297. Auf diese frog.
1)
Woiknbedecktes fiamament,
milliadn von regntropfn foin hearob, lausch dem nossn rhythmischn galopp
Die natua is des instrument, spüt
die symphonien mit an bombastischn klong, lausch dem woitönend voin gesong.
b 1)
Oba i sitzt jetzt scho stundnlong
voa an stapl weissn papia, und hoit die feda in meina vakrompftn hond
Meine gedonkn fliagn in da lean
mit sönruhiga zia, steh mittn im sumpf, vasink tiafa im treibsond
Wuade jetzt oi meina genialn
inspirationen beraubt, jede quelle is vasiegt, nix sickat meah duach
Olle ideenbäume stehn kahl und
lea, wuadn völlig entlaubt, wühl und stöba vazweiflt noch mein lebmsbuach.
ch 1a)
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda zastean explosionen a stodt,
und wieda kriagt die unschuid den gnodntod
Und wieda gwinnt die gwoit imma meah on
mocht, und wieda ziagt da friedn in diese schlocht
Und wieda zareisst da signiate vatrog,
und wieda lügt die ontwoat auf diese frog.
2)
Zoatrosa blaua horizont, da
orangerode boi lächlt freindlich und müd, streichlt sonft den atmosphäanschüd
Die natua is a hoate front, des
übalebm is hia a brutales spü, vü zu oft kumt ma vüz schnö ons zü.
b 2)
Oba i sitz jetzt no imma
stundnlong voa an lean schreibblock, schau ausm schmutzign fensta mit stoan
blick
Woat auf an gedonknblitz und auf
an kreativn donnagott, vielleicht kennt ea an geeignetn zaubatrick
Jedn sta umdreht, jeds fensta
aufgmocht, hinta jeda tia scho gschaut, do olle vastecke san öd und leagefegt
Meine einfälle hom kan plan, mei
improvisian hot si obbaut, mei geistige grundsubstanz wuade lahmgelegt.
3)
A dunklschwoaze
woiknbonk, mutiat zum gewitta, zum chaotischn stuam, pflügt duachs lond,
hintalosst seine spuan
Die natua mocht gsund
und a kronk, losst si net zähmen, bleibt unberechnboa wüd, mocht do glei a gonz
ondas büd.
b 3)
Oba i sitz jetzt no imma valoan
voam lean weissn blatt, bin belesn, hoit redn, a woatakrobat
Olle gedonkn wie foatgwischt,
jede zön gsäubat und duachgespült, des vakuum hot mit jetzt völlig zugemüllt
Ka muse hot mi geküsst, goa kane
phantasien hom mi hamgsuacht, a tiafe innre müdigkeit hot mi befoin
Hob mei peaspektive gändat, steh
auf da beagspitze volla eahfuacht, trotzdem konn i kane sinnvoin büda moin.
ch 1b)
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda wiad a voik unsteablich
ausgrott, und wieda kriagt die unschuid den gnodntod
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda lodat feuriga hoss hö auf, und
wieda gwinnt da tod mit asche und rauch
Und wieda eanäaht si da kriag von allan,
und wieda eastoat da friedn afoch zu stan
Und wieda zareisst da signiate vatrog,
und wieda lügt die ontwoat auf diese frog.
ch 2a)
Auf
diese frog sogt kana die woahheit, auf
diese frog schlogt si jeda mit blindheit
Auf
diese frog gibt kana föhla zua, auf
diese frog bricht jeda den treueschwua
Auf
diese frog valiats lebm, nie da tod, auf
diese frog vafäabt si ois bluadigrot
Auf
diese frog lügt die ontwoat wie gedruckt, auf
diese frog hot kana mit da wimpa zuckt.
4)
Voimond mit steanenkloara nocht,
die müchstrossn fliesst strohlend hö üba uns davon, singt in an unheaboan ton
Die natua bestaunt diese procht,
pflonze, mensch und tia hom si daron ongepasst, denn jeda hot den kreislauf
eafasst.
b 4)
Oba i sitz jetzt no imma seit vün
stundn voam lean heft, net amoi des onfongswoat hob i ma notiat
Die gedonkn mochn grod ualaub,
vadeabm ma mei anzigs gschäft, hob heazhoft laut gähnt, hob mi net meah
konzentriat
Hob noch ana oblenkung gsuacht,
do mei motivation woa scho weg, iagendwos hot meine poa synapsn eingspeat
Vasteh net amoi meah die
dunklheit, die von draussn mit mia redt, jede guade ealeuchtung wuade mia
vaweaht.
