288. | longes lebm.

288. | Longes lebm.
1) 
Wonn i so zruckdenk on mei longes lebm, woas obmteilich, aufregend und intressant
Hob die weide wöd ohne grenzn bereist, die freiheit genossn, füa ois offn, tolarant
Wonn i so zruckdenk on mei longes lebm, woas geboagn, behütet, sicha und woih umsoagt
Des haus woa von an weitn goatn einkreist, vüz schnö woa mei kindheit im paradies zugekoakt.
2)
Wonn i so zruckdenk on mei longes lebm, woas liebevoi, glücklich, reich beschenkt und guad beschützt
Wuade gean von oin vahätschlt und vawöhnt, hob meine freiheitn ghobt, mi bei oin untastützt
Wonn i so zruckdenk on mei longes lebm, hob i vü gleant, gsehn und ealebt afoch tog und nocht
So vü ausflüg gmocht, da livemusik gefrönt, kunst und kultua inhaliat, die studien mitgmocht.
ch 1a)
      Eventuell hob i do no iagendwos vasäumt, kum oba jetzt net glei drauf, ois is so schee varäumt
      Grosse eainnarungswoikn ziehn no duach mei hian, mecht so gean mei lebm no amoi tiaf inhalian
      Eventuell hob i do no iagendwos vapasst, kum oba jetzt net glei drauf, ois is so schee eingfasst
      Eainnarungsgewitta wütn no duach mei hian, mecht unbedingt mei lebm wieda von voan spian.
3)
Wonn i so zruckdenk on mei longes lebm, hob i jetzt east vastondn, wos woahre liebe ist
Familie und vawondtschoft woan a team, jeda hot mit mia gspüt wie a clown und sei artist
Wonn i so zruckdenk on mei longes lebm, hot ma mei kreativität des fadsein vasteckt
Vüz long da schlof, vüz kuaz da tog füa unsinn, hinta jeda tüa, unta jedem stein wos neis entdeckt.
4)
Wonn i so zruckdenk on mei longes lebm, on mei schui, on die brutale univeasität
So weng gleant, afoch so vü glocht, gsoffn, graucht, do i hob gwusst, vanunft und vastond kuman nie zspät
Wonn i so zruckdenk on mei longes lebm, on mei easte grosse liebe, mein ollaeastn wix
So neigierig uneafoan, so geil eintaucht, hob scho befüachtet, hob ka gfüh, i spia rein goa nix.
ch 1b)
      Eventuell hob i do no iagendwos vapasst, kum oba jetzt net glei drauf, ois is so schee eingfasst
      Eainnarungsgewitta wütn no duach mei hian, mecht unbedingt mei lebm wieda von voan spian
      Eventuell hob i do iagendwos übasehn, kum oba jetzt net glei drauf, ois wiad wieda guad gehn
      Klane eainnarungsfetzn sommeln si im hian, mecht jetzt endlich mei lebm wieda nei komponian.
ch 2a)
            Mei longes lebm hot ma vü weisheit gschenkt, mei longes lebm hot mi duach die zeit glenkt
            Mei longes lebm hot ma mein weg kloa zeigt, mei longes lebm hot si voa mia vaneigt
            Mei longes lebm hot ma gfühle offnboat, mei longes lebm hot ma goa nix daspoat
            Mei longes lebm hot vü glocht und vü gweint, mei longes lebm hot mi mitm tod vaeint.
5)
Wonn i so zruckdenk on mei longes lebm, hot mi des weibliche geschlecht seah stoak beeinflusst
Phasziniarende orchideen und rosn, eazöh vü details, anekdotn, gonz unbewusst
Wonn i so zruckdenk on mei longes lebm, hob i oi meine berufe wiaklich gean ausgübt
Hobs olle duachgmocht, die metamoaphosn, hobs iagendwie gschofft, hob dieses lebm schee ausgschmückt
Wonn i so zruckdenk on mei longes lebm, woa des longsome ötaweadn goa net so schlecht
Hob mei eafoahrung in weisheit umgossn, bin a pazifist, woa streng und stua, doch a gerecht.
ch 1c)
      Eventuell hob i do iagendwos übasehn, kum oba jetzt net glei drauf, ois wiad wieda guad gehn
      Klane eainnarungsfetzn sommeln si im hian, mecht jetzt endlich mei lebm wieda nei komponian
      Eventuell hob i do iagendwos vagessn, kum oba jetzt net glei drauf, ois is so vamessn
      Winzige eainnarungsbüda leuchtn im hian, mecht jetzt unbedingt mei lebm nei stimulian.
ch 2b)
            Mei longes lebm hot mi mit liebe beglückt, mei longes lebm hot nie wos untadrückt
            Mei longes lebm hot ma die gschicht eakläat, mei longes lebm hot mi wissn geleaht
            Mei longes lebm hot ma jedn sinn voagfüaht, mei longes lebm hot mi a seah gerüaht
            Mei longes lebm hot vü glocht und vü gweint, mei longes lebm hot mi mitm tod vaeint.
ch 3a)
                  Mei longes lebm hot spuan hintalossn, san füa die nochwöd gedocht
                  Mei longes lebm konns goa net richtig fossn, da tog wiad zu längstn nocht
                  Mei longes lebm hätt gean die zukunft ongregt, do die zeit hots jetzt vaneint
                  Mei longes lebm hot die tränen no ealebt, bin jetzt mitm tod vaeint.
 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 
Geschrieben am 01. november 1994 /// 18. jänner 1995 /// 11./13./20./23. mai 1996 // 28. juli 1996.pk.
Neu überschrieben am 21./22. märz 2015.pk.
Überarbeitet am 08. jänner 2017.pk. – copyright by philipp kirschner.pk.
 

***************************************************************************

bleibt mir weiterhin gewogen.

euer philjazzmetal, der mundartige.