290. | bittasiass.

290. | bittasiass.
1)
Du wüst hia so gean füa imma lebm, dafüa brauchst nua diesn sta aufhebm, drum schick mi no net ham
Deine gefühle gehn imma tiaf rein, du eastroihst in an wundascheenen schein, drum bleib i net allan
In deinen venen strömt egoismus, den puan eahgeiz host scho längst intus, wüst afoch net zruckgehn
Dei puis hot an hohn eneagiebedoaf, voawäats schiasst afoch imma nua no schoaf, konnst den weg net vastehn.
2)
Bis ins klanste detail spiast jedn hauch, die oblenkung zastreut den festn brauch, iast nua blindlings umhea
Dei vabindung zum traum gedeiht recht guad, jedn tog trainiast so hoat bis aufs bluad, innalich bist scho lea
Host dei kondition wieda vaschobm, dea konstante iahra lust enthobm, host wiaklich vü daspoat
Host jetzt dei oabeit aufm nogl ghängt, host dein stoiz und die woahheit tiaf vasenkt, easchlogst deine denkoat.
3)
Schlogst di duachs lebm mit vü hoss und gwoit, dei söbstbeheaschung gibt da goa kan hoit, dei vastond weit vazweigt
Wiast oft rausgwoafn, scheitast on deim sein, heb eam nua auf, diesn fuachtlosn stein, host da söbst die wöd zeigt
Duachbrichst endlich die unsichtboare wond, eagreifst donn a geschundne nosse hond, host dei netz scho ausglegt
Dei hoffnung vaflüssigt si zum tränenmea, jeda weitre schritt foit da ziemlich schwea, host di net meah bewegt.
ch 1a)
      Und mei bauch gibt ma an zoatn stich ohne sinn, in meinen gedonkn hea i pletzlich a stimm
      A leichte eiskoide brise weht ma ins gsicht, flüstat in mei oah a sonftes liebesgedicht
      Tränen flutn den bodn unta meine fiass, vasoizn den untagrund, schmeckt ois so bittasiass.
4)
Du wüst hia so gean füa imma bleibm, dafüa brauchst nua diesn sta auftreibm, loss eam donn jo net foin
Deine gefühle san wieda earegt, liegn im geheimen hohlraum vasteckt, wüst das so gean vastreun
Die neigung deines kopfes sogt vü aus, schaust net meah zruck, afoch nua no grodaus, dei schoafa blick besticht
Dei keapa is wie a bogn gesponnt, dei sympathie zeigst net seah charmant, dei minimalste pflicht.
5)
Dei gspia eafindet lügn wie gedruckt, host dein schwindl mit gift hinuntagschluckt, riskia kan zaubatronk
Da hexnmeista schweigt, räumt jetzt ois weg, dei gleichgültigkeit ziagt ois in den dreck, mit bitterem gestonk
Beschliesst die demütigung zu rächn, dei eigna mangl wiad di zabrechn, leidest schwea om valust
Dei hasses valongen ziagt si eng zomm, dei schweign mocht di jetzt wieda lammfromm, dei schoin is no robust.
6)
Easchlogst jede guade gelegnheit, zareisst brutal jede oat von freiheit, so vü schüda zasteat
Eahebst klage gegn jedes gesetz, vaeahst des heilige varätanetz, hot füa di ois kan weat
Mit hingob widmest du di diesa wond, eafosst grod no die gschundne nosse hond, da bodn schwonkt und bebt
Dei hoffnung vaflüssigt si zum tränenmea, jeda weitre schritt foit da ziemlich schwea, dei ich wie ongeklebt.
ch 1b)
      Und mei heaz gibt ma an zoatn stich ohne sinn, in meinen gedonkn hea i pletzlich a stimm
      A sonfta eiskoida hauch streichlt zoat mei gsicht, redet leis in mei oah a weiches liebesgedicht
      Tränen schwemmen den bodn unta meine fiass, vasoizn des grundwossa, schmeckt ois so bittasiass.
ch 2a)
            Da schmeaz foitat und quöt, dei scheenheit wiad auszöht, die eainnarungen so bittasiass
            Des elend is ongschwoin, da kumma hot ois gstoihn, die fäabign büda so bittasiass
            Da trost zu klein, zu schwoch, da zuspruch vü zu floch, diese togebiacha so bittasiass
            Von depression eafosst, die tragik nie vablosst, des lebm und steabm san so bittasiass.
7)
Du wüst hia so gean füa imma liegn, dafüa brauchst nua diesn sta besiegn, pass dabei auf di auf
Deine gefühle san bereit zum sprung, wölbm si glimmand bis zua bestimmung, moch jo kan amoklauf
Ois opfa vakleidest di in obfoi, hegst ka eaboamen beim hoatn aufproi, trochtest noch göttlichkeit
Schwankst jetzt zwischn obsicht und wünlos, jeda voawond gebiat an gnodnstoss, bestaunst jetzt die woahheit.
8)
Dei voahobm flüchtet richtung weisheit, da hungaduascht noch ausgleich bricht die zeit, des manöva misslingt
Da druck eahöht eastaunlich schnö dein geist, vakeahte sön san hystearisch entgleist, da draht wüazig vasinkt
Vasunkene ebenen trinkn bluad, kreischende melodien schrein im endspuat, die eascheinung vablosst
Da horizont is rötlich übamoit, umständlich mit schwoaze woikn bezoiht, die foab hot si onposst.
9)
Ausgestossn, vaschwundn und ausgraubt, blumen längst vabliat, bäume scho entlaubt, des moos is braun vabronnt
Da bluadrausch sickat longsom ins gebein, hüflos ealegn in an ondan sein, jeds detail unbekonnt
Nähast di vüz longsom deinem problem, ignoariast des vatrocknete system, gibt ka wundakunststück
Glaubm hasst nix wissn in da ondocht, in jeda eckn da tod giarig locht, gibt ka himmlisches glück.
10)
Host dei raffinesse zurecht gefeilt, host di dreidimensional obgeseilt, host dein fluchtweg vabaut
Dei magnet hot pletzlich sei kroft valoan, dei ausstrohlung eascheint vü zu vawoan, des eis net meah auftaut
Eaklettast endlich diese glotte wond, fongst rechtzeitig die gschundne nosse hond, da kometnschweif winkt
Die hoffnung vaflüssigt si zum tränenmea, jeda weitre schritt foit da ziemlich schwea, ealebst ois ungeschminkt.
ch 1c)
      Und mei hian gibt ma an zoatn stich ohne sinn, in meinen gedonkn hea i pletzlich a stimm
      A milda eiskoida wind umschmeichlt mei gsicht, wispat leis in mei oah a friedlichs liebesgedicht
      Tränen strömen den bodn unta meine fiass, vasoizn den eadbodn, schmeckt ois so bittasiass.
ch 2b)
            Die pein foitat und quöt, dei onmut host vaföht, die eainnarungen so bittasiass
            Die soagn hom si gstaut, des unglück net obbaut, die fäabign büda so bittasiass
            Ka lichtblick is in sicht, da funke donn zabricht, diese togebiacha so bittasiass
            In melancholie gfoin, des drama wiad bezoihn, des lebm und steabm san so bittasiass.
ch 3a)
                  Bittasiass schmeckt des lebm, bittasiass mundet da tod
                  Bittasiass is diesa marathon ins ewig tiafe grob
                  Bittasiass riacht des lebm, bittasiass stinkt donn da tod
                  Bittasiass zasägt die oide zeit den übalebmsstob.
11)
Du wüst di hia gean füa imma ausruhn, dafüa brauchst nua diesm sta wehtun, und denk on dei vanunft
Deine gefühle pulsian zialich wüd, host mit eana nua bestialisch gspüt, du kennst do dei heakunft
Dei noahrung is dei lebmselixia, umkreist längst dei unschuidigs beutetia, schlogst pletzlich blitzschnö zua
Bist net zimpalich bei deina auswoih, dei kompetenz trifft aufm moatapfoih, vagisst wieda dein schwua.
12)
Vakündest laut a ungekläate gschicht, eagiesst si intensiv auf des gleichgwicht, die eckn san vastöt
Dei wesn hängt schief aufm schmoin weg, dei armageddon hot ängste gesät, windstü aufm schlochtföd
Dei woana entlockt soagn und mitleid, vawondln si in hoate hässlichkeit, tiradn unbegrenzt
Infiziast meistalich jedes detail, duachschneidest des dicke sicharungsseil, hot si peafekt eagänzt.
13)
Die freude schreit panisch um den vastond, endn in ruinen völlig vabronnt, stehn aufrecht do besiegt
Zalegst dei prägende lebmslondschoft, ignoariast dei sensible kronke kroft, om radius ongschmiegt
Behutsam vaändast dein innren kean, bewoahst da oba dein uaeignen stean, denkst da a heile wöd
Jede hüadn woxt ohne untaloss, auf da ondan seitn wiad ma schweissnoss, host di freiwillig gmödt.
14)
Dei longa marsch schmeisst di donn aus da bahn, die offnen tüan und fensta san scho lahm, sinn und zweck diffarian
Behütest deine oidn schachfiguan, san zakrotzt, vastaubt, hintalossn spuan, gehst om sondstrond spazian
Bemoist jetzt endlich diese steile wond, packst eisan fest die gschundne nosse hond, die rechnung host bezoiht
Die hoffnung vaflüssigt si zum tränenmea, jeda weitre schritt foit da ziemlich schwea, host dein glaubm bereut.
ch 1d)
      Und mei hond gibt ma an zoatn stich ohne sinn, in meinen gedonkn hea i pletzlich a stimm
      A liebliches eiskoids lüftal liebkost mei gsicht, säuslt leis in mei oah a heazigs liebesgedicht
      Tränen fliessn zum bodn unta meine fiass, vasoizn jede eadschicht, schmeckt ois so bittasiass.
ch 2c)
            Des leid foitat und quöt, dein liebreiz foisch bestöt, die eainnarungen so bittasiass
            Die plogn untaschätzt, die krisn gleichgesetzt, die fäabign büda so bittasiass
            Ka zuvasicht vateilt, die ealeuchtung einkeilt, diese togebiacha so bittasiass
            In schweamut tiaf gestüazt, des desasta schoaf gwüazt, des lebm und steabm san so bittasiass.
ch 3b)
                  Bittasiass schmeckt des lebm, bittasiass mundat da tod
                  Bittasiass kitzlt da gaumen im ewig tiafn grob
                  Bittasiass duftets lebm, bittasiass stinkt donn da tod
                  Bittasiass zabricht die oide zeit den übalebmsstob.

ch 4a)
                        Des gsicht im mond lächlt bittasiass hintam dichtn nebl bloss und mott
                        Die supanova schreibt bittasiass auf a ungeschriebnes zeichnblott
                        Die vün stean vasendn bittasiass iah licht auf a seah longe iafoaht
                        Und die eade zittat bittasiass unta woikn bis zua gegnwoat.
15)
Du wüst di hia gean füa imma eahoin, dafüa brauchst nua diesn sta scheen bemoin, hot auf di scho obgfäabt
Deine gfühle vaschickst du im paket, diesa klong missfoit sogoa im gebet, host jo goa nix geeabt
Dei wissnsduascht hoit di in guta foam, weichst niemois ob von deina striktn noam, jetzt host no ois im griff
In gefässn sommlst du fremdn mut, steigst boafuss auf nägl und in a glut, bist net so effektiv.
16)
Intrign jogn noch da peafektion, dekoriast dei perfide situation, ois wieda im einklong
Deine befehle san schändlich und feig, zabrichst spielend leicht jedn frischn zweig, vaspeast jedn ausgong
Dei toanung braucht dringend an neuonstrich, dei genialität hot an einstich, deine tricks vü zu leicht
Korrumpiast die reine nockte woahheit, massiast jetzt den onfong da ewigkeit, host trotzdem nix eareicht.
17)
Dei nockte procht schützt di net voa dem los, auch du kriagst von hintn an leichtn stoss, host vüz spät reagiat
Bemeakst goa net amoi den frein foi, ea roit vüz schnö, da grosse sündnboi, host das donn akzeptiat
Ritzt dein namen in diese hohe wond, fängst grod no diese gschundne nosse hond, des ongebot ealischt
Die hoffnung vaflüssigt si zum tränenmea, jeda weitre schritt foit da ziemlich schwea, die koatn seah schlecht gmischt.
ch 1e)
      Und mei knie gibt ma an zoatn stich ohne sinn, in meinen gedonkn hea i pletzlich a stimm
      A stäakra eiskoida luftzug tätschelt mei gsicht, flötet leis in mei oah a goidigs liebesgedicht
      Tränen giassn den bodn unta meine fiass, vasoizn donn des eadreich, schmeckt ois so bittasiass.
ch 2d)
            Die not foitat und quöt, dei zauba is zaschöt, die eainnarungen so bittasiass
            Die föhschläg ignoariat, die strapazn negiat, die fäabign büda so bittasiass
            Ka peaspektive gsehn, kane blitz zum umdrehn, diese togebiacha so bittasiass
            Da vazweiflung seah nah, des debakl im prisma, des lebm und steabm san so bittasiass.
ch 3c)
                  Bittasiass schmeckt des lebm, bittasiass mundet da tod
                  Bittasiass weisn olle weg zum ewig tiafn grob
                  Bittasiass atmets lebm, bittasiass stinkt donn da tod
                  Bittasiass zasteat die oide zeit den übalebmsstob.
ch 4b)
                        Des gsicht im mond lächlt bittasiass volla schodnfreude voi und rund
                        Die stroihn da sunn schreibm bittasiass auf den jungfräulichn muttamund
                        Die vün stean moasn bittasiass mit iahm licht duach die galaxie
                        Und die eade eabebt bittasiass unta da asche mit agonie.
ch 5a)
                              Die blumen wean frisch gossn, da kronz wiad neu gesteckt
                              Bittasiass wiad die tiafe traua von den soizign tränen easchreckt
                              Die keazn wean ongezündet, die rede geht sölisch tiaf rein
                              Bittasiass beobocht da schwoaze vogl des geschehn von diesm stein.
18)
Du wüst hia so gean gonz alla steabm, zueast befrei den sta von den scheabm, donn wexlst du die spua
Deine gefühle valian scho iah kroft, imma meah vatrocknet da lebmssoft, valoan dei noblschnua
Du schwimmst no imma gegan stoakn strom, eakennst sofoat jedes foische symptom, muasst wieda weidaziehn
Du host so vü in die enge triebm, ontwoatn host du no nie aufgschriebm, muasst boid von hia entfliehn.
19)
Schmugglst di söbst duach dei realität, vafügst üba a bissl vitalität, is scho fost ois aufbraucht
Deazeit bist no stabil wie a tyrann, du bist dia dei anziga untatan, bist wieda untataucht
Dei see besteht aus feindlicha mocht, in da mittn hot wea des feia entfocht, geniesst die szenearie
Und endlos weit reicht die hitz und des licht, schmüzt donn die luft bis zua obastn schicht, siagst die anomalie.

20)
Dei alchemie host net meah in da gwoit, dei innre uah reisst da zeit an tiafn spoit, die kugl endlos roit
Sötsame krotzlaute heat ma on da tüa, ealebst intensiv dei eigne willküa, host a gutes gespüa
Klebst fest on diesa belebendn wond, suachst vazweiflt die gschundne nosse hond, schaust jetzt scho üban rond
Die hoffnung vaflüssigt si zum tränenmea, jeda weitre schritt foit da ziemlich schwea, voa dia da todesspea.
ch 1f)
      Und mei fuass gibt ma an zoatn stich ohne sinn, in meinen gedonkn hea i pletzlich a stimm
      A kräftiga eiskoida stuam knoit ma ins gsicht, schreit ma in mei oah des traurige liebesgedicht
      Tränen ruinian den bodn unta meine fiass, vasoizn donn den humus, schmeckt ois so bittasiass.
ch 2e)
            Da gram foitat und quöt, dei zoatheit jetzt missföt, die eainnarungen so bittasiass
            Die heimsuchung scho gwusst, des schicksoi beeinflusst, die fäabign büda so bittasiass
            Kane visionen ghobt, kan lichtstreifn geprobt, diese togebiacha so bittasiass
            Loss da traua frein lauf, nimm die tränen in kauf, des lebm und steabm san so bittasiass.
ch 3d)
                  Bittasiass schmeckt des lebm, bittasiass mundat da tod
                  Bittasiass füaht jeda pfad zu diesm ewig tiafn grob
                  Bittasiass denkt des lebm, bittasiass stinkt donn da tod
                  Bittasiass zasetzt die oide zeit den übalebmsstob.
ch 4c)
                        Des gsicht im mond schmunzlt bittasiass hinta woikn mit obsicht boshoft
                        Des schwoaze loch beschreibt bittasiass iah existenz mit da onziehungskroft
                        Die vün stean liefan bittasiass iah licht on jedes gewünschte zü
                        Und die eade zuckt wüd und bittasiass unta dem vastaubtn lebmsspü.
ch 5b)
                              Die blumen wean neu arrangiat, da kronz vatrocknet und vawökt
                              Bittasiass hom die soizign tränen in seah tiafa traua geschwögt
                              Die keazn brennen hearunta, des gebet is wieda vastummt
                              Bittasiass hot da grosse schwoaze vogl auf seim stein a liad gesummt.
ch 6a)
                                   Bittasiass, so bittasiass, is die woahheit om end vom lebm
                                   Bittasiass, so bittasiass, is diese frog noch dem vagebm
                                   Bittasiass, so bittasiass, lautet diese anzige ontwoat
                                   Bittasiass, so bittasiass, fliagt da schwoaze vogl wieda foat.
1)
Du wüst hia so gean füa imma lebm, dafüa brauchst nua diesn sta aufhebm, drum schick mi no net ham
Deine gefühle gehn imma tiaf rein, du eastroihst in an wundascheenen schein, drum bleib i net allan
Duachbrichst endlich die unsichtboare wond, eagreifst donn a geschundne nosse hond, host dei netz scho ausglegt
Dei hoffnung vaflüssigt si zum tränenmea, jeda weitre schritt foit da ziemlich schwea, host di net meah bewegt.
ch 1a)
      Und mei bauch gibt ma an zoatn stich ohne sinn, in meinen gedonkn hea i pletzlich a stimm
      A leichte eiskoide brise weht ma ins gsicht, flüstat in mei oah a sonftes liebesgedicht
      Tränen flutn den bodn unta meine fiass, vasoizn den untagrund, schmeckt ois so bittasiass.
ch 6a)
                                    Bittasiass, so bittasiass, is die woahheit om end vom lebm
                                   Bittasiass, so bittasiass, is diese frog noch dem vagebm
                                   Bittasiass, so bittasiass, lautet diese anzige ontwoat
                                   Bittasiass, so bittasiass, fliagt da schwoaze vogl wieda foat.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 
Geschrieben am 25./26./27./28. märz 2015.pk.
Überarbeitet am 09. jänner 2017.pk. – copyright by philipp kirschner.pk.
 

***********************************************************************************

bleibt mir weiterhin gewogen.
euer philjazzmetal, der mundartige.