354. | eisstuam.

meine lieben, treuen und braven textmaniacs. in diesem jahr 2016 darf ich euch noch einen text präsentieren, der da lautet: eisstuam.

bedanke mich sogleich bei euch für euren besuch und euer interesse. wünsche allen einen guten rutsch und ein jahr 2017 voller liebe, freude, glück, gesundheit. aber leider wird es wie immer auch negatives geben. da müssen wir alle durch. bleibt stark und denkt daran. gemeinsam schaffen wir es.

>>>>>>>>>>>>>>>>>>>><<<<<<<<<<<<<<<<<<<<<<<<<<

354.     Eisstuam.

Lieg im schottn untam uaoidn baum, auf an poista aus weichn moos, und lausch dem flüstan vom plätschandn boch

Wüazige gerüche wehn in mein traum, heabeitrogn duach an windstoss, und belausch des raschlnde blättadoch

Die tiare büdn scho um mi an kreis, schnuppan, riachn ind frische luft, kommunizian in iahra eignen sproch

Wittan a woikn aus kronkem ongstschweiss, schnüffln om siassn blumenduft, und grobn gemeinsom a tiafs eadloch.

Schlof friedlich im schottn unta diesm baum, sonft gebettet auf moos und gras, woam zuadeckt mit buntem vawöktem laub

Vaschwommne büda treibn in mein traum, eainnarungen im zeitmass, zafoin schnö zu feinem rieslnden staub

A schwoaze woikn schickt an grön blitz, da donna dröhnt laut auf des grob, pletzlich züngln hohe flommen empoa

Da regn löscht wieda seinen besitz, die asche quoimt und raucht im lot, mond und stean leuchtn auf des lebnstoa.

      Leis und socht schnein grosse dicke flockn auf baum, boch und grob mit grazila elegonz

      Legn a fein vawobnes weisses tuch üba die natua mit funknsprühendem glonz

      Koid und zoat schnein milliadn flockn aus übafülltn woikn vom beag bis ins toi

      Do wonn da eisstuam ohne voawoanung zuaschlogt, hom die gedonkn goa ka ondre woih.

Fliag im schottn da woikn übas mea, berüah hohe schäumende wön, und tauch bis zum finstastn mearesgrund

Geniess diese stün so unendlich lea, wüad mi gean zu an licht gesön, schweb duach raum und zeit wie a vagabund

In diesn tiefn existiat lebn, hot si scho übaroi breit gmocht, beobocht wies hearonwoxt und gedeiht

A teu von mia mecht eana vü gebn, entzünd diesn geschwächtn docht, hob jetzt hia den funkn hoffnung befreit.

Loss mi treibn duach diese neblwond, olle foabn spün hia varuckt, pletzlich eakenn i nua no schwoaz und weiss

Schau gonz voasichtig üban hohn rond, hob mi on da woahheit vaschluckt, entdeckt hob i jetzt den letztn beweis

Des poatal in a ondre dimension, steht weit offn füad letzte foaht, des schicksoi hot die einlodung vaschickt

Vainnalich mia diese impression, brauch auf diese frog ka ontwoat, im labyrinth vom sönhondl vastrickt.

Bin gfongen in diesm strom aus valoanen sön, konn mi aus diesm kroftvoin sog net meah befrein

Bin gfesslt on den tobendn wütenden wön, konn diese eneagien voneinonda net entzwein

Bin in dem tunnl zua nächstn stufn eingspeat, konn diese imaginäa fremde wöd net beschreim

Bin auf diesa ebene glei wieda umkeaht, mei easta fluchtvasuach varotn, woa net geheim.

      Socht und leis schnein grosse dicke flockn auf grund und bodn mit zialich edla onmut

      Kleidn die natua in a detailliats weisses gwond mit ana blendend glitzandn flut

      Zoat und koid schnein milliadn flockn aus voibesetztn woikn vom toi bis zum beag

      Do wonn da eisstuam mit volla wucht zuaschlogt, spian die gedonkn des zweischneidige schweat.

            Da eisstuam übaziagt die lebnsbüda mit ana dickn schicht aus vagessnheit

            Da eisstuam losst die togebiacha eastoan, zaspringen in scheabn aus gleichgültigkeit

            Da eisstuam bestreicht diese lebnsgschichtn mit ana dickn schicht aus scheinheiligkeit

            Da eisstuam losst die aufzeichnungen gefrian, explodian in splitta aus vagänglichkeit.

Sitz in an stroih von da wäamenden sunn, auf an mantl aus reinem licht, und schaukl meditiarend voa und zrück

Mi umhüllt a buntes foabnspektrum, auf jeds detail hob i einsicht, bod jetzt im reinen voikommenen glück

Die woame luft trogt mein kloan vastond, spia die lodung gonz intensiv, jeds molekül voa earegung vibriat

Zöh jeds anzelne sondkoan von dem strond, fühl mi lebendig und aktiv, hob mit mond und stean no philosophiat.

Vasink kuazzeitig in da finstanis, klane phobien klopfn scho on, vatreib die panik mit mein siebtn sinn

Do zvü grosse lückn im gedächtnis, iagendwos läuft net meah synchron, und treibt mi in den sölischn ruin

Die leare vagrössat scho iah gebiet, behoat aufs eaobate reich, do sie vastösst gegn recht und gesetz

Valongt füa iah foisches spü scho eintritt, woa a peafekta geniestreich, vafong mi in dem eng geknüpftn netz.

Bin gfongen in diesm zähn fluss ohne heaz, konn mi aus diesm wüdn wiablstuam net befrein

Bin gfesslt mit haut und hoa, mit mia gehts obwäats, konn ma mei zukunft zu hundat prozent prophezein

Bin in dem künstlichn kanal scho long eingspeat, konn die wian halluzinationen net vatreim

Bin auf diesm plateau glei wieda umkeaht, do a mei zweita fluchtvasuach woa net meah geheim.

      Stü und sonft schnein grosse dicke flockn auf föd, flua und woid mit vazaubatn liebreiz

      Vapockn die natua mit an schilland weissn übazug im eadgebundnen diesseits

      Zahm und eisig schnein milliadn flockn aus dichtgedrängtn woikn von noad bis süd

      Do wonn da eisstuam wie ausm nix zuaschlogt, valian die gedonkn den zabrochnen schüd.

            Da eisstuam vakleidet die lebnsberichte mit ana dickn schicht aus bittakeit

            Und da eisstuam losst die rückblendn eastoan, zabeastn in trümma aus feindseligkeit

            Da eisstuam beschmiat die lebnsobschnitte mit ana dickn schicht aus gehässigkeit

            Da eisstuam losst die manuskripte einfrian, detonian in bruchstücke aus grausamkeit.

                  Denn jeda stean schickt seine stroihn in unsre sö, damits den weg ins licht findt

                  Do da eisstuam konsaviats tiefkühlt auf da stö, damit dieses licht net gwinnt

                  Denn jeda stean wäamt unsre sö mit iahra kroft, damits licht den weg ealeucht

                  Da eisstuam hots mit mumifiziarung bestroft, damit hot as licht vascheucht.

Streck und dehn mi heazhoft long in meim bett, geniess die beruhigende stün, und lausch da melancholischn musik

Ziag vaspüt die figuan übas schochbrett, opfa rücksichtslos gonz tollkühn, und beheasch sogoa die obweahtechnik

Do die komplikationen eskalian, a enge feichte lean zafliesst, mit chemisch physikalischa logik

Konn auf die föhla net meah reagian, die fahne is scho längst gehisst. hobs vaföht mei defensive taktik.

