399. | Lust

meine lieben leserinnen und leser. seid aufs herzlichste gegrüsst. es ist eine sensation. der 399. text wurde soeben veröffentlicht. ein nicht ganz jugendfreier text muss ich gestehen. aber lest selbst:

>>>>>>>>>>>>>>>>>>>>>>>>>><<<<<<<<<<<<<<<<<<<<<<<<<<

399. | lust.

Dei flüstande stimm haucht ma liebliche woate in mei oah, die earegte gänsehaut vafüaht jedn sensoa

Woat gesponnt mit gschlossnen augn auf d‘nächste inspiration, mei ekstase steht kuaz voa da innren explosion

Deine sinnlich voin lippm küssn mi von kopf und fuss, dei wache zung hintalosst feuchte spuan mit genuss

Dei vafüahrungskunst is meistalich und extraoadinäa, dei qualitative technik is scho legendäa.

Dei ghauchte stimm flüstat ma zäatliche woate in mei oah, hoit die luft on, denn mei heaz trommtl wie a motoa

Woat scho gesponnt auf dei nächste kreative phantasie, mei glühende leidnschoft blitzt scho voa euphorie

Deine lippm hintalossn an kussmund auf meina haut, dei feichte zung entlockt mia an wollüstign laut

Dei valockungstonz stimuliat mi zu jeda togeszeit, dei hauchdünnes neglischee is zu oim bereit.

      Du bringst mi zum schwebm, bei dia valia i des gleichgewicht, a sinnlicha obstuaz is garantiat

      Host ma scho ois gebm, geh zu deim nochhüfeuntaricht, dei lust hot mi scho imma phasziniat

      Und du bringst mi zum glühn, mei vuikan kumt glei zua eruption, a grosses gebiet wiad donn übaschwemmt

      Losst mi wieda aufblühn, tiaf in mia kumts donn zua keanfusion, dei lust hot si imma weida ausdehnt.

Dei vafüahrarischa blick sogt meah ois jeds anzelne woat, schmüz duach dein augnaufschlog dahin und seah weit foat

Deine leuchtenden augn ziehn mi magisch in iahn bann, mei kompass vafoigt dein magnetischn liebesplan

Deine seidig dichtn wimpan betöan duach iah eleganz, dei augnfoab eastroiht in an regnbognglanz

Dei intensiva blickkontakt losst mi voa wollust eastoan, innalich brodlts und kochts, nua aussn wie eafroan

Dei unschuidiga blick züchtigt mi mit peitsche und an stock, lieg unbequem gfesslt üba an hoatn hoizblock

Deine blitzendn augn schüan des feia imma meah on, da brond eskaliat in jedm anzelnen hoamon

Deine longen wimpan umrahmen wie a flügl dei aug, bin mit da impressionistischn augnfoab vatraut

Duach dein giarign augnkontakt bin i pletzlich gonz nockt, ois dein sklavn host mi donn aus da reseave glockt.

Heul zum weissgöbm voimond, vawondl mi in an woif, wea von uatriebm bewohnt, in meina brust steckt a doich

Breite meine schwingen aus, hob di im stuazflug ealegt, trog di donn zu mia noch haus, hob dein widastond zasägt

Moch mi füa di unsichtboa, geh duach jede gschlossne tüa, bin dei oazt und dei mentoa, heasch üba di mit willküa

Jeda schmeaz wiad hia begrüsst, host mi scho gfoitat und quöt, die drogn hobm mi küsst, bei da dosiarung vazöht.

      Du bringst mi zum fliegn, und du wiafst mi aus da umlaufbahn, is a obstuaz in die unendlichkeit

      Imma höha gstiegn, tauch tiaf in deim weitn ozean, dei lust hot mi von jeda wond befreit

      Und du bringst mi zum stroihn, do mei hoibweatszeit is endlos long, a riesiges gebiet wiad donn vaseicht

      Deaf mi wieda bemoin, vaspüa scho an unstüboan drong, dei lust hot fost den höhepunkt eareicht.

            Dei lust is wie a labyrinth, kompliziat komplex, dei lust is genial, mit an instinktivn reflex

            Dei lust is a dichtes geflecht, mit oim vanetzt, dei lust is illegal, hob di om onfong untaschätzt

            Dei lust is a konstruktion, komplex kompliziat, dei lust is exzellent, begnadet und hochtalentiat

            Dei lust is a surrealität, in nebl taucht, dei lust is transzendent, host mi dafüa endlich freikauft.

Dei kuavnreicha keapa signalisiat puare sexsucht, schlof so gean in deina woamen weichn feichtn bucht

Dei hügelige londschoft wiad zum woihgefoamtn gebiag, denn bei dia gibts niemois und niagends an speabeziak

Dei makllos glotte sonnengebräunte somtne haut, hot ma mei fleischliche begiade imma meah aufbaut

Deine peafektn rundungen san übareif und ghean pflückt, bin von deina siassheabm frucht euphorisch entzückt.

Dei athletischa keapa hot a enoame kondition, in unsam hoatn spü bist du des chamäleon

Deine longen beine san zu hundat prozent ausgereift, dei schwungvolla gong hot mei valongen scho eareicht

Deine mähne glitzat und funklt rötlich im sonnenschein, dei animalische figua foit ins ondre sein

Deine proportionen san in jeda hinsicht peafekt, dei schamlose oat hot wieda meine gelüste gweckt.

Vaobscheu des sonnenlicht, vawondl mi zum vampia, frisches bluad wiad zum gedicht, nimm des zaubaelixia

Vabeiss mi in deinem hois, trink mi endlich wieda sott, gestäakt wegn des gebräus, setz dein widastond schachmott

Bei jedm spü moch i mit, jede grenzn glei vablosst, bin dei letztes dynamit, bist so wüd und mia vahosst

Jede wunde wiad begrüsst, betreibst jetzt dei lynchjustiz, die drogn hom mi geküsst, die dosiarung woa a witz.

      Du bringst mi zum wogn, beföadast mi direkt in an stuam, dei intensität bringt mi zum obstuaz

      Woa so woiheazogn, rund um die uah leucht dei liebestuam, dei lust trogt net amoi an lendnschuaz

      Du bringst mi zum glosn, steh kuaz voa ana detonation, a grossflächigs gebiet wiad donn zasteat

      Schenk da so gean rosn, valia auf dia die gravitation, dei lust hot si unendlichmoi vameaht.

            Dei lust is chaos pua, ois auf amoi und gonz oft, dei lust is oaginell, vafüahst jedazeit unvahofft

            Dei lust is a autobahn, jeda reiz rast dahin, dei lust is individuell, host no gnua eneagien

            Dei lust is a meistaweak, artistische technik, dei lust is extravagant, einfoisreich mit dynamik

            Dei lust is a visionära traum, in nebl taucht, dei lust is fulminant, host mi dafüa endlich freikauft.

                  Bin dei weatonlage, dei besitz und dei eigntum, bin dei leibeigena und dei heiligtum

                  Dei lust valeiht ma krotza, schnitte, risse und blessuan, dei lust hintalosst auf mia iahre gwissn spuan

                  Bin dei eafindung, dei schöpfung, dei eigne kreation, bin dei artefakt und dei investition

                  Dei lust valeiht ma schrommen, striemen und schwärende stich, dei lust hintalosst auf mia feine rote strich.

Dei englhofte eascheinung foadat obsolute stün, dei weissliche aura bricht endlich mein frein wün

Dei präsenz wiakt unhamlich mystisch und earotisch zugleich, dei masochistische besessnheit is so reich

Dei unbewusst triebhofta duft losst ma goa ka ondre woih, mei hian schoit si ob, da öfte finga mutiat zu stoih

Dei gegnwoat vadreht mein vastond um hundatochzig grad, dei spieglbüd woat auf mi auf unsam longen pfad.

Dei feengleiche eascheinung tonzt impulsiv on da stong, dei professionalität intensiviat mein drong

Dei wüaziges aroma hot a grosse onziehungskroft, ziag wie in trance in die sexistische liebesschlocht

Dei provokatives vahoitn losst ma afoch ka ruah, find bei dia a hochexplosive wüde kultua

Dei frivolität losst bei mia die vulgäan hülln foin, und scho kumt die süchtige lawin wieda ins roin.

Bei sonnen- und mondfinstanis, wiast du des opfalomm, kenn jetzt dei beichtgeheimnis, moch weita im meim programm

Schrei voa lust und schlog fest zua, da kopf hüpft d‘stufn hinob, da schottn leist donn an schwua, dei widastond is dei grob

Foig meim voagegebnen weg, jede kreizung wiad negiat, nimm die kuavn ins gebet, hob di afoch dominiat

Jede noabm wiad begrüsst, host die fädn in da hond, die drogn hom mi geküsst, die dosiarung woa a schond.

      Du bringst mi zum gleitn, schleudast mi komplett aus meim lebm, mei obstuaz is scho längst voaprogrammiat

      Wüst dein kreis no ausweitn, muasst no den schwean onka hebm, dei lust hot bei mia imma funktioniat

      Du bringst mi zum brennen, mei immunsystem is ziemlich gschwächt, des endlos weite gebiet geht donn zgrund

      Muass mi von dia trennen, sunst host di on mia pletzlich gerächt, dei puare lust is no long net vastummt.

            Dei lust kennt ka gesetz, is die reinste anarchie, dei lust so aggressiv, do gibts afoch ka symmetrie

            Dei lust is a offnes mea und hot riesige wön, dei lust is auch sensitiv, wüst iah stäakn no eahöhn

            Dei lust is dei eafindung, host scho längst a patent, dei lust mocht atemlos, bis ins winzigste element

            Dei lust is a fiktiva wahn, is in nebl taucht, dei lust is rigoros, host mi dafüa endlich freikauft.

                  Bin dei weatonlage, dei besitz und dei eigntum, bin dei leibeigena und dei heiligtum

                  Dei lust valeiht ma krotza, schnitte, risse und blessuan, dei lust hintalosst auf mia iahre gwissn spuan

                  Bin dei eafindung, dei schöpfung, dei eigne kreation, bin dei artefakt und dei investition

                  Dei lust valeiht ma schrommen, striemen und schwärende stich, dei lust hintalosst auf mia feine rote strich.

                        Injizia ma deine eignen drogn, hoit di jo net zrück, entfoit dei lust noch meim drognvabrauch

                        Brauch jetzt wiaklich kane psychologn, leb mit dia im glück, möd mi freiwillig zu deim amoklauf

                        Besoag mas mit oi deina raffiness, bin jo dei produkt, dei lust findt scho von gonz alla ia zü

                        Mei käfig woa scho mei gebuatsgefäss, hob nie meah aufgmuckt, mei gonze wöd is dieses ewige spü.

Dei flüstande stimm haucht ma liebliche woate in mei oah, die earegte gänsehaut vafüaht jedn sensoa

Woat gesponnt mit gschlossnen augn auf d‘nächste inspiration, mei ekstase steht kuaz voa da innren explosion

Deine sinnlich voin lippm küssn mi von kopf und fuss, dei wache zung hintalosst feuchte spuan mit genuss

Dei vafüahrungskunst is meistalich und extraoadinäa, dei qualitative technik is scho legendäa.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 10./11./12./13. Dezember 2016.pk 

copyright by philipp kirschner.pk. 13. dezember 2016

***************************************************

es macht mich irgendwie traurig. nur noch ein text. dann habe ich wirklich 400 texte geschrieben.
das erste buch heisst: herbstlaubsteinblätter; das zweite buch: tränenmeerruine und das dritte buch soll wie folgt heissen: nebelberggräber.

habe die ersten zwei bücher selbst binden lassen und habe sie meiner familie und verwandten verschenkt.

werde auch diesmal das buch binden lassen. aber bis zur vollendung wird es noch einige wochen, monate dauern.

aber natürlich werde ich weiterhin auf meinem blog die texte veröffentlichen, damit euch nicht langweilig wird.

in diesem sinne wünsche ich euch noch ein angenehmes lesevergnügen.

nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.