danke für euren besuch und habt ein spannendes lesevergnügen.
>>>>>>>>>>>>>>>>>>>>>>>>>><<<<<<<<<<<<<<<<<<<<<<<<<<
358. | befreit.
Fühl
mi jetzt endlich wieda gonz fedaleicht, hob den schwean sta endgültig tiaf
vagrobn und vasenkt
Hob
die besn geista jetzt endlich vascheicht, hob scho vüz vü von meina kostboan
zeit sinnlos vaschenkt
Mei
müdigkeit schloft im rütmus von da nocht, inhalia die kroftstrotzende eneagie
dea sonnenstroihn
Hob
des feia in mia wieda nei entfocht, deaf jetzt wieda intensiv foabnprächtige
büda moin.
Fühl
mi jetzt endlich wieda im gleichgewicht, hob meine innren konflikte wieda gonz
alla gelöst
Hob
füa mei zukunft wieda a freie sicht, da longe weg voa mia hot ma sei
vaschwommnes zü entblösst
Mit
kuavn und kreuzungen is a garniat, die beag und täla mochn die umweg sogoa
attraktiv
Hob
die stoipastana afoch ignoariat, hoit mein oidn wondastob mit an festn sicharen
griff.
Schweb weich gebettet auf weissn woikn
üba mei eigne zeit und mein eignen raum
Schweb schwerelos vom wind ontriebn duach
mei eigne phantasie und mein eignen traum
Schweb in ana melange aus freude, liebe
und valongen üba mein lebnsbaum
Schweb von oin soagn und problemen befreit
üba jede maua, jedn zaun.
Fühl
mi jetzt endlich wieda wie nei geboan, hob mit spielenda leichtigkeit den
gebuatskanal duachqueat
Hob
wieda vü ängste und phobien valoan, hob jetzt scho zum zweitn moi die vün
kronkheitn obgweaht
Mit
feuaeifa stiaz i mi ins gefecht, mei heaz schlogt im reinen takt zum puisschlog
von mutta natua
Mei
lebnsfunke is winzig oba echt, mei bewusstsein büdet a eigne söbstständige
struktua.
Fühl
mi jetzt endlich wieda völlig entsponnt, hob die sehne vom bogn afoch
duachschnittn und entsoagt
Hob
die freiheit jetzt endlich wieda eakonnt, hob die floschn dea trübn eainnarung
endlich entkoakt
Beweis
mit neuem mut mein heilungsprozess, die wundn mutian zu noabm und die noabm
foin donn ob
Bin
wieda a leares neugiarigs gefäss, find übaroi hin mit mein oidn söbst
gschnitztn wondastob.
Des
obmteia lockt, bin wieda splittanockt, spring mittn ins lem, spü jetzt nehmen
und gem
Suach
die sensation, brauch a dimension, woch üba mei sein, im mond- und sonnenschein
Des
risiko reizt, hob mit goa nix geizt, öffne jede hond, leise rieslt da sond
Suachs
experiment, brauch diesn moment, und da wondastob, klopft tränen auf des grob.
Schweb sonft eingehüllt von weissn woikn üba
mein eignen raum und mei eigne zeit
Schweb rotiarend im flüstandn geheimnis
in an hauch von geträumta wiaklichkeit
Schweb in ana schoin volla freude, liebe
und valongen üba mei einsomkeit
Schweb von jedm ballast und druck befreit
üba mei eigne bequeme longsomkeit.
Bin von da melancholie und dem
sönschmeaz befreit,
hob endlich die vazweiflung valoan
Hob mi von jedm schicksoisschlog und
vom elend befreit,
hob ma söbst an sönfriedn gschwoan
Bin von jeda depression und jedm
tiafstond befreit,
spia kane foitarungen rumoan
Hob mi von diesa sinnlosn obsuadität
befreit, schlogn glei
alarm meine sensoan.
Fühl
mi jetzt endlich wieda ruhig und neutral, hob mit meina innren stimm nua im
flüstaton diskutiat
Hobs
gstäakt und gfestigt mei weatvolle moral, hob mei eigne voastellung von
philosophie einstudiat
Bin
endlich om bodn da realität, siag jeds detail gonz schoaf von nah bis zua
feanen lebnsfront
Spia
wieda so vü gsunde vitalität, übablick mit freundlichn augn mein weidn
horizont.
Fühl
mi jetzt endlich wieda locka und frei, hob net nua klane barriean sondan sogoa
beage vasetzt
Hea
net amoi meah des streitende geschrei, hob diese woahscheinlichkeitsfaktoan
imma untaschätzt
Die
hoffnung woa mei letzta lichtblick, mei trost, die kreativn inspirationen woan
donna und blitz
Hob
mein plotz in da reih scho längst ausgelost, gravia ma auf mein wondastob a
kompliziate notiz.
Des
obmteia ruft, riach den frischn duft, tonz duach föd und woid, die blumenwiesn
stroiht
Suach
die grosse stün, brauch mein eignen wün, lausch in die natua, vafoig mei eigne
spua
Des
kaos beginnt, hob mi jetzt besinnt, öffne jetzt mei sö, draussn wiads wieda hö
Suachs
friedliche end, brauch diesn moment, und da wondastob, klopft tränen auf des
grob.