Schlumma geboagn in an fremdn bett, geniess diese friedliche ruah, und lausch ondächtig dem glockngeläut

Mei zittrige hond hoit mei amulett, foig diesa unsichtboan spua, hob den letztn schwierign gong net gscheut

Die kistn steht untam uaoidn baum, wach gebettet auf moos und gras, und woat auf die wüazige mutta ean

Foi tiaf in an ewig währenden traum, brauch ka koatn meah, kan kompass, deaf jetzt endlich zu eich oin hamkeahn

Grelle blitze zuckn om firmament, da donna dröhnt aufs frische grob, die flommen tonzn zünglnd hoch ind luft

Schwoaze woikn tränen gonz ungehemmt, die asche quoimt und raucht im lot, mond und stean leuchtn traurig bis ind gruft.

Bin gfongen in ana schlammig chronischn flut, konn mi aus diesm blankn chaos net meah befrein

Bin gfesslt in da heissn, koidblütign glut, deaf die schmeazn eatrogn, muass mi söbst hoat kastein

Bin in da untaiadischn höhle eingspeat, konn die vün fataln phantasien net zareim

Bin auf diesm hohn lond glei wieda umkeaht, woa beim letztn fluchtvasuach endlich wieda daheim.

      Sonft und stü schnein grosse dicke flockn auf bett, soag und grob mit glänzend gleissenda procht

      Tarnen die natua mit an schimmand weissn kleid in ana steanenkloan voimondnocht

      Eisig und zahm schnein milliadn flockn aus ausgebuchtn woikn von ost noch west

      Do wonn da eisstuam uneawoatet zuaschlogt, bekommen die gedonkn den letztn rest.

            Da eisstuam übaschüttet die lebnsadan mit ana dickn schicht aus kränklichkeit

            Da eisstuam losst des ondenkn eastoan, zaplotzn in bruchstücke aus mutlosigkeit

            Da eisstuam vaunreinigt den lebnswün mit ana dickn schicht aus sinnlosigkeit

            Da eisstuam losst die chronikn gefrian, zafoit in a ruine aus vagänglichkeit.

                  Denn jeda stean schickt seine stroihn in unsre sö, damits den weg ins licht findt

                  Do da eisstuam konsaviats tiefkühlt auf da stö, damit dieses licht net gwinnt

                  Denn jeda stean wäamt unsre sö mit iahra kroft, damits licht den weg ealeucht

                  Da eisstuam hots mit mumifiziarung bestroft, damit hot as licht vascheucht.

                        Treib ufalos im eisstuam umhea, denn i hob mei zü no long net eareicht

                        Mei kroftlose sö trogt scho so schwea, woa füa diese weite reisn net geeicht

                        Da eisstuam mocht mi blind, stumm und taub, die eisige kötn hot mi berüaht

                        Mei gschwächte sö hot kan meah vatraut, da eisstuam hot kane gfühle meah vaspüat.

Lieg im schottn untam uaoidn baum, auf an poista aus weichn moos, und lausch dem flüstan vom plätschandn boch

Wüazige gerüche wehn in mein traum, heabeitrogn duach an windstoss, und belausch des raschlnde blättadoch

Die tiare büdn scho um mi an kreis, schnuppan, riachn ind frische luft, kommunizian in iahra eignen sproch

Wittan a woikn aus kronkem ongstschweiss, schnüffln om siassn blumenduft, und grobn gemeinsom a tiafs eadloch.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 11./12./13./14. Februar 2016.pk – copyright by philipp kirschner.pk

******************************************************

nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.

355. | Ungelöst

meine lieben. hier sogleich der nächste text für euch, damit ihr wieder etwas zu lesen habt.
ein grosses dankeschön an euch für eure treue und euren besuch. es freut mich ungemein, dass dieser blog euch gefällt. hier nun der text:

>>>>>>>>>>>>>>>>>>>>>>>>>>>>>><<<<<<<<<<<<<<<<<<<<<<<<<<<<<<

355. | ungelöst.

