286. |die woahheit.
1)
Fühl mi schwoch, völlig easchöpft und vabraucht, mei geistige und köapaliche müdigkeit hot mi zommgstaucht
Fühl mi innalich lea, total ausbronnt, steh do east mittn in volla blüte voa meina lebmswond
Fühl mi so kroftlos und völlig ausglaugt, konn kane reseavn meah mobilisian, bin völlig ausgsaugt
Fühl mi wie easchlogn und obgekämpft, mei eneagie is gänzlich vaflogn, mei euphorie gedämpft.
2)
Fühl mi wie unta eiskoids wossa taucht, schluck frische luft, atme des feuchte noss, mei letztes woat ausghaucht
Fühl mi schochmatt, völlig einsam, valoan, meine schoita san ausgschoit, ka reaktion bei meinen sensoan
Fühl mi breittretn, ealedigt, vakocht, olla meina sinn beraubt, leb im schottn, ka licht hot mi onglocht
Fühl mi gfedat und teat, gfoitat und quöt, valia den bezug zua wiaklichkeit, meine schritt san scho obzöht.
ch 1a)
Schliess meine augn, vasink in meditation, bewoah die ruhe, woat auf a kloare vision
Do die zeit vastreicht, des leare nix mocht si breit, geniess jetzt die stün, woat auf mei lebmsweisheit
Ka funkn hot gsprüht, kan sinnvoin spruch eakonnt, ka blitz eingschlogn, woat auf a höfende hond
Öffne die augn, stoa stua in die dunklheit, hob panische ongst, sogts ma endlich die woahheit.
3)
Fühl mi entwuazlt, obghoizt und entlaubt, olla eainnarungen bestoihn, innalich völlig vastaubt
Fühl mi vasteinat, in lava getränkt, bis aufd knochn vabronnt, mei skelett in frischn beton vasenkt
Fühl mi geviateilt, zastücklt, zahockt, schneidende phantomschmeazn quön mi, in feinsta seide vapockt
Fühl mi wie in olle winde vaweht, olle gedonkn vasteckt und weggspeat, mund und augn zuagnäht.
4)
Fühl mi einsam, valossn und vawaist, hob mi im labyrinth vaiat, meine neavn san scho entgleist
Fühl mi ausgstossn, vaschobm, allein, leb im schottn, im nebl, füa mi existiat ka sonnenschein
Fühl mi vagrobm, total isoliat, da beengende raum druckt auf mei sö, mei vastond alarmiat
Fühl mi wie von tausend nägln duachboaht, da wüazige rost vasiasst ma mei bluad, des gekreuzigte woat.
5)
Fühl mi varotn, denunziat, vakauft, hinta meim ruckn ständig um kompromisse gstrittn und grauft
Fühl mi vasunkn in sumpf oda sond, hob kan grund unta meine fiass, find kan hoitegriff füa mei hond
Fühl mi einzementiat, den kopf voran, konn kane kloan gedonkn meah fossn, valoan is mei plan
Fühl mi gfesslt on meine fiass und händ, konn mi net rüahn, a net moi weahn, meine problem wean virulent.
ch 1b)
Schliess meine augn, vasink in meditation, bewoah des schweign, woat auf a kloare vision
Do die zeit vageht, nua des vakuum eascheint, geniess den friedn, die weisheit hot mi vaneint
Ka ealeuchtung gsehn, kan klugn leahsotz eafoahn, ka inspiration, woat auf des feine sondkoan
Öffne die augn, stoa stua in die finstanis, des chaos regiat, die woahheit bleibt a geheimnis.
ch 2a)
Eazöhts ma endlich die woahheit, kane lügn, ausredn, kane gschichtn meah füa mei oah
6)
Fühl mi gekneblt, ois paket vaschnüat, in an containa valodn, mit an sock üban kopf entfüaht
Fühl mi betrogn, bestoihn und vaschleppt, in an soag zwa meta tiaf eingrobm, olle gefühle vaebbt
Fühl mi vom schnözug übaroit, zaquetscht, kilometaweit mitgschleift, nua no bled grinst und die zähne gfletscht
Fühl mi wie im frein foi mit kontakt, a zähflüssig menschliche masse untaschreibt den teuflspakt.
7)
Fühl mi gehäutet, gerädat, geköpft, tobende quölende schmeazn hom mi zusätzlich no geschröpft
Fühl mi wie zu feinstem pulva zamoin, fein säubalich in klane dosn eingfüllt, bereit zum vastreun
Fühl mi gestresst, gleichzeitig endlos miad, schweb in diesm zuastond dahin, mi hot goa nix meah intressiat
Fühl mi vaäagat, gekränkt und blossgstöt, beim ständign obsichtlichn schickanian hob i mi vazöht.
8)
Fühl mi wie in an häxla hineingfoin, kum ausm fleischwoif ois gfüllte haut, dekoariat füa opfaschoin
Fühl mi easchossn, eastochn, zafetzt, mit heissm öl übagossn, im hochofn mit eisn vasetzt
Fühl mi gegessn, vadaut und auskotzt, olle innarein gründlich bereist, nua da darm is donn zaplotzt
Fühl mi in da zeitschleifn übasehn, olle eainnarungen aufglöst, konn mei gedächtnis net zruckdrehn.
ch 1c)
Schliess meine augn, vasink in meditation, bewoah harmonie, woat auf a kloare vision
Do die zeit vafliagt, die lean is obsolut, geniess den einklong, woat scho auf die weisheitsflut
Ka intuition, ka geniale idee, ka licht hot je gleucht, woat auf mei eigne glücksfee
Öffne die augn, stua ins schaurige schwoaz gstoat, jede phobie hot giarig auf die woahheit gwoat.
ch 2b)
Eazöhts ma endlich die woahheit, kane foischn aussogn, ka heuchelei füa meine oahn
ch 3a)
Woat no imma auf die woahheit, tränen stüazn si vazweiflt in die unendlichkeit
9)
Fühl mi gfongen in an klebrign netz, die feinen giftign fädn schneidn scheibm in mei gesetz
Fühl mi ongschlossn on an stoakstromkreis, wea gegrillt, vabronnt, mei bluad kocht, muass eam zoihn diesn hassn preis
Fühl mi wie onzogn vom schwoazn loch, aufglöst in die relativität, raum und zeit in an stuazboch
Fühl mi wie in ana wüdfremdn wöd, so irreal, abstrakt, ois nua illusion, auf diesm schlochtföd.
10)
Fühl mi konfus und desorientiat, vawoane diffuse oiptraim hom in mia möadarisch phantasiat
Fühl mi innalich zarissn, obgnutzt, kan reibungslosn tog meah ghobt, ghea wiada amoi gscheit duachputzt
Fühl mi ohne pathos, ohne a glut, ka grinsa entkommt ma, ka feingfühl, ka bedauan, nua tollwut
Fühl mi badend wie in an säurefass, es juckt und krotzt om onfong, do zum end hin mochts an riesnspass.
11)
Fühl mi schwoch, völlig easchöpft und vabraucht, mei geistige und köapaliche müdigkeit hot mi zommgstaucht
Fühl mi innalich lea, total ausbronnt, steh do east mittn in volla blüte voa meina lebmswond
Fühl mi so kroftlos und völlig ausglaugt, konn kane reseavn meah mobilisian, bin völlig ausgsaugt
Fühl mi wie easchlogn und obgekämpft, mei eneagie is gänzlich vaflogn, mei euphorie gedämpft.
ch 1d)
Schliess meine augn, vasink in meditation, bewoah des gleichgwicht, woat auf a kloare vision
Do die zeit varinnt, die kluft hot si scho ausdehnt, geniess des glücksgfüh, nua d‘weisheit hot si aufglehnt
Ka stoaka impuis, kane gedonknstruktuan, ka signoi gesetzt, woat auf bewusstseinsstruktuan
Öffne die augn, stoa jetzt stua ins schottnreich, da horror regiat, die woahheit is totnbleich.
ch 2c)
Eazöhts ma endlich die woahheit, ka dopplts spü, ka oaglist, ka uneahlichkeit füa die oahn
ch 3b)
Woat no imma auf die woahheit, des augnwossa übaschwemmt beinah die ewigkeit
ch 4a)
Bin a gfongena in diesa dunklen zwischnwöd, die woahheit hot scho bis zehn zöht
1)
Fühl mi schwoch, völlig easchöpft und vabraucht, mei geistige und köapaliche müdigkeit hot mi zommgstaucht
Fühl mi innalich lea, total ausbronnt, steh do east mittn in volla blüte voa meina lebmswond
Fühl mi so kroftlos und völlig ausglaugt, konn kane reseavn meah mobilisian, bin völlig ausgsaugt
Fühl mi wie easchlogn und obgekämpft, mei eneagie is gänzlich vaflogn, mei euphorie gedämpft.