Schweb zäatlich von weissn woikn liebkost
üba mei eigne zeit und mein eignen raum
Schweb stüamisch von liebe duachdrungen
von da finstanis ins rötliche moagngraun
Schweb in ana woihbehütetn zabrechlichn
kugl üba mei söbstvatraun
Schweb von oin plagn und quoin befreit
üba nocktn tiaf tauchendn meajungfraun.
Bin von jedm kumma und peinigenda
not befreit, mia is endlich da
tiafpunkt entfoin
Hob mi endlich von da manischn
ängstlichkeit befreit,
mei zahme lawin kumt jetzt ins roin
Bin vom pessimismus und da
resignation befreit,
muass jetzt mei neavosität vastreun
Hob mi vom hektischn stress und da
hystarie befreit,
ois negative wiad jetzt zruckproin.
Fliag jetzt mit den woikn um die wett, tränen zaspringen auf an kariatn
hoizbrett
Fliag mit den woikn rund um die wöd, fühl mi so befreit
in dem grossn himmlszöt
Fliag jetzt mit den woikn in mei zeit, tränen tonzn zua musik diesa
traurigkeit
Fliag mit den woikn ins ondre sein, fühl mi so befreit
in dem friedlich woamen schein.
Fühl
mi jetzt endlich wieda hygienisch rein, hob mei vabrauchte oide vawökte zweite
haut abglegt
Hob
eam scho einpflonzt mein sichren zukunftskeim, hob aus dem montl da lügn die
woahheitn glottgefegt
Mei
motivation is wieda seah aktiv, mei gewinnbringendes lächln hot glei jedn
infiziat
Siag
des kommende wieda gonz positiv, hob jedn aufgmuntat, zu meah begeistarung
animiat.
Fühl
mi jetzt endlich wieda ins lot gerückt, hob olle meine sinne auf funktionalität
eaprobt
Hob
die woatezeit mit schwebn übabrückt, woa mit da menschlichn lebnsqualität scho
fost valobt
Meine
gefühle hom si gwundn und dreht, hob meinen fein justiatn instinkten imma scho
vatraut
So
vü vafäabte blätta wuadn vaweht, da wondastob hot scho längst diesn
lebnskreislauf duachschaut.
Des
obnteia vafüaht, hot ois aufgschnüat, sing a liebeslied, bin jetzt mei eigna
schmied
Suach
mei gegnstück, vielleicht hob i glück, brauch diesn ausgleich, in diesm
tränenreich
Die
heilung setzt ein, in dem bewusstsein, öffne jetzt mei heaz, jetzt gehts nua
steu aufwäats
Suach
mei element, brauch diesn moment, und da wondastob, klopft tränen auf des grob.
Schweb vom netz aus weissn woikn
beschützt üba mein eignen raum und mei eigne zeit
Schweb in kristoikloan phantastischn
atmosphäan von ongenehma echtheit
Schweb in ana schillandn hauchdünnen
seifnblosn üba mei endgültigkeit
Schweb von jeda miseare und krise befreit
üba mei eigne lebendigkeit.
Bin vom nihilismus und von da
finstanis befreit,
hob jetzt mei sinnlose hün vagrom
Hob mi jetzt von da klogendn
wehleidigkeit befreit,
bin jetzt endlich völlig autonom
Bin vom fatalismus und von
antipathie befreit,
vasteh endlich den gedonknstrom
Hob mi jetzt von emotionen und
affektn befreit,
jetzt funkioniat ois wieda synchron.
Fliag jetzt mit den woikn um die wett, tränen zaspringen auf an kariatn
hoizbrett
Fliag mit den woikn rund um die wöd, fühl mi so befreit
in dem grossn himmlszöt
Fliag jetzt mit den woikn in mei zeit, tränen tonzn zua musik diesa
traurigkeit
Fliag mit den woikn ins ondre sein, fühl mi so befreit
in dem friedlich woamen schein
Fliag jetzt mit den woikn in mein raum, tränen zafliessn diese foabn in
meim traum
Fliag mit den woikn hinta des licht, fühl mi so befreit
in diesa letztn lebnsschicht.
Schau ealöst und befreit
von meim weissn bett auf di hearob
Blick mit feichte augn
auf des schweigende frisch ausghobne grob
Spüa diese tiafe stille
traua bis zu mein weissn reich
Fühl mi jetzt endlich
ealöst und befreit
in diesm tränenteich.
Fühl
mi jetzt endlich wieda gonz fedaleicht, hob den schwean sta endgültig tiaf
vagrobn und vasenkt
Hob
die besn geista jetzt endlich vascheicht, hob scho vüz vü von meina kostboan
zeit sinnlos vaschenkt
Mei
müdigkeit schloft im rütmus von da nocht, inhalia die kroftstrotzende eneagie
dea sonnenstroihn
Hob
des feia in mia wieda nei entfocht, deaf jetzt wieda intensiv foabnprächtige
büda moin.
~~~~~~~~~~~~~~~~~~~~~~~~~~~~~~~~~~~~~~~~~~~~
Geschrieben am
07./08./09./10./11. März 2016.pk – copyright by philipp kirschner.pk
******************************************************
nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen