289. | wossawöd.

289. | Wossawöd.
1)
Scho seit ewign unvoastöboan milliadn joahn, fliagt um die grelle hasse sunn unsa blaua planet
Bei tog, bei da nocht leichtet a in so vü bunte foam, do des schicksoi da menschheit hot si imma weita dreht
Die reine, unberüahte, wüde ungezähmte natua, zeigt donn iah woahs gsicht mit ana bestialischn mocht
Eadbebn, vuikanausbrüch ziehn iah zastöararische spua, und stüame mit übaschwemmungen in die letzte schlocht.
2)
Des eis schmüzt, die beag zafoin, des wossa imma heha steigt, millionenstädte eatrinkn im schlommign braun
Diese dumme menschheit sinnlos dröhnend laut um hüfe schreit, des mea hebt sein spiegl, schofft si wieda an frein raum
Riesngrosse wön woizn todbringend um die letzte wöd, ruinenstädte stehn nockt om tiafn trübm, dunklen meeresgrund
A hassa wind vabrennts lond, kana hot si in den weg gstöt, milliadn leit san mit nua ana wön glei vastummt.
ch 1a)
      Wossawöd, blaua planet, deine londmassn schlofn friedlich im soizign noss
      Wossawöd, blaua planet, deine sottn prächtign foabm hom jetzt an engposs
      Wossawöd, blaua planet, die sonnenstroihn glitzan, funkln, gleissn, glänzn und glühn
      Wossawöd, blaua planet, deine foabmvüfoit wiad wieda von neim eablühn.
3)
Scho seit ewign unvoastöboan milliadn joahn, fliagt um die grelle hasse sunn unsa blaua planet
Bei tog, bei da nocht leichtet a in so vü bunte foam, die menschheit mocht si scho wieda bereit füa a gebet
Des kräftige blau hot üba die ondan foabm gesiegt, kane wöda, föda oda wiesn und ka gestein
Ka mensch hot jemois wieda an grünen fleckn lond eablickt, kane blumen blühn, ka laub foit, nua weissa sonnenschein.
4)
Die menschheit hot übalebt, schicksoi, zufoi oda nua glück, danoch frogt goa kana meah noch so ana longen zeit
Die schwimmenden insln san die letztn kostboastn grundstück, heascht net imma friedn, gibt a vü kämpfe und vü streit
A uaoide unsteabliche legende spricht si hearum, iagendwo schloft friedlich stü a insl im ozean
Kana glaubt so richtig dron, bleibt wiaklich a mysterium, die legende eazöht von an ealoschenen vuikan.
5)
Des heilige gelobte lond liegt afoch vüz guad vasteckt, von an dichtn neblring umhüllt, im endlosn blau
So vü topfre männa und fraun san bei da suche vareckt, so vü foatgseglt, die woatendn hoitn no ausschau
Kana is jemois zrückgekeaht, ka lebmszeichn meah gsehn, joahhundate vafliegn so schnö wie a kuaza tram
Dieses blau mocht no olle varuckt, kennan net widastehn, des lebm is kuaz, brutal, beinhoat, bluadig und grausam.
ch 1b)
      Wossawöd, blaua planet, die kontinente schlofn friedlich im soizign noss
      Wossawöd, blaua planet, deine stoizn kräftign foabm hom jetzt an engposs
      Wossawöd, blaua planet, die sonnenstroihn glitzan, funkln, gleissn, glänzn und glühn
      Wossawöd, blaua planet, dei reichtum on foabm wiad wieda von neim eablühn.
ch 2a)
            Auf diesa blaun wossawöd, hot si des lond gegn des wossa gstöt
            Do die flutn hom ois vaschluckt, damits übalebt, hot si des lond geduckt
            Auf diesa blaun wossawöd, hot des wossa des lond vüz schnö auszöht
            Do hoffnung stroiht om horizont, doat grünt und blüht des geheimnisvolle lond.
6)
Scho seit ewign unvoastöboan milliadn joahn, fliagt um die grelle hasse sunn unsa blaua planet
Bei tog, bei da nocht leichtet a in schilland blaun foam, auch die menschheit mocht si boid wieda auf an longen weg
Des blaue juwel draht si weita im rhythmus da raumzeit, joahhundate rasn dahin, sunn und mond wexln si ob
Die menschheit is füa die nächste stufn scho meah ois bereit, lebm beginnt bei da gebuat, steabm endet im grob.
7)
Auf seim söbstbautn spezielln einzigoatign boot, seglt a einzlkämpfa scho seit vün joahn umhea
Zu an wossamensch mutiat, dea kiemen und schwimmhäute hot, do sei suachn is vagebms, ois nua blau, öd und lea
Konn bis zum mearesgrund tauchn, siagt guad in da dunklheit, ruinen aus beton und stahl schaun aus wie a skelett
Duachstöbat oft stundnlong diese finstre unhamlichkeit, die kostboaste frocht vawoaht ea in an sichren vasteck.
8)
Ausgestossn, oft vafoigt und vajogt, wiad nie oneakonnt, denn die richtign menschn meidn eam so guads hoit geht
Bleibt a einsoma eisana kriega in dem blaun lond, do ea is da auseawöhte, zeigt da menschheit den weg
A prophezeiung besogt, doss a wossamensch kommen wiad, dea die restliche menschheit duach brutale kriege füaht
Die uaoidn instinktivn ängste hom jedn vawiat, foische prophetn lossn die bestimmung unberüaht.

