291. | mei sucht.

291. | Mei sucht.
1)
Mei heaz schlogt schnölla duach mein äaga und mei wut, mia wiad schee longsom hass, in mia kocht boid mei blut
Könnt laut schrein und rean voa lauta vadruss und zoan, hob so vü geistig eneagische zeit valoan
Mei umgebung hot si in zeitlupm bewegt, die longsomkeit hot mein ingrimm no meah earegt
Wöata reichn net aus, dieses gfüh zu beschreim, jeds klanste detail eatrinkt in an besn schleim.
2)
Mei heaz schlogt wüd duach an onfoi von rasarei, mit geboitn foistn schlog i mi wieda frei
Jeda muskl is ongsponnt, bin bereit zum sprung, muass mi obreagian, brauch dringend obwexlung
Mei umgebung findt füa mei vahoitn kan sinn, des end no long net eareicht, is east da beginn
Anzlne tatn reichn net aus, stü zu sein, hob net nochdocht, vawondl mi longsom zu stein.
ch 1a)
      Mei sucht noch brutal hoata gwoit, rechtfeatigt mei einstellung zu an seah schnön sieg
      Hob vü mit rode foabm gmoit, füa meine augn und händ is des reinste musik
      Mei sucht mocht mi bes und eiskoid, hintaloss nua zastearung in diesm klan krieg
      Hob so vü heazn übaroit, füa mi klingt des noch ana logischn politik.
3)
Mei heaz schlogt chaotisch intensiv im rhythmus, mei unzufriednheit tobt im gleichn modus
Mei gleichgewicht kippt glei üba sein moaschn rond, stoipa ständig üba mein schockiatn vastond
Mei umgebung schüttlt heftig den gwoschnen kopf, kapian mei tun net, weaf afoch ois in an topf
Ruhige minutn reichn net aus aufzutaun, an schritt zweit gmocht, hob in mia söba ka vatraun.
4)
Mei heaz schlogt si in rage, innalich earegt, die sinnlosn hemmungen hob i scho obglegt
Rachegelüste fessln d‘unschuid in peason, eazüante flüche treffn den richtign ton
Mei umgebung vaschliesst peafekt olle faktoan, manipuliat meine stoak aufgheiztn sensoan
Des negian reicht net aus, nichts meah zu hean, zu sehn, die wüafln san gfoin, konns afoch net meah umdrehn.

5)
Mei heaz schlogt panisch, is gereizt und explosiv, cholerische onfälle stüamen exzessiv
Hässliche gedonkn duachstreifn d‘phantasie, foin dezent freiwillig in a anomalie
Mei umgebung draht ma afoch den ruckn zua, gehn den weg wieda zruck, vawischn meine spua
Lügn reichn net aus, die woahheit zu zastreun, hob net nochdocht, sitz scho vüz tiaf drin in da foin.
ch 1b)
      Mei sucht noch radikala mocht, rechtfeatigt mei voagehensweise in diesm spü
      Ziag jetzt gean in a longe schlocht, meine bestialischn kräft freun si scho aufs zü
      Mei sucht hot des feia entfocht, ois is vakoiht, unta da aschn is totnstü
      Hob die vün opfa ausglocht, mei logische politik bröcklt, wiad instabü.
ch 2a)
            Hob mei sucht afoch ignoriat, iah existenz valeugnet, die wiaklichkeit dementiat
            Hob mei sucht afoch guad vasteckt, den untaschlupf vagessn, geheimnis bleibt unentdeckt
            Hob mei sucht afoch tiaf vagrom, kan hinweis hintalossn, olle details weit vaschom
            Hob mei sucht afoch strikt vaneint, hob mi wieda reingwoschn, die tränen hom si ausgweint.
6)
Mei heaz schlogt jedn feindlichn akt in die flucht, die sadistischn traim hom noch da woahheit gsucht
Die häatn da schoafn schneid vastäakt den blutfluss, obscheuliche voastellungen wünschn an schuss
Mei umgebung vamisst des friedliche dosein, a winzig grüna fleck leichtet nua so zum schein
A keazn reicht net aus, des dunkl zu eahön, da docht is vüz kuaz, ea wiad si seim schicksoi stön.
7)
Mei heaz schlogt grausam auf die klane unschuid ein, iah lebmslicht stroiht nua no in an schwochn schein
Konn mi net losreissn, vabundn mit an seil, treib zwischn euphorie und uaängste an keil
Mei umgebung beobochtet blind iah klans reich, die gerechtigkeit drängt zwingend auf an ausgleich
Harmonie reicht net aus, ois neu zu dekorian, da klong da glockn wiad si no herausfiltrian.
8)
Mei heaz schlogt massiv gegn die dünne membran, dynamische wön roin und zeign vü elan
Da giarige hungaduascht foitat und bestraft, hot die reinheit da sön scho längst dahingerafft
Mei umgebung bemeakt net amoi den schlussstrich, a dezents rotes rinnsoi kommt von an einstich
Da vabond reicht net aus, diese wunde zu heiln, hob net nochdocht, genau zu lesn zwischn den zeiln.

ch 1c)
      Mei sucht noch obsolutem zwong, rechtfeatigt mei gnodnlose häate auf mein weg
      Vaspüa an unstüboan drong, ois zu sabotian, die bruckn und den woiknsteg
      Mei sucht explodiat vom onfong, die therapie is missglückt, da vasuch is vaweht
      Ziag imma no om söm strong, mei logische politik hot si scho zvü aufbläht.
ch 2b)
            Hob mei sucht afoch glei zadrückt, sofoat wieda ois greinigt, dem seichtn wahnsinn entrückt
            Hob mei sucht glei teia vasetzt, bleibt trotzdem mei eigntum, hob mi leida seah vaschätzt
            Hob mei sucht schnö hinuntagschluckt, scho fost zua gänze vadaut, do i hobs wieda rausgspuckt
            Hob mei sucht afoch strikt vaneint, hob mi wieda reingwoschn, die tränen hom si ausgweint.
ch 3a)
                  Diesa heazschlog eazeugt a echo, proit mit volla wucht auf die hohe wond
                  Mei sucht leuchtet donn wie a fresko, trifft auf ka gegnweah, kan widastond
                  Die tränen kommen ausm ghetto, des schlechte gwissn klatscht laut auf die hond
                  Mei sucht ealosst scho a embargo, schmuggl ois bis zua grenzn, bis zum rond.
9)
Mei heaz schlogt sei beute künstlarisch raffiniat, die illusion woa peafekt, unsichtboa agiat
Blitzschnölle attackn zareissn d‘koide luft, diese schnitte und risse zeign richtung gruft
Mei umgebung zeigt ka regung, ka gfüh, kan reiz, schaut si nua stua in den spiegl, hot kan eahgeiz
Des büd reicht net aus, licht und schottn zu eazeugn, des foabmöl wiad si voam firnis vabeugn.
10)
Mei heaz schlogt si duachs übawuchate labyrinth, kennt die zeichn, die ontwoatn wass nua da wind
A neblhofte finstanis schleicht ums gestein, mit groteskn obsuaditätn füttats den keim
Mei umgebung hot goa kan onteil om geschehn, konn den aufruah, des gewusl goa net vastehn
Des wissn reicht net aus, richtige frogn zu stön, hob net nochdocht, üba mia roin scho diese wön.
11)
Mei heaz schlogt schnölla duach mein äaga und mei wut, mia wiad schee longsom hass, in mia kocht scho mei blut
Schrei dröhnend laut und rea voa lauta vadruss und zoan, hob so vü geistig eneagische zeit valoan
Mei umgebung hot si in zeitlupe bewegt, die longsomkeit hot mein ingrimm no meah earegt
Wöata reichn net aus, dieses gfüh zu beschreim, jeds klanste detail eatrinkt in an besn schleim.
ch 1d)
      Mei sucht noch da totalität, rechtfeatigt mein diktatorisch willküalichn hass
      Wü jetzt endlich intimität, olle woffn glodn, maschia scho noch dem kompass
      Mei sucht braucht jetzt vitalität, eanäahs mit frischm bluad, stiaz mi grölend ins chaos
      Geniess die aggressivität, mei logische politik vaschenkt den gnodnstoss.
ch 2c)
            Hob mei sucht afoch schnö zalegt, jeds passlteil schee soatiat, wieda ois gonzes zommklebt
            Hob mei sucht niemois motiviat, zua foischn zeit om foischn plotz, kana hot mi alarmiat
            Hob mei sucht imma glei vasklavt, peitsche und geissl laut knoin, mit immens wuchtiga kraft
            Hob mei sucht afoch strikt vaneint, hob mi wieda reingwoschn, die tränen hom si ausgweint.
ch 3b)
                  Da heazschlog is ka imitation, is a anzigoatige melodie
                  Mei sucht hot a eigne ziakulation, hot a peafekt gefoamte symmetrie
                  Die tränen valongen diskretion, liegn vatrocknet in da agonie
                  Mei sucht braucht endlich isolation, sunst vawondlt sa si in hysterie.
ch 4a)
                        Es is voibrocht, mei sucht hot laut glocht, net meah aufgwocht
                        Jetzt is voabei, mei sucht zöt bis drei, beim letztn schrei
                        Lebm ausghaucht, mei sucht zvü vabraucht, ins nix eintaucht
                        Ois im gleichgwicht, mei sucht steht im licht, eafüllt nua iah pflicht.
1)
Mei heaz schlogt schnölla duach mein äaga und mei wut, mia wiad schee longsom hass, in mia kocht scho mei blut
Könnt laut schrein und rean voa lauta vadruss und zoan, hob so vü geistig eneagische zeit valoan
Mei umgebung hot si in zeitlupe bewegt, die longsomkeit hot mein ingrimm no meah earegt
Wöata reichn net aus, dieses gfüh zu beschreim, jeds klanste detail eatrinkt in an besn schleim.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

Geschrieben am 28./29./30. april 2015.pk.
Überarbeitet am 10. jänner 2017.pk. – copyright by philipp kirschner.pk.
 

***************************************************************************

bleibt mir weiterhin gewogen.

euer philjazzmetal, der mundartige.