5)
A komet duachstreift
sei revia, foigt seina bestimmung, sei weg is voageschriem, wäa recht gean amoi
bei uns bliem
Voawäats treibt eam
nua sei neugia, die wöd wünscht si oba eh kan nähan kontakt, wäa a
zastearungs-, ka liebesakt.
b 5)
Oba i sitz no imma seit vün
stundn voa an notizbuch, net amoi a klana buchstob steht do hearin
Mei gedonknwöd is eingstiazt, die
scheabm vaströmen ongstgeruch, mei schwoche woahnehmung eakennt hia goa kan
sinn
Weise sprüche hom a nix brocht, a
ka söbstfindungstrip ins gebiag, mei hianaktivität hot si von söbst obgschoit
Seh ka licht im tunnl, bin endlos
im labyrinth umheageiat, nebm mia hohe wänd, gfongen im tiafn spoit.
6)
Blaugrün leichtendes polarlicht,
wie riesige voahäng wehns sonft im lauen wind, bögen und flächn diffus pulsian
Da obaglaum siagt des ois gift,
die natua is vaspüt, locht no wie a klans kind, soi oba net wieda zvü riskian.
b 6)
Oba i sitz no imma scho seit
stundn voa an lean schriftstück, meine händ wissn net meah, wos sie no tuan
soin
Mei gedonknmea is scho
austrocknet, jede substanz is vaglüht, a klane leichte lawin kumt scho ins roin
Und wieda liegn grosse schware
stana auf mein weg weit vastreut, mei zukunft is somit wieda amoi vastöt
Valia longsom mei geduid, muass
mi bewegn, mia is scho so koid, bestimmt hob i mi moi wieda total vazöht.
ch 1c)
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda roin etliche kepf vom schafott,
und wieda kriagt die unschuid den gnodntod
Und wieda eskaliat die oamut im eck, und
wieda wühln si neid und gia ausm dreck
Und wieda zareisst da signiate vatrog,
und wieda lügt die ontwoat auf diese frog.
ch 1d)
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda schmiedns an peafektn komplott,
und wieda kriagt die unschuid den gnodntod
Und wieda transfoamiat si da freund zum
feind, und wieda wean die todesopfa beweint
Und wieda zareisst da signiate vatrog,
und wieda lügt die ontwoat auf diese frog.
ch 2b)
Auf
diese frog steht die weste voa schmutz, auf
diese frog valiats lebm jedn schutz
Auf
diese frog wiad da blickwinkl vazeat, auf
diese frog wiad die freie sicht eingspeat
Auf
diese frog gwinnt da tod, nie des lebm, auf
diese frog wiad des bluad kräftig bebm
Auf
diese frog lügt die ontwoat wie gedruckt, auf
diese frog hot kana mit da wimpa zuckt.
ch 3a)
Gonz synchron, mit sonftn ton, homma uns die ontwoat, auf
diese frog sogleich easpoat
Gonz famos, mit sonftn stoss, wiad die reine woahheit, auf
diese frog gleich geviateilt
Gonz bequem, beim sonftn gehn, eakennt ma donn den sinn, auf
diese frog glei vom beginn
Gonz neutral, mit sonfta qual, wiad die reine woahheit, auf
diese frog sogleich befreit.
7)
Die hitzewön vabrennt des lond,
des wossa wiad knopp, die sunn locht zu jeda stund, mensch und tia steabm im
voadagrund
Die natua kumt zu kan stüstond,
unsa rettungsseil is längst grissn üba nocht, die gestiane hom nua no laut
glocht.
b 7)
Oba i sitz no imma seit stundn
voa an zettl unberüaht, meine händ san scho gonz koid, san schwea von begriff
Meine gedonkn hom mein vastond da
banalität übafüaht, vaschlossne schublodn san net seah effektiv
Seh kane details, grossn elementn
ondraseits bin i blind, olle voateile hom si gegn mi vaschwoan
Olle vagongnen lebm hom da
zukünftign woahheit zuagstimmt, total zasteat san meine sensiblen sensoan.
8)
Woikn heuln ohne end in sicht,
weite gebiete wean wieda moi übaschwemmt, obhänge rutschn laut ungehemmt
Die natua kumt ausm gleichgwicht,
bewegt si aufm schmoin grat ziemlich ungschickt, die endzeituah hot scho vüz
laut tickt.
b 8)
Oba i sitz no imma seit vün stundn
voa da lean leinwond, die pinsln und foabm eaweckn ka vatraun
Meine gedonkn halluzinian in an
äussast schlechtn zuastond, hob a brett voam kopf, umgebm von an zaun
Abstrakte symbole und peavease
scheenheitn schändn mei sö, mei heaz schlogt wie in zeitlupe, kumt ausm takt
Hintalosst a unfeatige, nie endn
wollende oide baustö, mei gsundheit bricht ob, steh scho kuaz voa an infarkt.
9)
Da beag raucht, spuckt flüssigs
gestein, die aschewoikn vadunklt die lochende sunn, panik greift um si, eaweckt
unruhn
Die natua mocht den spoat allein,
imma in bewegung, ziakuliat mit vastond, vielleicht gibts do a göttliche hond.
b 9)
Oba i sitz no imma seit stundn
voam lean dokument, meine finga trommln scho neavös ausm takt
Meine gedanklichn ergüsse hom si
längst gemeinsam getrennt, ka vaständnis untranond füa an liebesakt
Diese intensive blockade mocht mi
featig, krong und eazüant, mei faust liebkost die tischplatte mit lautem knoi
Mei brutale wut auf mi
söbst hot si schmeazhoft aufgstaut und auftüamt, und jeda dominostein kumt
longsom zu foi.
ch 1e)
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda eascheint im lond da behemoth,
und wieda kriagt die unschuid den gnodntod.
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda massakriat die gwoit des
paradies, und wieda zeigt da todesengl sein umriss
Und wieda wean massngräba guad vasteckt,
und wieda is da missbrauch seah stoak earegt
Und wieda zareisst da signiate vatrog,
und wieda lügt die ontwoat auf diese frog.
ch 1f)
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda wiad des elend zua grossn not,
und wieda kriagt die unschuid den gnodntod
Und wieda liegt da schwoche auf diesa
ean, und wieda konn die mindaheit nua no steam
Und wieda zareisst da signiate vatrog,
und wieda lügt die ontwoat auf diese frog.
ch 2c)
Auf
diese frog hängt da segn scho schief, auf
diese frog foits kuaze gebet vüz tief
Auf
diese frog wiakt da spiegl vakeaht, auf
diese frog wiad nua des lebm obgweaht
Auf
diese frog gibts kan sieg, nua den valust, auf
diese frog hot kana die lösung gwusst
Auf
diese frog lügt die ontwoat wie gedruckt, auf
diese frog hot kana mit da wimpa zuckt.
ch 3b)
Gonz konkret, aufm schachbrett, wiad die kuaze ontwoat, auf
diese frog soglei duachboaht
Gonz fiktiv, do aggressiv, wiad die reine woahheit, auf
diese frog glei eingeweiht
Gonz einfoch und ziemlich floch, vaneblt si da sinn, auf
diese frog mit vü phobien
Gonz noamal mit hoata qual, wiad die reine woahheit, auf
diese frog gonz foisch eingreiht.
ch 4a)
San ois nua lügn und
valeumdungen, denn i gib auf diese frog
ka ontwoat
Ois nua feige lügn und
foische nochred, denn diese hetzjogd is glotta rufmoad
San ois nua lügn und
betrügarein, denn i gib auf diese frog
ka ontwoat
Ois nua fiese lügn und
faule ausred, denn i bin scho längst wieda tiaf vaschoat.
10)
Metahoha schnee angehäuft,
eiskoide stüam fegn duach die eastoate wöd, bizarre londschoft in weiss
getränkt
Des extrem hots lebm vascheucht,
dieses wetta hot neie rekoade aufgstöt, die natua hot uns so reich beschenkt.
b 10)
Oba i sitz scho seit ewign stundn
voam lean papia, hoit vakrompft den zuagspitztn bleistift in da hond
Meine gedonkn vagessn recht und
pflicht in bewäahta mania, diese nie endende leare hot kan onstond
Kum aus diesa foin net
meah raus, olle fluchtmeglichkeitn vaspeat, longsom reisst mei geduid, da fodn
woa zu dünn
Steiga mi hinein, i
brodl und koch, jedn kompromiss vaweaht, muass mei wütendes ich mit sonftmut
weich besprühn.
