400. | provoziast

seid mir gegrüsst, ihr lieben leserinnen und leser, ihr treuen textmanics. es ist nun vollbracht.

150 neue texte sind mit heutigem tage (21.12.2016) fertiggestellt. jetzt gehts nun ans eingemachte. muss nochmals alle texte überarbeiten und eventuell korrekturen vornehmen. muss ehrlich gestehen, bin selbst ein bisschen stolz auf mich. von september 2014 bis dezember 2016 habe ich auf 153 din a4 blätter (das sind 306 din a4 seiten) 150 texte geschrieben. dieser zeitraum ist für mich ein weltrekord :)

werde natürlich nach und nach auch die älteren veröffentlichen. das braucht aber auch so seine zeit.
hier für euch nun der frischeste:

>>>>>>>>>>>>>>>>>>>>>>>>><<<<<<<<<<<<<<<<<<<<<<<<<

400. | provoziast.

Hob di endlich wieda moi noch so longa zeit gsehn, hobs goa net kapiat, wie schnö die monate vagehn

Hob scho long nimma on unsre vagongenheit docht, hob die gemeinsomen eainnarungen belocht

Woast mei wichtigsta teil in diesm lebmsobschnitt, in den letztn wochn woa zwischn uns ka gleichschritt

Seitdem geht jeda sein eignen söbst eingschlognen weg, do füa mei tränenflut gibts kan anzign beleg.

Hob di heit rein zufällig scho von da weidn gsehn, hobs zeast goa net glaubt, wie vü laub die winde vawehn

Vauasochst ma no imma quoin im heazn und bauch, die wundn heiln longsom, nimm die noabm gean in kauf

Woast mei ein und ois, mei ollaliabsta mittlpunkt, in den letztn wochn hots zwischn uns net meah gfunkt

Seitdem trennt uns a longa breita festa schlussstrich, die vün tränen flutn scho mei vaschwommnes ich.

      Denn du provoziast mit deim dekolletee, mit deina figua, du provoziast mit deina frohnatua

      Du provoziast mit deim lächln im gsicht, mit deim rotn mund, du provoziast afoch ohne an grund

      Du provoziast mit deim augnaufschlog, deine longen hoa, denn du provoziast mit jedem sensoa

      Du provoziast mit deina feuchtn zung, deina wachn hond, du provoziast afoch mit deim vastond.

Endlich hot si unsa weg jetzt wieda moi gekreuzt, so vü bäume wuadn in da zwischnzeit obghoizt

Brich monchesmoi in meina einsomkeit pletzlich zomm, duachstreif unsre geheimen plätze wie a phantom

Woast mei hö brennende keazn in da finstanis, denn in den letztn wochn gabs goa kan kompromiss

Seitdem host du di afoch von mia gonz leicht befreit, woa füa meine vün tränen no goa net bereit.

Pea zufoi host du mein weg wieda moi übaqueat, so vü staub wuade deaweil untam teppich gekeaht

Woch no imma schweissbodet mittn in da nocht auf, dieses leeregefühl vafoigt mein lebmsvalauf

Woast mei anzige insl im wüdn ozean, do in den letztn wochn misslong uns jeda plan

Seitdem homma uns völlig aus den augn valoan, meine tränen hom si afoch scho vüz oft vafoahn.

Woa ma scho söba völlig fremd, host ma voa da nosn olle tüan zuaghaut, und fösnfest vaspeat

Hob mi im labyrinth varennt, hob ma söba glei jedn fluchtweg vabaut, und jede wond enteaht

Gfongen in ana dimension, bin joahrelong ohne zü umheageiat, ka end woa do in sicht

Woat scho long auf a reaktion, hob deine entscheidungen scho akzeptiat, find jetzt mei gleichgewicht.

      Du provoziast mit deim hautengen kleid, mit deina statua, du provoziast mit deina signatua

      Du provoziast mit den longen beinen, deina propoation, provoziast in jeda situation

      Du provoziast mit an gonz tiafn blick, deina eleganz, provoziast mit deim erotischn tanz

      Provoziast mit deina freizügigkeit, mit deim sexappeal, provoziast afoch mit deim fingaspiel.

            Deine sinnlosn provokationen lossn mi koid, do innalich brodlt und kocht mei dichta woid

            Deine sinnlichn provokationen hom mi eahitzt, innalich hom meine trieb scho donnat und blitzt

            Deine giarign provokationen hom mi vafüaht, hob mit jeda meina zön den höhepunkt gspüat

            Deine tiarischn provokationen hom mi vaseicht, hob di wieda mit oi meina liebe eareicht.

Hom noch so longa zeit gemeinsom des toa passiat, vü zu schnö san die schottn im kreis herumspaziat

Hob mei söbstmitleid in puan alkohol eatränkt, duach dein foatgong host mi in a foische richtung glenkt

Woast imma mei offnes oah füa oi meine problem, do in den letztn wochn zabricht unsa system

Seitdem hot si a notorische funkstün breitgmocht, meine tränen sommln si wieda zu ana schlocht.

Hom zufällig die bruckn zua gleichn zeit passiat, so vü wossa hot da boch richtung mea transpoatiat

Des ongebot on drogn woa wiaklich kolossal, vastoss jedn tog gegn dei peasönliche moaral

Woast mei sichra hofn, mei onka im hoatn stuam, in den letztn wochn zafoit unsa liebestuam

Seitdem heascht zwischn uns nua no a seah dünne luft, meine tränen londn donn in da vasoiztn bucht.