Schliess meine augn, vasink in meditation, bewoah harmonie, woat auf a kloare vision
Do die zeit vafliagt, die lean is obsolut, geniess den einklong, woat scho auf die weisheitsflut
Ka intuition, ka geniale idee, ka licht hot je gleucht, woat auf mei eigne glücksfee
Öffne die augn, stua ins schaurige schwoaz gstoat, jede phobie hot giarig auf die woahheit gwoat.
ch 2b)
Eazöhts ma endlich die woahheit, kane foischn aussogn, ka heuchelei füa meine oahn
ch 3a)
Woat no imma auf die woahheit, tränen stüazn si vazweiflt in die unendlichkeit
9)
Fühl mi gfongen in an klebrign netz, die feinen giftign fädn schneidn scheibm in mei gesetz
Fühl mi ongschlossn on an stoakstromkreis, wea gegrillt, vabronnt, mei bluad kocht, muass eam zoihn diesn hassn preis
Fühl mi wie onzogn vom schwoazn loch, aufglöst in die relativität, raum und zeit in an stuazboch
Fühl mi wie in ana wüdfremdn wöd, so irreal, abstrakt, ois nua illusion, auf diesm schlochtföd.
10)
Fühl mi konfus und desorientiat, vawoane diffuse oiptraim hom in mia möadarisch phantasiat
Fühl mi innalich zarissn, obgnutzt, kan reibungslosn tog meah ghobt, ghea wiada amoi gscheit duachputzt
Fühl mi ohne pathos, ohne a glut, ka grinsa entkommt ma, ka feingfühl, ka bedauan, nua tollwut
Fühl mi badend wie in an säurefass, es juckt und krotzt om onfong, do zum end hin mochts an riesnspass.
11)
Fühl mi schwoch, völlig easchöpft und vabraucht, mei geistige und köapaliche müdigkeit hot mi zommgstaucht
Fühl mi innalich lea, total ausbronnt, steh do east mittn in volla blüte voa meina lebmswond
Fühl mi so kroftlos und völlig ausglaugt, konn kane reseavn meah mobilisian, bin völlig ausgsaugt
Fühl mi wie easchlogn und obgekämpft, mei eneagie is gänzlich vaflogn, mei euphorie gedämpft.
ch 1d)
Schliess meine augn, vasink in meditation, bewoah des gleichgwicht, woat auf a kloare vision
Do die zeit varinnt, die kluft hot si scho ausdehnt, geniess des glücksgfüh, nua d‘weisheit hot si aufglehnt
Ka stoaka impuis, kane gedonknstruktuan, ka signoi gesetzt, woat auf bewusstseinsstruktuan
Öffne die augn, stoa jetzt stua ins schottnreich, da horror regiat, die woahheit is totnbleich.
ch 2c)
Eazöhts ma endlich die woahheit, ka dopplts spü, ka oaglist, ka uneahlichkeit füa die oahn
ch 3b)
Woat no imma auf die woahheit, des augnwossa übaschwemmt beinah die ewigkeit
ch 4a)
Bin a gfongena in diesa dunklen zwischnwöd, die woahheit hot scho bis zehn zöht
1)
Fühl mi schwoch, völlig easchöpft und vabraucht, mei geistige und köapaliche müdigkeit hot mi zommgstaucht
Fühl mi innalich lea, total ausbronnt, steh do east mittn in volla blüte voa meina lebmswond
Fühl mi so kroftlos und völlig ausglaugt, konn kane reseavn meah mobilisian, bin völlig ausgsaugt
Fühl mi wie easchlogn und obgekämpft, mei eneagie is gänzlich vaflogn, mei euphorie gedämpft.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Geschrieben am 14./15./16./17./18. märz 2015.pk.
Überarbeitet am 08. jänner 2017.pk. – copyright by philipp kirschner.pk.
***************************************************************************
bleibt mir weiterhin gewogen.
euer philjazzmetal, der mundartige.
Keine Kommentare:
Kommentar veröffentlichen