Seah stoak vawittat und tonnenschwea bedeckt, hom si vasteinate knochn tiaf in da ean vasteckt

Diese spezies is völlig unbekonnt, des long vamisste bindeglied zwischn wossa und lond

Die mutta eadn gibt den schotz no net preis, mit diesm sensationelln fund schliesst si donn da kreis

Voa joahmillionen is es zu stein mutiat, do die vagessnheit hot die reine woahheit negiat.

Stoak vawittat, ausgwoschn und moosbedeckt, hot si diesa uaoide sta unta vü laub vasteckt

Ma konn die inschrift net meah spian oda sehn, diesa fost unsichtboare sta muass si söba umdrehn

Diesa klane hügl aus blättan und ean, mecht sogean seim geheimen schotz no long zuflucht gewäahn

Voa joahtausendn wuade es in stein graviat, do die vagessnheit hot die reine woahheit negiat.

      So vü wissn schlummat no vaboagn und unbemeakt voa unsam vastond

      So vü mysterien existian direkt voa unsam aug, voa unsra hond

      So vü weisheit steckt in diesa natua, im unendlichn universum

      So vü rätsl bleibm ungelöst, vielleicht sogoa bis ins nächste millenium.

Tief gekühlt vom metahohn eis bedeckt, hot si diese mumie voa da gegnwoat vasteckt

Aus diesm tiafn schlof wocht ea net meah auf, denn sei tod beendete sein vüz kuazn lebnslauf

Sei letzte ruhestätte bewocht eam gut, die grobbeigobn leuchtn und stroihn im licht, in da glut

Voa joahtausendn wuade ea einbalsamiat, do die vagessnheit hot die reine woahheit negiat.

Eafroan in eisiga höh vom schnee bedeckt, hot si a einsoma mönch voa da tyrannei vasteckt

Die vafoiga hom die suche scho längst aufgem, die schwoazn woikn raubtn eana iah böshoftes lem

Da weise monn flieht no imma in seim traum, sei geheimnis bleibt auf ewig gfongen in diesm raum

Voa joahhundatn homs die weisheit liquidiat, und die vagessnheit hot die reine woahheit negiat.

Mecht endlich den unbeontwoatetn frogn, ohne ausred a kloas eagebnis präsentian

Mecht jetzt endlich den unschuidign onklogn, ohne voauateil den prozess manipulian

Mecht jetzt endlich den sinnlos valebtn togn, ohne sanktionen die lebnsfreude spendian

Mecht endlich dem ewign hintaheajogn, ohne umschweife die beute eliminian.

      So vü wissn liegt no guad getarnt und scho fost unsichtboa auf unsra haut

      So vü mysterien existian direkt voa unsra hond, voa unsam aug

      So vü weisheit steckt im unendlichn univeasum, in diesa natua

      So vü rätsl bleibm ungelöst, scheinboa find ma niemois davon a spua.

            Wia eafoaschn ois bis zum winzigstn atom, und stoan staunend in die unendlichkeit

            Unsa vastond läuft mit da zeit net meah synchron, jeds passlteil valiat sei hoitboakeit

            Wia kennan unsan wissnsdrong net meah zruckdrehn, so vü woahheitn homma scho entblösst

            Suachn vazweiflt nochm sinn in unsam lem, do vü geheimnisse bleim ungelöst.

Vom dichtn dschungl übawuchand bedeckt, hom si die uaoidn steinruinen voa uns vasteckt

Spian diese unduachdringliche dunklheit, riachn und schmeckn diese unberüaht rohe wüdheit

Riesige wuazln hom ois giarig vaschluckt, nua diese vasunknen schätze bleibm unbeeindruckt

Voa joahundatn woa jeda sta glott poliat, do die vagessnheit hot die reine woahheit negiat.

Vom metahohn betonbodn bedeckt, hom si tausende grosse und klane knochn vasteckt

Schrein iahre klogn ungehöat duach die wond, des unsichtboare gas bricht afoch jedn widastond

Die steane san längst varottet und vafault, dem braunen kriag wuade da heile sieg grod no vagrault

Voa joahzehntn wuadn opfa exekutiat, nua die vagessnheit hot die reine woahheit negiat.

Mecht endlich dem guadn wundascheenen moagn, ohne foischheit den sochvahoit analysian

Mecht endlich den plogendn eansthoftn soagn, ohne valognheit die wiaklichkeit seavian

Mecht endlich dem bestialisch wüdn moadn, ohne groll des friednsongebot offarian

Mecht endlich den flüchtendn vafoigtn hoadn, ohne umweg ind neie heimat einquartian.

      So vü wissn schloft no tiaf und fest mit oiptraim gespickt voa unsra tia

      So vü mystearien existian direkt voam fensta, voam revia

      So vü weisheit steckt im mikrokosmos, in jedm klanstn lebendign kean

      So vü rätsl bleibm ungelöst, vielleicht loss ma uns deshoib net beleahn.

            Denn wia studian die winzigstn materien, und staunen üba die unendlichkeit

            Unsa horizont stösst on begrenzte linien, des mosaik valiat sei echtheit

            Wia kennan unsan wissnsduascht net meah gonz stün, zvü woahheitn homma uns scho eingflösst

            Suachn scho vazweiflt noch unsam frein wün, do vü geheimnisse bleim ungelöst.

                  So vü is no ungelöst, is offn, unvoiendet, lücknhoft, so vü is no ungekläat

                  So vü bleibt no ungelöst, bleibt no unobgschlossn, ungewiss, so vü is no stoak vazeat

                  So vü scheint no ungelöst, scheint offn, unvoikommen, net gereift, so vü is no fest vaspeat

                  Denn so vü is no ungelöst, is net komplett, is no ungenügend, so vü is no gonz vakeaht.

Im dochbodn von an leintuach bedeckt, hom si hinta vastaubtn möbln büda guad vasteckt

Leuchtend kräftige foabn suachns licht, brauchn den augnkontakt von an kunstveasiatn gsicht

Is a föschung oda original, ka expeate eakennt technik odas material

Voa joahzehntn wuadns peafekt kopiat, do die vagessnheit hot die reine woahheit negiat.

Im kella von da zweitn wond vadeckt, hom si drei junge fraun füa peavease spiele vasteckt

Iah geschrei und gestöhn hot kana gheat, hom si nie üba diese sadistischn trieb beschweat

Da tägliche besuch woa gottgewoit, do gott hot eam pletzlich ohne voawoahnung zu si ghoit

Voa a poa joahn is a vüz fruah om krebs krepiat, und die vagessnheit hot die reine woahheit negiat.

Mecht endlich die fädn mitanond vaknotn, ohne föhla an glottn teppich produzian

Mecht endlich die äussastn grenzn auslotn, ohne suchtgefoah diesn nächstn sprung riskian

Mecht endlich von den letztn moaschn rettungsbootn, ohne schlechts gwissn die zwa ruda ausprobian

Mecht endlich den scheinheilign anekdotn, ohne humoa den eanst da lage konkretisian.

      So vü wissn ruht no tiaf vagrobn, mit euphorie woat ea auf sein fund

      So vü mysterien existian direkt auf unsam bodn, auf unsam grund

      So vü weisheit steckt in jedm klanstn lebendign kean, im mikrokosmos

      So vü rätsl bleibm ungelöst, des lebn schmiedet si söba aufm amboss.

            Wia obseavian die winzigstn teilchen aus kroft, und vaian uns in da unendlichkeit

            Unsre intelligenz hot si donn söbst bestroft, des dichte neavnnetz valiat den streit

            Wia kennan unsan wissnshunga net vatreim, diese woahheitn hom uns nua vatröst

            Suachn scho vazweiflt nochm lebnsbaustein, do vü geheimnisse bleibm ungelöst.

                  So vü is no ungelöst, is offn, unvoiendet, lücknhoft, so vü is no ungekläat

                  So vü bleibt no ungelöst, bleibt no unobgschlossn, ungewiss, so vü is no stoak vazeat

                  So vü scheint no ungelöst, scheint offn, unvoikommen, net gereift, so vü is no fest vaspeat

                  Denn so vü is no ungelöst, is net komplett, is no ungenügend, so vü is no gonz vakeaht.

                        A komet küsst donn unsre wöd, trotzdem hots dieses kaos übalebt

                        Da mensch stiabt donn aufm schlochtföd, trotzdem kniet a si hin zum stün gebet

                        Dwoahheit bleibt weitahin vaschoin, trotzdem zastean wia unsan lebnsbaum

                        Kennan die zeit net meah zruckhoin, drum bleibt des wissn ungelöst wie a traum.

                              Und da mond zeigt sei volles gsicht, trotzdem hot a uns no goa net ausglocht

                              Da mensch valiat scho sei gleichgwicht, trotzdem wieda aufgstondn, weidagmocht

                              Die woahheit is vüz kompliziat, trotzdem zastean wia unsan lebnsschüd

                              Hom die zeit foisch intapretiat, drum is des wissn ungelöst vaglüht.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Geschrieben am 15./16./17./18. Februar 2016.pk – copyright by philipp kirschner.pk

******************************************************

nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.

und hier wieder die üblichen links:

übersicht band 2

übersicht band 4 und band 3

facebook

twitter

google+

literatpro - meine gedichte band 2

danke für alles. und ich habe noch eine grosse bitte.

bleibt mundartig gesund und bleibt mir weiterhin gewogen.

euer philjazzmetal, dialectiloquax, der mundartige.

356. | Valogne woahheitn.

mein treuen und braven, liebe textmaniacs. nach nur einem tag pause, könnt ihr schon den nächsten "reinziehn". ich meine natürlich den nächsten text. habt sogleich dank für euren besuch und eure treue. hier ist er nun auch schon:

>>>>>>>>>>>>>>>>>>>>>>>>><<<<<<<<<<<<<<<<<<<<<<<<<

356. | valogne woahheitn.

Dunklgraue bis tiafschwoaze woikn tüamen si zu gewoitiga grösse direkt üba mia auf

Vafoign mi scho seit meina gebuat duach mei gonzes chaotisches lebn in an neblign rauch

Panisch lähmende ängste beschleichn mein vastond und quön mei geschwächte sö bis zu an amoklauf

Stüaz in a nie endendes loch ohne bodn, ohne iagendan hoit, spia nua diesn eiskoidn hauch.

Dunklgraue bis tiafschwoaze woikn eadrückn meine mutign obweahkräft afoch spielend leicht

Jogn mi scho seit meina gebuat duach mei kronkes lebn, damit mei freia geist des zü nie eareicht

Fuachtearegende oiptraim halluzinian scho om tog voa meine augn, hom mei topfakeit vascheicht

Foi in a sinnlose unendlichkeit ohne iagenda licht om end vom tunnl, dea die stroihn mitschleift.

      Die krise spitzt si jetzt schee longsom zua, schweisspealen rinnen ma scho übas gsicht

      Die stufn meina bewusstseinsstruktua, zabröckln und schmözn unta mein gwicht

      Die gfoah vaschäaft si bis zua explosion, da fluchtweg füaht direkt ins tote end

      Die säuln da gedonknkonstruktion, schleudan valogne woahheitn ins fiamament.

Dunklgraue bis tiafschwoaze woikn wütn stüamisch tobsüchtig und rasend genau üba mein kopf

Hetzn mi mit donna und blitz vamischt mit ana regnflut von an hexnkessl in an kochtopf

Kollabia ständig on ana übadosis schockonfoi und druck scho vazweiflt auf den rotn knopf

Vasink im unhamlichn loch ohne wond, ohne widastond und eatrink im undichtn futtanopf.

Dunklgraue bis tiafschwoaze woikn wean von koidn und heissn luftmassn zum oakan transfoamiat

Bewegt si brausend um die eigne achse und ziagt dröhnend sei deutliche spua bis ea on kroft valiat

Pockt mi brutal mit volla wucht und schleudat mi duach zeit und raum bis ea si donn wieda stabilisiat

Stoipa üba meine eignen fiass in a obsuade foin, die mi onlächlt, foitat und malträtiat.

Bin a gfongena in mein eignen leib, dazu vadommt füa olle ewigkeit, bin wieda auf da flucht

Hoss intensiv mei eign fleisch und blut, spring übas feia und tonz in da glut, lond wieda in da schlucht

Vaobscheu mein wuchs, mei figua, mei gstoit, hob eam mit buntn tatoos übamoit, schwimm friedlich in da bucht

Hob endlich mei steabliche hülln obglegt, hob ma mein keapa no moi guad einprägt, woa a giftige frucht.

      Die misere kumt nua sötn allein, mei gesomta koapus zittat und bebt

      Meine instinkte san gmeisslt in stein, san mit da weisheit kompliziat vaklebt

      Des risiko mutiat zua eruption, die hinweisschüda san foisch und vakeaht

      Olle teile da kettnreaktion, hom si von den valognen woahheitn eanäaht.

            Imma wieda steh i voam gleichn problem, kana eakläat ma dieses lem

            Nua valogne woahheitn wean ma donn eazöht, find dieses lem afoch übahöht

            Imma wieda glaubt wea, ea is da mittlpunkt, do kana hot dazwischngfunkt

            Nua valogne woahheitn strömen auf an ein, des ego is wichtiga ois des sein.

Dunklgraue bis tiafschwoaze woikn san von iahra traua übawötigt und tränen si gonz lea

Treibm mi in den einpfeachtn hintagrund, aussahoib vom frein horizont eawoat i dei rückkeah

Bestialische schmeazn hämman mit nägln in mei hian, wea söba scho taub von mein eignen gepläa

Schlitta direkt ins klaffende loch ohne obaren rond, vagiss gänzlich auf a hoate gegnweah.

Dunklgraue bis tiafschwoaze woikn reinign die vaschmutzte atmosphäan ohne an kompromiss

Vascheuchn meine scheenen gedonkn und eainnarungen, zruck bleibt nua vawüstung mit fümriss

Ausgrottete und ausglöschte seitn vom lebnsbuach vaschwindn ungelesn in da finstanis

Entgleis bei volla gschwindigkeit ohne sichaheitsguat und wunda mi üba des schlechte eagebnis.

Bin a geisl in mein uaeignen leib, dazu vadommt füa die unendlichkeit, lauf dem schicksoi davon

Mei oaganismus is ma so vahosst, die vün krotza san schoaf gwüazt mit rost, treffn den echtn ton

Vaobscheu mei gstoit, mein wuchs, mei figua, hot a vüz kompliziate struktua, bin a friedliche peason

Hob endlich mei steabliche hülln obglegt, hob ma mein keapa no moi guad einprägt, des gift valief synchron.

      Da wendepunkt hot donn die tüa zasteat, des graun mocht si in mia scho long und breit

      Mei lebnseafoahrung hot nua no great, asche und staub woan amoi a einheit

      Die hüadn füahn donn zua detonation, des echo zadruckt die wön da vanunft

      Des spü diesa phantasiefoamation, is on den valognen woahheitn obgestumpft.

            Imma wieda steh i voa da söbm aufgob, schnitz ma an eignen lebnsstob

            Nua valogne woahheitn wean im buach beschriem, diesa stob hot mi weida triem

            Imma wieda glaubt wea, ea steht kloa im zentrum, do kana eakennt den iatum

            Nua valogne woahheitn übaroin des lem, kennan nua foische ontwoatn gem.

                  Valogne woahheitn zastean jede hoffnung auf a wiedagebuat

                  Valogne woahheitn vameahn höllische schmeazn beim letztn endspuat

                  Valogne woahheitn vanichtn den glaubn ons lebn nochm tod

                  Valogne woahheitn earichtn a riesige maua rund ums grob.

Dunklgraue bis tiafschwoaze woikn umrundn unsan planetn mit unglaublicha gschwindigkeit

San auf da suche noch mein geist, noch meina sö, schwebt in ana zwischnwöd umhea, eingspeat in da zeit

Aveasionen pumpm ekl und obscheu in an kolossaln kessl aus offna feindseligkeit

Greif unbehoifn in die unsichtboa eiskoide luft und eawisch grod no den lichtstroih aus vatrautheit.

Dunklgraue bis tiafschwoaze woikn tüamen si wieda zu gewoitiga grösse üba mia auf

Vafoign mi scho seit meina gebuat duach mei gonzes kaotisches lebn in an neblign rauch

Panisch lähmende ängste beschleichn mein vastond und quön mei geschwächte sö bis zu an amoklauf

Stüaz in a nie endendes loch ohne bodn, ohne iagendan hoit, spia nua diesn eiskoidn hauch.

Bin a sklave füa mein uaeignen leib, dazu vadommt füa die zeitlosigkeit, brauch dringend a vasteck

Hob meine komposition scho so sott, diese groteske grenzt scho on varot, da ollaletzte dreck

Vafluach laut mei figua, mei gstoit, mein wuchs, vauateil olle wegn treuebruchs, find kan friedlichn fleck

Hob endlich mei steabliche hülln obglegt, hob ma mein keapa no moi guad einprägt, des gift eafüllt sein zweck.

      Die vablendung zakleinat des vatraun, die wiaklichkeit zafliesst zu zähn brei

      Mei konzentration wiad net meah auftaun, vafoi in a sinnlose litanei

      Die barriean föadan scho die implosion, die resonanz hot den stüstond eareicht

      Übawind endlich die gravitation, nua die valognen woahheitn bleibm geeicht.

            Imma wieda steh i voa diesa diskrepanz, vabrauch scho zvü lebnssubstanz

            Nua valogne woahheitn wean niemois zalegt, da inhoit wuade scho obgsägt

            Imma wieda glaubt wea, die kreuzung is a spü, do kana vasteht dieses zü

            Nua valogne woahheitn duachdringen zum schein, heaz und sö vaschmözn zu stein.

                  Valogne woahheitn zastean jede hoffnung auf a wiedagebuat

                  Valogne woahheitn vameahn höllische schmeazn beim letztn endspuat

                  Valogne woahheitn vanichtn den glaubn ons lebn nochm tod

                  Valogne woahheitn earichtn a riesige maua rund ums grob.

                        Die valognen woahheitn beseitign nua auf befö die tödliche stün

                        Die valognen woahheitn kennen donn wieda woxn, gedeihn und gonz aufblühn

                        Die valognen woahheitn gewäahn nua auf befö a gültige amnestie

                        Die valognen woahheitn eantn die kroftreseavn, die letzte eneagie.

                  Valogne woahheitn zastean jede hoffnung auf a wiedagebuat

                  Valogne woahheitn vameahn höllische schmeazn beim letztn endspuat

                  Valogne woahheitn vanichtn den glaubn ons lebn nochm tod

                 Valogne woahheitn earichtn a riesige maua rund ums grob.

Geschrieben am 22./23./24./25. Februar 2016.pk – copyright by philipp kirschner.pk 

**************************************

nun dürf ihr wieder einige zeit ausruhen. aber seid gewiss, der nächste text harrt bereits auf seine veröffentlichung.
___________________

hier meine links:

www.facebook.com/philjazz

twitter.com/philjazmetlyric

https://plus.google.com/u/0/104160599138757338426

danke.
euer phil