Woa ma scho söba unbekonnt, host pletzlich den dickn voahong zuazogn, und host des licht obgschoit

Hob die gedonkn übasponnt, hob mi söba imma wieda belogn, und die woahheit zastreut

Gfongen in an vüz engen raum, bin joahrelong afoch nua grodaus hingfoin, hob an sinn nie eawischt

Bin scho vüz long in diesm traum, dei logische konsequenz kumt scho ins roin, wieda im kloan gfischt.

       Du provoziast mit deina orchidee, mit deim köapabau, du provoziast mit deina fleischbeschau

      Provoziast mit deina obaweitn, deina peafektion, du provoziast afoch mit ambition

      Provoziast mit deinen gschlossnen augn, deim leicht offnen mund, du provoziast afoch zu jeda stund

      Du provoziast mit lüstandn posn, mit besessna lust, denn du provoziast afoch gonz bewusst.

            Deine sinnlosn provokationen berüahn mi net, innalich hot mei vuikan jedn reiz easpäht

            Deine sinnlichn provokationen hom mi ongheizt, innalich wiad mei valongen scho seah gereizt

            Deine giarign provokationen hom mi earegt, hob mi mit jeda zön zum höhepunkt bewegt

            Deine tiarischn provokationen hom mi vagift, hob di wieda mit oi meina liebe umschifft.

                  Bist a engl, a teufl, a hex, du provoziast weust das konnst und dia grossn spass mocht

                  Host an eignen vahoitnskodex, du provoziast, is dei sucht, des feia wiad entfocht

                  Bist a traumfrau, a dämon, a fee, du provoziast mit oi deim wissn, mit akribie

                  Host a eigne vafüahrungsarmee, du provoziast und spüst mit meina psychologie.

Hom uns noch joahn gleichzeitig tiaf in die augn gschaut, so vü schnee gfoin, gschmoizn, in da natua, auf da haut

Fühl mi no imma komplett valossn und valoan, denn mei heaz und mei sö san scho vüz long tiefgefroan

Woast die anzige frau in mein bishearign lem, in den letztn wochn spia ma scho a stoakes bem

Seitdem hot jeda sein eignen festgstompftn bereich, meine vün tränen büdn scho an tiafn teich.

Hob da zufällig in deine tiafn augn gschaut, so vü lava hot si im vuikankrota aufgstaut

Die ungewissheit hot mi imma wieda zuagsetzt, hob mi in diesa einöde glei wieda valetzt

Woast imma scho mei auffongnetz, mei dichtes geflecht, in den letztn wochn woa da streit dei anzigs recht

Seitdem is jeda blind im nebl duachs lebm grennt, meine vün tränen san in iahm element.

Woa mit mia söbst net meah vawondt, host ma donn die foabm aus jedm büd gstoin, und den rond weit vaschmiat

Hob mei mosaik net vaschont, so vü winzige teile bleibm vaschoin, den kontext net kapiat

Gfongen in an engen kokon, hob mi joahrelong net vom fleck foatbewegt, ka licht om fiamament

Lauf scho vüz long net meah synchron, hob donn mein schwean kumma endlich obglegt, wieda a glücksmoment.

      Denn du provoziast mit deina nocktheit, und mit deim voabau, und du provoziast bei an vakeahsstau

      Du provoziast mit deina libido, deim lautn gestöhn, du provoziast afoch gean und obszön

      Du provoziast mit ana hohn kunst, mit leda und lack, du provoziast mit peitsche und geschmack

      Du provoziast mit deina feuchtigkeit, deim süchtign drong, du provoziast afoch gonz ohne zwong.

            Deine sinnlosn provokationen foin von mia ob, do innalich hoitst mi gonz schee in wüdn trob

            Deine sinnlichn provokationen hom mi vabronnt, innalich hot si mei hungaduascht net entsponnt

            Deine giarign provokationen hom mi berauscht, hom donn gemeinsom jedn höhepunkt aufbauscht

            Deine tiarischn provokationen hom mi ongsteckt, hob di mit meina liebe sonft foadand zuadeckt.

                  Bist a engl, a teufl, a hex, du provoziast weust das konnst und dia grossn spass mocht

                  Host an eignen vahoitnskodex, du provoziast, is dei sucht, des feia wiad entfocht

                  Bist a traumfrau, a dämon, a fee, du provoziast mit oi deim wissn, mit akribie

                  Host a eigne vafüahrungsarmee, du provoziast und spüst mit meina psychologie.

                        Du provoziast, du provoziast, du provoziast scho dei gonzes lebm long

                        Du provoziast, mit lobgesong, denn du provoziast scho wie a bumarong

                        Du provoziast, du provoziast, du provoziast mit da gonzn eneagie

                        Du provoziast, mit euphorie, du provoziast mit oi deina phantasie.

Hob di endlich wieda moi noch so longa zeit gsehn, hobs goa net kapiat, wie schnö die monate vagehn

Hob scho long nimma on unsre vagongenheit docht, hob die gemeinsomen eainnarungen belocht

Bist mei wichtigsta teil in diesm lebmsobschnitt, in diesn letztn togn is wieda a gleichschritt

Jetzt gehn ma endlich wieda an gemeinsomen weg, füa meine freudntränenflut gibts jetzt an beleg.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 19./20./21. Dezember 2016.pk
copyright by philipp kirschner.pk

**********************************************

nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.