ch 1c)

      Wossawöd, blaua planet, des festlond schloft jetzt friedlich stü im soizign noss
      Wossawöd, blaua planet, deine woahn leichtendn foabm hom jetzt an engposs
      Wossawöd, blaua planet, die sonnenstroihn glitzan, funkln, gleissn, glänzn und glühn
      Wossawöd, blaua planet, dei spekrum on foabm wiad wieda von neim eablühn.
ch 2b)
            Auf diesa blaun wossawöd, is des lond aufm hoatn wossa zaschöt
            Die flut hots lond vom dreck befreit, trotzdem hots no übalebt, die menschheit
            Auf diesa blaun wossawöd, hot si des wossa mitm lond vamählt
            Des vatraun stroiht om horizont, doat grünt und blüht des geheimnisvolle lond.
ch 3a)
                  Olle nuancen von blau vaeint die wossawöd, sogoa da regnbogn mischt do no mit
                  Olle schattiarungen von blau eint die wossawöd, sogoa die regntropfn mischn do mit
                  Olle zwischntöne von blau eint die wossawöd, sogoa die regnwoikn mischn do mit
                  Olle feinheitn von blau vaeint die wossawöd, sogoa des regnwossa mischt do no mit.
9)
Scho seit ewign unvoastöboan milliadn joahn, fliagt um die grelle hasse sunn unsa blaua planet
Bei tog, bei da nocht leichtet a in schilland blaue foam, die menschheit braucht jetzt dringend a gsunde vitalität
Da blaue planet rast wie a peale auf da schnua umd sunn, die joahreszeitn san vagessn, völlig unbekonnt
Die menschheit hot beim übalebm eh scho so vü zu tun, woat scho sehnsüchtig auf dieses phantastische eilond.
10)
Da wossamensch vateidigt si gegn seine vün feind, so vü kämpfe ausgfochtn, so vü joah daduach valoan
Hot den kläglichn rest da menschheit endlich wieda vaeint, is iah grossa onfüahra mit vü entstötn noam
Gemeinsam seglns eam afoch joahrelong scho hintahea, da mond zeigt oft sei vois gsicht, denn ea hoit die totn sön
Grosse wön roin umd wöd, boote sinkn im ewign mea, auf traua und schmeaz miassn si die menschn jetzt einstön.
11)
Pletzlich lichtet si da nebl, die wöd hoit den atem on, die sunn schickt iahre müdn stroihn auf a insl im mea
Die klane gruppm hots endlich gschofft, sprachlos im flüstaton, schrein und weinen voa glück, die kroftreseavn san scho lea
Die insl hot seit joahtausendn kane menschn meah gsehn, fremde düfte und geräusche strömen lustvoi im wind
Majestätisch thront sie im wossa, beschützt hia jedes lem, die gruppe jubiliat, singt und schreit, hots wiaklich vadient.
12)
Süchtig noch dunklbrauna eade londns on an weissn strond, dahinta lockt unberüaht unduachdringlicha uawoid
Foin auf die knie, küssn iah neie heimat, iah votalond, endlich wieda festa bodn, endlich wieda vüfoit
Do da einzlkämpfa keaht wieda aufs endlose mea zruck, on lond is eam schwindlig, schlecht, fühlt si kronk, is net gonz gsund
Vamisst die grenznlose freiheit, des mea und den luftdruck, scho boid san die dankes- und obschiedsrufe leis vastummt.
ch 1d)
      Wossawöd, blaua planet, des heilige lond is umgebm vom soizign noss
      Wossawöd, blaua planet, oi deine foabm eastroihn wieda in deim gonzn schoss
      Wossawöd, blaua planet, die sonnenstroihn glitzan, funkln, glänzn, gleissn und glühn
      Wossawöd, blaua planet, dei palette an foabm wiad wieda von neim eablühn.
ch 2c)
            Auf diesa blaun wossawöd, hot dem wossa dieses lond do seah gföht
            A vuikan hot tobt, hot si gweaht, menschn hom die natua wieda vaeaht
            Auf diesa blaun wossawöd, hot si des eilond zum wossa gesellt
            Des lebm stroiht om horizont, doat grünt und blüht des geheimnisvolle lond.
ch 3b)
                  Olle nuancen von blau vaeint die wossawöd, sogoa da regnbogn mischt do no mit
                  Olle schattiarungen von blau eint die wossawöd, sogoa die regntropfn mischn do mit
                  Olle zwischntöne von blau eint die wossawöd, sogoa die regnwoikn mischn do mit
                  Olle feinheitn von blau vaeint die wossawöd, sogoa des regnwossa mischt do no mit.
ch 4a)
                        Blaue wossawöd, du host da menschheit a letzte chance gebm
                        Blaue wossawöd, du schenkst, oba du nimmst a wieda des lebm
                        Blaue wossawöd, loss do wieda gnua fruchtboares lond entstehn
                        Blaue wossawöd, mecht di ewig beschützn, i mecht no net gehn.
 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 
Geschrieben am 27. september // 05. oktober 1995 /// 04. februar // 10./12./26./28. juli // 09. august // 05./06./.08. november 1996.pk. und neu überschrieben am 23./24. märz 2015.pk.
Überarbeitet am 09. jänner 2017.pk. – copyright by philipp kirschner.pk.
 

**************************************************************************

 

bleibt mir weiterhin gewogen.

euer philjazzmetal, der mundartige.