnt.
ch 1d) .14/15/10 (9)/11 (12)
imma nua bestrofungen unglück und rivalität, da obgrund in uns mutiat zua grässlichstn extremität, da dritte wödkriag hätt uns donn bekeaht, eliminiat wäa unsa infektionshead
imma nua aveasion gräueltatn und dekadenz, des monstrum in uns mutiat zua gesteigatn effizienz, massnvanichtungswoffn füa jeds kind, hom uns söbst aus diesm potpourri bedient
imma nua tyrannei totalitäre anarchie, die finstanis in uns mutiat zua psycho-anomalie, san vom sadomasochismus berauscht, hom unsre roin kontinuialich vatauscht
imma nua katastophn agonie wütenda zoan, die bestie in uns mutiat zua gonz nein lebmsfoam, fädl unsre sön auf a dünne schnua, wean ans mit da eadn mit mutta natua.
ch 2c) .14/15/11/11
so vü halluzinationen wean scho realisiat, hob mi schuidbewusst aufm bodn gwoafn und meditiat, füa uns ealosst niemois wea a amnestie, sunst wäas die obszönste reinste blasphemie
so vü irrationale ideale wean auspockt, hob mi voa da natua vüfoch vastümmlt gonz splittanockt, spend mit devota hoitung mein rotn soft, befind mi in strenga isolationshoft
so vü schware depressionen wean in uns aufbewoaht, die kolossale peafektion da natua hot scho rumoat, denn unsa planet funktioniat zerebral, wia begreifn net des optische signal
so vü melancholische ironien wean wüd vasprüht, hob mi um a tolarante symbiose seah bemüht, hom uns füas finale nie qualifiziat, hom jedsmoi vüz longsom und foisch reagiat.
ch 3b) .12/14/12/12 ....9 (10)/12 (11)/11/9 / 10
da heuchlarisch foische wind flüstat da menschheit, tödlich riskante episodn in seinen vastond, des beruhigende summen druckt uns in den schlof, des flimman eatönt im komatösn voahof
die photosynthese hot an botnstoff befreit, und die innren oagane ausm stoffwechsl vabonnt, aussa uns woan olle ins konzept eingeweiht, hom uns im reinen kannibalismus varonnt
da nebl vadichtet si zum schmiarign schleim, gelongt üba mund nasn oahn bis ins schlogende heaz, beweatn den kuas ois schäbige pinselein, füa uns is des da uneabittlichste kommeaz
die fauna und flora woin die menschheit vatreim, duach den neustart gehts mit da natua wieda steu aufwäats, woin uns den oadn füa egoismus valeihn, während des unumstösslichn obschiedskonzeats
jetzt hot da heileffekt begonnen, mit stoischa souveräna gelassenheit, die natua hot die wett eindeutig gwonnen, uns übalegn woa gebenedeit; in uns nistet jede losigkeit
da placeboeffekt is eintroffn, humanoide gene pealen afoch ob, des is da aufbruch zu neuen epochn, in an anzigoatign biotop; woan in diesa phase da gresste flop.
ch 4a) .10/13/13/15
nua a poa tausend joah san vagongen, und scho spriesst und gedeiht des lebm wie nie zuvoa, die natua hots vaschlüsslte passwoat empfongen, und scho öffnet si endlos weit des lebmspendende toa
nua a poa tausend joah san vaklungen, und scho explodiat neis lebm ohne untaloss, die natua hot diese aufeastehung besungen, und scho öffnet si des rostige vaschweisste lebmsschloss
nua a poa tausend joah san vaflogn, und scho keimt und wuchat des lebm im übafluss, die natua hot diese zeremonie voizogn, und scho öffnet si diesa autonome lebmsrhythmus
nua a poa tausend joah san vaschwundn, und scho büdet si lebm in jedm areal, die natua hot zua noamalität zurückgfundn, und scho öffnet si des übasinnliche transzendental
nua a poa tausend joah san vasunken, und scho entgleist des lebm mit grossa üppigkeit,die natua is von diesa fülle wie betrunkn, und scho öffnet si des foabmprächtig lebendige kleid
nua a poa tausend joah san vaflossn, und scho grünt und eablüht des lebm mit gonza procht, die natua hot die misslungne menschheit zastossn, und scho öffnet si donn die eneagetische lebmskroft.
geschrieben am 22./23./24./25. dezember 2018.pk. – überarbeitet am 14./15./16./17. august 2023.pk. ~ copyright by philipp kirschner.pk.
untermalt mit musik von anata, blotted science, canine, christian münzner, hannes grossmann, inferi, until the uprising; djent mix.
...und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen