296. | viatuell.

296. | Viatuell.
1)
Boi meine händ zu fäustn und loss frei, suachn iahn weg in iagend a fieses gsicht
Zruck bleibt a bluadigroda fleischiga brei, valia meine neavn, da ondre des gleichgwicht
Mei stimm entfocht an dröhnend laudn schrei, des trommlfö stoak vibriat, reisst und wiad undicht
Vagessn hob i scho sei kontafei, hots afoch iagendwo valoan sei augnlicht.
2)
Ziag ma jetzt meine stoikoppmschuach on, hob dabei meah gfüh und sichaheit, doss i triff
Mit vü schwung singen knochn im kanon, fest zuagschnüat mit hoit sans besondas effektiv
Mit übung wiad da linke zum dämon, jede stö om keapa wiad küsst, gonz exklusiv
Denn jeda tritt eazeugt an ondan ton, ghean oft putzt und pflegt, donn east bleims attraktiv.
ch 1a)
      Hea a sonfte stimm in da stün, im schlof hämmats hoate befehle in mein vastond
      Bin gfongen, hob kan frein wün, mit miadn augn druckts mi on die massive wond
      Die eainnarung spüt vasteck, ans von meine vün lebm ziagt mi in den dreck
      Hob gnua von diesa kronkn zeit, drum tauch i wieda in die viatuelle wiaklichkeit.
3)
Trog in meina hond a zweischneidigs schweat, hobs söbst geschmiedet mit schweisstreibend letzta kroft
Des metoi tausendmoi gfoitn zum kunstweak, da meista hot nie so a spitznleistung gschofft
Hobs glei om eastn tog feialich geeaht, iah jungfräulichkeit hots valoan mit rodn soft
Jedn tog wiads geschäaft und zwongseanäaht, frisst hoiz und stan, haut und knochn mit leidnschoft.
4)
Mei woffnarsenal is detailliat, vom messa bis zua raketn deaf jo nix föhn
Jede nocht wiad hamlich seah hoat trainiat, jeds kompfgerät muass jede geisl übastehn
Noch da tat weans wieda sterilisiat, hob scho längst aufgheat, die favoritn zu zöhn
Mit da zeit hob i mi spezialisiat, mei eignes schwoches ich konn si net dagegn stön.
5)
Guad vaboagn hinta da zweitn tüa, füa ungeübte augn bleibts stets unsichtboa
Des geheime valies mit gwissn gspüa, füa foita und quoin is afoch unontostboa
Experimente spün mit da willküa, opariat wiad auf an opfaoitoa aus marmoa
Valong nuas lebm ois eintrittsgebüah, im kella weadn olle gwünschtn oiptraim woah.
ch 1b)
      Hea die zoate stimm in da stün, im schlof schleudats bese befehle in mein vastond
      Bin süchtig, hob weite pupün, mit offnen augn druckts mi donn zum äussastn rond
      Mei gedächtnis in luft aufglöst, ans von meine vün lebm hot mi nockt entblösst
      Muss jetzt endlich von hia entfliehn, denn in da viatuelln wiaklichkeit wiad nichts vaziehn.
ch 2a)
            Jetzt endlich fliag i schnö duach raum und zeit, in mei eigne dimension
            Jetzt endlich leb i in da wiaklichkeit, viatuell und in aktion
            Jetzt endlich spia i die wüde freiheit, jede fasa, jedn ton
            Jetzt endlich kenn i die reine woahheit, viatuell mit vü fiktion.
6)
Wonn die tiafe nocht om finstastn scheint, schleicht a schwoazgekleidet vamummta monn duachd stodt
Die unschuid hot si mitm tod vaeint, füa die eahliche tugend wendet si des blott
Die auseawöhtn wean lochend beweint, san nua a sondkoan in dem grossn apparat
Hob den menschnhondl bejahend vaneint, ois vaweatboa, des göd fliesst, imma ois parat.
7)
Öffne tüan und fensta spielend leicht, leastehende villn wean bis ins klanste ausgräumt
Voigstopfte lostwägn homs zü eareicht, hob no nie meine fixn teamine vasäumt
Monchmoi san die pläne net seah ausgreift, gonze familien hom die ewigkeit träumt
Lauds kindagschrei hot mi hystearisch gstreift, grinsend hob is olle mit stochldroht einzäunt.
8)
Infiltria des kartell, den untagrund, drogn, woffn und schnölle autos san mei gschäft
Wea mittn im weg steht, is glei vastummt, hob mi on da konkurrenz und om feind gerächt
Jeda varäta stiabt duach mein spüahund, kana entkommt duach mei enges maschngeflecht
Bin da obaste boss in diesm bund, bei jedm klanstn föhla ziag i ins gefecht.
ch 1c)