11)
Da planet zittat, wocklt, bebt,
städte foin afoch zomm, ois wiad dezent vagrom, die eadkrustn hot si grod
vaschom
Die natua hots scho übalebt, nua
die riesign wön spüln des unkraut weit foat, und hintalossn an totn oat.
b 11)
Oba i sitz scho stundnlong üba an
lean zettl gebeugt, meine augn kämpfn scho topfa gegan schlof
Die müdigkeit is jetzt von iahra
oabeit obsolut übazeugt, übawindet jede hüade und jede strof
Letzte hianaktivitätn läutn kuaz
an gedonknsprung ein, die prozessoan brennen duach, schmözn zu an brei
Die reseavn vabraucht, die
eneagie is nua no a schwocha schein, beim letztn otemzug fühl i mi endlich
frei.
ch 1g)
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda eastroiht da obend bluadigrot,
und wieda kriagt die unschuid den gnodntod
Und wieda eawocht die bestie in uns, und
wieda meuchln wia wegn des reichtums
Und wieda zareisst da signiate vatrog,
und wieda lügt die ontwoat auf diese frog.
ch 1h)
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda weint a seah klans kind in an
grob, und wieda kriagt die unschuid den gnodntod
Und wieda wiad a stodt vom eadbodn
gschluckt, und wieda hot des entfeante chaos kan gjuckt
Und wieda zareisst da signiate vatrog,
und wieda lügt die ontwoat auf diese frog.
ch 1i)
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda bedonkt ma si beim foischn
gott, und wieda kriagt die unschuid den gnodntod
Und wieda lean ma nix aus da
vagongenheit, und wieda ignoarian ma des buch da zeit
Und wieda zareisst da signiate vatrog,
und wieda lügt die ontwoat auf diese frog.
ch 2d)
Auf
diese frog lostet a schweara fluch, auf
diese frog vabrennt dieses friednstuch
Auf
diese frog bricht die bruckn ausanond, auf
diese frog fliagt die taubm üban rond
Auf
diese frog gibts nua valust, nie an sieg, auf
diese frog gibts nua den totaln krieg
Auf
diese frog lügt die ontwoat wie gedruckt, auf
diese frog hot kana mit da wimpa zuckt.
ch 3c)
Gonz brisant, net amüsant, is des rätsl da ontwoat, auf
diese frog sogleich vaschoat
Gonz grausam oba net lahm, wiad die reine woahheit, auf
diese frog glei vauntreut
Gonz dezent und evident, vaschwindt da woahre sinn, auf
diese frog in deponien
Gonz brutal ohne moral, wiad die reine woahheit, auf
diese frog glei eingebleut.
ch 4a)
San ois nua lügn und
valeumdungen, denn i gib auf diese frog
ka ontwoat
Ois nua feige lügn und
foische nochred, denn diese hetzjogd is glotta rufmoad
San ois nua lügn und
betrügarein, denn i gib auf diese frog
ka ontwoat
Ois nua fiese lügn und
faule ausred, denn i bin scho längst wieda tiaf vaschoat.
ch 5a)
Auf
diese frog foin vasoizene tränen auf des
grob
Auf
diese frog zabricht da oide moasche
wondastob
Auf
diese frog heuln die sunn, da mond, die
stean üban grob
Auf
diese frog steht die woahre ontwoat scho im
vatrog.
1)
Woiknbedecktes fiamament, milliadn
von regntropfn foin hearob, lausch dem nossn rhythmischn galopp
Die natua is des instrument, spüt
die symphonien mit an bombastischn klong, lausch dem woitönend voin gesong.
ch 1j)
Und wieda foin bombm, schlogn kugln ein,
und wieda stiabt lebm, woscht des bluad gonz rein
Und wieda zastean explosionen a stodt,
und wieda kriagt die unschuid den gnodntod
Und wieda gwinnt die gwoit imma meah on
mocht, und wieda ziagt da friedn in diese schlocht
Und wieda zareisst da signiate vatrog,
und wieda lügt die ontwoat auf diese frog.
ch 5a)
Auf
diese frog foin vasoizene tränen auf des
grob
Auf
diese frog zabricht da oide moasche
wondastob
Auf
diese frog heuln die sunn, da mond, die
stean üban grob
Auf
diese frog steht die woahre ontwoat scho im
vatrog.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Geschrieben
am 26./27./28./29./30 mai 2015.pk.
Überarbeitet
am 12. jänner 2017.pk. – copyright by philipp kirschner.pk.
***********************************************************************************
bleibt mir weiterhin gewogen. euer philjazzmetal, der mundartige.