      Hea die weiche stimm in da stün, im schlof prüglts wüde befehle in mein vastond
      Des glück is mei ruin beim spün, mit gschlossnen augn triff i auf blindn widastond
      Meine gedonkn san vaschoin, ans von meine vün lebm kumt schee longsom ins roin
      Deaf jetzt hia net länga vaweiln, nua die viatuelle wiaklichkeit konn mi vielleicht heiln.

ch 2b)
            Jetzt endlich fliag i schnö duach zeit und raum, ins eigne univeasum
            Jetzt endlich realisiat si mei traum, viatuelles heiligtum
            Jetzt endlich foin die grenzn und da zaun, vom rond bis hin zum zentrum
            Jetzt endlich hob i wieda tiafs vatraun, viatuelles spektrum.

ch 3a)
                  Denn mei simuliate künstliche wöd, symbolisiat des viadimensionale lebm
                  Mei viatuell intaaktives föd, existiat real in mein phantastischn lebm
                  Denn mei illusioniates echtes lond, fusioniat mit mein iadisch oaganischn lebm
                  Mei viatuell heiss geschmiedetes bond, beschützt mei weitvazweigtes kompliziates lebm.
9)

Mei amoklauf findt a noamales end, gezielt blindwütiges tötn befreit mein geist
Mei geplante attacke woa effizient, meine kettn san gsprengt, mei kronkheit is entgleist
Beim zastean bin i in mein element, brutala wütenda hoss hot mi eingekreist
Die bestie is a natuatalent, da finga om obzug is mitm metoi vaschweisst.
10)

Mei ego schiasst schoaf, präzis und ins zü, hintaloss chaos, vawüstung, tödliche spuan
Füa mi is des a gigantisches spü, unendlich vü möglichkeitn füa die figuan
Da druck explodiat duachs offne ventü, wonn si ois aufstaut, vaschwindn olle struktuan
Benutz a unscheinboas, fades profü, dring in systeme ein, brauchn dringend korrektuan.
ch 1d)

      Hea die leise stimm in da stün, im schlof trichtats kronke befehle in mein vastond
      Mei avatar muass si vahün, mit stoan augn entzünd i an grossflächnbrond
      Meine gehianzön baun scho ob, ans von meine vün lebm hot mi foitand quöt
      Meine schmeazn zastean des grob, flücht in die viatuelle wiaklichkeit, hobs jo bestöt.

ch 2c)
            Jetzt endlich wiad die raumzeit zu ana mocht, zu an impearium
            Jetzt endlich hob in letztn schritt voibrocht, viatuelles hödntum
            Jetzt endlich spüa i a göttliche kroft, besitz dieses heilserum
            Jetzt endlich leb i in da letztn schlocht, bin viatuell und immun.
ch 3a)

                  Denn mei simuliate künstliche wöd, symbolisiat des viadimensionale lebm
                  Mei viatuell intaaktives föd, existiat real in mein phantastischn lebm
                  Denn mei illusioniates echtes lond, fusioniat mit mein iadisch oaganischn lebm
                  Mei viatuell heiss geschmiedetes bond, beschützt mei weitvazweigtes kompliziates lebm.

ch 4a)
                        Konn die reale wiaklichkeit von da viatuelln realität net meah diffarenzian
                        Konn mei reales lebm in die viatuelle rationalität net meah implementian
                        Konn jetzt mei reale wöd in da viatuelln kreativität net meah konfigurian
                        Oba jetzt konn endlich mei reales ich mit da viatuelln vitalität kopulian.
1)

Boi meine händ zu fäustn und loss frei, suachn iahn weg in iagend a fieses gsicht
Zruck bleibt a bluadigroda fleischiga brei, valia meine neavn, da ondre des gleichgwicht
Mei stimm entfocht an dröhnend laudn schrei, des trommlfö stoak vibriat, reisst und wiad undicht
Vagessn hob i scho sei kontafei, hots afoch iagendwo valoan sei augnlicht.
ch 3a)

                  Denn mei simuliate künstliche wöd, symbolisiat des viadimensionale lebm
                  Mei viatuell intaaktives föd, existiat real in mein phantastischn lebm
                  Denn mei illusioniates echtes lond, fusioniat mit mein iadisch oaganischn lebm
                  Mei viatuell heiss geschmiedetes bond, beschützt mei weitvazweigtes kompliziates lebm.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

 
Geschrieben am 21./22./23./24. mai 2015.pk.
Überarbeitet am 12. jänner 2017.pk. – copyright by philipp kirschner.pk.
 

****************************************************************************************************

 
bleibt mir weiterhin gewogen.

euer philjazzmetal, der mundartige.